Terminal i ri pasagjeresh ne portin e Durresit.

[DYDRINAS]

Hapet Tenderi Nderkombetar per Ndertimin e Terminalit te Ri te Pasagjereve ne Portin e Durresit



Ministria e Puneve Publike, Transportit dhe Telekomunikacionit, Banka Europiane per Rindertim dhe Zhvillim, BERZH, dhe Banka Europiane per Investime, BEI, shpallen sot hapjen e Tenderit Nderkombetar, prej 40 Milione Euro, per “Ndertimin e Terminalit te Trageteve dhe sheshet perreth tij, ne Portin e Durresit.”

Kjo veper e madhe publike synon modernizimin e Portit te Durresit, i cili ka nje rendesi jetike jo vetem per qytetin, por ka nje rendesi jetike per te gjithe zhvillimin e vendit. Ky terminal do t’i jape Portit dhe Durresit, dhe mijera shqiptare dhe te huaj qe levizin ne drejtim te Italise dhe Perendimit me det dhe hyjne ne Shqiperi nepermjet kesaj porte, modernitetin, komoditetin dhe lehtesirat qe meritojne.

Ky investim i Ministrise se Puneve Publike, Transportit dhe Telekomunikacionit do te lejoje per here te pare modernizimin e kesaj strukture vitale per portin dhe do te konsistoje ne:

- Ndertimin e Terminalit te Pasagjereve
- Rehabilitimin e infrastruktures lidhese
- Masa per pajisjen me elemete sigurie per anijet traget
- Rehabilitimin e Terminaleve 7 dhe 8
- Ndertimin e nje rruge per aksesin ne Terminalin e Pasagjereve
- Punime te tjera per permiresimin e infrastruktures dhe sherbimeve per pasagjeret





Vlera e ketij projekti parashikohet te jete 40 Milione Euro

Parashikohet qe investimi i Terminalit te Pasagjereve te nise ne fillim te vitit 2007.

Ne kete terminal parashikohet qe te hyjne dhe te dalin mbi 1 Milione pasagjere ne vit.

Terminali i Pasagjereve eshte nje objekt i rendesishem per rritjen e kapaciteteve dhe standarteve te operimit te ketij Porti, i cili do te permiresoje ndjeshem cilesine e sherbime dhe lehtesirave per pasagjeret, duke rritur njekohesisht edhe sigurine e tyre.


Disa te dhena mbi Terminalin e Pasagjereve

5,400 m2 - Ndertesa e Terminalit me konstruksion metalik dhe xhami, siperfaqe e mjaftueshme per te perballuar fluksin e pasagjereve qe perdorin Portin e Durresit
63,500 m2 - Sheshe per automjetet
2,100 m2 - Hapesire parkimi per automjetet
226 m - Lidhje direkte (foot bridge) me stacionin e trenit ne qytetin e Durresit, duke e bere terminalin aksesibel per te gjithe udhetaret qe perdorin linjat hekurudhore
Pika kontrolli hyrje / dalje per te perballuar afro 2000 pasagjere / ore ne periudhe piku
Hapesira dhe pajisje per kontrollet doganore
Ne Terminal do te instalohen te gjitha sherbimet bashkekohore te nevojshme per udhetaret, si: bar, restorant, ambjente pritje, akses interneti, etj.


Disa te dhena mbi Portin e Durresit, porti me i madh ne Shqiperi dhe porta hyrese e Korridorit VIII

- Porti i Durresit ndodhet ne pjesen Jug-Perendimore te Durresit dhe eshte 36 km larg nga Tirana.
- Porti ka akses rrugor dhe hekurudhor
- Siperfaqja ujore eshte 67 Ha
- Siperfaqja tokesore eshte 80 Ha
- Permban 11 kalata
- Gjatesia totale e kalatave eshte 2.2 km



Tirane 20 Nentor 2006

Faqja zyrtare e MPPTT

[DYDRINAS]

Nënshkruhet kontrata për ndërtimin e Terminalit të Pasagjerëve dhe Shesheve në Portin e Durrësit


Ministri i Punëve Publike, Transportit dhe Telekomunikacionit Z.Sokol Olldashi dhe Drejtori ekzekutiv i firmës sllovene S.C.T Z.Bojan Kenda firmosën sot kontratën për “Ndërtimin e Terminalit të Pasagjerëve dhe Shesheve në Portin e Durrësit”, një projekt i cili financohet nga Banka Europiane e Investimeve, Banka Europiane për Rindërtim dhe Zhvillim dhe Komisioni Europian me vlerë rreth 15,2 milionë Euro.

Terminali i ri i pasagjerëve do të jetë një konstruksion metalik një katësh me sipërfaqe rreth 5 mijë metra katrorë, në të cilin do të përfshihen të gjitha ambientet e nevojshme për shërbimin dhe kontrollin e pasagjerëve si sallat e pritjes në hyrje dhe dalje të godines, pikat e shitjes së biletave dhe agjensitë e udhetimit, pikat e kontrollit doganor dhe të dokumentave personale, ambiente shërbimi për personelin etj.

Ndërtimi i këtij terminali do të mundësojë levizjen sa më komode dhe të shpejtë të pasagjerëve që vinë nëpërmjet trageteve dhe kruazierave sidomos në periudhën e verës apo gjatë festave. Terminali do të ketë një kapacitet për rreth 2 mijë pasagjerë ndërsa sheshet e parkimit rrotull godinës do të kenë një kapacitet për rreth 2000 automjete si vetura apo mjete transporti mallrash.

Projekti parashikon edhe ndërtimin e mbikalimit për lëvizjen e pasagjerëve që vijnë nga stacioni egzistues hekurudhor i Durrësit, godinën e inspektimit doganor, godinën për shërbimin e shoferëve të mjeteve të transportit të mallrave që do të udhetojnë me tragete si dhe strukturat dhe ambientet në hyrje dhe dalje të zonës së terminalit nga ku do të kryhet dhe kontrolli i dokumentave për pasagjerët dhe mjetet.

Gjithashtu, në projekt është parashikuar edhe ndërtimi i shesheve dhe rrugëve lidhëse në zonën e operimit të trageteve, ndërtimi i rreth 65 mijë m2 sheshe të betonuar, rruga e re hyrëse në zonën e trageteve, portat hyrëse dhe dalëse, sistemi i drenazhimit të ujrave sipërfaqësor, i ujit të pijshëm dhe të impiantit të pastrimit të ujrave në zonën e trageteve, ndertimi i sistemit elektrik së bashku me nënstacionin dhe gjeneratorët, i sistemit të ndricimit të shesheve dhe rrugëve lidhëse.

E gjithë zona e re e trageteve, e cila do të kufizohet me rrethim metalik dhe xham plastik për të lejuar pamjen nëpërmjet tij, do të ketë parametra të lartë sigurie në kuadrin e rritjes së nivelit të sigurisë që po aplikohet sot në Port duke krijuar kështu kushtet për modernizimin e mëtejshëm të tij.

Firma e kontraktuar për realizimin e këtij projekti do të nisë punimet më 6 Qershor 2008, të cilat do të zgjasin 22 muaj. Supervizioni do të kryhet nga kompania DIWI Consult International GmbH, Essen, Gjermani.


Tirane 6 Maj 2008

Faqja zyrtare e MPPTT