Leter E Hapur Shokut Enver

[Agim Doçi]

I dashur shoku Enver.
Po ju shkruaj letrën e parë, ashtu siç na keni porositur Ju edhe Partia jonë e lavdishme e Punës, që të gjitha hallet që kemi t'ia themi troç udhëheqjes.
Fjala është për disiplinën dhe organizimin e nismave.
Këtu fryma revolucionare është ngritur shumë lart, mbas leximit në kolektiva të fjalimit Tuaj të rëndësishëm që mbajtët në Pleniumin e fundit me temën:
“Shëndetin le të kemi, se nderi shkon e vjen. “
E studiuam me laps në dorë dhe nxorrëm konkluzionet e duhura, që janë në të mirë të popullit, partisë dhe socializmit fitimtar. Mirëpo realisht nuk po arrijmë të përmbajmë masat e gjera punonjëse, të cilat kanë shpërthyer në inisiativa të reja revolucionare si ajo në Shkodër me moton:
"Qejf, qejf, natë ditë! Nanën ku ta kenë Partitë!"
Rrethi i Vlorës dhe zonat përreth si Kurveleshi, Llakatundi, Vris e Vra, etj, na kanë hapur problem me masat e sigurimit të bregdetit tonë - Rivierës, sepse kudo kanë filluar aksionin:
"Me skafet e Labërisë, tia kthejmë borxhin Italisë!"
Ndërsa zona Veri lindore dhe kryesisht Tropoja po zbaton në të gjitha mjediset e saja me frymë të lartë atdhetare fushatën:
" Toska i vogël pirdhu! N’ta mbajtë ***** hidhu!"
Pra siç po Ju informojmë shoku Komandant, Shqipëria ia arriti asaj ditë që Ju e keni ëndërruar. Shqipëria zë vendin e parë në trafiqet botërore të prostitutave, klandestinëve, drogës dhe parave të pista, që PPSH-ja memzi po i pastron nga kapitalistët grabitqarë. Po u jap disa informacione rezervate:
Kryetari i socialistëve pra shoku Nano, bëri realitet premtimin që i dha vjet në Pezë shoqatës të veteranëve antiballistë “Prostati është me né!”, se do të ndjek shembullin e Babë Myslym Pezës duke arritur të marr gruan e dytë në një kohë rekord! Vërtetë duke shkuar për punë personale në vendin gjiton Greqi – i la 3 gishtat në një vend sekret…por ama ua futi gishtin kundërshtarëve të vet sipas parimit shqiptarë “Zot i madh jam tuj t’u lutë, se i jemi ma ka futë!”!….. Kongresi ia arriti qëllimit, sepse Koçi Xoxe ( me pseudonimin I. Meta) dhe Sejfulla Malëshova (me pseudonimin Edvin Rama) i diskretituan nga të gjithë delegatët e pranishëm që nga frika e ardhjes në pushtet e Berishës, do votojnë gjithmonë për Nanon! Kjo vërteton se PS-ja i ka vjedhur programin PD-së e cila voton gjithmonë në Kuvende Berishën nga frika se mos Nano e humbet pushtetin!…
Pra siç e shikoni shoku Enver situata është shumë e shëndoshë në të gjitha organizatat bazë të partisë, në organizatat e masave që janë ashtu siç keni thënë Ju Levat Tona. Sindikatat e Pavarura, varen nga nè
I vetmi shqetësim shoku Enver është kufiri! Përsëri po na futen nga ana veriore e vendit DIVERSANTË! Po, po shoku Enver! Diversantë kosovarë! Ata vijnë të maskuar në formën e përfaqsuesëve të partive të ndryshme politike që militojnë në Krahinën Autonome të Kosovës, vijnë si OJQ-ra dhe Shoqata që kërkojnë Unifikimin e Kombit që të bahemi mu(l)tietnikë pa tjetër. Ata shajnë me të drejtë Partinë Demokratike që hapi kufinjtë!!! Sidomos shajnë atë doktorin e famshëm nga Tropoja Salih Ramë Berisha, që sa ishit Ju në krye të vendit, të popullit e të Partisë nuk tha asnjë fjalë, por me të kaluar ju në detyrën e re - atë të Sekretarit të Parë të KQ të PPSH-së për të gjithë të Pavdekshmit marksistë - leninistë në Botë, ai uzurpoi postin e Kryetarit të Partisë Komuniste Demokratike të Komunistave të Pakënaqur Shqiptarë dhe po na nxjerr bojën edhe në arenën ndërkombëtare, duke pranuar akuzat e Europës që gjoja jemi më të korruptuarit në botë! Maloku! Kokëforti!
Turp shoku Enver! Turp e faqja e zezë! Por do të merremi vesht edhe me Saliun, të premtoj!!
Shoku Enver ka ardhur një propozim nga Shoqata “Veprimtarët e Mehmetit” të cilët kërkojnë mendim dhe mbështetje nga Shoqata jonë “Kriminelët e Pavarur” për të hapur një Gropë Tjetër (prapa Muzeut Kombëtar) si ajo e Hajdinit që e hapëm me porosinë e shokut Ramiz dhe Qeverisë së Stabilitetit të Gropave. Si mendoni ju? A mund t’a quajmë Gropa e Bin Ladenit apo Gropa e Sadam Hysenit, dhe Ju garantojmë që hapim në një kohë rekord me ndihmën e të gjithë fondamentalistave vendas. Kjo edhe për inatë të Hysni Milloshit dhe të Shoqatës kundërshtare “Hajdutët e Meritave Demokratike”. Na e besoni neve shoku Enver këtë detyrë dhe Ju premtojmë se do ia arrijmë qëllimit me Ju në krye!
Po e përfundoj raportin tim duke Ju uruar Shoku Enver,
Shëndet e Jetë të gjatë për të mirën e Familjes Sonë, të popullit Tonë dhe të çështjes së komunizmit fitimtar në vëndet e shthurura europiane, Ju bëftë dita njëmijë Euro, për inatë të Armiqve tanë Kombëtarë dhe Ndërkombëtarë!
Rroftë 600 Vjetori i Vdekjes së Skënderbeut! Poshtë Shoqata e të Përndjekurve Politikë andej dhe këndej kufirit shqiptaro-shqiptar!

I Juaji deri atje ku të duash Ti
Kryetari i Shoqatës së Rikthimit të Diktaturës
Gjin Bue Spata i Riu

Shënim: Shoku Enver, Pandeli Majko ka filluar me një rrugë Durrës – Prishtinë, që të na e msyjnë kosovarët, kur ti i mbylle rrugët midis nesh dhe kosovarëve. Ndërsa presidenti Alfred Moisiu – djali i akademikut Shtatmadhor Spiro Moisiu, që ti nga Komandant të Përgjithshëm e bëre Kryetar SHNUM- i (ajo shoqata që bënte qitje me plumba fallso ose siç i quaje ti “plumba me qime në bithë”), po shpërndan dekorata pa na pyetur fare neve!

[Tal Aga]

Aferim!

Na kënaqe, na eshpëtove ditën ( ose së pakut mua).