Tema është "Ndryshimet në gjuhën e njësuar". Mirëpo kundërshtimet e
ndryshimeve tregojnë më së miri se chfarë standardi gjuhësor kemi dhe se
kush po e mbron këtë standard. Përjashtimi në këtë masë e gegnishtës nga
standardi i gjuhës shqipe ka qenë me qëllime të caktuara politike dhe armiqësore
ndaj tërë popullit shqiptarë. Nxitja e qëllimshme e ndarjeve gegë-toskë
dhe izolimi i shqiptarëve është pikërisht qëllimi kryesor i mbrojtësve
të standardit të gjuhës në formën e sotme! Për këtë arsye ka të tillë që
i ofendojnë Kosovarët, duke i harruar qëllimisht gegët e Shqipërisë dhe
të Maqedonisë. Po bëhen tentime për diskreditimin e akademikëve kosovar.
Nxitja e kërkesave për një gegnishte të standardizuar është shkaktuar
pikërisht nga mbrojtësit të ngurtë të standardit të sotëm. Kundërshtimi i
të gjitha ndryshimeve, pa e marr parasysh arsyeshmërinë e tyre, tregon
mendësinë e rrezikshme. Këtë qëndrim duhet të kundërshtojmë me të gjitha
forcat. Prandaj të dashur shqiptarë, kini kujdes se kë po e përkrahni!
Nuk kemi nevojë për një revolucion shkatërrimtar, por një evolucion të
kryer me argumente dhe mirëkuptim.
P.sh. në Gjermani egziston gjuha standarde gjermane, mirëpo askujt nuk i
shkon në mend t'i ndalojë dialektet gjermane! Madje ato përdoren në emisione
të caktuara televizive dhe për to shkruhen madje edhe libra. Kryesorja për
ta është mos të shkaktohen tensione të panevojshme. Mirëpo liria e mendimit
në debate ruhet. Para disa vjetësh gjermanët patën edhe reformën e
drejtshkrimit të tyre (ne ende jo, edhe pse na nevojitet ma tepër se gjermanëve).
Edhe ata patën diskutime të ashpra, mirëpo jo edhe kërkesa për ndarje.
Respektimi i atyre që mendojnë ndryshe për gjermanët ka rëndësi të madhe.
Mirëpo gjermanët janë gjermanë. Ata i kanë edhe alternativat e shkronjave
me shenja diakritike (ä, ö dhe ü) në formë të dyshkronjëshave (ae, oe dhe ue).
Te ne shqiptarët është "pak" më ndryshe! Edhe pse në Kongresin e manastirit
kanë qenë dy propozime të ndryshme "ç" dhe "ch", sot më lehtë pranohet
zëvendësimi i ç-së me!? Ideja e kujt ka qenë kjo?
Për disa, ata që mendojnë ndryshe janë armiqtë, qofshin ata edhe shqiptarë.
Prandaj ata që e dojnë dialektin e vetë le ta dojnë edhe ma tutje, por për
gjuhën standarde dhe reformimin e drejtshkrimit duhet të luftojmë të gjithë,
pa u barikaduar me mure të larta në gardhin shtëpiak.
Krijoni Kontakt