Histori të sinqerta dhe të suksesshme kanë pushtuar mendjet e lexuesve
Aktorët e filmave porno kanë nisur të rrëfehen. Historitë e tyre të seksit, drogës dhe rok & rollit duket se po u pëlqejnë gjithnjë edhe më shumë lexuesve. Në Shtetet e Bashkuara, kujtimet e eksperiencave të aktorëve porno kanë qenë të nënvleftësuara. Por deri pak kohë më parë, kur autobiografitë e tyre nisën të shiteshin dhe të preferoheshin gjithnjë dhe më shumë, madje shumë më tepër se "Harry Poter". Shitjet e tyre kanë pësuar një "bum" gjithnjë edhe më shumë në rritje. Dhe më të famshme janë "Talenti" i Jerry Butler, "Dhoma e nxehtë, seksi!" i Christy Canyon, "Si të bësh dashuri si një yll i pornos" i Jenna Jameson e "Hollivudi tjetër" i Legs McNeil dhe Jennifer Osborne.
Në të gjitha autobiografitë e tyre, aktorët e filmave porno dhe hard tregojnë, madje deri në detaje të hollësishme, eksperiencat e tyre, japin pjesë të intimitetit të tyre, kujtime dhe ngjarje të jetës së tyre të "nxehtë". Sipas kritikëve, të mbledhura së bashku, mund të përfitosh shumë lehtë një lloj ADN-je, që përbën edhe bazën e kujtesës së filmave erotikë, çdokush i ndryshëm nga të tjerët. Ndërsa ajo që çudit më shumë psikologët që kanë nisur të analizojnë jetën intime të tyre, është fakti se të gjitha kanë një fëmijëri të varfër, të vakët nga emocionet dhe ndjenjat. Në të gjitha kujtimet e yjeve të filmave porno, mamatë janë gra që nuk kanë asnjë vlerë, ndërsa baballarët janë të ftohtë dhe indiferentë, dhe duket se janë edhe nxitësit kryesorë të karrierës së tyre dhe të suksesit të sigurt si "pornostar". Por nuk mungojnë as ngjarje traumatike, si përdhunime apo dhunë fizike e psikologjike si në fëmijëri e adoleshencë, ashtu edhe më vonë, kur kishin nisur karrierën e pornos. Të gjitha kanë një emër arti, që më shumë idealizon jetën që u ka munguar. Por jeta në profesionin e tyre nuk është aspak e lehtë, të paktën jo ashtu si e imagjinoni ju. Në fushën e pornos nuk ekziston trajnimi apo mësimi, është njësoj si me gladiatorë që zbresin nudo në arenë, gati për "luftë". Tri javë në këtë ambient janë një eksperiencë e mjaftueshme për të qenë profesioniste dhe gati për çdo gjë. Christy kujton se ka mbetur shumë e habitur me një ngjarje me një nga yjet e pornos, aktorin Peter North, i cili që ditën e parë të punës me të i kishte thënë: "Gjatë një skene seksi një gjë nuk e duroj, të më prekësh flokët. Nëse e bën këtë, humbas menjëherë përqendrimin dhe reagoj." Ndërkohë, për të gjitha shkrimtaret e reja, jeta e tyre profesionale është e mbushur plot me ngjarje të tilla. Fiksimet e aktorëve meshkujt janë nga më të çuditshmet dhe të ndryshme. P.sh., disa prej tyre duket se kanë frikë të luajnë bashkë me veteranin e pornos, Ron Jeremy. Për të, Glenn Lynn, një tjetër pornostar, është shprehur se "nëse arrij ta bëj me të, e bëj me këdo". Por të shumta janë edhe eksperiencat me rrezikun, si drogën, depresionin që vjen në periudhën e parë të punës, shpërndarësit e drogës, fansat maniakë, gangsterët, SIDA-n, por edhe me të fejuar që shndërrohen menjëherë në menaxherë mashtrues. Por, ndërkohë, jeta intime dhe ajo publike gjatë punës së tyre është më e preferuara dhe e lexuara nga publiku amerikan, i etur për të mësuar më shumë mbi to, ndoshta nxitur edhe nga ideja se duke lexuar autobiografitë e yjeve të pornove, do të jetë njësoj sikur të jenë para televizorit duke parë një film hard porno.
Krijoni Kontakt