Vetëm një javë më parë qeveria ka përcaktuar koeficientet e indeksimit të bazës së vlerësimit vjetor, individual, për llogaritjen fillestare të pensioneve nga viti 1994 deri në 2006. Kjo do të thotë se të gjithë personat që kanë dalë në pension nga 1 janari i vitit të kaluar, pagat mbi të cilat janë derdhur kontributet nga 1 janari 1994 dhe deri në momentin që janë larguar nga puna, si dhe pagat referuese që i përkasin periudhës së sigurimit para kësaj date, do të rivlerësohen duke u shumëzuar edhe me këtë koeficient.
Llogaritja
Në ligjin “Për sigurimet shoqërore në Republikën e Shqipërisë”, shuma fillestare e pensionit mujor të pleqërisë përbëhet nga një shumë bazë dhe nga një shtesë. Shuma bazë e pensionit që u jepet të gjithë personave të siguruar caktohet çdo vit me vendim të Këshillit të Ministrave dhe aktualisht është 8240 lekë në muaj. Shtesa 1 për qind për vit sigurimi shumëzohet me bazën mesatare të vlerësueshme që personat e siguruar kanë arritur nëpërmjet kontributeve. Në po këtë ligj përcaktohet se Këshilli i Ministrave indekson çdo vit bazën e vlerësimit individual në lidhje me zhvillimin e kontributeve mesatare të paguara. Ky koeficient do të shërbejë dhe për indeksimin e pagës neto mesatare. Llogaritja e koeficienteve të indeksimit të bazës së vlerësuar individuale të çdo kontribuuesi, është bërë mbi bazën e të ardhurave nga kontributet të evidentuara sipas bilanceve financiare të viteve 2005 e 2006 dhe mbi bazën e të dhënave statistikore të numrit të personave që kanë kontribuar, sipas viteve. Për sektorin shtetëror, numri i kontribuuesve është marrë nga të dhëna e INSTAT-it, Forcat e Punës, si mesatare e tremujoreve të vitit 2006. Efektet financiare, që rrjedhin nga zbatimi i këtij vendimi, janë vetëm për pensionet, që caktohen me datë fillimi nga 1.1.2007, dhe përballohen nga buxheti i vitit 2007, miratuar për Institutin e Sigurimeve Shoqërore. Vendimi nr.400, datë 21.6.2006, i Këshillit të Ministrave, “Për përcaktimin e koeficienteve të indeksimit të bazës së vlerësimit vjetor, individual, për llogaritjen fillestare të pensioneve”, shfuqizohet.
4 shembujt
Shembull 1. Paga Referuese për vitin 1994
Nëse për vitin 1994 paga referuese për llogaritjen e pensionit, si dhe rillogaritjen e tij ishte 3000 lekë të reja., pas koeficientit të ri të indeksimit të miratuar nga Këhsilli I Ministrave pak kohë më parë kjo pagë shkon në 13, 796 lekë të reja
Llogaritjet:
Paga referuese:
3000 lekë
Indeksohet me
a) Indeksin Vjetor që është: 1,32
b) Indeksin Progresiv që është 4,60
Paga referuese tani do të jetë 13, 796 lekë të reja.
Shembull 2: Paga referuese për vitin 1999
Për vitin 1999 paga referuese për llogaritjen e pensionet si dhe rillogaritjen e tij ka qenë 7000 lekë të reja. Pas koeficientit të ri të indeksimit, miratuar nga Qeveria javën e shkuar kjo paga referuese për vitin 1999 shkon në 12, 748 lekë të rinj.
Llogaritjet
Paga Referuese: 7000 lekë
Indeksohet me:
a)Indeksin Vjetor që është 1.09
b)Indeksin Progresiv që është 1.82
Paga referuese tani do të jetë 12, 748 lekë të rinj.
Shembull 3: Paga referuese për vitin 2002
Për vitin 2002 paga referuese për llogaritjen e pensionit ka qenë 10000 lekë të rinj. Ashtu si dhe shembujt e mëparshëm, kjo pagë do të shumëzohet tanimë me koeficientin e ri të indekstit vjetor, dhe atij progresiv të miratuar nga Këshilli i Ministrave. Paga referuese për vitin 2002 do të jetë, 13,697 lekë të rinj
Llogaritjet
Paga Referuese:
10000 lekë
Indeksohet me:
a)Indeksin Vjetor që është 1,09
b)Indeksin Progresiv që është 1,37
Paga referuese për vitin 2002 do të jetë 13, 697 lekë të rinj
Shembull 4: Paga referuese për vitin 2006
Këshilli I MInistrave ka vendosur që koeficientin e indeksimit për pagat referuese për vitin 2006 të mbetet I njëjtë. Çka do të thotë se tani për efeket pensioni paga referuese për të gjithë ata që dalin në pension pas vitin 2006 do të jetë si më poshtë.
Llogaritjet
Paga Referuese: 13,140
Indeksohet me:
a)Indeksin Vjetor që është 1
b)Indeksin Progresiv që është 1
Paga referuese për vitin 2006 do të jetë 13,,140 lekë të rinj
Tirana O.
Krijoni Kontakt