Myslimanë e të krishterë, së bashku kundër të keqës!
Duke kërkuar falje për tonin e prerë, në vijm mendimet e mia:
Gabimi që bëjnë disa në perëndim, që identifikojnë qarqet ekstremiste fashiste të botës islame, me të gjithë islamizmin, jeni duke e bërë ju me perëndimin, kur identifikoni grupe të caktuara të tyre, qofshin momentalisht edhe masa të keqorientuara, me të gjithë perëndimin!
A mos kemi më "leverdi", edhe ne myslimanët, të rreshtohemi me perëndimin, kundër “fashizmit islamik” dhe njëkohësisht kundër “fashizmit kristian”?! Vlerat, arritjet e civilizimit perëndimor, kanë brenda edhe kontributin tonë, mysliman (civilizim arab i shekujve të VII deri të XIII etj.). Bota e sotme është produkt i përbashkët i të gjitha civilizimeve, të krishterë, islamik, budist, kinez etj. Më duket se presidenti i SHBA, z. Bush, po jep mesazhe të qarta në këtë drejtim. Përse mos të bëhemi aleatë me Bush dhe amerikanët, e jo me Bin Laden e talebanët?!
Perëndimi ka edhe shumë të zeza në historinë e tij: inkuzicioni, Hitleri, Stalini, Kuk Klus Klani etj. Këto i di çdo njeri, dhe mësohen në librat e shkollës. Po kështu dihen edhe të tjera, nga “lindja” islamike. Sot jemi në vitin 2006, dhe historia duhet të shërbejë për mos të përsëritur gabimet e së kaluarës, dhe jo për të sharë njeritjetrin, për të fyer etj. Duhet të shajmë e të lavdrojmë së bashku, të krishterë dhe myslimanë modernë, perendimorë, kundra të keqes, pavarsisht nga vjen.
Pra, mendoj që materiali që keni, të risistemohet duke nxjerrë në pah mësimet e Kuranit, që të informohet publiku i krishterë, se myslimanët janë për paqe, për përparim, njësoj si pjesa pozitive e të krishterëve; të lihen rikujtimet e fajeve të kryera nga të krishterët: le t’i rreshtojë ato një i krishterë!
Me respekt,
Bashkim Kopliku
Phone: +355(0)52 23663
Mobile: +355(0)682200590
E-mail: bkopliku@infinito.it
Krijoni Kontakt