Danaj: Maqedonia do të ndahet

[babadimri]

Intervistë me analistin Koço Danaj (1)

Danaj: Maqedonia do të ndahet...


Arsim Sinani

Tiranë, 8 gusht – “Në vitin 2013 Maqedonia do të ndahet pa dhimbje, ndërsa pjesa e mbetur e saj do të integrohet në BE” ka thënë analisti dhe njohësi i mirë i rrethanave në Ballkan, Koço Danaj në një intervistë ekskluzive për “Epokën e re”. Danaj në këtë intervistë flet për zhvillimet politike në Maqedoni, hyrjen në qeveri të PDSH-së, tërheqjen e paralajmëruar të Arbën Xhaferit nga politika, për Ali Ahmetin, Gruevskin, Georgievskin, politikën e “bishtave” që bëjnë partitë shqiptare në Maqedoni...

Fytyra e qeverisë Gruevski e atillë që shqiptarët i konsideron banorë dhe jo popull

EPOKA E RE: Si e shihni Maqedoninë pas zgjedhjeve të fundit parlamentare mund të na thoni sa mendoni se mund të jetë e qëndrueshme qeveria e re e Shkupit?
Danaj: E shoh me një fytyrë të re dhe me parashikimin e një thelbi të ri. Cila është kjo fytyrë do të thoni? Po është fytyra e braktisjes së Marrëveshjes së Ohrit, është fytyra e heqjes dorë nga identiteti kombëtar shqiptar në emër të një jete më të mirë. A nuk do të thotë këtë Gruevski kur deklaron se ekonomia do të jetë prioriteti i tij. Që do të thotë sipas nxënësit të Dimovskës dhe mikut të Georgievskit se përkatësia etnike nuk ka rëndësi, rëndësi ka buka e gojës. Pra, fytyra e qeverisë Gruevski duket që do të jetë fytyra e atij që shqiptarët i konsideron banorë dhe jo popull.

Mjerisht politikanët shqiptarë në Maqedoni kanë harruar se në shtetet shumetnike ka dy opozita

EPOKA E RE: Ali Ahmeti edhe pse fitoi në kampin politik shqiptar mbeti jashtë qeverisë së Maqedonisë. Mendoni se janë të qëlluara protestat e filluara nga BDI-ja?
Danaj: Protesta është një mjet i luftës politike. Dhe sa kohë që ajo nuk është e dhunshme, është normale. Ahmeti dhe partia e tij po ndëshkohen nga ajo pjesë e pa zbatuar e Marrëveshjes së Ohrit, ku edhe BDI-ja ka përgjegjësinë e saj kryesore krahasimisht me PDSH-në.

EPOKA E RE: Cila është kjo?
Danaj: Është ajo pjesë, e cila partitë politike shqiptare i trajton si bisht të politikës maqedonase dhe jo pjesë përbërëse e politikës së Maqedonisë. Qysh nga viti 1991 që të gjithë, Haliti, Imeri, Xhaferi, Ahmeti, Vejseli në kohë të caktuar kanë pranuar të jenë bisht i politikës së Maqedonisë.

EPOKA E RE: Çfarë doni të thoni me këtë?
Danaj: Dua të them se për partitë politike shqiptare në Maqedoni nuk ka pasur rëndësi se sa vota kanë marrë nga elektorati i tyre, por sa vota ka marrë partia maqedonase me të cilën ata kanë pasur atë që ata e quajnë përputhje të bindjeve politike. Dhe këtu qëndron demagogjia e partive politike shqiptare në Maqedoni përballë shqiptarëve. Kur ka qenë momenti për pushtet dhe karrige pushteti, krerët e këtyre partive kanë nxjerrë në plan të parë bindjet politike të majta apo të djathta. Ndërsa kur ka qenë momenti për kredibilitet politik përballë shqiptarëve ata kanë nxjerrë në plan të parë gjoja patriotizmin.
Është një hendikep i madh i politikës shqiptare në Tetovë. Është një dyfytyrësi, që çështjen shqiptare pranon ta lerë në harresë. Duke u kthyer te përgjigja e pyetjes suaj do të thosha se Ali Ahmeti është pjesë e kësaj politike dhe këtij mentaliteti. Teza e tij mbi kombin politik është një tezë që nuk përkon asfare me çështjen shqiptare. Është një tezë internacionaliste. Për katër vjet, Ahmeti as nuk e parashtroi ndonjëherë tezën se koalicionet qeveritare në Maqedoni duke qenë në thelb etnike, nuk krijohen mbi përputhshmëri politike, por mbi sasi votash nga secila etni. Ndërsa maqedonasit janë më të zgjuar. Ata i përdorin të dyja edhe përkatësinë etnike edhe bindjet politike, me synim që të mos kërcënohen nga votat e shqiptarëve. Që është kështu mjafton fakti që “djathtisti” Gruevski për të bërë shumicën në Parlament ka thirrur në qeveri “majtistin” Petkovski, “djathtistin” Xhaferi etj. Mjerisht politikanët shqiptarë në Maqedoni kanë harruar se në shtetet shumë etnike ka dy opozita: Njëra është opozita etnike dhe e dyta është opozita politike. Ato plotësojnë njëra tjetrën, por nuk e përjashtojnë njëra-tjetrën siç kanë vepruar politikanët shqiptar në Maqedoni gjatë 15 vjetëve.

Sfidat e qeverisë së re të Maqedonisë

EPOKA E RE: Cilët janë sfidat me të cilat do të ballafaqohet qeveria e re e Maqedonisë dhe cili mendoni ju se do të jetë pozicioni i PDSH-së në këtë qeveri. Mendoni se PDSH-ja bëri kompromis për të hyrë në qeveri?
Danaj: Ka një kamuflim diabolik të qeverisë së Nikolla Gruevskit. Ai flet për një program ekonomik ambicioz, i cili ka filluar të evidentohet edhe nga PDSH-ja. Por problemi themelor i Maqedonisë nuk është programi ekonomik, por ai etnik. Spostimi që po i bën Gruevski aspektit etnik dhe përkrahja që po merr në këtë diabolizëm politik nga shqiptarët është paralajmërimi i destabilizmit dhe ndarjes së Maqedonisë. Problemet nuk eksportohen atje ku dëshiron dikush apo disa, por ato zgjidhen atje ku janë. Pikëpamja e parë është Çeguevarizëm, e dyta është realizëm. Çeguevaristi i VMRO-së, Gruevski është ai që së bashku me 443 mijë maqedonas ka votuar kundër Marrëveshjes së Ohrit në referendumin famëkeq. Këtë e di gjithkush nga shqiptarët dhe politikanët e tyre. Atëherë: A janë ata dakord me këtë Marrëveshje, apo pushteti vlen më shumë se një Marrëveshje? Ndërsa lidhur me atë se a bëri apo jo kompromis PDSH-ja, kjo është fare e thjeshtë: PDSH-ja ka bërë kompromis, por se çfarë synon kjo do të duket të paktën pas një viti. Uroj të jenë në të mirë të çështjes shqiptare.

Deklarata e çuditshme e Arbën Xhaferit

EPOKA E RE: Arbën Xhaferi ka paralajmëruar tërheqjen nga politika nëse PDSH-ja hyn në qeveri. Si e shihni të ardhmen e kësaj partie pa Xhaferin?
Danaj: Është një deklaratë e çuditshme dhe me shumë pikëpyetje nga pas, për ata që kanë kohë që e njohin Arbën Xhaferin. Por është e drejta e tij të tërhiqet tani që rimori pushtetin. Por personalisht nuk më duket një mendim i qëlluar dhe në kohën e duhur.

EPOKA E RE: Pse e thoni këtë?
Danaj: Sepse po ta pranojmë si të saktë pohimin e tij që do të tërhiqet nga politika tani që PDSH-ja hyri në qeveri, kjo është komprometuese për vetë Xhaferin.

EPOKA E RE: Pse është e tillë?
Danaj: Sepse do të na duhet të pohojmë se e gjithë lufta politike e Arbën Xhaferit për çështjen shqiptare paska qenë e pa vërtetë, se Arbën Xhaferi nuk na qenka ideologu i çështjes kombëtare shqiptare, por një ideolog pushteti, se ai paska luftuar thjeshtë për të avancuar në pushtet disa nga njerëzit e tij etj., etj. Ky është problemi i parë dhe më kryesor. Të tjerat nuk kanë rendësi fare.

EPOKA E RE: Besoni në këtë lloj arsyetimi?
Danaj: Personalisht nuk e besoj këtë lloj arsyetimi, sepse e njoh mirë Arbën Xhaferin. Por nuk do të thotë aspak se meqë nuk e besoj unë që njoh Xhaferin, problemi nuk ekziston në vetvete. Zëvendësimi i ideologut kombëtar me pushtetarin provincial është një problem në tërësi për çështjen shqiptare në të gjithë hapësirën shqiptare. Edhe kur kërkon të jesh ideolog i të gjithëve siç ka vepruar Xhaferi, nuk të lënë të tjerët. Ndoshta është një deklaratë nën trysni. Por le të presim.



Nesër lexoni:
- Çka mendon analisti Danaj për zënkat ndërshqiptare në Maqedoni dhe si duhet të zgjidhen ato?
- Pse mosrealizimi i marrëveshjes së Ohrit nënkupton ndarje të Maqedonisë.
- A e ekziston edhe sot formula e ndarjes së Maqedonisë?.
- A po i ikën marrëveshjes së Ohrit, Nikolla Gruveski me programin e tij të rremë ekonomik për zhvillim të Maqedonisë?
- Pse Koço Danaj mendon se e ardhmja e kësaj Maqedonie që është sot duket se do të jetë ndarja e saj në vitet 2010-2012 pavarësisht kundërshtimeve të Ali Ahmetit...



BOX

Koço Danaj ka lindur më 1 Prill 1951 në Tepelenë, ku ka mbaruar shkollimin fillor dhe gjimnazin. Studimet e larta për Filozofi i ka kryer në Tiranë. Më 1986 merr titullin Doktor i Shkencave Politike. Në fillim të viteve 90-ta bashkëpunon me disa gazeta si Analist Politik i Pavarur, ndërsa më 1992 detyrohet të largohet nga Shqipëria dhe qëndron në Zvicër deri në shtator të vitit 1997. Gjatë kësaj periudhe, bashkëpunon ngushtë me redaksinë e gazetës “Zëri i Kosovës” dhe shkruan në disa revista dhe gazeta të diasporës. Pas kthimit në Shqipëri, vazhdon të punojë si Analist Politik i Pavarur. Në nëntor të vitit 1999 fillon punën si Shefi i Kabinetit dhe Këshilltar Politik i Kryetarit të Partisë Socialiste Shqiptare, Fatos Nano, ndërsa prej shtatorit 2000 deri në Shkurt 2002 punon si Këshilltar Politik i Kryeministrit të Shqipërisë të asaj kohe, Ilir Meta, e më pas edhe si Këshilltar i kryeministrit Pandeli Majko.
Është autor i një mori librash dhe analizave politike, si: “Koha e demokracisë apo shpëtimit kombëtar” (1993); “Tragjiket e Evropës” (1994); “50 vjet histori e pahumbur (Enigma e Madhe)” (1995); “Totalitarizmi në marrëdhëniet Ndërkombëtare” (1996); “Ndërgjegjja e vrarë” (1997); “Popull i tradhtuar” (1998); “UÇK dhe cinizmi i politikës” (1998); “Idealistet këta tragjikë që bëjnë histori” (2000); “Doktrina Kinton dhe shekulli i 21” (2001), etj.
Aktualisht është Drejtor i Institutit të Prognozave Politike dhe Sociale dhe agjencisë së lajmeve Lajme.Net (ALN).

[murik]

Ky Koco Danaj duket me teper si "profet" sesa analist.Ai eshte ne gjendje te na jape daten e sakte se kur do te ndahet Maqedonia,por nuk eshte ne gjendje te shpjegoje pse Arber Xhaferi terhiqe t nga politika.Eshte per te qare e per te qeshur nga niveli i "änalistave" tane te famshem.Nje gjimnazist i vitit te dyte besoj se do ishte me i sakte ne nje anlize per Maqedonine.Shqiptaret e pasur te rinj kujtojne se duke pas para ata mund te jene analista politke,analiste sporti,deputet,doktor shkencash,pse jo edhe president i vendit,ne kete kategori futet edhe ky palla.
Nga nje ndarje eventuale e Maqedonise jane shqiptaret qe do te dalin me humbje,dhe kjo eshte shume e thjeshte per tu kuptuar,nuk ka nevoje me qene filozof.
Shqiptaret edhe pse perbejne rreth 40% te popullsise ne Maqedoni,jetojne kryesisht ne nje territor te ngushte i cili shtrihet ne forme ripi nga liqeni i Ohrit,pergjate kufirit lindor te Shqiperise dhe pergjate kufirit jugor te Kosoves.Pra nje territor qe do ti jepej shqiptareve,i cili nuk eshte me shume se 20% e territorit te pergjithshem.Pjesa tjeter pra 80% e maqedonise do ti mbetej sllaveve.Pervec kesaj duhet te kemi parasysh qe kjo pjese ku jetojne shqiptaret eshte kryesisht malore,dhe si rrjedhoje me me pak resurse ekonomike per te ardhmen.
Nje tjeter faktor eshte edhe pjesa tjeter e popullsise shqiptare qe do te mbetej ne territor Maqedon dhe qe me kalimin e kohes do te asimilohej.
Popullsia shqiptare eshte nje popullsi e re ne moshe,dhe shume dinamike.Si e tille ajo ka nevoje per hapesire dhe jo per ndarje te metejshme.
Pra ata qe propagandojne nje bashkim te kesaj pjese me Shqiperine ose Kosoven,ne realitet bejne punen e sllaveve.Sllaveve i intereson ti heqin qafe shqiptaret sot dhe ti japin atyre disa male,sesa ti kene shumice ne gjithe Maqedonine ne nje te ardhme jo shume te larget.Kush ka veshe te degjoje,kush ka sy te shikoje,Maqedonia e tille si eshte sot,eshte ne te mire te shqiptareve.Ne nje te ardhme jo shume te larget do te jen tre shtete ku shqipja do te jete gjuhe zyrtare.

[babadimri]

SPECIALE: Intervistë me analistin Koço Danaj (2)

DANAJ: Më mirë një president, një kryeministër dhe 15 ministra shqiptarë, sesa 2 presidentë, 2 kryeministra, 3 zv/kryeministra, 30 ministra dhe 70 zëvendësministra sa janë sot në Shqipëri, Kosovë e Maqedoni

- Politikanët shqiptarë në Maqedoni të braktisin bajraktarizmin
- E ardhmja e Maqedonisë është ndarja në vitet 2010-2012 pavarësisht kundërshtimeve të Ali Ahmetit


Arsim Sinani

Tiranë, 9 gusht - Në vazhdimin e dytë të intervistës ekskluzive për “Epokën e re”, analisti politik Koço Danaj thotë se moszbatimi i Marrëveshjes së Ohrit do të thotë ndarje e Maqedonisë. Këtë e kërkoi me kushte të pafavorshme Ljubço Georgievski, por nuk e pranoi Arbën Xhaferi në vitin 2001, thotë Danaj. Ndërsa për ndarjen e Maqedonisë ai mendon se kjo do të ndodh në vitin 2010-2012 edhe pse Ali Ahmeti mund të mos pajtohet me këtë. Bajraktarizmi, mendon Danaj, është ai që e dëmton politikën shqiptare në Maqedoni, sepse asnjëri nuk pranon të jetë i dyti.

Moszbatimi i Marrëveshjes se Ohrit do të thotë ndarja e Maqedonisë

EPOKA E RE: Çka mendoni se duhet të bëhet që t'u iket zënkave brenda korpusit politik shqiptar në Maqedoni?
Danaj: Është e thjeshtë. E para dhe e fundit: politikanët shqiptarë në Maqedoni kanë nevojë të heqin dorë nga mentaliteti bajraktar se kush është i pari. Pas kësaj çdo gjë është shumë e thjeshtë. Për vendin e dytë nuk lufton njeri deri në mëri apo grindje.

EPOKA E RE: Më herët keni deklaruar se moszbatimi i Marrëveshjes së Ohrit do të thotë ndarje e Maqedonisë. Mund ta elaboroni më shumë këtë tezë tuajën?
Danaj: Po e kam thënë në një analizë të botuar kohët e fundit. Mendoj se edhe në politikë dhimbja e së vërtetës është më e lehtë se dhimbja e mashtrimit. Prandaj po e ritheksoj se moszbatimi i Marrëveshjes se Ohrit do të thotë ndarja e Maqedonisë. Duket se ky do të jetë edhe qëllimi i koalicionit qeveritar në Maqedoni. Në mars-prill 2001, regjisori-kryeministër i Maqedonisë, Ljubço Georgievski kërkoi ndarjen e saj në kushte të favorshme për atë dhe të pafavorshme për shqiptarët. Por Arbër Xhaferi nuk e pranoi këtë tezë. Ndërsa në maj 2001 kur UÇK-ja kishte zotëruar Luginën e Vardarit, Georgievski u tërhoq vetë dhe ngarkoi Akademinë e Shkencave për të mbajtur gjallë tezën e ndarjes së saj. Gazeta “Veçer” e datës 25 maj 2001 botonte hartën e ndarjes së Maqedonisë. Janë të njohura arsyet përse nuk u realizua ky skenar atë vit. Por skenari ekziston akoma.

Maqedoninë do ta qeverisin ata që ishin dhe janë kundër Marrëveshjes së Ohrit

EPOKA E RE: Përse ekziston ky skenar sipas mendimit tuaj?
Danaj: Sepse Maqedoninë do ta qeverisin ata që ishin dhe janë kundër Marrëveshjes së Ohrit, vartësit e Lube Boshkovskit dhe Ljubço Georgievskit. Dhe në thelb Marrëveshja e Ohrit është shumë herë më dimesionale se sa është trajtuar deri më sot. BDI në mjaft raste e harroi këtë tipar të saj dhe e trajtoi si marrëveshje të njëanshme.

EPOKA E RE: Mendoni se kjo marrëveshje ishte vetëm për shqiptarët?
Danaj: Kjo Marrëveshje nuk ishte vetëm për shqiptarët. Është një kamuflim i gabuar trajtimi i saj si marrëveshje vetëm për shqiptarët. Për më shumë, kjo marrëveshje që pas disa ditësh ka 5 vjetorin shpëtoi Maqedoninë nga shpërbërja. Të harrosh këtë thelb të marrëveshjes do të thotë t’i hapësh rrugë shpërbërjes së Maqedonisë aktuale.

Marrëveshja e Ohrit - mësim i madh për gjithë politikanët në Ballkan

EPOKA E RE: Mendoni se Marrëveshja e Ohrit ishte një mësim që duhet ta mësojnë edhe maqedonasit dhe polikanët e Shkupit?
Danaj: Marrëveshja e Ohrit ishte edhe një mësim i madh, jo vetëm për shqiptarët dhe maqedonasit dhe politikanët e tyre, por edhe për të gjithë politikën në Ballkan, mbi atë se si bëhet dhe duhet bërë kompromisi dhe dialogu. Për të arritur deri te Marrëveshja e Ohrit, politikanët maqedonas dhe ata shqiptarë u mësuan të bëjnë dialog me këdo, dialog për gjithçka për të arritur deri te kompromisi. Dhe duhet thënë se politikanët maqedonas dhe shqiptar, kompromisin e realizuan në fund.

EPOKA E RE: Po, çka mendoni ju për këtë kompromis?
Danaj: Kompromisi i tyre nuk ishte thjesht i detyruar siç ka ndodhur shpesh në mjediset politike ballkanike. Kompromisi i detyruar mbartë në thelb trysninë ndërkombëtare, prandaj edhe është shkelur në mjaft raste. Ndërkaq kompromisi i dëshiruar, mbart edhe nevojën e popujve, etnive, komuniteteve apo bashkësive etj. për të jetuar së bashku, për të rregulluar së bashku mosmarrëveshjet. Marrëveshja e Ohrit është një kompromis jo vetëm i detyruar nga bashkësia ndërkombëtare, por edhe i dëshiruar nga bashkësia maqedone, shqiptare etj., etj.. Gruevski po i ikën Marrëveshjes së Ohrit. Dhe kjo do të thotë se po i hap rrugë shpërbërjes së Maqedonisë.

Dosja Kosovë...

EPOKA E RE: Pse nuk u nda Maqedonia në vitin 2001?
Danaj: Nuk u nda, sepse ende nuk ishte hapur “Dosja Kosovë”, që është dosja kryesore jo thjesht ballkanike, por më shumë se kaq. E tani kjo dosje është në pragun e mbylljes. Duke qenë kështu, në qeverinë e Maqedonisë duhet të ishte dhe është një parti politike shqiptare me prirje nacionaliste siç është PDSH-ja dhe jo një parti me prirje qytetare si BDI-ja. Por në qoftë se dikush thotë se si do të qëndronte Maqedonia pa një të tretën e saj, më duhet të pohoj se përderisa BE-ja dhe SHBA-ja pranuan të formohet një shtet me 600 mijë banorë si Mal i Zi, pse të mos pranojnë edhe një shtet maqedonas me mbi një milion banorë. Por, përsëri, në qoftë se dikush do të më thotë se çfarë do të bëhet me mbi 600 mijë shqiptarë, aq sa është i gjithë Mal i Zi, përsëri do të më duhet të pohoj se edhe ky është një problem i zgjidhur. Ata do të jenë të lirë ose të bashkohen me mëmëdheun që është Shqipëria ose me një pjesë të atdheut që është Kosova.

EPOKA E RE: Mendoni ju se kjo është nacionalizëm?
Danaj: Përsëri edhe në qoftë se dikush apo disa do të thonë se kjo pikëpamje është një nacionalizëm i hapur, do të më duhet të pohoj se sa kohë që çështja shqiptare vazhdon të jetë e hapur, aq kohë mendimet për zgjidhjen e saj nuk mund të jenë nacionalizëm, por realizëm dhe europianizëm i kulluar. Po sjell një shembull në vëmendjen tuaj: Deri më sot 5 shtete që jetojnë ne rajonin e Ballkanit në të cilat ka edhe shqiptar diku si shtet, diku si mazhoritet dhe diku si minoritet, janë ndërtuar mbi shtatë marrëveshje ndërkombëtare. Por që asnjëra prej tyre nuk është bërë natyrale, por vazhdojnë të mbeten artificiale. Mbi këtë bazë njohjeje, është normale që shumëkush të jap mendime dhe gjykime për një marrëveshje përfundimtare lidhur me këto 5 shtete ku jetojnë shqiptare, e cila marrëveshje të jetë natyrale. Jam i bindur se edhe bashkësia ndërkombëtare do të dëshironte një gjë të tillë. Do të mjaftonte vetëm një shembull për t’u bindur kushdo se bashkësia ndërkombëtare do të ishte dakord me atë që thashë më lartë.

EPOKA E RE: Po cili është shembulli Danaj?
Danaj: Sot në hapësirat shqiptare ka dy presidentë, një në Shqipëri dhe një në Kosovë, dy kryeministra, një në Shqipëri dhe një në Kosovë, 3 zëvendëskryeministra, një në Shqipëri, një në Kosovë, një në Maqedoni, 30 ministra, nga të cilët 14 në Shqipëri, 11 në Kosovë, 4 në Maqedoni dhe një në Mal të Zi. Pa folur për mbi 70 zëvendësministra. Kushdo nga bashkësia ndërkombëtare do të pranonte më mirë vetëm një president, një kryeministër dhe 15 ministra.

E ardhmja e Maqedonisë është ndarja në vitet 2010-2012 pavarësisht kundërshtimeve të Ali Ahmetit

EPOKA E RE: Cila është e ardhmja e Maqedonisë, sipas jush?
Danaj: E ardhmja e kësaj Maqedonie që është sot siç thashë edhe më lartë, duket se do të jetë ndarja e saj në vitet 2010-2012, pavarësisht kundërshtimeve të Ali Ahmetit. Ndërsa e ardhmja e Maqedonisë që do të mbetet pas këtyre viteve do të jetë integrimi evropian i saj. Ndërsa e ardhmja e një të tretës së Maqedonisë që do të jenë shqiptarët do të jetë përsëri shpresëdhënëse. Ata shpresoj se në vitin 2013 do të jenë të gjithë të integruar në Shqipërinë natyrale. Dhe për ta mbyllur do sillja në vëmendjen tuaj disa vargje nga eposi i ditëve të fundit të krahinës së Himarës: Ne ëndërr të madhe nuk kemi; Veç folenë ku fle Shqiponja ; Shqipërinë Natyrale; Katër Vilajetet tona. (fund)


BOX

Por në qoftë se dikush thotë se si do të qëndronte Maqedonia pa një të tretën e saj, më duhet të pohoj se përderisa BE-ja dhe SHBA-ja pranuan të formohet një shtet me 600 mijë banorë si Mal i Zi, pse të mos pranojnë edhe një shtet maqedonas me mbi një milion banorë. Por, përsëri, në qoftë se dikush do të më thotë se çfarë do të bëhet me mbi 600 mijë shqiptarë, aq sa është i gjithë Mal i Zi, përsëri do të më duhet të pohoj se edhe ky është një problem i zgjidhur. Ata do të jenë të lirë ose të bashkohen me mëmëdheun që është Shqipëria ose me një pjesë të atdheut që është Kosova. (fund)

[GL_Branch]

Ky Koco Danaj duket me teper si "profet" sesa analist.Ai eshte ne gjendje te na jape daten e sakte se kur do te ndahet Maqedonia,por nuk eshte ne gjendje te shpjegoje pse Arber Xhaferi terhiqe t nga politika.Eshte per te qare e per te qeshur nga niveli i "änalistave" tane te famshem.Nje gjimnazist i vitit te dyte besoj se do ishte me i sakte ne nje anlize per Maqedonine.Shqiptaret e pasur te rinj kujtojne se duke pas para ata mund te jene analista politke,analiste sporti,deputet,doktor shkencash,pse jo edhe president i vendit,ne kete kategori futet edhe ky palla.
Nga nje ndarje eventuale e Maqedonise jane shqiptaret qe do te dalin me humbje,dhe kjo eshte shume e thjeshte per tu kuptuar,nuk ka nevoje me qene filozof.
Shqiptaret edhe pse perbejne rreth 40% te popullsise ne Maqedoni,jetojne kryesisht ne nje territor te ngushte i cili shtrihet ne forme ripi nga liqeni i Ohrit,pergjate kufirit lindor te Shqiperise dhe pergjate kufirit jugor te Kosoves.Pra nje territor qe do ti jepej shqiptareve,i cili nuk eshte me shume se 20% e territorit te pergjithshem.Pjesa tjeter pra 80% e maqedonise do ti mbetej sllaveve.Pervec kesaj duhet te kemi parasysh qe kjo pjese ku jetojne shqiptaret eshte kryesisht malore,dhe si rrjedhoje me me pak resurse ekonomike per te ardhmen.
Nje tjeter faktor eshte edhe pjesa tjeter e popullsise shqiptare qe do te mbetej ne territor Maqedon dhe qe me kalimin e kohes do te asimilohej.
Popullsia shqiptare eshte nje popullsi e re ne moshe,dhe shume dinamike.Si e tille ajo ka nevoje per hapesire dhe jo per ndarje te metejshme.
Pra ata qe propagandojne nje bashkim te kesaj pjese me Shqiperine ose Kosoven,ne realitet bejne punen e sllaveve.Sllaveve i intereson ti heqin qafe shqiptaret sot dhe ti japin atyre disa male,sesa ti kene shumice ne gjithe Maqedonine ne nje te ardhme jo shume te larget.Kush ka veshe te degjoje,kush ka sy te shikoje,Maqedonia e tille si eshte sot,eshte ne te mire te shqiptareve.Ne nje te ardhme jo shume te larget do te jen tre shtete ku shqipja do te jete gjuhe zyrtare.

pajtohem murik nuk duhet assesi te lejojme nje ndarje te tille sepse do humbasim shume......sipas numrimit te popullsise vitit 2002 zyrtare ne Maqedoni jetojne 25.2% Shqiptar, 64.2% Sllav, 3.8% Turq...etj.

Pra Shqiptaret bashke me turqit perbejne 30% keto 2 etni (perfshi edhe boshnjaket dmth 3 etni) jetojne rreth 25-30% te territorit te Maqedonise plus shume turq ka ne anen lindore te Maqedonise dhe eshte e pamundur bashkimin me pjesen tjeter perendimore te shqiptaro-turke....

Fyromianet mendoj jane te tmerruar momentalisht si pasoje e natalitetit larte te shqiptarve (panvarsisht me qindramijera shqiptar i kane larguar me dhune prej trojeve te veta 1912-1945)...fyromianet e presin diten sa ma shpejte te shkeputet Maqedonia sic eshte tash se dikur behet vone p.sh pas 18-20 vite...
Dhe ne kategorisht sduhet pranojme ndarjen deri sa ti arrisim trojat tone etnike qe i kemi pasur...

Une sic i shikova territoret e Maqedonie sipas ndarjes se re territoriale une them se afer 20 vjet ne do dalim 36-38% popullsi shqipatre, 5% Shqiptar turq dhe 1.5% Boshnjak dhe me nje territor afro 40% te saj.

Kjo do te thote qe sado pak shqiptaret munden ta kthejne token e vet sado pak perveq Manastirit (dhe nje pjese te Ohrit)...

Dmth kjo mund te ndodh per 20 vjet...

Ne pjesen Qendrore te Maqedonise jane krijuar edhe 3 komuna te reja dhe te medhaja (me e madhe se Tetova, Ohri etj)...ku tu 3 komuna jane te perzier me etni shqiptare, turke, maqedone, boshnjake perafersisht te njejra me %......dmth kjo eshte qendra e Maqedonise dhe aty ka shume pak njerz cdo komune afer 10.000 banor.....dhe shqiptaret aty mundet te dalin shumice per 20 vjet mbi 60%, te percjellur nga turqit...e aty ka mundesi te largohen aty sllavet...kshtu e ke peraferisht 10 komuna te perzier shqiptaro-sllave-turke.....me gjase qe shqiptaret te dalin shumice pas 20-25 vite

Sllavet jane te tmerruar mendoj dhe per ate ai Georgievski ka kerku sa ma shpejt ndarje Maqedonise......me plot mencuri dhe vend....ku ke pa sot dikush mu tu lut me ta dhenje nje pjese te tokes vet?

Ne sduhet te pranojme...do pranojme atehere kur na japin 40% te territorit

[Studenti-Te]

Maqedonia do te ndahet !!(Interviste e Koço Danaj, botuar ne gazeten Epoka e Re ne 9 dhe 10 gusht 2006)


EPOKA E RE: Si e shihni Maqedoninë pas zgjedhjeve të fundit parlamentare mund të na thoni sa mendoni se mund të jetë e qëndrueshme qeveria e re e Shkupit?

Danaj: E shoh me një fytyrë të re dhe me parashikimin e një thelbi të ri. Cila është kjo fytyrë do të thoni? Po është fytyra e braktisjes së Marrëveshjes së Ohrit, është fytyra e heqjes dorë nga identiteti kombëtar shqiptar në emër të një jete më të mirë. A nuk do të thotë këtë Gruevski kur deklaron se ekonomia do të jetë prioriteti i tij. Që do të thotë sipas nxënësit të Dimovskës dhe mikut të Georgievskit se përkatësia etnike nuk ka rëndësi, rëndësi ka buka e gojës. Pra, fytyra e qeverisë Gruevski duket që do të jetë fytyra e atij që shqiptarët i konsideron banorë dhe jo popull.
Mjerisht politikanët shqiptarë në Maqedoni kanë harruar se në shtetet shumetnike ka dy opozita

EPOKA E RE: Ali Ahmeti edhe pse fitoi në kampin politik shqiptar mbeti jashtë qeverisë së Maqedonisë. Mendoni se janë të qëlluara protestat e filluara nga BDI-ja?

Danaj: Protesta është një mjet i luftës politike. Dhe sa kohë që ajo nuk është e dhunshme, është normale. Ahmeti dhe partia e tij po ndëshkohen nga ajo pjesë e pa zbatuar e Marrëveshjes së Ohrit, ku edhe BDI-ja ka përgjegjësinë e saj kryesore krahasimisht me PDSH-në.

EPOKA E RE: Cila është kjo?

Danaj: Është ajo pjesë, e cila partitë politike shqiptare i trajton si bisht të politikës maqedonase dhe jo pjesë përbërëse e politikës së Maqedonisë. Qysh nga viti 1991 që të gjithë, Haliti, Imeri, Xhaferi, Ahmeti, Vejseli në kohë të caktuar kanë pranuar të jenë bisht i politikës së Maqedonisë.

EPOKA E RE: Çfarë doni të thoni me këtë?

Danaj: Dua të them se për partitë politike shqiptare në Maqedoni nuk ka pasur rëndësi se sa vota kanë marrë nga elektorati i tyre, por sa vota ka marrë partia maqedonase me të cilën ata kanë pasur atë që ata e quajnë përputhje të bindjeve politike. Dhe këtu qëndron demagogjia e partive politike shqiptare në Maqedoni përballë shqiptarëve. Kur ka qenë momenti për pushtet dhe karrige pushteti, krerët e këtyre partive kanë nxjerrë në plan të parë bindjet politike të majta apo të djathta. Ndërsa kur ka qenë momenti për kredibilitet politik përballë shqiptarëve ata kanë nxjerrë në plan të parë gjoja patriotizmin.
Është një hendikep i madh i politikës shqiptare në Tetovë. Është një dyfytyrësi, që çështjen shqiptare pranon ta lerë në harresë. Duke u kthyer te përgjigja e pyetjes suaj do të thosha se Ali Ahmeti është pjesë e kësaj politike dhe këtij mentaliteti. Teza e tij mbi kombin politik është një tezë që nuk përkon asfare me çështjen shqiptare. Është një tezë internacionaliste. Për katër vjet, Ahmeti as nuk e parashtroi ndonjëherë tezën se koalicionet qeveritare në Maqedoni duke qenë në thelb etnike, nuk krijohen mbi përputhshmëri politike, por mbi sasi votash nga secila etni. Ndërsa maqedonasit janë më të zgjuar. Ata i përdorin të dyja edhe përkatësinë etnike edhe bindjet politike, me synim që të mos kërcënohen nga votat e shqiptarëve. Që është kështu mjafton fakti që “djathtisti” Gruevski për të bërë shumicën në Parlament ka thirrur në qeveri “majtistin” Petkovski, “djathtistin” Xhaferi etj. Mjerisht politikanët shqiptarë në Maqedoni kanë harruar se në shtetet shumë etnike ka dy opozita: Njëra është opozita etnike dhe e dyta është opozita politike. Ato plotësojnë njëra tjetrën, por nuk e përjashtojnë njëra-tjetrën siç kanë vepruar politikanët shqiptar në Maqedoni gjatë 15 vjetëve.

Sfidat e qeverisë së re të Maqedonisë

EPOKA E RE: Cilët janë sfidat me të cilat do të ballafaqohet qeveria e re e Maqedonisë dhe cili mendoni ju se do të jetë pozicioni i PDSH-së në këtë qeveri. Mendoni se PDSH-ja bëri kompromis për të hyrë në qeveri?

Danaj: Ka një kamuflim diabolik të qeverisë së Nikolla Gruevskit. Ai flet për një program ekonomik ambicioz, i cili ka filluar të evidentohet edhe nga PDSH-ja. Por problemi themelor i Maqedonisë nuk është programi ekonomik, por ai etnik. Spostimi që po i bën Gruevski aspektit etnik dhe përkrahja që po merr në këtë diabolizëm politik nga shqiptarët është paralajmërimi i destabilizmit dhe ndarjes së Maqedonisë. Problemet nuk eksportohen atje ku dëshiron dikush apo disa, por ato zgjidhen atje ku janë. Pikëpamja e parë është Çeguevarizëm, e dyta është realizëm. Çeguevaristi i VMRO-së, Gruevski është ai që së bashku me 443 mijë maqedonas ka votuar kundër Marrëveshjes së Ohrit në referendumin famëkeq. Këtë e di gjithkush nga shqiptarët dhe politikanët e tyre. Atëherë: A janë ata dakord me këtë Marrëveshje, apo pushteti vlen më shumë se një Marrëveshje? Ndërsa lidhur me atë se a bëri apo jo kompromis PDSH-ja, kjo është fare e thjeshtë: PDSH-ja ka bërë kompromis, por se çfarë synon kjo do të duket të paktën pas një viti. Uroj të jenë në të mirë të çështjes shqiptare.

Deklarata e çuditshme e Arbën Xhaferit

EPOKA E RE: Arbën Xhaferi ka paralajmëruar tërheqjen nga politika nëse PDSH-ja hyn në qeveri. Si e shihni të ardhmen e kësaj partie pa Xhaferin?

Danaj: Është një deklaratë e çuditshme dhe me shumë pikëpyetje nga pas, për ata që kanë kohë që e njohin Arbën Xhaferin. Por është e drejta e tij të tërhiqet tani që rimori pushtetin. Por personalisht nuk më duket një mendim i qëlluar dhe në kohën e duhur.

EPOKA E RE: Pse e thoni këtë?

Danaj: Sepse po ta pranojmë si të saktë pohimin e tij që do të tërhiqet nga politika tani që PDSH-ja hyri në qeveri, kjo është komprometuese për vetë Xhaferin.

EPOKA E RE: Pse është e tillë?

Danaj: Sepse do të na duhet të pohojmë se e gjithë lufta politike e Arbën Xhaferit për çështjen shqiptare paska qenë e pa vërtetë, se Arbën Xhaferi nuk na qenka ideologu i çështjes kombëtare shqiptare, por një ideolog pushteti, se ai paska luftuar thjeshtë për të avancuar në pushtet disa nga njerëzit e tij etj., etj. Ky është problemi i parë dhe më kryesor. Të tjerat nuk kanë rendësi fare.

EPOKA E RE: Besoni në këtë lloj arsyetimi?

Danaj: Personalisht nuk e besoj këtë lloj arsyetimi, sepse e njoh mirë Arbën Xhaferin. Por nuk do të thotë aspak se meqë nuk e besoj unë që njoh Xhaferin, problemi nuk ekziston në vetvete. Zëvendësimi i ideologut kombëtar me pushtetarin provincial është një problem në tërësi për çështjen shqiptare në të gjithë hapësirën shqiptare. Edhe kur kërkon të jesh ideolog i të gjithëve siç ka vepruar Xhaferi, nuk të lënë të tjerët. Ndoshta është një deklaratë nën trysni. Por le të presim.



EPOKA E RE: Çka mendoni se duhet të bëhet që t'u iket zënkave brenda korpusit politik shqiptar në Maqedoni?

Danaj: Është e thjeshtë. E para dhe e fundit: politikanët shqiptarë në Maqedoni kanë nevojë të heqin dorë nga mentaliteti bajraktar se kush është i pari. Pas kësaj çdo gjë është shumë e thjeshtë. Për vendin e dytë nuk lufton njeri deri në mëri apo grindje.

EPOKA E RE: Më herët keni deklaruar se moszbatimi i Marrëveshjes së Ohrit do të thotë ndarje e Maqedonisë. Mund ta elaboroni më shumë këtë tezë tuajën?

Danaj: Po e kam thënë në një analizë të botuar kohët e fundit. Mendoj se edhe në politikë dhimbja e së vërtetës është më e lehtë se dhimbja e mashtrimit. Prandaj po e ritheksoj se moszbatimi i Marrëveshjes se Ohrit do të thotë ndarja e Maqedonisë. Duket se ky do të jetë edhe qëllimi i koalicionit qeveritar në Maqedoni. Në mars-prill 2001, regjisori-kryeministër i Maqedonisë, Ljubço Georgievski kërkoi ndarjen e saj në kushte të favorshme për atë dhe të pafavorshme për shqiptarët. Por Arbër Xhaferi nuk e pranoi këtë tezë. Ndërsa në maj 2001 kur UÇK-ja kishte zotëruar Luginën e Vardarit, Georgievski u tërhoq vetë dhe ngarkoi Akademinë e Shkencave për të mbajtur gjallë tezën e ndarjes së saj. Gazeta “Veçer” e datës 25 maj 2001 botonte hartën e ndarjes së Maqedonisë. Janë të njohura arsyet përse nuk u realizua ky skenar atë vit. Por skenari ekziston akoma.

Maqedoninë do ta qeverisin ata që ishin dhe janë kundër Marrëveshjes së Ohrit

EPOKA E RE: Përse ekziston ky skenar sipas mendimit tuaj?

Danaj: Sepse Maqedoninë do ta qeverisin ata që ishin dhe janë kundër Marrëveshjes së Ohrit, vartësit e Lube Boshkovskit dhe Ljubço Georgievskit. Dhe në thelb Marrëveshja e Ohrit është shumë herë më dimesionale se sa është trajtuar deri më sot. BDI në mjaft raste e harroi këtë tipar të saj dhe e trajtoi si marrëveshje të njëanshme.

EPOKA E RE: Mendoni se kjo marrëveshje ishte vetëm për shqiptarët?

Danaj: Kjo Marrëveshje nuk ishte vetëm për shqiptarët. Është një kamuflim i gabuar trajtimi i saj si marrëveshje vetëm për shqiptarët. Për më shumë, kjo marrëveshje që pas disa ditësh ka 5 vjetorin shpëtoi Maqedoninë nga shpërbërja. Të harrosh këtë thelb të marrëveshjes do të thotë t’i hapësh rrugë shpërbërjes së Maqedonisë aktuale.

Marrëveshja e Ohrit - mësim i madh për gjithë politikanët në Ballkan

EPOKA E RE: Mendoni se Marrëveshja e Ohrit ishte një mësim që duhet ta mësojnë edhe maqedonasit dhe polikanët e Shkupit?

Danaj: Marrëveshja e Ohrit ishte edhe një mësim i madh, jo vetëm për shqiptarët dhe maqedonasit dhe politikanët e tyre, por edhe për të gjithë politikën në Ballkan, mbi atë se si bëhet dhe duhet bërë kompromisi dhe dialogu. Për të arritur deri te Marrëveshja e Ohrit, politikanët maqedonas dhe ata shqiptarë u mësuan të bëjnë dialog me këdo, dialog për gjithçka për të arritur deri te kompromisi. Dhe duhet thënë se politikanët maqedonas dhe shqiptar, kompromisin e realizuan në fund.

EPOKA E RE: Po, çka mendoni ju për këtë kompromis?

Danaj: Kompromisi i tyre nuk ishte thjesht i detyruar siç ka ndodhur shpesh në mjediset politike ballkanike. Kompromisi i detyruar mbartë në thelb trysninë ndërkombëtare, prandaj edhe është shkelur në mjaft raste. Ndërkaq kompromisi i dëshiruar, mbart edhe nevojën e popujve, etnive, komuniteteve apo bashkësive etj. për të jetuar së bashku, për të rregulluar së bashku mosmarrëveshjet. Marrëveshja e Ohrit është një kompromis jo vetëm i detyruar nga bashkësia ndërkombëtare, por edhe i dëshiruar nga bashkësia maqedone, shqiptare etj., etj.. Gruevski po i ikën Marrëveshjes së Ohrit. Dhe kjo do të thotë se po i hap rrugë shpërbërjes së Maqedonisë.

Dosja Kosovë...

EPOKA E RE: Pse nuk u nda Maqedonia në vitin 2001?

Danaj: Nuk u nda, sepse ende nuk ishte hapur “Dosja Kosovë”, që është dosja kryesore jo thjesht ballkanike, por më shumë se kaq. E tani kjo dosje është në pragun e mbylljes. Duke qenë kështu, në qeverinë e Maqedonisë duhet të ishte dhe është një parti politike shqiptare me prirje nacionaliste siç është PDSH-ja dhe jo një parti me prirje qytetare si BDI-ja. Por në qoftë se dikush thotë se si do të qëndronte Maqedonia pa një të tretën e saj, më duhet të pohoj se përderisa BE-ja dhe SHBA-ja pranuan të formohet një shtet me 600 mijë banorë si Mal i Zi, pse të mos pranojnë edhe një shtet maqedonas me mbi një milion banorë. Por, përsëri, në qoftë se dikush do të më thotë se çfarë do të bëhet me mbi 600 mijë shqiptarë, aq sa është i gjithë Mal i Zi, përsëri do të më duhet të pohoj se edhe ky është një problem i zgjidhur. Ata do të jenë të lirë ose të bashkohen me mëmëdheun që është Shqipëria ose me një pjesë të atdheut që është Kosova.

EPOKA E RE: Mendoni ju se kjo është nacionalizëm?

Danaj: Përsëri edhe në qoftë se dikush apo disa do të thonë se kjo pikëpamje është një nacionalizëm i hapur, do të më duhet të pohoj se sa kohë që çështja shqiptare vazhdon të jetë e hapur, aq kohë mendimet për zgjidhjen e saj nuk mund të jenë nacionalizëm, por realizëm dhe europianizëm i kulluar. Po sjell një shembull në vëmendjen tuaj: Deri më sot 5 shtete që jetojnë ne rajonin e Ballkanit në të cilat ka edhe shqiptar diku si shtet, diku si mazhoritet dhe diku si minoritet, janë ndërtuar mbi shtatë marrëveshje ndërkombëtare. Por që asnjëra prej tyre nuk është bërë natyrale, por vazhdojnë të mbeten artificiale. Mbi këtë bazë njohjeje, është normale që shumëkush të jap mendime dhe gjykime për një marrëveshje përfundimtare lidhur me këto 5 shtete ku jetojnë shqiptare, e cila marrëveshje të jetë natyrale. Jam i bindur se edhe bashkësia ndërkombëtare do të dëshironte një gjë të tillë. Do të mjaftonte vetëm një shembull për t’u bindur kushdo se bashkësia ndërkombëtare do të ishte dakord me atë që thashë më lartë.


EPOKA E RE: Po cili është shembulli Danaj?

Danaj: Sot në hapësirat shqiptare ka dy presidentë, një në Shqipëri dhe një në Kosovë, dy kryeministra, një në Shqipëri dhe një në Kosovë, 3 zëvendëskryeministra, një në Shqipëri, një në Kosovë, një në Maqedoni, 30 ministra, nga të cilët 14 në Shqipëri, 11 në Kosovë, 4 në Maqedoni dhe një në Mal të Zi. Pa folur për mbi 70 zëvendësministra. Kushdo nga bashkësia ndërkombëtare do të pranonte më mirë vetëm një president, një kryeministër dhe 15 ministra.

E ardhmja e Maqedonisë është ndarja në vitet 2010-2012 pavarësisht kundërshtimeve të Ali Ahmetit

EPOKA E RE: Cila është e ardhmja e Maqedonisë, sipas jush?

Danaj: E ardhmja e kësaj Maqedonie që është sot siç thashë edhe më lartë, duket se do të jetë ndarja e saj në vitet 2010-2012, pavarësisht kundërshtimeve të Ali Ahmetit. Ndërsa e ardhmja e Maqedonisë që do të mbetet pas këtyre viteve do të jetë integrimi evropian i saj. Ndërsa e ardhmja e një të tretës së Maqedonisë që do të jenë shqiptarët do të jetë përsëri shpresëdhënëse. Ata shpresoj se në vitin 2013 do të jenë të gjithë të integruar në Shqipërinë natyrale. Dhe për ta mbyllur do sillja në vëmendjen tuaj disa vargje nga eposi i ditëve të fundit të krahinës së Himarës: Ne ëndërr të madhe nuk kemi; Veç folenë ku fle Shqiponja ; Shqipërinë Natyrale; Katër Vilajetet tona. (fund)

[Tigrimelara]

Gjerat jane te renditura aq mire sa qe lehtesisht duken, dhe ne Shqiptaret nje dite do BASHKOHEMI .
A mendoni se ne shek. 21 mund te kete Tradhetar Shqiptare . ASNJEHERE

[bOndi_oo7]

E ardhmja e Maqedonisë është ndarja në vitet 2010-2012 pavarësisht kundërshtimeve të Ali Ahmetit

(fund)

Patjeter !

[babadimri]

KOCO DANAJ I KUNDËRGJIGJET DRASHKOVIQIT SOT NE EPOKA E RE




Danaj: Deklarata e Drashkoviqit - arratisje nga realiteti

Arsim Sinani

Tiranë/Prishtinë, 23 gusht- Në një bisedë telefonike, analisti i njohur shqiptar, po edhe njohësi i rrethanave Ballkanike, Koço Danaj, të mërkurën mbrëma ekskluzivisht është prononcuar për të përditshmen “Epoka e re”.

Epoka e re: z. Danaj, mirëmbrëma! Na falni që po ju shqetësojmë në këtë orë të vonë të mbrëmjes. Sot Ministri i Jashtëm serb Vuk Drashkoviq ka dalë para mediave me një deklaratë lidhur me intervistën tuaj dhënë në “Epoka e re”. Si i komentoni ju tezat e tij?
Danaj: Deklarata e Ministrit të Jashtëm Serb Vuk Drashkoviq, është një deklaratë jashtë realitetit të Ballkanit në tërësi. Është një deklaratë e tipit të granatave tymuese që kanë vetëm efekt për bërjen tym, e që të mos shtrojnë dhe të pozojnë asnjë problem. Pra është një deklaratë të cilën do ta quaja arratisje nga realiteti.
Mirëpo, këtë deklaratë të tij nuk mund ta gjykojë si të rastësishme, nga se ajo diabolizmin e ka brenda.

Epoka e re: Përse?
Danaj: Po ja përse: Kjo deklaratë, mendimet personale të mijat si drejtues instituti, si qytetar, si politolog, përpiqet t’i serojë si mendime dhe platforma zyrtare të Shqipërisë dhe politikës së saj. Aq e trashë është kjo përpjekje sa, Drashkoviq, nuk ka marrë as të dhëna se kush jam unë, duke më trajtuar si këshilltar të kryeministrit Sali Berisha, gjë që nuk është e vërtetë. Siç e kam thënë edhe për gazetën “Epoka e re”, unë kam qenë këshilltar politik me ish-kryetarin e PSSH-së Fatos Nanon dhe me ish-kryeministrin Ilir Metën. Tani jam drejtor i Institutit të Prognozave rajonale dhe njëherësh kryetar i Partisë Aleanca për Mirëqenie dhe Solidaritet (AMS).
Duket se atë e tremb termi real “Shqipëri Natyrale”, e cila nuk ka cilësoret artificiale “E Madhe apo Etnike”, por vetëm atë që është cilësori reale, natyrale.

Epoka e re: I paraqisni ju më të vërtetë qëndrimet zyrtare të Tiranës në këtë intervistë?
Danaj: Jo, sepse nuk kam se si t’i shpreh këto qëndrime. Qëndrimet zyrtare i shpreh qeveria, presidenca, pra institucionet e shtetit. Por unë shpreh qëndrimet e mija, dhe me lejoni t’ju them se pas intervistës për gazetën tuaj të nderuar “Epoka e re”, pashë se ishin me qindra e me mijëra ata që ishin dakord me mendimet e mija. Pra, për mua ka rëndësi që mendimet të jenë reale. Pastaj, politika zyrtare shikon edhe faktorë të tjerë para se të shprehet,
dhe njëkohësisht ne kemi nevojë t’i shprehim sa më hapur qëndrimet tona më qëllim që të ndihmojmë edhe politikën tonë zyrtare, por edhe bashkësinë ndërkombëtare.
Për shembull: Janë dy linja që ushtrojnë trysni mbi shqiptarët: Linja e parë është ajo që ju thotë se ju shqiptarët në Preshevë, Sarandë apo Tetovë, para se të bashkoheni në “Shqipërinë Natyrale”, bashkohuni në Evropën e madhe. Bukur, por kur Evropa e madhe thotë se andej nga viti 2020 ju vjen radha për tu bashkuar në Bruksel, çfarë duhet të bëjmë? Megjithatë kjo është një linjë politike. Por ka edhe një linjë tjetër politike, që nuk ka pse të druhemi për ta përdorur dhe përpunuar.

Epoka e re: Cila është ajo?
Danaj: Po ja, është ajo që unë si shqiptar sa të rri dhe të pres bashkimin me “Evropën e Madhe” në vitin 2020, po bëj një punë të frytshme.

Epoka e re: Cila është kjo punë?
Danaj: Por po filloj të integrohem në fillim në hapësirën shqiptare, që të jem gati për në “Evropën e Madhe”. Përse duhet të pres unë, që jam nga Tepelena, deri në vitin 2020-të, që të integrohem me atë shqiptarin që është nga Malisheva, kur këtë mund ta bëj që tani dhe në Evropë shkojmë së bashku të integruar. Pra edhe kjo është një linjë?

Epoka e re: Çka është e rëndësishme këtu?
Danaj: E rëndësishme është që në zbatimin e këtyre dy linjave, të aplikojmë metoda demokratike, dialogun dhe jo dhunën, forcën e së drejtës dhe jo të drejtën e forcës. Duke përfunduar do të thosha se në deklaratën e Drashkoviqit ka edhe një djallëzi tjetër. Ai merr në mbrojtje Malin e Zi, Maqedoninë, bile edhe Greqinë. Pra del në rolin e atij që nuk e ka hallin e tij, por që i dhimbsen të tjerët. Duket se është një pozitë e dhimbshme e Drashkoviqit, por shqiptarët kanë mjaft dhimbje për vete nga e kaluara. Ata, do të thosha nuk kanë kohë të merren me dhimbjet e stisura të të tjerëve. Rozafa e shqiptarëve është objekt i traditës, dhe jo i realitetit dhe politikes shqiptare.

[babadimri]

SOT NE EPOKA E RE NJE ARTIKULL INTERESANT
Intervista e analistit Koço Danaj në gazetën “Epoka e re”, shkak për acarimin e marrëdhënieve Beograd Tiranë!


Drashkoviqi i turret një interviste në “Epoka e re”


Janë acaruar marrëdhëniet ndërmjet Tiranës zyrtare dhe Beogradit pas një deklarate të ministrit të jashtëm serb Vuk Drashkoviq, sipas te cilit Tirana zyrtare nuk heq dorë nga vendimi që shqiptarët të cilët jetojnë nëpër shtete të ndryshme në rajon të bashkohen në një “Shqipëri të natyrshme”


Demir Reshiti


Prishtinë/Tiranë/Beograd, 23 gusht – “... e ardhmja e një të tretës së Maqedonisë që do të jenë shqiptarët do të jetë përsëri shpresëdhënëse. Ata shpresoj se në vitin 2013 do të jenë të gjithë të integruar në Shqipërinë natyrale...”. Ky pasus i intervistës së analistit Koço Danaj, botuar në “Epoka e Re” në 9 dhe 10 gusht, ka qenë shkak i parë që Ministria e jashtme e Serbisë të reagojë “ashpër” ndaj qeverisë së Shqipërisë, duke u “ankuar” madje edhe te Grupi i Kontaktit për Kosovën, BE-ja, SHBA-të dhe KB-të!.
Reagimi i Drashkoviqit është transmetuar të mërkurën nga agjencitë dhe mediat elektronike kryesore të rajonit dhe të Evropës.
(Të vetmet janë televizionet e Kosovës, RTK dhe KTV që e kanë parë të udhës ta fshehin faktin se intervista që nxiti këtë reagim është botuar në gazetën e kolegëve të tyre të profesionit, në “Epoka e re”. Ata thonin, si zakonisht, “në një gazetë kosovare”!)

Drashkoviq: Bashkimi i shqiptarëve - strategji zyrtare

“Tirana zyrtare nuk heq dorë nga vendimi që shqiptarët të cilët jetojnë nëpër shtete të ndryshme në rajon, të bashkohen në një “Shqipëri të natyrshme”.
Ky është vlerësimi i ministrit serb të Punëve të Jashtme Vuk Drashkoviq, i cili ka thënë se Tirana i ka paralajmëruar shtetet fqinjë se janë vepra artificiale.
“Kryeministri shqiptar dërgoi porosi direkte deri te Serbia, Maqedonia dhe Mali i Zi se kufijtë e tyre të natyrshëm nuk janë vepra reale dhe se deri në vitin 2013, të gjithë shqiptarët, të cilët jetojnë në pesë shtete do të bashkohen në një Shqipëri të natyrshme. Porosi me përmbajtje të ngjashme, se si shtet nuk është vepër natyrore, në mënyrë indirekte është dërguar edhe në Greqi”, ka vlerësuar Drashkoviqi, duke u arsyetuar se porosia është dërguar me ndërmjetësim të këshilltarit politik të kryeministrit shqiptar që sipas tij është Koço Danaj. “Është e logjikshme që porosia është dërguar me ndërmjetësim të këshilltarit politik të kryeministrit si dhe nëse vjen deri në gjendje të tensionuar në rajon, Evropës dhe SHBA-ve, do t’u thuhej se këshilltari ka kumtuar “qëndrimin personal”.
“Kjo nuk është as qëndrim personal, as balonë testuese, por strategji zyrtare, meqë para disa muajsh, të njëjtën gjë e kumtoi edhe ministri i Punëve të Jashtme i Shqipërisë”, thuhet në kumtesën e MPJ-së serbe, të nënshkruar nga Drashkoviqi.
“Vallë, përfundimisht, nuk është e sigurt se rrënimi i integritetit territorial të Serbisë, me atë që Kosovës do t’i dhurohej statusi i pavarësisë, në mënyrë direkte shpie në dramë ballkanike me përmasa të rrezikshme dhe të paparamendueshme”? Këtë pyetje shefi i diplomacisë serbe ua ka drejtuar edhe Grupit të Kontaktit për Kosovën, BE-së, SHBA-ve dhe KB-ve.
“Atë që Tirana nuk e kupton apo nuk mund ta kuptojnë është se Shqipëria do të ishte viktimë përfundimtare e pavetëdijes dhe projekt i rrezikshëm për Kosovë të pavarur. Ekonomikisht e pafuqishme, shteti Kosovë, do të bëhej si qendër veprimi të bashkimit të shqiptarëve në një shtet, edhe atë në Kosovë të Madhe”, ka paralajmëruar Drashkoviqi në kumtesën e Ministrisë së Punëve të Jashtme të Serbisë.


Përgënjeshtron kryeministria shqiptare

Ndaj kumtesës së MPJ-së së Serbisë, ka reaguar menjëherë zyra e kryeministrit Berisha.
“Kryeministria pasi u njoh me deklaratën e Ministrit të Jashtëm të Serbisë Vuk Drashkoviq në lidhje me artikullin me autor Zotin Koço Danaj, sqaron se Danaj nuk ka qenë asnjëherë këshilltar i Zotit Berisha, as në kohën kur ai ishte president dhe as tani si kryeministër. Për më tepër, Zoti Danaj nuk ka punuar në asnjë nga administratat e drejtuara nga Zoti Berisha”, thuhet në deklaratën e lëshuar nga zëdhënësi i Kryeministrit Berisha, i cili me këtë rast ka shprehur keqardhjen për nxitimin e Ministrit të Jashtëm Vuk Drashkoviq “për të reaguar mbi një pretendim të pavërtetë”.

AMS: Drashkoviq përballë argumenteve dhe fakteve shpif dhe injoron realitetin

Partia Aleanca për Mirëqenie dhe Solidaritet (AMS) të cilën e drejton Koço Danaj, nëpërmjet një kumtese e ka vlerësuar si tendencioze deklaratën e ministrit të jashtëm serb.
“Në këtë deklaratë, Drashkoviq sulmon një intervistë të zotit Koço Danaj dhënë gazetës së Prishtinës “Epoka e Re” në datat 9 dhe 10 gusht. Në deklaratën e dhënë nga Tanjugu, Drashkoviq bën dy gabime: E para Ai e konsideron zotin Danaj si këshilltar të kryeministrit Berisha duke u përpjekur të implikojë qeverinë shqiptare; gjë që nuk është e vërtetë (Danaj ka qenë vetëm këshilltar i kryeministrave socialistë). Dhe e dyta: Drashkoviq e konsideron Platformë, intervistën e Danajt, e cila ka vetëm mendime mbi të ardhmen e rajonit të Ballkanit...”, thuhet në kumtesën e lëshuar nga AMS.

[babadimri]

per me shume lexni ne vete faqen e www.lajme.net qe eshte faqe e analistit Koco danaj

[Marmara]

This sounds too good to be true,
are you sure there is no catch or hiden sharges ?


nuk ju a sjolla une lirine ate e gjeta ketu ne mesin e juve,

[babadimri]

Nje teme interesante dhe nje problematike qe duhet dsikutuar padyshim.

[babadimri]

Interesant shume pak diskutime ne kete teme si duket nuk jeni te interesuar te bisedojme per tezat e zotit danaj

[panti]

Epo kemi frikë se diskutimet tona nuk i pëlqejnë Albos dhe na i censuron....

[mr.Hoti]

Gjerat jane te renditura aq mire sa qe lehtesisht duken, dhe ne Shqiptaret nje dite do BASHKOHEMI .
A mendoni se ne shek. 21 mund te kete Tradhetar Shqiptare . ASNJEHERE

Pse nuk do te ket tradhtar do te ket deri sa ty e perkrah gjestin te cilin e beri PDSH pas zgjedhjeve te 5 korikut ku ngriti flamurin me te cilin flamur ne vitin 2001 na kan gjuajtur forcat e siguris se maqedons ti me rrethin tend do te jesh tradhtar sot e ateher.

[babadimri]

Vetm kijeni parasysh kur diskutoni se ju eprcjell nje audience me e madhe sesa mendoni.

[mr.Hoti]

Vetm kijeni parasysh kur diskutoni se ju eprcjell nje audience me e madhe sesa mendoni.

Nga arsyeja se na percjell nje audienc a madhe dhe ne tash duhet ti ndaloim qe mos ty nxjerim gjerta ne shesh JO per kunder faktit se na percjell ne duhet me tregu se kush jemi dhe cka jemi mos lejoim qe dikush tna inponoi sic deshirn ai vet cdo gjeje e cila asht ne dam te popullit dhe kombit ton i themiSTOPse nuk do te lejoijm qe dikush te bej manipulime dhe gjera te cilet nuk jan ne te mir te popullit dhe kombit prandaj nga ketu ua bejm me dije dhe u japim ket mesash...

[babadimri]

Po vetem dije se edhe mediat serbe e eprcjellin kete debat vetem hyn ne google edhe e sheh se ne B92 e kane nxjerr bash kete teme sepse eshte intervista e Koco danajt. e mos tu japim rast serbeve te kenaqen duke na pa ka behemi ndermjet veti lesh. besoj tash e kuptove cka desha te them

[kurkushi]

[

EPOKA E RE: Arbën Xhaferi ka paralajmëruar tërheqjen nga politika nëse PDSH-ja hyn në qeveri. Si e shihni të ardhmen e kësaj partie pa Xhaferin?
Danaj: Është një deklaratë e çuditshme dhe me shumë pikëpyetje nga pas, për ata që kanë kohë që e njohin Arbën Xhaferin. Por është e drejta e tij të tërhiqet tani që rimori pushtetin. Por personalisht nuk më duket një mendim i qëlluar dhe në kohën e duhur.

Arber Xhaferi ( sipas bindjes sime te arrijtur nga studimet filosofike dhe politike) e ke thene fort bukur dhe ne meomentin e duhur kete fjale,kete lajm!
Mjerisht te tjeret politikane shqiptare (te Bullgarise se II-te ) kete s`e kuptojne ende...
Bashkepjesemarrja ne qeveri te Bullgareve eshte bashkendihme dhe bashkeveprim per vetasgjesim nga secili shqiptar!
Kete e thot Xhaferi por kopeja s`e kupton dot!

[babadimri]

Eshte teme interesante doreheqja e Xhaferit nje ceshtje qe duhet diskutuar . Ndersa sa i perket filozofise politika duhet me ia dhene doren