Kriminaliteti shqiptar

[fatmir_sh]

sa njerez te ne dijne per kriminalitetin ne vend dhe sate interesuar ka ne kete ne vend cili eshte krimi me irend qe ka ndodhur te ne i organizuar nga njerzit tone sa rastej jan te zbardhura dhe te ndeshkuara

[gazetarja]

Per mua rasti me makaber eshte kur nje grua ne Korce vrau nipin e te dashurit(njekohesisht edhe shokun e djalit te saj te vogel dhe per kete u denua vetem me 25 vjet burg sepse legjislacioni shqiptar nuk lejoka qe grate te denohen me burgim te perjetshem edhe per nje vrasje te tille.Dhe te mendosh qe e ka qelluar me garuzhde dhe me pas e ka ndare ne copa dhe e ka futur ne thase per ta mbyllur ne nje pus ku pinin uje bagetite e fshatit.Nejse them se duhet rishikuar ligji ketu tek ne.pse jo dhe denimi me vdekje per te tilla krime.

[TikTak]

ka shqipo qi jan kriminel te lindun.

kam pas i cun nfillore qe i vriste zogjt pa pik meshire ene i zysha jon i ka thon ti ke per tu bo kriminel. e njashtu u bo derisa e hongri qafen e pates

[Ermal 22]

Shume kriminela kemi ne per numer popullsie. Si shpjegohet kjo? Me duket se fajin kryesor e ka familja e shkrete qe rrit individa qe synim kryesor kane lekun dhe qe nuk kane as normat me elementare te sjelljes e kultures, apo individa qe nuk kane pike rrespekti per ligjin a per shtetin. mos te harrojme gjithashtu se varferia ben te vetem

[gazetarja]

Nga 3 milione qe jemi,1 milion i kemi vetem kriminele,1 milion kengetare(gjysma e se keqes) shpresoj qe 1 milionshi tjeter te jete tregues pozitiv jo per gje po ca na ngelet pastaj?????

[TOKE GEGA]

Shume kriminela kemi ne per numer popullsie. Si shpjegohet kjo? Me duket se fajin kryesor e ka familja e shkrete qe rrit individa qe synim kryesor kane lekun dhe qe nuk kane as normat me elementare te sjelljes e kultures, apo individa qe nuk kane pike rrespekti per ligjin a per shtetin. mos te harrojme gjithashtu se varferia ben te vetem

Zbardhen lidhjet mafioze të anëtarit të KLD-së. Gjyqtari lironte vrasësit e bandës së Bares në këmbim të parave dhe pronave


Gjermeni, njeriu i besuar i mafies në KLD


Zbardhet një pjesë e lidhjeve mafioze të anëtarit të KLD-së dhe ish-kryetarit të Gjykatës së Lushnjes, Artan Gjermeni me kapobandën e Lushnjes, Aldo Bare. Një gazetë e përditshme botoi dje një material të dosjes voluminoze të hartuar nga Antidroga e Kuesturës së Torinos ndaj bandës së Lushnjes dhe kryesisht, kapobandës Aldo Bare dhe krahut të djathtë të tij, Enver Dondollaku, ose siç njihet në Itali, Enver Gjakësori, i cili ndodhet i prangosur prej disa muajsh në Itali. Në dosjen italiane, seksioni i shtatë i Antidrogës së Torinos, ndodhen të zbardhura bisedat që ka bërë kapobanda Aldo Bare me Dondollakun, duke e siguruar atë se dokumentat për pajisje me pasaportë dhe vizë ndërkombëtare do t'i bënte Artan Gjermeni, në atë kohë kryetar i Gjykatës së Lushnjes, ndërsa sot anëtar i KLD-së.

Sipas dosjes italiane, emri i Gjermenit është regjistruar nëpërmjet celularit të Dondollakut, njeriut të cilësuar si "krahu i djathtë" i Aldo Bares. Dondollaku ka biseduar me kapon Aldo Bare, dhe i ka thënë atij se, dëshiron ta takojë në Turqi, por nuk kishte dokumenta të rregullta dhe se rrezikonte të arrestohej nga Interpoli. Aldo Bare, i thirrur me nofkën, "Profesori" i thotë Dondollakut se, "dokumentat do t'i bëjmë nëpërmjet Tan Gjermenit". Në një bisedë tjetër telefonike, që është zbardhur dhe ndodhet në dosjen italiane, anëtarët e bandës së Lushnjes bisedojnë me kapon Aldo Bare dhe interesohen nëse "vazhdonte të ishte dosja e grupit të tyre në duart e Gjermenit, në mënyrë që të kenë mundësi të rihapin gjykimin për Maksim Çelën". Maksim Çela, ishte një tjetër anëtar i bandës së Lushnjes ishte dënuar nga gjykata me vendim të formës së prerë dhe ndodhej në burg. Aldo Bare premton nëpërmjet telefonit, se do ta lironte Çelën me ndihmën e kryetarit të Gjykatës së Lushnjes, Artan Gjermeni. Bisedat telefonike të transkriptuara janë përfshirë në dosjen hetimore 9772/02 për të dëshmuar se sa e aftë ishte organizata të krijonte lidhje me persona të fuqishëm, të cilët ishin në pozicione të rëndësishme.

Nëpërmjet telefonatës nr.157 bëhet e ditur se, organizata kishte futur në qelinë e burgut të një anëtari të saj të dënuar, Maks Çelës, një aparat celular. Dondollaku i jep Leonard Priftit, i njohur në Lushnje dhe me nofkën "Çibiku", numrin e celularit që Çela mbante në qeli. Këtë numër "profesori" (Aldo Bare) ia kishte kërkuar Dondollakut në një bisedë të mëparshme, edhe kjo e transkriptuar. Maks Çela ndodhej i dënuar në burg dhe "profesori" donte të fliste direkt me të nga Turqia, jo vetëm për t'i ngritur moralin, por edhe për ta siguruar se do të bënin të gjitha përpjekjet për ta nxjerrë atë nga burgu si pjesëtarët e tjerë të organizatës që tashmë kishin fituar lirinë. Pikërisht për këtë motiv, në bisedën e dytë të transkriptuar nga policia italiane, Aldo Bare i thotë Dondollakut se, nuk është i sigurt nëse dosja e "Bandës së Lushnjës" vazhdonte të ishte në duart e Tan Gjermenit, në mënyrë që të shikonin mundësinë për të rihapur dhe një herë çështjen gjyqësore të Maksim Çelës.

Kjo dosje është vënë edhe në dispozicion të Prokurorisë së Përgjithshme, por kryeprokurori Sollaku jo vetëm që nuk ndihmoi drejtësinë e italiane për hetime të mëtejshme, por luajti një rol të rëndësishëm për ta bërë Artan Gjermenin anëtar të KLD-së.


Hetimet italiane


Fillimisht, agjentët e Antidrogës së Torinos kanë identifikuar Enver Dondollakun, i njohur me pseudonimin "Goni". Dondollaku shërbente jo vetëm si dispeçer për të siguruar kontaktet e organizatës me kapon e saj, "Profesorin" (Aldo Bare), që ndodhej larg, por njëkohësisht ishte dhe shefi i celulës që kryente trafikun e lëndëve narkotike në Veri të Italisë. Në faqen nr.25 të dosjes hetimore 9772/02, paraqitet përmbledhja e transkriptimit të telefonatës 157. Biseda është bërë në gjuhën shqipe dhe ka nisur në orën 22.32 të datës 6 mars 2003. Pritësi ka qenë "Goni" (Dondollaku), i cili ka përdorur aparatin celular me nr. Imei 350642073479560, ndërsa karta telefonike nga është telefonuar mban nr. 0040212317597, që i përket një kompanie të telefonisë në Rumani. Ky numër rezulton të ketë qenë në përdorim të Leonard Priftit. Telefonuesit janë identifikuar në Rumani dhe fillimisht në telefon ka dalë "Nardi i vogël" (Leonard Prifti). Menjëherë pas tij, Dondollaku ka komunikuar me "Profesorin", Aldo Baren. Në fund të bisedës, Dondollaku i ka kërkuar "Profesorit" se, donte të shkonte në Turqi për ta takuar, por nuk kishte dokumenta të rregullta për të lëvizur lirisht. Dondollaku ishte në kërkim qysh prej 11 tetorit 1999, kur i shpëtoi arrestimit nga forcat speciale në Lushnje. Problemet për të u bënë më të mëdha në 26 shtator 2001 kur Gjykata e Elbasanit e dënoi me 20 vjet burg. Pesë muaj më vonë, Gjykata e Apelit në Durrës ia minimizoi në maksimum dënimin, duke i dhënë vetëm 5 vjet burg për rrëmbim personi. Por ky vendim ishte i formës së prerë, dhe qysh nga ky moment emri i tij ishte në listën e personave të shpallur në kërkim ndërkombëtar nga Interpoli. Dondollaku u kishte shpëtuar dhjetëra aksioneve të policisë brenda vendit, por i trembej arrestimit nga Interpoli gjatë udhëtimit jashtë Shqipërisë. Për këtë shkak ai i kërkon ndihmë "Profesorit", i cili i përgjigjet se: "Dokumentat do t'i bëjmë nëpërmjet Tan Gjermenit". Në këtë periudhë, Gjermeni ishte kryetari i Gjykatës së Lushnjës.


Gjermeni liroi nga burgu anëtarë të bandës së Aldo Bares


Ish-kryetari i Gjykatës së Lushnjes, Artan Gjermeni, sot anëtar i KLD, ka liruar nga burgu njërin nga anëtarët e bandës së Aldo Bares. Anëtari i kësaj bande, i penduari Petrit Liçi, ka dëshmuar në një nga seancat gjyqësore se, ishte liruar nga burgu pas 40 ditësh, pas ndërhyrjes së bandës dhe me ndihmën e kryetarit të Gjykatës së Lushnjes, Artan Gjermeni, tashmë i zgjedhur anëtar i KLD-së. Skandali i kryetarit të Gjykatës së Lushnjes, Artan Gjermeni, u zbulua nga kontrolli që ushtroi një grup inspektorësh nga Ministria e Drejtësisë. Sipas raportit të inspektimit në Gjykatën e Lushnjes ka rezultuar se, kryetari i asaj gjykate, Artan Gjermeni, nuk ka numërtuar një çështje penale në ngarkim të anëtarit të bandës së Lushnjes, Petrit Liçi, si dhe nuk e ka hedhur në short çështjen e këtij të pandehuri.

Kryetari i Gjykatës së Lushnjes, Artan Gjermeni, nuk e hodhi në short dosjen e anëtarit të bandës së Aldo Bares, Petrit Liçi. Më datën 13 janar 2003 nuk janë hedhur në short nga kryegjyqtari Artan Gjermeni një numër i madh dosjesh, por e vetmja dosje pa numër ka qenë ajo në ngarkim të Petrit Liçit, i cili në atë kohë akuzohej për armëmbajtje pa leje. Mungesa e hedhjes së shortit për këtë të pandehur si dhe mungesa e numërtimit të saj të le të dyshosh, se kjo dosje është shqyrtuar nga gjyqtari i preferuar i bandës së Lushnjes. Këtë e vërteton edhe masa e dënimit ndaj të akuzuarit Petrit Liçi, i cili deklaroi pak ditë më parë para trupit gjykues se ishte dënuar vetëm me 40 ditë burg dhe ishte liruar pas ndërhyrjes së bandës së Lushnjes. "Në vitin 2003, jam arrestuar nga Policia e Lushnjes për armëmbajtje pa leje. Për këtë vepër penale jam dënuar me 40 ditë burg. Gjatë kohës që kam qendruar në burg, nuk më erdhi asnjë nga shokët të më takonte. Kur dola nga burgu, mësova se kishin ndërhyrë në gjykatë njerëzit e Enver Dondollakut si dhe persona të tjerë, të cilët interesoheshin që unë të lirohesha", deklaroi Petrit Liçi para trupit gjykues në seancën e para katër ditëve.

Në fakt, Gjermeni ka qenë i lidhur që herët me bandën e Lushnjes. Në vitin 2003, Eduart Demiri, tashmë i arrestuar, ish-administrator i skuadrës së futbollit të Lushnjes i ka shitur një lokal dhe fushën e minifutbollit kryetarit të Gjykatës së Lushnjes, Artan Gjermeni. Gjithashtu, Gjermeni po hetohet për mashtrim të Inspektoriatit për Pasurinë e tij.






Blerja e pronës nga banda e Bares dhe fshehja e pasurisë


Bare, kompleks sportiv Gjermenit


Artan Gjermeni gjatë kohës që ka qenë kryetar i Gjykatës së Lushnjes ka blerë disa prona nga banda e Aldo Bares. Sipas relacionit të Gjermenit mbi pasurinë e tij, rezulton se në datë 12.11.2003 shtetasi Eduart Demiri i ka shitur nënës së Kryetarit të Gjykatës, Artan Gjermeni, Gore Gjermeni, kompleksin sportiv me sipërfaqe 1600 m2, të përbërë nga fushë futbolli të mbuluar, bar kafe, terren sportiv, dhoma zhveshje, në vlerën 3.900.000 lekë. Eduart Demiri, i njohur "de facto" dhe "de jure" si financieri i kapobandës së Lushnjes, Aldo Bares. Kryetari i Gjykatës së Lushnjes, Artan Gjermeni, ka blerë edhe një pasuri tjetër dhe përsëri nën emrin e nënës së tij, truall me sipërfaqe prej 1856 m2, në vlerën 400.000 lekë që i bie të jetë rreth 200 lekë metri katror, (çmimi mjaft i ulët në krahasim me tregun).

Artan Gjermeni, ka fshehur pasurinë e tij në deklarimin e bërë në Inspektoriatin e deklarimit të Pasurisë. Artan Gjermeni, nuk kishte deklaruar blerjen e një garazhi në pallatin ku ka blerë dhe apartamentin në qytetin e Tiranës, duke fshehur pronësinë. Por, në bazë të verifikimeve u zbuluan një sërë pronash dhe pasurish të pa deklaruara prej tij. Gjatë kontrollit të ushtruar nga Ministria e Drejtësisë u zbuluan edhe një serë shkeljesh të tjera ligjore. Artan Gjemreni ka liruar një person të akuzuar për trafikimin e 1 kg lëndë narkotike, me pretendimin se e kishte për përdorim vetiak, në një kohë që Prokuroria e Lushnjes kishte kërkuar ndaj këtij shtetasi masën e sigurisë arrest me burg. Ka pezulluar ekzekutimin e dënimit me burgim për një shtetas të dënuar me 2 vjet e katër muaj burg për veprën penale të kultivimit të bimëve narkotike. Nga kontrolli i kryer në rreth 25 dosje gjyqësore me objekt zgjidhje martese u gjendën 19 prokura të posaçme të redaktuara nga noterja Anila Gjermeni, bashkëshortja e gjyqtarit Artan Gjermeni, që ka gjykuar çështjet.






Moisiu dhe Sollaku mbyllën dosjen e gjyqtarit të mafies


Ish-kryetari i Gjykatës së Lushnjes, Artan Gjermeni, është akuzuar me prova dhe fakte për mbështetje të bandës së Lushnjes dhe për një sërë shkeljesh ligjore, por, çuditërisht ai u emërua anëtar i KLD me ndihmën e Presidentit, Alfred Moisiu dhe kryeprokurorit, Theodhori Sollaku. Njëri nga anëtarët e bandës së Lushnjes, Petrit Liçi, ka dëshmuar në një nga seancat gjyqësore se, ishte liruar nga burgu, pas ndërhyrjes së bandës dhe me ndihmën e kryetarit të Gjykatës së Lushnjes, Artan Gjermeni.

Artan Gjermeni gjatë kohës që ka qenë kryetar i Gjykatës së Lushnjes ka blerë nga banda e Aldo Bares një kompleks sportiv, duke e kaluar në emër të së ëmës së tij. Gjithashtu, Artan Gjermeni, ka fshehur pasurinë e tij në deklarimin e bërë në Inspektoriatin e Deklarimit të Pasurisë. Për këtë shkelje të rëndë ligjore, Ministria e Drejtësisë e paditi Gjermenin, por dosja e tij u mbyll pas ndërhyrjes së Prokurorit të Përgjithshëm, Theodhori Sollaku. Prokuroria e Kavajës mbylli dy herë hetimet ndaj Gjermenit, pas presionit të kryeprokurorit Sollaku. Vetë prokurori i çështjes deklaroi atëherë, se ishte detyruar të mbyllte hetimet pas presioneve nga Prokuroria e Përgjithshme. Kryeprokurori Sollaku e ka marrë në mbrojtje, duke ndikuar në emërimin e tij në KLD. E njëjta gjë u bë edhe nga Presidenti Moisiu, i cili votoi pro Gjermenit. Emërimi i Artan Gjermenit në KLD me ndihmën e Moisiut dhe të Sollakut, edhe pse i akuzuar për disa vepra penale, përbën një skandal të rëndë për drejtësinë shqiptare.

Lidhjet e kryetarit të Gjykatës së Lushnjes, Artan Gjermeni, me bandën e Aldo Bares dhe favoret që ai u kishte bërë disa anëtarëve të kësaj bande gjatë gjykimit, njiheshin nga opinioni i gjerë dhe drejtësia, por kryeprokurori Theodhori Sollaku e mori në mbrojtje atë, duke i mbyllur edhe një dosje penale. Edhe pse ndaj Gjermenit rëndonin një barrë akuzash, Presidenti i Republikës, Alfred Moisiu, votoi për të duke e bërë anëtar të Këshillit të Lartë të Drejtësisë.





Në vitin 2003 Bashkia e Lushnjes i dha bandës së Shytit tenderin e pastrimit të qytetit


Kryebashkiaku i PS, 500 mijë euro mafies


Një tjetër skandal i rëndë që është zbuluar gjatë përgjimit të bisedave telefonike të kapobandës Aldo Bare me anëtarët e bandës së tij është edhe dhënia e tenderave prej miliona eurosh nga drejtuesit e PS bandave kriminale. Kështu, nga përgjimi i bisedës telefonike të Aldo Bares nga antimafia italiane, është zbuluar se kryebashkiaku i PS në Lushnje i ka dhënë 500 mijë euro kapobandës rivale të Lushnjes, Roland Shyti, për tenderin e pastrimit të qytetit. Gjatë bisedës telefonike del se, Mustaqekuqi, nofka e Roland Shytit, i njohur si njëri nga drejtuesit e organizatës kriminale, "Hakmarrja për Drejtësi", ka marrë një kapar prej 500 mijë eurosh për pastrimin e qytetit të Lushnjes. Gjatë bisedës del se, Aldo Bare e Leonard Prifti, i kanë shpëtuar policisë.

Duket qartë se, qeveria e majtë dhe drejtuesit socialistë të bashkive u kanë dhënë një mbështetje të fuqishme bandave kriminale, duke i fuqizuar ato ekonomikisht. Banda e Aldo Bares arriti të pushtojë Lagunën e Karavastasë dhe një serë objektesh të tjera shtetërore falë ndihmës së politikanëve të majtë dhe kryetarit të Gjykatës së Lushnjes, Artan Gjermeni. Po ashtu, edhe banda rivale e Lushnjes që drejtohej nga Roland Shyti, u shpërblye me tenderin e pastrimit të qytetit të Lushnjes. Bandat kriminale u vunë në shërbim të qeverisë socialiste, duke sponsorizuar aktivitetet e politikanëve të majtë. Aldo Bare, ndonëse ishte larguar jashtë shtetit, vinte lirisht në Shqipëri dhe qarkullonte me makinën e një deputeti të PS për t'i shpëtuar policisë.

Më shumë se kushdo, pasojat e bandës së Lushnjes i ka vuajtur populli i Lushnjes. Vetëm pas arrestimit të Aldo Bares, Lushnja arriti të çlirohet nga kthetrat e mafies. Banda e Lushnjes ka gëzuar mbështetje nga disa prej këtyre ish-qeveritarësh, të cilët për tetë vjet nuk e prekin superkriminelin, i cili ka bërë më shumë se 15 vrajse. Lënia e lirë e Bares nga qeveritë e PS dhe hyrje-daljet në Shqipëri, në një kohë që kishte një mandat arresti, flasin qartë për një garanci të plotë që superkrimineli kishte nga pushtetarët socialistë, se ai nuk do të prekej. Nëse qeveria socialiste do të ishte e impenjuar në luftën ndaj bandave dhe krimit të organizuar, sigurisht që kreu i bandës së Lushnjes do të kishte përfunduar në pranga shumë kohë më përpara.





Disa nga krimet e bandës së Lushnjes dhe pse u la i lirë për tetë vjet kreu i kësaj bande famëkeqe


Aldo Bare, i akuzuar për dhjetëra vrasje


Organizata kriminale e Lushnjes ka pasur një strukturë të tipit klasik mafioz. Kjo organizatë është krijuar nga Alfred Shkurti, i njohur me emrin Aldo Bare. Nga hetimet dhe provat e siguruara është zbuluar se, kreu bandës së Lushnjes, Aldo Bare, ka pasur mbështetje kryesore të fuqishme nga disa eksponentë të partive të majta. Megjithëse, Aldo Bare ishte strehuar në Turqi, gjatë katër viteve të fundit ai ishte futur disa herë në Shqipëri dhe kishte dalë pa asnjë problem, falë mbështetjes politike që ai kishte


Aldo Bare, emri i vërtetë i të cilit është Alfred Shkurti, drejtuesi i bandës kriminale të njohur me emrin e tij, u arrestua në muajin mars të vitit të kaluar në Ankara të Turqisë. Aldo Bare dhe organizata e tij kriminale akuzohen për më shumë se 15 vrasje dhe krime të tjera. Akuzohen për vrasjen në korrik të vitit 1997 të Artur Dajës, për vrasjen në vitin 2000 të agjentit të policisë Klejdi Bano, për vrasjen e mbetur në tentativë të ish-shefit të Policisë, Sinan Meta, për vendosjen e eksplozivit në stadiumin e Lushnjes, për vendosjen në 2001 të eksplozivit në banesën e inspektorit të Policisë, Idriz Shuli, për vrasjen në janar të vitit 2005 të Klodian Haxhiut, për vendosjen në mars të vitit 2005 të eksplozivit në një apartament në rrugën "Don Bosko" në Tiranë, për vrasjen në korrik të vitit 2005 të Baki Taullajt, për vendosjen e eksplozivit në makinen e ish-drejtorit të Policisë Kriminale, Xhavit Shala, dhe për një numër vrasjesh të tjera. Ai akuzohet gjithashtu, për drejtimin e njërit prej rrjeteve më të fuqishëm të trafikut ndërkombëtar të drogës në drejtim të Europës Perëndimore. Arrestimi i Aldo Bares, i cili gjatë qeverisë së PS nuk figuronte në listën e personave të shumëkërkuar, pavarësisht krimeve të panumërta të kryera nga ai dhe banda që ka drejtuar, u bë menjëherë pas ardhjes në pushtet të qeverisë së PD.


Si funksiononte banda e Aldo Bares

Ministria e Brendshme dhe Prokuroria e Krimeve të Rënda kanë zbardhur gjithë funksionimin e bandës së Lushnjës të drejtuar nga Aldo Bare. Sipas Prokurorisë, organizata kriminale e Lushnjes ka pasur një strukturë të tipit klasik mafioz. Kjo organizatë është krijuar nga Alfred Shkurti, i njohur me emrin Aldo Bare. Nga hetimet dhe provat e siguruara nga Prokuroria, dyshohet se kreu bandës së Lushnjes, Aldo Bare, ka pasur mbështetje kryesore të fuqishme nga disa eksponentë të partive të majta. Megjithëse, Aldo Bare ishte strehuar në Turqi me emra të rremë, gjatë katër viteve të fundit ai ishte futur disa herë në Shqipëri dhe kishte dalë pa asnjë problem, falë mbështetjes politike që ai kishte. Gjatë hetimit është konstatuar se, Aldo Bare dhe banda e tij kanë udhëtuar me një makinë të një deputeti të majtë dhe organi i akuzës po heton për të verifikuar se i kujt politikani ka qenë automjeti që ka udhëtuar kreu i bandës.


Urdhëri për ekzekutimet

Të gjithë urdhërat për ekzekutime që janë kryer në Lushnje janë dhënë nga Aldo Bare. Ky fakt është bërë i ditur nga Prokuroria në një nga seancat gjyqësore që po zhvillohen për tetë anëtarët e bandës së Lushnjes. Sipas Prokurorisë, të gjitha urdhërat e Aldo Bares për të kryer vrasjet në Lushnjë, ua përcillnin ekzekutorëve që ishin dora e tretë, Enver Dondollaku dhe Erjon Cici. Prokuroria ka vërtetuar gjatë hetimeve se, kreu i bandës së Lushnjes ishte Aldo Bare, dhe pas tij, ishin Erjon Cici dhe Enver Dondollaku, të cilët kanë zbatuar me besnikëri çdo urdhër të kreut të bandës. Vendimet për vrasje i merrte Aldo Bare, ndërkohë që urdhërat dhe personat që do të kryenin ekzekutimet, i gjenin të pandehurit e lartpërmendur.

Sipas Prokurorisë, kreu i bandës Aldo Bare, mendohet se kontaktet me anëtarët e bandës i kishte të pakta. Dyshohet se ai kontaktonte me dy njerëzit e tij më të besuar Erjon Cici dhe Enver Dondollaku, të cilët i kishte edhe si mbështetje kryesore. Këta përcillnin urdhërat tek organizatorët e krimeve të rënda, si vrasje, vendosje eksplozivësh, gjobëvënie, pengmarrje etj. Sipas hetimeve rezulton se, këta dy persona kanë pasur kontakte me bashkëpunëtorët më të ngushtë të Bares, dhe pasi merrnin urdhërat i përcillnin tek ekzekutuesit. Hetuesit dyshojnë se ata nuk kishin kontakt të drejtpërdrejtë me Aldo Baren. Sipas burimeve të Prokurorisë, kjo bandë, duke pasur një strukturë të tipit mafioz, mund të rigjenerohej në çdo lloj momenti, edhe nëse prangoseshin të gjithë anëtarët.


Pushtimi i Lagunës së Karavastasë


Laguna e Karavastasë ka kaluar në pronësinë e Alfred Shkurtit, i njohur si Aldo Bare, në vitin 1998, nga akt-shitja pas kërcënimeve të bëra ndaj 85 punëtorëve të kësaj lagune. Punëtorët u detyruan me dhunë kundrejt një shume prej 100 mijë lekë të reja për të bërë shitjen tek noteri, duke kaluar të gjithë tokën në pronësinë e kreut të bandës së Lushnjes, Aldo Bare. Llaguna ishte fillimisht në pronësi të punëtorëve, të cilët gjatë vitit 1997 e mbrojtën, duke mos lejuar vjedhjen dhe shkatërrimin e saj. Pas këtij nënshkrimi, Laguna e Karavastasë ligjërisht kaloi nën pronësi të familjes së Alfred Shkurtit, por e regjistruar me emrin e një pjesëtari të ngushtë të familjes. Mësohet se Laguna e Karavastasë është rregjistruar në emrin e të dashurës së Aldo Bares. Administratorët e Karavastasë në vitin 2000 janë pajisur me leje shfrytëzimi të lagunës për një afat 5-vjeçar nga institucionet përkatëse shtetërore. Kreu i bandës së Lushnjes përfitonte të ardhura të shumta nga Laguna e Karavastasë dhe këto para i investonte edhe për një pjesë të politikës së majtë.


Disa nga krimet e bandës së Aldo Bares


Në korrik të vitit 1997 është vrarë Artur Daja

Në vitin 2000 është vrarë Klejdi Bano, agjenti i policisë

Në janar të vitit 2005 është vrarë Klodian Haxhiu

Në korrik të vitit 2005 është vrarë Baki Taullaj

U tentua të vritet Sinan Meta, ish-shefi i Policisë

Vendosja e eksplozivit në stadiumin e Lushnjes

Vendosja e eksplozivit në banesën e inspektorit të Policisë Idriz Shuli

Vendosja e eksplozivit në apartament në rrugën "Don Bosko" në Tiranë

Vendosja e eksplozivit në makinën e ish-drejtorit të Policisë Kriminale, Xhavit Shala

Banda akuzohet për një numër vrasjesh të tjera.

Akuzohet gjithashtu, për drejtimin e njërit prej rrjeteve më të fuqishëm të trafikut ndërkombëtar të drogës në drejtim të Europës Perëndimore.





Presidenti mbrojti dhe e mban në gjirin e Këshillit të Lartë të Drejtësisë njeriun e bandës së Lushnjes


PD: KLD të largojë Gjermenin


Partia Demokratike kërkoi dje largimin e menjëhershëm të Artan Gjermenit nga posti i anëtarit në Këshillin e Lartë të Drejtësisë, pas publikimit të fakteve tronditëse që e lidhin atë me bandën kriminale të Aldo Bares. Zëdhënësi i Partisë Demokratike, Gerti Bogdani, tha se masat për largimin e Gjermenit duhet të merren nga KLD-ja, pasi tashmë provat vazhdojnë të tregojnë se ky anëtar është i inkriminuar me organizatën kriminale të Lushnjës. "Partia Demokratike kërkon largimin e menjëhershëm të bosit në opozitë të bandës së Lushnjes, Artan Gjermeni, nga detyra në Këshillin e Lartë të Drejtësisë. Lidhjet e politikës me krimin vazhdojnë dhe prerja e tyre është kusht i domosdoshëm, i përcaktuar për integrimin europian", u shpreh zëdhënësi i partisë më të madhe në vend. Duke iu referuar provave të publikuara në një të përditshme shqiptare, të marra nga Prokuroria italiane, Bogdani tha se Gjermeni shfrytëzonte postin e gjyqtarit dhe tashmë atë të anëtarit të KLD-së për lirimin e kriminelëve. Ai tha se edhe Presidenti i Republikës është përgjegjës për mbajtjen e një njeriu të tillë në gjirin e institucionit më të lartë drejtues të sistemit të drejtësisë. "Artan Gjermeni, me urdhër të bosëve, lironte në mëngjes vrasësit që ekzekutonin natën qytetarët, por, pavarësisht kësaj dëshmie, Presidenti i Republikës e mbrojti dhe e mban në gjirin e Këshillit të Lartë të Drejtësisë këtë person të inkriminuar, që ka ndërtuar pasuri së bashku me bandat. Sot vjen dëshmia e dytë, dëshmi tjetër në media, sipas së cilës është direkt Aldo Bare ai që fakton se është Gjermeni shefi i tyre politik. Sipas raportit të cituar në media, Aldo Bare shprehet se "dokumentet do t'i bëjmë tani," nëpërmjet Gjermenit", nënvizoi më tej ai. Duke folur në emër të partisë më të madhe që drejton koalicionin qeverisës, Bogdani i kërkoi KLD-së largimin urgjent të Artan Gjermenit nga detyra e anëtarit të Këshillit të Lartë të Drejtësisë, për shkak të lidhjeve dhe favorizimeve tashmë të faktuara të organizatave kriminale.

[Ali Baba Tepele]

si të mos rritet kriminaliteti kur vendosen njërëz të inkriminuar në poste drejtuese?

[Imperator]

Kriminaliteti ne Shqiperi eshte ne nje shkalle shume te larte. Kjo verehet qe nga vrasjet e perditshme per arsye banale e deri ne majat me te larta te shtetit. Kete e bejne te ditur dhe raportet e herepas'hershshme te Komunitetit Europian. KE i ka vene Shqiperise 2 kushte kryesore per Mareveshjen e Asocim Stabilizimit te cilat jane:

1- Lufta kunder krimit te organizuar
2-Lufta kunder korrupsionit

Keto dy hallka jane nje simbioze e njera-tjetres dhe e kane pushtuar Shqiperine prej kohesh. Sado qe po behen perpjekje per parandalimin e ketyre fenomenve ka barriera shume te renda qe e pengojne luften kunder krimit te organizuar dhe korrupsionit. Keto barriera po vendosen nga njerez te veshur me pushtet.

Rasti me konkret per kete vjen nga KLD ku prokuroria e shtetit Italian inkriminon anetarin e KLD per lidhj te ngushta me krimin e organizuar.

Shpresojme qe te ndryshoje diçka ne lidhje me keto fenomene ne te mire te Shqiperise dhe te gjithe Shqiptareve.

Imperator

[qerosi]

Nga 3 milione qe jemi,1 milion i kemi vetem kriminele,1 milion kengetare(gjysma e se keqes) shpresoj qe 1 milionshi tjeter te jete tregues pozitiv jo per gje po ca na ngelet pastaj?????

1 milionshi tjeter jane pleq!

[RaPSouL]

Ai Qe Eshte Kriminel Eshte Kriminel I Lindur E Jo I Bere Mirepo Ka Edhe Njerez Shqiptar Posacerisht Qe Inati Apo Zilia I Dergon Me Bo Krime Te Tmershme

[TOKE GEGA]

Sollaku mbështet lidhjet kriminale të PS-së


Lidhjet e ngushta të kupolës drejtuese të Partisë Socialiste me bandën kriminale të "Hakmarrjes për Drejtësi" dhe atë të Aldo Bares kanë alarmuar opinionin publik në Shqipëri. Mazhoranca vazhdon të jetë e shqetësuar për shërbimin politik që drejtuesit e lartë të partisë kryesore të opozitës iu kanë bërë dhe vazhdojnë t'iu bëjnë organizatave kriminale më të rrezikshme jo vetëm në Shqipëri, por edhe në rajon. Prokuroria italiane publikoi pak ditë më parë fakte tronditëse që implikonin kryetarin e PS-së, Edi Rama, dhe deputetin socialist Erion Braçe në pastrimin e parave të organizatave kriminale "Hakmarrja për Drejtësi", dhe bandës së Lushnjës. Sipas bisedave të përgjuara dhe të zbardhura nga Prokuroria italiane, anëtarët e bandës së Lushnjës janë shqetësuar për fuqizimin ekonomik të organizatës rivale "Hakmarrja për Drejtësi", e cila, për shkak të lidhjeve të saj me kryetarin e Bashkisë së Tiranës, Edi Rama, kishte nisur ndërtimin e pallateve luksoze në qendër të kryeqytetit. Biseda është bërë mes Aldo Bares dhe Enver Dondollakut, më 22 shkurt të vitit 2003, në periudhën kur Kuvendi i Shqipërisë po diskutonte ngritjen e një Komisioni Hetimor parlamentar, i cili do të hetonte lidhjet e Ramës me këtë organizatë kriminale. Ndërsa po përgatitej të kandidonte për herë të dytë për kreun e Bashkisë së Tiranës, Edi Rama konsolidoi lidhjet me organizatën kriminale "Hakmarrja për Drejtësi", duke i akorduar asaj leje ndërtimi për ngritjen e pallateve në qendër të Tiranës, si një metodë për pastrimin e parave të krimit dhe të drogës. Kjo ka trembur anëtarët e bandës së Aldo Bares, e cila i frikësohej fuqizimit ekonomik të bandës rivale. Një ditë më parë, Prokuroria italiane kishte publikuar fakte të tjera tronditëse që dëshmonin lidhjet e deputetit socialist Erion Braçe me bandën e Lushnjës, të cilës i kishte premtuar ndërhyrjen për ngritjen e pikave të karburanteve përgjatë autostradës Lushnje-Fier. Por ajo që ka shqetësuar më tepër mazhorancën dhe mbarë opinionin publik, është heshtja e patolerueshme e organit qendror të akuzës. Deputetët e shumicës e kanë ngritur një shqetësim të tillë edhe në seancën parlamentare të dy ditëve më parë, ku kanë shprehur indinjatën e thellë për mungesën e reagimit të Prokurorisë. "Prokuroria, në Kushtetutën e Shqipërisë, është organ i pavarur dhe ka për detyrë ligjore të luftojë krimin. Por në një kohë kur krimi tashmë ka dalë hapur, e vetmja gjë që po bën në mënyrë të shkëlqyer Prokurori i Përgjithshëm Theodhori Sollaku është avokatia që po i bën krimit dhe përfaqësuesve të tij në politikë", tha deputeti i PD-së, Fatos Hoxha, gjatë diskutimeve në Kuvend. Duke iu referuar një debati televiziv ku Sollaku ishte i ftuar për më shumë se dy orë, Hoxha tha se Prokurori i Përgjithshëm gjeti kohën të fliste për gjithçka, por jo për heqjen e imunitetit të atyre deputetëve apo politikanëve të tjerë që rezultojnë të lidhur me bandat e rrezikshme kriminale. Sipas deputetit të mazhorancës, Sollaku ishte shfaqur në këtë emision i shtyrë nga krimi dhe bandat, me qëllim që të ushtrojë presion ndaj mazhorancës, që kjo e fundit të tërhiqet nga lufta e saj pa kompromis kundër krimit të organizuar. "Nuk u përmendën fare nga prokurori as bandat, as lidhjet e politikanëve me ta. Ai foli me zemërim kundër atyre mediave që nuk urdhërohen nga bosi i tij për publikimin e materialeve të marra nga Prokuroria italiane, çka e kishin fshehur media të tjera të komanduara nga zoti Rama dhe deputetë të lidhur me këto banda", tha më tej deputeti i PD-së. Mazhoranca i ka bërë publike prej kohësh lidhjet e deputetëve socialistë me këto banda, por Prokurori i Përgjithshëm nuk ka reaguar asnjëherë ndaj tyre, duke i konsideruar ato si akuza politike. Por konfirmimi i këtyre akuzave nga Prokuroria italiane nuk i ka lënë kreut të organit të akuzës në Shqipëri asnjë argument për të justifikuar heshtjen e tij ndaj këtij skandali.