Gjendja alarmante e mjedisit në Shqipëri.

[Edvin83]

Nuk besoj se duhet shume pune te vesh disa inspektore qe te shikojne nese firmat e ndertimit po e ndotin mjedisin apo jo. Besoj se shteti do te fryhej me gjoba nese do te gjobiteshin ndotesit. Te parandalosh ndotjen nga ndertimi nuk eshte ndonje gje e pamundur, ne te gjithe boten ndertohet por nuk ndotet i gjithe qyteti per nje pallat.

[Brari]

tirana nuk vuan nga pluhuri llacit..o cun..
jo..

tirana vuan nga .. PERKEQESIMI GALOPANT I RAPORTIT MES NJERIUT..SIPERFAQES SE BANIMIT.. NR TE MAKINAVE..DHE VOLUMIT TE AJRIT..

pra ka shum makina qe qarkullojne ne nje vrime.. ne nje kuti.. dhe qe e kane qelbur ajrin..

pra eshte e superpopulluar dhe e super kerre-zuar..
mendo qe kerrezimi.. pra lukunia e kerrave ..makinave pa fund punojne me karburant te cilesise.. me te keqe qe ekziston.. dhe punojne 24 or ne dite..
pra prodhojne maksimumin e helmeve kancerogjene..

kush eshte bos le te ike nga tirana nje ore e me pare..

[EXODUS]

Mendoj se ka dukuri negative shume më akute se kjo! Fillo me kryetaret e partive galopante e perfundo me 'arritjet' e secilit prej tyre gjer me sot, pas 15 e kusur vjetesh. Pergjigja e kesaj te fundit do te te shpjere 'express' ne ate perfundimin mjedisor alarmant...ndoshta edhe dukuri te tjera po aq urgjente per t'u nderhyre!

[Edvin83]

Sipas drejtorit të ISHP-së, Kakariqi, vdekshmëria nga ndotja e ajrit është 10-15 % në vit

Shqiptarët, 2 vjet jetë më pak nga ndotja e ajrit

Cikuli: Shkaktarët e ndotjes së ajrit i kanë borxh qytetarëve 1 vit e gjysmë apo dy vite jetë

Eglantina Bardhi

Shqiptarëve u shkurtohet 2 vjet jetë për shkak të ajrit të ndotur. Ky është konstatimi i Organizatës Botërore të Shëndetësisë, pasi në vendet ku ndotja ka të njëjtin tregues si në vendin tonë, jetëgjatësia është ulur nga 1,5 deri në 2 vjet. Të dhënat u referuan dje gjatë workshopit mbi “Monitorimin e ndotjes së ajrit në Tiranë”, organizuar nga zyra e OBSH-së në Tiranë në bashkëpunim me Ministrinë e Shëndetësisë. Sipas ministrit të Shëndetësisë, Maksim Cikuli, situata e krijuar bën të domosdoshme hartimin e një planveprimi që nis me ripunimin e ligjit për ajrin, krijimin e një Komisioni ”ad hoc” dhe fuqizimin e monitorimit të ajrit.
Ndotja
Jetë të shkurtuara dhe bartës të një sërë sëmundjesh. Ky është fati i shqiptarëve që u duhet të thithin çdo ditë ajrin e tejndotur, duke shkaktuar dëm shumë të madh mbi shëndetin e tyre. Sipas drejtorit të Institutit të Shëndetit Publik, Edmond Kakariqi, 10 deri në 15 për qind në vit është vdekshmëria nga ndotja e ajrit pa ndonjë shkak tjetër. Ndërkohë ai shpjegoi se humbjet janë shumë të mëdha sidomos tek ata që vuajnë sëmundjet kardiovaskulare dhe respiratore. Ndërsa kreu i shëndetësisë, Cikuli, përcolli shqetësimin e këtij fenomeni sidomos në qytetin e Tiranës, duke theksuar se ndotja e ajrit u ka vite borxh jetë qytetarëve. “Nëse vlerësimet e bëra në pjesë të tjera të Evropës do të ekstrapolohen në Tiranë, humbja e pritshme e jetëgjatësisë së popullatës së Tiranës për shkak të ndotjes së ajrit do të kapërcente 1,5-2 vite jetë. Që do të thotë se shkaktarët e gjithë kësaj ndotjeje i kanë borxh qytetarëve 1 vit e gjysmë apo dy vite jetë”, theksoi ministri Cikuli. Ndërsa specialistët e ISHP-së shpjeguan se normat e ndotjes për BE-në janë 30 mikrogramë për metër kub, ndërkohë që në Shqipëri e kalon 70 mikrogramë për metër kub. “Në monitorimin e cilësisë së ajrit 4-5 vitet e fundit 80 deri në 90 për qind e popullsisë në qytetet kryesore është e ekspozuar ndaj ajrit të ndotur“,- theksojnë specialistët e ISHP-së.
Shkaqet
Ka disa shkaqe që kanë stimuluar degradimin e ajrit të qyteteve më të mëdha. Sipas ministrit të Shëndetësisë, Maksim Cikuli, rritja e shkarkimeve të lëndës të grimcuar e të gazeve në mjediset e banuara si rezultat i intensifikimit të transportit lidhet drejtpërdrejt me shtimin e numrit të makinave brenda një periudhe kohore disavjeçare, duke stimuluar fuqishëm ndotjen e ajrit. Ndërkohë, bumi i ndërtimeve urbane, sipas tij, është shkaku tjetër i cili ka alternuar në mënyrë të padëshiruar treguesit e cilësisë së jetës, duke reduktuar sipërfaqen e gjelbëruar, e për pasojë, duke rritur sasinë e pluhurit në qarkullim, ndërkohë që infrastruktura rrugore ende mbetet larg parametrave që mundësojnë fluksin normal të trafikut. “Këto faktorë si dhe shtimi i dendësisë së popullsisë urbane në qytetet kryesore të vendit kane rritur së tepërmi numrin e personave të ekspozuar, përfshirë gratë shtatzëna, fëmijët, të moshuarit dhe të sëmurët”,-thekson Cikuli, duke shtuar se këto ekspozime në nivele ndotjeje të dukshme shoqërohen me efekte serioze në cilësinë e jetës së banorëve, në sëmundshmërinë, ne jetëgjatësinë apo në vdekshmërinë e tyre.
Masat
“Situata e krijuar bën të domosdoshme hartimin e një planveprimi, i cili duhet të ketë vëmendjen e duhur në terma ligjore, institucionale, programore dhe financiare”, - thotë kreu i Shëndetësisë, Cikuli, duke shtuar se kjo duhet të fillojë menjëherë më ripunimin e ligjit për ajrin. Sipas tij, duhet të bëhet vlerësimi i ndikimit të ajrit në shëndet, si ligj me vete ose si amendament i ligjit ekzistues. Ndërsa kërkimi i zgjidhjeve institucionale më të efektshme, sipas tij, është masë tjetër tepër urgjente që duhet të merret. “Aktivizimi, mbështetja dhe rritja e përgjegjësisë së inspektoratit sanitar, i cili ka si detyrë të parë veprimtarinë parandaluese duhet të jetë në qendër të vëmendjes”, - thotë Cikuli, duke shtuar fuqizimi i monitorimit, si instrumenti informativ më i rëndësishëm dhe racional në vlerësimin e riskut dhe të efekteve të pritshme.
Studimi
Sipas monitorimit të fundit të ajrit, bërë nga ISHP-ja, rezulton se janë kaluar shumë herë normat e lejuara nga vendi ynë dhe më shumë ato të BE-së.
Shëndeti
Treguesit e ndotjes flasin qartë se kemi përballë një problem shumë të madh për mjedisin dhe shëndetin e popullatës, duke na vënë përballë një realiteti shumë shqetësues dhe me pasoja.
Pasojat
Ndotja nga grimcat e imëta është shumë e rrezikshme, sepse shkakton sëmundjet e frymëmarrjes, duke shtuar numrin e astmatikëve.
Rekomandimi
Për situatën e krijuar duhet të merren masa urgjente, që nga ndërtimi i politikave e deri në zbatimin e tyre, me qëllim reduktimin e ndotjes dhe pasojave.


Shqipëria
- 274 mg/m3 rezulton mesatarja e ndotjes së ajrit nga grimcat e imta (PM 10) në vend, ndërkohë që norma e lejuar nga BE-ja është 50 mg/m3

Elbasani
- 120 mg/m3 rezulton mesatarja në Elbasan e ndotjes së ajrit nga grimcat e imëta (PM 10), ndërkohë norma e lejuar nga BE-ja është 50 mg/m3

Shkodra
-107 mg/m3 rezulton mesatarja e ndotjes së ajrit nga grimcat e imëta (PM 10) në Shkodër, ndërkohë që normat e lejuara nga BE-ja janë 50 mg/m3

Fier
- 93 mg/m3 rezulton ndotja e ajrit nga grimcat e imta PM 10 në Fier, ndërkohë që normat e lejuara nga BE-ja është 50 mg/m3

Durrësi
- 91 mg/m3 rezulton ndotja e ajrit nga grimcat e imta (PM 10) në Durrës, ndërkohë që normat e lejuara nga BE-ja është 50 mg/m3

Vlora
- 72 mg/m3 është ndotja e ajrit nga grimcat e imta (PM 10) në Vlorë, ndërkohë që normat e lejuara nga BE-ja është 50 mg/m3
29/09/2006

[murik]

Sipas ambjentalistave nje banori te Tiranes i shkurtohet jeta 2 vjet per shkak te ndotjes jashte c'do norme te ambjentit.Pervec kesaj vihet ne dukje se nga 7 metra katrore siperfaqe e lire per njeri ajo ka kaluar ne 1 meter e gjysem qekur Edi Rama eshte krybashkiaku i saj.Cilesohet si arkitekti i betonimit te Tiranes,pra per kete do te mbahet mend " kryebashkiaku i botes".
Shpresojme qe ta thyeje qafen ne zgjedhjet e ardhshme kjo gangrene e ndyre.