Protesta e komuniteteve fetare për kthimin e pronave

[King_Arthur]

SOT RRETH ORE 13 NE SHESHIN KRYESOR TE QYTETIT TE ELBASANIT ( ne sheshin gensher ) komuniteti mysliman ka organizuar nje proteste ku kerkonin kthimin e pronave ketij komuniteti nga bashkia elbasan jane disa vende ne qytetin e elbasanit te cilat i takojne ketij komuniteti si sheshi i namasgjase dhe tre prona ne vende te dryshme te qytetit ku ky komunitet kerkon te ndertoje xhami . por mos marrja ne konsiderate e bashkise per keto kerkesa beri qe sot ata te benin faljen e drekes ne mes te qytetit ne shenje proteste
merrnin pjese nje numer i konsiderueshem besimtaresh te cilet u falen ne mes te qytetit

[Albo]

ELBASAN/ Myslimanët takim me prefekten dhe përfaqësuesin e qeverisë

Kthimi i pronave, Myftinia akuzon pushtetin lokal

Artan Leka

ELBASAN – Korrupsioni në pushtetin lokal ngadalëson procesin e kthimit të pronave të Myftinisë. Të paktën kështu e ka cilësuar përfaqësia e myslimanëve të Elbasanit, zvarritjen e këtij procesi, gjatë takimit që patën dje me kreun e Komunitetit Mysliman Shqiptar, Selim Muça dhe kryetarin e Komitetit të Kulteve në Kryeministri, Rasim Hasanaj. Dje, Muça dhe Hasanaj kanë udhëtuar drejt Elbasanit për të ndaluar protestat e lajmëruara nga besimtarët myslimanë dhe Myftinia e këtij rrethi për çështjen e kthimit dhe kompensimit të pronave.


Takimi
Kreu i KMSH-së, Selim Muça dhe kryetari i Komitetit të Kulteve, kanë dashur të realizojnë një takim të ngushtë pune me prefekten e Elbasanit, Mimoza Hasekiu. Por kanë hasur në rezistencën e përfaqësuesve të Myftinisë Elbasan, të cilët kanë këmbëngulur të jenë të pranishëm në këtë takim. Duke u shprehur se ka iniciuar një takim të ngushtë pune me prefektin, kryetari i Komitetit të Kulteve në Kryeministri, Hasanaj, ka kërkuar që në këtë takim të mos jenë prezent disa përfaqësues të Myftinisë, madje edhe mediat. Pas përfundimit të takimit, Hasanaj deklaroi shkurt dhe prerë se “në këtë takim u bisedua për kthimin ligjor të pronave të myslimanëve”.


Deklarata
Kryetari i Komunitetit Mysliman Shqiptar, Selim Muça dhe myftiu i Elbasanit, Agim Duka, i kanë dërguar një deklaratë Kryeministrit Berisha dhe Agjencisë së Kthimit dhe Kompensimit të Pronave. Në këtë deklaratë, mes të tjerash shkruhet se “z. Kryeministër në zbatim të urdhëresave që keni dhënë për të luftuar korrupsionin në shkallë Republike, në çdo instancë të pushtetit qendror, ekzekutiv dhe gjyqësor, ju shprehim përgëzimin tonë. Por konstatojmë me keqardhje korrupsionin që po bëhet për sa i përket pronave të KMSH-së, nga instancat që merren me këtë problem”. Ndërsa thuhet se në të gjitha komisionet e kthimit të pronave në të 12 prefekturat, ky proces po pengohet qëllimisht për të përfituar në kurriz të pronave tona, persona të tjerë të paligjshëm. “Ne i bëjmë apel pushtetit vendor në Elbasan dhe i kërkojmë ndihmë Kryeministrit të Republikës që të ndërhyjë nëpërmjet institucioneve vartëse, që të ndalohen punimet për aq kohë sa të shprehet Agjencia e Kthimit të Pronave në Tiranë, ku kemi bërë ankimimin dhe po qe e nevojshme edhe nga gjykata”, thuhet në deklaratë. “Nëpërmjet kësaj deklarate i kërkojmë Kryeministrit të na rezervojë kohë për t’u takuar për problemet e pronave të institucionit tonë”, mbyllet deklarata.

Myftinia Elbasan
Agim Duka u shpreh se, “në këtë takim u bisedua për zgjidhjen e problemit të kthimit të pronave të komunitetit mysliman. Për këtë qëllim është kërkuar edhe ndërhyrja e prefektes së Elbasanit, pasi nga komisionet e kthimit të pronave dhe nga pushteti lokal po hasen mjaft pengesa”.

Pronat
Myftinia e Elbasanit ka pasur në pronësi të saj mbi 200 prona, në të cilat përfshihen xhami, varreza, troje, dyqane, magazina, medrese, hane, shtëpi, ullishte etj. Deri tani është kthyer Namazjaja e cila është hipotekuar, xhamia e Pazarit e njohur për t’u kompensuar dhe dy-tre prona të tjera. Në Komisionin Vendor të Kthimit të Pronave, Myftinia ka 12 dosje të dorëzuara që nuk janë shqyrtuar, me pretendimin se dokumentet e pronësisë të dala nga AQSh-ja nuk janë ligjore. Myftinia Elbasan është pronare e një prone prej 210.000 m2 në lagjen “Alejdine”, ku sot përfshihen parku “Rinia”, pjesërisht stadiumi, sheshi përballë tij deri tek “Gorga”. Harta e vitit 1938 nëpërmjet simboleve fetare i pasqyron qartë kufijtë e kësaj prone.

Tirana Observer

[forum126]

REPUBLIKA E SHQIPËRISË
Komuniteti Musliman
Myftinia Elbasan

Me emrin e Allahut, Mëshiruesit, Mëshirbërësit

Myftinia e Elbasanit është informuar nga qytetarë të ndryshëm elbasanas, herë pas here, se gjatë punimeve që kryhen pa leje, në ish tregun e harixhinjve pranë stadiumit, ish varrezat e mëdha të muslimanëve, bashkë me transportimin e dheut janë përdhosur dhe eshtrat e të parëve tanë. Myftinia Elbasanit bëri disa verifikime dhe konstatoi se këto informacione rezoltuan të sakta.

Deklaratë për shtyp

Myftinia e Elbasanit përmes kësaj komunikate për shtyp bën me dije organet shtetërore dhe mbi të gjitha opinionin publik elbasanas, se këto ditë në qytetin tonë ka ndodhur një ngjarje pa precedent, përdhosja e ish-varrezave të vjetra të qytetit, të cilat gjenden aktualisht në rrethinat e stadiumit të qytetit.
Si pasojë e ndërtimit të një kompleksi pallatesh shumëkatëshe janë gërmuar dhe shkulur eshtrat e qytetarëve të vjetër të Elbasanit, e gjyshërve dhe e stërgjyrshërve të elbasanasve të sotëm, të atyre që e kanë bërë të nderuar dhe të kulturuar këtë qytet.
Myftinia Elbasanit në këtë rast bëhet dhe zëdhënësve e mbarë qytetarëve të këtij qyteti, të cilët për shkak të fitimeve të një grushti personash që as kanë lidhje me këtë qytet, u kërkon të mos heshtin e ta konsiderojnë thjeshtë cështje teknike.Firma e ndërtimit e huaj greke, me nënshtetësi dhe kombësi joshqiptare i hedh dhe i përdhos eshtrat e të parëve tanë shqiptarë në plehra, ndërsa shteti i tyre kërkon ti nderojë eshtrat e bashkështetasve të tyre duke i ngritur varre në Përmet. Kjo nuk është cështje teknike, por është cështje morali dhe kulture.Zhvillimi nuk mund të ndodhë duke zhdukur të kaluarën dhe duke përdhosur të vdekurit.Nëse do të lejojmë përdhosjen e të vdekurve kemi hapur rrugën për poshtërimin dhe barbarizmin e të gjallëve.




Ky veprim i bisneseve të demokracisë është dhe më i rëndë se zhvendosja e varrezave në vitin 1959, nga regjimi komunist, i cili pa rregull dhe pa sistemim dosido dhe parespektin e duhur, realizoi formalisht rivarrimin e të vdekurve të zhvarrosur.Kurse sot nuk bëhet fjalë as për zhvarrosje dhe as për rivarrime, por për shkelje eshtrash, ngarkime me makina të tonazhit të madh dhe flakjen e tyre në mbeturinat e qytetit për të shuar zjarret e ndezura sipas urbanistikës ose të hedhura gjatë rrugës nacionale Elbasan-Librazhd duke krijuar panik dhe frikë tek banorët e këtyre rrethinave.

I bëjmë thirrje Prefektes, Kryetarit të Bashkisë, Prokurorisë dhe Policisë ndërtimore të ndërhyjnë për bllokimin e këtij skandali dhe të vënë para përgjegjësisë autorët e tij. I bëjmë thirrje opinionit publik elbasanas që të sensibilizohet e të kërkojë të drejtat e të parëve të tyre për të mos u cënuar dinjiteti i tyre në varre.Nëse nuk protestojnë as për këtë, atëherë fisnikëria e këtij qyteti është seriozisht e provokuar dhe e vënë në rrezik.Nëse do të pranojmë së përvec tokës edhe të vdekurit merren me tapi, atëherë ky qytet do të pranojë pësimin e tij kulturor dhe shpirtëror. Nuk është vonë që kjo padrejtësi dhe përdhosje e madhe të ndreqet, sepse për një popull të qytetëruar nderimi i të vdekurve është kusht për bashkëjetesën e kulturuar të të gjallëve.

--Myftiu
Agim Duka

“Pronat, ose ndezem me protesta gjithe Shqiperine”

E Premte, 11 Gusht 2006
Selia vendore e Komunitetit Mysliman deklaron se ka ne plan te zhvilloje tubime demonstrative ne te gjithe vendin, ne shenje proteste per ate qe e cilesojne zvarritje e papranueshme e kthimit te trojeve. Qeveria zbarkon ne Elbasan, ne nje takim urgjent

ELBASAN - Myftinia Elbasan shton presionin per pronat mbi qeverine. “Nese nuk kthehen pronat e Komunitetit Mysliman protestat do te ndizen ne te gjithe Shqiperine”. Keshtu, kercenimi i Myftinise Elbasan eshte pershkallezuar dje, pas protestes per pronat te qindra besimtareve myslimane te zhvilluar para pak ditesh, ne sheshin kryesor te ketij qyteti. Qeveria duket se e ka vleresuar zemerimin e myslimaneve dhe per kete qellim, kryetari i Komunitetit Mysliman Shqiptar Selim Muca dhe kryetari i Komitetit te Kulteve ne Kryeministri Rasim Hasanaj kane realizuar dje, nje takim me prefekten e Elbasanit Mimoza Hasekiu.

Mosmarreveshja

Kreu i KMSH-se, Selim Muca dhe kryetari i Komitetit te Kulteve kane dashur dje, te realizojne nje takim te ngushte pune me prefekten e Elbasanit. Por ata kane hasur ne rezistencen e perfaqesuesve te Myftinise Elbasan, te cilet kane kembengulur te jene te pranishem ne kete takim. Duke u shprehur se ka inicuar nje takim te ngushte pune me prefekten, kryetari i Komitetit te Kulteve Rasim Hasanaj, ka kerkuar qe ne kete takim te mos jene te pranishem as perfaqesues te myftinise dhe as mediat. Gjithsesi pjesemarrja e myftinise nuk u arrit te shmangej. Pas perfundimit te takimit, Hasanaj deklaroi shkurt dhe prere: "Ne kete takim u bisedua per kthimin ligjor te pronave te myslimaneve".

“Mbeshtetje ne vend”

Myftiu i Elbasanit Agim Duka u shpreh se “kemi mbeshtetjen e myslimaneve ne te gjithe vendin, per kthimin sa me pare te pronave te ligjshme”. Ai shtoi se se ne takimin me perfaqesuesin me te larte te qeverise per kultet, u bisedua per zgjidhjen e problemit te kthimit te pronave te komunitetit mysliman. Per kete qellim eshte kerkuar edhe nderhyrja e prefektes se Elbasanit pasi nga komisionet e kthimit te pronave dhe nga pushteti lokal po hasen mjaft pengesa. Myftiu i Elbasanit theksoi se do te ndiqen te gjithe rruget demokratike per kthimin dhe kompensimin e pronave te myslimaneve dhe se ne kah te tyre, jane besimtaret nga i gjithe vendi.

Myslimanet elbasanas, jane shprehur se jane te vendosur ne kerkesat e tyre dhe se do t’i perfitojne me ligj pronat e tyre. Ata jane shprehur se do t’i drejtohen shkalleve te gjyqesorit brenda dhe jashte vendit, pasi ceshtja e pronave sipas tyre, eshte edhe nje nga kushtet e vena nga Bashkimi Evropian per integrimin e vendit ne kete organizate. Fatos Salliu

DEKLARATA

Myslimanet: Kerkojme takim urgjent me Kryeministrin

Ne fund te axhendes se tij ne Elbasan, kryetari i Komunitetit Mysliman Shqiptar Selim Muca dhe Myftiu i Elbasanit Agim Duka, i kane derguar nje deklarate Kryeministrit Berisha, si dhe Agjensise se Kthimit dhe Kompensimit te Pronave. Ne kete deklarate mes te tjerash shkruhet:

"Z.Kryeminister ne zbatim te urdheresave qe keni dhene per te luftuar korrupsionin ne shkalle Republike, ne cdo instance te pushtetit qendror ekzekutiv dhe gjyqesor, ju shprehim pergezimin tone. Por konstatojme me keqardhje korrupsionin qe po behet per sa i perket pronave te KMSH-se nga instancat qe merren me kete problem. KMSH eshte mjaft i indinjuar lidhur me problemin e kthimit dhe Kompensimit te Pronave te tij, problem i cili po zvarritet pa kufi duke iu mohuar e drejta per kthimin e pronave te ligjshme. Ne te gjitha komisionet e Kthimit te Pronave ne te 12 prefekturat, ky proces po pengohet qellimisht per te perfituar ne kurriz te pronave tona, persona te tjere te paligjshem. Rast konkret se fundmi jane edhe pronat e Myftinise Elbasan. Myftinia e Elbasanit ka pasur ne pronesi te saj mbi 200 prona ne te cilat perfshihen xhami, varreza, troje, dyqane, magazina, medrese, hane, shtepi, ullishte, etj. Deri tani eshte kthyer Namazgjaja e cila eshte hipotekuar, xhamia e Pazarit e njohur per t’u kompensuar dhe dy-tre prona te tjera. Kemi kater dosje te ankimuara ne Komitetin Shteteror te Kthimit dhe Kompensimit te Pronave ku akoma nuk na eshte sjelle pergjigje. Ne Komisionin Vendor te Kthimit te Pronave Myftinia ka 12 dosje te dorezuara qe nuk jane shqyrtuar me pretendimin se dokumentet e pronesise te dala nga AQSH-se nuk jane ligjore. Zvarritjet disavjecare per ne jane me pasoja te renda ekonomike pasi ne pronat tona po ndertohen vila, dyqane e pallate. Me dokumente te plota sic i kerkon edhe ligji 9235 date 29.7.2004., Myftinia Elbasan eshte pronare e nje prone prej 210.000 metra katrore ne lagjen ‘Alejdine’, ku sot perfshihen ‘Parku Rinia’, pjeserisht stadiumi, sheshi perballe tij, deri te ‘Gorga’. Harta e vitit 1938 nepermjet simboleve fetare i pasqyron qarte kufijte e kesaj prone. Por prej tre vjetesh nga KKKP ne Elbasan marrim vetem pergjigje negative. Arsyetimi naiv i punonjesve te kesaj agjencie ben te besosh ose ata jane te paafte, ose jane te korruptuar pasi dihet mire se mbi pronat tona, po behen ndertime te paligjshme. Ne i bejme apel pushtetit vendor ne Elbasan dhe i kerkojme ndihme Kryeministrit te Republikes qe te nderhyje nepermjet institucioneve vartese qe te ndalohen punimet per aq kohe sa te shprehet Agjencia e Kthimit te Pronave ne Tirane, ku kemi bere ankimimin dhe po qe e nevojshme, edhe nga gjykata. Nepermjet kesaj deklarate i kerkojme Kryeministrit te na rezervoje kohe per t’u takuar per problemet e pronave te institucionit tone".





Pronat e myslimanëve, nisin protestat në Elbasan

E Premte, 14 Korrik 2006
Myftinia konfirmon zhvillimin sot, për herë të parë, të një tubimi paqësor të besimtarëve myslimanë, në sheshin kryesor të qytetit. Kërkohet rikthimi i shumë trojeve, në zona të lakmueshme urbane. Reagimi i Komisionit të Kthimit të Pronave

ELBASAN - Besimtarët myslimanë hidhen në protesta, për njohjen e pronave të tyre. Për herë të parë, një tubim i tillë do të nisë nga sheshi kryesor, në qendër të qytetit Elbasan. Lajmi bëhet i ditur nga Myftiu i Elbasanit Agim Duka. Ai i tha dje “Korrierit”, se janë ftuar të gjithë besimtarët myslimanë dhe më gjerë, që të jenë pjesëmarrës në këtë tubim. Shkak për ndërmarrjen e këtij vendimi ka qenë mosnjohja e pronave të Komunitetit Mysliman dhe në mjaft raste, tjetërsimi i tyre. Myftinia Elbasan ka të gjithë dokumentacionin e nevojshëm për këto prona. “Ne jemi pajisur me tapi të vjetra të Komunitetit Mysliman, që figurojnë edhe në regjistrat e vjetër themeltarë. Ndërsa në raste të tjera, disponojmë vërtetime të faktuara juridike”, thotë Duka. Por sipas tij, janë hasur pengesa nga pushteti vendor dhe nga instanca më të larta. “Endemi në procese gjyqësore dhe nuk marrim pronat, që na takojnë me ligj. Gjatë kësaj periudhe kemi konstatuar parregullsi dhe shkelje flagrante, abuzime dhe korrupsion, mbivendosje të pronave, tjetërsime”, tregon myftiu, duke shtuar se në mjaft raste kanë dalë pronarë të rinj mbi pronat e tyre.

Aktualisht në mjaft prona të Komunitetit Mysliman, lulëzojnë biznese dhe janë ndërtuar pallate shumëkatëshe. “Me pronat e myslimanëve, janë pasuruar të paligjshmit dhe ne endemi nëpër gjykata dhe zyra burokratësh”, thotë Myftiu, duke siguruar se “kemi vendosur të sensibilizojmë Qeverinë dhe të gjitha strukturat përgjegjëse, duke zhvilluar një tubim proteste, në sheshin kryesor të Elbasanit”. Tubimi do të zhvillohet sot, pas faljes së xhumasë dhe protagonistë të tij, do të jenë besimtarët e tetë xhamive të qytetit. “Nëse nuk marrim përgjigje pozitive, ne do të vazhdojmë protestat, me të gjitha mjetet demokratike", siguron Myftiu i Elbasanit. Në Elbasan, numërohen troje të të paktën 35 xhamive të qytetit, ende të parikthyera. Shumë troje të tjera, në zona të lakmuara urbane, gjithashtu nuk janë rimarrë nga Myftinia e Elbasanit.

F.Salliu

http://www.korrieri.com/index.php?k=4


Muslimanet gjate protestes ne Shesh

[Fenomeni]

Car pronash behet fjale ketu?! Te isha une as nje pellembe toke. Jo besimtare por zhvates ordiner jane ata qe kerkojne te pervetesojne parqet publike e vende te tjera qe ju perkasin te gjitheve. Per ca e duan truallin komunitetet fetare? Kane Kisha e Xhamia plot, apo kerkojne ta shnderrojne veten te pasur me leke dhe jo te pasur me zot?! Sic thashe, jo vetem qe sdo ju ktheja gje por do ju zvogeloja ne maksimum edhe ate qe e kane ''zaptuar'' tashme!

[Legjion]

Çfarë pronash? Në bazë të cili legjislacioni të cilit vit?

[Albo]

Car pronash behet fjale ketu?! Te isha une as nje pellembe toke. Jo besimtare por zhvates ordiner jane ata qe kerkojne te pervetesojne parqet publike e vende te tjera qe ju perkasin te gjitheve.

Po te njihje historikun e komuniteteve fetare ne vend, nuk do beje komentet e mesiperme. Komunitetet fetare ne vend kane patur pronat e tyre, prona te dhuruara nga vete besimtaret me te cilat keto komunitete siguronin pavaresine e tyre ekonomike dhe mbulonin shpenzimet e tyre. Dhe problemi i rikthimit te pronave eshte nje problem madhor per te gjitha komunitetet fetare ne vend, pasi te gjitha qeverite e tranzicionit shqiptar u kane dhene me shume perparesi pronave te individeve se atyre te komuniteteve fetare. Protesta e muslimaneve, orthodhokseve e katolikeve, eshte me vend kur vjen fjala tek pronat.

Çfarë pronash? Në bazë të cili legjislacioni të cilit vit?

Me cilin legjislacion te duash ti, te kohes se perandorise bizantine, te kohes se perandorise otomane, te kohes se pavaresise, te kohes se monarkise, te kohes se pushtetit popullor.

Kushdo qe deshiron te shohi komunitete fetare ne vend te pavarura nga influencat e huaja ekonomike, mbeshtet rikthimin e pronave. Fale ketyre pronave, historikisht, keto komunitete fetare kane mbajtur veten ne kembe financiarisht duke mbuluar shpenzimet e tyre. Kthimi i pronave eshte shpresa e vetme e komuniteteve fetare ne vend per pavaresi ekonomike. Kjo dhe kontributet e besimtareve jane dy burimet kryesore te te ardhurave te komuniteteve fetare ne vend. Ashtu si shume nga ato prona u jane dhuruar apo blere nga vete besimtaret ne shekuj.

Albo

[Fenomeni]

Po te njihje historikun e komuniteteve fetare ne vend, nuk do beje komentet e mesiperme. Komunitetet fetare ne vend kane patur pronat e tyre, prona te dhuruara nga vete besimtaret me te cilat keto komunitete siguronin pavaresine e tyre ekonomike dhe mbulonin shpenzimet e tyre. Dhe problemi i rikthimit te pronave eshte nje problem madhor per te gjitha komunitetet fetare ne vend, pasi te gjitha qeverite e tranzicionit shqiptar u kane dhene me shume perparesi pronave te individeve se atyre te komuniteteve fetare. Protesta e muslimaneve, orthodhokseve e katolikeve, eshte me vend kur vjen fjala tek pronat.

As nuk dua ta njoh me shume kete ''historikun'' sepse qendrat e qyteteve tona sduhet ti poshtoje zhurma veshcaro-shurdhuese e Hoxhes apo kumona (kembana) e kishes. Pastaj sa per egzistence, mjaftojne te hollat qe japin besimtaret sepse spo ndertojne rruge e hidrocentrale, te cilat kane harxhime te medha. Thjesht me ato leke merr rrogen e tij hoxha, apo mos do te thuash qe lane qimet (e kokes) duke ndihmuar njerzit qe kane nevoje per nje kafshate buke? Disa ''shoqata'' te huaja kane ndihmuar por i qofshin fale propagandes anti-zot te stilit Neperke! Nuk eshte krim qe qendres se Elbasanit ti hiqet lulezimi dhe ti vendoset vyshkja? Nuk eshte krim qe ne qender te Shkodres ka vdekur lulishtja dhe eshte ringjallur fantazme xhamia?

Protesta? Po. Ok, keni 10 minuta kohe per tu ''c'turmuar'', perndryshe IFA-t e atyre te pashkolleve dhe drejt ne destinacion!

Pastaj ti je i zhgenjyer nga qe shteti nuk i paska dhene perparesi pronave te ''fetareve'' por individeve, te cilet sigurojne direkt te ardhurat, pra pjesemarrje ne jete dhe jo ''filozofi'' qe me mbane zoti mua sepse objektet fetare i kemi plot!!!!

Albo, dukesh qe je fetar por zoti eshte i fundit. Ti ke ecur ne jete pa ndihmen e tij, pervec asaj (ndihmes!) ''teoriko-nostalgjiko-enderr e bukur''!

Komunitetet fetare bejne mire te rrine urte sepse vetem percarje sjellin, plus kemi probleme te tjera plot.

Dhe ne fund:
Nje individ ben padrejtesi,
por jo nje shtet dhe disa qeveri.

[Legjion]

Kushdo qe deshiron te shohi komunitete fetare ne vend te pavarura nga influencat e huaja ekonomike, mbeshtet rikthimin e pronave.

Po të donim të shikonim, fillimisht, pastaj si.

Se pse nuk e kuptoj asnjëherë këtë punën e botës "së brendshme" që kërkon çdo gjë ta kryejë në botën "e jashtme"... Le të fillojnë një herë t'iu frekuentojnë ato prona që kanë se s'po gjejnë me ç'ti mbushin...

[forum126]

“Firma ndërtuese po dëmton varret”

Myftiu i Elbasanit: Grekët po na zhvarrosin gjyshërit tanë

NDERTIMI
Ka mbi dy muaj që në
sheshin ngjitur me
stadiumin e futbollit të
qytetit, në vendin e ishtregut
të romëve, kanë
nisur gërmimet për
ndërtimin e tri kullave
shumëkatëshe

POLICIA
Ndërtimorët pohojnë
se firma greke nuk ka
zbatuar plotësisht ligjin
e urbanistikës së
qytetit, ndaj çështja
është në gjykatë dhe
pezullimi nuk ka lidhje
me varrezat

KERKESA
Dy ditë më parë, në
Elbasan shkoi edhe
myftiu i Tiranës, Selim
Muça, i cili u takua me
përfaqësues të
pushtetin vendor, ku u
diskutua për çështjen
e pronave

PROTESTA
Një muaj më parë,
2 mijë besimtarë
myslimanë dolën në
sheshin e qytetit dhe
kërkuan kthimin e
pronave, që iu janë
marrë që në kohën e
diktaturës


Myftinia e Elbasanit duket se nuk do të reshtë kërkesat e saj për të përfituar me çdo lloj mënyre pronat që pretendon se i ka të ligjshme. Dy ditë pas një proteste me shkrim, dërguar edhe Kryeministrit Sali Berisha, dje ka vijuar me një tjetër deklaratë për shtyp, në formë proteste ndaj institucioneve dhe apeli ndaj opinionit qytetar elbasanas. “Bëjmë me dije organet shtetërore dhe mbi të gjitha opinionin elbasanas, se këto ditë në qytetin tonë ka ndodhur një ngjarje e pa precedent, përdhosja e ishvarrezave të vjetra të qytetit, të cilat gjenden aktualisht në rrethinat e qytetit tonë”, thuhet në deklaratën për shtyp të Myftinisë. Sipas deklaratës tip qarkoreje, thuhet se, “në këtë shesh ku po ndërtohen një kompleks pallatesh shumëkatëshe, janë gërmuar dhe shkulur eshtrat e gjyshërve dhe stërgjyshërve elbasanas të sotëm, të atyre që e kanë nderuar dhe kulturuara këtë qytet”. Në fakt, ka mbi dy muaj që në sheshin ngjitur me stadiumin e futbollit të qytetit, në vendin e ish-tregut të romëve, mbi një tokë private, kanë nisur gërmimet për ndërtimin e tri kullave shumëkatëshe nga një firmë greke. Sipas informacioneve, firma greke “HAS” është e regjistruar si person juridik në kryeqytet, ku njëri nga aksionerët e saj është shqiptar dhe nisjen e punimeve e ka bërë pas lejes në bashkinë e qytetit të Elbasanit dhe “vulën” përfundimtare ia ka dhënë KRT-së së qytetit të Elbasanit, me firmën e kryebashkiakut Ardian Turku. Ndërkohë, dje është konfirmuar se kësaj firme ndërtimore, që konsiderohet kryesisht e huaj, i është dhënë një urdhër pezullimi për punimet, nga ana e policisë ndërtimore të Elbasanit. “Ne kemi bërë një akt bllokimi të kësaj firme, jo për shkak të pretendimeve se nga gërmimet janë nxjerrë edhe eshtra të varrezave të vjetra, porse kjo firmë nuk ka zbatuar plotësisht ligjin e urbanistikës së qytetit dhe çështja është në gjykatë”, ka deklaruar kreu i ndërtimorëve në Elbasan, Klevis Kosova. Nga ana tjetër, Myftinia e Elbasanit ka kohë që pretendon dhe kërkon me forcë rifitimin e të drejtës së pronësisë, që sipas saj ka qenë dhe duhet të mbetet pronë e komunitetit mysliman të qytetit të Elbasanit, sikurse i bashkëngjiten edhe shumë kërkesa të tjera po për këtë qëllim. Në fakt, sipërfaqja që pretendohet nga ana e Myftinisë, është tokë në pronësi të një qytetari elbasanas, e njohur me ligj dhe tapi të rregullta, i cili nuk ka pranuar të komentojë asgjë nga ajo çka pretendohet nga ana e Myftinisë në pronën e tij. Ndoshta kjo e fundit ka gjetur tjetër argument për të përligjur edhe shpirtërisht kërkesën e saj mbi të drejtën e pronësisë, atë të të bërit publik të dhunimit të varrezave të vjetra. Sipas drejtuesve të Myftinisë, firma që nuk ka as nënshtetësi dhe as kombësi shqiptare, po i hedh eshtrat e të parëve elbasanas te vendi i plehrave të qytetit ngarkuar me kamionë dhe shteti hesht. “Nëse në Përmet u blenë eshtrat me pare nga priftërinjtë grekë, në Elbasan po i hedhin eshtrat e shqiptarëve në Shkumbin, apo te vendi i plehrave të qytetit”, vazhdon deklarata e myslimanëve elbasanas. Veprimi në fjalë, sipas Myftinisë, është dhe më i rëndë se ai i viteve 1959, kur diktatura bëri zhvendosjen e një pjese të varrezave të vjetra të këtij qyteti. Deklarata përfundon me thirrjen që i bëhet prefektes së Elbasanit, bashkisë, prokurorisë dhe policisë ndërtimore, që secili institucion, brenda kompetencave të veta, të ndërhyjë për pezullimin e ndërtimit dhe dënimin e shkaktarëve të dhunimit të varreve dhe hedhjes së eshtrave jashtë qytetit në tokë të hapur. “Nëse do të pranojmë, se përveç tokës edhe të vdekurit merren me tapi, atëherë ky qytet do të pranojë pësimin e tij kulturor dhe shpirtëror”, ka deklaruar myftiu i Elbasanit, Agim Duka, për të shtuar më pas se “nuk është vonë që kjo padrejtësi dhe përdhosje e madhe të ndreqet, sepse për një popull të qytetëruar, nderimi i të vdekurve është kusht për bashkëjetesën e kulturuar të të gjallëve”, çka mund të nënkuptojë kultivimin e revoltës te komuniteti mysliman, jo vetëm për të drejtat mbi pronat, por dhe për ruajtjen me fanatizëm të varrezave të të parëve të tyre.


Gazetashqip

[forum126]

Çfarë pronash? Në bazë të cili legjislacioni të cilit vit?

Ne baze te ligjit te administrimit te vetvetes sikurse ke ti drejte te kesh prone dhe nje shoqate , firme komunitet mund te kete prona te cilat sherbjne per te mbuluar shpenzime, vetfinancuar, paga, etj.

Per dijeni Komuniteti musliman shqiptar eshte i pasuri numer 2 ne shqiperi per pasuri te palujteshme mbas shtetit sipas deklratave te nenpunesve te kjetij komuniteti.

[Legjion]

E kam parasysh, se pasuria të ndihmon në aparatin e dëgjimit dhe në ndjeshmërinë nervore epidermike. Dmth sa më i pasur të jesh aq më mirë e dëgjon zotin e aq më shumë afrohesh pranë tij - Allahut me kët rast, se mos i ngel hatri vellezërve bizantinë, ata s'kanë prona dhe s'po kërkojnë gjë, sa larg zotit që duhet të jenë, Jahvehut me kët rast se mos ju ngel hatri juve.

[Albo]

As nuk dua ta njoh me shume kete ''historikun'' sepse qendrat e qyteteve tona sduhet ti poshtoje zhurma veshcaro-shurdhuese e Hoxhes apo kumona (kembana) e kishes.

Trego respekt per besimtaret qe edhe ata besimtaret te respektojne ateizmin tend. Dhe nese kujton se je duke shprehur "patriotizem" me keto qe shpreh me lart, une te them qe je ne nje linje mendimi me Enver Hoxhen qe e futi Shqiperine e shqiptaret ne librin Gines si shteti i vetem i veteshpallur ateist ne bote!

Pastaj sa per egzistence, mjaftojne te hollat qe japin besimtaret sepse spo ndertojne rruge e hidrocentrale, te cilat kane harxhime te medha.

Kur nuk di, pyet qe te mesosh dhe mos jep mendime per gjera qe nuk di. Komunitetet fetare ne vend, ofrojne sherbime shoqerore qe as vete shteti shqiptar nuk i ofron: jetimore, menca per te vobektet, spitale e qendra spitalore, ndihma ne raste fatkeqesish natyrore, kampe verore per femije, ndihma ne ushqime e te holla per familje te vobekta. Flas per komunitetin tim orthodhoks, se ate musliman nuk e njoh. Keto jane shpenzime mbi ato te shpenzimeve te mbajtjes ne kembe te nje kleri.

Disa ''shoqata'' te huaja kane ndihmuar por i qofshin fale propagandes anti-zot te stilit Neperke! Nuk eshte krim qe qendres se Elbasanit ti hiqet lulezimi dhe ti vendoset vyshkja? Nuk eshte krim qe ne qender te Shkodres ka vdekur lulishtja dhe eshte ringjallur fantazme xhamia?

Krim eshte ai krimi 30 vjecar, i mohimit te lirise se besimit dhe ngritjes se nje bote shpirterore te cdo shqiptari. Ky eshte krimi i te gjitha krimeve, prej te cilit vuan edhe ti. Mbase ne Shqiperi nuk duhet te kete asnje besimtar e asnje komunitet fetar ne menyre qe Fenomeni ta beje gjumin rehat!

Pastaj ti je i zhgenjyer nga qe shteti nuk i paska dhene perparesi pronave te ''fetareve'' por individeve, te cilet sigurojne direkt te ardhurat, pra pjesemarrje ne jete dhe jo ''filozofi'' qe me mbane zoti mua sepse objektet fetare i kemi plot!!!!

Une zhgenjehem nga shteti dhe nga "nacionalistet e rruges" qe nga njera ane jane te paret te akuzojne komunitetet fetare per "influenca te huaja" dhe nga ana tjeter nuk u japin atyre ate qe u takon qe eshte burimi i vetem jetik i pavaresise se tyre ekonomike. Une zhgenjehem nga injoranca e njerezve qe kujtojne se tranzicioni shqiptar eshte shoqeror e politik, por harrojne ate tranzicionin kryesor, tranzicionin shpirteror qe eshte burimi i vitalitetit shoqeror e politik.

Albo, dukesh qe je fetar por zoti eshte i fundit. Ti ke ecur ne jete pa ndihmen e tij, pervec asaj (ndihmes!) ''teoriko-nostalgjiko-enderr e bukur''

Jam une fetar apo je ti i pafe?! Une ndihmen e Perendise e kerkoj ne cdo fryme qe marr pavaresisht se mund te jetoj ne Amerike e mes gjithe te mirave. E veshtire te kuptohet nga mendja e nje njeriu qe beson tek "mendja e vet" dhe tek "forcat e veta" apo jo?! Ky eshte problemi yt e jo i imi.

Komunitetet fetare bejne mire te rrine urte sepse vetem percarje sjellin, plus kemi probleme te tjera plot.

Komunitetet fetare jo vetem qe kane nje te drejte kushtetuese qe ta thone fjalen e tyre te lire ne cdo kohe, por je ti qe duhet ta mbyllesh gojen e ti degjosh me vemendje, pasi ato komunitetet fetare, kane me shume ndikimin ne jeten shoqerore e politike te vendit se sa kujton ti. Dhe perpara se qeveria te marri ne shqyrtim kerkesat e sindikatave te ndryshme qe kane vetem disa qindra punetore, ben mire te marri edhe kerkesat e komuniteteve fetare qe kane me qindra mijera besimtare.

Dhe ne fund:
Nje individ ben padrejtesi,
por jo nje shtet dhe disa qeveri.

Kujt ia tregon keto gjepura, komuniteteve fetare ne vend qe u dogjen, pushkatuan, internuan, poshteruan, vodhen, nga pushteti popullor i Partise e shokut Enver?!

Albo

[Legjion]

Komunitetet fetare jo vetem qe kane nje te drejte kushtetuese qe ta thone fjalen e tyre te lire ne cdo kohe, por je ti qe duhet ta mbyllesh gojen e ti degjosh me vemendje, pasi ato komunitetet fetare, kane me shume ndikimin ne jeten shoqerore e politike te vendit se sa kujton ti. Dhe perpara se qeveria te marri ne shqyrtim kerkesat e sindikatave te ndryshme qe kane vetem disa qindra punetore, ben mire te marri edhe kerkesat e komuniteteve fetare qe kane me qindra mijera besimtare.