Ndahet nga jeta ish-kryetari i Kuvendit të Shqipërisë, Pjetër Arbnori

[Cimo]

NAPOLI /TIRANE (8 Korrik)

Ora 11:30 Vdekja e Arbnorit, Presidenti Moisiu: Ishte simbol i disidencës antikomuniste

Presidenti i Republikës, Alfred Moisiu ka pritur me hidhërim të madh lajmin e ndarjes nga jeta të politikanit, shkrimtarit dhe shtetarit të njohur, Pjetër Arbnori. Presidenti Moisiu shprehu ngushëllimet e tij të thella për humbjen e personalitetit politik dhe familjarit të devotshëm, si dhe vlerësimin e tij më të lartë njerëzor dhe zyrtar për jetën dhe veprimtarinë politike e shoqërore që Pjetër Arbnori realizoi në 71 vitet e jetës së tij. “Pjetër Arbnori ishte shembulli i një njeriu me vlera të larta qytetare, simbol i disidencës antikomuniste, krijues me talent të rrallë dhe modeli i një politikani të ndershëm dhe me vizion, i cili me punën e tij i dha nder Shqipërisë”, - u shpreh Presidenti Moisiu.

Ora 10:10- Eshtë ndarë nga jeta në moshën 71-vjecare në një spital të Napolit në Itali, politikani dhe ish-kryetar i parlamentit shqiptar, Pjetër Arbnori. Ai ndodhej për kurim në këtë spital, por shëndeti i tij është rënduar mjaft ditët e fundit dhe ka ndërruar jetë si pasojë e hemoragjisë cerebrale. Arbnori njihet si njjë nga politikanët më të vjetër dhe më aktive të politikës shqiptare gjatë 15 viteve të fundit.

Ai ishte një nga themeluesit e Partisë Demokratike dhe të lëvizjes antikomuniste, por që në momente të caktuara ka guxuara të pozicionohet edhe kundër mënyrës së drejtimit në këtë parti. Arbnori është quajtur “Mandela shqiptare”, pasi ka kaluar rreth 30 vjet të jetës së tij në burgjet e komunizmit, si i dënuar politik.

Arbnori ka qenë deputet në Kuvendin e Shqipërisë, që në krjimin e parlamentit të parë pluralist dhe më tej në 5 legjislatura, ndërsa në vitin 1992-1996, ka mbajtur postin e kryetarit të Kuvendit. Pjetër Arbnori është nderuar me titullin "Mësues i Popullit" dhe "Pishtar i Demokracisë". Ai është I njohur edhe fushën e krijimtarisë artistike dhe është autor I 7 romaneve dhe disa novelave. Arbnori gjithashtu është Oficer i Madh i Urdhërit të Plejadës" nga asambleja e vendeve frëngjishtfolëse.

(/Balkanweb)

Zoti e shperbleft me parajse

[hope31]

ngushellime familjes se tij

[Cappuccino]

Ngushllimet me te sinqerta familjes se tij.

[NoName]

Ndahet nga jeta Pjetër Arbnori



Ish-Kryetari i Kuvendit të Shqipërisë, shkrimtari dhe publicisti Pjetër Arbnori vdiq në një spital në Napoli. Shëndeti i zotit Arbnori ishte përkeqsuar ditët e fundit, në këtë mënyrë ai nuk i ka bërë dot ballë një hemoragjie celebrale. Pjetër Arbnori ishte njëri prej themeluesve të Partisë Demokratike, me një jetë politike të pasur në 15 vjetët e fundit. Pjetër Arbnori vuajti 25 vjetë burg për motive politike gjatë diktaturës komuniste. Emri i tij ishte përmendur rishtaz si një kandidat i mundshëm për President të Republikës.

[NoName]

Nje cerek shekulli jete e humbur ne burg, disa vjet si vitrine politike e pastaj nje humbje ne zgjedhje. Eshte gjynah qe jeta e tij politike perfundoi me zgjedhjet e 3 Korrikut.


Ngushellime familjes se tij !

[King_Arthur]

ngushellime familjes qe njeri i madh dhe ka dhene shume per shqiperine

[Cimo]

He mor NoName se eshte katolik Arbnori dhe vetem katoliket duhet te shprehin ngushllim a ?

Po shif mire ne forum ka tene te hapur sot me heret se ti mos u bon tashak

[Era1]

Ngushellime familjes se tij. Me vjen mire qe dhe pse ka vuajtur ai mundi ta sfidoje jeten me qetesine, kujdesin, mençurine dhe maturine e tij.

[SKUTHI]

Gjet rrafmet........... Te past lon jeten!

[EDUARDI]

Ngushellimet E Mia Familjes -- Te Zotit Pjeter

Shpirti Ju Preft Ne Paqe


Amin....

[Larsus]

gjynaf .. jete qeni dhe per kete ...

[strano]

Ngushellime familjes Arbnori.

Gjynah ama qe ktij i iku gjith rinia ne burg bahh sa pa fat ca njerez

[*Babygirl*]

Ngushllime familjes...

[Era1]

Lindur në Durrës me 18 janar 1935. 14 vjeç fillon të marrë pjesë në grupet ilegale kundër diktaturës. Mbaron në dy vjet e gjysëm studimet në Fakultetin e Filologjisë me rezultate të shkëlqyera. Merr pjesë në krijimin e një organizate social-demokrate, programin e së cilës e hartoi vetë. Më 1961 arrestohet dhe dënohet me vdekje. Pas tre muajsh dënimi i zbret në 25 vjet burg. Si pasojë e aktivitetit të tij në burg, i shtohet dënimi edhe me dhjetë vjet për agjitacion e propagandë. Në gusht 1989 lirohet nga burgu pas 28 vjet e gjysëm. Merr pjesë që në fillimet e para të lëvizjes antikomuniste me 14 janar 1990. Zgjidhet kryetar i PD-së për Shkodrën. Më 1992 dhe 1996 zgjidhet kryetar i Kuvendit Popullor. Ka marrë titullin "Mësues i Popullit" dhe "Pishtar i Demokracisë". Gjithashtu është "Oficer i Madh i Urdhërit të Plejadës" nga Asambleja e vendeve frëngjishtfolëse. Insituti biografik i kembrixhit, e futën biografinë e tij në "Who's Who" të intelektualëve dhe në Fjalorin Biografik Ndërkombëtar. Ka shkruar shtatë romane dhe ka botuar: "Mugujt e mesjetës" - novelë, "Kur dynden Vikingët" - novelë, "E bardha dhe e zeza", "E panjohura, Vdekja e Gebelsit",etj. dhe ka përkthyer nga frëngjishtja "Historia e Anglisë".

[Homza]

Sa i tmerrshem ka qene rregjimi komunsit, 30 vjet burg pa pas hak as borxh kerrkujt.

[Dara]

Ngushellime familjes se tij!

[AMERIKANJA06]

Ndahet nga jeta Pjetër Arbnori
Ish-Kryetari i Kuvendit të Shqipërisë, shkrimtari dhe publicisti Pjetër Arbnori vdiq në një spital në Napoli. Shëndeti i zotit Arbnori ishte përkeqsuar ditët e fundit, në këtë mënyrë ai nuk i ka bërë dot ballë një hemoragjie celebrale. Pjetër Arbnori ishte njëri prej themeluesve të Partisë Demokratike, me një jetë politike të pasur në 15 vjetët e fundit. Pjetër Arbnori vuajti 25 vjetë burg për motive politike gjatë diktaturës komuniste. Emri i tij ishte përmendur rishtaz si një kandidat i mundshëm për President të Republikës.

Ndjese i paste shpirti dhe ngushellime te sinqerta Familjes se TIJ.
U prehte ne paqe.

[AlbaneZ]

Ngushellime Familjes !

[Zemrushja]

Ngushellime familjes Arbnori

[shkodrane82]

Sa keq me erdhi. Me tregoi babi sot ne telefon dhe ne e kemi pasur mik te
mire familjeje...Gjynah.... Ka dy femi akoma te vegjel qe s'arriti ti shijoje mire.
Sot e sjellin trupin ne Shqiperi dhe varrimi do behet ne vendlindjen e tij
Shkoder, pasi ashtu e ka kerkuar ai vete.
Ngushllime familjes dhe u prefte ne paqe.