Close
Duke shfaqur rezultatin -19 deri 0 prej 20
  1. #1
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Fillon dhënia e tapive për proçesin e legalizimeve

    Këshilli i Ministrave miratoi dje kriteret e procedurave dhe dokumentacionit për të kualifikuar objektet në ndërtim, që legalizohen ose jo

    Legalizimi, qeveria shpall kushtet

    TIRANË- Këshilli i Ministrave miratoi dje kriteret e procedurave dhe dokumentacionit për të kualifikuar objektet në ndërtim, që legalizohen ose jo. Kështu, sipas vendimit të djeshëm, kualifikohet për legalizim objekti pa leje i përfunduar deri në datën e hyrjes në fuqi të ligjit nr. 9 482, datë 03.04.2006, “Për legalizimin, urbanizimin dhe integrimin e ndërtimeve pa leje, që: a) ka minimalisht të ngritur një kat, me lartësi dysheme-tavan jo më pak se 2 m; b) ka të përfunduar konstruksionin së bashku me mbulesën; c) nuk ka trajtim të veçantë, sipas përcaktimit të neneve 2, pika 4, dhe 35, të ligjit nr. 9 482, datë 3.4.2006, “Për legalizimin, urbanizimin dhe integrimin e ndërtimeve pa leje”; ç) nuk ndodhet në kushtet e përjashtimit nga procesi i legalizimit, sipas përcaktimeve në pikën 2, të këtij vendimi. Për kualifikimin e objekteve që legalizohen apo jo, veprohet, si vijon:a) Identifikohet nga njësia e qeverisjes vendore, me pranimin e formularit të vetëdeklarimit, ndërtimi në hartë/fotografi, gjendja ndërtimore, sipas vendndodhjes; b) Verifikohet në terren nga njësia e qeverisjes vendore, brenda 20 ditëve nga dorëzimi i formularit të vetëdeklarimit, ndërtimi i identifikuar në hartë/fotografi dhe hartohet procesverbali i konstatimit. Për rastet e ndërtimeve që përjashtohen nga procesi i legalizimit, njësia e urbanistikës i dërgon, brenda 5 ditësh, mendimin e saj KRRT-së njësisë së qeverisjes vendore. Kjo e fundit merr vendim në mbledhjen më të afërt të saj.

    Cili nuk kualifikohet

    Nuk kualifikohet për legalizim objekti i ndërtuar pa leje ose shtesa e sipërfaqes tej lejes së miratuar që: a) cenon sistemin rrugor dhe hekurudhor, kombëtar e rajonal, si dhe brezat mbrojtës të tyre, të parashikuar nga plani i përgjithshëm rregullues apo studime të çdo niveli, të miratuar a në proces; b) shkel vijën e ndërtimit në rrugët e kategorisë së parë, të dytë dhe të tretë, të parashikuar nga plani i përgjithshëm rregullues, studimet urbanistike apo projektet e veçanta për infrastrukturën rrugore të çdo niveli, të miratuar deri në datën e hyrjes në fuqi të ligjit nr. 9 482, datë 03.04.2006, “Për legalizimin, urbanizimin dhe integrimin e ndërtimeve pa leje”; c) është ngritur brenda territorit të shkollave, kopshteve, spitaleve, çerdheve, qendrave shëndetësore dhe të çdo institucioni tjetër publik; ç) cenon integritetin e Monumenteve të Kulturës; d)është ngritur mbi/ose brenda brezit mbrojtës të kolektorit, digës, ose aeroportit; dh) cenon trungun kryesor të infrastrukturës inxhinierike; e) është ngritur brenda territoreve dhe kufirit mbrojtës të zonave të mbrojtura, me akte, ligjore dhe nënligjore, si: (i) zonë turistike, (ii) zonë e mbrojtur, sipas përcaktimit të bërë në ligjin nr. 8 906, datë 6.6.2002, “Për zonat e mbrojtura”, (iii) zonë me vlera arkeologjike, muzeale e historike ose në kufi me objektet apo strukturat ndërtimore me vlera të veçanta; ë) cenon sistemet dhe brezat mbrojtëse të kanaleve kulluese dhe ujitëse; f) është ngritur brenda kufirit mbrojtës të burimeve natyrore, si naftë e gazmbajtëse, burimeve minerare, energjetike, burimeve e rezervave ujore, etj.

    Objekti i veçuar

    Objekti i veçuar, i ngritur në territore të tjera, nuk kualifikohet për t’u legalizuar, kur është ndërtuar: i) në zona me rrezik përmbytjeje; ii) në shtretërit e lumenjve; iii) brenda sipërfaqeve të baseneve, rezervuarëve dhe liqeneve; iv) në zonat e riskut gjeologjik, çarje-rrëshqitje; v) niveli i ndotjes së mjedisit kalon nivelin e përcaktuar në legjislacionin në fuqi për mjedisin. Ndërkohë, për të kualifikuar objektet, që legalizohen apo jo, njësitë e qeverisjes vendore mbështeten në: a) hartën/fotografinë e gjendjes ndërtimore; b) materialin grafik të planit të përgjithshëm rregullues dhe të çdo studimi të miratuar, të infrastrukturës, inxhinierike dhe rrugore, të zonës, sipas përcaktimeve të rregullores së urbanistikës miratuar me vendimin nr. 722, datë 19.11.1998, të Këshillit të Ministrave, të ndryshuar; c) materialin grafik për territorin brenda kufirit të zonave me mbrojtje të veçantë nga aktet, ligjore e nënligjore, rast pas rasti.

    Si veprohet për ndërtimet që janë në gjyq

    TIRANË- Për objektet e ndërtuara pa leje apo shtesat e sipërfaqeve tej lejes së miratuar ndaj të cilave ka filluar proces gjyqësor ose është vendosur masa e sigurisë me vendim gjykate, nga njësia e qeverisjes vendore, ndiqen këto procedura: a) I kërkohet deklaruesit apo personit të tretë, me marrjen dijeni të procedimit gjyqësor, depozitimi, në dosjen e ndërtimit pa leje, përkatësisht, të kopjes së vendimit të gjykatës ose të shkresës së gjykatës për zhvillimin e një procesi gjyqësor dhe për objektin e gjykimit; b) Vë në dijeni, menjëherë, personin e interesuar për legalizimin e ndërtimit pa leje, kur njoftimi për zhvillimin e procedimit gjyqësor vjen nga gjykata, për vendosje mase sigurie, sipas nenit 40, të ligjit nr. 9 482, datë 03.04.2006, “Për legalizimin, urbanizimin dhe integrimin e ndërtimeve pa leje”; c) Depoziton në dosjen e ndërtimit pa leje, në të dyja rastet e mësipërme, aktin për pezullim procedurash legalizimi. Kjo dosje ruhet nga njësia e qeverisjes vendore, sipas ligjit për arkivat; ç) Rifillon, me paraqitjen e vendimit të formës së prerë të gjykatës për procedimin gjyqësor, shkak i pezullimit të procedurave të legalizimit, procesin e legalizimit të ndërtimit pa leje, sipas kontekstit dhe përmbajtjes së vendimit të formës së prerë të gjykatës.

    Procedura kur deklarohet më shumë se një ndërtim pa leje

    TIRANË- Për rastet kur vërehet se një subjekt ka deklaruar më shumë se një objekt pa leje, veprohet si vijon: 1. Kur objektet pa leje ndodhen brenda kufirit territorialo-administrativ të së njëjtës njësi të qeverisjes vendore, kjo e fundit i kërkon deklaruesit: a) të zgjedhë objektin, për të cilin kërkon legalizim, në përputhje me përcaktimet e ligjit nr. 9 482, datë 03.04.2006, “Për legalizimin, urbanizimin dhe integrimin e ndërtimeve pa leje”; b) të depozitojë deklaratën noteriale të heqjes dorë nga përfshirja në procesin e legalizimit, sipas kushteve të përcaktuara në ligjin nr. 9 482, datë 03.04.2006, “Për legalizimin, urbanizimin dhe integrimin e ndërtimeve pa leje”, për objektet e tjera, e cila depozitohet në dosjen përkatëse. 2. Kur objektet pa leje ndodhen brenda kufirit territorialo-administrativ të dy ose më shumë njësive të qeverisjes vendore dhe/ose kur rasti i pikës 7/1, të këtij vendimi nuk është vënë re, ALUIZNI, i kërkon njësisë përkatëse të qeverisjes vendore, ku ka vendbanimin subjekti, të veprojë sipas përcaktimit të mësipërm. Në kuptim të kësaj pike subjekti identifikohet nga të dhënat e certifikatës së përbërjes familjare, të lëshuar sipas gjendjes familjare të datës së hyrjes në fuqi të ligjit nr. 9 482, date 03.04.2006. 3 Për objektet, të cilat legalizohen me kushtet e tregut: (i) çmimi i shitjes për metër katror të sipërfaqes së zënë nxirret, në përputhje me vlerën e tregut, (ii) taksa e legalizimit përllogaritet sipas neneve 51, paragrafi i parë, e 77, të ligjit 8 405, datë 17.09.1998, “Për urbanistikën”, të ndryshuar, dhe të nenit 16, të ligjit nr. 8 982, datë 12.12.2002, “Për sistemin e taksave vendore”.

    Objekti në tokë private, ja hapat për ta legalizuar

    TIRANË- Për rastet kur vërehet se objekti ndodhet në kushtet e trajtimit të veçantë, për shkak të vendndodhjes në troje private, të parashikuara nga plani i përgjithshëm rregullues/studimet urbanistike, të ndërtimeve mbi 5 kate nga niveli zero, njësia e qeverisjes vendore vepron si vijon: a) afishon hartën me kufirin e zonës nën juridiksion, të mbuluar me plan urbanistik, të miratuar për ndërtimet mbi 5 kate nga niveli zero, me fillimin e procesit të vetëdeklarimit. Në këtë rast niveli zero është kuota e nivelit të truallit; b) dërgon kopje të kësaj harte në ZRPP-në përkatëse dhe i kërkon asaj listën e pronarëve privat, të regjistruar mbi këto territore, e cila detyrohet të dërgojë, brenda 30 ditëve në njësinë e qeverisjes vendore, përkatëse, materialin e kërkuar; c) dokumentacioni i afishimit dhe i dërguar nga ZRPP-ja, depozitohet në dosjen e objektit pa leje, evidencohet dhe nënshkruhet nga kryetari i njësisë së qeverisjes vendore; ç) pas kryerjes së procedurave të mësipërme, kryetari i njësisë së qeverisjes vendore, me urdhër të tij, njofton subjektin deklarues, pronarin e sipërfaqes së truallit, sekretarinë teknike të KRRT-së dhe ZRPP-së përkatëse, për pezullimin e legalizimit të objektit.

    LEGALIZOHEN

    Kualifikohet për legalizim objekti pa leje i përfunduar deri në datën e hyrjes në fuqi të ligjit nr. 9 482, datë 03.04.2006, “Për legalizimin, urbanizimin dhe integrimin e ndërtimeve pa leje, që:
    a) Ka minimalisht të ngritur një kat, me lartësi dysheme-tavan jo më pak se 2 m;
    b) Ka të përfunduar konstruksionin së bashku me mbulesën;
    c) Nuk ka trajtim të veçantë, sipas përcaktimit të neneve 2, pika 4, dhe 35, të ligjit nr. 9 482, datë 03.04.2006, “Për legalizimin, urbanizimin dhe integrimin e ndërtimeve pa leje”;
    ç) nuk ndodhet në kushtet e përjashtimit nga procesi i legalizimit, sipas përcaktimeve në pikën 2, të këtij vendimi.

    Për kualifikimin e objekteve që legalizohen apo jo, veprohet, si vijon:

    a) Identifikohet nga njësia e qeverisjes vendore, me pranimin e formularit të vetëdeklarimit, ndërtimi në hartë/fotografi, gjendja ndërtimore, sipas vendndodhjes;
    b) Verifikohet në terren nga njësia e qeverisjes vendore, brenda 20 ditëve nga dorëzimi i formularit të vetëdeklarimit, ndërtimi i identifikuar në hartë/fotografi dhe hartohet procesverbali i konstatimit. Për rastet e ndërtimeve, që përjashtohen nga procesi i legalizimit, njësia e urbanistikës i dërgon, brenda 5 ditësh, mendimin e saj KRRT–së njësisë së qeverisjes vendore. Kjo e fundit merr vendim në mbledhjen më të afërt të saj; c) grupohen sipas vendndodhjes dhe tipologjisë së tyre ndërtimet e përfshira në procesverbalin e konstatimit.

    NUK LEGALIZOHEN

    Nuk kualifikohet për legalizim objekti i ndërtuar pa leje ose shtesa e sipërfaqes tej lejes së miratuar që:
    a) cenon sistemin rrugor dhe hekurudhor, kombëtar e rajonal, si dhe brezat mbrojtës të tyre, të parashikuar nga plani i përgjithshëm rregullues apo studime të çdo niveli, të miratuar a në proces;
    b) shkel vijën e ndërtimit në rrugët e kategorisë së pare, të dytë dhe të tretë, të parashikuar nga plani i përgjithshëm rregullues, studimet urbanistike apo projektet e veçanta për infrastrukturën rrugore të çdo niveli, të miratuar deri në datën e hyrjes në fuqi të ligjit nr. 9 482, datë 03.04.2006, “Për legalizimin, urbanizimin dhe integrimin e ndërtimeve pa leje”;
    c) është ngritur brenda territorit të shkollave, kopshteve, spitaleve, çerdheve, qendrave shëndetësore dhe të çdo institucioni tjetër publik;
    ç) cenon integritetin e Monumenteve të Kulturës, sipas përcaktimit të pikës 1, të nenit 29, të ligjit nr. 9 048 datë 07.04.2003, “Për trashëgiminë kulturore”, të specifikuar nga materiali i botuar i Institutit të Monumenteve të Kulturës, sipas përcaktimit të nenit 38, të ligjit nr. 9 482, datë 03.04.2006;
    d)është ngritur mbi/ose brenda brezit mbrojtës të kolektorit, digës, ose aeroportit;
    dh) cenon trungun kryesor të infrastrukturës inxhinierike, sipas përcaktimeve në rregulloren e urbanistikës të miratuar me vendimin nr. 722, datë 19.11.1998, të Këshillit të Ministrave, të ndryshuar;
    e) është ngritur brenda territoreve dhe kufirit mbrojtës të zonave të mbrojtura, me akte, ligjore dhe nënligjore, si:
    (i) zonë turistike, sipas përcaktimit të bërë në pikën 3, të nenit 2, të ligjit nr. 9 482, datë 03.04.2006, “Për legalizimin, urbanizimin dhe integrimin e ndërtimeve pa leje”.
    (ii) zonë e mbrojtur, sipas përcaktimit të bërë në ligjin nr. 8 906, datë 06.06.2002, “Për zonat e mbrojtura”. (iii) zonë me vlera arkeologjike, muzeale e historike ose në kufi me objektet apo strukturat ndërtimore me vlera të veçanta, sipas përcaktimit të neneve 73 e 74, të ligjit nr. 8 405, datë 17.09.1998, “Për urbanistikën”, të ndryshuar, dhe të neneve 31, 32 e 33, të ligjit nr. 9 048, datë 07.04.2003, “Për trashëgiminë kulturore”;
    ë) cenon sistemet dhe brezat mbrojtëse të kanaleve kulluese dhe ujitëse;
    f) është ngritur brenda kufirit mbrojtës të burimeve natyrore, si naftë e gazmbajtëse, burimeve minerare, energjetike, burimeve e rezervave ujore etj.

  2. #2

    Votat Berishes - porsi cjapi tek kasapi

    shihni kete lajm dhe mallengjehuni

    marre nga www.gazetashqiptare.com

    Qeveria shqiptare ka plainfikuar të marrë vetëm 400 milionë euro nga ndërtimet


    Për ish-pronarët, secili do paguajë 2 mijë euro


    Totali i faturës shkon në 3 miliardë euro



    --------------------------------------------------------------------------------

    Armando Meta
    a.meta@gazetashqiptare.com

    Çdo shqiptar, fëmijë, i rritur apo pensionist, do të “detyrohet” të nxjerrë nga portofoli i tij afro 1500 deri në 2000 euro, për të kompensuar ish-pronarët, të cilët humbasin pronat e tyre nga procesi i legalizimit. Kryeministri Berisha ka bërë të ditur dje, se gjatë procesit të legalizimit do të çlirohet “një kapital prej 3 miliardë dollarësh, që për një vend si Shqipëria, është një shumë jashtëzakonisht e madhe”. Kaq është përafërsisht, sipas qeverisë, fatura financiare e kostos së ndërtimeve të paligjshme. Ndërkohë, përfitimi i shtetit nga ky proces përllogaritet që në rastin më të mirë, të jetë afro 400 milion dollarë. Por ndërsa procesi i legalizimeve ka aspektin humanitar, nga ana tjetër, ky proces realisht pritet të varfërojë akoma më shumë xhepat e të gjithë qytetarëve, sidomos të atyre që jo vetëm që nuk kanë shkelur ligjin duke kryer ndërtime pa leje, por dhe që nuk kanë pushtuar pronat e të tjerëve. Ky varfërim do të vijë si rezultat i përdorimit të parave të taksapaguesve për kompensimin e ish-pronarëve.

    Taksat
    Qeveria nuk pritet të fusë dorën drejtpërdrejt në xhepin e qytetarëve, për të marrë kompensimin për ish- pronarët. Por ajo pritet që këto shuma parash t’i marrë nga taksat që paguajnë qytetarët. Për rrjedhim, do të kemi më pak rrugë, më pak shkolla dhe spitale brenda standardeve, më pak investime në energjitikë, më pak banesa për të pastrehët, më pak përmirësim të cilësisë së jetesës, si dhe shumë privime të tjera. Ish- pronarët nënvizojnë se “të ngarkosh shtetin që me taksat e qytetarëve të paguajë pronarët e ligjshëm, është absurde, sepse taksat nuk mund të përdoren për interesa të grupeve sociale që kanë shkelur ligjin dhe të drejtat pronësore të të tjerëve. Sipas ish- pronarëve, vetëm grupet sociale që kanë përfituar, duhet të jenë paguesit e faturës financiare të legalizimeve. Ish-pronarët nënvizojnë se, është e papranueshme që subjekte që kanë ndërtuar vila moderne, objekte biznesi apo shërbimesh, prej të cilave sigurojnë fitime, të barazohen me banorët e varfër që mezi sigurojnë bukën e gojës.

    400 milionë dollarët që pritet të mbledhë qeveria nga procesi i legalizimit, janë një pikë në ujë, po të krahasosh shumën që qytetarët e këtij vendi duhet t’u paguajnë ish- pronarëve për kompensimin e pronave që janë marrë me forcë. Ish- pronarët, kanë përllogaritur se shteti duhet t’i kompensojë pronarët legjitimë me afro 6 miliard USD. Në zonat informale që qeveria ka planifikuar të legalizojë, çmimi për m2 sillet midis 40- 120 $. Vetëm Bathorja që është një ndër 12 zonat informale në qarkun e Tiranës, ka një territor me sipërfaqe mbi 4.5 milion m2. I gjithë ky territor, sipas ish- pronarëve, është i zënë me ndërtime dhe s’ka asnjë m2 për t’iu kthyer pronarëve të ligjshëm. Vlera e tokës, sipas çmimit të tregut në këtë zonë, është 40- 120$ për m2. Duke llogaritur me çmimin minimal prej 40$ për m2, fatura që u duhet paguar pronarëve të Bathores nga ana e shtetit, është 180 milionë dollarë. Duke bërë në të njëjtën mënyrë llogaritjen e 12 zonave informale të qarkut të Tiranës, të cilat zënë një territor mbi 42 milion m2, fatura për t’u paguar del 1.7 miliard dollarë. “Kurse fatura e të gjitha zonave informale të Shqipërisë, arrin në mbi 6 miliard dollarë”, - deklarojnë ish- pronarët. Bazuar në këto shifra, shihet qartë se shuma prej 400 milionë dollarësh, është tepër e vogël për t’u përdorur për kompensim. Sikur të merren me 50 për qind besueshmëria e shifrave që japin ish- pronarët, rezulton se së paku vlera e kompensimit shkon në 3 miliard dollarë, që është një shifër astronomike për një vend të vogël si Shqipëria me buxhete tepër të varfra, për shkak të prapambetjes së thellë dhe krizave së vazhdueshme ekonomike që përjeton vendi.
    Kostoja
    Por fatura financiare prej 6 miliard dollarësh, duket se është vetëm “maja e ajsbergut” e kompensimit që shteti duhet t’u bëjë ish- pronarëve. Po të përllogarisësh se shteti në bazë të ligjit për pronat merr përsipër edhe kompensimin e pronave të trojeve brenda zonave urbane; të tokave bujqësore; të tokave të ndara subjekteve të stimuluara për zhvillimin e turizmit në zonat turistike, atëherë shifra është gati 3- 4 herë më e madhe se 6 miliard dollarë. Duke u nisur nga shifra e planifikuar në buxhetin e shtetit për kompensimin e pronarëve për vitin 2006, kompensimi i plotë i pronave nuk pritet të përfundojë përpara 1000 vitesh. Sipas disa studimeve të bëra nga ish- pronarët, në afro 75- 80 për qind të rasteve, shtëpitë e ndërtuara në zonat informale janë të standardeve të larta me vlerë qindra mijë dollarë për njësi, që shërbejnë si vila, objekte banimi, hotele, bar- restorante, objekte biznesi apo shërbimi etj. Pavarësisht nga kjo, do të jenë taksapaguesit ata të cilët do të paguajnë për legalizimin e këtyre vilave, bareve, hoteleve, me vlera qindra mijë dollarë. Në këto zona ka edhe kasolle apo ndërtesa modeste të ndërtuara nga njerëz të varfër, por këto përbëjnë më pak se 20- 25 për qind të këtyre ndërtimeve.



    Çmimi
    Zonat informale që qeveria ka planifikuar të legalizojë, çmimi për m2 sillet midis 40- 120 $.
    Bathorja
    Bathorja, që është një ndër 12 zonat informale ka një territor me sipërfaqe mbi 4.5 milion m2.
    Fatura
    Po të llogaritet çmimi minimal prej 40$ për m2, fatura që u duhet paguar pronarëve të Bathores është 180 milion USD.
    Miliardat
    Fatura e të gjithë zonave informale të Shqipërisë për kompensim përllogaritet të arrijë në mbi 6 miliard USD.


    -----------------------

  3. #3
    i/e regjistruar
    Anëtarësuar
    27-03-2005
    Postime
    926
    Citim Postuar më parë nga gene
    shihni kete lajm dhe mallengjehuni

    marre nga www.gazetashqiptare.com

    Qeveria shqiptare ka plainfikuar të marrë vetëm 400 milionë euro nga ndërtimet


    Për ish-pronarët, secili do paguajë 2 mijë euro


    Totali i faturës shkon në 3 miliardë euro


    -----------------------

    3 000 000 000 €/banor : 2 000 € = 1 500 000 banor

    Shqiperia ka 3 500 000 banor.
    I bie qe 2 500 000 banor (te djathte) te mos paguajne.

    Une per vete nuk paguakam gje.

    Rroft legalizimi

  4. #4
    i/e regjistruar Maska e brrrrrrr
    Anëtarësuar
    01-07-2006
    Postime
    54

    Ndërtuesit: Do deklarojmë në kohë shtesat për legalizim

    Ndërtuesit: Do deklarojmë në kohë shtesat për legalizim

    Citim Postuar më parë nga Panorama online
    Bumçi: Asnjë nga ndërtuesit nuk do të fshehë asnjë metër katror


    Ndërtuesit: Do deklarojmë në kohë shtesat për legalizim


    Ndërtuesit deklarojnë se legalizimet për shtesat e pallateve do të bëhen brenda afateve të parashikuara në ligj.


    Pas deklaratës së kryeministrit Sali Berisha në adresë të ndërtuesve, nëpërmjet të cilës kërkoi hipotekimin e pallateve dhe legalizimin e shtesave, vjen edhe reagimi i ndërtuesve. Përfaqësues të shoqatës së ndërtuesve garantojnë se legalizimi i shtesave do të bëhet në përputhje me ligjin e legalizimeve. “Ndërtuesit janë shumë të interesuar që të plotësojnë në kohën më të shkurtër në afatin më optimal dokumentacionin që duhet për legalizimin e shtesave, duke paguar edhe përqindjen përkatëse. Unë dua të garantoj se nuk ka asnjë ndërtues që nuk është i interesuar për këtë proces dhe nuk ka asnjë ndërtues që do të fshehë qoftë edhe një metër katror”, ka deklaruar përfaqësuesi i shoqatës së ndërtuesve, Shkëlqim Bumçi. Sipas ndërtuesve, ky proces do të rezultojë me sukses në rast se do të shkurtohen afatet për çdo fazë të procesit. “Sigurisht kohë do të kërkojë, afatet janë përcaktuar, por puna është që të respektohen afatet që ka përcaktuar qeveria. Në mënyrë të veçantë e rëndësishme është afati i parë i deklarimit”, u shpreh Bumçi. Bashkia e Tiranës i ka dorëzuar tashmë firmave të ndërtimit formularin e legalizimit të shtesave, të cilin ata duhet ta plotësojnë. Kjo është edhe faza e dytë e procesit, e cila do të fillojë menjëherë pas vetdeklarimit nga ana e ndërtuesve të shtesave që duan të legalizojnë. Ligji i ri i qeverisë për legalizimin, urbanizimin dhe integrimin e ndërtimeve pa leje për të gjithë territorin e vendit, do të fillojë të zbatohet me datë 15 korrik 2006. Periudha e vetdeklarimit është një proces vullnetar për të gjithë subjektet gjatë 2 muajve të parë, ndërsa gjatë 2 muajve të dytë të saj procesi i vetdeklarimit shoqërohet me sanksione. Sanksionet e zbatuara të këtij ligji kalojnë për llogari të qeverisjes vendore, ku kryhet vetdeklarimi. Në kategorinë e katërt të ndërtimeve përfshihen të gjithë pallatet që janë ndërtuar me leje, por që të gjitha familjet që kanë blerë apartamente në to nuk kanë asnjë objekt pronësie. Në këtë rast qytetarët do të pajisen me dokumente, duke i regjistruar në hipoteka, ndërsa ndërtuesit do të penalizohen me një gjobë, e cila nuk do të jetë shumë e lartë.

  5. #5
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Drejtori i Agjencisë së Legalizimit (ALUIZNI), Shaban Memia, tha se dokumentacioni dhe kostoja do të merret përsipër nga qeveria

    Legalizimi, pranohen të gjitha deklarimet

    Memia: Pushteti vendor është i detyruar që të pranojë të gjitha vetëdeklarimet, nuk ka të drejtë të jetë selektiv”

    Nevila Perndoj

    TIRANË- Formulari që do të plotësojë qytetari në hapin e parë për legalizimin e ndërtimit pa leje nuk do t’i kthehet mbrapsht në asnjë rrethanë nga njësia e qeverisjes vendore. Drejtori i Agjencisë së Legalizimit, (ALUIZNI) Shaban Memia, ka deklaruar dje se pushteti vendor është i detyruar që të pranojë deklarimet e qytetarëve për të gjitha kategoritë. “Për të gjitha kategoritë e ndërtimeve deklarimi është vullnetar dhe është i detyruar pushteti vendor që t’ua pranojë. Nuk mund të kthejë dhe nuk ka të drejtë që të jetë selektiv asnjë zyrtar”, -tha dje Memia. Në këtë mënyrë, çdo qytetar, pavarësisht llojit dhe vendit, ku është ndërtuar objekti pa leje, do të bëjë deklarimin dhe asnjë letër nuk do të kthehet për t’u riplotësuar. Të gjitha do të merren përsipër nga njësitë e qeverisjes vendore të cilat do të kenë edhe punën më të madhe pas hapit të parë që do të ndjeke qytetari me plotësimin e një prej dy formularëve A dhe AI. Në fazën e parë do të bëhet paraqitja e formularëve të aplikimit të plotësuar, 4 fotografi të objektit, certifikata e gjendjes familjare, dhe kopje të dokumenteve që provojnë pronësinë e tokës (kur ka). Në këtë hap të parë nuk ka pothuaj fare kosto për qytetaret nëse ata e bëjnë aplikimin brenda dy muajve të parë të deklarimit vullnetar. Do të jenë organet e qeverisjes vendore që do të hapin dosje për çdo objekt dhe do të bëjnë verifikimet paraprake.

    Klasifikimi
    Pas kësaj ato do të klasifikojnë dosjet e aplikimeve në tri kategori: objekte për legalizim; objekte të përjashtuara nga legalizimi dhe objekte procedura e legalizimit të të cilave ngrin përkohësisht për shkak të konflikteve gjyqësore. Pikërisht për shkak të këtyre kategorive, duket se për qytetarët nuk do të ketë asnjë përjashtim për kthim prapa të formularit, pasi do të jetë vete organi i qeverisjes vendore që do të bëjë më pas verifikimin përkatës. Kur dosjet klasifikohen në kategorinë e objekteve të përjashtuara nga legalizimi dhe objekte procedura e legalizimit të të cilave ngrin përkohësisht për shkak të konflikteve gjyqësore, ato do të kalojnë ne filtrin e ALUIZNI-t për verifikim dhe pas konfirmimit të këtij të fundit, pushteti lokal arkivon dosjet dhe njofton qytetarët, sipas rastit, për përjashtimin ose për ngrirjen e procedurës, duke dhënë edhe shpjegimet përkatëse.

    Kostoja
    Në momentin kur objektet klasifikohen për legalizim vazhdojnë procedurën e plotësimit të dosjes në organet e qeverisjes vendore. Ky është momenti i kontaktit të dytë të qytetarit me administratën e qeverisjes vendore. Në këtë fazë, qytetarët që plotësojnë dosjet duhet të paraqesin gen-planin, planimetritë e kateve të shtëpisë, dhe deklaratën për respektimin e planit rregullues, përgjegjësinë për sigurinë teknike të objektit etj Pikërisht kjo është faza ku qytetarit do t’i duhet që të përballojë disa kosto që lidhen pikë se pari me hartimin e dokumenteve grafike. Dihet tashmë që privatisht vetëm për plotësimin e gen-plani duhen minimalisht 1 500 lekë të reja. Por drejtori i ALUIZNI-t, Shaban Memia, ka siguruar dje se, ”të gjithë dokumentacionin tekniko-juridik që është jo i pakët dhe ka kosto jo të vogël qoftë në kohë qoftë në anën monetare...etj do t’ia plotësojë administrata”, - tha ai. Në anën tjetër, qeveria po përgatit akte nënligjore që i detyrojnë subjektet e specializuara publike dhe private të minimizojnë kostot për përgatitjen e këtyre dokumenteve.

    Kushtet për legalizim:
    Objekti duhet të ketë minimalisht lartësinë 2 metra
    Të ketë përfunduar konstruksioni dhe muratura e qëndrueshme, bashkë me çatinë ose soletën
    Objekti nuk duhet të jetë në kushtet e përjashtimit parashikuar në ligj

    Për kualifikimin e objekteve që legalizohen apo jo, veprohet, si vijon:

    a) Identifikohet nga njësia e qeverisjes vendore, me pranimin e formularit të vetëdeklarimit, ndërtimi në hartë/fotografi, gjendja ndërtimore, sipas vendndodhjes;
    b) Verifikohet në terren nga njësia e qeverisjes vendore, brenda 20 ditëve nga dorëzimi i formularit të vetëdeklarimit, ndërtimi i identifikuar në hartë/fotografi dhe hartohet procesverbali i konstatimit. Për rastet e ndërtimeve, që përjashtohen nga procesi i legalizimit, njësia e urbanistikës i dërgon, brenda 5 ditësh, mendimin e saj KRRT–së njësisë së qeverisjes vendore. Kjo e fundit merr vendim në mbledhjen më të afërt të saj; c) grupohen sipas vendndodhjes dhe tipologjisë së tyre ndërtimet e përfshira në procesverbalin e konstatimit.

    Nuk kualifikohen për legalizim:
    Objektet e ndërtuara pa leje që cenojnë sistemin rrugor dhe hekurudhor kombëtar e rajonal si dhe brezat mbrojtës të tyre
    Objektet që shkelin vijën e ndërtimit në rrugët e kategorisë së parë, e të dytë
    Objektet e ngritura brenda territorit të shkollave, kopshteve, spitaleve, çerdheve, qendrave shëndetësore dhe institucioneve të tjera publike
    Objektet që cenojnë integritetin e monumenteve të kulturës; ato që janë ngritur mbi/ose brenda brezit mbrojtës të kolektoreve, digave ose aeroporteve;
    Ato që cenojnë trungun kryesor të infrastrukturës inxhinierike etj
    Objektet që janë ngritur brenda territoreve dhe kufirit mbrojtës të zonave turistike, zonave te mbrojtura, zonave me vlera arkeologjike, muzeale, e historike; ose në kufi me Objektet apo strukturat ndërtimore me vlera të veçanta
    Objektet që cenojnë sistemet dhe brezat mbrojtës të kanaleve kulluese dhe ujitëse;
    Ato të ngritura brenda kufirit mbrojtës të burimeve natyrore, si naftë e gazmbajtëse, burime minerare, burime energjetike, burime e rezerva ujore

    Pagesat që duhet të bëjnë qytetarët për legalizimin

    Qytetari paraqitet pranë ALUIZNI-t, për të bërë pagesat e rastit parashikuar në ligj, si:
    pagesën për token (kur trualli nuk është i tij);
    Taksën e ndikimit në infrastrukture (1% e kostos së objektit, 2% për Tiranën);
    Një tarifë minimale pagese për shërbimin e organeve të qeverisjes vendore dhe ALUIZNI-t.
    Pasi nënshkruan kontratën e shitblerjes për truallin (kur është e aplikueshme), qytetari mund të marrë certifikatën e pronësisë për truallin dhe objektin respektiv të legalizuar

    Formularin A
    Duhet ta plotësojnë të gjithë ata që kanë ndërtuar banesat e tyre pa leje ne toka që nuk janë pronë e tyre. Krahas plotësimit të këtij formulari, qytetari duhet të plotësojë edhe këto kërkesa të ligjit:
    1) fotografi të katër pamjeve te objektit;
    2) certifikatë të gjendjes familjare;
    3) kontratë noteriale të kalimit të pronësisë së parcelës mbi të cilën qytetari ka ndërtuar (nëse ka);
    4) certifikatë pronësie nga Zyra e Regjistrimit të Pasurive (fotokopje) nëse kanë ndërtuar mbi pronën private të vetëdeklaruesit

    Formulari A1
    Duhet ta plotësojnë të gjithë ata që kanë ndërtuar pa leje në pronën e tyre dhe për shtesat e pallateve. Krahas plotësimit të formularit, qytetari është i detyruar që të përmbushe edhe këto kërkesa: 1)vendimet e KRRT/KRRTRSH-së për lejen e sheshit të ndërtimit;
    2) certifikate pronësie nga ZRP-ja (nëse ka) dhe për shtesën anësore;
    3) për shtesa anësore mbi pronë publike për kalimin në pronësi të truallit;
    4) deklaratën noteriale, ku projektuesi, zbatuesi dhe investitori garantojnë qëndrueshmërinë e objektit ne legalizim;
    5) aktmarrëveshjen me pronarin e truallit për shtesën, nëse është ndërtuar mbi një territor privat


    Shekulli

  6. #6
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Memia: 60 % e ekonomise do perfshihet ne legalizim

    E Merkure, 12 Korrik 2006

    Ne vijim te turit te tij per hapjen e procesit te legalizimeve, drejtori i Agjencise se Legalizimeve, Shaban Memia, zhvilloi dje nje takim me drejtues te pushtetit vendor ne prefekturen e Gjirokastres. Krahas prefektit te qarkut, Spiro Ksera, te pranishem ne kete takim kane qene edhe kryetare te bashkive dhe komunave te rretheve te Permetit, Tepelenes dhe Gjirokastres, eksperte te urbanistikes etj. Ne qender te takimit kane qene diskutimi i procedurave te legalizimit dhe urbanizimit te ndertimeve pa leje ne vendbanimet formale, zonat informale etj. Ne fjalen e hapjes se ketij takimi, prefekti Spiro Ksera ka pohuar se “per harmonizimin e punes se ketij procesi, ne zbatim te kerkesave te ligjit dhe akteve ligjore u krijua ne rajonin e qarkut te Gjirokastres, zyra e agjencise se legalizimit, urbanizimit dhe integrimeve te zonave informale”. Nderkohe, drejtori i Agjencise se Legalizimeve, Shaban Memia, ka pohuar se, “ne nisim ne qarkun e Gjirokastres hapin e pare, ne njerin nga problemet me te rendesishem qe ka vendi sot, qe une do ta perkufizoja reformen me te rendesishme ekonomike, shumedimensionale qe do te realizojme bashkerisht”. Sipas Memise, “legalizimi eshte reforma e cila do te beje te mundur qe, mbi 60 % te ekonomise shqiptare e cila eshte e bllokuar dhe nuk eshte pjese e tregut, ta beje pjese te tregu, ta beje te ligjshme dhe ta vleresoje”. “Ne kuadrin e realizimit te kesaj reforme, ka vijuar Memia, perfshihen te gjitha kategorite e ndertimeve te realizuar keto 16 vjet”.

    B. Kore

  7. #7
    automotive Maska e ClaY_MorE
    Anëtarësuar
    16-05-2004
    Vendndodhja
    Deutschland
    Postime
    4,456
    Memia: Jo legalizim të ndërtesave mbi veprat muzeale

    Drejtori i Agjencisë se Legalizimeve, Shaban Memia, ka zhvilluar dje një takim në ambientet e prefekturës së Beratit, ku është takuar me 5 kryetarët e bashkisë si dhe 22 kryetarët e komunave dhe të gjithë regjistruesit e këtij qarku. Memia ka theksuar gjatë fjalës së tij se kjo është reforma më e madhe ekonomike e pas viteve 90, pasi rreth 60 % e industrisë të ndërtimeve në Shqipëri është e pa legalizuar dhe i përkasin informalitetit. Po në këtë takim, Memia shtoi se, “askujt të mos i shkojë në mendje se me legalizimin do të prishen zonat muzeale”. Për çështjen në fjalë, Berati dhe Gjirokastra kanë një specifike të veçantë, pasi kanë ansamble muzeale si ansambli i tri lagjeve muzeale, Goricë, Mangalem e Kala. “Në këtë rast, nuk do të tolerohet qoftë edhe një m2 i ndërtuar me beton, ndryshe duhet të veprojnë strukturat vendore në këto raste”, - tha Memia. Më pas folën kryetarët e bashkive, ku ai Beratit, Fadil Nasufi, kërkoi fonde shtesë për plotësimin e infrastrukturës ligjore, që, sipas Nasufit, fillon nga përpilimi i hartës të banesës dhe të zonave informale të cilat në Berat janë mbi 10 të tilla. Kreu i Bashkisë të Kuçovës, Artur Kurti, pohoi se edhe ky qytet ka specifika të veçanta, pasi në këtë qytet janë mbi 1 570 ndërtime në zonën naftëmbajtëse.
    Për të gjitha problemet, kreu i Agjencisë së Legalizimeve, Shaban Memia tha se, “askujt të mos i shkojë në mëndje se reforma e nisur do të kthehet mbrapsht”. Memia ka veçuar edhe njëherë se nuk do të legalizojë banesat që janë të ndërtuara në vendet e mbrojtura me vlerë kombëtare si zonat muzeale etj. Sipas të dhënave paraprake në qarkun e Beratit në territoret e 5 bashkive dhe 22 komunave janë mbi 7 mijë ndërtime të ndërtuara pas vitit 1990. Ndërsa më të prekurat janë Bashkia e Beratit me mbi 2 500 ndërtime pa leje me 5 zona informale e pasuar nga Bashkia Kuçovë, me mbi 1 570 banesa të ndërtuara.
    Jeta ime, mban emrin e saj..

  8. #8
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Drejtori i ALUIZIN në Elbasan thotë se numri i objekteve për legalizim është i lartë

    Elbasan, 80 mijë objekte presin legalizimin

    Shekulli

    ELBASAN- Drejtori i Agjencisë së Legalizimeve në qarkun e Elbasanit thotë se 80 mijë objekte presin të legalizohen. Sipas tij, megjithëse në procesin e parë të vetëdeklarimit janë konstatuar 8500 objekte, realisht ato janë rreth 80 mijë të tilla.
    Kryetari i ALUIZIN në Elbasan, Ditor Musai, thotë se nëse procesi do të shikohet i plotë dhe do të aplikojnë të gjithë ata që kanë ndërtuar pa leje, atëherë numri i objekteve për tu legalizuar në qarkun e Elbasanit mund të arrijë në 80 mijë. Ndërsa procesi ka filluar në të gjitha njësitë vendore ku mund të tërhiqet formulari A dhe A1, ende agjencia e Legalizimeve në Elbasan nuk ka zyrat e saj. Mësohet se janë përcaktuar tashmë 25 specialistë të cilët do të mbulojnë këtë proces në nivel qarku. “Kjo organikë kërkon një ambient të bollshëm për të zhvilluar punën e saj” është shprehur Musai. Sipas tij, zyra pritet të përcaktohet shumë shpejt me ndihmën e pushtetit vendor. Ai i ka bërë thirrje qytetarëve të marrin informacionet e duhura për këtë proces në njësitë vendore ku ata banojnë dhe nëpërmjet mediave. Musai ka kërkuar gjithashtu bashkëpunimin e njësive vendore për të realizuar me sukses procesin e vetëdeklarimit. Mësohet se janë të vlefshme edhe vetëdeklarimet e vitit 2005, ku në bashkinë e Elbasanit plotësuan formularët 5500 persona, ndërsa për rrethet e tjera janë vetëdeklaruar rreth 3500 objekte. Ndërkohë që zyra e Regjistrimit të Pasurive të Patundshme në Elbasan është në “krizë” përsa i përket shërbimit, nga mungesa e ambienteve dhe e organikës. Kryeregjistruesi Nazmi Dervishi deklaroi për “Shekulli”-n se ambientet e ngushta dhe mungesa e organikës, mbeten problemi kryesor i kësaj zyre. “Numri i vogël i punonjësve e bën të vështirë përgjigjen në kohë brenda afatit ligjor të kerkesave nga qytetarët. Këto të fundit i kalojnë 100 aplikime në ditë dhe është i vështirë përballimi i tyre”. Ndërsa lidhur me ambientet Dervishi shprehet se në rast se nuk do të ketë një zgjidhje për ndryshimin e zyrave atëherë dosjet mund të përfundojnë për tokë duke rrezikuar dëmtimin. Sipas tij shpresat për zyra të reja varen tek një finacim nga Banka Botërore. Një tjetër shqetësim i kësaj zyre është pezullimi prej 3 vjetësh i azhornimit të tokave.

  9. #9
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Flet Memia: Identifikimi, paralel me vetëdeklarimin


    “Ndërtimet në zonat e ndaluara pezullohen, por nuk do shemben”



    Të gjitha ndërtimet që gjenden në zonat e mbrojtura nga shteti nuk do të shemben, por do të pezullohen.

    Kryetari i Agjencisë së Legalizimeve, Shaban Memia, në një intervistë për gazetën, ka sqaruar se si do të procedohet për ato ndërtime që gjenden në zonat muzeale, në zonat turistike, për ndërtimet që prekin studimet urbane, si dhe për ndërtimet që janë në zonat e ndotura mjedisore. Memia ka deklaruar se për këto ndërtime në fillim do të pezullohen dhe ato do të merren në shqyrtim të imtësishëm, pasi të dërgohen në qeveri. “Ne nuk duam të shembim, por të legalizojmë. Për të gjitha këto zona legalizimi do të bëhet paralel me projektet e qeverisë për to”, ka deklaruar Memia. Kreu i Agjencisë së Legalizimeve ka sqaruar hap pas hapi se si do të bëhet procesi i identifikimit të ndërtimeve pa leje, e cila është një nga fazat kryesore të këtij procesi. Identifikimi do të përfundojë 20 ditë pas procesit të vetëdeklarimit, pasi këto dy procese do të ecin paralel me njëri-tjetrin. “Brenda 20 ditësh nga dorëzimi i formularit të vetëdeklarimit do të bëhet identifikimi në terren i objektit të ndërtuar pa leje”, ka sqaruar Memia. Procesi i identifikimit do të fillojë me 5500 deklarimet e bëra gjatë javës së kaluar, si dhe me 45 mijë deklarimet e bëra një vit më parë. Në të gjitha njësitë e qeverisjes vendore janë shpërndarë materialet e nevojshme për zhvillimin e procesit, si regjistrat e të dhënave bazë të ndërtimeve pa leje dhe trojeve, si dhe procesverbalet e konstatimit, të formularëve të vetëdeklarimit. Memia u shpreh se pas këtyre procedurave gjithçka normohet nëpërmjet procesverbaleve, të cilët janë të përgatitur dhe u janë dhënë njësive të qeverisjes lokale. Me procesin e plotësimit të dokumentacionit tekniko-ligjor lidhet fillimi i mbledhjes së të dhënave bazë për ndërtimet pa leje.

    Dje ka filluar procesi i identifikimit të ndërtimeve pa leje. Si do të bëhet ky proces?

    Janë rreth 20 ditë nga fillimi i etapës së vetëdeklarimit të ndërtimeve pa leje. Deri me 15 shtator vetëdeklarimi do të jetë pa pagesë dhe pas kësaj date vetëdeklarimi do të jetë me penalitet. Ne kemi vendosur që në procesin e vetëdeklarimit të mos përjashtohet askush nga ky proces. Brenda 2 javësh janë tërhequr rreth 180 mijë formularë. Ndërsa brenda 1 jave kanë aplikuar rreth 550 qytetarë, njëkohësisht ka një numër dosjesh të aplikimeve të bëra një vit më parë. Duke parë ecurinë me ritme të kënaqshme, ne vendosëm të kalojmë në një nga etapat më të rëndësishme të këtij procesi, që ka të bëjë me identifikimin në terren. Për dosjet që janë krijuar pas vetëdeklarimit të qytetarëve do të fillojë procesi i identifikimit. Ka dy elementë; së pari identifikimi hartografik dhe kur nuk bëhet ky identifikim, evidentohet si fakt dhe së dyti është identifikimi konkret në terren. Identifikimi konkret fizik shërben për të vendosur sistemin e adresave, sepse nuk ka sistem adresash. Punonjësi i zyrës së Legalizimit, brenda 20 ditëve pas vetëdeklarimit, do të shkojë të bëjë verifikimin në terren. Në objekt do të bëhet verifikimi, nëse janë prezentë personat që kanë bërë verifikim do të vendoset një numër dhe në formularin “proces – verbal konstatimi” do të vendosen të dhëna të sakta për sipërfaqen e objektit, llojin e tij, nga se kufizohet, ku gjendet saktësisht dhe nëse vetëdeklarimi i bërë është i saktë apo i rremë. Kjo dosje me procesverbalet përkatëse është juridikisht e vlefshme për të future në procesin e legalizimit. Pasi mbaron faza e vetëdeklarimit dhe faza e identifikimit, do të fillojë faza e klasifikimit.

    Sa parashikohet që të zgjasë faza e verifikimit?

    Brenda 20 ditëve pas dorëzimit të vetëdeklarimit, punonjësi është i detyruar të bëjë verifikimin në terren. Pra procesi I identifikimit do të mbarojë 20 ditë pas procesit të vetëdeklarimit. Pas kësaj fillon klasifikimi se kush nga dosjet nuk i përket zonave që janë të mbrojtura, si zonat turistike, zonat muzeale, zonave të ndotura, si dhe zonave me studime urbane. Këto dosje do të futen menjëherë në proces të legalizimit dhe do të fillojë përcaktimi i territorit që do të shpallet zonë për legalizim. Procesi i identifikimit do të bëhet njëlloj për të gjitha kategoritë e ndërtimeve pa leje.

    Si do të procedohet në zonat ku janë të ndaluara ndërtimet pa leje?

    Kategoritë e tjera të ndërtimeve pa leje, që nuk do të përfshihen në fazën e parë të legalizimit, por do të pezullohen, janë ndërtimet, të cilat janë bërë në mjedise muzeale, mjedise që u përkasin monumenteve të kulturës, pasurive kombëtare, zonave turistike të përcaktuara, apo në zonat me mjedis të ndotur. Për të gjitha këto ndërtime ne nuk do të vendosim menjëherë shembjen e tyre, por do ti pezullojmë. Për këto ndërtime, do të vendoset pasi ato të paraqiten në qeveri dhe të përcaktohet nëse ka apo jo projekte për këto zona, me qëllim që këto ndërtime të mos prishen. Ne do të vendosim shembjen vetëm për ato ndërtime të cilat prekin në themel zonat muzeale, apo monumentet e kulturës. Për shembull, për ndërtimet që janë në zonat e ndotura, do të shikohet në qeveri nëse ka projekte të zhvillimit për këto zona. Ne momentin që do të fillojë zbatimi i këtyre projekteve ne do të fillojmë legalizimet për ndërtimet që gjenden në këto zona. Pra e theksoj se tendenca jonë është që të legalizojmë të gjitha ndërtimet pa leje dhe jo prishjen e tyre. Për të gjitha ato ndërtime që do të klasifikohen në zonat e sipërpërmendura ne do të bëjmë pezullim të tyre, por jo shembje.

    Cilat ndërtime do të përfshihen në legalizim?

    Në këtë proces përfshihen 4 kategori. Në të parën janë ndërtimet, në të cilën ndërtuesi pa leje nuk e ka pronë të tijën tokën, në kategorinë e dytë përfshihen ndërtimet që ndërtuesi e ka pronë tokën, si në fshat apo qytet. Ndërsa në kategorinë e tretë përfshihen ndërtimet e realizuara para vitit 1993 me lejet e ish-komiteteve ekzekutive, apo të pushteteve vendorë që nuk plotësojnë kushtet ligjore për t’u regjistruar në Hipotekë. Po këtu përfshihen edhe shtesat, pasi një pjesë e madhe e shtesave janë të realizuara në ndërtimet e para ‘93-shit. Ndërsa kategoria e katërt janë objektet e reja e ndërtuara me leje, por që ndërtuesi ka shkelur lejen.



    230 mije
    ndërtime pa leje llogaritet të jenë në të gjithë vendin, të cilat do të përfshihen në procesin e legalizimeve

    Të gjitha ndërtimet pa leje do të përfshihen në procesin e legalizimit. Kreu i Legalizimeve, Shaban Memia, ka bërë thirrje që të gjithë qytetarët që kanë një ndërtim pa leje duhet ta deklarojnë atë. Pas kësaj faze do të fillojë shqyrtimi i dosjeve, që do të vendosë se cilat objekte do të legalizohen dhe cilat do të shemben.

    180 mije
    formularë janë tërhequr në të gjithë vendin nga qytetarët për procesin e vetëdeklarimit të ndërtimeve pa leje

    Procesi i vetëdeklarimit të ndërtimeve pa leje ka filluar 2 javë më parë. Gjatë kësaj kohe janë tërhequr pranë njësive të qeverisjes vendore 180 mijë formularë. Ndërkohë, pranë zyrave të ngritura në të gjithë vendin, vetëm gjatë këtyre dy javëve janë dorëzuar 550 vetëdeklarime, të cilat do i nënshtrohen procesit

    54 mije
    kryefamiljarë dorëzuan një vit më parë formularin e vetëdeklarimit, me qëllim legalizimin e shtëpive të tyre

    Formularët e plotësuar një vit më parë do të jenë të vlefshme, vetëm në rast se nuk është bërë asnjë ndryshim i strukturës së ndërtesës. Në rast të kundërt, qytetarët që duan të legalizojnë shtëpitë e tyre, duhet të plotësojnë sërish formularin e ri, i cili shpërndahet pranë njësive të qeverisjes vendore





    Legalizimet, paralel me kthimin e pronave

    Ja si do bashkëpunohet me Agjencinë e Kompensimit të Pronave

    Procesi i legalizimeve do të realizohet paralel me kthimin dhe kompensimin e pronave. Kryetari i Agjencisë së Legalizimeve, Shaban Memia, është shprehur se në momentin e fillimit të procesit të legalizimeve do të fillojë një bashkëpunim i ngushtë me Agjencinë e Kthimit dhe Kompensimit të Pronave, e cila parashikohet të ngrihet së shpejti.

    Pas mbylljes së fazës së vetëdeklarimit dhe identifikimit, do të fillojë procesi i legalizimit të ndërtimeve pa leje të deklaruara. Pikërisht në këtë moment do të fillojë bashkëpunimi i ngushtë ndërmjet dy Agjencive. “Legalizimet është një proces, që do të zhvillohet paralelisht me kthimin dhe kompensimin e pronave, pasi të dyja këto procese janë të lidhura ngushtë me njëra-tjetrën”, ka deklaruar Memia. Rreth 80 për qind e të ardhurave që do të mblidhen nga legalizimet do të përdoren për procesin e kompensimit të pronave. Kështu, për çdo zonë që legalizohet nga Agjencia e Kthimit të Pronave do të merren emrat e ish-pronarëve me të dhënat e sakta për pronën që ata kanë. Ndërsa Agjencia e Legalizimit do të dërgojë pranë Agjencisë së Kthimit të Pronave zonën e legalizuar me të dhënat e sakta. Në këtë mënyrë do të koordinohet puna për çdo zonë që legalizohet. Sipas Memisë, vetëm në këtë mënyrë stabilizohet në nivelin m,ë maksimal problemi i pronësisë. Vetëm pak ditë më parë, kryeministri ka deklaruar se qeveria do të mbështesë fuqimisht këtë Agjencinë e Legalizimeve dhe Agjencinë Kombëtare të Kthimit dhe Kompensimit të Pronave, si dy procese të një rëndësie vendimtare për stabilizimin e sistemit. Brenda disa ditësh do të ngrihet Agjencia e Kthimit dhe Kompensimit të Pronave e cila do të jetë “një zëvendësuese” e Komitetit të Kthimit dhe Kompensimit të Pronave, strukturë, e cila do të shkrihet brenda një kohe të shkurtër. Burime zyrtare pranë qeverisë theksojnë se në krye të Agjencisë së Kthimit dhe Kompensimit të Pronave do të jetë Halit Shamata.



    Sarandë, plotësohen 925 formularë legalizimi

    SARANDE - 925 formularë është numri që janë plotësuar deri tani për legalizimin e atyre objekteve që janë ndërtuar në zonat informale në Sarandë, që nga data 15 korrik. Këtë e bën të ditur për gazetën shefi i zyrës së legalizimeve në bashkinë e Sarandës, Bajram Alidhima. Duke spjeguar më tej Shefi i zyrës së legalizimeve thotë se, “ndërtimet të cilat janë futur tashmë në proces legalizimi janë nga fshatrat Berdenesh, Gjashtë, Metoq, Zona e Peshkimit, ajo pas Hotel “Butrinti“ etj. Çdo ditë pranë zyrës së legalizimeve paraqiten deri në 50 persona për plotësimin e formularëve të legalizimit. Me këta formularë procedohet duke bërë edhe njëherë verifikimet e dosjeve të tyre dhe sqarimin dhe paraqitjen e tyre në një kohë të dytë duke qenë gjithmonë në kontakt me ndryshimet dhe udhëzimet e ligjit, për të mos gabuar deri në përfundim të procesit të legalizimeve. Për të legalizuar një objekt në fazën e parë të vetëdeklarimit, duhen të pajisen me foto të objektit të ndërtuar në katër pamje, një çertifikatë familjare, të ketë të qarta kufizimet topografike të objektit, sipërfaqen e përgjithëshme të rrethuar, sipërfaqen e ndërtimit dhe ndihma jonë, thotë Bajram Alidhima, është që plotësimi konkret i vetëdeklarimit do të jetë i shpejtë dhe në kohë rekord.

    Mirvjena Dizdari
    Panorama

  10. #10
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Ligji dhe udhëzimet e Agjencisë së Legalizimit përllogarisin sanksionet financiare sipas sipërfaqes së zënë për çdo rast

    Legalizimet, ja gjobat për mosdeklarimin e banesave


    Nevila Perndoj

    TIRANË- Bashkitë, komunat dhe këshillat e qarqeve kanë në dorë manualin e përfunduar nga Agjencia e Legalizimeve mbi procedurat për procesin e vetëdeklarimit. Mbi këtë manual, do të punojnë të gjithë zyrat vendore të agjencisë së legalizimit, urbanizimit dhe integrimit të zonave ndërtimeve informale, njësitë e urbanistikës së njësive të qeverisjes vendore, të çdo niveli, gjatë procesit të vetëdeklarimit. Në këtë manual pasqyrohet në mënyrë të hollësishme i gjithë procesi i vetëdeklarimit, si duhet të plotësohen formularët, nga kush dhe ku duhet të dorëzohen ato. Në të njëjtën kohë, në materialin e detajuar sqarohet edhe mënyra e llogaritjes së sanksioneve që do të shoqërojnë plotësimin e formularëve, gjatë dy mujorit të dytë të hyrjes në fuqi të ligjit. Dihet tashmë që për vetëdeklarimet e pranuara brenda dy muajve, nga data 15 korrik, deri më 15 shtator, nuk aplikohet tarifa e shërbimit, pasi niveli i tarifës së shërbimit për pranimin dhe administrimin formularit të vetëdeklarimit do të jetë zero lekë. Ndërkohë që për vetëdeklarimet e pranuara brenda dy mujorit të dytë të hyrjes në fuqi të ligjit, aplikohen gjoba të sanksionuara tashmë në ligj. Kështu, brenda muajit të tretë, deri më 15 tetor vetëdeklarimi shoqërohet me gjobë 10 lekë/ m². Brenda muajit të katërt, deri më 15 nëntor vetëdeklarimi shoqërohet me gjobë 20 lekë/ m². Ndërsa, në përfundim të afatit të vetëdeklarimit, subjektit i humb të drejtat e legalizimit.

    Llogaritja
    Llogaritja e sanksioneve bëhet duke pasur parasysh deklarimin në formular të rubrikës “sipërfaqe e zënë” për rastin e pranimit të formularit “vetëdeklarim për legalizim të objektit” sipas shtojcës A të ligjit, pavarësisht nga vendndodhja. Në këtë rast, kur rubrika “sipërfaqe e zënë” është e njëjtë me “sipërfaqe e ndërtimit,” llogaritja bëhet mbi sipërfaqen e zënë të objektit, plus 1m rreth objektit. Ndërsa, për deklarimin në formular të sipërfaqes së ndërtimit, tek të dhënat sipas gjendjes faktike për rastin e pranimit të formularit “Vetëdeklarim për legalizimin e shtesës” sipas shtojcës A1 të ligjit, llogaritja bëhet duke shumëzuar me numrin e kateve mbi dhe në tokë për rastet e shtesave mbi objektet e ndërtuara para vitit 1993. Llogaritja e sanksioneve bëhet duke pasur parasysh edhe një tjetër kapitull, që lidhet me diferencën mes sasisë së sipërfaqes së ndërtimit, sipas gjendjes faktike dhe sipërfaqes së ndërtimit sipas lejes së miratuar, shumëzuar me numrin e kateve mbi dhe nën tokë, sipas deklarimit të pranuar për rastet e shtesave tej lejes së miratuar me vendim të KRRT/KRRTRSH-së dhe që vërtetohet që janë për përdorim familjar. Kur vërtetohet qëllimi i shitblerjes ose qiradhënies, vlera e nxjerrë sa më sipër shumëzohet me koeficientin 3, (për rastet e shtesave tej lejes se miratuar me vendim të KRRT/KRRTRSH). Për çdo formular të pranuar, do të hapet një dosje e veçantë ku shënohen: emri i qarkut, emri i komunës/bashkisë, numri i zonës së vendosjes se objektit apo shtesës pa leje, numri rendor i vendosur nga njësia e urbanistikës për numrin e banesave sipas ligjit “Për verifikimin, identifikimin dhe regjistrimin e shtetasve nga njësia e qeverisjes vendore,” si dhe numri i protokollit të bashkisë/ komunës, ku është dorëzuar vetëdeklarimi.

    Shekulli

  11. #11
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Kreu i Legalizimeve, Memia, takohet me Vaçek. OSBE ofron hartat për 17 mijë prona të paligjshme

    OSBE ndihmë në regjistrimin e shtëpive

    Bashkëpunim në regjistrimin fillestar të 7 mijë pronave në Tiranë


    Mirvjena Dizdari

    OSBE së bashku me Agjencinë e Legalizimeve do të fillojë regjistrimin fillestar të 7 mijë pronave të reja në Tiranë.

    OSBE do të ofrojë projektet e saj edhe për regjistrimin fillestar të rreth 8 mijë pronave të paligjshme në Vlorë, proces që do të realizohet deri në fund të vitit. Kryetari i ALUIZNI-it, Shaban Memia, është takuar me përfaqësuesin e OSBE-së, Pavel Vaçek, ku është diskutuar në lidhje me ecurinë e procesit të legalizimit dhe mbi mbështetjen që do të ketë Agjencia e Legalizimeve. OSBE ka ofruar bashkëpunimin për regjistrimin fillestar në ato zona me ndërtime të paligjshme, që Agjencia i konsideron prioritare. Gjithashtu OSBE do t’i sigurojë Agjencisë hartat dhe të dhënat që nevojiten për legalizimin dhe së fundmi regjistrimin e këtyre pronave.

    Regjistrimi
    Mbështetja e ofruar nga OSBE do të jetë konkrete dhe në një të ardhme shumë të afërt, ajo do të fillojë procesin e regjistrimit fillestar për të paktën 7 000 prona të reja në Qarkun e Tiranës. OSBE disponon dhe kopje elektronike në disqe të hartave të rreth 17 mijë pronave të paligjshme të regjistruara në ZRPP në qytetet kryesore. Këto harta do të jenë gjithashtu në dispozicion të ALUIZNI-t. Në takimin me Vaçek është rënë dakord që OSBE-ja t’i ofrojë Agjencisë së Legalizimeve, projektet e saj për regjistrimin fillestar të rreth 8 mijë pronave të paligjshme në Vlorë deri në fund të vitit, gjë kjo e cila do të ndihmojë Agjencinë në punën e saj. Vaçek është shprehur se edhe në fazat e tjera të Legalizimeve, OSBE do të jetë e gatshme që të mbështesë ALUIZNI-in me projektet e saj me qëllim që të ketë një ecuri sa më të shpejtë dhe të kënaqshme të këtij procesi.

    Legalizimet
    Procesi i vetëdeklarimeve po ecën paralelisht me procesin e verifikimit. Numri i vetëdeklarimeve në të gjithë vendin ka arritur në 90 mijë, duke përfshirë këtu edhe vetëdeklarimet që janë bërë një vit më parë. Të gjitha këto dosje janë gati për proces dhe për plotësimin e dokumentacionit të mëtejshëm. Sipas drejtuesve të Agjencisë së Legalizimeve është e rëndësishme që të kuptohet, që të gjithë qytetarët për të gjitha kategoritë e ndërtimeve që janë realizuar duhet të aplikojnë. Kredu i Agjencisë së Legalizimeve ka deklaruar se nuk ka të drejtë asnjë administrator i qeverisjes lokale, apo i Agjencisë që të mos pranojë dokumentacion. Gjatë procesit do të përcaktohen ato kategori që mund të pezullohen, apo mund të mos legalizohen, por në fillim të gjithë duhet të bëjnë vetëdeklarimin. Identifikimi do të përfundojë 20 ditë pas procesit të vetëdeklarimit, pasi këto dy procese do të ecin paralel me njëri-tjetrin. Në të gjitha njësitë e qeverisjes vendore janë shpërndarë materialet e nevojshme për zhvillimin e procesit, si; regjistrat e të dhënave bazë të ndërtimeve pa leje dhe trojeve, si dhe procesverbalet e konstatimit, të formularëve të vetëdeklarimit. Me procesin e plotësimit të dokumentacionit tekniko-ligjor, lidhet fillimi i mbledhjes së të dhënave bazë për ndërtimet pa leje. Ndërkohë, procesi i legalizimeve do të realizohet paralel me kthimin dhe kompensimin e pronave. Ndërkohë, qytetarët që nuk do të bëjnë brenda 2 muajve vetëdeklarimin do të penalizohen me gjobë simbolike. Nëndrejtori i Agjencisë së Legalizimeve, Ferdinand Shehu, ka deklaruar se gjobat do të fillojnë të aplikohen në muajin e tretë dhe në muajin e katërt.



    7 mije prona
    të reja në Qarkun e Tiranës, së shpejti do të fillojnë procesin e regjistrimit fillestar. Ky proces do të realizohet në një të ardhme shumë të afërt, me mbështetjen e ofruar nga OSBE-ja
    17 mije
    prona të paligjshme në qytetet kryesore të vendit janë në hartat elektronike, që i disponon OSBE-ja. Në takim është rënë dakord që këto harta do të jenë gjithashtu në dispozicion të ALUIZNI-t
    8 mije
    prona të paligjshme në Vlorë, do t’i nënshtrohen procesit të regjistrimit fillestar. OSBE-ja ka rënë dakord që të ofrojë projektet e saj, gjë kjo e cila do të ndihmojë Agjencinë
    5 dite
    është periudha për regjistrimin e një biznesi të ri pranë organeve tatimore. Regjistrimi bëhet vetëm me një vendim gjykate

    Panorama

  12. #12
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Publikohen kriteret për dokumentacionin tekniko-ligjor

    14 dokumentet që kërkohen nga urbanistët për legalizim

    Gerald BILBILI

    Gjatë procesit të verifikimit për legalizim, çdo banor duhet t'i paraqesë urbanistit përkatës dokumentacionin tekniko-ligjor. Burime nga Agjencia e Legalizimeve, Urbanizimit dhe Integrimit të Zonave/Ndërtimeve Informale (ALUIZNI), thanë për "Tirana Observer", se janë publikuar 14 dokumentet kryesore për këtë fazë. Kriteret e reja fillojnë nga vërtetimi i pronësisë, vendimet përkatëse për pronën e deri në kontratat me arkitektët dhe studimet sizmologjike për banesa mbi 8 kate. Të njëjtat burime deklaruan se, pas kësaj faze (verifikimit) do të fillojë pagesa e tarifave sociale apo të çmimeve të tregut.

    Kriteret
    Verifikimi në terren i banesave që do të legalizohen nga urbanistët, nuk kërkon vetëm ballafaqim me formularët e vetëdeklaruar, por edhe plotësim të dokumentacionit tekniko-ligjor nga vet pronari. Sipas zyrtarëve të ALUIZNI-t, dokumentacioni kërkohet në momentin kur urbanisti bën këtë verifikim në banesat përkatëse. Për këtë gjë, kjo agjenci ka publikuar 14 dokumentet që duhen plotësuar nga banorët me qëllim që të kalohet në fazat e tjera të këtij procesi. Së pari, kërkohet vërtetimi i pronësisë së truallit nga Hipoteka dhe harta treguese provizore, vendimet si dhe kontratat për këtë pronë, gjithashtu edhe licencat e arkitektit dhe konstruktorit, të fotokopjuar dhe noterizuar. Më tej procedura kalon nga ana teknike, ku një pronar duhet të ketë një genplan të azhornuar me gjendjen faktike, të konfirmuar nga Sektori i Kadastrës Urbane, projektin e ndërtesës ekzistuese arkitektonik dhe konstruktiv të firmosur nga projektuesit (arkitekt, konstruktor), në tri kopje, që të përmbajë të dhënat e studimeve gjeologo-inxhinierike nga persona të licencuar etj.

    Pagesat
    Pas përfundimit të fazës së identifikimit dhe verifikimit në terren, çdo pronar me një udhëzues nga njësia vendore përkatëse duhet të shlyejë detyrimin monetar brenda një afati të caktuar. Tarifat e legalizimit për objektet me një sipërfaqe nën 500 metra katror janë nga 100-400 mijë lekë të reja. Ndërkohë për sipërfaqe që e tejkalojnë këtë kufi, çmimi i legalizimit paguhet me çmimin e tregut. Për të mos pasur konflikte, ALUIZNI po përgatitet edhe hartën satelitore për të gjitha zonat në vend.

    14 dokumentet

    1. Vërtetimi i pronësisë së truallit nga Hipoteka dhe harta treguese provizore. Ky vërtetim të jetë i tre muajve të fundit dhe origjinal.

    2. Origjina e pronës si më poshtë:
    - Vendimi i Komisionit të Kthimit të Pronave.
    - Dhurim
    - Akt-trashëgimie
    - Kontratë shit-blerje.
    (Kjo të jetë e fotokopjuar dhe e noterizuar)

    3. Genplan të azhornuar me gjendjen faktike, të konfirmuar nga Sektori i Kadastrës Urbane. Ky genplan del me vulë të bashkisë, kundrejt tarifës 40 lek/m2.

    4. Formulari Nr.3/1, i cili bashkë me një fotokopje të genplanit (pika 3), do të pasqyrohet lidhja e objektit me infrastrukturën ekzistuese si: Rrugë, kanalizime, rrjeti elektrik, telefoni, ujësjellësi, higjienë, mbrojtja kundra zjarrit dhe mjedisi.

    5. Projekti i ndërtesës ekzistuese arkitektonik dhe konstruktiv i firmosur nga projektuesit (arkitekt, konstruktor), në tri kopje, që të përmbajë:
    - Plan-vendosjen e objektit të ndërtuar ku të evidentohen konturi i ndërtimit, distancat nga kufiri i pronës dhe nga pronat e kufitarëve.
    - Planimetritë e të gjitha kateve.
    - Dy prerje të ndërtesës.
    - Katër pamje.
    - Plani i themeleve
    - Prerjet e themeleve.
    - Plani i strukturave horizontale.
    - Armimi trarë, kolona, soletë me gjithë prerjet e nevojshme.

    6. Licencat e arkitektit dhe konstruktorit, të fotokopjuar dhe noterizuara.

    7. Relacion teknik i konstruksionit, origjinal dhe në tri kopje, ku të përfshihet: Skema, tipi i themelit, tipi i konstruksionit mbajtës si dhe tipi i strukturave horizontale.

    8. Dokumentet fotografike (297x210 mm) të ndërtimit, ku të përfshihen të gjitha fasadat. Fotografia të bëhet në ditët që futet dosja.

    9. Fotomontazh për objektet mbi 3 kate.

    10. Të dhënat e studimeve gjeologo-inxhinierike nga persona të licencuar.

    11. Për objekte mbi 8 kate edhe studimi sizmologjik.

    12. Kontratë noteriale me firmën ndërtuese e cila ka ndërtuar objektin.

    13. Licenca e firmës ndërtuese e fotokopjuar dhe noterizuar.

    14. Deklaratë noteriale nga kufitarët për rastet kur kufiri i pronës është kallkan ose kur distancat urbane janë shkelur.


    Tirana Observer

  13. #13
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Memia: Janë bërë 80 mijë deklarime të reja, 5100 janë shtesa pallatesh

    Vetëdeklarimet, deri më 15 nëntor do bëhen falas

    Procesi i vetëdeklarimeve do të jetë falas deri më 15 nëntor, periudhë në të cilën do të mbyllet kjo fazë.

    Agjencia e Legalizimeve ka hequr sanksionet për të gjithë ata që do të kryejnë vetëdeklarimin e ndërtimeve pa leje, pas datës 15 shtator. Për rreth 2 muaj janë kryer 80 mijë vetëdeklarime të reja, nga të cilat 5100 janë vetëdeklarime për shtesa pallatesh. Kryetari i Agjencisë së Legalizimeve, Shaban Memia, ka deklaruar se numri i ndërtimeve pa leje është disa herë më i madh se numri i vetëdeklarimeve, prandaj për të lehtësuar qytetarët u vendos që të hiqen sanksionet.

    Procesi
    Sikurse dihet nga pikëpamja ligjore, afati i vetëdeklarimeve është 4 muaj, i ndarë në dy faza. Deri më 15 shtator është afati i vetëdeklarimeve falas dhe pas kësaj date deri më 15 nëntor vetëdeklaruesit do të paguanin një sanksion simbolik. “Duke parë realisht situatën e vetëdeklarimeve, numrin e jashtëzakonshëm të ndërtimeve pa leje, si dhe pamundësinë e administratës për të përballuar një fluks të tillë pune, ne do vazhdojmë fazën e vetëdeklarimeve pa sanksione deri në fund të afatit ligjor prej 4 muajsh”, ka deklaruar Memia. Sipas tij, e gjitha kjo bëhet në frymën e deritanishme të lehtësimit financiar të qytetareve shqiptarë, që përfitojnë nga ligji i legalizimeve.
    Deri tani janë mbi 80 mijë vetëdeklarime të reja nga të cilat 5100 janë për shtesa pallatesh. Ndërsa, numri i vetëdeklarimeve të përgjithshme arrin në 160 mijë, duke përfshirë këtu edhe deklarimet e bëra një vit më parë. Sipas Memisë, i gjithë ky proces ka ndodhur brenda një muaji e gjysmë, kur afati ligjor i vetëdeklarimeve është ligjërisht 4 muaj.

    Vetëdeklarimet
    Aktualisht etapa e vetëdeklarimeve të ndërtimeve pa leje po ecën me ritme shumë inkurajuese, çka tregon vullnetin e qytetarëve për t’u përfshirë në këtë proces. “Por duhet të theksojmë se numri i ndërtimeve pa leje është disa herë më i madh, ndaj edhe sot e kësaj dite vazhdojnë radhët e gjata te zyrat e pushtetit vendor, sepse është e papërballueshme që një numër kaq i lartë i vetëdeklarimeve në një rekord të tille kohor të përballohet nga zyrat përkatëse”, theksoi kryetari i Agjencisë. Një ekip ekspertësh të ALUIZNI-t, në bashkëpunim me Ministrinë e Punëve Publike, Transportit dhe Telekomunikacionit dhe Ministrinë e Financës, po hartojnë paketën e plotë udhëzuese “Për mbledhjen, administrimin dhe përdorimin e të ardhurave të përftuara nga ligji nr. 9482 datë 3.04.2006”, ku ndër të tjera do të përcaktohen edhe modalitetet e vjeljes së sanksioneve. Në legalizim do të përfshihen të gjitha ndërtimet të kryera deri me 15 maj të këtij viti. Për të gjitha ndërtesat e bëra pas këtij afati, Policia Ndërtimore në bashkëpunim edhe me institucionet e tjera, duhet të marrë masa për ndalimin e këtij procesi. Drejtues të Agjencisë janë shprehur se po merren të gjitha masat për të penguar deformimin e procesit të legalizimit të zonave informale.



    230 mije
    ndërtime pa leje llogaritet, që të jenë në të gjithë vendin, të cilat do të përfshihen në procesin e legalizimeve. Për të gjitha këto ndërtime pa leje, pronarët e tyre duhet të bëjnë vetëdeklarimin dhe më pas ato mund të përfshihen në procesin e legalizimit

    4 muaj
    do të zgjasë afati i vetëdeklarimit. Në legalizim do të përfshihen ndërtimet e kryera deri më 15 maj të këtij viti. Për ndërtesat e bëra pas këtij afati, Policia Ndërtimore, në bashkëpunim edhe me institucionet e tjera, duhet të marrë masa për ndalimin e këtij procesi


    bashkepunimi
    Procesi i legalizimeve do të realizohet paralel me kthimin dhe kompensimin e pronave. Kryetari i Agjencisë së Legalizimeve, Shaban Memia, është shprehur se në momentin e fillimit të procesit të legalizimeve do të fillojë një bashkëpunim i ngushtë me Agjencinë e Kthimit dhe Kompensimit të Pronave

    identifikimi
    Procesi i vetëdeklarimeve po ecën paralelisht me procesin e verifikimit. Identifikimi do të përfundojë 20 ditë pas procesit të vetëdeklarimit, pasi këto dy procese do të ecin paralel me njëri-tjetrin


    80 mijë
    vetëdeklarime të reja janë bërë gjatë dy muajve të parë të fazës së vetëdeklarimeve, proces ky që ka filluar që më datën 15 korrik dhe do të përfundojë në 15 nëntor 2006
    5100 shtesa
    pallatesh janë vetëdeklaruar deri tani, të cilat do të përfshihen në procesin e legalizimit. Në muajt në vazhdim pritet të ketë një rritje të vetëdeklarimeve të shtesave
    160 mijë
    në total është numri i vetëdeklarimeve që janë të dorëzuara pranë zyrave të Legalizimeve. Këtu përfshihen edhe vetëdeklarimet e bëra një vit më parë për legalizim
    10 lekë/m²
    ishte vlera e gjobës për vetëdeklarimet e bëra nga data 15 shtator-15 tetor. Ndërsa 20 lekë/m² ishte gjoba për vetëdeklarimet nga 15 tetor-15 nëntor


    Mirvjena Dizdari
    Panorama

  14. #14
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    U deklaruan 265 mijë shtëpi dhe 12 mijë shtesa pallati pa leje


    Legalizimet, sot dita e fundit Memia: S’ka shtyrje afati


    Urbanizimi është hapi i dytë pas legalizimit, që nuk do të jetë aq i barabartë në gjithë ‘Bathoret’.

    Procesi i parë mori fund pas vetëdeklarimit të 265 mijë shtëpive dhe 12 mijë shtesave të pallateve që janë bërë pa leje në dekadën e fundit. Tani që shteti identifikoi Bathoret, ka premtuar që t’i kthejë ato në qendra urbane, me shkolla dhe qendra shëndetësore, madje duke iu dhënë edhe vlerë në tregun e ndërtimeve, pasi t’u ketë dhënë letra “zyrtare”. Qytetarët nuk mund të presin që ky proces të jetë i drejtë për secilin prej tyre, duke vendosur parametrat e përafrimit të zonave informale me qytetërimin.

    BAZA E PUNES
    Baza e punës tashmë për Agjencinë e Legalizimeve, ALUIZNI, do të jetë rregullorja e miratuar në mbledhjen e fundit të KRRTRSH-së. Një pjesë e mirë e neneve të rregullores merret me përcaktimin e detajuar të largësive nga shtëpia në shtëpi, nga shtëpitë dhe pjesa tjetër e bllokut të banimit, që janë sipërfaqet e ndërtimit, sipërfaqet e lira dhe sheshet e lojërave për fëmijë. Miratimi i kësaj rregulloreje do të thotë veç shembje për një pjesë të mirë të godinave që nëse do të jenë në buzë të rrugës, apo shumë afër pjesës së përcaktuar për shesh lojërash, shkollë, apo qendër shëndetësore. Mes kaosit të ndërtimeve pa leje në këtë mënyrë do të ketë një bazë mbi të cilën do të vendoset rregulli. Duke marrë një tapi shtëpie secili prej kryefamiljarëve që mund t’i prishet shtëpia do të dalë i fituar, sepse kompensimi do të bëhet me çmimet e tregut dhe asnjëherë më pak se aq.

    ZONAT
    Urbanizimi do të ndahet në tri kategori, sipas sipërfaqes së zonës informale. Zona minimale që do të përfitojë nga infrastruktura e re do të jetë 30 hektarë, ndërsa maksimalja, rreth 120 hektarë. Për zonat mbi 5 hektarë do të fillojë menjëherë procedura e plotësimit të dosjeve për miratim në KRRT, ose KRRTRSH. 30 ditë pas mbylljes së procesit të vetëdeklarimit dokumentacioni duhet të paraqitet në Këshillin e Qarkut. Sipas dendësisë së banorëve dhe sipërfaqes, do të përcaktohen edhe ambientet e shkollimit, llojet e rrugëve, apo parqet e fëmijëve. Në Bathore, që është zona më e madhe informale, parashikohet të ndërtohen dy shkolla 9-vjeçare dhe një gjimnaz. Zonat deri në 30 hektarë nuk parashikojnë ndërtimin e rrugëve të mëdha, këtë privilegj do ta kenë vetëm zonat me mbi 60 hektarë. Zona me sipërfaqe 120 ha përfshin edhe shërbimet e përqendruara tregtare dhe ekonomike, përveç kopshtit dhe çerdhes, dy shkollave 9-vjeçare, një shkollë të mesme, terrene sportive. Rregullorja e re parashikon edhe largësitë mes ndërtesave.

    RRJETI RRUGOR
    Urbanizimi do të respektojë rrjetin rrugor të parashikuar në Planin e Përgjithshëm Rregullues. Ai është i ndarë në parametra të veçanta për rrugë brenda vijave kufizuese të ndërtimeve në qytete, në zonat rurale përreth qyteteve apo në zonat rurale përreth zonave rurale. Gjerësia e rrugëve kryesore, largësia minimale, gjerësia e rrugëve dytësore apo edhe elementë të tjerë specifikë janë të përcaktuar teknikisht. E përbashkëta e të gjitha rrugëve është një lloj zgjidhjeje për parkimin që sot në kryeqytet është një gangrenë për qytetarët. Sipas rregullores, në rrugët dytësore nuk lejohet parkim dhe lëvizja të kryhet me një drejtim. “Parkimi i automjeteve për të gjitha llojet e ndërtimeve të kryhet brenda sipërfaqes së pronës”, thekson rregullorja. Në zonat rurale, lidhja e rrjetit rrugor të zonave që urbanizohen dhe integrohen me rrugët ekzistuese, duhet të bëhet me studim të veçantë. Po kështu, urbanizimi i njësive pranë rrugëve nacionale dhe linjave hekurudhore duhet të respektojë kushtet e Kodit Rrugor.

    * 5 hektare
    Për zonat mbi 5 hektarë do të fillojë menjëherë procedura e plotësimit të dosjeve për miratim në KRRT, ose KRRTRSH. 30 ditë pas mbylljes së vetëdeklarimit dokumentacioni të paraqitet në Këshillin e Qarkut
    * 265 mije
    ndërtime në total janë vetëdeklaruar, nga këto rreth 45 mijë ndërtime janë deklaruar një vit më parë dhe 12 mijë shtesa pallatesh të ndërtuara pa leje janë vetëdeklaruar gjatë 4 muajve. Këto ndërtime do të futen në proces legalizimi



    Kufiri i ndarjes së pronësisë
    Sipas rregullores, kur banesat vendosen përbri njëra-tjetrës dhe faqet në brinjë nuk kanë dritare, ato nuk mund të jenë të larguara deri në një metër ose në bashkim të plotë. “Ndërtimet duhet të respektojnë kufirin e ndarjes së pronësisë dhe bashkimi i plotë mund të bëhet vetëm mbi bazën e marrëveshjes së pronarëve fqinjë”, thotë rregullorja. Për përcaktimin e distancave mes 2 ndërtesave me numër të njëjtë katesh, distanca përcaktohet me interpolim.

    Shkarkimet edhe me gropa septike
    Edhe pse në rregullore përcaktohen largësitë për ujësjellës-kanalizimet, caktohen edhe raste kur ato nuk mund të zbatohen. “Nëse në zonat informale nuk ka mundësi të shkarkimit të ujërave të zeza në rrjet, këto shkarkime të trajtohen me gropa septike të përqendruara, duke zbatuar K.T.P dhe K.T.Z në fuqi”, thotë rregullorja. Kur gjendja e rrjeteve të ujësjellësit dhe kanalizimeve nuk është në përputhje me K.T.P dhe K.T.Z ndërmarrjet detyrohen të marrin masa për rikonstruksion.

    Kushtet e veçanta
    Sipas pikës 64 të rregullores do të respektohen edhe normat urbanistike të ndërtimeve për personat me aftësi të kufizuara. “Në procesin e urbanizimit dhe integrimit të zonave informale, në hartimin e projekteve të respektohen normat urbanistike dhe arkitektonike të personave me aftësi të kufizuar të miratuara me Vendimin e Këshillit të Ministrave nr. 401, të vitit 2004”, thuhet në rregullore.



    RREGULLORJA e aluiznit

    III. STUDIMET URBANISTIKE PJESORE
    7. Urbanizimi dhe integrimi i zonave/ndërtimeve informale do të bëhet mbi bazën e studimeve pjesore urbanistike.
    8. Studimet pjesore urbanistike do të hartohen për:
    a) zonë informale me sipërfaqe mbi 5 ha brenda vijës kufizuese të ndërtimeve të qendrës së banuar urbane ose rurale;
    b) zonë informale me sipërfaqe mbi 5 ha jashtë vijës kufizuese të ndërtimeve të qendrës së banuar urbane ose rurale;
    c) bllokbanim informal me sipërfaqe nga 1 deri në 5 ha brenda vijës kufizuese të ndërtimeve të qendrës së banuar urbane ose rurale;
    d) bllokbanim informal me sipërfaqe nga 1 deri në 5 ha jashtë vijës kufizuese të ndërtimeve të qendrës së banuar urbane ose rurale;
    e)ndërtim informal të veçuar të një grupi objektesh në territor me sipërfaqe deri në 1 ha.
    9. Studimet pjesore urbanistike të zonave informale me sipërfaqe mbi 5 ha dhe bllokbanimeve me sipërfaqe 1 deri në 5 ha brenda vijave kufizuese të ndërtimeve të qendrave të banuara urbane dhe rurale, duhet të respektojnë Planin e Përgjithshëm Rregullues në fuqi:
    a) në drejtim të rrjetit rrugor,
    b) zonave me status të veçantë mbrojtjeje:
    i. zonave me vlera arkitektonike,
    ii. arkeologjike,
    iii. historike
    c) Kufirit të njohur të përmbytjeve,
    d) respektimin e infrastrukturës nëntokësore,
    10. Studimet pjesore urbanistike të zonave informale me sipërfaqe mbi 5 ha dhe bllokbanimeve me sipërfaqe 1 deri në 5 ha jashtë vijave kufizuese të ndërtimeve të qendrave të banuara urbane dhe rurale, duhet të respektojnë Studimet urbanistike të zonave suburbane, kur këto studime ekzistojnë, në drejtim të:
    a) infrastrukturës rrugore dhe hekurudhore,
    b) zonave me status të veçantë mbrojtjeje,
    c) burimeve të ndotjeve,
    d) zonave me vlera arkitektonike,
    e) arkeologjike
    f) historike,
    g) kufirit të përmbytjeve,
    h) respektimi i normave të brezave mbrojtës të burimeve të ujit të pijshëm,
    i) respektimin e normave të infrastrukturës nëntokësore,
    j) zonave me përparësi zhvillimin e turizmit,
    k) porteve dhe aeroporteve etj.
    11. Studimet pjesore urbanistike të zonave informale me sipërfaqe mbi 5 ha dhe bllokbanimeve me sipërfaqe 1 deri në 5 ha jashtë vijave kufizuese të ndërtimeve të qendrave të banuara urbane dhe rurale në territoret në kufi me këto qendra, duhet të mos pengojnë zhvillimin perspektiv të tyre, veçanërisht vazhdimësinë e rrjetit rrugor dhe infrastrukturës mbi e nëntokësore në përgjithësi.
    12. Studimet pjesore urbanistike të zonave informale me sipërfaqe mbi 5 ha dhe bllokbanimeve me sipërfaqe 1 deri në 5 ha jashtë vijave kufizuese të ndërtimeve të qendrave të banuara urbane dhe rurale, duhet të respektojnë studimet e ndryshme lidhur me infrastrukturën nacionale, në proces ose të miratuara, si dhe brezat mbrojtës së tyre të miratuara me akte nënligjore.
    13. Studimet pjesore urbanistike hartohen mbi bazën e detyrës së projektimit dhe hartave topografike me kufijtë e zonës.
    14. Studimi Urbanistik Pjesor përmban:
    a) kufijtë e zonës për të cilën hartohet studimi;
    b) nënndarjen e parcelave;
    c) trasimin e rrjetit rrugor brenda zonës, lidhjen me atë të zonave përreth, profilet e rrugëve dhe planin e piketimit të tij;
    d) karakteristikat dhe trasimin e rrjeteve të furnizimit me ujë, të kanalizimeve, të energjisë elektrike, të telefonisë dhe shërbimeve të tjera;
    e) hapësirat për ndërtimet publike, shëndetësore, arsimore, tregtare, kulturore, sportive, etj, me kondicionet urbanistike përkatëse;
    f) koeficientët e shfrytëzimit dhe menaxhimit të territorit;
    g) ndërtimet që parashikohen për të shembur, rikonstruktuar apo restauruar;
    h) përcaktimet për ndërtimet që do ti nënshtrohen kushtëzimeve ose ndërhyrjeve të veçanta (objekte monumentale, objekte me vlera të veçanta, zona arkeologjike etj);
    i) normat e vlerësimit të ndikimit në mjedis (VNM);
    j) ndarjen e territorit sipas pronësisë mbi truallin;
    k) lista e pronarëve që do të shpronësohen, sipas zërave kadastralë;
    l) vlerësimi ekonomiko-financiar për zbatimin e studimit urbanistik pjesor.
    Përmbajtja e SUP ndryshon në raport me veçoritë specifike të zonave.
    15. Studimi urbanistik pjesor hartohet mbi bazën e Detyrës së Projektimit. Detyra e Projektimit duhet të përmbajë :
    a) fragment të Planit të Përgjithshëm Rregullues me pozicionin e zonës informale për të cilin do të kryhet studimi urbanistik pjesor(kur studimi urbanistik pjesor hartohet për një pjesë të tij).
    b) planimetrisë së azhornuar të zonës informale për të cilën hartohet studimi urbanistik pjesor në shkallën 1:2000 deri në 1:500, sipas morfologjisë së terrenit;
    c) të dhëna inxhiniero-gjeologjike, topografike dhe sizmilogjike.
    d) të dhëna demografike;
    e) azhornimi i rrjetit inxhinierik nëntokësor dhe ajror (ujësjellës, kanalizim, elektrik, telefonik etj);
    f) të dhëna për monumente me vlera historike, arkeologjike që ndodhen brenda studimit urbanistik pjesor;
    g) të dhëna për infrastrukturën publike ekzistuese (shkolla, objekte tregtare, kulti, sportive, publike, kulturore, shëndetësore etj);
    h) treguesit teknikë të gjendjes ekzistuese;
    i) karakteristikat kryesore të ndërtimeve (zhvillimin volumetrik, funksionin, materialet ndërtimore);
    j) të dhëna për ndarjen e territorit sipas pronësisë;
    k) analiza teknike e përgatitur nga zyra e Urbanistikës pranë njësisë së qeverisjes vendore.
    16. Studimi urbanistik pjesor hartohet në dy faza:
    a) Projekt-ideja;
    b) Projekti i zbatimit;
    17. Projekt ideja e studimit urbanistik pjesor duhet të përmbajë;
    a) detyrën e projektimit;
    b) relacionin e përgjithshëm;
    c) planimetrinë e zonës në përputhje me Planin e Përgjithshëm Rregullues, në rast se ekziston, ku të përcaktohet pozicioni i zonës për të cilën do të kryhet studimi, pjesor urbanistik, në shkallën 1:5000 deri në 1:1000;
    d) planimetrinë e zonimit funksional, gjendja ekzistuese në shkallën 1:2000 deri në 1:500;
    e) planimetrinë e zonimit funksional, propozimi;
    f) skemën e rrjetit rrugor;
    g) skicë idenë e infrastrukturës;
    h) planimetrinë me fazat e ndërtimit të infrastrukturës;
    i) planimetrinë me fazat e rikonstruksionit të infrastrukturës;
    j) planimetrinë e zonimit funksional sipas numrit të kateve;
    k) pasqyrën e treguesve tekniko-ekonomikë;
    l) parcelizimi në rastin e ndërtimeve me banesa individuale;
    m) planimetrinë me vendosjen e objekteve, funksionin dhe lartësinë e tyre;
    18. Projekti i zbatimit të studimit urbanistik pjesor përmban:
    a) planin e zonimit funksional;
    b) rrjeti rrugor në shkallën 1:100 ose 1:500 dhe për zona në reliev të aksidentuar në shkallë 1:200;
    c) projektin teknik të rrjetit inixhinierik në shkallën 1:1000 ose 1:500;
    d) planin e vendosjes së objekteve si dhe karakteristikat kryesore të tyre (funksion, zhvillimin volumetrik etj);
    e) parcelizimi në rastin e ndërtimeve me banesa individuale;

    IV. SHESHI I NDERTIMIT
    19. Planimetria e sheshit të ndërtimit i jepet kërkuesit të saj me Vendimin e KKRT-së përkatëse;
    a) në planimetrinë e sheshit të ndërtimit do të jepen qartë të gjitha kondicionet urbanistike të përcaktuara nga studimi urbanistik, sipërfaqja e sheshit të ndërtimit dhe sipërfaqja e ndërtimit, kufiri i pronësisë, vija e ndërtimit, koeficienti i shfrytëzimit të territorit, funksioni i objektit, numri i kateve dhe lartësia e objektit mbi e nëntokë, pozicioni kadastral;
    b) distancat kundrejt fqinjëve, kundrejt kufirit të pronësisë, hyrjet, daljet, lidhja me rrugët, kondicionet e veçanta (për objekte e pozicione të veçanta) etj. Plan-vendosja e objektit dhe të dhënat e tjera grafike do të punohen mbi relievin e azhornuar të gjendjes ekzistuese;
    c) në planimetrinë e sheshit të ndërtimit duhet të përcaktohen qartë të gjitha rrjetet inxhinierike që furnizojnë objektin (kanalizim, ujësjellës, elektrik, telefoni, mkz, etj), dhe miratimin e tyre nga ndërmarrjet përkatëse;
    d) planimetria e sheshit të ndërtimit bashkë me kondicionet urbanistike, hartohet sipas modeleve 1÷ 5.
    e) paraqitja e studimeve urbanistike bëhet sipas modeleve që i bashkëngjiten kësaj rregulloreje.

    V. NORMAT DHE RREGULLAT E PROJEKTIMIT URBANISTIK
    20. studimet urbanistike duhet t’i përmbahen normave dhe rregullave të projektimit.
    21. Në zonën e banimit përfshihen njësitë urbanistike dhe rrugët e brendshme midis tyre.
    Mbështetur në Ligjin Nr. 9482, datë 03.04.2006 “Për legalizimin, urbanizimin dhe integrimin e ndërtimeve pa lejë”, territoret me ndërtime pa leje klasifikohen në:
    a) ndërtim informal i veçuar;
    b) bllok banimi informal;
    c) zonë informale;
    22. Ndërtim informal i veçuar nuk përbën njësi urbanistike. Në rastin kur ndërtimi informal i veçuar ka funksion banimi, të përdoren normat e njësisë urbanistike më të vogël, bllokut të banimit informal.
    23. Bllokbanimi informal është njësia e banimit me sipërfaqe 1 deri në 5 ha me ndërtime një familjare. Elementët përbërës të bllokut të banimit janë;
    a) sipërfaqe ndërtimi;
    b) sipërfaqe e lirë;
    c) shesh lojërash për fëmijë;
    24. Referuar “Rregullores për Urbanistikën” miratuar me VKM, Nr. 722, datë 19.11.1998 si dhe situatës aktuale, njësitë urbanistikë të zonave informale të banimit për banesa një-familjare, me sipërfaqe mbi 5 ha, klasifikohen:
    a) zona me sipërfaqe 30 ha;
    b) zona me sipërfaqe 60 ha;
    c) zona me sipërfaqe 120 ha;
    25. Zonë me ndërtime informale një familjare me sipërfaqe 30 ha është njësia urbanistike në bazë të organizimit të së cilës janë objektet shoqërore të kopshtit dhe çerdhes, njësitë e shërbimit tregtar e komunal si dhe terrenet sportive për fëmijë mbi 6 vjeç. Kjo njësi banimi përbëhet nga:
    a) territor banimi neto;
    b) shesh lojërash për fëmijë;
    c) sipërfaqe për objekte shoqërore;
    d) terrene sportive;
    e) rrugë dhe sheshe;
    26. Zona me ndërtime informale një familjare me sipërfaqe 60 ha është njësia urbanistike në bazë të organizimit të së cilës është shkolla 8 vjeçare. Kjo njësi banimi përbëhet nga:
    a) territor banimi neto;
    b) shesh lojërash për fëmijë;
    c) sipërfaqe për objekte shoqërore;
    d) terrene sportive;
    e) gjelbërim i organizuar;
    f) rrugë dhe sheshe.
    27. Në treguesit normativ të objekteve shoqërore sipërfaqet e parcelave të çerdhes dhe kopshtit variojnë nga 0.3-0.4 ha për një çerdhe ose një kopsht dhe 0.6-1 ha për parcelën e shkollës 9 vjeçare brenda vijave kufizuese të qendrave të banuara urbane, mbështetur në “Rregulloren për Urbanistikën”, miratuar me VKM, Nr. 722, datë 19.11.1998.
    Këto norma për zonat informale jashtë vijave kufizuese të ndërtimeve të qendrave të banuara urbane, brenda dhe jashtë vijave kufizuese të ndërtimeve të qendrave të banuara rurale, do të jenë 0.1-0.25 ha për parcelat e çerdhes, 0.15-0.4 ha për parcelat e kopshteve.
    28. Zona me ndërtime informale një familjare me sipërfaqe 120 ha është njësia urbanistike në bazë të organizimit të së cilës janë:
    a) shërbimet e përqendruara tregtare dhe ekonomike;
    b) kopshte dhe çerdhe;
    c) dy shkolla 8 vjeçare;
    d) një shkollë e mesme;
    e) terrene sportive;
    f) shërbim shëndetësor;
    g) administrativ etj;
    29. Normat e projektimit urbanistik të njësive urbanistike të zonës së banimit janë përmbledhur në tabelat e mëposhtme:

    30. Për të siguruar diellëzimin minimal të ndërtesave, hapësirat funksionale, ndriçimin dhe ajrimin, veprohet si më poshtë:
    a) Kur ndërtesat vendosen karshi njëra-tjetrës dhe kanë gjatësi deri në 20 m, distancat duhet të jenë:
    Për ndërtesa 1 kat jo më pak se 4 m;
    Për ndërtesa 2 kate jo më pak se 6 m;
    Për ndërtesa 3 kate jo më pak se 8 m;
    Për ndërtesa 4 kate jo më pak se 10 m;
    Për ndërtesa 5 kate jo më pak se 12 m;
    b) Kur ndërtesat janë karshi njëra-tjetrës, kanë dritare dhe gjatësi mbi 20 m distancat duhet të jenë:
    Për ndërtesa 1 kat jo më pak se 6 m;
    Për ndërtesa 2 kate jo më pak se 9 m;
    Për ndërtesa 3 kate jo më pak se 13.5 m;
    Për ndërtesa 4 kate jo më pak se 18 m;
    Për ndërtesa 5 kate jo më pak se 20 m;
    Për përcaktimin e distancave ndërmjet dy ndërtesave me numër të njëjtë katesh, distanca përcaktohet me interpolim; d.m.th të dy ndërtesat konsiderohen me numër të njëjtë katesh që është e barabartë me mesataren e shumës së numrit të kateve të tyre.
    31. Kur banesat vendosen përbri njëra tjetrës dhe faqet në brinjë nuk kanë dritare, ato nuk mund të jenë të larguara deri në një metër ose në bashkim të plotë. Në çdo rast ndërtimet duhet të respektojnë kufirin e ndarjes së pronësisë dhe bashkimi i plotë
    mund të bëhet vetëm mbi bazën e marrëveshjes së pronarëve fqinjë.
    32. Distanca e ndërtesave të banimit nga çerdhet, kopshtet, shkollat dhe objektet shëndetësore duhet të jenë jo më pak se 1.5 herë të lartësisë së ndërtesës më të lartë që qëndron nga jugu, ndërsa në drejtime të tjera zbatohen pikat 30, 31 të kësaj rregulloreje.
    33. Dalja konsol e mbi 50% të faqes së ndërtesës do të quhet faqe ndërtimi dhe do të merret parasysh në llogaritjen e distancës midis ndërtimeve.
    34. Për ndërtimet gjatë rrugëve, çdo dalje konsol do të quhet faqe ndërtimi dhe do të merret parasysh në llogaritjen e distancës midis ndërtimeve.
    35. Kur pjerrësia e çatisë lejon shfrytëzim të mbi 5.0 m , mbi kuotën e sistemuar, për efekt të llogaritjes së distancave, lartësia e tij konsiderohet si një kat e gjysëm dhe kur është mbi 6.0 m konsiderohet 2 kat.

    VI. RRJETI RRUGOR
    37. Urbanizimi dhe integrimi i njësive urbanistike informale brenda vendbanimeve urbane dhe rurale duhet të respektojë “Rregulloren për urbanistikën” miratuar me VKM nr. 722, datë 19.11.1998, për sa i përket rrjetit rrugor të parashikuar në Planin e Përgjithshëm Rregullues.
    38. Për urbanizimin dhe integrimin e njësive urbanistike informale, brenda vijave kufizuese të ndërtimeve në qytete, studimet urbanistike të hartohen bazuar në normat e rrjetit rrugor:
    a) gjerësia e rrugëve kryesore të jetë 7 m, me 1.5 m trotuar në të dy krahët;
    b) largësia minimale ndërmjet rrugëve kryesore të jetë 40m;
    c) gjerësia e rrugëve dytësore të jetë 5 m me 1.0 m trotuar në të dy anët;
    d) largësia minimale ndërmjet rrugëve dytësore të jetë 60m;
    e) në rrugët dytësore nuk lejohet parkim dhe lëvizja të kryhet me një drejtim.
    f) parkimi i automjeteve për të gjithë llojet e ndërtimeve të kryhet brenda sipërfaqes së pronës;
    39. Për urbanizimin dhe integrimin e njësive urbanistike informale, në zonat rurale përreth qyteteve, studimet urbanistike të hartohen bazuar në legjislacionin në fuqi:
    a) të respektohet rrjeti rrugor i parashikuar në studimin e zonës suburbane, kur ai ekziston;
    b) në mungesë të studimit të zonës suburbane, lidhja e rrugëve të planit rregullues të qytetit me zonat informale të bëhet me studim të veçantë;
    c) gjerësia e rrugëve kryesore të jetë 7m, me 1.5 m trotuar në të dy krahët;
    d) largësia minimale ndërmjet rrugëve kryesore të jetë 80m;
    e) gjerësia e rrugëve dytësore të jetë 5m me 1.0m trotuar në të dy anët;
    f) largësia minimale ndërmjet rrugëve dytësore të jetë 100m;
    g) në rrugët dytësore nuk lejohet parkim dhe lëvizja të kryhet me një drejtim;
    h)parkimi i automjeteve për të gjithë llojet e ndërtimeve të kryhet brenda sipërfaqes të pronës;
    40. Për urbanizimin dhe integrimin e njësive urbanistike informale, në zonat rurale përreth zonave rurale ekzistuese të respektohen:
    a) lidhja e rrjetit rrugor të zonave që urbanizohen dhe integrohen me rrugët ekzistuese, të bëhet me studim të veçantë;
    b) gjerësia e rrugës lidhëse të zonës që urbanizohet dhe integrohet me rrugën nacionale ose kryesore të jetë 7m me 1.5m trotuar në të dy anët;
    c) gjerësia e rrugëve kryesore të jetë 7m me 1.5m trotuar në të dy anët;
    d) gjerësia e rrugëve dytësore të jetë 5m me 1.0m trotuar në të dy anët;
    e) parkimi i automjeteve për të gjithë llojet e ndërtimeve të kryhet brenda sipërfaqes së pronës.
    41. Për urbanizimin dhe integrimin e njësive urbanistike informale brenda vijave kufizuese të ndërtimit të fshatrave të respektohen:
    a) gjerësia e rrugëve kryesore të zonës të jetë 6 m me 1.0 m trotuar në të dy anët;
    b) gjerësia e rrugëve dytësore të jetë 5 m, me 1.0 m trotuar në të dy anët;
    c) rrugica për kalimin e këmbësorëve me gjerësi të pjesës së shtruar të jetë 3 m;
    d) parkimi i automjeteve për të gjithë llojet e ndërtimeve të kryhet brenda sipërfaqes të pronës;
    42. Për urbanizimin dhe integrimin e njësive urbanistike informale pranë rrugëve nacionale dhe linjave hekurudhore të respektohen kushtet e Kodit Rrugor.

    VII. RRJETIT ELEKTRIK
    43. Distanca horizontale nga përcjellësit anësor të linjës ajrore (në pozicionin e pa mënjanuar) deri në pjesët e dala të godinave, duhet të jenë jo më të vogla se:
    a) 4m për linjat deri 1kv;
    b) 10m për linjat 6-10kv;
    c) 15m për linjat 20-35kv;
    d) 20m për linjat 110kv;
    e) 25m për linjat 150-220kv;
    f) 30m për linjat 330kv;
    44. Nuk lejohet ndërtimi i godinave nën linjat ajrore elektrike, me përjashtim të godinave industriale të rezistueshme ndaj djegies. Distanca ajrore nga përcjellësi i poshtëm deri në çatinë e godinës industriale, nuk duhet të jenë më të vogla se:
    a) 3m për linjat deri në 35kv;
    b) 4m për linjat 110-150kv.
    c) 5m për linjat 220kv;
    d) 6m për linjat 330 kv;
    Mbulesat metalike, mbi të cilat kalojnë linjat ajrore elektrike, duhet të tokëzohen.
    45. Distancat ajrore nga përcjellësit e linjës ajrore elektrike, në lidhje me sipërfaqen e tokës, në regjimin normal të punës, duhet të jetë jo më e vogël se:
    a) 7.0 m për linjat deri në 110 kv;
    b) 7.5 m për linjat 150kv;
    c) 8.0 m për linjat 220 kv;
    d) 8.5 m për linjat 330kv;
    46. Në ndërprerjet me rrugë, distancat ajrore nga përcjellësi deri në lidhje me sipërfaqen e tokës, duhet të kontrollohet për këputjen e përcjellësit në kampatën fqinjë në zgjerimin e temperaturës mesatare vjetore të ajrit pa marrë parasysh ngrohjen nga rryma elektrike, këto largësi duhet të jenë jo më e vogël se:
    a) 4.0 m për linjat deri në 150kv;
    b) 5.0 m për linjat 220kv;
    c) 5.5 m për linjat 330kv;
    47. Distancat ajrore nga baza e shtyllës së linjave ajrore deri në anën e bankinës së rrugës duhet të jetë jo më e vogël se 1.5 m.
    48. Distancat ajrore nga baza e shtyllës së ndriçimit rrugor deri në anën e bankinës së rrugës duhet të jetë jo më e vogël se 0.5 m.
    49. Për linjat ajrore me tension deri 1.0kv të realizuara me kabëll të fiksuar tirant, distancat ajrore të linjës nga pjesët kallkan të objektit, nuk ka kufizim distance.
    50. Për linjat ajrore me tension 1.0 kv të realizuara me kabëll të fiksuar tirant, distancat ajrore të linjës nga pjesët e fasadës së objektit (ballkon, llozh, dritare, verandë) distanca nuk duhet të jetë jo më e vogël se 2m.
    51. Distancat e linjave ajrore me godinat që magazinojnë lëndë plasëse si dhe me impiantet e jashtme, që kanë rrezik zjarri, duhet të plotësojnë kushtet e shfrytëzimit sipas normave të MKZ. Përgjithësisht, aksi i linjës duhet të jetë larg këtyre objekteve sa 1.5 herë lartësia e shtyllës.
    52. Distancat ajrore e shtrirjes së linjave kabllore elektrike nëntokësore, nga objekti duhet të jetë jo më e vogël se 1.0 m nga vija e ndërtimit.
    53. Kuota e shtrirjes së linjave kabllore elektrike nëntokësore, të jetë jo më e vogël se -1.2 m nga kuota e sistemuar.
    54. Ndriçimi i rrugëve, kalimeve në zonë banimi urbane dhe rurale, duhet të jetë jo më e vogël se norma e paraqitur në tabelën Nr. 4.


    Panorama

  15. #15
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17
    Kryeministri Berisha merr pjesë në ceremoninë e dorëzimit të lejeve të para të legalizimit

    12/2/2007

    Paraditen e sotme, Kryeministri Berisha mori pjesë në ceremoninë e organizuar nga Agjencia e Legalizimit, Urbanizimit dhe Integrimit të zonave Informale(ALUIZNI), me rastin e dorezimit të lejeve të para të legalizimit.

    Në këtë takim ishin të pranishëm përfaqësues të institucioneve ndërkombëtare, që asistojnë këtë process të rëndësishëm, përfaqësues të institucioneve qëndrore, ministra, deputetë, etj.

    Drejtori i kësaj Agjencie, zoti Shaban Memia, duke marrë fjalën, theksoi se për herë të parë pas shume vitesh po hidhet hapi i parë i largimit të vendit tonë nga informaliteti dhe shpërdorimi i pronave, duke hyrë kështu në rradhët e një shteti modern.

    Më pas, zoti Memia bëri për të pranishmit, një paraqitje të dokumentacionit të dixhitalizuar të aplikimit, për legalizimin e ndërtimeve informale, si dhe ecurisë që do të ndjekë procesi në të ardhmen.

    Kryeministri Berisha, duke e vlerësuar këtë si një ditë të veçantë, të cilën shqiptarët e pritën për 15 vite rresht, u shpreh se, me fillimin e zbatimit të reformës së pronësisë, Shqipëria shënon hapin parë drejt hyrjes në tregun e lirë dhe drejt vendosjes së shtetit ligjor.

    Gjithashtu, Kryeministri theksoi se me këtë proces ekonomia e tregut në Shqipëri merr një dimension krejt tjetër.

    Në këtë ceremoni, Kryeministri Berisha dorezoi disa prej lejeve te legalizimit, pronareve qe ndodheshin te pranishem.

    Më tej në fjalën e tij, Kryeministri u shpreh:

    “Kjo është një ditë e veçantë, një ditë të cilën shqiptarët e pritën për 15 vite rresht. Në vizitën e tij, në pranverën e vitit 91, një burrë i shquar i asaj kohe, sektetari amerikan i shtetit Xhejms Bejker do të deklaronte, përpara shqiptarëve duke sjellë mesazhin e botës së lirë, se freedom works, pra liria punon.
    Në rast se ka një komb për të cilin liria punoi më shumë po të kemi parasysh stadin nga i cili u nis, do të thosha se ky është kombi shqiptar, por në rast se ka liri , të cilat punojnë më shumë se për cdo komb tjetër, sërish liria e lëvizjes, dhe inisiatitva e lirë, punuan për shqiptarët, ndofta më shumë se për të tjerët.

    Unë e di që në veshët e shqiptarëve, termi Shqipëria e re është banalizuar, në kuptimin e vërtetë të fjalës. Në rast se u ndërtua ndonjëherë një Shqipëri e re, u ndërtua në këto 15 vjet, falë sagës, legjendes së sakrificës mbinjerëzore të qindra e mijëra shqiptarëve, të cilët sapo u gjetën të lirë, sapo u konstatuan se mund të lëvizin lirisht, sapo konstatuan se janë të lirë të ndërtojnë të ardhmen e tyre, u drejtuan tek më e para që u mungonte që ishte shtëpia, dhe ndërtuan në këto 15 vite realisht një Shqipwri të dytë , por kësaj here një Shqipëri bashkohore.

    Në të katër anët e planetit u shpërnda një pjesë e tyre, bënë punërat më të rënda që mund të bëjë njeriu dhe së bashku me fitimet e krijuara, duke punuar në tërësi, duke punuar së bashku ngritën në Shqipëri vila, që nuk kanë ekzistuar më parë, u afruan me qytete e tyre me ndërtesa moderne, u dhanë atyre gjallërinë e domosdoshme për të ecur në ritmet e sw ardhmes.

    Në 15 vite qytetet pa këtë valë të fuqishme ardhjesh do të ishin shteruar, do të ishin shkretuar. Janë këto që mbajtën dhe shkuan gradualisht drejt shndërrimit të shoqërisë shqiptare nga një shoqëri ruralo-urbane në një shoqëri urbane-rurale.

    Është një ditë shumë e vecantë sepse ne sot bëjmë hapin e parë madhor drejt vendosjes së shtetit ligjor. Shqipëria nën ligj ishte dhe mbetet motoja jonë. Ju kujtoj se në vitin 93 kemi privatizuar totalisht apartamentet dhe në mbarë Shqipërinë ishin gjithësej 220 mijë apartamente. Po të keni parasysh shëpitë private të fshatrave tona në krahasim me këto ndërtime I ndajnë dy kohëra. Në këtë drejtim kjo ditë është një homazh I madh për ata qindra shqiptarë të cilët me djersën, përkushtimin, angazhimin e tyre ndërtuan një Shqipëri të dytë, ndërtuan Shqipërinë e re.

    Kjo ditë është gjithashtu një dite e vecantë për lirinë e tregut sepse këtu bëjmë hapin e parë drejt hyrjes në tregun e lirë në një kapital që arrin vlerat në rreth 6 miliard euro, në një kapital që rrinte I strukur, rinte I ngrirë. Ekonomia e tregut në Shqipëri me këtë process merr një dimension krej tjetër. Kjo ditë është një ditë e shqënuar për mbarë ekonominë shqiptare sepse ky proces bazohet në të drejtën, ky proces e bën shoqërinë shqiptare më të drejtë dhe rrit kohazionin e saj.

    Unë dua të shpreh këtu një mirënjohje shumë të thellë , një burri të shquar, njërit nga personalitet më të shquara të ekonomisë dhe sociologjisë botërore, Hernando De Soto, i cili ofroi në doktrinën e tij parimet më të shkëlqyera të trajtimit të këtij procesi, të përshëndes përfaqësuesit e tij në këtë sallë.
    Ky process u tentua shumë e shumë herë, por dështoi për faktin se u vendos mbi baza të gabuara. Dua të falenderoi shumë përzemërsisht UNDP, mikun tim Kemal Dervish. Në takimin e tij të parë, pasi mori detyrën dhe unë u bëra kryeministër, unë i kërkova atij të më lidhë me Institutin per Liri dhe Demokraci dhe të më ndihmojë që Hernando de Soto ta asistojë Shqipërinë në këtë process kaq jetik dhe unë jam dëshmitar se me një përkushtim të madh, UNDP, shefja e misionit dhe ekipi I saj u angazhua për të ndihmuar në këtë reformë, pa të cilën nuk ka kapitalizëm të vërtete.

    Në se 15 vjet më parë Xhejms Bejker tha Freedom woks, kam shumë kënaqësi sot të deklaroj se ALUIZNI punon. E kam vizituar disa herë këtë agjenci e vizitova dhe dje dhe mbeta shumë I kënaqur për përpjekjet e tyre rezultative për të kaluar nga mosha informale në moshën dixhitale dhe ju e patë vetë se gjeta aty një grup jot ë madh njerëzish që punonin në database, por një grup të përkushtuar që ka krijuar nnjë arkiv nga më modernët që e sjell këtë process dhe krahas dosjejs manuale I jep dhe dosjen dixhitale. Ishte zoti De Soto që më sugjeroi mua se hipotekimi dhe regjistrimi i tyre duhet të bëhet nga ALUIZNI dhe koha provoi se pavarësisht nga disa xhelozira, se De Soto kishte të drejtë, sepse kjo po funksionon dhe eshte një shembull për tu ndjekur.
    Kanë vetëm pak muaj që kanë filluar punën dhe kanë punuar paralelisht në manual dhe dixhital. Mendoj se kjo eshte mënyra se si duhet të punohet, ndaj dhe unë dua të përgëzoj këtu drejtuesit e saj, të gjithë punonjësit e saj dhe ti siguroj se do të kene mbështetjen totale të qeverisë në përmbushjen e këtij misioni në njësi kohe sa më të shkurtër.

    Unë kam biseduar me zotin Memia se si mund ta shpejtojmë këte proces. Janë 80 mijë apartamente nga të cilat mbi 20 mijë në Tiranë.

    Do ta mbyll këtë fjalë, duke u rikthyer tek kapitulli I dytë I madh I kësaj reforme, kapitulli I kthimit dhe kompensimit të pronave. Nuk mund të ketë reformë pronësie pa kopmletimin e këtij procesi.

    Vetëm pak muaj më parë kryesori I të majtës shqiptare do tu deklaronte pronarëve se ne nuk jemi partia juaj, ndërsa unë u them pronarëve se ne jemi dhe do të mbetetmi partia juaj, sepse ne jemi parti e shtetit ligjor, sepse jemi parti e reformave sepse pa rikthyer dhe kompensuar tërësisht pronën, reforma e pronësisë do të jetë e dështuar, ndaj dhe unë dua të garantoj Agjencinë Kombetare të Kthimit dhe të kompensimit të pronave, e cila duhet të shpejtojë ritmet, se qeveria do të angazhojë të gjithë potencialin e saj për suksesin e punës së tyre, sepse e kthyem nga një komision që nuk varej nga askush në një degë të ekzekutiviit, vetëm e vetëm për të marrë të gjitha përgjegjsitë si ekzekutiv, ndaj pronarëve , për ti dhënë kësaj agjencie të gjitha fuqitë për të përmbushur misionin e saj.

    Sot është fushatë, por unë dua ti garantoj pronaret se porositë që kanë marrë ministrat, porositë që kanë marrë agjencitë e tjera, do ti përbushin me përgjegjësi të plotë dhe se Agjencia e Kthimit dhe Kompensimit të pronave do të përmbushë me dinjitet, me përgjegjsi të plotë këto 2 krahë të reformës.

    Shqipëria plotëson refomën e vendit të saj shoqëror, vendos kapitalizmin mbi pronën, i jep atij të gjithë fuqinë që ky vend ka dëshmuar në shekuj.

    Edhe njëherë urimet më të përzemërta dhe duhet të falenderoj edhe njëherë të gjithë ata që bënë të mundur që sot të dorëzohen lejet e para të legalizimit, ose tapitë para."

    Zyra e Kryeministrise

  16. #16
    i/e regjistruar
    Anëtarësuar
    07-12-2006
    Postime
    124
    Dmth se pronaret a ligjshem do marrin me ne fund tokat qe u mori Pushteti Popullor, apo mos behet fjale per legalizimin e vjedhjes qe ka qene leitmotivi 15 viteve te fundit?

  17. #17
    Patriot i moderuar Maska e Justiniani 2007
    Anëtarësuar
    23-02-2007
    Postime
    150
    Kodi Civil i Republikes se Shqiperise

    Titulli VII

    Mbrojtja e Pronesise

    Padia per kerkimin e sendit

    Neni 296

    Pronari ka te drejte te ngreje padi per te kerkuar sendin e tij nga cdo posedues ose mbajtes....

    Neni 298

    Poseduesi me keqbesim per gjithe kohen e posedimit te tij, detyrohet t'i ktheje pronarit bashke me sendin edhe frutat natyrore te vecuara e frutat civile te vjela ose qe jane bere te kerkueshme....


    etj.etj.

    Ky shtet o marangoz duke qene qene se eshte i lidhur me krimin qe ne embrionet e veta ( vitet '90, PS + PD = PPSH), nuk mund kurrsesi tu ktheje pronareve te ligjshem jo pronat por as vleren financiare dhe fitimin e munguar te te gjithe viteve bashke.
    Shtet qe nuk mund te zbatoje dhe te ekzekutoje ligjet e miratuara vet eshte vetem shteti shqiptar.
    Omnia mutantur, nos et mutamur in illis.

  18. #18
    Akulli Maska e DiGiTeX
    Anëtarësuar
    30-04-2002
    Vendndodhja
    Diku Rreth Botes
    Postime
    368

    Legalizimet,nis kompensimi i pronarëve

    TIRANË- Këshilli i Ministrave do të marrë së shpejti në shqyrtim listën e pronarëve të ligjshëm në zonën informale të Kasharit dhe do të vendosë për kompensimin e tyre. Kjo listë e pronarëve të ligjshëm për zonën e Kasharit, i është kërkuar Zyrës së Regjistrimit të Pasurive të Paluajtshme dhe brenda këtyre ditëve (10 ditëve) do të mbërrijë në zyrat e Agjencisë. Lajmin e bën të ditur nëndrejtori i ALUIZNI-t, Ferdinand Shehu, gjatë një interviste për gazetën "Shekulli", i cili sqaron gjithashtu se deri tani nuk është dhënë asnjë leje legalizimi, për ndërtimet pa leje që janë bërë mbi trojet e pronarëve të ligjshëm. Ferdinand Shehu thotë se, për këtë kategori ndërtimesh pa leje, fillimisht do të bëhet kompensimi në natyrë ose në vlerë monetare i pronarëve të ligjshëm, dhe më pas do të vijohet me procesin e dhënies së lejeve të legalizimit. Përsa i përket një tjetër kategorie ndërtimesh pa leje, atyre mbi objektet shtetërore, Ferdinand Shehu bën të ditur se, Agjencia është në pritje të konstituimit të Këshillave Bashkiakë dhe Komunalë, organet kompetente për kalimin e pronësisë nga tokë bujqësore në tokë truall, dhe për ta kaluar nga këtë tokë truall në qytetarë të ndryshëm.

    Zoti Shehu, çfarë hapash janë marrë për kompensimin e ish-pronarëve për efekt të legalizimit, pasi ju keni ngritur dhe një drejtori për këtë problem?

    Është e vërtetë, se në Agjencinë e Legalizimit ekziston një sektor i kompensimit dhe urbanizimit, por unë fillimisht desha të shpjegoja se çfarë po bëhet aktualisht me procesin e legalizimit, në mënyrë që t'i shpjegoj më qartë opinionit publik të gjithë punën që bën Agjencia e Legalizimit, për të arritur të ky kompensim. Procesi i legalizimit është një proces ekonomik nga më të mëdhenjtë që ka ndërmarrë vendi. Ai është një proces i pakthyeshëm pasi nga ai përfitojnë të gjithë shqiptarët, ekonomia e vendit, sepse ekonomia informale do të kthehet në formale. Para se të hidhem te etapa e kompensimit, mund të them se procesi i legalizimit vazhdon me ritmet e veta. Në zonën e Kasharit, aty ku ne dhamë lejet e para të legalizimit, ose tapitë siç njihen ndryshe, u vu re një hap përpara për 30 aktet ligjore që janë miratuar nga Këshilli i Ministrave, pasi rezultoi se e gjithë paketa ligjore ishte e suksesshme. Ne tashmë kemi rrugën ligjore, kemi specialistët që kanë mundur të realizojnë këtë proces dhe kemi dhe paketën financiare, çka na bën të themi se, legalizimi është një proces i arritur i kësaj Agjencie.

    Aktualisht, për cilin grup ndërtimesh po jepen lejet e legalizimit dhe a kanë ato lidhje me kompensimin?

    Ekzistojnë tre grupe ndërtimesh për të cilët do jepen lejet e legalizimit, ku njëri ka dy nëngrupe. Deri tani, lejet e para të legalizimit janë dhënë për objektet e ndërtuara nga pronarët e trojeve përkatëse. Në këtë kategori ka një nëngrup. Këtu, në sipërfaqet e tokës që janë në pronësinë e një pjesëtari të familjes, kanë ndërtuar disa pjesëtarë të tjerë të familjes. Për këtë ne i jemi drejtuar juristëve, persona kompetentë, për të bërë ndarjen, për ta ndarë këtë sipërfaqe sipas personave të familjes dhe kemi legalizuar ndërtimet për çdo pjesëtar, sipas pronësisë së tij. Kjo është kategoria e parë me të cilën Agjencia është marrë dhe ka dhënë lejet e legalizimit. Kategoria e dytë, për të cilën jemi në pritje, është kategoria e njerëzve që kanë ndërtuar në tokë shtetërore. Për këto është gati dokumentacioni i legalizimit të objekteve për personat që kanë ndërtuar mbi trojet shtetërore. Po pritet konstituimi i Këshillave Bashkiakë dhe Komunalë, organet kompetente për kalimin e pronësisë nga tokë bujqësore në tokë truall, dhe për ta kaluar nga këtë tokë truall në qytetarë të ndryshëm, sipas vendimit që do marrin dhe tarifave që përcakton ligji. Është dhe një kategori tjetër, për të cilën ju jeni më shumë të interesuar, ndërtimet informale mbi trojet e personave të tretë, që janë pronarë të trojeve. Gjej rastin të sensibilizoj gjithë opinionin e pronarëve të ligjshëm, të cilëve u është zaptuar prona, që në këto raste, duke respektuar ligjet dhe aktet nënligjore, në fillim ALUIZNI kërkon nga Zyra e Regjistrimit të Pasurive të Paluajtshme listën e pronarëve për këtë zonë informale, e cila futet në shqyrtim për leje legalizimi. Këto ditë (brenda 10 ditësh) jemi në pritje që në Agjencinë e Legalizimit të vijë lista e pronarëve të zonës së Kasharit. Kjo listë më pas do të shkojë në Këshillin e Ministrave, i cili do të vendosë për kompensimin e tyre. Kompensimi mund të jetë në natyrë, sipas pëlqimit që kanë pronarët, ose në vlerë monetare, sipas çmimit të tregut. Pra, në këtë rast, kompensohen pronarët e ligjshëm sipas kësaj liste. Në momentin që përfundon procesi i kompensimit të këtyre pronarëve të ligjshëm, atëherë fillon legalizimi i këtyre objekteve që janë ndërtuar mbi këto troje. Pra ritheksoj se, në tokat e ish-pronarëve që janë zënë do bëhet fillimisht kompensimi dhe pastaj legalizimi. Deri me tani, mund t'u informoj për lejet e legalizimit që janë dhënë, të cilat janë në pronat e pronarëve të ligjshëm. Madje, dhe në ato raste ku babai ka një tokë dhe në këtë tokë kanë ndërtuar dy fëmijët e tij, ne nuk legalizojmë ndërtimet pa marrë i ati Aktin Noterial noterit, për të bërë ndarjen e sipërfaqes së tokës.

    Sa leje legalizimi janë dhënë deri tani në Kashar?

    Janë dhënë një numër i konsiderueshëm lejesh legalizimi. Mund të jenë mbi 100. Këto ditë ne presim edhe produktin nga kompania fituese për fotografimin ajror, çka do ndihmojë punën tonë.
    "Merrja te mirėn tė ardhmes, hidhja te keqen tė kaluarės"

  19. #19
    Perjashtuar
    Anëtarësuar
    30-10-2004
    Postime
    705

    Filloj Te Hidhen Hapat E Normalizimit Te Informalitetit!

    Miratohet nisja e Urbanizimit
    5 Maj Gjatë mbledhjes së djeshme të qeverisë u miratua edhe vendimi për miratimin e rregullores për normat dhe standardet minimale urbanistike për urbanizimin e zonave informale. Kështu, qeveria në mbështetje të ligjit “Për legalizimin, urbanizimin dhe integrimin e ndërtimeve pa leje”, vendosi miratimin e rregullores për normat dhe standardet minimale urbanistike, për urbanizimin e zonave informale. Rregullorja parashikon të gjitha rastet kur një objekt informal, i cili, pasi është legalizuar dhe ka marrë lejen e legalizimit, do jetë pjesë e shembjes, pasi mbi vendndodhjen e tij është parashikuar të ndërtohet një objekt me rëndësi sociale, ose një rrugë etj. Në bazë të vendimit, të gjitha objektet, të cilat do të shemben për shkak të planit urbanistik, pronarët do të përfitojnë kompensim të objektit të legalizuar sipas çmimit të tregut.

  20. #20
    Shpirt Shqiptari Maska e Albo
    Anëtarësuar
    16-04-2002
    Vendndodhja
    Philadelphia
    Postime
    30,122
    Postimet në Bllog
    17

    Për: Fillon dhënia e tapive për proçesin e legalizimeve

    Legalizimet, emrat e 2200 personave që marrin tapitë

    ALUIZNI publikon listën e re të përfituesve në të gjithë vendin, të cilët i përkasin rretheve: Tiranë, Berat, Dibër, Durrës, pallateElbasan, Fier, Kavajë, Korçë, Kukës, Lezhë, Lushnjë, Pogradec, Sarandë, Shkodër, Vlorë


    ALUIZNI publikon listën e re me 2200 vetëdeklarues objektesh informale të cilëve u është përgatitur dokumentacioni tekniko-ligjor për pajisjen me leje legalizimi. Poseduesit e objekteve informale duhet të shlyejnë detyrimet financiare të procesit. Brenda 48 orëve nga shlyerja e tyre, ata do të pajisen me lejen e legalizimit nga drejtoritë e ALUIZNI-t të shpërndara në gjithë Shqipërinë. “Falënderojmë gjithë palët e përfshira në proces, e veçanërisht gjithë vetëdeklaruesit për entuziazmin dhe vlerësimin e deritanishëm dhe i ftojmë të vazhdojmë të intensifikojmë edhe më tej bashkëpunimin, duke shlyer detyrimet e nevojshme financiare për përmbylljen e procedurave të legalizimit të objekteve informale. Përkushtimi dhe përmirësimet e bëra deri tani, do vazhdojnë të thellohen edhe më tej me qëllim realizimin e synimit të përbashkët, përfundimin e procesit të legalizimit brenda viti 2013”, – tha në një deklaratë për shtyp, kreu i përgjithshëm i ALUIZN-it, Ardian Kollozi. Përfituesit që do të pajisen me lejen e legalizimit i përkasin drejtorive të ndryshme të ALUIZN-it në rrethe, si: Tiranë 1, 2 dhe 3, Berat, Dibër, Durrës, Elbasan 1dhe 2, Fier 1 dhe 2, Kavajë, Korçë, Kukës, Lezhë, Lushnjë, Pogradec, Sarandë, Shkodër, Vlorë 1 dhe 2.

    ( Listen e plote e gjeni sot ne gazeten Mapo)

    MAPO

Tema të Ngjashme

  1. Fillon Kreshma e Madhe
    Nga I KTHYERI në forumin Komuniteti orthodhoks
    Përgjigje: 23
    Postimi i Fundit: 28-02-2023, 01:24
  2. Fino: PS do të bllokojë procesin e integrim
    Nga Iliriani në forumin Tema e shtypit të ditës
    Përgjigje: 1
    Postimi i Fundit: 11-01-2006, 18:41
  3. Raporti i Kai Aides për Kosovën në OKB
    Nga Harudi në forumin Çështja kombëtare
    Përgjigje: 1
    Postimi i Fundit: 11-10-2005, 17:59
  4. Përgjigje: 35
    Postimi i Fundit: 03-07-2005, 03:43

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •