Matura Shteterore(konsultimet)

[Olimp]

A nuk mendoni se konsultimet per provimet e matures jane te kota per te vetmin fakt se mesuasit nuk jane interesuar kurre ne 4 vitet e shkuara te japin konsultime per nxensit dhe vendosin te bejne nje gje te tille vetem ne 7 ditet e fundit?Nuk mund te heth poshte dhe faktin qe dhe ne nxensit kemi qene te pa interesuar ne keto 4 vite..

Cfare mund te pretendojme te mesojme ne vetem 7 dite kurr ne 4 vite nuk na eshte dhene nje ndihme????Dhe jo te gjith nxensit kane qene te pa interesuar ka plot nga ata qe kan dashur nje konsultim nga mesuasit por qe nuk e kan marre kurre....



Ju si mendoni ja vlen kjo gje apo eshte thjesht nje gjest per te ystifikuar veten mesuesit ne 4 vitet qe nuk e kan bere kete gje????

[Zemrushja]

Hyrja në provime, vetëm me firmën e kandidatëve. "Zhduken" fletët e pranimit

Ministria e Arsimit ka miratuar dje rregullat e reja, mbi bazë të të cilave do të zhvillohet Matura Shtetërore 2007, një dokument mjaft i rëndësishëm ky jo vetëm për nxënësit e viteve të katërta, por edhe për administratorët e procesit. Një pjesë e këtyre rregullave kanë mbetur në të njëjtin variant me maturën e vitit të kaluar, por ka pasur edhe ndryshime esenciale. Kështu vitin e kaluar, që nxënësit të futeshin në provime, duhet të paraqisnin në klasë një fletë pranimi, që e merrnin kur regjistroheshin. Me rregulloren e re, do të shmangen pengesat në lidhje me fletët e pranimit, si një veprim i karakterit burokratik, që disa nxënës i pengoi të zhvillonin provimet. Në momentin e regjistrimit do të krijohet një listë emërore, ku nxënësi duhet vetëm të firmosë në fillim të procesit. Në rregulloren e re është sanksionuar për herë të parë edhe ngritja e komisioneve për shqyrtimin e testeve që dyshohen për kopjim, që ndryshe quhen komisionet KOPOTED. Vitin e kaluar, ato u ngritën vetëm pas një urdhri të ministrit dhe nuk ishin parashikuar në rregullore. Gjithashtu, është sanksionuar e drejta e nxënësve për të marrë një kopje të testit që kanë kryer, gjatë afatit të ankimimit, kur ata nuk janë dakord me vlerësimin e tyre. Kjo do të bëhet përkundrejt një pagese fikse. Lidhur me sallat ku do të zhvillohen provimet e lëndëve me zgjedhje është saktësuar që secili nga këto ambiente duhet të sigurojë vend për të paktën 15 nxënës. Ndryshe nga një vit më parë, tani është bërë detyrues fakti që nxënësit e shkollave private do t‘i japin provimet e Maturës Shtetërore në mjediset e shkollave publike. Po kështu është vendosur që t‘u jepet sërish shans nxënësve që vjet nuk mundën të fitojnë një të drejtë studimi, për shkak të rezultatit të ulët. Ata mund të aplikojnë edhe këtë vit dhe, ashtu si maturantët e tjerë, duhet të japin provime me zgjedhje. Për sa u përket kopjacëve, këtë vit rregullat janë zbutur. Në ndryshim me vjet, penalizimi për kopjet ose tentativat për kopje do të penalizohen me 1 vit përjashtim nga provimet me zgjedhje. Ndryshe nga ndëshkimi me 3 vjet përjashtim që ka qenë më parë. Për sa i përket zgjatjes së procedurave të vjetshme që fillonin me regjistrimin e më pas me verifikimin e gabimeve dhe pranimin në provim këtë vit ndryshimet konsistojnë në disa lehtësira. Vitin e kaluar, Drejtoritë Arsimore Rajonale duhet të plotësonin në mënyrë mekanike, me shkrim dore, një formular të quajtur B1 për krijimin e të dhënave të kandidatëve. Ky data-base i dorëzohej më pas Qendrës së Provimeve. Kjo procedurë krijoi jo pak pasaktësi, të cilat pengonin hartimin e saktë të data-base për maturantët. Këtë vit, duke qenë se Formulari A1 i regjistrimit do të njihet edhe nga një lexues optik, të dhënat do të përpunohen në mënyrë automatike dhe më të shpejtë nga qendra e përpunimit informatik, që është ngritur pranë AVA. Kjo e fundit është një tjetër strukturë e re e ngritur posaçërisht për Maturën Shtetërore 2007. Ajo quhet Agjencia Qendrore e Vlerësimit të Arritjeve të Nxënësve.

Në funksion të transparencës dhe eliminimit të gabimeve, të gjithë kandidatët do të pajisen me një numër identifikimi (ID) që nga nisja e procesit të Maturës Shtetërore deri në pranimet në universitete. Jashtë vëmendjes nuk kanë mbetur as procedurat për përgatitjen e testeve të të gjitha llojeve për nxënësit në këto provime me zgjedhje dhe më pas për preferencat e tyre në shkollat e larta. Më saktë, në nenet e rregullores janë saktësuar të gjithë procedurat për periudhën e KOEPS-it, e njohur si koha e izolimit të specialistëve në AVA, me qëllim hartimin dhe shumëfishimin e testeve në sekret të plotë.

© Gazeta Shqip - 2006-2007

[Zemrushja]

Testimi nuk ka shërbyer për vlerësim me notë, por vetëm për krijimin e informacionit

Agjencia e vlerësimit kryen provat e para të maturës

Maturantët nisin "nxehjen" për provimet e maturës. Këtë javë në shkollën e mesme të përgjithshme "Petro Nini Luarasi", agjencia qendrore e vlerësimit të nxënësve ka kryer një testim pilot. Ky provim nuk është kryer për qëllime vlerësimi të nxënësve apo për të vendosur nota. Provimi është zhvilluar vetëm për të parë se sa kohë u nevojitet gjimnazistëve për t‘u përgjigjur apo probleme të tjera të natyrës teknike. Me këto teste pilote qendra e vlerësimit kërkon të kontrollojë situatën dhe për të pasur parasysh se çfarë duhet të ndryshohen në provimet e maturës shtetërore të vitit 2007. Konkretisht, sipas deklaratave të qendrës së vlerësimit testi përfundimtar i maturës do të zgjasë 2 orë e 30 minuta. Ndërkohë që testi "provë" ka zgjatur vetëm 1 orë e 30 minuta. Qëllimi i këtyre testeve është për të ndihmuar hartuesit që të kalibrojnë më mirë pyetjet. Alternativat e provimit janë marrë nga 6 lëndë të ndryshme. Secila lëndë ka pasur nga 15 pyetje. Nga këto gjashtë kanë qenë pyetje të nivelit të dobët, 6 të nivelit të mesëm dhe vetëm tre të nivelit të lartë. Këto pyetje janë bërë për të parë se deri ku ka arritur niveli i njohurive për provimet e maturës. Sipas drejtorit të Agjencisë qendrore të vlerësimit të nxënësve, Edmond Lulja, javën e ardhshme të tilla teste do të kryhen në Farkë. Për të kaluar më pas në disa qytete të tjera të vendit.

Të gjitha këto teste do të shërbejnë që specialistët e qendrës të informohen më mirë dhe të jenë më të saktë në administrimin e pyetjeve përzgjedhëse të testit. Një tjetër sqarim që ka dhënë kreu i qendrës së vlerësimeve ka qenë edhe puna e administratorëve të provimeve dhe përzgjedhësit e pyetjeve. Sipas Luljes, këta specialistë nuk do të dalin nga qendra derisa të ketë përfunduar provimi i maturës. Deri tani, Ministria e Arsimit ka bërë publike vetëm programet orientuese në të cilat do të fokusohen maturantët për provimet e maturës. Bashkë me të janë publikuar edhe testimet që janë kryer vjet në provimet e maturës shtetërore.

Testet pilote, që do të zhvillohen në të gjithë vendin do t‘i shërbejnë për të përmirësuar të gjitha gabimet që u bënë vitin e kaluar. Sipas maturantëve, vjet një pjesë e pyetjeve të testimeve për maturë ishin përzgjedhur jashtë standardeve. Disa nga pyetjet në testin e matematikës nuk ishin të përfshira në programet orientuese. Ndërkohë që tri pyetje në provimin e lëndës së fizikës, në çelësin e përgjigjeve figuronin që rezultatet të ishin dhënë gabim. Një vit më parë këshilli rinor shqiptar protestoi për këto gabime dhe në të njëjtën kohë kërkoi që rezultatet të ktheheshin mbrapsht. Një pikë tjetër për të cilën maturantët shpresojnë që qendra e vlerësimit të reflektohet është edhe pjesa e hartimit të testeve. Sipas tyre, hartuesit dhe përzgjedhësit për pyetjet e provimeve duhet të jenë mësues dhe jo pedagogë.

© Gazeta Shqip - 2006-2007

[Zemrushja]

Me te miret, 20 % rritje rroge

Luljeta NDOKA

Jo vetem maturantet, por edhe mesuesit do t´i nenshtrohen nje konkursi te detajuar, mbi njohurite qe kane per lenden ku japin mesim. Kjo do te realizohet fale udhezimit me te fundit te kreut te Ministrise se Arsimit dhe Shkences, Genc Pollo. Ne baze te tij, sa me shume vite pune apo edhe cilesi qe te kene mesuesit ne mesimdhenie, aq me te privilegjuar do te jene. Ndersa mesuesit ne pritmeri do te kene shanse qe te gjejne pune ne deget ku ata jane specializuar. Ne provim do te perfshihen te gjithe arsimtaret qe kane mbi 5 vite pune. Ata do te ndahen ne tri kategori. Ne te treten futen mesuesit me vjetersi pune nga 5 deri ne 9 vjet, ne te dyten mesuesit qe kane nga 10 deri 19 vjet qe punojne ne kete profesion, ndersa ne kategorine e pare ata qe kane mbi 20 vjet pune. Ndarja sipas kategorive behet per efekt te evidentimit te me te afteve, te cilet me pas do te shperblehen me rritje page. Per kategorine e trete dhe te dyte, masa e rritjes do te jete 10 per qind, ndersa per kategorine e pare rritja do te jete plot 20 per qind. Udhezimi i djeshem eshte hartuar nga nje grup i posacem pune. Ministri i Arsimit tha se shumica e provimeve do te kryhen vetem me shkrim, me nje test unik per lenden dhe kategorine. Testi do te hartohet nga Qendra e Trajnimit Kombetar te Kualifikimit (QTKA) dhe do te korrigjohet po prej saj ne Tirane. Ata mesues qe do te kualifikohen fitues, do te sigurojne ngritjen ne kategori dhe shtesen ne page. Kreu i dikasterit te Arsimit siguroi se keto provime do te mundesojne per here te pare ne keto 16 vjet, njohjen e nivelit profesional real te mesuesve, zoterimin e programit lendor dhe anen shkencore te lendes. “Mbi bazen e rezultateve te kualifikimit ne muajin maj dhe analizes se ketyre rezultateve, ne do te zhvillojme me tej reformen ne kete sektor kryesor te arsimit te mesem dhe baze. Qellimi eshte ngritja profesionale e mesuesve ne sherbim te devizes sone: “Gjithcka per nxenesin, duke bere cmos per mesuesin”, tha ministri ne fjalen e tij. Sipas tani, kualifikimi i mesuesve, per kategorizimin e tyre, deri tani eshte zhvilluar ne baze te nje udhezimi te vitit 1991, ku shpesh i eshte lene shteg abuzimit. Provimi organizohej nga drejtorite ose zyrat arsimore ne menyre jokorrekte. Ndersa me udhezimin e ri, vleresimi do te jete i jashtem dhe i centralizuar: testet do te hartohen nga specialistet e Qendres Kombetare te Trajnimit dhe Kualifikimit (QTKA) dhe do te vleresohen po aty; provimet do te mbikeqyren nga administratore te jashtem. Gjithashtu ne kete rregullore jane parashikuar edhe masa ndaj mesuesve, administratoreve, vleresuesve, vezhguesve etj., per parregullsite gjate provimit te Kualifikimit. Pas daljes se rezultateve do te kete edhe nje afat ankimimi. Ne datat 26 dhe 27 maj 2007, sipas udhezimit per “Organizimin e kualifikimit per punonjesit arsimore qe plotesojne vjetersine ne sistemin arsimor parauniversitar per vitin mesimor 2006-2007”, do te japin provim per t’u kualifikuar mesuesit. Ne kete provim do te hyjne arsimtaret me diplome mesuesie, me emerim definitiv ose ne pritmeri, ata me diplome mesuesie me arsim te larte, te cilet japin lendet profesionale ne shkollat e mesme profesionale ose te pergjithshme dhe kane kontrate individuale pune. Gjithashtu, provimit do t´i nenshtrohen edhe arsimtaret pa diplome mesuesie, me arsim te larte, te cilet japin lendet profesionale ne shkollat profesionale me status kombetar, si dhe ata pa diplome mesuesie, me arsim te larte, te cilet japin lendet e edukimit muzikor ose te edukimit figurativ dhe kane kontrate individuale pune. Provimet do jene vetem me shkrim ose vetem me goje.

Ndarja e kategorive, sipas vjetersise se punes:

Kategoria e trete nga 5 deri ne 9 vjet pune, rritje page 10 per qind

Kategoria e dyte nga 10 deri ne 19 vjet pune, rritje page 10 per qind

Kategoria e pare mbi 20 vjet pune, rritje page 20 per qind

Cilet mesues do te testohen nga QTKA:

Ata diplome mesuesie, me emerim definitiv ose ne pritmeri

Pa diplome mesuesie, me arsim te larte, te cilet japin lendet profesionale ne shkollat e mesme profesionale ose te pergjithshme dhe kane kontrate individuale pune

Pa diplome mesuesie, me arsim te larte, te cilet japin lendet profesionale ne shkollat profesionale me status kombetar

Pa diplome mesuesie, me arsim te larte, te cilet japin lendet e edukimit muzikor ose te edukimit figurativ dhe kane kontrate individuale pune.

Mesuesit do te vleresohen per:

Zoterimin e programeve lendore

Zoterimin e anes shkencore te lendes shkollore

Zoterimin e anes metodike te lendes.

Korrieri

[Zemrushja]

Ministria: Një komision i posaçëm do të shqyrtojë të dhënat

Kriteret e pranimit për në universitetet shqiptare për ata kandidatë që shkollën e mesme e kanë kryer jashtë vendit, ndryshojnë nga rregullat e maturës shtetërore të bashkëmoshatarëve të tyre në gjimnazet e vendit. Ministria e Arsimit ka bërë të ditur dje rregullat të cilave duhet t‘u nënshtrohen këta të rinj, që edukimin e mesëm e kanë përfunduar jashtë vendit, por tashmë dëshirojnë që universitetin ta kryejnë në atdhe. Pranë Ministrisë së Arsimit është vendosur që të ngrihet një komision i posaçëm për të shqyrtuar kërkesat e këtyre maturantëve. Sipas përfaqësuesve të ministrisë, këta maturantë në përputhje me shkollën e mesme që kanë kryer jashtë vendit janë klasifikuar në dy kategori. Në grupin e parë bëjnë pjesë nxënësit që nuk kanë dhënë provimet ekuivalente me maturën tonë shtetërore. Për këtë arsye, që ata të pranohen në universitetet tona publike, duhet të japin provimet e dy lëndëve me zgjedhje. Këta maturantë duhet të paraqiten pranë komisionit të posaçëm në MASH, nga datat 16 deri më 23 prill 2007. Për të kryer dy provimet e lëndëve me zgjedhje dhe për të plotësuar formularët e regjistrimit A1 dhe A2, këta kandidatë duhet të drejtohen pranë drejtorive apo zyrave arsimore rajonale të zonave ku ata banojnë.

Ndërsa në grupin e dytë janë klasifikuar nxënësit që i kanë dhënë provimet ekuivalente me maturën tonë shtetërore. Për ta, procedurat e pranimit në universitete do të jenë më të thjeshtëzuara dhe do të mbështeten mbi bazën e këtyre provimeve. Sipas rregullores së miratuar nga ministria, këta nxënës duhet të paraqiten pranë komisionit të posaçëm në MASH, nga datat 16 prill deri më 16 qershor 2007. Ata duhet të plotësojnë

formularët e regjistrimit A1 dhe A2 nga data 10 deri më 30 qershor 2007. Për të dyja këto grupe kandidatësh për në universitete, komisioni i posaçëm është ngarkuar që të kryejë ekuivalentimin dhe përllogaritjen e pikëve të mesatares së tyre të shkollës së mesme. Pjesë e përllogaritjes do të jenë edhe rezultatet e provimeve me detyrim, si dhe të atyre të lëndëve me zgjedhje. Duke respektuar datat e mësipërme, nxënësit e këtyre dy kategorive janë të detyruar të paraqesin pranë komisionit për aplikim një seri dokumentesh. Atyre u kërkohet që të vënë në dispozicion një kërkesë me shkrim, ku të deklarojnë se kanë dëshirë që të vazhdojnë shkollën e lartë publike në Shqipëri. Kjo kërkesë do të shoqërohet me dëftesën origjinale me notat e mbarimit të shkollës së mesme, të cilat duhet të jenë të përkthyera dhe të noterizuara. Gjithashtu duhet të paraqesin edhe pasaportën ose certifikatën e lindjes së bashku me fotografinë.

Komisioni i posaçëm i vlerësimit të këtyre kandidatëve që e kanë kryer të mesmen jashtë vendit është i përbërë nga specialistë të Ministrisë së Arsimit. Ai do të ketë kryetar drejtorin e arsimit parauniversitar të ministrisë. Vitin e kaluar, nxënësit shqiptarë që kishin përfunduar shkollën jashtë shtetit dhe donin të vazhdonin studimet në Shqipëri, vetëm në Drejtorinë Arsimore të kryeqytetit ishin 30. Ky numër është shumë më i vogël në raport me totalin e maturantëve shqiptarë që studiojnë në shkollat e mesme të vendeve të ndryshme. Ndërkohë që një pjesë e madhe e tyre zgjedhin të studiojnë në universitetet e vendeve ku kanë kryer të mesmen, pjesa tjetër vendosin të rikthehen në Shqipëri. Numri i saktë i këtyre maturantëve që kërkojnë të ulen në auditorët shqiptarë do të bëhet i ditur pas procesit të regjistrimit të tyre përmes formularëve A1 dhe A2.

Vetëm dy ditë më parë Ministria e Arsimit miratoi rregulloren e re, të vlefshme për provimet e maturës shtetërore 2007. Një pjesë e procedurave të saj këtë vit janë thjeshtëzuar në raport me eksperiencën e vitit të kaluar. Në lidhje me administratorët e procesit të maturës, detyrat e tyre janë përcaktuar më qartë. Ndërkohë që edhe rregullorja është më e rreptë për sa u përket parregullsive gjatë provimit.

© Gazeta Shqip - 2006-2007

[Zemrushja]

PRANVERA KOLA

Çfarë të keni kujdes në plotësimin e përgjigjeve të provimit të maturës

Rezultatete shpallen 15 ditë pas provimit, hiqen penalizimet për përgjigjet e gabuara

Nuk do të ketë penalizime për pyetjet e plotësuara gabim në provimet e maturës shtetërore. Në bazë të rregullores së vlerësimit të tetsteve nuk do të penalizohen me heqje pikësh, përgjigjet e dhëna gabim. Vlerësimi i përgjigjes në këtë rast do të jetë me zero pikë. Do të ketë vlersim të përgjigjes edhe në rastet kur ajo nuk është plotësuar tërësisht në mënyrë të saktë. Për çdo pjesë të përgjigjeve të dhëna do të ketë vlerësim të saj, me pikë të kufizuara. Vlerësimi i përgjigjeve do të behët me pikë të cilat në bazë të një skeme do të konvertohen në notë. “Vlerësimi i çdo përgjigjeje të dhënë nga kandidati për kërkesën përkatëse, mbështetet në skemën e vlerësimit të përgatitur nga hartuesit e testeve. Skema e vlerësimit është një standard vlerësues i njëjtë për çdo nxënës, ku çdo përgjigje e plotë, e saktë ose e pjesshme e dhënë për çdo kërkesë, vlerësohet me pikë, sipas skemës së vlerësimit” ,thuhet në rregulloren e provimit. Një ditë pas provimit nxnësit do të kenë mundësi të kontrollojnë përgjigjet e dhëna në bazë të afishimit të skemës së vlerësimit. Për rastet kur maturantët do të kenë pakëënaqësi për rezultatin e provimit mund të tërhein një kopie të tetstit nga qendra kundrejt një tarife 400 lekësh.

Korrigjimi

Korrigjimi i testeve do të kryhet në ambientet e kësaj qendre nga vlerësues të jashtë të cilët do të mblidhen nga të gjitha rrethet e vendit. Pasi të kenë përfudnuar provimet mblidhen mësuesit korrigjues në mabinette e qendërs, ku do të nisë dhe korrigjimi i tetsve. Vlerësimi i çdo tetsi do të kalojë në duart e dy mësuesve dhe në rastet kur ka ospërpuhtje të të dhënave shikohet dhe nga një i terëtë. Ndërkohë që për të shmangur abuzimet MASH, do të monitorojë nëpërmjet speilaistëve të saj të gjithë procesin e korrigjimit në kushte të rrepta sigurie. Ndërsa për tetstet të ilat do të paraqiten si të dyshimta do të krijohen komisione të posacme “KOPOTED” për rishqytimin e tyre. Shpallja e rezultateve të provimit do të bëhet 15 ditë pasi është zhvilluar tetstimi.

Sezoni i vjeshtës

Maturantët që nuk do të arrijnë të kualifikohen në provimet e detyruara të maturës shteërore do ti nënshrohen sërisht këtytre provimeve ne sezonin e vjshtës. Për hartimin e tetsve do të ndiqet e njëta procedurë si në provimet e sezonbit të parë të Maturës. Kështu çdo drejtori rajonale arsimore do të paraqesë pranë axhensisë së vvlerësimit të arritjeve të nxënësve deri në 1 gusht listën e maturantëve që do të futen në ktëo provime dhe lëndët në të cilat do tetsohen. Lista dorëzohet me shkresë zyrtare dhe në formë elektronike, ndërkohë që do të mëbrrijë dhe lista emabinetve ku do të zhvillohet sërisht provimi. Shumëfishimi dhe paketimi i tevsteve të provimit do të bëhet në ambienet e kësaj qendre dhe do të ruhen në mënyrë të rreptë. Fletët e provimit do të tërhqen pranë qendës një ditë para zhvillimit të provimit, ndërkohë që ruajtaj e tyre deri në momentet e provimit do të bëhet nën masa të rrepta sigurie në drejtoritë arsimore të rretheve përkatëse.

XI. REGJISTRIMI DHE RUAJTJA E TË DHËNAVE

Neni 63

Për qëllime të mbikëqyrjes dhe të përmirësimit të provimit të Maturës, AVA mban të dhënat e çdo nxënësi/kandidati, të vlerësuesve të jashtëm dhe të mjediseve ku janë realizuar provimet e Maturës si dhe rezultatet e çdo nxënësi/kandidati në këto provime.

AVA mbledh, përpunon, ruan të dhënat personale dhe çdo shënim tjetër. Këto përdoren nga AVA për qëllime administrimi dhe analiza të provimeve të Maturës nga MASH-i dhe institucione të tjera shtetërore

Të dhënat personale u jepen institucioneve të arsimit të lartë për qëllime regjistrimi në këto institucione dhe mbikëqyrjen e arritjeve të kandidatëve, mbështetur në kërkesën me shkrim nga një institucion i arsimit të lartë dhe me miratimin e kandidatit.

Të dhënat personale të çdo nxënësi/kandidati dhe vlerësuesve të jashtëm janë konfidenciale.Informacioni dhe renditja e shkollave sipas rezultateve të çdo nxënësi/kandidati është konfidencial.

NJOHJA ME REZULTATET E POVIMEVE TË MATURËS SHTËTËRORE

Neni 64

Çdo pjesëmarrës në provimet e Maturës Shtetërore, pas shpalljes së rezultateve të provimit, ka të drejtë të kërkojë një kopje të testit që ai ka zhvilluar, me rezultatet përkatëse të vlerësimit. Për këtë, brenda 7 ditëve pas shpalljes së rezultateve të provimit, ai paraqet pranë KSHMSH-së një kërkesë duke paguar një tarifë prej 400 lekësh për çdo kopje të testi, në sekretarinë e shkollës.

KSHMSH, pasi grumbullon të gjitha kërkesat, i shqyrton ato rast pas rasti dhe i përcjell në KMSH pranë DAR/ZA-së, së bashku me një mandat-arkëtimi të përbashkët për të gjithë kërkuesit, për llogari të AVA-s. KMSH pranë DAR/ZA shqyrton kërkesat e paraqitura nga KSHMSH-të dhe i përcjell ato zyrtarisht tek AVA, shoqëruar me mandat- arkëtimet përkatëse.

AVA, pasi merr kërkesat, dërgon në KMSH të DAR/ZA fotokopjet e testeve të kërkuesve. KMSH e DAR-it/ZA-s i përcjell këto fotokopje tek KSHMSH, i cili jep fotokopjen e tij kërkuesit. Çdo kërkues firmos për tërheqjen e fotokopjes së testit.

Nisur nga procedurat e vlerësimit të testeve, vlerësimi i shpallur nga AVA, për çdo pjesëmarrës në provime, nuk do të rishikohet.

Gazeta Metropol

[Zemrushja]

Pyetjet pa përgjigje ose ato gabim, zero pikë

Blerina KACA

Përgjigjet e gabuara ose pyetjet që do të jenë pa përgjigje do të vlerësohen me zero pikë. Çka do të thotë se të gjithë kandidatët për studentë këtë vit nuk do të humbasin asnjë pikë në rast gabimesh, gjatë provimeve me zgjedhje. Sipas rregullores së re të Maturës Shtetërore, vlerësimi i përgjigjeve të nxënësve/kandidatëve në provimet e detyruara dhe me zgjedhje bëhet me pikë të cilat ekuivalentohen në notë. Ndërkohë që vlerësimi i çdo përgjigjeje të dhënë nga nxënësi/kandidati për kërkesën përkatëse, mbështetet në skemën e vlerësimit të përgatitur nga hartuesit e testeve. Skema e vlerësimit është një standard vlerësues i njëjtë për çdo nxënës/kandidat. Çdo përgjigje e plotë, e saktë ose e pjesshme e dhënë nga nxënësi/kandidati për çdo kërkesë, vlerësohet me pikë, sipas skemës së vlerësimit. Pas përfundimit të çdo provimi të Maturës, AVA i dërgon KMSH të DAR-it dhe ZA-së skemën e vlerësimit të testit.

Shqyrtimi

Çdo pjesëmarrës në provimet e Maturës Shtetërore, pas shpalljes së rezultateve të provimit, ka të drejtë të kërkojë një kopje të testit që ai ka zhvilluar me rezultatet përkatëse të vlerësimit. Për këtë, brenda 7 ditëve pas shpalljes së rezultateve të provimit, ai paraqet pranë KSHMSH-së një kërkesë, duke paguar një tarifë prej 400 lekësh për çdo kopje të testi, në sekretarinë e shkollës. KSHMSH, pasi grumbullon të gjitha kërkesat, i shqyrton ato rast pas rasti dhe i përcjell në KMSH pranë DAR/ZA-së, së bashku me një mandat-arkëtimi të përbashkët për të gjithë kërkuesit, për llogari të AVA-s. KMSH pranë DAR/ZA shqyrton kërkesat e paraqitura nga KSHMSH-të dhe i përcjell ato zyrtarisht tek AVA, shoqëruar me mandat-arkëtimet përkatëse. AVA, pasi merr kërkesat, dërgon në KMSH të DAR/ZA fotokopjet e testeve të kërkuesve. KMSH e DAR-it/ZA-s i përcjell këto fotokopje tek KSHMSH, i cili jep fotokopjen e tij kërkuesit. Çdo kërkues firmos për tërheqjen e fotokopjes së testit. Nisur nga procedurat e vlerësimit të testeve, vlerësimi i shpallur nga AVA, për çdo pjesëmarrës në provime, nuk do të rishikohet.

PROCEDURA E VLERËSIMIT TË TESTEVE

Neni 57

1- Vlerësimi i përgjigjeve të nxënësve/kandidatëve në provimet e detyruara dhe me zgjedhje bëhet me pikë të cilat ekuivalentohen në notë.
2- Vlerësimi i çdo përgjigjeje të dhënë nga nxënësi/kandidati për kërkesën përkatëse, mbështetet në skemën e vlerësimit të përgatitur nga hartuesit e testeve.
3- Skema e vlerësimit është një standard vlerësues i njëjtë për çdo nxënës/kandidat. Çdo përgjigje e plotë, e saktë ose e pjesshme e dhënë nga nxënësi/kandidati për çdo kërkesë, vlerësohet me pikë, sipas skemës së vlerësimit.
4- Nxënësi/kandidati vlerësohet me 0 (zero) pikë, kur jep përgjigje të gabuar ose nuk jep asnjë përgjigje.
5- Pas përfundimit të çdo provimi të Maturës, AVA i dërgon KMSH të DAR-it dhe ZA-së skemën e vlerësimit të testit.
6- KMSH-ja e DAR-it dhe ZA-së dërgon skemën e vlerësimit në KSHMSH, të cilat e afishojnë dhe informojnë çdo nxënës/kandidat për të.
7- Vlerësues të jashtëm vlerësojnë testet e provimit të Maturës.
8- Vlerësues i jashtëm për provimet e Maturës është çdo mësues i shkollës së mesme, pedagog ose specialist me përvojë në mësimdhënie në lëndën që zhvillohet provimi.
9- Drejtori i AVA-s emëron vlerësuesit e jashtëm dhe kryetarët e tyre.
10- Zgjedhja e vlerësuesve të testeve kryhet çdo vit. Numri i tyre është në varësi të numrit të testeve që vlerësojnë dhe kohës së shpalljes së rezultateve të vlerësimit.
11- Çdo vlerësues firmos në çdo test që vlerëson.
12- Para fillimit të procesit të vlerësimit të testeve, grupi i hartimit të testeve të AVA trajnon vlerësuesit e testeve.
13- Vlerësimi i testeve realizohet në mjediset që përzgjidhen nga AVA dhe miratohen nga Ministri i Arsimit dhe Shkencës, në kushte të përshtatshme dhe të sigurta.
14- Çdo test vlerësohet nga dy vlerësues.
15- Kur midis dy vlerësuesve ka ndryshime pikësh për të njëjtat kërkesa, kryetari i vlerësuesve të lëndës cakton një vlerësues të tretë, vendimi i të cilit është përfundimtar.
16- MASH-i ngre grupe monitoruesish të vlerësimit të testeve sipas lëndëve, të cilët në mënyrë të rastësishme monitorojnë testet e vlerësuara. Këta grupe gjithashtu shqyrtojnë rast për rast të gjithë testet që raportohen si të dyshimta për kopjim nga vlerësuesit e testeve.
17- MASH ngre komisione të posaçme (KOPOTED), që shqyrtojnë rast për rast të gjithë testet që raportohen si të dyshimta për kopjim nga vlerësuesit e testeve.
18- Për të gjitha parregullsitë që konstaton, secili KOPOTED informon MASH-in,i cili merr vendimin përkatës.
19- Procesi i vlerësimit të testeve mbikëqyret nga përfaqësues të Komitetit të Maturës Shtetërore.
20- Shpallja e rezultateve bëhet jo më shumë se 15 (pesëmbëdhjetë) ditë, pas çdo provimi të Maturës.


IX. ZHVILLIMI I PROVIMEVE TË DETYRUARA TË MATURËS SHTETËRORE NË SESIONIN E DYTË

Neni 58

Çdo DAR dhe ZA të paraqesë në AVA deri në datën 1 gusht listën e nxënësve maturantë që do të marrin pjesë në provimet e detyruara në sesionin e dytë,duke specifikuar për secilin lëndën (lëndët) që do të japë provim sipas formularit A1. Lista dorëzohet me shkresë zyrtare dhe në formë elektronike. Bashkë me këtë listë dorëzohet në AVA edhe lista e mjediseve ku do të zhvillohen provimet
Hartimi i testeve përfundimtare për provimet e detyruara të Maturës Shtetërore në sesionin e dytë bëhet nga persona të përcaktuar me urdhër të brendshëm të drejtorit të AVA-s. Në AVA bëhet shumëfishimi dhe paketimi i test-broshurave.
Shpërndarja e dokumentacionit të përgatitur nga AVA për provimet e detyruara të Maturës Shtetërore në sesionin e dytë bëhet sipas grafikut të hartuar nga ky institucion.
Dokumentacioni i provimeve tërhiqet pranë AVA-s 1 (një) ditë para datës së zhvillimit të provimit nga përfaqësues të autorizuar prej drejtorit të DAR dhe ruhet në ambiente të sigurta. DAR tërheqin edhe dokumentacionin e ZA që kanë në vartësi.
Provimet zhvillohen në mënyrë të përqendruar në mjedise, të përcaktuar nga DAR/ZA, duke zbatuar të njëjtat rregulla dhe procedura sipas “Rregullores së zhvillimit të Maturës Shtetërore”.
Dorëzimi i dokumentacionit të provimit të bëhet menjëherë pas përfundimit të provimit, njëlloj me skemën e tërheqjes.

X. KLASIFIKIMI I MATERIALEVE DHE RUAJTJA E SEKRETIT

Neni 59

Konsiderohen materiale të “klasifikuar”:
1- Fondi dhe banka e kërkesave të testeve.
2- Testet përfundimtare dhe skemat e vlerësimit të testeve përkatëse.
3- Kodet e sekretimit të prodhuara nga AVA.
4- Test-broshurat e plotësuara nga çdo nxënës/kandidat.
5- Pikët dhe notat përkatëse.
6- Baza e të dhënave të Maturës Shtetërore të AVA-s.

Neni 60

Në mjediset e AVA-së zbatohen rregullat e mëposhtme:
1- Lejohet hyrja në mjediset e AVA-s vetëm e personave të autorizuar.
2- Lejohet hyrja në mjedisin teknik vetëm e personave qe kanë lidhje me procesin e punës.
3- Hyrja në mjediset e AVA-s bëhet në mënyrë elektronike të kontrolluar.
4- Mjedisi teknik vëzhgohet nga kamera.
5- Ndalohet qëndrimi vetëm i një individi në mjedisin teknik.
6- Ndalohet mbajtja e celularëve, mjeteve të tjera të komunikimit dhe gjithçka tjetër që cenon sigurinë e procesit në mjedisin teknik.
7- Bëhet kryerja e kontrollit fizik gjatë hyrjes dhe daljes së personave në mjedisin teknik.

Neni 61

Për sigurimin e kërkesave të testeve zbatohen këto rregulla:
1- Nënshkrimi i kontratës individuale me çdo person që angazhohet në hartimin e fondit, bankës dhe kërkesave të testit përfundimtar.
2- Nënshkrimi i deklaratës nga punonjësit e AVA-s për konflikt interesi.
3- Ruajtja në kompjuter e materialeve të provimeve nga specialistët lëndorë, duke aplikuar elemente sigurie si fjalëkalime të shumëfishta, mungesë komunikimi elektronik dhe në rrjetë.
4- Ruajtja në kasafortë e tri seteve të testeve dhe skemës së vlerësimit.
5- Paketimi me elemente sigurie i materialeve të provimit.

Neni 62

Personat fizikë e juridikë, të cilët janë në kontakt të drejtpërdrejtë me materialet e konsideruar të “klasifikuar” sipas pikave të nenit 59, janë të detyruar të veprojnë në përputhje me këtë Rregullore. Në rast shkeljeje, i kalohen organeve të drejtësisë për ndjekje penale.

XI. REGJISTRIMI DHE RUAJTJA E TË DHËNAVE

Neni 63

Për qëllime të mbikëqyrjes dhe të përmirësimit të provimit të Maturës, AVA mban të dhënat e çdo nxënësi/kandidati, të vlerësuesve të jashtëm dhe të mjediseve ku janë realizuar provimet e Maturës si dhe rezultatet e çdo nxënësi/kandidati në këto provime.
AVA mbledh, përpunon, ruan të dhënat personale dhe çdo shënim tjetër. Këto përdoren nga AVA për qëllime administrimi dhe analiza të provimeve të Maturës nga MASH-i dhe institucione të tjera shtetërore
Të dhënat personale u jepen institucioneve të arsimit të lartë për qëllime regjistrimi në këto institucione dhe mbikëqyrjen e arritjeve të kandidatëve, mbështetur në kërkesën me shkrim nga një institucion i arsimit të lartë dhe me miratimin e kandidatit.
Të dhënat personale të çdo nxënësi/kandidati dhe vlerësuesve të jashtëm janë konfidenciale.
Informacioni dhe renditja e shkollave sipas rezultateve të çdo nxënësi/kandidati është konfidencial.

XII. NJOHJA ME REZULTATET E POVIMEVE TË MATURËS SHTËTËRORE

Neni 64

Çdo pjesëmarrës në provimet e Maturës Shtetërore, pas shpalljes së rezultateve të provimit, ka të drejtë të kërkojë një kopje të testit që ai ka zhvilluar, me rezultatet përkatëse të vlerësimit. Për këtë, brenda 7 ditëve pas shpalljes së rezultateve të provimit, ai paraqet pranë KSHMSH-së një kërkesë duke paguar një tarifë prej 400 lekësh për çdo kopje të testi, në sekretarinë e shkollës.
KSHMSH, pasi grumbullon të gjitha kërkesat, i shqyrton ato rast pas rasti dhe i përcjell në KMSH pranë DAR/ZA-së, së bashku me një mandat-arkëtimi të përbashkët për të gjithë kërkuesit, për llogari të AVA-s. KMSH pranë DAR/ZA shqyrton kërkesat e paraqitura nga KSHMSH-të dhe i përcjell ato zyrtarisht tek AVA, shoqëruar me mandat- arkëtimet përkatëse.
AVA, pasi merr kërkesat, dërgon në KMSH të DAR/ZA fotokopjet e testeve të kërkuesve. KMSH e DAR-it/ZA-s i përcjell këto fotokopje tek KSHMSH, i cili jep fotokopjen e tij kërkuesit. Çdo kërkues firmos për tërheqjen e fotokopjes së testit.
Nisur nga procedurat e vlerësimit të testeve, vlerësimi i shpallur nga AVA, për çdo pjesëmarrës në provime, nuk do të rishikohet.

XIII. ARKIVIMI I DOKUMENTEVE TË PROVIMIT TË MATURËS

Neni 65

Çdo dokument i provimit të kandidatit arkivohet si dokument sekret në arkivin e AVA-s deri më 31 dhjetor të vitit ku çdo kandidat i nënshtrohet provimeve të

Maturës Shtetërore.

Pas datës 1 mars të vitit në vazhdim, AVA eliminon çdo test-broshurë të çdo nxënësi/kandidati.

Neni 66

Kjo rregullore zbatohet duke filluar nga viti shkollor 2006-2007.

Tirana Observer

[Olimp]

hmmmmmmmmmmm pasi bashkova emrat e kisha haruar fare qe e kisha hap une kete teme ne ate kohe kam qene edhe une maturant domethene duhet te jepja provimet per tu pranuar ne Universitet dhe tashme ja ku jam nje nga studentet shqiptar
Urime per ata qe jane me provime edhe ishalla marin ndonje shkoll te mire

[Ozzy]

per mendimin tim ky provimi shteteror eshte nje nga gafat me te mdha qe ka bere politika shqiptare me ne krye Gencin.

nuk di te kete ne ansje vend ne perendmi nje provim te tille.
matura shtetrore eshte dicka shume absurde pa pike funksioni.