Dardha, Dardharet dhe Vipat

[Brari]

Shekulli

Historia e ish-kampit të punëtorëve, vilës së viteve ’30, ku kishte ballo dhe pritje mondane në epokën e Zogut dhe që tani përpiqen ta ringjallin Shadije dhe Pandi Batelli

Batellët, të jetosh në oazin e margaritave


Belina Budini

DARDHË - Ka nga ata që ngjiten në lartësinë 1 344 metra mbi nivelin e detit për të shijuar një copë lakror me dy peta, të pjekur në saç, specialitet i zonës dhe i kuzhinieres së ish-kampit të punëtorëve, Shadijes. Megjithëse drejtor i këtij kampi për njëzet vjet me radhë ka qenë i shoqi, Pandi Batelli, një dardhar i vjetër, këto 15 vitet e fundit revanshin e ka Shadija me gatimet e saj. Ish-mësuesja e gjeografisë, tanimë rreth të 60-ve, ua servir gatimin e saj klientëve të paktë në një prej pikave më të bukura të fshatit Dardhë, mes një xhungle, fatmirësisht jo më urbane, por natyrore dhe ku mbretërojnë margaritat, lulet e bardha, të cilat ia dhuron pa kursim këtij parku natyra dhe që mrekullojnë vizitorët.
Pasi ka përgatitur lakrorët dhe gjellët për presidentin e Republikës, Alfred Moisiun, klient i kësaj fundjave në restorantin e saj, Shadija rrëfen për “Shekullin”, se si bashkë me të shoqin po përpiqet të rikthejë klientët e munguar në ish-kampin e punëtorëve, një shtëpi e ndërtuar në 1930-ën dhe që jetën e saj të parë e ka pasur gjatë “Belle Epoque”, siç mbahet mend periudha e Zogut në këtë vend. Atëherë kur, siç tregon Pandi Batelli, ish-drejtori i kampit dhe siç dëshmojnë edhe fotografitë e vjetra, në këtë shtëpi paksa muzeal që tani shërben si hotel modest dhe si restorant, organizoheshin festa mondane dhe ballo për të cilat ende flitet si për një magji të largët nga më të moshuarit.
Mandej në atë shtëpi jo fort të madhe, siç tregon Pandi dhe Shadija, priteshin deri në 200 punëtorë, nga ata të dalluarit që kishin fatin të “arratiseshin” së paku në kufijtë e regjimit, aty në Dardhë. Tani, në epokën e tretë të jetës së kësaj ngrehine me arkitekturë moderne për kohën kur u ndërtua, ata që e vizitojnë janë kryesisht klientë fundjavash, më së shumti nga Tirana, disa prej të cilëve të përhershëm dhe që nuk e lënë të shuhet jetën në këtë fshat-pyll. Shtëpia e Batellëve është njëri nga dy ambientet që mbajnë gjallë turizmin në këtë fshat, ndërsa janë drejt fundit punimet për një hotel të ri pretencioz. Një dynym është hisja e çiftit Batelli nga kjo natyrë e harlisur, tokë të cilën Pandi tregon se e pati blerë në krye të herës i ati, Jani Batelli, emigrant në Amerikë, i rikthyer në vendlindjen e tij në fshat në 1929-ën gjatë viteve të krizës.
Si emigranti i Amerikës i Dhimitër Anagnostit, në këtë filmin e fundit autentik, edhe Jani Batelli u kthye për të sjellë pakëz liri dhe ndryshim në fshatin e tij të lindjes. Dhe e filloi me një ndërtim modern, që shumë shpejt u bë i preferuar edhe për elitën e kohës. Pikërisht në 1929-ën u hap rruga që ende të shpie deri lart në Dardhë dhe Batellët, tregojnë se për shtrimin e saj punonin shtatë forde dhe se përfundoi shumë shpejt së ndërtuari. Por Jani, dardhari emigrant i Amerikës, nuk u mjaftua me kaq dhe, bashkë me një ortak nga Boboshtica, hapi një kafe-pijetore që e pagëzoi me ermin “Dardha”, edhe në Tiranë, pikërisht pranë ish-kinema “17 Nëntorit”.
Por fshati nuk ka pasur gjithmonë një natyrë kaq të harlisur, siç tregon Pandi Batelli, duke shtuar se madje vendi ku ndërtoi babai i tij i ngjante më tepër një gremine, të tilla që ende të zë syri mes gjelbërimit në Dardhë. Duket se Jani Batellit i është dashur të punojë dhe investojë shumë për atë shtëpi që përbën zemrën e fshatit të sotëm turistik, ndërsa një përpjekje të ngjashme për ta mbajtur gjallë janë duke bërë edhe trashëgimtarët e kësaj shtëpie. Me thjeshtësi dhe modesti dhe vetëm me muzikë shqiptare në sfond, ata përpiqen t’i afrojnë Dardhës turistët e munguar.

Moisiu me helikopter, vilat e Blushit dhe Ramës

VIP-at në Dardhë

Presidenti Alfred Moisiu ka zgjedhur Shqipërinë, por paksa në mënyrën e Nanos, për të kaluar të dielën e 28 majit, kur me një helikopter, ambulancë ushtarake, makina dhe një numër shumë të madh shoqëruesish është ngjitur në fshatin Dardhë të Korçës, ku ka drekuar me miqtë e tij dhe njerëz të familjes përreth 3-4 orë. Ndonëse është e njohur deviza e tij për ruajtjen e dinjitetit të shtetit në prezantimet e veta publike dhe private, operacioni-fundjavë i presidentit shqiptar duket të jetë ca i kushtueshëm, kur sheh një numër të pazakontë mjetesh ushtarake dhe shoqëruesish, që dukej sikur kishin rrethuar të gjithë fshatin, deri të fshehur edhe pas pemëve në distanca të largëta nga vendi ku drekonte presidenti. Në fakt, siç kujtojnë banorët e këtij fshati, Enver Hoxha ka qenë vetëm dy herë në këtë fshat për pushime të shkurtra, ndërsa në dispozicion të udhëheqjes ishin rreth 10 shtëpi të shtetëzuara të dardharëve dhe disa vila të tjera speciale që liroheshin kur kishte rast. Vizitorët e rinj VIP të Dardhës kanë tanimë edhe vilat e tyre atje. Ndërsa klientë të herëpashershëm janë edhe prokurori Dhori Sollaku apo artistë e njerëz të ekranit si Adi Krasta apo Sajmiri i Fiksit apo edhe Teodor Laço, një dardhar me origjinë dhe djemtë e tij, Bledar dhe Pandi Laço.





30/05/2006
KATEGORIA: Metropol
Pas ardhjes së disa njerëzve publikë, me vilat e tyre, në fshat funksionon edhe telefoni, ka ujë të pijshëm dhe është shtruar një pjesë e mirë e rrugës

Dardha, fshati-pyll të cilit po i rikthehen njerëzit


Belina Budini

DARDHË – Një shkrimtar me origjinë nga Dardha e ka quajtur, pa kursim, margaritar dhe jo thjesht pse është vendlindja e vet dhe shtëpia në të cilën është rikthyer. Tek e fundit, nuk është i vetmi i dashuruar pas këtij fshati me emër të ëmbël që më shumë sesa fshat, është një pyll. Edhe pse tani dimrit nuk i mbeten më shumë se 40 banorë, ndërsa verës bëhen edhe 100, dardharët vetë rrëfejnë se diçka po ndryshon, ndërsa fshatit i janë afruar edhe VIP-at, sinjali i telefonisë celulare, uji i pijshëm nëpër shtëpi dhe pjesa më e madh e rrugës që të shpie atje është shtruar me asfalt, madje është rritur edhe çmimi i tokës dhe i shtëpive, ndërsa janë shtuar ata që duan të kenë një strehëzë të tyren në atë fshat-pyll.
Dardha sot
Mjaft prej shtëpive duken si të braktisura, por dardharët thonë se janë të shumtë ata që po kthehen për t’i restauruar. Tani një fshat i vogël, ku nuk kanë mbetur më shumë se 40 shtëpi, siç tregojnë librat e historisë dikur, në fund të viteve ‘800, Dardha konsiderohej fshati më i madh i krahinës së Korçës, me 1 454 frymë dhe numëronte jo më pak se 400 shtëpi. Vetëm 20 kilometra në juglindje në Korçës, në një lartësi prej 1 344 metrash mbi nivelin e detit, fshati malor i Dardhës figuron prej kohësh në atraksionet turistike shqiptare, edhe pse i harruar për një kohë të gjatë.
Një të diel vere në Dardhë mund të gjesh ende pranverën dhe nuk mungojnë njerëzit që shkojnë për ta kërkuar stinën ikanake, atje lart. Një pjesë e vizitorëve, ata që zakonisht janë banorë të Korçës dhe krahinës, ndalen pakëz më poshtë, në një lëndinë ku kanë krijuar një lloj kampi të vogël, ndërsa pjesa tjetër, vizitorët më të largët, preferojnë të shkojnë edhe më lart, në zemër të fshatit, për të shijuar gjithçka deri në fund. Edhe pse kjo pjesë e rrugës së mbetur ende nuk është shtruar dhe për shkak të reve të pluhurit që ngre era e pamungueshme, është më mirë t’i mbash xhamat e makinës mbyllur! Rrugës kryqëzohesh rrallë edhe me vizitorë më individualë, që nuk zgjedhin as lëndinën, as fshatin, por hapësirën e ndërmjetme, duke i marrë pyllit më shumë intimitet.
I vështirë në dimër, por jo më pak i bukur në verë, ky fshat margaritash bëhet lehtësisht i arritshëm, ndërsa në muajin gusht gjallërohet edhe më nga një festë tradicionale, ajo e Shën Mërisë. Ajo organizohet në atë që është pagëzuar si Sheshi i Valleve dhe pret festuesit në datën 15 gusht. Kisha e Dardhës e njohur, me emrin Kisha e Shën Gjergjit dhe një punim i rrallë i saj, kanë mundur të mbijetojnë, edhe pse gjatë regjimit komunist ishte shndërruar në depo ushtrie. Midis burimeve të ftohta të ujit, njëri prej tyre, i quajtur “Uji i Qelbur”, përdoret si ujë kurativ për stomakun dhe veshkat. Shtëpitë janë të ndërtuara me gurë dhe karakteristike të zonës, ndërsa specialiteti është pikërisht lakrori i gatuar me dy petë dhe i pjekur me saç.
Ka nga ata që e preferojnë sidomos në stinën e dimrit Dardhën dhe janë më të pasionuarit pas skive dhe dëborës, e cila ende nuk ishte shkrirë në majat e malit të Gramozit. Ndërsa është duke u ndërtuar një hotel i ri për pushuesit, dardharët tregojnë se afro 30 banesa të reja janë restauruar këto vitet e fundit dhe se një pjesë e tyre shfrytëzohen për turizëm familjar. Niko Balli është njëri nga dardharët që ka investuar për ndërtimin e një hoteli alpin me 5 kate dhe duket se janë pikërisht dardharët ata që po investojnë në fshat.
Historia
Fshati Dardhë është një fshat jo shumë i vjetër dhe është themeluar e shtuar prej të “ikurve”, rebelëve që përndiqeshin nga Turqia, më së shumti për arsyen se nuk donin të ndryshonin fenë. Emri “Dardhë” vjen nga një gojëdhënë që thotë se kryengritësit që themeluan Dardhën, ku gjetën strehë rreth një stani, kur i pyesnin “ku gjendeni”, thoshin “Tek Stani nën dardhë”. Bëhet fjalë për një dardhë të egër që gjendej atje, ndërsa dëshmia e parë historike gjer tani gjendet në enciklopedinë greke Pirsos, ku thuhet: “Në Dardhë, fshat shqiptar, u hap shkolla greqisht më 1768-ën”.
Në fillim të shekullit XX, Dardha numëronte 400 shtëpi. Profesioni i parë i dardharëve duket se ka qenë ai i druvarit. “Me karvane prej 20-30 vetash, me mushka, të armatosur, u nisën fillimisht drejt pyjeve të zonave greke, atëherë ende nën Turqinë. Që nga viti 1800 deri në 1935-ën, në Olimp punonin ende sharrat e dardharëve, jo dosido, por me teknikën më të mirë të kohës, me ujë, aq sa mbeti edhe shprehja e njohur “Ia pret me sopatën e dardharit”, - shkruan për fshatin e vendlindjes së tij shkrimtari Teodor Laço.
Dardha, siç shkruan Laço, mburret me origjinën që nga e folura deri te veshjet, këngët e vallet. Studimi i arkitekturës së fshatit dëshmon për një model të veçantë të stilit evropian që haset edhe në fshatra të tjera të Jugut. Pamja që shfaqin ndërtimet dhe urbanistika e fshatit, ndërtesa solide, të bukura, prej guri të gdhendur e mbuluar me ploça të hirta, rrugët me kalldrëme, krojet e shumta, punishte për zeje kryesore, njësitë tregtare deri në fillim të viteve ‘40 i jepnin fshatit pamjen e një qyteze të lulëzuar, ndonëse për shkak të ikjeve në mërgim popullsia tani mezi arrinte 1 000 vetë.

Pak gjeografi

Dardha është një fshat malor midis maleve e pyjeve, një bukuri e rrallë natyrore. 20 km në juglindje të Korçës, në një lartësi 1 344 m, Dardha ofron një klimë shumë të shëndetshme e ajër të pastër. Sportet dimërore, sidomos skitë, tërheqin turistë të apasionuar pas tyre. Gjelbërimi dhe freskia e ditëve të verës, por dhe dimri me shumë dëborë, e bëjnë një vend të preferuar në të gjitha stinët e vitit. Midis burimeve të shumta në këtë fshat është edhe i quajturi “Uji i Qelbur”, që shërben si ujë kurativ për stomakun dhe veshkat. Shtëpitë e gurta, karakteristike, plotësojnë bukurinë e këtij fshati, por edhe njerëzit janë shumë mikpritës dhe gatuajnë specialitete karakteristike të fshatit




30/05/2006
KATEGORIA: Metropol

[miko]

Shekulli

Moisiu me helikopter, vilat e Blushit dhe Ramës (?!)

Presidenti Alfred Moisiu ka zgjedhur Shqipërinë, por paksa në mënyrën e Nanos, për të kaluar të dielën e 28 majit, kur me një helikopter, ambulancë ushtarake, makina dhe një numër shumë të madh shoqëruesish është ngjitur në fshatin Dardhë të Korçës, ku ka drekuar me miqtë e tij dhe njerëz të familjes përreth 3-4 orë. Ndonëse është e njohur deviza e tij për ruajtjen e dinjitetit të shtetit në prezantimet e veta publike dhe private, operacioni-fundjavë i presidentit shqiptar duket të jetë ca i kushtueshëm, kur sheh një numër të pazakontë mjetesh ushtarake dhe shoqëruesish, që dukej sikur kishin rrethuar të gjithë fshatin, deri të fshehur edhe pas pemëve në distanca të largëta nga vendi ku drekonte presidenti.

Ky fragment i artikullit jo vetem se nuk pasqyron te verteten por e shtremberon/deformon ate ne nje menyre te tille saqe le te kuptohet qe eshte bere e qellimshme.Eshte e qellimshme kjo "lufte" nen rrogoz kunder kreut te shtetit i cili realisht qendron shume me lart se te ashtuquajturit politikanet tane.Personalisht duke lexuar me kujdes shkrimin ve re qe pervec "dekorimeve" te artikullit me pejsazhet dhe historine e Dardhes,autori e ka percjelle mjaft bukur dhe mesazhin qe eshte komanduar ti sjelli lexuesit.Eshte nje mesazh denigrimi ndaj figures se z.Mojsiu dhe njekohesisht ndaj institucionit te Presidentit si Kreu i shtetit.Eshte nje levizje e qellimshme ndaj njeriut i cili ruan me kaq veshtiresi e mund balancat institucionale,e mundohet njekohesisht tu mesoje kucedrave/politikaneve tane se ka ardhur koha per maturitet e prosperitet politiko-shoqeror.Por jo,njerez te nuk dine te respektojne institucione..nuk dine te respektojne as njeriun qe qendron shume me lart se ata.


Lexova paragrafin me kujdes dhe nuk pashe asnje fjale per "vilat" e Rames apo te Blushit.Dhe me teper e shkrimi e vendos kreun e shtetit perkrah opozites,sikur do te na thote dicka.Pse atehere vihen tituj mashtrues dhe aspak te vertete,apo mos ndoshta per te arritur ne rezultatin e kerkuar?!

Ne foto duket qarte "luksi" me te cilin eshte pritur Presidenti i Republikes.Duket qarte karrigja e vjeter ne te cilen eshte ulur,duket qarte tavolina e thjeshte me nje buqete lule ne mes te saj,duket qarte kavanozi ne te cilen jane vene lulet,duket qarte pritja "madheshtore" qe i eshte bere kreut te shtetit....

Keshtu qe nuk na ngel asgje tjeter vecse te "urojme" autorin e artikullit,dhe komanduesit e tij.

T'ju vije turp,t'ju vije...

Ps.Fotoja eshte marre nga www.president.al

[Humdinger]

Për të vënë pikat mbi "I" ndaj gabimeve në artikullin të Belina Budinit, për Dardhën.
Së pari, Shadija, është e ardhur në Dardhë nga fshati Arrzë (pranë Dardhës)
Shtëpia e Batellit, nuk është Ish Turizmi (siç e kanë quajtur dardharët, prej ndërtimit të saj), por gjëndet në thellësi të fshatit Dardhë,(komshi me Millonët dhe Dunka) që nuk është aspak fshat "pyll" siç e përshkruan Belina, por një fshat i ndërtuar bukur, që rrihet nga erërat e jugut me një pamje mjaft piktoireske.
Ish Turizmi i Dardhës, u ndërtua vërtet nga Jani Batelli, që u kthye nga Amerika dhe gjatë Luftës Së Dytë botërore, ishte një nga aktivistët e fuqishëm të lëvizjes, shok i Pandi Dardhës dhe Kristo Isakut (të dy dëshmorë).
Jani Batelli, nuk kishte hapur asnjë lokal në Tiranë, por kishte vetëm Turizmin e Dardhës, atë ndërtesë që sot i biri, Pandi me të shoqen, Shadijen, mundohen ta mbajnë dhe ti japin jetë, për të jetuar edhe ata me të ardhurat e pakta që nxjerrin. Restorantin, apo lokalin pranë kinema "17 Nëntorit", e hapi dardhari tjetër, Niko Jorgaqi.
Në vitet 1925-30, emigrimi i dardharëve, mori një hov të madh drejt brigjeve të Amerikës, sidomos drejt USA... me fondet e mbledhura prej tyre, u ndërtua rruga Korçë-Dardhë, 19 km e gjatë. Gjatë asaj kohe, në fshat ishin afro 400-450 familje dhe kishte disa dyqane dhe restorante, si edhe 7 makina private, të cilat ndihmonin shumë në jetën e fshatit qoftë edhe me transportin e njerzve Dardhë-Korçë dhe kthim.
Gjatë luftës së Dytë botërore, ky fshat përkrahu luftën dhe i kushtoi 26 dëshmorë.
Pas çlirimit, banorët e këtij fshati, nxorrën rreth 800 kuadro të lartë (deri në vitet '70).
Në këtë fshat u hap kampi i punëtorëve, brenda godinave të të cilit, bënte pjesë edhe ish Turizmi i vjetër, që sot administrojnë Pandi dhe Shadija dhe për të cilin flitet edhe në shkrimin e mësipërm. Godinat e kampit ishin shtëpi të cilat u restauruan nga shteti asaj kohe dhe që ishin godina të shpërndara në fshat... menca dhe një pjesë e kampit, u bë edhe ish kisha e Dardhës.
Gjatë atyre viteve kishte gjallëri sezoni veror në Dardhë, sidomos në muajt korrik dhe gusht, me aktivitete kulturore, mbrëmje, ballo, serenata ( që ishin aq të veçanta) në të cilat, Teodor Laço ishte një nga ata që mbante gjallë këngën për gjithë natën, pa përsëritur për së dyti të njëjtën këngë.
Përmenden emrat e Ligoraq Kondës, Teodor Laços, Vaso Velo, të Stefanit, të Zengos dhe plot e plot të tjerë që për shpejtësi nuk po ju përmend emrat.
Pandi Batelli, në profesionin e tij të mësuesit, u caktua të jetë drejtori i kampit të punëtorëve, detyrë të cilën e mbajti për 2 dekada.
Në Dardhë ka qenë vetëm një shtëpi pritjeje (dhe jo 10 siç na i nxjerr Belina) dhe kjo ka qenë shtëpia e Gaqo Kondës, ish emigrant në USA, gjyshi i Gjergj Kondës (ish zv ministër i ekonomisë në qeverinë e stabilitetit në 1992).
Në këtë fshat, gjithkush mund të shkojë dhe të ndërtojë shtëpi dhe të ketë pronën e tij turistike apo rezidencën e parë.
Dardha ka qenë e frekuentuar gjithnjë dhe faktikisht i takon të jetë e tillë sepse ka vlera kuruese dhe çlodhëse.
Dardha bën pjesë në fashtrat e vargmaleve të Moravës dhe jo të Gramozit siç e ka cilësuar Belina.
Kroi, apo burimi i ujit të qelbur, është kurativ, për stomakun, veshkat dhe mëlçinë. Ai ishte një burim i thjeshtë me ujë me erë squfuri, brisk i ftohtë... Pandi Paze, emigrant në USA, financoi për ta ndërtuar krua, rreth viteve '70.
Ujsjellsi i Dardhës funksionon që në vitet 30 dhe u financua gjithashtu nga djemtë dardharë të ikur në USA. Uji nuk i ka munguar dhe nuk i mungon kurrë krojeve të Dardhës dhe bëhem garant se është uji më i ftohtë që mund të gjeni në Shqipëri, duke ja kaluar dhe atij të Qafë Malit në veri.
Më i miri dhe më ujëshumi, është kroi i Zengos, i cili gjendet pranë muzeut të Dardhës (shtëpia e Sotir Panit).
Në Dardhë, është akoma pista kombëtare e skive. Ka qenë i preferuar, për sportistët në vitet e shkuara... në të vinin për një muaj stërvitje në dimër, shkolla e mjeshtrisë sportive të Durrsit, si edhe ILKF-ja.

... nëse jeni kurreshtarë të dini më shumë, do mundohem t'ju sjell foto dhe historinë e Dardhës (të cilën e botuan në vitet '70 pas afro 6 vjet kërkimesh në vendet fqinje, nga vetë dardharët)

Në foton më lart të Mikos:
Në krahun e majtë të Mojsiut, është kryeplaku aktual i Dardhës, Urimi. (i ardhur edhe ky në Dardhë nga Arrza).
Vlen të përmendet se Dardharët, janë 100% ortodoksë dhe ky fshat u krijua nga njerëz që nuk deshën të ndrrojnë fenë në kohën e reformave të Turqisë.
Psh, fisi i Zengove, ka zbuluar që prejardhjen e tij, e ka diku nga Kruja (flitet për afro 300-400 vjet më parë)

PS:
I bashkohem Mikos, për politizimin që ju bë kësaj teme dhe që faktikisht ka të bëjë me njohjen apo rinjohjen e një fshati me tradita të hershme në Korçë. Nëse doni politizime për pushtetarët, apo presidentin apo këdo politikan tjetër, gjeni diçka më të afërt, sesa një artikull që flet për natyrën, njerzit dhe jetën e një pjese të vendit.

[miko]

I bashkohem Mikos, për politizimin që ju bë kësaj teme dhe që faktikisht ka të bëjë me njohjen apo rinjohjen e një fshati me tradita të hershme në Korçë. Nëse doni politizime për pushtetarët, apo presidentin apo këdo politikan tjetër, gjeni diçka më të afërt, sesa një artikull që flet për natyrën, njerzit dhe jetën e një pjese të vendit.

O Humo kaq naiva jeni ne pergjithsi ju korcaret,apo ju ka bere ameriqia se fundi?

E di pse?

Se po ta lexosh me kujdes shkrimin,do veresh qarte se autorja nuk ka dashur ose nuk ka pasur qellim paresor te evidencoje historine apo dhe mundesine per zhvillim te zones perkatese,por te hedhi sulmin e rradhes ndaj kreut te shtetit,i cili duhet theksuar qe jo vetem eshte me maturi,me asnjenesi por dhe me popullori ne historine e Shqiperise postkomuniste.

Dhe nje fakt tjeter,shiko se kush e ka sjelle shkrimin ne forum...duket mjaft qarte se cila eshte "taktika" e lapaqensave qe marrin rroge per te hedhur balte mbi ruajtesit e institucioneve dhe rendit kushtetues.

Une do e mbyll ketu me dicka te fundit.Mos hidhni balte mbi gjithkend qe nuk ju vjen mbas avazit.Respektoni figurat e shquara,respektoni institucionin me te larte te vendit,respektoni kushtetuten,sepse ne kete menyre respektoni dhe vetveten,duke u menjanuar keshtu sadopak nga interesat e cekta/primitive politike.

[Leila]

...................... nevermind

[Humdinger]

O Humo kaq naiva jeni ne pergjithsi ju korcaret,apo ju ka bere ameriqia se fundi?

Ty të shpëtoi pa dashje kjo që the, apo e ke seriozisht??
Sesa naivë janë shqiptarët, të rekomandoj të lexosh historinë e tyre, që të mësosh pak për ta dhe të mos flasësh nga VAPA siç ke bërë në shkrimin më lart.
Shkrimi i Belina Budinit, nuk kishte asgjë për tu "zbuluar" apo hulumtuar, por si duket ti, nuk ke lexuar si duhet atë që shkrova unë, kështu që ke të drejtë të ngatërrohesh, në ato që thua.
Kur korçarët ore ti djalkë, udhëtonin me veturat e sjella nga USA, ata të tutë i hidhnin bar makinës përpara që ta hante, se e merrnin për lloj mushke (kështu bënë kur panë makinë për herë të parë).
Ja lexo cackë më shumë dhe pastaj, mundohu ti quash naivë korçarët... dhe që të mos kesh më reagime të tilla nga vapa, futi një ujë të ftohtë fytyrës andej nga Shkumbini, se të bën mirë.
Na mbyti zgjuarsia na mbyti...

[miko]

M'paskeni repliku familjarisht mesa shoh

Si fillim nje keshille shoqerore.Mos merr flake se ato shashkat pa kapur mire thelbin e shkrimit.Nuk te kundershtova thjesht u mundova te evidencoj qellimin paresor te autores.Respektoj shkrimin tend te dobishem per Dardhen por ishe ti ai qe nuk e kapi mesazhin e autores.Pastaj,nuk e dinkam qe termi "naiv" qenka kaq ofendues... apo ndoshta e ke keqinterpretuar ti.Nejse,pak me intereson..

Ty të shpëtoi pa dashje kjo që the, apo e ke seriozisht??
Sesa naivë janë shqiptarët, të rekomandoj të lexosh historinë e tyre, që të mësosh pak për ta dhe të mos flasësh nga VAPA siç ke bërë në shkrimin më lart.

Qetesohu,merr fryme thelle.Kush zuri ne goje "naivitetin e shqiptareve?

Kur korçarët ore ti djalkë, udhëtonin me veturat e sjella nga USA, ata të tutë i hidhnin bar makinës përpara që ta hante, se e merrnin për lloj mushke (kështu bënë kur panë makinë për herë të parë).

Eo e,mja mo se e morem vesh qe je pe Korce.Une cti bej nuk kam as maqine as te paret e mi mushka keshtu qe ke rene jashte.lol

Ja lexo cackë më shumë dhe pastaj, mundohu ti quash naivë korçarët... dhe që të mos kesh më reagime të tilla nga vapa, futi një ujë të ftohtë fytyrës andej nga Shkumbini, se të bën mirë.
Na mbyti zgjuarsia na mbyti...

Cacke = ?

Ore djalke pe Korce,do rish urte ti apo si e ke hallin.Te kemi dhene cupken,te kemi bere tonin,dhe na shan dhe Shkumbinin.Do rric urte ti apo si e ke hallin,se ne mund te ikim per uje te "ftohte" dhe eventualisht per per ndonje zhytje ne thellesine (kame e dur deri n'brez) ne Shkumbin,por do te cojme tek Gorga tna kapesh peshq...lol (j/k)

PO e mbyll ktu une kete debat,se sja vlen me.Kalofsh mire