Situata në Iran

[ATMAN]

Bazat e shteteve të bashkuara që nga Romania tek Bulgaria: shtrat lançimi për një sulm kundra Iranit

Një bazë ajrore në Romani (Mihail Kogalniceanu) e dy në Bullgari (Bezmer e Graf Ignatievo) të vendosura nga dy Shtete në shërbim të Washingtonit, do i shërbejnë aviacionit amerikan si zona të mundshme ushtarake sulmi kundra vendosjeve civile, bërthamore e naftambajtëse, të Iranit.



Sulmi mund të vijë në prill të 2007, siç supozon britaniku Sunday Herald, duke cituar lajme të qarkulluara nga agjencia Novinite.com e Sofia e të rimarra nga një gazetë arabe në gjuhë angleze, Arab Times. Rreziku i afërm i një sulmi të tillë është komfermuar, sipas publikimit britanik, nga një "burim zyrtarë amerikan". Nga ana tjetër edhe këtu në Bukuresht dallohet një farë përshpejtimi i politikave të egërsisë atlantike e anullimit të sovranitetit kombëtarë.
Nëpër gazetat rumune, edhe sot lexohet përmes rreshtave - nëpër komentet e letrës së famshme të "gjashtë ambasadorëve" (duke përfshirë ato rumunë) e qeverisë së Romës për një komfirmim të angazhimit në Afganistan - që po të njëjtët lëvizje trupash të urdhëruar nga presidenti i Shba-së George W. Bush nuk mund të jenë një diversion i thjeshtë, por një përgatitje prej së vërteti ndaj një sulmi kundra Iranit. Në mbështetje të këtyre spekullimeve citohen lajmet mbi përforcime e rradhitje të trupave amerikane nëpër botë.
Mes të tjerash, në Bullgari flitet tashmë për një zanafillë montimi hangaresh e serbatorësh me lëndë djegëse për bombarduesit, njëkohësisht me mbërritjen e trupës së parë prej 3000 ushtarësh amerikanë, që priten të vijnë në fund të marsit në bazat e vendosura në dispozicion të amerikanëve sipas marrëveshjes së nënshkruar mes Washington-it e Sofia-s vitin e kaluar.
Edhe në Romani, ndërkohë, në bazën Mihail Kogalniceanu janë në zhvillim të plotë punimë për zgjërimin e kompleksit ushtarak, me një vlerë që kap shifrat e katër milion euro. Angazhimi maksimal do arrihet mes 11 marsit e 10 prillit, kur pista e aerodromit do modernizohet e aeroporti ndërkombëtarë Mihail Kogalniceanu do mbyllet përkohësisht.
Drejtori i aeroportit, Corneliu Balan, ka refuzuar t'i konfermojë agjencisë rumune Mediafax çfarëdolloj lidhje mes punimeve e pranisë ushtarake amerikane. Por lidhja del në dukje nga marrëveshja rumuno-amerikane i dhjetorit të 2005 sipas së cilës 1500 ushtarë amerikanë do mbërrijnë në Rumani brenda 2008. Ushtarët, ashtu si në Bullgari, duhet të stërviten e të jenë të gatshëm për angazhime (agresive) të shpejta në çfarëdolloj zone konflikti e rreshtimi më i mundshmi - s'është e nevojshme t'a nënvizojmë - është në Lindjen e Mesme.
Do përdoren selitjet ushtarake të Babadag, Mardan e Cincu dhe, njëkohësisht, në aeroportin Kogalniceanu duhet të ruhen aeroplanët gjuajtës amerikanë e do vendoset personeli ushtarak i US Air Force. Këto janë disa nga shumë lëvizjet e vendosura nga Pentagoni e që i janë raportuar shtypit lokal pas shërbimit të Sunday Herald. Po e njëjta gazetë angleze, vëreni mirë, kishte përshkruar se "Romania", një tjetër vend pranë Detit të Zi që strehon një bazë ushtarake amerikane (...) është një element jetësorë në skenarin e sulmit ndaj Iranit".
Duke u bazuar në këtë skenar, krahu tjetër i pincës që atlantikët duan t'a shtrëngojnë përreth Iranit e që është kompletuar përmes lajmit të dhënë nga Bush përsa i përket spostimit në Gjirin Persik të aeroplano-mbajtëses amerikane USS John Stennis (me tetë skuadrilje në bord e i shoqëruar nga 7 kryqëzorë e fregata, prej dy nëndetësesh). Për më tepër nuk është e rastësishme që për të parën herë në shkurt të 2003, në ujrat ndërkombëtare afër Iranit ndodhen dy grupe detare të drejtuara nga aeroplano-mbajtëse (tjetra është USS Dwight Eisenhower). Efektivët e amerikanëve tek Gjiri ndërkohë i janë shtuar edhe 16.000 njësi të tjera e Teherani e di që bëhet fjalë për një kërcënim kundra sovranitetit të tyre kombëtarë. Jo rastësisht javën e kaluar televizionet iraniane kanë transmetuar imazhe me një aeroplano-mbajtëse amerikane, të parat e kapura nga një aeroplan gjurmues i prodhimit iranian.

Elena V. Mihu

[Lioness]

Ahmadinejad për vizitë në Arabinë Saudite

Presidenti iranian, Mahmoud Ahmadinejad, ka mbërritur në Arabinë Saudite në vizitën e parë zyrtare atje.
Dy vendet janë fuqi rivale në rajon dhe vizita bëhet në një kohë tensionesh rreth çështjesh si Iraku apo Libani.

Z. Ahmadinejad u prit në aeroportin e Riyadit nga Mbreti Abdullah Bin-Abd-al-Aziz Al Saud.

Pritet që tema të bsiedave mes tyre të jenë programi bërthamor i Iranit dhe mbështetja e fuqishme që i jep Teherani grupeve myslimane shiite në Irak dhe Liban.

Korrespondentët thonë se z. Ahmedinedjad dëshiron të përmirësojë marrëdhëniet e vendit të tij me vendet e tjera arabe në një kohë kur ai përballet me presionin gjithnjë në rritje të Perëndimit rreth programit bërthamor.

Udhëheqësit e dy fuqive rajonale kanë shumë për të diskutuar dhe gjithë Lindja e Mesme po e ndjek takimin me vëmendje, me shpresën se do të lehtësojë shumë nga krizat që po kalon rajoni.

Bisedime të vështira

Në axhendën e bisedimeve janë gjakderdhja sektare në Irak, tensionet në Liban dhe përplasja e Teheranit me Perëndimin për programin bërthamor.

Arabia Saudite kërkon të shmangë konfrontimin ushtarak mes Iranit dhe SHBA.

Por Riadi në të njëjtën kohë gjatë muajve të fundit drejtoi përpjekjet për të kundërbalancuar influencën e Iranit në Liban, territoret palestineze dhe Irak.

Teherani është akuzuar nga SHBA për armatimin e militantëve shiitë në Irak.

Në Riad, Mahmoud Ahmadinejad tha se irakianët duhet të lihen t'i marrin vetë vendimet që u takojnë dhe ta vendosin vetë rendin.

Në çështjen e Libanit, presidenti tha se vendi i tij ishte i gatshëm t'i ndihmonte libanezët nëse ata do ta kërkonin një gjë të tillë.

Zyrtarët sauditë dhe ata iranianë janë takuar disa herë gjatë javëve të fundit dhe nuk kanë arritur të gjejnë një zgjidhje për krizën katërmujore libaneze.

Hezbollah, grupi shiit, i mbështetur nga Irani dhe Siria ende vazhdon protestën kundër qeverisë pro-perëndimore të kryeministrit Fuad Siniora.

[ATMAN]

Këshilltari i presidentit të Republikës së Shqipërisë ka kërkuar zgjerimin e bashkëpunimit dypalësh të Iranit me Shqipërinë në sfera të ndryshme si ato politike, ekonomike etj. Sipas një raporti nga agjencia Irna, bëhet e ditur se Muhamed Kapllani këshilltar politik i kryetarit të shtetit shqiptar, gjatë një takimi me ambasadorin Iranian në Tiranë ka deklarua se Irani luan një rol të rëndësishëm në vendosjen e paqes dhe sigurisë në nivel rajonal dhe ndërkombëtarë.

Po ashtu edhe ambasadori Iranian në Tiranë ka shprehur gatishmërinë e Iranit për zgjerimin e bashkëpunimit të gjithanshëm me Shqipërinë duke shpjeguar me këtë rast edhe përparimet e ndryshme të Iranit në sfera të ndryshme si shkencë, ekonomi, kulturë etj, dhe në veçanti progresin në fushën e energjisë paqësore bërthamore.

[Lioness]

Këshilltari i presidentit të Republikës së Shqipërisë ka kërkuar zgjerimin e bashkëpunimit dypalësh të Iranit me Shqipërinë në sfera të ndryshme si ato politike, ekonomike etj. Sipas një raporti nga agjencia Irna, bëhet e ditur se Muhamed Kapllani këshilltar politik i kryetarit të shtetit shqiptar, gjatë një takimi me ambasadorin Iranian në Tiranë ka deklarua se Irani luan një rol të rëndësishëm në vendosjen e paqes dhe sigurisë në nivel rajonal dhe ndërkombëtarë.

Po ashtu edhe ambasadori Iranian në Tiranë ka shprehur gatishmërinë e Iranit për zgjerimin e bashkëpunimit të gjithanshëm me Shqipërinë duke shpjeguar me këtë rast edhe përparimet e ndryshme të Iranit në sfera të ndryshme si shkencë, ekonomi, kulturë etj, dhe në veçanti progresin në fushën e energjisë paqësore bërthamore.

Arturo, dua burimin e ketij lajmi, se s'ma besuan syte.

[ATMAN]

burimi lajmit eshte irib.ir ne gjuhen shqipe

kurse lajmi eshte per tu besuar sepse muhamed kapllani eshte nje pseudo ish-dipllomat i kohes se monizmit (dikur perfaqesonte shqiperine ne OKB) dhe kur ishte minister i puneve te jashtme ne kohen e ramiz alise beri nje mareveshje me qeverine e italise ku i kufizohej shqipetareve marrja e vizes ne ate kohe kur shqiptaret kishin aq shume nevoje te dilnin jashte ne menyre ligjore(behet fjale ne fillim te viteve 90)

[ATMAN]

Kryetari i komitetit të politikes së jashtme në parlamentin shqiptar ka vënë theksin në zgjerimin e marrëdhënieve ndër-parlamentare me republikën islamike të Iranit.
Z. Preç Zogaj pas takimit me ambasadorin iranian në Tiranë, pasi ka sinjalizuar mbi marrëdhëniet historike të dy kombeve "Iran-Shqipëri" ka shprehur dëshirën e Shqipërisë për bashkëpunimin me Iranin.
Kryetari i këtij komiteti ka theksuar se Irani është një vend i paqes dhe miqësisë, veçori këto të cilat sigurojnë të ardhmen e vendit.
Ambasadori iranian në Shqipëri gjithashtu duke sinjalizuar mbi arritjet e Iranit në fushën politike- ekonomike dhe kulturore ka vënë theksin në fortësimin e diplomacisë parlamentare midis dy vendeve.
Ai krijimin e komitetit të miqësisë parlamentare dhe shkëmbimet midis ekipeve parlamente i ka konsideruar të rëndësishme në fortësimin e marrëdhënieve Iran-Shqipëri.

[Darius]

Alarm per bomben atomike te Iranit

Nje aksion ushtarak ndaj Iranit mund te pershpejtoje synimin e Teheranit per te krijuar bomben berthamore, kane paralajmeruar ekspertet.
Sulmet paraprake mund te rezultojne ne nje 'program te shpejte' per te prodhuar nje aparature berthamore krudo brenda disa muajve.

Frank Barnaby i cili me pare ka punuar ne Atomic Weapons Establishment ne Aldermaston ka hartuar nje raport per kokat drejtuese te Oxford Research Group.
Ai thote se duke kombinuar informacionin e inteligjences me nje sulm ne shkalle te gjere ndaj stabilimenteve berthamore te Iranit, sulmet ajrore kane pak gjasa qe tja dalin ne shkaterrimin e plote te programit berthamor.

Si rezultat vetem brenda pak kohe ky program mund te rindertohet ndersa qendrimi politik ne vend do ashpersohet edhe me shume.
"Ne perfundim te sulmeve ka shume mundesi qe mbeshtetja popullore ne aftesine e armeve berthamore te Iranit te rritet duke perkrahur pozicionin e vijes se ashper dhe te forcoje argumentin qe Irani duhet te zoteroje nje siguri berthamore" thote raporti.


Per me shume lexoni lajmin ketu: Iran Nuke Bomb Warning

[ATMAN]

Ambasadori i Iranit në Tiranë dhe Zv ministrja e turizmit e Shqipërisë gjatë një takimi kanë shkëmbyet mendime lidhur me zgjerimin e bashkëpunimit kulturor artistik dhe turistik midis dy vendeve.
Ali Beman Ekbali Zareç ministri i Iranit gjatë këtij takimi pasi ka shpjeguar zhvillimet e Iranit në fushën politike ekonomike dhe shkencore ka vënë theksin në pjesëmarrjen e gjërë të femrës në fushat shkencore politike dhe shoqërore.

Ambasadori i Iranit në Tiranë ka kërkuar hapjen e degës se iranologjisë në universitetin e Tiranës dhe degën e albanologjisë në universitetin e Iranit.

Nga ana tjetër Zv ministrja e turizmit duke sinjalizuar mbi marrëdhëniet e vjetra kulturore midis dy vendeve dhe ndikimin e artit dhe letërsisë perse tek shkrimtarët shqiptar, aktivizimin e gjërë të gruas në Iran e ka konsideruar një fakt shumë të rëndësishëm.
Zv ministrja e turizmit gjithashtu ka kërkuar shtimin e marrëdhënieve në fushën e kulturës turizmit dhe artit me Iranin.

[Labeati]

Ambasadori i Iranit në Tiranë ka kërkuar hapjen e degës se iranologjisë në universitetin e Tiranës dhe degën e albanologjisë në universitetin e Iranit.

Po vras mendjen se cfar perfitimesh do ti vijne popullit shqiptar prej shkollimit ne degen e "Iranologjise"... !?

Te ishte "mineralogji" hajdede....

Edhe "mulla-hoxhi" e kuptoj, po qyshkur paska dale shkenca e "iranologji", per here te pare po e ndigjoj...

Mor po a i punesojne keto te diplomuar ne Tehran te pakten...?

[ATMAN]

Presioni i SHBA-së mbi çështjen bërthamore, orvatje për të larë duart nga dështimi në Irak"


Ambasadori i Iranit, Ali Ekbali-Zarej, rrëfen planet e Republikës Islamike për të investuar në zhvillimin e industrisë


Republika Islamike e Iranit kërkon të investojë në sektorin e industrisë dhe të energjetikës shqiptare. Ambasadori iranian në Tiranë, Ali Ekbali-Zarej, tregon synimin për të forcuar marrëdhëniet ekonomike ndërmjet dy vende dhe në veçanti pjesëmarrjen e firmave iraniane në tenderat shqiptarë për ndërtimin e termocentraleve dhe hidrocentraleve. Ndërsa fërkimet Iran-SHBA mbi çështjen bërthamore, ambasadori i komenton si një gjetje e amerikanëve për t‘u shfajësuar nga dështimi politik dhe ushtarak në Irak, në një kohë që qëllimet e zhvillimit bërthamor në Iran konsiderohen tërësisht paqësore.

Përshëndetje z. ambasador! Javët e fundit ka pasur një rritje reciproke të interesit në forcimin e marrëdhënieve ndërmjet Shqipërisë dhe Republikës Islamike të Iranit. Cilat mendoni se janë fushat ku mund të zbatohet ky bashkëpunim. A ekzistojnë plane për ta forcuar këtë bashkëpunim ekonomik dhe në cilët sektorë mendoni se Shqipëria ofron mundësi për investitorët iranianë?

Kapacitetet bashkëpunuese ndërmjet vendit tonë dhe Shqipërisë janë shumë më të mëdha se marrëdhëniet ekzistuese. Ekonomia e Iranit është një ekonomi në zhvillim dhe në shumë fusha mundësia e bashkëpunimit me Shqipërinë është shumë e madhe. E vërteta është që ne duam të investojmë në ata sektorë, ku kemi kapacitete dhe prioritete më të mëdha. Për shembull, në fushën e shërbimeve tekniko-inxhinierike dhe veçanërisht në fushën e ndërtimit të termocentraleve e hidrocentraleve të ndërtimit të fabrikave të çimentos, në fushën e petro-kimisë, të ndërtimit të digave, të prodhimit të automobilave etj. Bëhet fjalë për ato fusha, ku ne kemi tregues të lartë zhvillimi dhe ku interesi ynë për të investuar në Shqipëri është i konsiderueshëm. Ne jemi vendi i tretë në botë për ndërtimin e digave, ndërsa prodhimi i automobilave në Iran për 2006-ën ishte mbi 1 milion e 100 mijë. Në ndërtimin e hidro dhe termocentraleve ne jemi ndër 10 vendet e para në nivel botëror, ndërsa në industrinë minerare jemi të parët në Lindjen e Mesme. Por, kjo nuk do të thotë se ne e shikojmë bashkëpunimin si rrugë njëkalimshe, por duam që edhe bizneset shqiptare të eksportojnë apo të investojnë në Iran.

Irani është vendi i dytë më i madh i OPEK-ut për prodhimin e naftës dhe i dhjeti në botë për prodhimin e energjisë elektrike. Me zhvillimin e centraleve të reja bërthamore, energjia që Irani prodhon do të rritet ndjeshëm. E gjithë kjo tablo e bën vendin tuaj një partner dhe investitor shumë të rëndësishëm ndaj çdo vendi tjetër. A ekzistojnë mundësi që Shqipëria të furnizohet nga Irani me energji, qoftë kjo elektrike apo në formën e djegësve fosilë?

Është e vërtetë që ne jemi prodhuesi i dytë i naftës i OPEK-ut, si dhe një nga prodhuesit më të mëdhenj të energjisë elektrike. Por edhe konsumi në vendin tonë është shumë i lartë. Energjia në Iran është shumë e lirë dhe kur një mall është i lirë edhe konsumi është shumë i lartë. Për shembull, 12 litra benzinë në Iran kushtojnë 1 dollar, pra më lirë se uji. Për rrjedhojë, ne detyrohemi të importojmë një pjesë të benzinës që konsumohet në vend, por mund të bashkëpunojmë me Shqipërinë në drejtime të tjera. Ne jemi në fazën e një prezantimi të fushave, ku mund të bashkëpunojmë me Shqipërinë, në fazën e prezantimit të kapaciteteve dhe mundësive tona. Besojmë se firmat iraniane mund të marrin pjesë me sukses në tenderat shqiptarë për ndërtimin e hidrocentraleve e termocentraleve dhe ato e kanë mundësinë të dalin fituese, pasi ofrojnë të njëjtin shërbim, por me çmime më konkurruese. Dhe ne e dimë se shqiptarët kanë pasur probleme këtë dimër me furnizimin me energji.

A shikoni ndonjë rrezik "xhelozie" nga Bashkimi Evropian mbi bashkëpunimin e Shqipërisë me Iranin, duke qenë se vendi ynë synon integrimin me Evropën?

Integrimi i Shqipërisë në Bashkimin Evropian është një prioritet i juaji si zgjedhje e popullit shqiptar dhe nuk shoh asnjë kundërshti mes këtij synimi dhe marrëdhënies me Iranin. Madje, kjo është një ndihmë për Shqipërinë, sepse suksesi i integrimit varet nga zhvillimi ekonomik i një vendi. Vetë Bashkimi Evropian ka marrëdhënie shumë të mira me Iranin. Niveli aktual i shkëmbimeve mujore të Iranit me vendet e BE-së është 2,5 miliardë euro në muaj.

A mund të na jepni një tablo të përgjithshme të zhvillimeve bërthamore në Iran dhe në ç‘nivel paraqitet bashkëpunimi juaj me autoritetet ndërkombëtare që monitorojnë këto zhvillime?

Rezervat e naftës na thonë se duhet të shkojmë drejt burimeve të tjera. Këtë qëllim ka edhe programi ynë bërthamor për prodhimin e energjisë. Irani nuk po përpiqet të konkurrojë askënd, por nëse të tjerët shohin një konkurrent tek Irani, ky është një problem i tyre. Lidhur me çështjen e centraleve bërthamore, me zhvillimet e fundit industriale në botë, shoqëruar me një shtim të konsumit të energjisë dhe të ngrohjes globale - si pasojë e djegësve fosilë - të gjithë po u kthehen burimeve të prodhimit të energjisë elektrike nëpërmjet centraleve bërthamore. Një pjesë e konsiderueshme e vendeve evropiane, përfshi edhe vende të Evropës Juglindore, kanë në përdorim kapacitete bërthamore, madje edhe Turqia. Vetë programi bërthamor i Iranit ka filluar që para 30 vjetësh dhe ishin firmat evropiane e amerikane ato që bënë punën studimore, sipas së cilës Irani ka nevojë për 20 mijë megavat energji bërthamore në vit. Kontrata e parë u lidh me një firmë gjermane, por ata u tërhoqën, ndaj ne lidhëm kontrata me firma ruse. Ne inshaallah do të inaugurojmë centralin tonë të parë në fund të këtij viti. Programi ynë bërthamor është tërësisht transparent dhe konform rregullave të Agjencisë Ndërkombëtare të Energjisë Bërthamore. Dymijë inspektorë kanë vizituar impiantet tona dhe së fundmi, ambasadorët e grupit të vendeve të paangazhuara e atyre islamike, të shoqëruar dhe nga një grup i madh gazetarësh, bënë një vizitë në impiantet tona. Edhe zoti El Baradei, në raportin e tij të fundit, theksoi që në programin bërthamor të Iranit nuk ka një drejtim ushtarak. Ne duam që përfitimet nga këto arritje t‘i vëmë në dispozicion edhe të vendeve të tjera, në radhë të parë të popujve myslimanë.

Meqenëse Irani është një vend që po zhvillohet shumë shpejt, ekziston mundësia që Perëndimi të shohë një konkurrent të fortë te ju, çka manifestohet në qasjen e Perëndimit - veçanërisht Shteteve të Bashkuara - kundër kapaciteteve tuaja bërthamore, përmes të cilave ju synoni të prodhoni energji. Cili është qëndrimi juaj dhe si i komentoni ju këto zhvillime?

Por ka presione politike, pasi ata (amerikanët) nuk duan që të gjithë popujt, me mundësitë e tyre të përfitojnë nga ky potencial. Ata lëshojnë akuza që nuk përputhen me mentalitetin dhe natyrën e popullit iranian. Ne patëm një luftë të imponuar 8-vjeçare me Irakun, gjatë së cilës mbi qytetet tona u përdorën armë kimike. Ndërsa vetë ne nuk përdorëm armë të shkatërrimit në masë mbi Irakun, pasi kemi parimet tona fetare e qytetare, të cilat nuk na lejojnë. Ajo që po ndodh është se krijohet një problem në një vend dhe kërkohet një fajtor diku tjetër, ndaj ata kapen me ne. Se si e shikojnë ata këtë çështje, ky është problemi i tyre. Ne kemi 15 vende fqinje në kufij ujorë apo tokësorë dhe një total prej 35 vendesh që na rrethojnë dhe me të gjitha këto, ne kemi marrëdhënie miqësore. Ata kanë pushtuar Irakun dhe tani kanë probleme, sepse nuk kanë arritur rezultatet që prisnin. Presionet e brendshme në Amerikë janë rritur shumë, veçanërisht presioni nga opinioni publik. Janë gjithë këto para të amerikanëve që po shpenzohen në Irak, ndërkohë që aty, çdo ditë vdesin njerëz të pafajshëm. Ndaj, për të justifikuar dështimin ata sajojnë gjëra. Thonë për shembull, se po të mos ishte për fajin tonë, ata do të kishin qenë të suksesshëm. Por askush gjatë këtyre 20-30 vjetëve nuk ka bërë përpjekje si tonat për të ruajtur marrëdhënie të mira me fqinjët. Ne jemi një vend demokratik dhe zhvillojmë procese të rregullta zgjedhore. Nga 30 provinca tonat, në 9 prej tyre kanë fituar kandidate femra. A nuk është kjo demokraci? Ç‘gjë tjetër mund të jetë demokracia?!


Gazeta Shqip

[Darius]

Sec dreqin ka Shqiperia qe ngaterrohet me Iranin dhe me programin e saj berthamor kete nje zot e di dhe ata gomere politikane qe kemi ne. Ne kulmin e acarimit qe Irani ka me boten perendimore, me sanksionet qe po i vihen nga Perendimi dhe sidomos me acarimin e jashtezakonshem qe ka me USA, del Shqiperia dhe ben bisedime dypaleshe me Iranin. Ne nje kohe qe Kosova po rropatet per pavaresi, ne nje kohe qe me Grekun gjerat jane maje me maje, politikanet tane miope shkojne e ngaterrohen me Iranin. Hajde merre vesh...

[Lioness]

Rusia nuk do të furnizojë me karburant reaktorin e Iranit.

Rusia ka konfirmuar se nuk do të furnizojë me karburant reaktorin e parë bërthamor të Iranit.

Një deputet iranian ka thënë se vonesa e Rusisë në përfundimin e punimeve të një uzine bërthamore për energji, që po ndërton në Iranin e jugut, mund të dëmtoje zgjerimin e lidhjeve mes dy vendeve.

Kjo vjen pasi Moska ka njoftuar se përfundimi i uzinës Bushehr, do të vonohet deri në muajin nëntor të këtij viti.

Iranianet nuk janë të kënaqur pasi ata kishin planifikuar që të ftonin gazetarë për hapjen e sistemit bazë të uzinës ditën e martë.

Në bazë të marrëveshjes fillestare Rusia do të furnizonte uzinën gjashtë muaj përpara përfundimit të punimeve, në muajin shtator në mënyrë që ajo të fillonte nga puna në janar të vitit që vjen.

[Dorontina]

Komentet qe ne bejme jane shume pa vlere ne fund te fundit. Te dyja palet kane te mirat dhe te metat e veta. Le te shpresojme qe nuk do kete lufte, se lufta vetem mbrapa te con.

Pajtohem me ty te dy palet kan te mirat e te kqijat e veta .

vertet luftat te cojn prapa dhe permbysin shtresa te shoqeris.

Pra kishte lufta qe nga krijimi i nerzimit, qka na mesuan ?

kisha me then diqka , kudes nga dinakria cioniste jan te smuer ta dominojn boten.jan manipuliues te historis .
mos harroni fjalen: ekzistojn dy popuj ne botê: na me te miret dhe "ata"
feja asht nji pretekst ska te bej me qka po ndodh.

Shqiptari ka tre Fé ndaq mere ndaq Lé
=================================================
Les réligions appartiennent aux hommes mais le Dieu est universel, créatif et mathématique.

[antares]

Nese KS e tepron me ultimatume ndaj Iranit per perdorim te Energjise Atomike per qellime paqesore (askush deri tani nuk ka dhene ndonje prove bindese per te kunderten), atehere Irani mund te dale (denoncoje) - Fjalet e Khameneit (ky ka fjalen e fundit e jo Ahmadinexhadi ne politiken dhe Gjeostrategjine Perse), NPT!
Fundja c'e gjeti cifuterine....me falni IzraHellin, Indine Pakistanin?
Sot ne mengjez Ministri i Jashtem Rus, Lavrov (sa per informacionin qe solli ketu Luanesha), deklaroi katerciperisht qe lajmet se valla Rusia i paskerka dhene ultimatum Iranit per respektim te ndaljes se Pasurimit (ilegale sipas cdo ligji nderkombetar) ne shkembim te furnizimit me karburant berthamor te Bushherit, eshte nje nga denglat e zakonshme te Atlanticisteve.........
Ndoshta Daj Sami do kthjellohej nese do instaloheshin Raketat Ruse S-400 apo S-500 ne afersi te Hormuzit (pa llogaritur SKVALIN), me pretekstin e ruajtjes se kalimeve te naftes nga sulmet e pacipa te Zuluve......
Trangulli i Tiranes (Berisha) nderkohe qe berbelit per ndonje dollar me Iranin, dergon nizame ne Afganistan e Irak ne emer te (Internacionalizmit Proletar) .......HM, me falni, solidaritetit Euroatlanticist, qe per cdo njeri qe ka me shume se 1 000 neurone (norma eshe 10 000 000 000) e kupton se nuk ndryshon shume nga tributi qe duhej ti jepte Shqiperia Turqise per 400 vjet (pas pushtimit dhe vdekjes se Skenderbeut)......

[Darius]

SHBA mund te sulmoje Iranin te Premten e Pashkeve


Sipas nje lajmi te CNN-IBN, zhvillimet e fundit tregojne se USA mund te sulmoje Iranin.
Diten e preme televizioni iranian transmetoi nje filmim ku tregoheshin 15 ushtaret britanike te kapur rob nga Irani ne ujrat e tij territoriale dhe ne kete video 15 ushtaret britanike i kerkuan ndjese iranianeve per "hyrje ne ujrat e tyre pa leje."
Disa ore me vone Irani nxorri nje leter qe thuhet se eshte shkruar nga nje tjeter marinar britanik dhe qe deklaronte se ajo ishte "sakrifikuar" per politiken e qeverive te SHBA-se dhe Britanise.
Qeveria Britanike ju pergjigj menjehere ketij filmimi duke kritikuar trajtimin e marinareve dhe marinsave te saj.
Britania shprehu pakenaqesi te medhaja per trajtimin e personelit te Marines Mbreterre Britanike te kapur rob nga Iranianet.

Dhe SHBA mund te filloje nje sulm ajror masiv kunder Iranit Te Premten e Mire ne 6 Prill.

Ekspertet ushtarake kane vene ne dukje se sulmet ajrore amerikane do kene si shenjester aftesite mbrojtese ajrore dhe ujore iraniane.
Per momentin nuk eshte e qarte nese sulmet do godasin dhe stabilimentet berthamore ne Natanz dhe centralin ne Bushehr.

Lajmi ne origjinal ndodhet ketu: US may attack Iran on Good Friday


Nje sqarim i vogel per CNN-IBN. Ky grup eshte nje partnership midis Global Broadcast News (GBN), TV18 Group Company dhe Turner International (Turner) ne Indi. Eshte i lidhur direkt me CNN dhe shpesh lajmet koordinohen. Po ashtu ky lajm ishte dhe ne gazeten ruse DNA (Daily News Analysis) por i trajtuar sipas burimeve te inteligjences ruse: US plans to strike Iran next month: report


Ne momentet qe po shkruaj ketu, CNN po transmeton programin e saj te ores 10 Anderson Cooper360° dhe eshte duke folur pikerisht per sulmin e mundshem ndaj Iranit. Ky reagim i menjehershem i amerikaneve (qe ne fakt nuk eshte aspak i tille) vjen menjehere mbas vendimit te kongresit amerikan (me shumice demokratike) per terheqjen sa me shpejte te trupave ushtarake amerikane nga Iraku.

[Darius]

Ky me poshte eshte transmetimi nga televizioni iranian ky njeri nga marinaret britanike eshte duke kerkuar ndjese publikisht per shkelje te ujrave territoriale iraniane.

http://www.youtube.com/watch?v=EsOom...ad275185%2Fpg1

Ndersa kjo video qe vijon eshte nje transmetim po i televizionit iranian (ne gjuhen farzi) ku njeri prej ushtarakeve te saj shpjegon pozicionin e mjetit lundrues britanik sipas Pozicionit Global Satelitor (GPS) dhe jep koordinatat te cilat kundershtojne pretendimin britanik qe mjeti i saj ka qene ne kufirin midis ujrave te Iranit dhe Iraku dhe jo brenda pjeses iraniane.

http://www.youtube.com/watch?v=-U15a...ad275185%2Fpg1

[Labeati]

darius,

Tv iranian asht tv shtenor i shtetit totalitar e nuk ka kurrfare garancie persa i perket lirise e pavarsise se lajmit. Thjesht nji transmetues ne vale televizive i komunikatave e deklaratave te qeverise perfshi videot e ushtrise.

Dalja e letrat e marinareve, nderkohe qe ndodhen nen arrest dhe nuk u asht leju kontakti me ambasadorin britanik, gjithashtu asht irrelelevant, e nuk mund te merret per baze ne asnji pikpamje.

faktet britanike jane se:
1) Pozicioni i kapjes qe ka dhane ne fillim ushtria iraniane (diten e diele) asht ndryshue mbas 2 ditesh (te marten) tu e zhvendose ma se 2 milje ma ne brendesi te ujnave iranian pa asnji shpjegim per ket ndryshim.

2) Pozicioni i fundit qe kane raportue ushtaraket britanike ka qene brenda ujnave irakiane. Ky pozicion perputhet me ate te anijes qe po inspektonin.

3) kapitei i anijes se kontrolueme (indian) ka leshue deshmi se ka qene mbrenda ujnave irakiane ne momentin e kontrollit duke dhane me saktesi kordinatat qe perputhen me GPS satelitor.

Se fundi logjika e thjeshte o Darius te thote qe 2 gomone, me 15 ushtare paskan pase qellim provokimin e pushtimin e ujnave irakiane si pretendojne mullahet?

Pse mor me barka gome provokohet? Pa asnji mbeshtetje aty rrotull, dmth ndonji detroyer a kryqezore, a helikopter per support?
nderkohe qe iranianet shfaqen me nji flote te tane prej 6 anijesh, aty me arrestue 2 barka gome patrulle?

Per mue ky asht nji akt i paramenduem prej Iranit per me mjegullue sanksionet e programit berthamor, si edhe me krijue konflikte artificiale me mbulue deshtimet e veta. Po ashtu edhe per me i perdore ushtaret si mall shkembimi me xhvate koncesione si ka ndodhe ne vitin 2004 ma pare.

Se si ka me u mbylle kjo histori do ta shofim. 44% e opinionit britanik e mbeshtet aksionin ushtarak si zgjidhje e fundit (ne se deshton diplomacia) dhe 48% e kundershton ne cfardo rrethane.

Gjithsesi Blair ka deklarue se Britania nuk ka ndermend me kerkue falje per nji faj qe nuk e ka ba. Ndersa Bush ne deklarimin e pare per ket incident kerkoi kthimin e menjehershem te britanikeve, por nuk pranoi me thane se cfare do te kishte ba qeveria amerikane po te ishin marinsa amerikane e jo britanike.

[Darius]

Labeat nuk e ve ne dyshim mungesen e lirise se shtypit ne Iran sic nuk ve ne dyshim dhe propaganden e tyre. Ne te njejten kohe nuk shikoj si engjej as marinen mbreterore britanike sic dyshoj dhe per qellimin e tyre thjesht patrullues ne ujrat e Iranit-Irakut.
Ajo qe eshte kryesore ne kete mes ka te beje me faktin qe qendrimi i Iranit (kushdoqofte arsyeja) eshte shume provokativ dhe nje acarim i tille perkeqeson situaten e tij.
Une nuk e uroj por i druhem shume nje konflikti te mundshem dhe shume te shpejte. Qofsha i gabuar (nga te rrallat here qe do isha i lumtur) por shenjat sjane aspak te mira.

[Dorontina]

Une kam tjeter vizion ne ket tentative lundruese ne ujra te thella......
pse marinaret britanik jan te rij dhe kan nji femer me veti.....
pse nuk ka nji marinar i pjekur 40-50 vitesh ?

dy:
ju kujtohet se vendet islamiste femrat i falin i leshojn ....nuk i dhujon por i respektojn....nuk jan aq barbar siq pretendohet ....
skam tjera pyetje...
pyetjet e mia jan naive , por une e di nga gazetaret qe nuk ka pyetje naive vetem ajo qe nuk shtrohet.
greket kan then nji dit:
Vdiq Akili e jo dinakria greke. po dinakria anleze ki e ka shendetin ?

[Darius]

Marinaret britanike kane nje femer me vete sepse ne dallim nga vendet myslimane ata e konsiderojne rrolin e femres te njejte me ate te mashkullit. Kjo e vlefshme si per jeten civile ashtu dhe per ate ushtarake. Pra prania e nje femre ne nje mision patrullimi nuk eshte aspak e dyshimte dhe as e pazakonte.