Drejtoria e konviktit tek “21 Dhjetori” merr masa për Anisa Metollarin
Përjashtohet nga konvikti studentja e Infermierisë
Etleva DELIA
Përjashtohet nga konvikti studentja që dogji me vaj shoqen e dhomës. Ky është vendimi që mori dje drejtoria e konviktit të studentëve të Inxhinierisë, për Anisa Metollarin. Kjo e fundit dy ditë më parë, pas një zënke që ka pasur me shoqen e saj Esmeralda Çeçon, i ka hedhur në trup vaj të nxehtë duke e djegur. Ky veprim ka detyruar më pas drejtorin e këtij konvikti që të marrë masa për studenten e vitit të parë të Infermierisë, Metollarin, duke e përjashtuar nga konvikti.
Largimi
Pas djegies së shoqes me vaj të nxehtë, drejtoria e konviktit ku qëndrojnë studentët e Fakultetit të Inxhinierisë së Ndërtimit merr masa për “autoren”. Kjo e fundit do të lërë dhomën duke u përjashtuar nga konvikti. Sipas drejtorisë mësohet se largimi i Anisa Metollarit është bërë pasi dogji me vaj shoqen e dhomës Esmeralda Çeçon. Ndërkohë, burime nga policia bënë të ditur se kjo e fundit ka tërhequr dje denoncimin e bërë për shoqen e saj, duke bërë që studentja e vitit të parë të Infermierisë të jetë e lirë duke mos pasur asnjë problem me drejtësinë shqiptare.
Ngjarja
Bën sherr për televizionin me shoqen e dhomës, i hedh vajin e nxehtë në kurriz. Ngjarja e pazakontë ndodhi dy ditë më parë në një nga dhomat e konviktit të vajzave që ndodhen tek “21 Dhjetori”. Burime nga Komisariati Nr.2 pohuan, se debati mes studenteve ka nisur për televizorin. Anisa Metollari ka qenë e sëmurë dhe i ka kërkuar shoqes së saj, Esmeralda Çeços, të ulë zërin se nuk po e duronte dot. Mirëpo nuk ka gjetur mirëkuptimin e shoqes dhe televizori ka nisur të punojë si më parë me të njëjtin volum zëri. Pas kësaj ka nisur debati, ku vajza nga Erseka që ndihej e sëmurë i ka qëlluar me pëllëmbë shoqes së saj, duke nisur kështu mes tyre grindja. Por për Metollarin kjo zënkë nuk ka përfunduar me kaq, pasi shoqja e saj pasi ka hequr nga furnela vajin me të cilin kishte skuqur mish, e ka marrë dhe ia ka hedhur në kurriz mikeshës së saj nga Kolonja, e cila është treguar e “pabindur”. Shoqet që ndodheshin në dhomën fqinje janë alarmuar nga ulërimat e vajzës së djegur dhe kanë ndërhyrë për t’i dhënë ndihmën e shpejtë. Ato fillimisht i kanë ndarë dhe më pas kanë menduar për të njoftuar kujdestaren e konviktit. Ndërkaq është njoftuar dhe policia dhe Metollari pasi është marrë në pyetje është lënë përsëri lirë. Të njëjtat burime treguan se vajza e djegur është mjekuar në ambulancën e konviktit dhe më pas është dërguar në dhomën ku jetonte së bashku edhe me dy shoqe të tjera.
Grindja e disa diteve me pare mes dy shoqeve
Nuk ishte hera e parë që Anisa Metollari dhe Esmeralda Çeço grindeshin mes njëra-tjetrës. Burime nga Policia e Tiranës bënë të ditur se disa ditë më parë dy studentet e vitit të parë të Infermierisë janë zënë me njëra-tjtrën. Sipas uniformave blu shkaku i grindjes ka qenë për motive banale, mes dy shoqeve të dhomës që qëndronin të dyja bashkë që prej fillimit të vitit të ri shkollor. Ndërkohë dje, Metollari është larguar nga konvikti duke shkuar së bashku me prindërit në shtëpinë e saj në qytetin e Ersekës.
Mjeket: Gjendja e studentes e mirë
Menjëherë pas ngjarjes studentja e djegur, Esmerlada Çeço, është dërguar në ambulancën e konviktit për të marrë mjekimin e nevojshëm. Sipas mjekëve ajo ka pësuar djegie në dorë dhe në pjesën e qafës. Bluzat e bardha pohojnë se plagës që kishte në trup 21-vjeçarja nuk kanë qenë djegie e shkallës së fundit dhe pasi studentja ka marrë mjekimin është dërguar më pas në dhomën e konviktit. Por studentja e vitit të parë të Infermierisë do të qëndrojë nën vëzhgimin e mjekëve të ambulancës.
Tirana-Observer.
Përgjigju Duke Cituar
Postuar më parë nga Xhuxhumaku
Krijoni Kontakt