Zbulohet "fabrika" e parave false
E Diele, 23 Prill 2006
Ne qytetin e Pogradcit zbulohet nje laborator, qe sherbente per falsifikimin e parave. Arrestohet 27-vjecari Aleksander Lleshanaku. Policia: "Nisur nga kartemonedhat e falsifikuara, dyshojme se aktiviteti ilegal shtrihet edhe ne Maqedoni, ndaj kemi kerkuar bashkepunimin e kolegeve tane ne Oher"
Sokol COBO
Zbulohet nje laborator per prodhimin e kartemonedhave false dhe sekuestrohen 15 mije USD. Nje shtepi ne qytetin e Pogradecit sherbente per prodhimin e kartemonedhave false, qe shperndaheshin me pas ne tregun vendas dhe ate te huaj, kryesisht ne Maqedoni. Ne prangat e policise ra Nikoll Lleshanaku, 27 vjec, lindur ne Elbasan dhe banues ne Pogradec. Gjergj Lezhja, zv/minister i Brendshem publikoi operacionin e policise, i dyti i ndermarre gjate 24 oreve te fundit ne vend. "Strukturat e policise zbuluan nje laborator qe sherbente per prodhimin e kartemonedhave te falsifikuara, ndersa arrestuan 27-vjecarin Aleksander Nikoll Lleshanaku", tha ai, duke shtuar se ne kerkim eshte nje tjeter person, i cili eshte identifikuar nga policia.
Dyshohet qe Lleshanaku bashkepunonte me disa persona te tjera per prodhimin e kartemonedhave false, por policia dhe drejtuesit e saj tregohen te rezervuar ne kete pike, per shkak te sekretit te hetimeve. Gjate kontrollit te ushtruar ne banesen e te prangosurit, qe sherbente si laborator falsifikimi u zbuluan dhe u sekuestruan me cilesine e provave materiale miliona leke. Zv/ministri Lezhja tha se ne shtepine e Lleshanakut u gjeten 9600 USD te prerjes njeqindeshe, 151000 leke te prerjes njemije lekeshe, 371 mije leke te tjera, por te falsifikuara vetem nga njera ane, 60 USD me prerje njezeteshe. Gjithashtu, ne banese u gjeten dy kartemonedha maqedonase me prerje 50 dhe 100 dinareshe.
Nisur nga kartemonedhat e sekuestruara hetuesit dyshojne qe aktiviteti i Lleshanakut dhe bashkepunetoreve te tij shtrihej edhe ne Maqedoni. Mesohet se hetuesit shqiptare po bashkepunojne me policine e Ohrit, ne perpjekje per te zbuluar bashkepunetore te tjere te te arrestuarit. Nderkohe, policia ka dyshime se edhe i kerkuari tjeter per bashkepunim ne kete veprimtari kriminale fshihet ne vendin fqinj, shtet qe duket se eshte kthyer ne nje "strehe" e personave te kerkuar nga drejtesia.
Grupi hetimor tha se ne shtepine e 27-vjecarit Lleshanaku u sekuestruan edhe kartemonedha te tjera dhe monedha metalike shqiptare. U sekuestruan edhe paisjet qe sherbenin per falsifikimin e kartemonedhave, nje aparature e tipit "HP Office Jet 6210", qe sherbente per prodhimin e lekeve false, 6 pllaka metalike qe sherbenin per stampimin e parave, tri morseta, presa dhe bojera te ndryshme, kater shufra kallaji dhe 15 lima hekuri te imeta. Nderkohe, gjate kontrollit ne banese u gjet dhe u sekuestrua edhe nje pushke model-56 si dhe 325 fisheke pistolete model-54.
POLICIA
Hetime per shumen e hedhur ne treg
Pas zbulimit te laboratorit per prodhimin e kartemonedhave false, puna e policise dhe prokurorise eshte perqendruar ne evidentimin e shumes se falsifikuar te hedhur ne treg. Te dhenat e policise ende nuk kane saktesuar shumen e hedhur nga prodhuesit ilegale te parave, por mesohet se gjate hetimeve, edhe ky detaj i rendesishem prite te zbardhet. "Kemi dyshime se laboratori i prodhimit te parave false ka shperndare ne Shqiperi dhe Maqedoni. Behet fjale per nje shifer te madhe, por qe gjithsesi nuk jemi ne gjendje ta themi ne kete faze hetimi", thane burimet policore. Ekspertiza e laboratorit ndaj pajisjeve te te sekuestruara pritet te percaktoje edhe venien ne pune te tyre, duke gjetur nje shume te perafert te parave false te hedhura ne treg. Nderkaq hetuesit kane filluar edhe evidentimin e pasurise se Lleshanakut, pasi dyshohet se me aktivitetin kriminal te goditur ka nxjerre te ardhura te mjaftueshme, me te cilat ka ngritur disa biznese. Hetuesit kane filluar edhe verifikimin e depozitave bankare te tij.
ARRESTUAR
Aleksander Nikoll Lleshanaku, 27 vjec, lindur ne Elbasan e banues ne qytetin e Pogradecit
SEKUESTRUAR
9600 USD te prerjes 100
151000 leke te prerjes 1000 lekeshe
371000 leke te falsifikuara vetem nga njera ane
60 USD me prerje 20-she
Dy kartemonedha maqedonase me prerje 50 dhe 100 dinareshe
Kartemonedha te tjera dhe monedha metalike shqiptare
Nje aparature e tipit "HP Office Jet 6210" qe sherbente per prodhimin e lekeve false
6 pllaka metalike qe sherbenin per stampimin e parave false, dollareve amerikane dhe lekeve
3 morseta, presa dhe bojera te ndryshme, qe sherbenin per falsifikimin e monedhave
4 shufra kallaji dhe 15 lima hekuri te imeta
Nje pushke model-56
325 fisheke pistolete model-54
Krijoni Kontakt