Ceshtja shqiptare ne Kosove!

[kosovar]

PS : Për këtë hartim kam pëdorur si bërthamë një doracak të ish-ministrisë së informatave të Republikës së Kosovës. Shumë pjesë i kam shtuar vetë duke konsultuar libra historie në gjuhën shipe dhe frënge. Nëse dikujt i intereson një version më i shkurtër në gjuhën frënge, mund t’ia dërgoj.

Lexim të këndshëm!

[illiriani]

po kush na qenka emri i autorit te atij shkrimi per kosoven
o kosovarur, a ben te na tregosh, se nuk shkruhet shkrimi i tille pa autor!

Trego mos te ardhte zor kush e ka shkruar ate...!

Derikure ti me anonim?

[Dita]

Kosova: raport mbi statusin
Ilir Ikonomi
6 gusht 2002




Intervistë me Daniel Serwer, ekspert i çështjeve të Ballkanit


Daniel Serwer, Drejtor i Nismës Ballkanike pranë Institutit Amerikan të Paqes, thotë se ka rëndësi që diskutimi për statusin përfundimtar të Kosovës të fillojë qysh tani. Për këtë qëllim, ky Institut ka botuar kohët e fundit një raport të gjatë ku shqyrton variantet e mundëshme për statusin përfundimtar, siç janë pavarësia me kushte, mundësia e një konfederate me Serbinë, mundësia e shkëputjes me ndarje e të tjera. Raporti përjashton dy variante: pavarësinë e menjëhershme për Kosovën dhe kthimin e saj nën Serbinë. Zoti Daniel Serwer u intervistua nga kolegu ynë Ilir Ikonomi.


VOA: Zoti Serwer, përse ka rëndësi që diskutimi për statusin përfundimtar të Kosovës të fillojë pikërisht tani?

DS: Pikpamja ime është se statusi do të duhet të vendoset brenda 3 deri 5 viteve të ardhshëm dhe është e pamundur që ai të vendoset brenda një periudhe të tillë pa e filluar diskutimin qysh tani. Ky do të jetë një diskutim i gjerë dhe i ndërlikuar për çështje nga më të ndryshmet dhe do të duhet të bëhen edhe disa negociata. Prandaj ka ardhur koha ta fillojmë diskutimin, të paktën midis ekspertëve, midis njerëzve që nuk kanë përgjegjësi zyrtare.

VOA: Përse zyrtarët amerikanë dhe evropianë e shikojnë kaq të vështirë problemin e statusit përfundimtar të Kosovës?

DS: Mendoj se ky është problem i vështirë. Fakt është se ai ka implikime në shkallë rajonale dhe globale që janë të vështira për tu zgjidhur. Të paktën në grupin tonë të punës, ku përfshiheshin njerëz me këndvështrime shumë të ndryshme, askush nuk ishte në gjendje të bindëte të gjithë pjesën tjetër të grupit se zgjidhja e tyre ishte më e mira. Pra, kemi të bëjmë me një çështje të komplikuar e cila do të kërkojë shumë diskutime, para se të zgjidhet. Nuk duhet të harrojmë se ajo duhet të zgjidhet në mënyrë paqësore dhe kjo është shumë më e vështirë se sa po të zgjidhet në rrugë të tjera.

VOA: Por, a mendoni se problemet në Lindjen e Mesme dhe lufta kundër terrorizmit e kanë shmangur pak vemendjen e zyrtarëve amerikanë nga çështja e statusit përfundimtar të Kosovës?

DS: Nuk ka dyshim se zyrtarët në nivelet më të larta të qeverisë amerikane nuk mendojnë për Kosovën çdo mëngjes por mendojnë për luftën kundër terrorizmit, mendojnë për Irakun dhe për Lindjen e Mesme. Kjo duhet parë jo si një problem por si një rast i mirë, si një rast për njerëzit në rajon dhe për ata që janë të interesuar rreth kësaj çështjeje në Shtetet e Bashkuara që t’i studiojnë gjërat në të gjitha aspektet e tyre e pastaj të angazhojmë zyrtarët e niveleve të larta kur të kemi dalë me disa ide të qarta.

VOA: Në raport ju përjashtoni variantin e pavarësisë së menjëhershme dhe variantin e kthimit të Kosovës nën administrimin e Serbisë. A mund të arrihet kështu në përfundimin se thelbi i statusit përfundimtar të Kosovës për të cilin ju flisni do të jetë pavarësia, por me disa kushte?

DS: Jo. Mendoj se thelbi i raportit është se midis këtyre dy ekstremeve, ekzistojnë shumë versione të tjera dhe këto versione përfshijnë një konfederatë me lidhje më të dobëta ose më të forta me Serbinë, përfshijnë versionin e ndarjes, përfshijnë një vendim që do të mund të merrej nga një ekip ndërkombëtar i cili do të vendoste se në cilën rrugë do të shkonte Kosova. Mendoj se do të ishte e gabuar po të lexohej raporti në atë mënyrë që përmendët ju. Ky nuk nuk duhet parë si një raport pro pavarësisë, por si një përpjekje për të studiuar të gjitha alternativat, me të mirat dhe të këqiat e tyre.

VOA: Cili është roli që ju u jepni Shteteve të Bashkuara në vendosjen e statusit përfundimtar të Kosovës.

DS: Kjo është një pyetje interesante. Mendoj se Shtetet e Bashkuara duhet të luajnë një rol shumë të fuqishëm. Çështja nëse Shtetet e Bashkuara do t’i drejtojnë negociatat ndërkombëtare apo do të punojnë me disa nga partnerët e tyre si Kombet e Bashkuara, Bashkimi Evropian apo Rusia, për t’i drejtuar këto negociata, ende është e nevojshme të shqyrtohet dhe në fakt në një të ardhme të afërt ne do t’i studiojmë disa prej këtyre çështjeve. Por do të ishte gabim të mendohej se Shtetet e Bashkuara mund t’ua lenë këtë çështje të tjerëve. Në Ballkan ka shumë probleme për të cilat Shtetet e Bashkuara duhet të jenë aktive. Evropa po bën një punë gjithnjë e në të mirë në trajtimin e çështjeve të Ballkanit dhe në afrimin e vendeve ballkanike më pranë Evropës. Por ka disa çështje, midis tyre edhe statusi përfundimtar i Kosovës, që do të kërkojnë angazhimin amerikan.

VOA: Sa të gatshëm janë amerikanët t’i kundërshtojnë evropianët për çështjen e statusit nëse lindin mosmarrëveshje?

DS: Nuk mendoj se kjo është mënyra e drejtë e shtrimit të çështjes. Mendoj se amerikanët dhe evropianët është e nevojshme të punojnë së bashku për të formuluar një pozicion të përbashkët, së pari lidhur me procesin dhe më vonë ndoshta edhe me rezultatin. Shtetet e Bashkuara dhe Evropa megjithëse kanë disa interesa të ndryshme në rajon, më duket se kanë qenë mjaft të suksesshme gjatë vitit të fundit në konsolidimin e pozicioneve të tyre dhe për të garantuar se midis tyre nuk do të ketë ndryshime të mëdha.

VOA: Në raport ju shtroni çështjen që, meqenëse Kina dhe Rusia nuk janë të interesuara për pavarësinë e Kosovës, atëhere vetë Prishtina dhe Beogradi duhet të bien dakord për statusin me bisedime. Por deri tani ne kemi parë se është pothuajse e pamundur që të fillohen këto bisedime.

DS: Në të kaluarën kemi pasur një proces negociatash midis një regjimi jodemokratik në Beograd dhe një strukture institucionale jo të zhvilluar sa duhet në Kosovë. Por kjo nuk do të ndodhë më në të ardhmen. Në të ardhmen do të kemi të bëjmë me një demokraci pak a shumë të konsoliduar në Beograd, e cila është sidomos e interesuar për ta futur Serbinë në Bashkimin Evropian. Nga ana tjetër, do të kemi të bëjmë me një bazë institucionale shumë më të fortë në Kosovë sepse parlamenti, qeveria dhe institucionet e Kosovës do të shërbejnë si mbështetje për negociatorët.


Nga Zeri i Amerikes

[Nuh Musa]

Mrmbrm!

Po me habitin pak keto vellezerit e kosoves. Cka eshte problemi bre vllazen?, ku i keni njerezit e pershtatshem per statusin e kosoves?, pse po leni tjeret te hane *** pa nderpre, e ju vet vetem pritni e po thuani me ne fund PO ose JO!

Cka thot ki zoteriu? "Mendoj se thelbi i raportit është se midis këtyre dy ekstremeve, ekzistojnë shumë versione të tjera dhe këto versione përfshijnë një konfederatë me lidhje më të dobëta ose ...."

Ose, cka?, pse nuk i kujtoni se ceshtja kryesore e deshtimit te bisedimeve ne rambuje ish REFERENDUMI per pamvaresi?, dhe mu per kete deshtim u be LUFT klassike, dhe si cdo luft tjeter, edhe kjo luft DUHET te sjell CESHTJE TE MBARUARA. A nuk ka kosova nje njeri qe mund te dal HAPTAZI ti cek keto pika?, KONFERDERATE?, mes CILEVE?, serbet kan absolutikisht vetem interessa territoriale ne kosove, dmth. kosova multietnike NUK U INTERESON, kjo eshte shfaqur sie dielli i mengjesit 90 vitet e fundit. Haj ta ndertojm nje DATABANK me tmerret e ndodhura brenda ketyre 90viteve ndaj shqiptareve, dhe do te shohim se a ka mundesi, ne mos ne realitet, berem ne endera per nje konfederat me serbine.

Nje nder shum pikat qe shfaq aftesine e politikaneve ose me mire ti quaj PROLETEVE kosovare:

"a mundka serbia te vendos koordinuesin e pershtatshem per kosoven, NEbojsha Covicin, e ju nuk mundni te vendosni nje koordinues te posacem per kosoven lindore?, ateher ju lutem, nese nuk ju ha ***** gje, MOS E QUANI KOSOVA LINDORE, por quanja SERBIA JUGORE, eshte me afer realitetit"

HAHAHAHAHAH, sa kam qesh: vet prishtina me beogradin te fillojn bisedimet?, ata se pari duhet te fillojn bisedimet me Lubjanen, pastaj me Zagrebin, pastaj me Sarajeven, e me ne fund, dmth. pas 20 viteve me kosoven.

Shpresoj se deri atehere do te kemi nje shtet te fort shqiptar me 20 mill. banore dhe nje nder armatat me te fuqishme te europes.

Flm

[Taulant-Dardani]

NUhe, duke u bazuar ne shkrimin tend, ma merre mendja, dhe jam 100% i sigurt se ju jeni nga Maqedonia, apo te them Shqiptar nga Maqedonia.

Nuk e di se a din se cfrae dallon ndryshimi ne mes te federates dhe konfederates. Mirepo, e shoh se nuk ke lidhje. Ai personi i larte-permendur vetem ka dhene mendimn e tij...pastaj ai qenka aktive dhe i njohur nga SHBA-ja. Juve nuk ju perket qe ta kritikoni. Se pari, ju nuk paskeni lidhje me politike. PO i perqesh Kosovaret te cilet luftuan me nje shtet m e te forte se Maqedonia. Nuk dua te dal cinik, por Shqiptaret e Maqedonise nuk i kane punet me mire se Kosovaret.

Nje konfederate me Serbine mundet me qene nje status tranzitor. Nuk them se jam pro-ketij opcioni, por ne qofte se BE dhe USA kerkojne nje gje te tille, atehere asnje Shqiptar kudo se jeton sdo te mund te bej asgje. Konfederata te len te krijosh institucione te pavarura nga shtetet tjera perberese. Pastaj, konfederata lejon shpallje referendumi..cka do te thote se Kosova posedon mundesine te shpall Pavarsine. Edhe ne qofte se kjo konfederate ndosh, trupat e Paqerujtese nuk do ta leshojne Kosoven. Kosova ka rendesi politike dhe strategjike per BE dhe USA-n.

Ti, Nuho, shko e abonohu ne tema adoleshente, se s'paske lidhje me politike.

[Anton]

Te nderuar,

se cfare opcionesh ka Amerika apo Europa per Kosoven eshte nje gje,

se cfare kemi e duhet te kemi ne vete eshte tjeter gje.

Populli i Kosoves ka mbajte nje referendum ku e ka shpreh vullnetin e vet.

Vullneti i popullit duhet te jete detyrimi per udheheqesat e tij.

Mendimi i im eshte:

Pavaresine e Kosoves e kemi vete ne dore.

Kushti i nevojshem, por jo i mjaftueshem eshte qe ne vete te denojme kriminelet tane dhe ne vete te luftojme krimin e organizuar qe po na merr frymen.

Kushti tjeter absolutisht i rendesishem eshte stabilizimi ekonomik.



Ps

i nderuar Taulant , dhe ne rast se nuk je dakort me mendimin e Nuh nuk ke pse i jep mend, por perdor argumenta te lutem.

[Ari-Intimidator]

Anton, lexo edhe njehere shrkimin e Taulantit. Ai vetem e shpjegoj se cfare dmth Konfederata. As ai nuk eshte dakort per nje gje te tille. Me sa me duket mua, ai paska me shumemend se ju.

[Anton]

I nderuar Ari,

e kam lexu ate taulantin dhe shume mire:

"Ti, Nuho, shko e abonohu ne tema adoleshente, se s'paske lidhje me politike."

Ti mire e ke se kush ka shume mend perpiqet me i dhane te tjereve, por populli yne ka nje fjale:

Kallini plot e mban koken ule.



Nejse,

le te kalojme tek tema:

Une jam per nje qendrim te gjithe Kombit shqiptar:

Per Kosoven mund te bejme shume kompromise, pervec ketyre dy:

Ne asnje menyre nuk do te pranojne ndarjen e saj.


Permbi Pavaresine e saj nuk diskutohet.


Ky duhet te jete qendrimi i jone si Komb.

Gjate historise sone se pergjakshme kemi qene gjithmone si nje top futbolli ose si nje pre per tu nda, per here te pare ne Histori e kemi mundesine te reagojme si Komb.

Une e kam hedhur para muajve ide qe dalngadale ne duhet te organizojme demostrata ose me mire te themi festa paqesore falenderimi ne te gjitha qytetet kryesore te Botes njekohesisht ku pervec falenderimit per clirimin tone te shprehim vullnetin tone te pathyeshem per Pavaresine e Kosoves.

Mendoni efektin qe ka ne opinionin publik ne rast se qindramijira shqiptare ne Tirane, Prishtine, Shkup, Berlin, Rome, Paris, Londer, Bruksel, Ankara, Uashington, Sidnej festojne paqesisht per te falenderuar boten dhe per te kerkuar Pavaresine ne te njejten


dite.


Ne duhet te themi hapur ate qe kerkojme dhe duhet te behemi te denje per ta arritur ate qe duam.

[Beqari002]

Daniel Serwer-drejtor i programit per Ballkanin pran Institutit per Paqe rreth statusit perfundimtar te Kosoves ne nje interviste te dhene ne BBC e qe e transmeton edhe Koha ditore do te thote



Drejtori i programit për Ballkanin pranë Institutit për Paqe, Daniel Serwer, duke folur për radion BBC ka thënë se çështja e statusit final të Kosovës nuk mund të shtyhet edhe për shumë kohë, edhe pse qeveritë perëndimore e pohojnë të kundërtën

Rreth statusit final të Kosovës do të duhet të bisedohet më herët se që parasheh momentalisht bashkësia ndërkombëtare, ka vlerësuar Instituti amerikan për Paqe në analizën e fundit të publikuar. Në këtë dokument, pjesë të të cilin janë botuar nga "Koha ditore" javën e kaluar, përmenden tetë opcione të mundshme të zgjidhjes përfundimtare për Kosovën, në mesin e të cilave nuk janë as kthimi i Kosovës nën kontrollin e Beogradit por as pavarësimi i menjëhershëm.

Drejtori i programit për Ballkanin pranë Institutit për Paqe, Daniel Serwer, duke folur për radion BBC ka thënë se çështja e statusit final të Kosovës nuk mund të shtyhet edhe për shumë kohë, edhe pse qeveritë perëndimore e pohojnë të kundërtën. "Debati i deritanishëm, sipas mendimit tonë, nuk është real. Në atë, nga njëra anë, flitet për pavarësimin momental të Kosovës, ndërsa nga ana tjetër për kthimin e provincës nën pushtetin e Beogradit. Asnjëra nga këto opcione nuk është reale dhe kemi dashur të propozojmë zgjidhje të tjera që kanë gjasa më të mira të jenë të pranuara", ka thënë Serwer, përcjell Beta. Sipas tij, në dy vjetët e ardhshme shqiptarët do të shtojnë presionin që të gjendet zgjidhja, ndërsa Serbia do të dëshirojë që të lajmërohet për anëtarësim në BE, që do të thotë se duhet të definojë saktësisht se cilin territor planifikon ta marrë me vete në Bashkimin Evropian. "Përgjigjen në këtë pyetje Beogradi duhet ta përcaktojë deri në vitin 2004", vlerëson Daniel Serwer. Ai thotë se në Kosovë "ka shumë probleme që kërkojnë zgjiodhje urgjente", duke i përmendur ndër këto probleme situatën e grupeve etnike joshqiptare, lirinë e lëvizjes dhe krimin e organizuar, ndërsa shtoi se Instituti për Paqe nuk sugjeron që statusi final është çështja më emergjente, por thotë se ajo nuk mund të shtyhet deri në infinit. "Një lloj debati preliminar rreth kësaj çështjeje në 1-2 vjetët e ardhshme do të ishte i mirëseardhur", tha Serwer, duke shtuar se statusi final nuk duhet të ketë prioritet përballë çështjes së të drejtave të njeriut të minoriteteve në Kosovë. "Problemi i të drejtave të tyre duhet të zgjidhet urgjentisht. Në dokumentin tonë qartë thuhet se përcaktimi i statusit final do të presë trajtimin korrekt të popullatës joshqiptare", tha ai. Në bisedë për BBC-në, Serwer ka përsëritur propozimet e Institutit për Paqe për statusin final të Kosovës: "federata në të cilën sovraniteti i Kosovës do të mbetej në Beograd", "kantonizimi" dhe "pavarësia, por jo në kufijtë e tanishëm por me ndarje, ashtu që Serbia të marrë pjesën veriore të Kosovës, ndërsa Kosovës t'i bashkëngjitet pjesa e jugut të Serbisë ku shqiptarët janë shumicë". Në mesin e propozimeve janë edhe "pavarësia pas një numri të caktuar të viteve" ose "pavarësia nëse përmbushen kriteret e caktuara". "E vetmja zgjidhje stabile do të jetë ajo rreth së cilës do të pajtohen Beogradi dhe Prishtina", ka thënë Serwer, duke shtuar se "përderisa pushteti në Beograd të jetë demokratik, imponimi i zgjidhjes pa pajtimin e Beogradit nuk do të jetë i mundur".

[Taulant-Dardani]

E shihni se BE dhe komuniteti nderkombetare as nuk flet per Pavaresine e Kosoves. Kosova ende eshte ne ndertim e siper. Cka do te thote se c'faredo qe ne deshirojme per te ardhmen e Kosoves eshte pike pyetje sepse BE dhe SHBA-ja me ne fund do te vendosin. Nje gje eshte e qarte. Ata nnuk do te lejojne qe Kosova te administrohet nga Beogradi. Eshte 100% e sigurt se yugoslavia do te kerkoje antaresimin e saj ne BE ne vitin 2004. BE e ka be te qarte se pa e zgjdhur Statusin e Kosoves, Yugosllavia nuk di te pranoohet ne BE. DMTH, Kosova eshte si parakusht. Tash, secili qe mendon se KOsova do te fitoje Pavarsine ne 2004, ai/ajo nuk e kutpon politiken. Pas protektoratit, Kosova do te fitoje nje shkalle pak me te larte te vet-adminitrmit. Keshut, hap mbas hapi, kur Kosova ti plotesoj kushtet per te merituar Paveresine sipas mendimit te BE, atehere ajo do ta fitoje Pavarsine. Mos harroni se kthimi i pakicave eshte kusht ne qofte se Kosova don ta fitoj Pavarsine. Edhe pse neve kjo nuk na pelqen, ne duhet te bejme c'mos qe ta zgjedhim kete problem, at least, deri sa sa te bemi shtet Sovran.

UNe vetem thash se Konfederata eshte nje opcion qe BE dhe ShBA-ja mund ta pranojne. Kosova kete do ta pranon vetem ne qofte se Trupat Paqerujtese mbesin ne Kosove. Konfederata mund te jete nje proces transitor. Mos harroni se sipas resolutes 1124, Kosova ende eshte pjese perberese e Jugosllavise. Konfederata vetem mund ti jep me shume fuqi politke Qeverise se Kosoves. Ne Konfederate edhe ushtria, apo TMK mund te qendroje ne Kosove. Dhe, nuk them se jam pro-ketij mendimi, por ne qofte se BE dhe SHBA-ja insistojne, atehere them se nuk eshte edhe ide e keqe. Vetem nje referendum na duhet per te shpallur Pavaresine. Edhe kete rast e kam ndermend per referendum zyrtar, pasi qe ne Konfederate jemi si shtet e jo fantom shtet sikurse kemi qene ne Kohen kur referendumim i fundit u shpall me 1990.

Sa per Protesta, ky eshte mendim i mire. Por nje gje e tille eshte heret per tu organizuar.

Ate fjale i'a thash Nuhes per arsye se ai u shpreh ne menyre banale ne postimin e tij te lart. Shiko se si i permend fekalet dhe ate me shkronja te medhaja.

Une...trimi

[Nuh Musa]

Per zoteri Taulantin!

Zoteri, askush ketu nuk i ceki veshtiresite qe po i kemi me BE ne dhe SHBAte nese njeanshem shpallim Pamvaresine, dhe kjo bile as nuk u prek nga teksti im. Lexoni edhe nje her me vemendje, se sic duket e keni kuptuar gabim tekstin tim.

Une i kritikoj politikanet kosovare per mosmarje iniciativash kunder aksioneve qe i bejn serbet, ketu nuk ka as BE ja lidhje, e as SHBAte.

Covici eshte psh. i derguar i posacem i beogradit per ceshtjen e kosoves, dhe nese nuk jemi te tranum, nuk jemi idiota nga aspekti medicinal, dhe nuk jemi ignorant e ziliqare ndaj njeri tjetri, ateher duhet ta shohim se ka edhe ne kosoven lindore nje problem SHQIPTARE.

Edhe pse kosova nuk eshte SHTET i pamvarur, askush asaj nuk ja mer te drejten ne menyre DEMOKRATIKE te sillet sikur me qen nje shtet i pamvarun.


Nje shembull:

Te burgosurit vuajten ME VITE pas mbarimit te luftes neper burgjet serbe, e cila ish nen qeverisjen e nje kryesie demokrate, ashtu vet ata kete e pohojn para opinionit botenore, e pra, nese qenka ashtu, atehere duhet te dalin deklarime dhe sqarime, PER CRFARE arsye kan vuajtur shqiptare te thjesht ne burgjet serbe?, ku eshte ketu nje ze qe i mbron keta?, a eshte kjo gabim?, ku jane akuzat ndaj shtetit serb per heqje lirie te paarsyeshme te shqiptareve?, dhe ku jane akuzat per demshperblim?


Natyrisht qe Kina dhe Rusia do te kundershtojn, por kjo eshte gje e qarte dhe ka te beje me interesat e tyre perzonale ndaj BOTES e jo ndaj shqiptareve, ata jane te detyruar te veprojn keshtu. (gjermanisht quhet kjo staatsräson)

Thjesht eshte qe kosova te ngrej aktakuze kunder serbise para ligjit nderkombetare per shkaterimet e infrastruktures, per plackitjet e shtepive private dhe publike, dhe per shkaterimet e paarsyeshme.

Edhe per kthimin e pakicave duhet te arrihet nje marreveshje konkrete ku do te deffinohen qarte individat qe do te kthehen, e jo te diktohen keta nga beogradi, qe te na sjellin kolonialistet e milloshevicit perseri, ata i kan vendet e tyre na krajine dhe bosnje. Pyetja eshte, sa jane autoritetet kosovare te inkuadruar ne keto ceshtje?, mendoj se aspak, apo?, ne do ti presim me pushka e thika, e do ti vrasim, apo si e paramendoni kete?


Dhe me ne fund, KOSOVA NUK DUHET ASSESI TE PRANOJ BISEDIME PER STATUSIN PERFUNDIMTAR ME BEOGRADIN PERDERISA ATA NUK KANE MARE PERGJEGJESINE E PLOT PER LUFTEN QE U ZHVILLUA. Por deri te arrihet deri te kjo pik, duhet nje here serbet te cajn hesapet me slovenet, kroatet, boshnjaet, e tek me ne fund me shqiptaret.

AS FEDERATE, AS KONFEDERATE, Kosova eshte e pamvarun, pervec se rregullimin e maredhenjeve ndershtetnore nuk ka tjeter problem me jogoslavine, apo "cernaserbine", apo "serbagora" e ku ta dij une si do ta quajn pseudoshtetin e ardhshem, qe ka gjasa te behet kolumbia e europes.

ME bisedimet e rambujese mbaruan edhe bisedimet e shqiptareve mes serbeve, pas lufte nuk ka cka te bisedohet, edhe rezoluta 1244 (jo 1124) ish vetemn nje mjet per te mbaruar LUFTEN, a ka nen ate fletushk ndonje nenshkrim shqiptari, edhe kosova ka patur perfaqesuesit politik, pse nuk u pyeten ata?, por ma intersantja eshte, se kjo rezolut eshte neneshkruar nga kriminel lufte, qe tash ndodhen ne hage?, a nuk ben njehere te miret VLEFTA e kesaj rezolute nen filtrim?

Edhe nje gje taulant, ardhmeria e maqedonise mvaret nga ardhmeria e kosoves, per ate kam edhe une interes te madh ne zhvillimet politike te kosoves.

Flm

[Ari-Intimidator]

Sa analize rrjedhshme nga NUha. Nuhe, mund te them lirisht se ky shkrimi yt lidhur me Ceshtjen e Kosoves, m ela pershtypje te madhe. Dmth, Kosova eshte e Pavarur. Sa mire. E kur e shpallem ne kete pavaresi? Me trego te lutem, se kjo qenka nje gje qe une e paskam harruar. E di se cfare duuhet te bejme te gjithe anetarte e ketij Forumi? Te apelojme te BE dhe USA se Nuha e ka gjete menyren e zgjidhjes se Statusit te Kosoves. Duhet po ashtu te apelojme dhe te Politikanet Shqiptar se ata nuk paskan asfare lidhje me cfare po ndodh me Kosoves, dhe ata duhet ta degjojne shokun NUhe. ME fal per kete cinisem.

Nuhe, paske aftesi te behesh nje keshilltar i zgjuar i Ibrahim Rugoves, apo Nexhat Dacit. PO te ishte per neve, moti do ta kishim shpallur Kosoven te Pavarur; moti do ti kishim bashkuar trojet tona; lidhja e Prizrenit do te kishte patur nje efekt me te madh; konferenca e Londres nuk do te kishte vepruar ne ate menyre; Kongresi i Berlinit nuk do te kishte rendesi te madhe; Paqja e Versajiut do te ishte paqe edhe per ne.. etj etj.

Kur do te filloni ta kuptoni se ceshtja e Kosoves eshte dicka me e nderlikuar se sa po thuani. Pavaresia e Kosoves eshte proces i komplikuar; ketu nderhyne shume faktore, disa prej te cilve jane permendur nga disa anetare. Sa me vjen per tu qeshur kur disa shkruajne se BE dhe komuniteti nderkombetare nuk kane influence te madhe. PO kush na cliroj nga Serbi....Shqiptari. Po te mos ishtye Amerika e NATO, ku do te ishim ne sot? Me thuaj, Nuhe.
Qytetaret e SHBA-s pagujane shume tatime, shumica e te cilave perdoren nga Armata. A e din ti se cfare kampi ka ndertuar SHBA-ja ne Ferizaj? A e din ti se sa kushton ajo per tu mbajtur? Ata kane interesat e tyre ne kete vend dhe do te vendosin per kete vend pa deshiren tone.

Ne nuk duhet te bisedojme me Beogradin. PO ksuh te bisedoj me beogradin atehere...Amerika..apo Franca apo BE ne pergjithesi. Kur te vjen koha e bisedimeve, qare nuk e kemi pa bisedu me ta, nese BE kerkon nje gje. Jemi te detyruar nga Ligji Nderkombetar..ende jemi pjese perberese e Yug... Mua ende me thot ne Pasaport se jam Qytetar i KOsoves edhe pse ky eshte dokument udhetimi nga Amerika. Mua akoma nuk me thot se jam Kosovar? A thua pse, NUhe?

Coviqi eshte i derguar i posacem per Serbet, dakort. Edhe une them s edhe ne dueht ta bejme nje gje te tille. Por kur nuk ke shtet dhe kur je i preokupuar me pushtetm nuk te bjen ndermend per nje gje e tile. Une them, pse Zona e Mitrovices ehste e patrolluar nga Francezet, armiqet tane. PSe politikanet tone nuk bejne dicka qe ta eliminojne kete status quo. KJo me duket dicka me e rendesishme se ceshtja e Kosoves lindore.

Se pari duhet te jemi shtet sovran qe te kemi mundesin te kemi influenbce politike. Akoma nuk jemi shtet dhe per kete arsye neve nuk na pyetin; per kete arsye UNMIKU vendos. E pse neve nuk na pelqen nje gje e tille, askush nuk na ka faj. Duhet qe te pajtohemi me faktin se BE dhe komuniteti nderkombetare luajne rol te rendesishem per ardhmerine e Kosoves, dhe duhet te punojme n e kete drejtim qe se bashku me ta, te arrijme kete aspirate.

UNe

[Nuh Musa]

O ari, lexoje edhe njehere shkrimin tim, dhe ma ngadale te lutem

Nje pyetje (da shkruaj me shkronja te medha qe mos te dalen probleme kuptimi):

"KURRE KAM THENE QE KOSOVA ESHTE E PAMVARUR?", te lutem me ndihmo, se ose nuk me shohin syte mire, ose kame haruar se CKA kame shkruar.

Flm

[Anton]

Te nderuar,

te gjithe thoni duhet te punojme duhet te bejme duhet te arrijme, duhet, duhet, duhet,

kur vjen puna per propozime konkrete, naa, asnje nuk thote nje fjale ose nuk behet a ku ta di une.

Une kam bere disa propozime si ju duken?