"sihariq" nga amerika

[erzeni]

nga shtypi

....
Në Miqigan u themelua Lidhja e Intelektualëve Shqiptaro-Amerikan


--------------------------------------------------------------------------

Kuvendin e përshendeti kongresmeni Tom Lantos i shoqëruar nga ish kongresmeni dhe veprimtari i palodhshëm i çështjes shqiptare Xhozef Diogardi.

Kryetar i Lidhjes së Intelektualëve Shqiptaro-Amerikan të Miqiganit (Michigan) me mandat dyvjeçar u zgjodhë intelektuali i mirënjohur nga Shqipëria Dr. Zef Brozi, ndërsa për nënkryetarë profesori univerzitar nga Kosova Dr. Marjan Demaj.

Miqigan (SH.B.A.), 24 shtator 2002 / A.Vuniqi

Në lokalet e kishës shqiptare-katolike, Shën Pali, më 22 shtator, në Roçestër Hills (Rochester Hills), në Miqigan u mbajtë kuvendi themelues i Lidhjesë së Intelektualëve Shqiptaro-Amerikan. Në kuvendin e parë themelues morën pjesë mbi 100 intelektualë të profileve të ndryshme, profesorë në universitete amerikane, inxhinier, artistë, akademikë, ekonomistë, juristë, biznismenë, të cilët janë pozicionuar dhe kanë krijuar emër në institucione të ndryshme të Miqiganit.

Kuvendin e përshendeti kongresmeni amerikan Tom Lantos, i cili shoqërohej nga Xhozef Diogardi, i cili ndër të tjera veçoi rëndësinë e formimit të Lidhjesë së Intelektualëve Shqiptaro-Amerikane si dhe mbështetjen e vazhdueshme të shqiptarëve dhënë qeverisë amerikane.

Gjatë prezantimit të tij para kuvendarëve ai rikujtoi të pranishmit se ishte prezent në Kosovë atëherë kur kishin nevojë më së shumti shqiptarët, duke vazhduar se do të ndihmojë edhe mëtutje çështjen shqiptare në Kosovë, por që tani është i angazhuar edhe për çështjen shqiptare në Maqedoni dhe në Mal të Zi.

Ai gjithashtu potencoi angazhimin në vazhdimësi të shqiptarëve për paqësimin e Ballkanit, duke dhënë një mesazh të qartë se shqiptarët do të jenë një faktor i rëndesishëm i stabilitetit politik por edhe i vendosjes në Ballkan, duke ndihmuar kështu procesimet e mëtejme integruese në Evropë.

Kuvendin themelues të intelektualëve shqiptarë të Miqiganit e përshendeti edhe atdhetari dhe famullitari i kishës katolike shqiptare Don Anton Kçira, i cili theksoi se objekti fetar ku po mbahet ky kuvend është ndërtuar nga kontributi i të gjithë shqiptarëve të tri konfesioneve dhe se ky objekt do të jetë në shërbim të të gjithë shqiptarëve, tani e tutje do te mbetet detyrë e intelektualëve të zgjasin kohësisht procesin e mos asimilimit të shqiptarëve edhe pse ky proces në një periudhë më të gjatë kohore do të jetë i pashmangshëm.

Kuvendin themelues e udhëhoqi Dr. Marjan Demaj, ndërsa për mirevajtjen sa më të suksesshme të kuvendit kontribuan Dr. Fran Ivezaj, Dr. Gjek Gjelaj, Lush Camaj, Nua Ivanaj, Dr. Zef Brozi, Prof. Lulash Palushaj, Pjeter Camaj, Dr. Prenk Ivezaj dhe Tom Camaj në cilësin e referuesve.

Në këtë Kuvend që kishte karakter pune u shpalosën edhe synimet programore dhe angazhimi i mëtejmë i intelektualëve shqiptare-amerikan të Michiganit që ka për qëllim që të mundësojë bashkëpunimin dhe organizimin e intelektualëve për:

- Afirminmin, zhvillimin dhe trashëgimin e kulturës universale kombëtare.

- Njohjen e kulturës dhe historisë së kombit shqiptar, eliminimin e imponimeve ideologjike dhe dhunimit të vlerave kulturore e të vërtetave historike.

- Ruajtjen dhe zhvillimin e gjuhës shqipe nëpërmjet hapjes së klasave për mësimin e gjuhës shqipe dhe të historisë e kulturës kombëtare.

- Intensifikimin e bashkëpunimit të pandërprerë dhe të gjithanshëm me institucionet, shoqatat dhe subjektet politike fetare.

- Nxitjen dhe mbështetjen e krijimtarisë shkencore, kulturore e artistike.

- Zhvillimin e informimit publik nëpërmjet hapjes së kanaleve televizive, radiove, gazetave dhe revistave në gjuhën shqipe dhe bashkëpunimin me ato ekzistuese.

- Ndihmën për zhvillimin shoqëror dhe ekonomik të të gjithë shqiptarëve kudo që gjenden. Dhënien e kontributit në veprimtaritë kulturore e artistike.

-Mbrojtjen e të drejtave dhe lirive të njeriut dhe zhvillimin e marrdhënieve shoqërore demokratike.

- Integrimin kulturor, ekonomik, social, rajonal, europian e botëror të shqiptarëve e në menyrë të veçantë të immigrantëve në Amerikë.

- Njohjen dhe afirmimin e arritjeve shkencore e teknike bashkëkohore.

- Mbajtjen e qëndrimeve ndaj çdo propagande deningruese që cenon dhe rrezikon interesat e shqiptarëve.

- Lobizmin e çështjes shqiptare në Kongresin, Qeverinë dhe institucionet Amerikane si dhe në institucionet evropiane.

Lidhja e Intelektualëve Shqiptaro-Amerikan do të angazhojë potencialin e vet intelektual e krijues përmes botimeve, ribotimeve, ekspozitave, deklaratave, konferencave për shtyp, tryezave të rrumbullakta, mbrëmjeve letrare, bisedave akademike etj.

Lidhja e Intelektualeve Shqiptaro-Amerikan ka paraparë për vitin e parë të veprimtarisë së vet të:

- Përpilojë dhe botojë Abetaren e Immigrantit dhe fjalorin e 1000 fjalëve të para në gjuhën shqipe.

- Të organizojë të paktën një konferencë me karakter shkencor.

- Të pergatisë në gjuhën shqipe dhe në anglisht botimin "Çfarë është e nevojshme të dini për t'u bërë shtetas Amerikan".

- Të pergatisë dhe të japë për botim "Jetëshkrimi dhe vepra e tre shkrimtarëve më të mëdhenjë të literaturës së vjetër shqipe".

- Te përgatisë dhe botojë librin: Dhjetë tregime të Ezopit për të vegjlit".

- Në muajin tetor të organizojë një seminar kushtuar jetës dhe veprimtarisë se Gjergj Fishtës.

- Të organizojë bisedën letrare: Botimi ne Michigan i Revistës "Kuvendi" që përbën një akt me vlera intelektuale në sherbim të immigrantëve shqiptarë.

- Të hapë ekspozitën me vepra të piktorëve, skulptorëve dhe krijuesve shqiptarë që janë në Amerikë.

Në fund të punimeve kuvendi zgjodhi me vota të fshehta edhe këshillin drejtues në përbërje: Zef Brozi, Marjan Demaj, Nua Ivanaj, Pjetër Camaj, Lush Camaj, Tom Camaj, Fran Ivezaj, Gjekë Gjolaj, Nuo Ivezaj, Ledio Veseli, Ariana Malile, Elvira Bishaj, Eduard Aliko, Antoneta Bilica dhe Rexhep Goçi.

Kuvendarët zgjodhën me vota të fshehta edhe kryesinë e Lidhjesë së Intelektualëve Shqiptaro-Amerikan me krytar Dr. Zef Brozi dhe nënkryetar Dr. Marjan Demaj.

.....


A nuk gjeten ndonji BURRE ta bejne kryetar po vajten gjeten me qiri dhelparakun Zef Brozi?