Filozofia Biblike

[Albo]

Libri Ecclesiates nga Dhiata e Vjeter e Bibles

1 Fjalët e Predikuesit, e birit të Davidit, mbretit të Jeruzalemit.

2 "Kotësi e kotësive", thotë Predikuesi;
3 "Kotësi e kotësive; gjithçka është kotësi". Çfarë përfitimi ka njeriu nga gjithë mundi i tij, kur mundohet nën rrezet e diellit?
4 Një brez shkon, një brez vjen, por toka mbetet përjetë.
5 Edhe dielli lind e pastaj perëndon, dhe shpejtohet në drejtim të vendit nga del përsëri.
6 Era fryn në drejtim të jugut, pastaj kthehet nga veriu; kthehet dhe rikthehet vazhdimisht dhe bën po ato rrotullime.
7 Gjithë lumenjtë derdhen në det, por deti nuk mbushet kurrë; nga vendi prej të cilit lumenjtë vijnë, aty kthehen, përsëri.
8 Tërë gjërat kërkojnë mund, më tepër nga sa mund të thotë njeriu; syri nuk ngopet kurrë duke parë, po kështu veshi nuk ngopet kurrë duke dëgjuar.
9 Ajo që ka qenë është ajo që do të jetë; ajo që është bërë është ajo që do të bëhet; nuk ka asgjë të re nën diell.
10 A ka diçka për të cilën mund të thuhet: "Shiko, kjo është e re!". Kjo gjë ekzistonte që në shekujt që na kanë pararendur.
11 Nuk mbetet asnjë kujtim nga gjërat e kaluara, dhe kështu nuk do të mbetet asnjë kujtim nga gjërat që do të ndodhin midis atyre që do të vijnë më pas.
12 Unë, Predikuesi, kam qenë mbret i Izraelit në Jeruzalem,
13 dhe kam kërkuar me zemër të zbuloj dhe të hetoj me dituri çdo gjë që ndodh nën qiell; kjo është një punë e rëndë që Perëndia u ka dhënë bijve të njerëzve që ata të lodhen.
14 Unë i kam parë tërë gjërat që bëhen nën diell; dhe ja, të gjitha janë gjëra të kota dhe një kërkim për të kapur erën.
15 Ajo që është e shtrëmbër nuk mund të drejtohet dhe ajo që mungon nuk mund të numërohet.
16 Unë kam folur me zemrën time, duke thënë: "Ja, kam fituar madhështi dhe dituri më të madhe se të gjithë ata që kanë mbretëruar para meje në Jeruzalem dhe zemra ime ka parë shumë dituri dhe njohuri".
17 Dhe ia kushtova zemrën time për të njojtur diturinë si dhe njohjes së marrëzisë dhe budallallëkut; dhe kuptova që edhe kjo është një kërkim për të kapur erën.
18 Sepse aty ku ka shumë dituri ka edhe shumë shqetësim dhe kush shton diturinë shton dhembjen.

1 Unë thashë në zemrën time: "Eja tani, dua të të vë në provë me gëzimin, dhe ti do të gëzosh ëndjen". Por ja, edhe kjo është kotësi.
2 Për të qeshurit kam thënë: "Éshtë një marrëzi, dhe për gëzimin: "Kujt i shërben?".
3 Kërkova në zemrën time si ta kënaq trupin tim me verë, duke e nxitur njëkohësisht zemrën time drejt diturisë dhe t'i qepet marrëzisë, deri sa të shoh cila është e mira që bijtë e njerëzve do të duhej të bënin nën qiell tërë ditët e jetës së tyre.
4 Kështu kreva punime të mëdha për vete; ndërtova shtëpi, mbolla vreshta,
5 bëra kopshte dhe parqe, duke mbjellë drurë frutorë të çdo lloji;
6 ndërtova pellgje për ujin me të cilat të mund të vadis pyllin që të rriten drurët.
7 Bleva shërbëtorë dhe shërbëtore dhe u bëra me shërbëtorë që lindën në shtëpi; pata pasuri të mëdha në kope me bagëti të trashë dhe të imët më tepër se ata që kishin qenë para meje në Jeruzalem.
8 Grumbullova për vete edhe argjend, ar dhe pasuritë e mbretërve dhe të krahinave; gjeta këngëtarë dhe këngëtare, kënaqësitë e bijve të njerëzve, dhe vegla muzikore të çdo lloji.
9 Kështu u bëra i madh dhe u begatova më tepër se ata që kishin qenë para meje në Jeruzalem; edhe dituria më mbeti mua.
10 Tërë ato që sytë e mi dëshironin, nuk ua mohova atyre; nuk i refuzova zemrës sime asnjë qejf, sepse zemra ime kënaqej me çdo punë timen; dhe ky ka qenë shpërblimi për çdo punë të bërë nga unë.
11 Pastaj u ktheva të shikoj tërë veprat që kishin bërë duart e mia dhe mundin tim për t'i kryer; dhe ja, të gjitha ishin kotësi dhe një kërkim për të kapur erën; nuk kishte asnjë përfitim nën diell.
12 Atëherë u ktheva të rrah me mend diturinë, marrëzinë dhe budallallëkun. "Çfarë do të bëjë njeriu që do të zërë vendin e mbretit, në mos atë që është bërë?".
13 Pastaj kuptova që dituria ka një epërsi mbi budallallëkun, ashtu si drita ka një epërsi mbi errësirën.
14 I urti i ka sytë në kokë, kurse budallai ecën në errësirë; por kuptova gjithashtu që të dyve u është rezervuar i njëjti fat.
15 Kështu thashë në zemrën time: "Po ai fat që i takon budallait më takon edhe mua". Ç'përfitim ke se ke qenë më i urtë?". Prandaj thashë në zemrën time: "Edhe kjo është kotësi".
16 Nuk mbetet në fakt asnjë kujtim jetëgjatë si i njeriut të urtë ashtu edhe i njeriut budalla, sepse në ditët e ardhme gjithçka do të harrohet. Dhe ashtu si vdes budallai, në të njëjtën mënyrë vdes i urti.
17 Prandaj fillova të urrej jetën, sepse të gjitha ato që bëhen nën diell më janë bërë të neveritshme, sepse të gjitha janë kotësi dhe një përpjekje për të kapur erën.
18 Kështu kam urryer çdo mundim që kam kryer nën diell, sepse duhet t'i lë të gjitha atij që do të vijë pas meje.
19 Dhe kush e di në se do të jetë i urtë ose budalla? Sidoqoftë ai do të jetë zot i gjithë punës që kam kryer me mund dhe për të cilën kam përdorur diturinë nën diell. Edhe kjo është kotësi.
20 Kështu arrita të dëshpërohem në zemrën time për gjithë mundin që kam bërë nën diell.
21 Sepse këtu ka një njeri që ka punuar me dituri, me zgjuarësi dhe me sukses, por që duhet t'ia lërë trashëgiminë e tij një tjetri, që nuk është munduar fare! Edhe kjo është një kotësi dhe një e keqe e madhe.
22 Çfarë i mbetet në të vërtetë njeriut për tërë mundin e tij dhe për shqetësimin e zemrës së tij, me të cilën është munduar nën diell?
23 Tërë ditët e tij nuk janë veçse dhembje dhe puna e tij është e rëndë. Zemra e tij nuk pushon as natën. Edhe kjo është kotësi.
24 Për njeriun nuk ka gjë më të mirë se sa të hajë e të pijë dhe të gëzohet në mundin e tij; por kam vënë re se edhe kjo vjen nga dora e Perëndisë.
25 Kush mund të hajë ose të gëzohet më shumë se unë?
26 Sepse Perëndia i jep njeriut që i pëlqen dituri, njohje dhe gëzim; por mëkatarit i ngarkon detyrën të mbledhë dhe të grumbullojë, për t'ia lënë pastaj të gjitha atij që pëlqehet nga sytë e Perëndisë. Edhe kjo është kotësi dhe përpjekje për të kapur erën.


1 Çdo gjë ka stinën e vet, çdo situatë ka një kohë nën qiell;
2 një kohë për të lindur dhe një kohë për të vdekur, një kohë për të mbjellë dhe një kohë për të shkulur atë që është mbjellë,
3 një kohë për të vrarë dhe një kohë për të shëruar, një kohë për të shembur dhe një kohë për të ndërtuar,
4 një kohë për të qarë dhe një kohë për të qeshur, një kohë për të mbajtur zi dhe një kohë për të hedhur valle,
5 një kohë për të flakur gurët dhe një kohë për të mbledhur gurët, një kohë për të përqafuar dhe një kohë për të mos përqafuar,
6 një kohë për të kërkuar dhe një kohë për të humbur, një kohë për të ruajtur dhe një kohë për të hedhur tutje,
7 një kohë për të grisur dhe një kohë për të qepur, një kohë për të heshtur dhe një kohë për të folur,
8 një kohë për të dashuruar dhe një kohë për të urryer, një kohë për luftën dhe një kohë për paqen.
9 Çfarë përfitimi ka ai që punon nga të gjitha gjërat për të cilat mundohet?
10 Pashë punën që Perëndia u jep bijve të njerëzve, me qëllim që të mundohen.
11 Ai e ka bërë të bukur çdo gjë në kohën vet; ka vënë madje përjetësinë në zemrat e tyre, pa i dhënë mundësinë asnjë njeriu të zbulojë veprën që Perëndia ka bërë nga fillimi deri në fund.
12 Kështu kuptova që nuk ka gjë më të mirë se sa të gëzohesh dhe të bësh të mirë sa je gjallë;
13 dhe që çdo njeri që ha, pi dhe gëzon mirëqënie në gjithë mundin e tij, kjo është një dhuratë e Perëndisë.
14 E kuptova që tërë ato që bën Perëndia janë përjetë; nuk mund t'u shtosh dhe t'u heqësh asgjë; dhe Perëndia vepron kështu me qëllim që njerëzit të kenë frikë prej tij.
15 Ajo që është, ka qenë më parë; dhe ajo që do të vijë ka qenë më parë, dhe Perëndia heton atë që ka kaluar.
16 Kam parë gjithashtu nën diell që në vend të arsyes kishte paudhësi, që në vend të drejtësisë kishte paudhësi.
17 Kështu thashë në zemrën time: "Perëndia do të gjykojë të drejtin dhe të pabesin, sepse ka një kohë të caktuar për çdo gjë dhe për çdo vepër".
18 Thashë në zemrën time: "Përsa u përket kushteve në të cilat ndodhen bijtë e njerëzve, Perëndia i vë në provë, që ata vetë të kuptojnë që janë si kafshë".
19 Në fakt të gjitha ato që u ndodhin bijve të njerëzve u ndodhin kafshëve; të dy palëve u ndodh e njëjta gjë. Ashtu si vdes njeri, kështu vdes tjetri. Po, të gjithë kanë po atë frymë; dhe njeriu nuk ka asnjë epërsi mbi kafshën, sepse gjithçka është kotësi.
20 Të gjithë shkojnë në po atë vend; të gjithë vijnë nga pluhuri dhe kthehen në pluhur.
21 Kush e di në se fryma e bijve të njerëzve ngjitet lart dhe në se fryma e kafshës zbret poshtë në tokë?
22 Kështu e kuptova që nuk ka gjë më të mirë për njeriun se sa të gëzohet në punën e tij, sepse kjo është pjesa e tij. Kush do ta çojë në fakt të shohë atë që ka për të ndodhur pas tij?


1 Kështu u ktheva dhe mendova për gjithë shtypjen që ndodhin nën diell; dhe ja, lotët e të shtypurve, të cilët nuk kanë njeri që t'i ngushëllojë; nga ana e shtypësve të tyre ishte forca, por as ata nuk kanë njeri që t'i ngushëllojë.
2 Prandaj i konsiderova të vdekurit, ata që tashmë kanë vdekur, më të lumtur se të gjallët që jetojnë akoma;
3 por edhe më i lumtur se njera dhe tjetra palë është ai që nuk ka ekzistuar kurrë dhe ende nuk ka parë veprimet e këqija që kryhen nën diell.
4 Pashë gjithashtu që çdo mund dhe çdo sukses në punë ngjallin smirën njerit kundër tjetrit. Edhe kjo është kotësi dhe një përpjekje për të kapur erën.
5 Budallai rri me duar të kryqezuara dhe ha mishin e vet.
6 Vlen më tepër një grusht me pushim se sa dy grushte, me mundim, duke u përpjekur të kapësh erën.
7 Kam parë edhe një kotësi tjetër nën diell;
8 dikush është krejt vetëm dhe nuk ka as bir as vëlla, megjithatë mundi i tij nuk ka të sosur dhe sytë e tij nuk janë ngopur me pasuri. Por nuk e pyet veten: "Për kë po lodhem dhe e lë veten pa asnjë të mirë?". Edhe kjo është kotësi dhe një mundim i rëndë.
9 Dy vlejnë më mirë se një i vetëm, sepse kanë një shpërblim të mirë për mundin e tyre.
10 Në fakt në se rrëzohen, njeri ngre tjetrin; por mjerë ai që është vetëm dhe rrëzohet, sepse nuk ka njeri që ta ngrerë!
11 Kështu gjithashtu në se dy veta flenë bashkë, ata kanë mundësi të ngrohen; por ai që është vetëm si do t'ia bëjë të ngrohet?
12 Në rast se dikush mund të mposhtë atë që është vetëm, dy veta mund t'i rezistojnë; një litar tresh nuk këputet aq shpejt.
13 Éshtë më mirë një i ri i varfër dhe i urtë se sa një mbret plak dhe budalla, që nuk di më të pranojë qortime.
14 Sepse i riu ka dalë nga burgu për të mbretëruar, megjithëse kishte lindur i varfër në mbretërinë e tij.
15 I pashë tërë të gjallët që ecnin nën diell për t'u bashkuar me të riun, që shkon të zërë vendin e tjetrit.
16 Ishte i panumërt gjithë populli, gjithë ata që kishin qenë para tyre. Megjithatë ata që do të vijnë më pas nuk do të jenë të kënaqur prej tij! Edhe kjo është kotësi dhe një përpjekje për të kapur erën.


1 Ki kujdes hapat e tua kur shkon te shtëpia e Perëndisë; afrohu për të dëgjuar në vend që të ofrosh flijimin e budallenjve, të cilët as nuk dinë që veprojnë keq.
2 Mos u nxito me gojën tënde, dhe zemra jote të mos shpejtohet të thotë asnjë fjalë përpara Perëndisë, sepse Perëndia është në qiell dhe ti mbi tokë; prandaj fjalët e tua të jenë të pakta.
3 Sepse nga punët e shumta vijnë ëndrrat, dhe nga fjalët e shumta zëri i budallait.
4 Kur i ke bërë një zotim Perëndisë mos humb kohë ta plotësosh, sepse ai nuk kënaqet me budallenjtë; plotëso zotimin që ke marrë.
5 Më mirë të mos marrësh zotime se sa t'i bësh dhe të mos i plotësosh.
6 Mos lejo që goja jote ta çojë trupin tënd të mëkatojë dhe mos thuaj para lajmëtarit të Perëndisë: "Ka qenë gabim". Pse Perëndia duhet të zemërohej me fjalët e tua dhe të shkatërronte veprën e duarve të tua?
7 Sepse në ëndrrat e shumta dhe në fjalët e shumta ka kotësi; por ti ke frikë nga Perëndia.
8 Në rast se në provincë sheh shtypjen e të varfërit dhe shkeljen me dhunë të së drejtës dhe të drejtësisë, mos u habit nga kjo gjë; sepse mbi një pushtet të lartë ndodhet një më i lartë dhe mbi ta disa pushtete akoma më të larta.
9 Toka ofron përfitime më të mëdha se çdo gjë tjetër, dhe vetë mbreti shërbehet nga fusha.
10 Kush është i dhënë pas parasë, nuk ngopet kurrë me para, dhe kush dëshiron pasuritë nxjerr përfitim prej tyre. Edhe kjo është kotësi.
11 Kur rritet pasuria, shtohen edhe ata që e përpijnë; dhe çfarë përfitimi kanë prej saj pronarët, veç asaj që e shohin me sytë e tyre?
12 I ëmbël është gjumi i punonjësit, qoftë edhe kur ha pak ose shumë; por velitja e të pasurit nuk e lë atë të flerë.
13 Éshtë një e keqe tjetër e vajtueshme që kam parë nën diell: pasuritë e ruajtura për pronarin e tyre në dëm të tij.
14 Këto pasuri humbasin për shkak të një pune të keqe, dhe kështu në duart e birit që ka lindur nuk mbetet më asgjë.
15 Ashtu si ka dalë nga barku i nënës, kështu lakuriq do të kthehet për të shkuar si pati ardhur, pa marrë gjë nga mundi i tij që mund ta marrë me vete.
16 Edhe kjo është një e keqe e vajtueshme që duhet të shkojë pikërisht ashtu si ka ardhur; dhe çfarë përfitimi ka se është munduar për erën?
17 Përveç kësaj ai ha çdo ditë të jetës së tij në errësirrë, dhe ka shumë hidhërime, sëmundje dhe telashe.
18 Ja çfarë kuptova: është mirë dhe e përshtatshme për njeriun të hajë, të pijë dhe të gëzojë të mirën e gjithë mundit të tij nën diell, tërë ditët e jetës që Perëndia i jep, sepse kjo është pjesa e tij.
19 Çdo njeriu të cilit Perëndia i jep pasuri dhe të mira dhe të cilit i jep gjithashtu mundësinë t'i gëzojë ato, të marrë pjesën e vet dhe të gëzojë mundin e tij, kjo është një dhuratë e Perëndisë.
20 Në fakt ai nuk do të kujtojë shumë ditët e jetës së tij, sepse Perëndia i përgjigjet me gëzimin e zemrës së tij.

1 Éshtë një e keqe tjetër që kam parë nën diell dhe që është e përhapur midis njerëzve:
2 dikujt Perëndia i ka dhënë pasuri, të mira dhe lavdi, dhe nuk i mungon asgjë nga gjithë ato që mund të dëshirojë, por Perëndia nuk i jep mundësinë t'i gëzojë, por i gëzon një i huaj. Kjo është kotësi dhe një e keqe e madhe.
3 Në qoftë se dikujt i lindin njëqind bij dhe jeton shumë vite dhe të shumta janë ditët e viteve të tij, por shpirti i tij nuk ngopet me të mira dhe nuk ka as varr unë them se një dështim është më i lumtur se ai;
4 sepse ka ardhuar më kot dhe po ikën në terr, dhe emri i tij është mbuluar nga terri.
5 Edhe sikur të mos e ketë parë as njohur diellin, megjithatë ka më shumë pushim se tjetri.
6 Po, edhe sikur të duhej të jetonte dy herë një mijë vjet, por pa mundur të gëzojë të mirat e tij. A nuk mbarojnë të gjitha në po atë vend?
7 Tërë mundi i njeriut është për gojën e tij, megjithatë oreksi i tij nuk ngopet kurrë.
8 Ç'përfitim ka i urti mbi budallanë? Ç'përfitim ka i varfëri në rast se di të ecë përpara njerëzve të gjallë?
9 Éshtë më mirë të shikosh me sy se sa të endesh me dëshirën. Edhe kjo është kotësi dhe një përpjekje për të kapur erën.
10 Ajo që është, prej kohe është quajtur me emrin e vet dhe dihet se ç'është njeriu, dhe që nuk mund të hahet me atë që është më i fortë se ai.
11 Duke qenë se ka shumë gjëra që e shtojnë kotësinë, çfarë përfitimi ka prej tyre njeriu?
12 Kush e di në fakt ç'është e mirë për njeriun në këtë jetë, gjatë tërë ditëve të jetës së tij të kotë që ai i kalon si një hije? Kush mund t'i thotë njeriut çfarë ka për të ndodhur pas tij nën diell?


1 Një emër i mirë pëlqehet më tepër se një vaj i parfumuar, dhe dita e vdekjes është më e mirë se dita e lindjes.
2 Éshtë më mirë të shkosh në një shtëpi ku mbahet zi se sa të shkosh në një shtëpi ku ka festë, sepse ky është fundi i çdo njeriu, dhe kush rron ka për të vënë mend.
3 Trishtimi është më i mirë nga gazi, sepse përpara një fytyre të trishtuar zemra bëhet më e mirë.
4 Zemra e të urtit është në shtëpinë ku mbahet zi, por zemra e budallenjve është në një shtëpi të gëzuar.
5 Éshtë më mirë për dikë të dëgjojë qortimin e të urtit se sa të dëgjojë këngën e budallenjve,
6 sepse ashtu siç është kërcitja e shkurreve nën një tenxhere, kështu është e qeshura e budallait. Edhe kjo është kotësi.
7 Me siguri shtypja e bën të pamend njeriun e urtë, dhe dhurata bën që të humbasë arsyen.
8 Më mirë fundi i një gjëje se fillimi i saj, dhe më mirë ai që ka frymë të durueshëm se ai që ka frymë krenar.
9 Mos u nxito në frymën tënd të zemërohesh, sepse zemërimi gjen strehë në gji të budallenjve.
10 Mos thuaj: "Si është e mundur që ditët e kaluara ishin më të mira nga këto?", sepse nuk është urtësi të bësh një pyetje të tillë.
11 Dituria është e mirë bashkë me një pasuri dhe u sjell përfitime atyre që shohin diellin.
12 Sepse dituria është një mbrojtje ashtu si është paraja; por epërsia e diturisë qëndron në këtë; dituria i bën të jetojnë ata që e zotërojnë.
13 Konsideroje veprën e Perëndisë: kush mund të drejtojë atë që ai ka bërë të shtrëmbër?
14 Në ditën e bollëkut ji i gëzuar, por në ditën e fatkqësisë mendohu thellë. Perëndia ka bërë si njerën ashtu dhe tjetrën, me qëllim që njeriu të mos zbulojë asgjë nga ato që do të ndodhin pas tij.
15 Pashë gjithçka në ditët e kotësisë sime. Ndodh që i drejti të vdesë në drejtësinë e vet dhe që i pabesi të jetojë gjatë në ligësinë e tij.
16 Mos ji tepër i drejtë as i urtë jashtë mase. Pse kërkon të shkatërohesh?
17 Mos ji tepër i keq dhe mos u trego budalla. Pse kërkon të vdesësh para kohës sate?
18 Éshtë mirë që ti të kapesh pas kësaj gjëje dhe të mos heqësh dorë prej saj, sepse ai që ka frikë Perëndinë do t'u shmanget tërë këtyre gjërave.
19 Dituria e bën të urtin më të fortë se dhjetë të fuqishëm në një qytet.
20 Nuk ka në fakt asnjë njeri të drejtë mbi tokë që bën të mirën dhe të mos mëkatojë.
21 Përveç kësaj mos u vër veshin tërë fjalëve që thuhen, që të mos mallkohesh nga shërbëtori yt,
22 sepse zemra jote gjithashtu e di që ti vet i ke mallkuar shumë herë të tjerët.
23 Unë i hetova të gjitha këto gjëra me dituri. Thashë: "Do të bëhem i urtë", por dituria është mjaft larg nga unë.
24 Një gjë që është kaq larg dhe kaq e thellë, kush mund ta gjejë?
25 Atëherë e vura zemrën time të njohë, të hetojë dhe të kërkojë diturinë dhe shkakun e gjërave dhe të njohë ligësinë e marrëzisë dhe budallallëkun e marrëzisë;
26 dhe gjeta një gjë më të hidhur se vdekja; gruan zemra e së cilës është kurth dhe grackë dhe duart e së cilës janë pranga. Kush i pëlqen Perëndisë i shpëton asaj; por mëkatari do të kapet nga ajo.
27 Ja ajo që gjeta", thotë Predikuesi, "duke i shqyrtuar një për një gjërat, për të gjetur shkakun e tyre.
28 Atë që unë po kërkoj ende, por nuk e kam gjetur; një burrë ndër një mijë e gjeta, por një grua në mes gjithë atyre nuk e gjeta.
29 Ja, vetëm këtë gjeta: Perëndia e ka bërë njeriun të drejtë, por njerëzit kanë kërkuar shumë marifete.

1 Kush është si i urti? Kush e njeh interpretimin e sendeve? Dituria e njeriut bën që të shkëlqejë fytyra e tij dhe e ndryshon ashpërsinë e fytyrës së tij.
2 Unë të jap një këshillë: respekto urdhërin e mbretit për shkak të betimit të bërë Perëndisë.
3 Mos u nxito të largohesh nga prania e tij dhe mos ngul këmbë në një gjë të keqe, sepse ai bën të gjitha gjërat që i pëlqen.
4 Në fakt fjala e mbretit është e fuqishme; dhe kush mund t'i thotë: "Çfarë po bën?".
5 Kush respekton urdhërin e tij nuk do të pësojë asnjë të keqe; zemra e njeriut të urtë di në fakt të dallojë kohën dhe gjykimin,
6 sepse për çdo gjë ka një kohë dhe një gjykim, dhe ligësia e njeriut rëndon shumë mbi të.
7 Sepse ai nuk e di çfarë ka për të ndodhur; kush në fakt do t'i tregojë si do të venë gjërat?
8 Nuk ka njeri që të ketë pushtet mbi frymën për ta përmbajtur, apo të ketë pushtet mbi ditën e vdekjes. Nuk ka leje në betejë, dhe padrejtësia nuk mund të shpëtojë atë që e kryen.
9 E pashë tërë këtë gjë dhe vura mend për të gjitha gjërat që bëhen nën diell; ka një kohë kur një njeri sundon mbi një tjetër për ta dëmtuar.
10 Pastaj pashë të pabesët që u varrosën, të cilët kishin hyrë dhe kishin dalë nga vendi i shenjtë; edhe ata ishin harruar në qytetin ku kishin bërë këto gjëra. Edhe kjo është kotësi.
11 Sepse vendimi kundër një veprimi të keq nuk zbatohet menjëherë, zemra e bijve të njerëzve është e mbushur nga dëshira për të bërë të keqen.
12 Edhe në qoftë se mëkatari bën njëqind herë të keqen dhe i zgjat ditët e tij, megjithatë, unë e di që do të kenë të mirën ata që kanë frikë nga Perëndia, që kanë frikë para tij.
13 Por nuk ka të mirë për të pabesin, dhe nuk ka për t'i zgjatur ditët e tij si hija sepse nuk ka frikë përpara Perëndisë.
14 Éshtë një kotësi që ndodh mbi tokë; ka njerëz të drejtë që trajtohen ashtu sikur i përket veprës të të pabesëve, dhe ka të pabesë që trajtohen sikur i përket veprës të të drejtëve. Kam thënë që edhe kjo është kotësi.
15 Kështu lëvdova harenë, sepse nuk ka gjë më të mirë për njeriun nën diell se të hajë, të pijë dhe të jetë i gëzuar, sepse kjo i mbetet në mundin e tij gjatë ditëve të jetës që Perëndia i ka dhënë nën diell.
16 Kur unë e vura zemrën time të njohë diturinë dhe të mendojë përpjekjet që bëhen mbi tokë (edhe kur dikush nuk i lë të pushojnë sytë e tij as ditën as natën),
17 atëherë pashë gjithë veprën e Perëndisë, që njeriu nuk mund të arrijë të zbulojë të gjitha ato që bëhen nën diell sepse, edhe sikur njeriu të mundohet duke kërkuar, nuk arrin t'i zbulojë; edhe sikur i urti të thotë që e di, nuk është në gjendje t'i zbulojë.


1 Kështu unë e mendova gjithë këtë në zemrën time për të kërkuar ta qartësoj; që të drejtët dhe të urtët dhe veprat e tyre janë në duart e Perëndisë. Njeriu nuk njeh as dashurinë as urrejtjen; gjithçka është para tij.
2 Çdo gjë u ndodh në mënyrë të njëllojtë të gjithëve: i njëjti fat pret të drejtin dhe të pabesin, të mirin, të pastrin dhe të papastrin, atë që ofron flijime dhe atë që nuk i ofron. Si i miri është edhe mëkatari, dhe ai që betohet si ai që ka frikë të betohet.
3 Kjo është një e keqe që bëhet nën diell; të gjithë kanë të njëjtin fat, dhe përveç kësaj zemra e bijve të njerëzve është plot ligësi dhe marrëzia qëndron në zemrën e tyre për deri sa jetojnë; pastaj shkojnë te të vdekurit.
4 Për deri sa njeriu është i bashkuar me gjithë të gjallët e tjerë ka shpresë, sepse një qen i gjallë vlen më tepër se një luan i ngordhur.
5 Të gjallët në fakt e dinë se kanë për të vdekur, por të vdekurit nuk dinë asgjë; për ta nuk ka më asnjë shpërblim, sepse kujtimi i tyre harrohet.
6 Edhe dashuria e tyre, urrejtja e tyre dhe smira e tyre janë zhdukur tashmë, dhe ata nuk do të kenë asnjë pjesë në të gjitha ato që bëhet nën diell.
7 Shko, ha bukën tënde me gëzim dhe pi verën tënde me zemër të gëzuar, sepse Perëndia i ka pëlqyer veprat e tua.
8 Rrobat e tua qofshin të bardha në çdo kohë dhe vaji mos mungoftë kurrë mbi kokën tënde.
9 Gëzoje jetën me gruan që do për të gjitha ditët e jetës tënde të kotësisë, që ai të ka dhënë nën diell për të gjitha ditët e kotësisë, sepse kjo është pjesa që të takon në jetë dhe në mundin që kryen nën diell.
10 Tërë ato që dora jote gjen për të bërë, bëji me gjithë forcën tënde, sepse në Sheol ku po shkon nuk ka më as punë, as mendim, as njohuri dhe as dituri.
11 Gjithashtu pashë nën diell që vrapimi nuk fitohet nga ai që është i shpejtë as beteja nga të fortët; as buka nuk u shkon të urtëve, as pasuritë njerëzve të zgjuar, as favori atyre që janë të shkathët, por të gjithëve gjërat u ndodhin sipas kohës dhe rastësisë.
12 Sepse njeriu nuk e njeh orën e tij; ashtu si peshqit që kapen në një rjetë mizore dhe si zogjtë që kapen në një kurth, kështu bijtë e njerëzve kapen në kurth në kohën e fatkeqësisë, kur ajo bie papritur mbi ta.
13 E pashë edhe këtë shembull të diturisë nën diell dhe m'u duk i madh.
14 Ishte një qytet i vogël me pak njerëz brenda; një mbret i madh doli kundra, e rrethoi dhe ndërtoi bastione të mëdha.
15 Por gjendej në të një njeri i varfër dhe i urtë, i cili me diturinë e tij e shpëtoi qytetin. Megjithatë asnjeri nuk u kujtua për këtë njeri të varfër.
16 Atëherë unë thashë: "Dituria vlen më shumë se forca; por dituria e të varfërit përbuzet dhe fjalët e tij nuk dëgjohen".
17 Fjalët e të urtëve që thuhen shtruar dëgjohen më mirë se britmat e atij që sundon mbi budallenjtë.
18 Dituria vlen më tepër se armët e luftës, por një mëkatar i vetëm shkatërron një të mirë të madhe.

1 Mizat e ngordhura e qelbin vajin e parfumierit; kështu pak marrëzi prish vlerën e diturisë dhe të lavdisë.
2 Zemra e të urtit është në të djathtë të tij, por zemra e budallait është në të majtë të tij.
3 Edhe kur budallai ecën rrugës, arsyeja i mungon dhe u tregon të gjithëve se është budalla.
4 Në qoftë se zemërimi i një mbreti ndizet kundër teje, mos e lër vendin tënd, sepse gjakftohtësia i fashit fyerjet edhe kur janë të rënda;
5 Éshtë një e keqe që kam parë nën diell, një gabim që vjen nga ai që qeveris;
6 marrëzia është vënë në detyra të larta, ndërsa të pasurit ulen në vënde të ulëta.
7 Kam parë shërbëtorë mbi kuaj dhe princa të ecin më këmbë si shërbëtorë.
8 Kush çel një gropë mund të bjerë brënda dhe kush rrëzon një mur mund të kafshohet nga një gjarpër.
9 Kush zhvendos gurë mund të plagoset dhe kush çan drutë vihet në rrezik.
10 Në qoftë se sëpata topitet dhe nuk mprehet, duhet të përdoret me më tepër forcë; por dituria ka epërsinë t'ia dalë gjithnjë mbarë.
11 Në qoftë se gjarpëri kafshon sepse nuk është magjepsur, magjistari bëhet i kotë.
12 Fjalët e gojës të të urtit janë plot hir, por buzët e budallait e shkatërrojnë.
13 Fillimi i ligjëratës së tij është budallallëk dhe fundi është marrëzi e dëmshme.
14 Edhe sikur budallai t'i shumojë fjalët e tij, njeriu nuk di se çfarë do të ndodhë; kush mund t'i thotë çfarë do të ndodhë pas tij?
15 Lodhja e budallait e rraskapit, sepse ai nuk di as si të shkojë në qytet.
16 Mjerë ti, o vend, mbreti i të cilit është një fëmijë dhe princat e tij ia shtrojnë që në mëngjes!
17 Lum ti, o vend, që ke mbret nga një soj fisnik, dhe princa që hanë në kohën e duhur për të vënë në vend forcat e tyre dhe jo për t'u dehur!
18 Për shkak të përtacisë trarët e shtëpisë rrëzohen dhe gjerbon për shkak të plogështisë së duarve.
19 Një banket shtrohet për t'u dëfryer dhe vera i jep gaz jetës, por paraja i përgjigjet çdo nevojtari.
20 Mos mallko mbretin as me mend dhe mos mallko të pasurin në dhomën tënde të fjetjes, sepse një zog i qiellit mund ta çojë larg zërin tënd, dhe një zog që fluturon mund ta bëjë të ditur këtë gjë.

1 Hidh bukën tënde mbi ujërat, sepse pas shumë kohe do ta gjesh përsëri.
2 Jepu pjesë shtatë, madje edhe tetë vetave, sepse ti nuk e di se çfarë fatkeqësie mund të të ndodhë mbi tokë.
3 Në rast se retë janë plot me shi, e derdhin mbi tokë; dhe në rast se një dru bie në jug apo në veri, ai mbetet aty ku bie.
4 Kush e ka mendjen te era nuk ka për të mbjellë dhe kush rri e shikon retë nuk ka për të korrur.
5 Ashtu si ti nuk njeh rrugën e erës dhe mënyrën si formohen kockat në barkun e gruas me barrë, kështu ti nuk e njeh veprën e Perëndisë që bën gjithçka.
6 Mbille farën tënde në mëngjes dhe në mbrëmje mos lër dorën tënde të pushojë, sepse ti nuk e di se cili nga të dy do të dalë më mirë; ky apo ai, apo do të jenë të mirë që të dy.
7 Drita është e ëmbël dhe është diçka e këndshme për sytë që shohin diellin.
8 Edhe kur një njeri të jetojë shumë vjet, le t'i gëzojë të gjitha, por le të mendojë edhe për ditët e territ që do të jenë të shumta; të gjitha ato që do të ndodhin janë kotësi.
9 Gëzohu, pra, o i ri, në rininë tënde, le të gëzohet zemra jote në ditët e rinisë sate; ndiq edhe rrugët e zemrës sate dhe pamjen e syve të tu, por dije që për të gjitha këto gjëra Perëndia do të të thërrasë në gjyq.
10 Elimino nga zemra jote trishtimin, dhe largo nga trupi yt dhembjen, sepse rinia dhe mituria janë kotësi.

1 Por kujto Krijuesin tënd në ditët e rinisë sate, para se të vijnë ditët e këqija dhe të arrijnë vitet për të cilat ke për të thënë: "Nuk gjej asnjë kënaqësi në to",
2 para se të errësohet dielli, drita, hëna dhe yjet, dhe të kthehen retë pas shiut;
3 në moshën gjatë së cilës rojtarët e shtëpisë dridhen, njerëzit e fortë përkulen, ato që bluajnë nuk punojnë më se kanë mbetur pak, ata që shikojnë nga dritaret errësohen
4 dhe portat mbi rrugë mbyllen; kur pakësohet zhurma e mokrës, dikush çohet me këngën e një zogu, dhe gjithë bijat e këngës dobësohen;
5 kur dikush ka frikë nga lartësitë dhe nga tmerret e rrugës; kur bajamja lulëzon, karkaleci është një peshë, dhe dëshira pakësohet, sepse njeriu shkon në banesën e tij të përjetshme dhe qaramanët enden rrugëve.
6 Kujto Krijuesin tënd përpara se të këputet kordoni prej argjendi, të thyhet vazoja prej ari, të thyhet shtamba te burimi dhe të bëhet copë-copë çikriku në pus,
7 dhe pluhuri t'i kthehet tokës siç ishte më parë dhe fryma t'i kthehet Perëndisë që e ka dhënë.
8 "Kotësi e kotësive", thotë Predikuesi, "gjithçka është kotësi".
9 Predikuesi, përveç se ka qenë një i urtë, i ka mësuar gjithashtu popullit dijen dhe ka peshuar, ka kërkuar dhe ka renditur një numër të madh fjalësh të urta.
10 Predikuesi është përpjekur të gjejë fjalë të këndshme; dhe gjërat e shkruara janë të drejta dhe të vërteta.
11 Fjalët e të urtëve janë si hostenë dhe ato që mbledhin njerëzit e ditur janë si gozhda të ngulura mirë; ato jepen nga një Bari i vetëm.
12 Biri im, ruhu nga çdo gjë që del jashtë kësaj. Shkruhen shumë libra, por nuk mbarohet kurrë kjo punë, dhe studimi i tepërt e lodh trupin.
13 Të dëgjojmë, pra, përfundimin e gjithë ligjëratës: "Ki frikë nga Perëndia dhe respekto urdhërimet e tij, sepse kjo është tërësia e njeriut".
14 Sepse Perëndia do të vërë të gjykohet çdo vepër, edhe çdo gjë që është fshehur, qoftë e mirë apo e keqe.

[Sokoli]

Keto fragmente te Dhjates se Vjeter nuk bejne gje tjeter vecse tregojne (per here te N-te) per prejardhjen e fese se Krishtere, por, kurrsesi nuk mund te merren per filozofi.

[i krishteri]

1- per ta kuptuar duhet qe te kesh frymen e shenjte. ne pak fjale duhet qe te lutesh pasi e ke lexuar se perndryshe do beni ate qe bejne shume si ky qe flet lart!

2- bibla eshte edhe nje liber filozofik por e njeh ose e kupton nje fillozof edhe jo nje qe nuk eshte fillozof.

3- bibla eshte edhe nje liber psikollogjie, edhe shume libra bazohen ose marrin shume gjera qe jane shkruajtur ne Bibel!

por mos harroni se bibla eshte nje liber shpirteror edhe ku mund te gjeni jeten apo vdekjen. shpetimin apo denimin. ne baze te saje mund te shpetoheni, ne baze te saje mund te denoheni. por per te kuptuar me shume biblen duhet bere vetem nje gje... Duhet lexuar lutur Perendise pasi e kini lexuar Biblen!

me respekt i krishteri

[The Hobbit]

....gjithçka eshte kotesi...

Rreth 3000 vjet me pare ne Lindjen e Mesme jetonte nje njeri, qe i kerkoi dhe i arriti te gjitha gjerat qe mund te perfyteroje nje njeri i zakonshem. Emri i tij ishte Salomon.
Salomoni ishte nje njeri me urtesi te jashtezakonshme. Ai ishte autori i 3000 fjaleve te urta dhe shkroi mbi 1000 kenge.
Njihte botaniken, zoologjine dhe biologjine. Mbreter dhe mbreteresha nga e gjithe bota vinin per te degjuar urtesine e tij.
Solomoni kishte poziten me te larte si mbreti i nje mbreterie me te fuqishme mbi toke dhe ishte ne krye te te gjitheve.
Pasuria e Solomonit e tejkalonte ate te te gjith njerzve qe kane jetuar para ose pas tij. Cdo vit i sillnin me shume se 30.000 kg. flori. Mbreter te vendeve te ndryshme i sillnin atij arin e tyre, gure te çmuar, dhe ereza. madje dhe gotat e tij te pijes ishin prej ari te paster.
Solomoni kishte 1000 gra! Ai plotesoi çdo deshire te syve dhe çdo kenaqesi te zemres. Provoi gjithçka.
a nuk mund te mendojme ne se nje njeri i tille do te ishte i kenaqur?
Pasi kerkoi e shijoi gjithçka qe mund t'i ofronte bota dhe gjithçka qe mund te enderrontr ai vete, Solomoni shkroi librin e mesiperm, te titulluar "Predikuesi".
Ne kete liber ai shkroi kete perfundim te te gjitha gjerave qe kishte perjetuar:
"Kotesi e e kotesive,...se gjithçka eshte kotesi dhe nje stermundim per te kapur eren!"
Ky ishte perfundimi i Salomonit dhe ky eshte perfundimi i çdo njeriu, nese ai eshte i sinqerte. Pas çdo arritje ose perjetimi kulmor, thelle perbrernda ndjejme nje mungese.
Sepse...siç shkruan Solomoni, brenda zemrave tona Perendia ka vendosur ameshimin, perjetesine.(Pred.3:11)
Tek te gjithe ne egziston nje deshire per diçka te ameshuar. Te gjithe e kemi perjetuar pakenaqesine e gjerave te perkohshme.
Deshirojme diçka qe te na kenaqe perjetesisht.
Por kush eshte i ameshuar?
Te gjithe e pranojme se ne kete gjithesi vetem Perendia eshte i ameshuar. Ai nuk ka as fillim as fund.
Pra, cila eshte lidhja i ketij Perendie te ameshuar me kete njeri kerkues?
Tek kap. i pare i zanafilles librit te pare te Dhiates se Vjeter thuhet:
Dhe Perendia e krijoi njeriun ne shembellimin e Vet..." (Zan. 1:27)
Ashtu si zogu ka nevoje per ujin, peshku per ujin ashtu dhe njeriu ka nevoje per Perendine.
Vetem kur ne e marrim Perendine e ameshuar ne ne, aspirata per ameshim qe gjendet ne zemrat tona, kenaqet vertet.
Blez Pascal ka thene se pafundesia mund te mbushet vetem em nje pafundesi...

"Ki frike nga Perendia dhe respekto urdherimet e tij, sepse kjo eshte teresia e njeriut..."

[Sokoli]

(perseri) Ky eshte kendi i Filozofise ne forum! Duke u nisur nga titulli i kesaj teme, une dhashe mendimin tim. Dhe jam akoma i ketij mendimi. Pjeset e mesiperme nuk jane filozofi.

Ato mund te jene mendime teper te drejta, mund te jene edhe RREGULLA te cilat duhen zbatuar per te qene i krishtere (e kam fjalen per Biblen ne teresi tani), por mua nuk me duken filozofi.

FILOZOFIA PYETT, NUK PERGJIGJET!!!

Per ata dashamires te filozofise por qe jane akoma dashamires po jap sqarimet e meposhteme:

Nese dikush do te merret me Filozofi (nuk eshte ndonje Gogol i madh jo, po gogol eshte ama, hahaha) do t'i duhet ne rradhe te pare te ndaje Sofizmin nga Filozofia. Jane dy gjera komplet te kunderta qe kundershtojne njera - tjeteren.


Psh, ne Athinen e lashte kishte shume njerez te ditur te cilet vinin e mbanin fjalime te ditura para njerezise. Keta qene Sofistet. Fjalet dhe arsyetimet e tyre tingellonin te drejta.
Nje plakush i kerrusur, shpesh, binte ne debate me keta dhe gjithmone u provonte se e kishin gabim. E dini si? Vetem duke i pyetur. Ky plakush na ishte Sokrati, babai i Filozofise.

E dini se c'eshte i afte te beje nje sofist? Fare mire, nje sofisti mund t'i jepni nje veprim apo nje ngjarje te cfardolloji , qofte edhe nje krim, dhe ai ka per borxh qe te gjeje nje arsyetim per te provuar se ishte nje veprim i drejte. Ky eshte sofisti te dashur. T'u numeroj disa nga profesionet e diteve te sotme qe jane pasardhes te denje te sofisteve: Politikani, Avokati...
Ndersa ne, une, ti , ju, jemi te gjithe sofiste te vegjel te dashur e te mos u genjeje rradakja.
Sokratin erdhi nje dite qe e vrane, e dini pse? Spese u beri aq shume pyetje te sakta njerezise sa asaj iu merzit vetja.
Shpejt u gjet dhe ilaci i ketij problemi, kush ishte? Padyshim Ekzekutimi i Sokratit dhe njerezia gjeti rehat.

[Albo]

Sokol, nese Filozofia pyet dhe nuk pergjigjet atehere cfare fitojne njerezit nga "filozofimi"?

Cuditesisht dole pikerisht tek fjalet e Davidit, "Kotesi e Kotesive".

[Sokoli]

Une nuk i kam pergjigjet, por kam mendimin tim.
Ka shume njerez te cilet mendojne se filozofia jep pergjigje. Ka dhe nga ata te cileve nuk u intereson ky fakt.

Babai i Kuantikes, ka pas nje lloj arsyetmi te tille per sa i perket bisedimit: Ai nuk merrej fare me permbajtjen e atyre qe dilnin nga goja e bashkebiseduesit, por fokusohej mbi ate qe bashkebiseduesi mundohej te shprehte. Shpesh here kjo eshte dicka me mend. Sidomos per rastin e "bisedave" qe behen ne forum. Pra te mos kapemi 100% pas fjaleve te shprehura por pas mendimeve qe mundohemi te shprehim.
Sidoqofte, une vete personalisht, mendoj se filozofia jep pergjigje per ata qe kerkojne, por, dita - dites me perforcohet ideja qe te kerkosh te arrish ne nje perfundim kenaqes eshte e gabuar. Perfundimet bien e riformulohen cdo dite, cdo moment... Kjo gje ndodh per arsye se jane konceptuar nga nje qenie njerzore e cila perdor 3% te intelektit te saj dhe aq me teper keto qenie njerzore (ne dmth.) jane te ndikuara nga nje mori parametrash jokonstante.
Nje filozof i mire eshte i ndergjegjshem qe nuk ka per ta arritur dot kurre dijenine e vertete, pra pergjigjen finale. Kjo ama nuk do te thote qe filozofia nuk ka vlera. Gjate rruges se vetndergjegjesimit, njeriu meson te njohe, ndieje dhe analizoje veten dhe ambjentin qe e rrethon ne menyra te reja. Ai ngre cdo dite pyetje te reja. Dhe une mendoj se eshte shume here me me vlere te pyesesh pyetje te reja, me me vend se sa te japesh pergjigje. Pergjigje per nje qenie qe perdor 3% te kapacitetit mendor, nuk ka per te pasur kurre. Kjo eshte dhe nje nga arsyet qe mendoj se i shtyn njerzit drejt fese. Sepse feja ka 1 pergjigje per gjithcka, Zotin.

Sa per "kotesine e kotesive", ajo shprehje eshte boshti rreth te ciles sillet rryma Daoiste, pasivet pra. Prape tek potenciali njerzor na mbet ne klase dhe ketu.

[huggos]

Mmmmmm... 'Kotesi e kotesive' eshte thene nga Solomoni..

Djali i Davidit eshte.. por s'eshte i njejti


miqeisisht,
huggos

[Seminarist]

Ore te thuash se Eklisiastiku nuk ka filozofi, madje nga me te goditurat per natyren njerezore, me duket pak e habitshme, megjithese bie teresisht dakort me mendimin, se ne kete faqe per shkak te mendimeve filozofike te Bibles, nuk duhet kthyer ne Sermone fetare, sidomos te atij te tipit te te krishterit.

Desha te theksoj, se nqs Huggos a dikush tjeter e ka lidhur me Solomonin kete liber, te jete i sigurte se kjo gje nuk dihet, sado qe eshte e vertete ngjashmeria ne te shkrojtur. Studimet tregojne se Mbreti i ketij libri ka qene me vone...sidoqofte, une them se nga permbajtja e ideve per jeten, eshte ku e ku me filozofime "te egra" do ti quaja une te fiozofise Niceiste (per te cilen kam respekt, jo ekstreme he).

[AsgjëSikurDielli]

E kane pyetur Siddharta Gautama (Buddha) se "Do you believe in God?" ky i thote "It does not further".

Kjo me duket gjeja me filozofike qe e kam hasur ndonjehere ne ndonje Fe, pervec The Four Noble Truths, apo Kater te Vertetat Fisnike, nga Buddhism-i kuptohet.

Nuk besoj se ne Bibel ka ndonje filozofi te madhe, bile ka edhe mediokritet duke e ditur se Bibla asnje pyetje te veshtire nuk mundet ta ktheje me pergjigje. Kjo tregon per historine e varfer te saj, duke u nisur nga miti se Krishti ishte Zoti apo Djali i Zotit.

Nese beson ne Zotin, si mund te thuash se e ka djal Krishtin, e ne anen tjeter te thuash se Krishti e ka Nene Shen Marine?

Nejse, mos ti hyj religjionit thelle, por nje gje me bren ; Ne asnje rast, ne asnje kohe, ne asnje menyre nuk eshte vertetuar se Zpti ekziston apo se ka dic te tille kudo qe te jete, por njerezit prape besojne si te verber.

Kjo me shpie te them se, mos i hyra edhe une filozofise teper thelle?

StarCraft

[The Hobbit]

Edhe une nuk do te thosha se Bibla ka pak filozofi per te mos thene fare. Ajo eshte kaq e thjeshte sa mund ta kuptoje dhe nje njeri i pashkolluar dhe kaq e e thelle sa eshte e veshtire ta kuptoje dhe nje teolog i madh.
Per mendimin tim ne Bibel egzistojne gjithe pergjigjet per çdo lloj pyetje, ne kundershtim me filozofine e cila shtron pyetje por nuk jep pergjigje.
Star craftit
Bibla nuk eshte aspak e varfer ne histori dhe ne te nuk egziston mediokriteti. Nje sqarim: Krishti ishte Biri i Perendise, informatat e tua nuk jane te sakta.
faktin tjeter se si ka mundesi qw Krishti ishte Bir Perendie dhe Bir i Marise, perseri ka nje shpjegim llogjik.
Pa dashur te hyjme ne anen fetare te çeshtjes, shkurt, do te thosha se Bibla e ka edhe kete pergjigje te "veshtire". Fakti qe njeriu u rrezua (kopshti t Edenit), solli si pasoje qe dhe gjithe njerzit e tjere te mbartin ne veten e tyre mekatin. Ne kete menyre as nje njeri nuk mundej qe te behej Shpetimtar, sa per veten e tij dhe aq me teper per te tjeret. Pra nevojitej qe te ishte dikush, i cili duhej te ishte i shenjte, i paster, i cili duhej te kishte njekohesisht dhe natyre njerezore. Pra nevojitej Dikush i cili duhej te ndermjetesonte midis njeriut dhe Perendise, i cili do te ishte 100% njeri dhe 100% Perendi. Dhe ky ishte Jezus Krishti (Zoti). Megjithese ishte prane Perendise, ishte Perendi(Zot) , pranoi me vullnetin e Tij te plote te merrte natyre njerezore dhe te merrte ne kryq vendin e njerit te rrezuar. Pra jeta e Tij, fjalet e Tij, natyra e Tij, vdekja e Tij, ringjallja e Tij, flasin per vete egzistencen e Perendise (Zotit).
Dhe e dyta Bibla asnjehere nuk thote qe te besosh si i verber, por thote "heto dhe beso".
Me respekt The Hobbit

[AsgjëSikurDielli]

The Hobbit,

Jezu Krishti nuk eshte i biri i Zotit, e aq me pak Zoti.

Kush e ka pare Zotin?

Ku e di ti se ai paska qene i zgjedhur nga Zoti te ndermjetesonte mes tij dhe njerezve?

Kush e shkroi, dora e kujt e shkroi Biblen?

Kush e ka pare Krishtin te kryqezohet?

Si mund te jete biologjikisht i biri i Shen Marise, e te jete edhe Zot (Jo-njeri, Krijues e jo I Krijuar) ose i biri i Zotit?

Po pse te kryqezohet Zoti, per ta "shpetuar" njerezimin?

A nuk qe ai vete qe e Krijoi kete njerezim? Nga kush, prej cka do e shpetoje ai tash?

Bibla eshte libri me medioker i botes ne te gjitha koherat moderne te saja. Nese e ke lexuar Biblen me kujdes, e veren urrejtjen ndaj cdo njeriu tjeter qe nuk eshte i Krishtere.

E kjo s'ka aspak filozofi, bile me shume primitivizem.

Edhe per se fundi, pse njerezit thjeshte nuk "krijohen" nga Zoti, por me ane te proceseve natyrore dhe biologjike (Lindjes) shumohen?

Me te a'mla!

StarCraft

[Albo]

Postuar më parë nga StarCraft
The Hobbit,

Jezu Krishti nuk eshte i biri i Zotit, e aq me pak Zoti.

Kush e ka pare Zotin?

Nese njerezit do ta shikonin FYTYREN e Zotit ata nuk do te "besonin" por do ta SHIKONIN ate. Zoti popull te tij konsideron ata qe besojne tek Ai vetem duke pare madheshtine e VEPRAVE te Tij.

Ku e di ti se ai paska qene i zgjedhur nga Zoti te ndermjetesonte mes tij dhe njerezve?

Ate e dine me miljarda njerez ne bote qe e kane emrin te Krishtere pikerisht se besojne tek Zoti i tyre Jezu Krisht. Une e di pasi e kam lexuar Biblen, Fjalen e Perendise.

Kush e shkroi, dora e kujt e shkroi Biblen?

Puna e sekretares ne nje zyre ka te beje me shtypjen e te gjitha dokumentave qe punedhenesi i citon. Ate dokument e ka shtypur sekretaria por e ka perpiluar punedhenesi. E njejta gje edhe me Biblen, te zgjedhurit e Perendise shkruajten Fjalen e Tij.

Kush e ka pare Krishtin te kryqezohet?

Bashkekohesit e tij, dhe sot e kesaj dite jane shpetuar shume pjese nga kryqi ku eshte kryqezuar dhe carcafi me te cilen u mbeshtoll trupi i tij pasi u ul nga kryqi. Nese ti nuk beson ne egzistencen e Jezu Krishtit, ti nuk beson ne historine e njerezimit pasi asnje historian nuk e ka hedhur poshte deri me sot egzistencen e Jezu Krishtit. Jo vetem aq, por edhe koha qe jetojme zanafillen e ka 2000 vjet me pare me kryqezimin e Jezu Krishtit.

Si mund te jete biologjikisht i biri i Shen Marise, e te jete edhe Zot (Jo-njeri, Krijues e jo I Krijuar) ose i biri i Zotit?

Perse ben ate pyetje dhe nuk ben pyetjen tjeter: Si ka mundesi qe dielli lind cdo mengjes, qe te gjitha ujrat derdhen ne det dhe deti asnjehere nuk tejmbushet, se si jane krijuar yjet? Keto pyetje, flasin per madheshtine e Krijuesit, dhe ajo qe eshte e pamundur per ne njerezit nuk do te thote se eshte e pamundur per Krijuesin e Gjithesise.

Po pse te kryqezohet Zoti, per ta "shpetuar" njerezimin?

Ati ose do ta ndeshkonte njerezimin, ose do ti tregonte rrugen e jetes. Ai dergoi profetet por ata njerezit i zune me gure dhe nuk i besuan. Atehere ai degoi te Birin, drite prej drite perendie te verteteve prej Perendie te vertete, qe eshte nje me Atin ne Shpirt dhe qe kish qendruar ne te djathte te tij qe nga krijimi i gjithesise. Njerezit i shkelen urdherimet e Zotit dhe debuan profetet e tij, atehere nuk ngeli gje tjeter vecse Zoti tu falte njerezve Shpirtin e Tij te Shenjte ne menyre qe ky Shpirt ti udhezonte ne rrugen e duhur drejte Jetes. Ati eshte Perendi e Dashurise dhe Meshires.

A nuk qe ai vete qe e Krijoi kete njerezim? Nga kush, prej cka do e shpetoje ai tash?

Do ta shpetoje nga pushteti i djallit Satana, kryengjelli rebel i dikushem i Zotit.

Bibla eshte libri me medioker i botes ne te gjitha koherat moderne te saja. Nese e ke lexuar Biblen me kujdes, e veren urrejtjen ndaj cdo njeriu tjeter qe nuk eshte i Krishtere.
E kjo s'ka aspak filozofi, bile me shume primitivizem.

Bibla eshte i vetmi Liber i Shenjte ne bote qe e shpalos historine e njerezimit, fillim mbarim. Eshte Libri me i lexuar ne Bote. Bibla ka edhe nje element te magjishem: I HAP SYTE VETEM ATYRE QE E KERKOJNE TE VERTETEN ME GJITHE ZEMER ASHTU SIC U ERRESON MENDJEN DHE SHIPIRTIN TE GJITHE ATYRE QE U PELQEN TE LUAJNE ROLIN E ZOTIT!

Edhe per se fundi, pse njerezit thjeshte nuk "krijohen" nga Zoti, por me ane te proceseve natyrore dhe biologjike (Lindjes) shumohen?

Pyete baben dhe nenen tuaj se cili ka qene momenti me i lumtur i jetes se tyre. Jam i bindur qe ka per te thene "diten qe linde ti" pasi te sjellesh nje jete te re ne bote nuk eshte dicka biologjike eshte hyjnore.

Me te a'mla!

StarCraft

Edhe ju, dhe sa here qe keni pyetje mos nguroni te pyesni.

[Albo]

Arsyeja qe e hapa kete teme, nuk ishte kthimi i saj ne nje teme fetare, perkundrazi. Nese e keni lexuar librin e postuar me lart, dhe nese e keni kapur mesazhin e tij, duhet qe ne kete moment ti beni vetes pyetjen e thjeshte:

Valle cfare eshte gjeja me me vlere ne jeten time?

[The Hobbit]

Starcraftit
Ndoshta eshte e tepert qe une te pergjigjem, pasi Alboja tashme e ka sqaruar qarte. Eshte nje teme me te vertete ku mund te themi shume, por ndoshta nuk eshte ketu vendi i duhur.
Falenderoj Albon dhe...
do doja te te kerkoja ndjese qe tema mori kete drejtim, por te mos harrojme se kemi te bejme me Shkrimin e Shenjte, ku nuk mund te perjashtosh anen fetare, dhe disa gjera duhen sqaruar
tek te tjeret ne lidhje me te.
Ne fakt qe ne fillim nuk egzistonte ndonje lloj pyetje konkrete,
keshtu qe tema mori diskutim te lire, megjithate...
Le te kthehemi tek pyetja.
Ato qe gjeja dikur me me vlere ne jeten time, ishin pikerisht ato gjerat qe kerkon sot nje njeri i zakonshem dhe pak a shume dhe ato qe permend dhe predikuesi (Eklisiastis). Sigurisht jo ne masen e tij. Dhe per kete jo pa qellim permenda dhe jeten e Perdikuesit, ne shkrimet me lart, sepse ishte nje njeri qe kishte provuar te gjitha gjerat dhe ne masen me te larte.
Nese do te pyesje nej njeri te zakonshem, ai do te te thoshte se ndoshta keto jane endrrat dhe objektivat per jeten e tij. (pasuria, pushteti, lavdia, dituria, kenaqesia e epsheve, deshirave, pasioneve etj, etj.
Por ajo qe gjeta me me vlere ne jeten time( sigurisht nen driten e Fjales) eshte njohja e Perendise, pranimi dhe zbatimi i urdherimeve te Tij.

pershendetje The Hobbit!

[AsgjëSikurDielli]

Albo,

ne nuk i kerkuam pergjigjet e pyetjeve te ndaluara, por pergjigjet e pyetjeve qe DUHET e NUK kane pergjigje.

Ti shume mire ma shpjegove Biblen (te cilen e di fund e permaje por nejse) mirepo prape nuk me the se kush e krijoi Krijuesin?

Kur u krijua Ai? Pse u krijua Ai (mos me thuaj qe u krijua per te na krijuar neve se kete tashme e di nga retorika).

Jezu Krishti ka qene nje njeri i thjeshte si une e si si, mirepo ka qene i frymezuar nga Zoti te ligjeronte per Zotin dhe Krijesat e VEPRAT e tija "madheshtore"

Ha njemend, Krishterizmi u pranua si fe zyrtare vetem ne shekullin e trete nga Perandor Konstandini, (nje Ilir ne Perandorine Romake) e nuk qe njefare lloj mrekullie sic pretendon ta paraqesesh ti. Ajo u pranua vetem se njerezit filluan te rebelohen (njerezit qe shpesh shnderrohen ne masa dhe shkojne nga i drejton Udheheqesi) dhe shume incidente te medha ndodhnin mes te Krishtereve dhe te tjereve.

Krishti ka ekzistuar, ate nuk e mohon askush por une nuk e di se dikush e ka pare me syte e tij se si eshte kryqezuar dhe perse eshte kryqezuar ai.

E nese me te vertete eshte kryqezuar, arsyet mund te jene te shumta. Nje mund te jete kryqezuar se ka qene ndonje lloj Udheheqesi i atyre rebeleve qe e pata fjalen, ose se e ka bere ndonje "faj" dhe duhej ndeshkuar. Ato lloj gjerash s'kane qene te cuditshme ne ate kohe.

Por, nejse mendimet ndryshojne. E kam vetem edhe nje koment per ta shtuar dhe mbarova. Libri me i lexuar ne bote eshte Kura'an-i e jo Bibla.

StarCraft.

P.S. Albo, si shume Konfident me dukesh ne veten, sic do thoshin andej nga Philadelphia "Very, very Cocky..."

[Seminarist]

Se pari sic e tha edhe Albo, tema ka qellim filozofiko-fetar e jo thjesht fetar, e aq me teper fetar mbi ekzistencen e Zotit.
Kalimi ne nentema tregon nje dobesi e kryenecesi personale qe eshte e fryre nga padija ne keto drejtime, ose vetemashtrimi se me dy gishta liber dime gjithshka...

Argumentet e tua Starcraft jane shume segmentare, te pa argumentuara, edhe inerci e nje fantazie personale te bazuar teresisht ne parimin se ti DI...!

Gjithashtu me duhet te te them se ke nje perzierje ne vetvete ateisto-idealist e fetar (musliman tradicionalisht, kam pershtypjen), sikurse jane ne pergjithesi "ateistet" e Evropes lindore, e me teper te Shqiperise...

E them kete se kjo ka te beje shume me menyren se si ti formulon veten tende edhe mendimet e tua, duke qene krejtesisht nje individ i bazuar ketu ne copa te ndryshme mendimesh qe kundershtojne njera-tjetren.

A e ke pyetur ndonjehere veten, se si ka mundesi qe me Krishtin ka ndryshuar e gjithe rrjedha e historise njerezore?
Ndryshoi kalendari, duke u ndare me te, ne para Eres se re, edhe pas eres se re (era, periudha, koha) qe solli mesazhi i Krishtit,.
Ndryshoi historia e nje perandorie, ndoshta me e sukseshmja ne te gjithe historine njerezore, pa dhune..te krishteret nuk sulmuan me terrorizem perandorine romake per ta marre nen kontroll (metoda qe sot po perpiqen ti bejne islamiket me perendimin), por per me teper u vrane me miliona si pasoje e konfesionit ne Krishtin.
Nje bote e tere, civilizime te panumerta u bazuan edhe u krijuan nga Krishti (mesazhi i tij)..kush e di se ku do te ish bota sot pa te...

SI KA MUNDESI QE TE KETE QENE NJE RRENE KAQ E MADHE?

Qe jetoi edhe u kryqezua kete e vertetojne edhe burimet e historianeve te asaj kohe (shih forumin fetar), e verteton vete jeta e Kishes...

Sa per pyetjet e tjera ne lidhje me ekzisencen e Zotit, u jemi ballafaquar kush e di sa here tek forumi fetar...ketu eshte e pavend.

Mesazhi me filozofik i ndonje feje ne te gjithe historine njerezore eshte mesazhi i fese se Krishtit.

Perendia u be njeri qe te shpetoje njeriun, edhe dha jeten per te..

ashtu sikunder nje prind do ta bente per femijen e tij...

Ndersa te gjitha fete e tjera pa perjashtim, nuk jane vecse nje sistem recetash se cfare duhet te beje vete njeriu..edhe keto receta kane rregulla nga supersticiozet e deri tek ushtarako-politikanet e terroristet...

A eshte e mundur qe Perendia te jete bere njeri per ne? Kjo eshte pyetja qe mahnit ne absurditet anti kristianet...

Perse jo? Kush e percakton se nuk behet..ti, une, nje qe vetequhet profet...? Kush pra?

[Albo]

Postuar më parë nga StarCraft

ne nuk i kerkuam pergjigjet e pyetjeve te ndaluara, por pergjigjet e pyetjeve qe DUHET e NUK kane pergjigje.

Cdo pyetje e ka nje pergjigje te drejte e te vertete ashtu sic ka vetem nje Zot, ashtu si femija ka vetem nje At. Ka njerez qe kerkojne te mesojne pergjigjet e pyetjeve ashtu sic ka nga ata qe ngrejne jeten e tyre mbi tabu.

Ti shume mire ma shpjegove Biblen (te cilen e di fund e permaje por nejse) mirepo prape nuk me the se kush e krijoi Krijuesin?
Kur u krijua Ai? Pse u krijua Ai (mos me thuaj qe u krijua per te na krijuar neve se kete tashme e di nga retorika).

Pyete Krijuesin juaj, Atin tuaj biologjik qe eshte shembelltyra e Atit hyjnor: Perse ke lindur ti o bab? Kush te ka lindur ty? Ajo pergjigje qe ai do te japi eshte edhe pergjigjia qe Zoti do te jepte. Njeriu eshte shembelltyre e Zotit ashtu si femija eshte pasqyra e prindit.

Jezu Krishti ka qene nje njeri i thjeshte si une e si si, mirepo ka qene i frymezuar nga Zoti te ligjeronte per Zotin dhe Krijesat e VEPRAT e tija "madheshtore"

Perse flet per nje Zot qe nuk e njeh? Jezu Krishti ishte njeriu i pare qe shkeli vdekjen dhe u ringjall te treten dite. Ai nuk ka se si te jete si une e si ti. Ai eshte Zot i te krishtereve!

Ha njemend, Krishterizmi u pranua si fe zyrtare vetem ne shekullin e trete nga Perandor Konstandini, (nje Ilir ne Perandorine Romake) e nuk qe njefare lloj mrekullie sic pretendon ta paraqesesh ti. Ajo u pranua vetem se njerezit filluan te rebelohen (njerezit qe shpesh shnderrohen ne masa dhe shkojne nga i drejton Udheheqesi) dhe shume incidente te medha ndodhnin mes te Krishtereve dhe te tjereve.

Konstandini se bashku me nenen e tij Helena jane ata qe krishteruan Europen edhe mbare boten pasi ne ate kohe perandoria romake shtrihej ne disa kontinente. Konstandinit i ka dale nje vegim ne gjume shenja e Kryqit teksa behej gati te sulmonte Romen per te marre pushtetin. Ate shenje qe ai nuk arrinte ta shpjegonte ne fillim, u dha te gjithe trupave te tij qe ta ngjitnin ne roben e luftes. Kur u be betaja pas pak ditesh, Konstandini korri fitore te paparashikuar pasi trupat e tij ishin me te paketa ne numer se ato te pretendentit tjeter per fronin perandorak.

Qe nga jo dite Konstandini urdheroi Nene e tij qe te mesonte me shume mbi "fene e Kryqit" dhe ti sillte prova per kete besim nga vendi i Kryqezimit te Krishtit. Helena e gjeti proven ne Token e Shenjte, dhe kjo ishte nje pjese e drurit ne te cilen ishte kryqezuar Krishti, qe edhe sot e kesaj dite ruhet ne kishen e Shen Helenes ne Itali. Pas kesaj Konstandini e shpalli Krishterimin fe zyrtare te perandorise dhe vete eshte pagezuar ne moshen 90 vjecare.

Konstandini besonte ne Zotin e te Krishtereve dhe nuk e beri nje gje te tille thjeshte per "mbajtjen e popullit te bashkuar". Dhe ate qe duhet te kesh parasysh gjithashtu, Konstandini nuk e shpalli veten Zot, sic ishte tradite e shume perandoreve te meparshem. Pagezimi i tij tregon gjynjezimin e tij perballe Zotit.

Krishti ka ekzistuar, ate nuk e mohon askush por une nuk e di se dikush e ka pare me syte e tij se si eshte kryqezuar dhe perse eshte kryqezuar ai.

Nese njerezit nuk do ta kishin pare me sy, atehere sipas jush kush e rrefeu historine e Tij? Jo me kot Jezu Krishti i zgjodhi dishepujt e Vet ne toke ne menyre qe te ishin deshmitaret dhe percuesit e Fjales se Tij. Dhiata e Re eshte shkruajtur pikerisht nga dishepujt e Krishtit.

E nese me te vertete eshte kryqezuar, arsyet mund te jene te shumta. Nje mund te jete kryqezuar se ka qene ndonje lloj Udheheqesi i atyre rebeleve qe e pata fjalen, ose se e ka bere ndonje "faj" dhe duhej ndeshkuar. Ato lloj gjerash s'kane qene te cuditshme ne ate kohe.

Njeriu i zgjuar pyet perpara se te dali me perfundime te veta te gabuara. Mos bej aludime per gjera qe ti ke informacion te paket dhe nese do te mesosh per Jezu Krishtin e jeten e Tij, libri e ka emrin Bibla. Mos prit qe te gjitha pergjigjet ti marresh nga te tjeret.

Por, nejse mendimet ndryshojne. E kam vetem edhe nje koment per ta shtuar dhe mbarova. Libri me i lexuar ne bote eshte Kura'an-i e jo Bibla.

E si mund te jete Kurani kur Krishterimi ka me shume besimtare ne numer se feja Islame? Kjo eshte afer mendjes.

P.S. Albo, si shume Konfident me dukesh ne veten, sic do thoshin andej nga Philadelphia "Very, very Cocky..."

Lexo filozofine e jetes ne librin qe kam postuar me lart dhe ti do te gjesh konfidencene humbur ashtu sic e gjeta edhe une e shume te tjere. Pasi ta besh kete, do te kesh mesuar me shume se gjithe jeta juaj shkollore e cila nuk te meson per jeten por per ate qe te rrethon.

Gjithe te mirat !

[AsgjëSikurDielli]

Albo,

me duket se i kemi huqur frontet. Ti e qellon ate te retorikes dermuese une ate te shurdhanit shekullor.

StarCraft

[Albo]

Postuar më parë nga StarCraft
Albo,

me duket se i kemi huqur frontet. Ti e qellon ate te retorikes dermuese une ate te shurdhanit shekullor.

StarCraft

StarCraft, problemi qendron se une flas per ato qe di, kurse ti flet per nje fe qe nuk e beson dhe nuk e njeh. Eshte njesoj si une te flisja per Budizmin ose fene islame te cilen une nuk e njoh dhe nuk flas.

Por sic te thashe edhe me lart, dolem nga tema me komentet e tua pasi tema nuk eshte fetare por filozofike. Sikur te kishe marre mundimin te lexoje ate me lart, dhe te beje komentet perkatese, do te ishim duke diskutuar per te tjera gjera.

Albo