Polic serb arrstojne ne Kosove ??? !!!

[Beqari002]

Sipas BBS ne Gjuhen Shqipe dhe Keshillit per MLDN ne Prishtine polic serb ne teritorin e Kosoves kane arrestuar qytetar shqipetar.
Me siguri se kjo eshte emundur sepse organet shhtetrore kosovare nuk kane mundesi te mbikqyrin rendin dhe jeten e qyeteareve ne Kosove.Kjo eshte me se e evertete sepse organet shtetrore kosovare jane te zere me gjera tjera .


Policë serbë kryejnë arrestime në Kosovë

Këshilli për Mbrojtjen e Lirive dhe të Drejtave të Njeriut (KMDLNJ) me seli ne Prishtinë, ka njoftuar se policë nga Serbia kanë arrestuar shtatë persona në territorin e Kosovës.

Zëdhënësi i KMDLNJ-së, Ibrahim Makolli, tha se arrestimet janë bërë brenda territorit të Kosovës të hënën pasdite.

Në mesin e të arrestuarve, sipas tij është edhe një i mitur 16 vjecar.

Zoti Makolli tha se personat që i kanë arrestuar 7 shqiptarët kanë pasur uniforma të policisë së Serbisë.

Njoftimet për arrestimin e shtatë qytetarëve të Kosovës nga policë të Serbisë, nuk janë konfirmuar nga organet zyrtare.

Zyra rajonale e policisë në Gjilan, ka njoftuar se ekipe të saj gjenden në terren dhe janë në përpjekje të verifikimit të këtyre informacioneve.

Mirëpo, ata kanë refuzuar të konfirmojnë ose të përgënjeshtrojnë këto njoftime.


Ojh sharki e lehete si era , a ka ardhur ne Shqiperi pranvera?

[Beqari002]

Ndër të arrestuarit e 21 shtatorit janë edhe Sali Dragobuzhda e Zenel e Muharrem Dushica, lirohet Blerim Shkodra

Prishtinë 24 shtator (QIK) - Policia serbe dje në fshatin Desivojcë, komuna e Dardanës, ka arrestuar 7 qytetarë shqiptarë, të cilët po ktheheshin në shtëpitë e tyre. Ndër të arrestuarit janë edhe Rexhep Ibrahimi dhe Fazli Lipovica, ndërkaq që sipas njoftimeve nga Dardana (ish-Kamenica), i riu Blerim Shkodra është liruar, ndërkaq që të tjerët po mbahen edhe më tutje në arrest. Sipas njoftimeve tona pretekst i arrestimit ishte kinse këta kanë hyrë në territorin e Serbisë ilegalisht.
Sipas njoftimeve të KMDLNJ-së, po në të njëjtin vend, më 21 shtator 2002 janë arrestuar edhe tre persona të tjerë, të cilët nga gjykata serbe janë dënuar me procedurë të shpejtë, për kalim ilegal të kufirit, me nga 20 ditë burg dhe gjenden në vuajtje të dënimit. Të arrestuarit e 21 shtatorit të cilët po mbahen në burg janë: Sali Dragobuzhda dhe Zenel e Muharrem Dushica, thuhet në njoftimin më të ri të KMDLN



Oj sharki e lehte si era , a ka aedhur ne Shqiperi pranvera?

[Beqari002]

Disi si per habi para dy apo tri ditesh ata ishin arrestuar ne teritorin e Kosoves e sot del se jane arrestuar ne teritorin e Serbise dhe se kater prej tyre jane denuar me nga 20 dite burg per kalim ilegal kufiri,po ata tre te tjeret nuk paskan kaluar athua ilegal kufirin apo si eshte puna me ta,a mund te spjegoj kjo Policia rajonale e Gjilanit.

Arrestimi i pesë shqiptarëve nga Desovojci është bërë brenda territorit të Serbisë

Gjilan, 25 shtator - Sipas policisë rajonale të Gjilanit, të pesë të arrestuarit të fshatit Desivojcë të Kamenicës nga ana e policisë serbe, janë arrestuar brenda territorit të Serbisë, për shkak të kalimit ilegal të kufirit. Katër prej tyre janë dënuar për kundërvajtje me nga 20 ditë burg - kalim ilegal i kufirit, kurse një i mitur është liruar vetëm me vërejtje.
Paraprakisht dje ishte njoftuar se këta pesë vetë nga Desovojci ishin arrestuar nga policia serbe brenda territorit te Serbise.



Oj sharki e lehte si era , a ka ardhur ne Shqiperi pranvera?

[Beqari002]

Vazhdojne arrstimet e policise dhe ushtrise serbe ne teritorin e Kosoves.


KMDLNJ: Ushtria serbe arrestoi edhe një qytetar shqiptar brenda territorit të Kosovës

Prishtinë, 26 shtator (QIK) - Arrestimet e qytetarëve shqiptarë të Kosovës në brendi të territorit të Kosovës nga ana e forcave ushtarake e policore të Serbisë, të shpeshtuara ditëve të fundit, po vazhdojnë ende. Kështu, në brendi të territorit të Kosovës, në afërsi të brezit kufitar me Serbinë, më 24 shtator, rreth orës 16.40, një patrullë ushtarake serbe ka arrestuar të riun Rrahman Brahim Zeka (1984) nga Kulla (Metërgoci), komuna e Besianës, njofton KMDLNJ. Rrahmani ishte duke ruajtur bagëtinë kur është ftuar nga disa bashkëfshatarë të tij që t'i shoqëronte në prerjen e druve në mal. Pas pak kohe aty afër janë shfaqur ushtarët serbë, me ç'rast bashkëfshatarët e tij kanë ikur, kurse Rrahmani ka qëndruar aty duke menduar se ata janë ushtarë të KFOR-it. Pas arrestimit, Rrahmani i është dorëzuar SPB të Kurshumlisë.
Sipas KMDLNJ-së, të nesërmen, më 25 shtator, në Gjykatën Komunale për Kundërvajtje, Rrahmani është dënuar me gjobë në vlerë prej 22.000 dinarë dhe është detyruar t'i paguajë edhe shpenzimet procedurale në vlerë prej 500 dinarësh. Gjatë gjykimit të Rrahmanit ka qenë i pranishëm edhe babai i tij, Brahimi, të cilin për arrestimin e të birit e ka njoftuar policia e Kurshumlisë, nëpërmjet telefonit, në orën 01.00 pas mesnatës së 24 shtatorit.
Derisa Brahimi është kthyer në Kosovë pas përfundimit të gjykimit dhe pagimit të dënimit, Rrahmani nuk është liruar ende. Brahimi ka arritur të informohet jozyrtarisht se djali i tij, Rrahmani, gjendet në burgun e Prokuples në Serbi, ku do të qëndrojë 8 ditë (përkundër faktit se ndaj tij nuk është shqiptuar asnjë dënim me burg), thuhet në një njoftim të KMDLNJ-së.



Oj sharki e lehte si era , a ka ardhur ne Shqiperi pranvera?

[Beqari002]

Vazhdon avazi i para disa diteve,por Qeveria e Kosoves deri sot nuk ndermori asgje ne kete drejtim per mbrotjen e qytetareve te saj nga hordhit serbe.


Shqiptarët kërkojnë mbrojtje, keqtrajtohen nga serbët në Kosovë



GJILAN (27 shtator) - Sipas njoftimeve që vijnë nga fshati Muçibabë i Gjilanit, forcat serbe kanë hyrë përsëri në territorin e Kosovës, në një thellësi prej 500 metra. Vehid Ibrahimi tha se janë keqtrajtuar Samet Zymberi e Fatmir Selmani. Ndaj Sametit është ushtruar dhunë fizike, ndërsa Fatmiri është mbajtur për katër orë dhe është kërcënuar se ka hyrë në tokën që i takon Serbisë. Fshatarët e Muçibabës kanë kërkuar edhe njëherë nga KFOR- i, Policia e UNMIK-ut dhe SHPK-ja që ta mbikëqyrin zonën kufitare, ndryshe ata ndjehen të pasigurtë për të jetuar atje. Heqja e zonës tokësore të sigurisë në kufirin Kosovë-Serbi dhe mospërcaktimi i qartë i vijës së demarkacionit, shumë banorëve të brezit kufitar po u sjell jo vetëm shqetësim, por edhe rrezik për keqtrajtim nga forcat policore dhe ushtarake serbe, tani që KFOR-i është tërhequr nga pikat e mëparshme të kontrollit. ro/mr (QIK/BalkanWeb


Oj sharki e lehte si era , a ka ardhur ne Shqiperi pranvera?