Deshtimi i Drejtesise kosovare...

[Beqari002]

OSBE: Drejtësia kosovare dështoi në gjykimin e krimeve të luftës

PRISHTINE (23 Shtator) - "Në shumë raste gjyqësia kosovare ka dështuar në gjykimin e krimeve të luftës". Kështu thuhej në raportin e Organizatës për Siguri dhe Bashkëpunim Evropian (OSBE) të publikuar sot. Ky raport monitorues i OSBE-së paraqet analizimin e të gjitha gjykimeve të bëra në periudhën e pasluftës nën akuzë për krime lufte deri në qershor të vitit 2002. Veçanërisht janë monitoruar 17 raste të akuzuar për krime lufte, ku gjykimi i disa prej tyre nuk ka përfunduar, sepse nuk ka patur prova, ose sepse krimi për të cilin është akuzuar i pandehuri nuk është kualifikuar drejt. dxh/ko (Rtv21/BalkanWeb)



Oj sharki e lehte si era , a ka ardhur ne Shqiperi pranvera?

[Beqari002]

Ja si e komenton RT 21 kete Raport te OSBE-s

Raporti i OSBE-së: Gjyqësia kosovare ka dështuar në gjykimin e krimeve të luftës


PRISHTINE, 23 shtator - Organizata për Siguri dhe Bashkëpunim Evropaina publikoi sot raportin mbi sistemin juridik në Kosovë, sipas të cilit në shumë raste gjyqësia kosovare ka dështuar në gjykimin e krimeve të luftës. Nga ana tjetër kryetari i Gjykatës Supreme të Kosovës Rexhep Haxhimusa, thotë se raporti nuk është gjithëpërfshirës. Raporti monitorues i OSBE-së paraqet analizimin e të gjitha gjykimeve të bëra në periudhën e pasluftës nën akuzë për krime lufte deri në qershor të vitit 2002. Veçanërisht janë monitoruar 17 raste të akuzuar për krime lufte, ku gjykimi i disa prej tyre nuk ka përfunduar ose pse s'ka pasur prova, ose pse krimi për të cilin është akuzuar i pandehuri nuk është kualifikuar drejt. Shefi i Misonit të OSBE-së, Paskal Fieski thotë se raporti është ndërtuar mbi konsultime dhe bashkëpunim dhe ka për qëllim dhënien e përkrahjes dhe ofrimin e resurseve për gjykatat që merren me raste të tilla. "Sistemi juridik në Kosovë nuk është i përsosur, por gjërat po shkojnë në drejtim të duhur. Eshtë përgjegjësi e OSBE-së që të shikojë përputhshmërinë e sitemit juridik të Kosovës me standardet ndërkombëtare të një gjykimi të drejtë dhe të një procesi të rregullt", tha Fieski. Nga ana tjetër kryetari i Gjykatë Supreme të Kosovës, Rexhep Haxhimuasa, vlerëson se raporti nuk është pasqyrim real i punës së gjyqësisë kosovare. Ndërsa udhëheqësi i Departamentit të Drejtësisë, Klint Uilliamson, thotë se megjithë vërejtjet që janë paraqitur në raport, në sistemin e drejtësisë në Kosovë ka pasur lëvizje pozitive. "Në gjysmën e dytë të vitit 1999 kemi pasur një sistem gjyqësor totalisht të diskredituar. Prej asaj kohe sistemi gjyqësor është ndërtuar në mënyrë efektive nga zeroja. Ka pasur ndryshime pozitive", tha Uilliamson. Seksioni Për Monitorim të Sistemit Juridik të OSBE-së deri më tash ka publikuar dy lloje të raporteve: Shqyrtimet gjashtëmujore mbi sistemin e drejtësisë penale dhe raportet speciale, si ky i sotmi.


Oj sharki e lehte si era , a ka ardhur ne Shqiperi pranvera?

[Beqari002]

OSBE mbi gjykimet për krimet e luftës

Raporti i OSBE-së ka vërejtje me standartet e gjykimeve në Kosovë


Misioni i OSBE-së në Kosovë ka publikur një raport për proceset gjyqësore ndaj personave që janë akuzuar dhe janë gjykuar për krime lufte. Ai thotë se jo të gjitha gjykimet janë zhvilluar në përputhje me standardet gjyqësore. Zëdhënësi i OSBE-së në Prishtinë, Sven Lindholm, i tha BBC-së se gjykimet për krime lufte janë të një rëndësie jetike për Kosovën, dhe ato mund të ndikojnë në procesin e pajtimit ndëretnik. Intervistën e zhvilloi Arbër Vllahiu.

BBC - Cila është rëndësia e raportit mbi gjykimet e krimeve të luftës në Kosovë.

Z.Lindholm - Ky raport është hartuar për faktin se krimi i luftës është një çështje shumë e ndieshme dhe në të njëjtën kohë shumë e rëndësishme për Kosovën, të tashmen dhe të ardhmen e saj.

Duhet të nxirret e vërteta për atë se çfarë ka ndodhur këtu. Gjatë dy vjetëve të fundit ka pasur 17 raste të gjykimeve për këto krime.

Në disa raste ka pasur edhe lëshime, pjesërisht, sepse rastet nuk ishin të sqaruara sa duhet për të siguruar dënimin e personave të akuzuar.

Janë bërë dy gabime: e para, analizat ligjore të aktakuzave dhe aktgjykimeve nuk kanë qenë në pajtim me standardet më të larta dhe, e dyta, argumentet nuk kanë qenë bindëse.

BBC - Ju po flisni për rastet e udhëhequra nga gjykatësit dhe prokurorët e Kosovës dhe jo për ato të udhëhequra nga ndërkombëtarët?

Z.Lindholm - Për të dyja palët. Në fillim nuk kishte gjykatës ndërkombëtarë, por, kryesisht, gjykatës vendorë.

Gjykatësit ndërkombëtarë u sollën këtu sepse në shumë raste vlerësohej se mund të kishte anësi etnike. Hetimet për krimet e luftës janë shumë të ndërlikuara.

BBC - Ju, pra, thoni se gjykatësit në Kosovë, si ndërkombëtarët apo vendasit, i kanë shkelur ligjet ndërkombëtare?

Z.Lindholm - Jo. Shkelja e ligjit është një fjalë shumë e rëndë për ta përdorur në këtë rast.

Gjatë dy vjetëve të fundit UNMIK-u ka punuar që të ngrejë një sistem juridik nga e para.

Në një kuptim ky sistem është dinamik, po rritet, po mëson dhe po bëhet më profesionist dhe më i pavarur.

Pra, duhet të jetë një sistem të cilit njerëzit e Kosovës duhet t'i besojnë.

Por, siç e thashë, gjykimet për krimet e luftës janë komplekse dhe nuk i ngjasojnë rasteve të tjera të thjeshta.

Këtu duhet të dihen hollësotë, datat dhe faktet e sakta të krimeve që kanë ndodhur. Duhet të bëhen hetime të plota.

BBC - Pra ju po thoni se ka pasur gabime në disa raste dhe se ato nuk kanë ndikuar shumë në gjykim apo në vendimin e gjykatës?

Z.Lindholm - Gjykatësit ndërkombëtarë kanë pasur një ndikim pozitiv në kuptimin se kanë ndikuar në eleminimin e anësisë etnike.

Sikundër e dini është shumë e lehtë të bëhet një akuzë, por është shumë e vështirë të që të ofrohen dëshmitë. Nëse faktet nuk dëshmohen në gjyq, sipas ligjit personi i akuzuar nuk është fajtor.

BBC - Si i vlerësoni gjykimet e krimeve të luftës në Kosovë?

Z.Lindholm - Ato janë shumë jetike dhe të rëndësishme që të mundësojnë verifikimin e asaj që ka ndodhur.

Ato janë edhe të ndieshme sepse sjellin edhe shumë emocione për shkak se shumë njerëz i kanë përjetuar ato që kanë ndodhur.

Nëse gjykata, që është vend i zbatimit të ligjit, përcaktohet për të vërtetën, kjo do të ndihmonte procesin e pajtimit në mënyrë që gjërat të ecin përpara.


Oj sharki e lehte si era , a ka ardhur ne Shqiperi prnavera?