Fjalimi tradicional i George W. Bush

[Davius]

Presidenti Bush mban fjalimin tradicional mbi gjendjen e vendit

01-02-2006



Presidenti Bush mbajti fjalimin tradicional mbi gjendjen e vendit, drejtuar Kongresit dhe popullit amerikan, fjalim në të cilin parashtroi objektivat e tij në politikën e jashtëme dhe të brendshme. Ai foli mes të tjerash për luftën kundër terrorizmit dhe për pavarësinë e Amerikës në fushën e energjisë.

Në këtë periudhë sa komplekse aq edhe të mbushur me sfida, tha Presidenti Bush, rruga e izolacionizmit dhe proteksionizmit mund të duket joshëse, por ajo përfundon në rreziqe dhe në rënie.

Mënyra e vetme për të mbrojtur popullin tonë, mënyra e vetme për të siguruar paqen dhe për të kontrolluar fatin tonë është duke udhëhequr – prandaj Shtetet e Bashkuara të Amerikës do të vazhdojnë të udhëheqin, tha Presidenti Bush. Shtetet e Bashkuara, tha Presidenti Bush, janë të angazhuara për një qëllim historik dhe afatgjatë – ne kërkojmë fundin e tiranisë në botë dhe nga kjo varet siguria e Amerikës në të ardhmen.

Ne, tha ai, nuk mund të gjejmë siguri duke u braktisur angazhimet tona dhe duke u tërhequr brenda kufijve tanë.

Duke iu referuar terroristëve, Presidenti Bush tha se nëse ata do të liheshin të qetë, atëhere ata nuk do të na linin neve të qetë, por do ta zhvendosnin fushën e betejës në brigjet tona.

Duke folur për Irakun, Presidenti tha se Shtetet e Bashkuara i kanë hyrë kësaj rruge për të fituar dhe po fitojnë. Presidenti tha se shkurtimi i trupave amerikane në Irak do të vazhdojë njëkohësisht me përparimet në terren. Por këto vendime, tha ai, duhet të merren nga komandantët ushtarakë dhe jo nga politikanët në Uashington, një kritikë kjo për zërat e opozitës që kërkojnë tërheqjen e trupave nga Iraku dhe që presidenti i quajti “disfatiste” në fjalimin e tij.

Presidenti tha se ofensiva kundër terrorit përfshin më tepër se sa vetëm veprime ushtarake. E vetmja mënyrë për të mposhtur terroristët është të mposhtim vizionin e tyre të errët të urrejtjes dhe të frikës, tha Presidenti.

Duke iu referuar Lindjes së Mesme, Presidenti tha se ngritja e një demokracie kërkon shtetin juridik, mbrojtjen e pakicave dhe institucione të përgjegjshme. Ai i bëri thirrje Hamasit që të njohë Izraelin, të çarmatoset, të heqë dorë nga terrorizmi dhe të punojë për paqen.

Presidenti e shfrytëzoi fjalimin e tij për t’ju drejtuar qytetarëve të Iranit, një vend, që siç tha ai, mbahet peng nga një elitë e vogël klerikësh: "Amerika ju respekton ju, ne respektojmë vendin tuaj. Ne respektojmë të drejtën që keni për të zgjedhur të ardhmen tuaj dhe për të fituar lirinë tuaj. Vendi ynë shpreson që një ditë të jetë ndër miqtë më të ngushtë të një Irani të lirë dhe demokratik," tha Presidenti.

Duke u përgjigjur në emër të demokratëve, guvernatori i shtetit Virginia Tim Kaine tha se angazhimi për të fituar në luftën kundër terrorizmit të detyron të pyesësh: a janë politikat e presidentit më të mirat për ta fituar këtë luftë? Ai tha se popullit amerikan nuk iu dha informacioni i saktë për arësyet se përse duhej ndërhyrë në Irak. Trupave amerikane në Irak, tha ai, duhet t’u jepen tani mjetet e duhura për të fituar. Ai e kritikoi gjithashtu presidentin për disa nga politikat e tij ekonomike si në fushën e taksave dhe të kujdesit shëndetësor.

[Davius]

Presidenti Bush ka bërë një mbrojtje të fortë të politikës së jashtme amerikane.

Ai tha Shtetet e Bashkuara nuk mund të arrijnë sigurinë duke braktisur angazhimet e saj dhe të tërhiqeshin brënda kufijve të vetë.

Në fjalimin e tij përpara kombit, presidenti Bush ai tha se çdo hap drejt lirisë në botë e bënte Amerikën një vënd më të sigurt dhe zgjedhjet në Afgansitan dhe Irak, tregonin se demokracia po avanconte.

Z.Bush tha se pas fitores elektorale në zgjedhjet palestineze, udhëheqësit e Hamasit duhet të njohin Izraelin, çaramatosen, të kundërshtojnë terrorizimin dhe të punojnë për një paqe të qëndrueshme.

Ai theksoi se Amerika do të ishte në ofensivë. Në Irak, tha ai, puna ishte e vështirë, por Amerika po fitonte.

Z.Bush tha se një nga burimet kryesore të kundërshtimit të lirisë ishte radikalizmi i fesë islame.

Në çështjet e politikës së brëndshme, presidenti Bush tha se amerikanët ishin konsumatorë të mëdhenjë të naftës shpesh e importuar nga pjesë jo të qëndrueshme të botës.

Ai tha se mënyra më e mirë për të ndryshuar këtë gjë ishte përmes teknologjisë dhe se Shtetet e Bashkuara ishin në prag të avancimeve të pabesueshme në këtë fushë.

Bush njoftoi një shtim të madh të fondeve në studimet për prodhimin e energjisë së pastër dhe investime për impjante që nuk emetojnë ndotje si dhe teknologjinë djellore dhe atë të errës.


---------


Kryetari Bush premtoi se do ta vazhdojë angazhimin e SHBA-ve

Uashington, 10:30


Kryetari amerikan Xhorxh Bush, premtoi në fjalimin e mbrëmshëm para kombit, se do të vazhdojë angazhimi i SHBA-ve në botë dhe paralajmëroi Amerikën se doemos do të duhej ta ndërpresë varshmërinë e saj nga nafta në Lindjen e Afërt.

Bushi, në fjalimin e tij vjetor para Kongresit amerikan, përpiqej ta përtërijë besimin në liderizmin e tij.

"Mënyra e vetme për ta mbrojtur popullin tonë, ta sigurojmë paqen, ta kontrollojmë fatin, është liderizmi ynë", deklaroi Bushi, në fjalimin, transmetimin televiziv të të cilit e ndoqën miliona amerikanë. /Makfaks/

[Davius]

Ne RTK live, mbreme vone kam ndjekur direkt kete fjalim e Bushit dhe kur permendej politika e jashtme nuk u permend ceshtja e Kosoves (nese nuk gabohem) dhe kjo me shtyen te mendoj se prioritet i Amerikes me shume eshte: Hamasi, Iraki, Irani, Siria, Zimbabwe, Korea e tjera dhe se Kosova nuk u permend dmth nuk eshte ne agjenden e tyre.

Ai ishte i 'mërzitur' per lirine e popullin iranian, sirian, korean dhe nuk tregoi edhe shenja 'mërzie' edhe per cenimin e lirise se shqiptareve ne Kosove e me gjere!

Nje shenje jo e mire nga ana tij per Kosoven dhe shqiptaret.

[Alket123]

dhe paralajmëroi Amerikën se doemos do të duhej ta ndërpresë varshmërinë e saj nga nafta në Lindjen e Afërt.

lindja e mesme? e ke shkruar ti gabimisht apo e ka thene bushi?

eshte bere apo jo miratimi i nxjerrjes se naftes nga alaska? prudhoe bay oilfield ne alaske rrenditet nr.8 ne bote per rezervat e naftes.

me e rendesishmja eshte se bushi anashkaloi te permend superficitet e kompanive amerikane.

[Lunesta]

E ndoqa live dhe me pelqeu fjalimi i Bushit. I matur dhe i sakte. Te shohim sa do te zbatohet.

[dibrani2006]

bushi per mua nuk na ka dashte nuk i intereson shume populli jone por nafta pike