Izrael - Palestinë

[ATMAN]

Palestinezët vuajnë nga lëndimet e paspjegueshme

Qyteti i Gazës – Mjekët palestinezë thonë se Izraeli ëshë duke përdorur armë jo-konvencionale në Rripin e Gazës duke i lënë kështu trupat viktimave palestineze “me lëkurë në asht” dhe duke i shkatëruar organet e brendshme pa ndonjë shenjë të dukshme të ndonjë plage të shkaktuar nga ndonjë lloj shrapneli.
“Në disa raste ne kemi hapur abdomenin (barkun) dhe kemi gjetur organe tejet të copëtuara (fragmentuara)” deklaroi për The Independent Dr. Juma Al-Saqqa, drejtor i mardhënjeve me publik në Spitalin Shifa.

Më shumë se 200 palestinezë janë vrarë dhe qindra të tjerë janë plagosur që nga 12 qërshori kur Izraeli lansoi ofensivën e tij të gjërë.

Mjekët palestiezë thonë se trupat e palestinezëve janë djegur “deri në asht”.

Mostra nga plagët e palestinezëve janë dërguar për në Itali në dyshim se disa nga plagët është e mundur të ishin shkaktuar nga Fosfori.

Një raport i ministrisë palestineze të shëndetsisë thotë se plagët tregojnë se Izraeli është duke përdorur projektilë të “jashtëzakonshëm (të pa-parë në të kaluar)” me substanca “rrezatuese”.

“Ne mendojmë që kjo duhet studiuar” thekson Saqqa.

Vrazhdësia e plagëve tek palestinezët ka detyruar WHO (Organizatën Botërore të Shëndetit) që të shqyrtojë lansimin e një hetimi të plotë lidhur me këtë qështje.

Dr. Ambrogio Manenti, udhëheqës i Zyrës për Bregun Lindor dhe Gaza-n nën WHO thotë se një vlerësim preliminar ishte kryer nga Trupi Botëror.

Ky vlerësim i ishte referuar shtabit qëndror të WHO në Gjenevë i cili tani është duke e shqyrtuar fillimin e një hetimi të plotë, shtoi ai.

[Dorontina]

Cka eshte me mire se sa hipokritet, qe tallen me ta duke "i qare hallin".

Mbasi jane keqperdore per dekada nga "vellezerit arabe", si mish per top apo ushqim ideologjik per turmat. Keto "vellezer" i trajtojne si te internuar neper kampe 50 vjecare, pa u dhene asnje mundesi integrimi ne shoqerite e veta, ata qe pikerisht i shnderruan ne refugjate nepermjet luftrave qe shkaktuan k/Izraelit.

Mirepo cka pritet nga breza te rritur ne skamje, varferi shpirterore, mungese alternative?

Urrejtje.

Po a mund te ndertoje urrejtja?

sa jini i drejt sa mir flitini dhe njifni situaten.
jeni korekt keni respekt jeni human !
Bravo qe ka enden njerz me zemer dhe mende njeriu

[Dorontina]

amendamenti i pare






uh, dolem komplet jashte teme.. (mod, shuaji po qe se nuk te duken ne rregull)

jeni personi me inteligjent qe kam lexuar deri me tani

ju njifni shum gjera por korekt , kjo asht me rendesi .

[Lioness]

Rice dhe Bush në Jordani për procesin e paqes

Sekretarja amerikane e shtetit, Condoleezza Rice, thotë se ekziston një hapje e vogël në rifillimin e përpjekjeve për paqe mes Izraelitëve dhe palestinezëve.

Dr. Rice tha se shpresonte që të dyja palët të përfitonin nga momenti dhe të ecnin drejt qëllimit për dy shtete që do të jetonin paqësisht pranë njëri-tjetrit.

Ajo e bëri këtë deklaratë gjatë misionit të saj në Lindjen e Mesme, gjatë të cilit po përpiqet për të ringjalluar bisedimet e ngrira mes të dyja palëve.

Ajo zhvilloi bisedime me kryeministrin izraelit, Ehud Olmert dhe presidentin palestinez Mahmoud Abbas.

Sekretarja amerikane Rice, u bëri thirrje udhëheqësve izraelitë dhe palestinezë ta zgjerojnë armëpushimin e brishtë në Gazë.

Duke folur në Jordani, presidenti Bush riafirmoi angazhimin amerikan për zgjidhjen me opsionin për dy shete mes palestinezëve dhe izraelitëve.

Po në Jordani, kryeministri irakian, Nouri al-Maliki, tha se forcat irakiane mund të marrin plotësisht në kontroll sigurinë e vendit në qershor të vitit të ardhshëm.

Duke folur për televizionin amerikan pas bisedimeve me presidentin Bush, ai tha se ishte i rëndësishëm shpejtimi i stërvitjes së forave irakiane.

Por zoti Bush, këmbënguli se trupat amerikane duhet të qëndrojnë derisa puna e tyre të ketë përfunduar dhe përsa kohë qeveria irakiane të kërkonte praninë e tyre.

[ATMAN]

Me faqet e plagëve e reja të një lufte pa fund

Gjyshet palestineze, tani edhe "martire"

Një 70-vjeçare hodhi veten në erë në një sulm të "Hamas"-it kundër ushtarëve izraelitë. Ajo mund të jetë e para në një "ekip" rekrutësh të moshuar


Në qendër të Beit Hanoun nuk ka mbetur më asgjë nga xhamia 800-vjeçare që ngrihej dikur, përveç minares. Duket si një far që ngrihet lart, në mesin e një deti të trazuar. Njerëzit, shtëpitë e të cilëve janë shkatërruar gjatë operacionit të fundit të ushtrisë izraelite, qëndrojnë të ulur në karrige plastike, përreth zjarreve. Gjatë netëve, ata flasin pa fund me fqinjët. Një prej tyre është Vatfa Kafarna. "Unë pashë ushtarët izraelitë sy më sy", thotë ajo. "Ata morën nipin tim 4-vjeçar, Mahadi, me sindromën e daunit. E qëlluan dhe i bërtitën: ‘Ku janë armët?‘ Tani, ai është i traumatizuar dhe lag shtratin çdo natë". Në fakt, jo shtratin e tij, pasi familja Kafarna është e pastrehë dhe jeton falë bamirësisë e ndihmës së miqve. Nga sytë e Vatfas rrjedhin lot sapo ajo sheh të birin, nusen dhe nipin, të strukur përreth një stufe. Burri i saj, Diab, përmes rrënojave, i drejtohet së shoqes. "Një puthje", thërret ai. Dhe në mënyrë mallëngjyese puth bashkëshorten në buzë. "Ajo është zemra ime, drita ime. Kemi humbur shtëpinë, por jo njëri-tjetrin", thotë ai. Gjatë sulmit, ushtarët izraelitë kishin ndaluar të gjithë burrat nga 16-70 vjeç, përfshirë edhe fëmijët dhe nipat e Vatfas e Diabit. Ushtria kishte marrë në shënjestër xhaminë në një përpjekje për të arrestuar militantët që fshiheshin atje. Gratë kishin bërë rezistencë. Ishin mbledhur si mburoja njerëzore përreth xhamisë, për të ndihmuar militantët të largoheshin. "Unë jam 72 vjeç", thotë Vatfa, "por ndërsa e bëja këtë u ndjeva si 20, e re dhe e gatshme për të vepruar". Ajo heq nga koka shaminë dhe e mban në dorën e djathtë. "Valëvitja shaminë time si një flamur i bardhë dhe lutesha bashkë me gratë e tjera përballë xhamisë së shenjtë. Por, izraelitët vazhduan ta shembnin atë". Dy gra u vranë nga forcat mbrojtëse izraelite atë ditë. Vatfa u rrah, ndërsa 70-vjeçarja Fatma Najar u godit nga një buldozer. Tre javë më vonë, Najar hodhi veten në erë në afërsi të një postblloku izraelit, duke plagosur dy ushtarë. Në Gaza, ajo shihet si një heroinë. "Nëse izraelitët vijnë në shtëpinë time dhe qëllojnë fëmijët e mi, nëse do të kisha eksploziv, edhe unë do të bëja të njëjtën gjë", thotë Vatfa. "Gruaja është ajo që humbet më shumë", thotë Khola, një fqinj, duke qëndruar mbi rrënojat e shtëpisë së tij. 200 shtëpi u shkatërruan në Beit Hanoun. "Fatma Najar, një grua e moshuar, bëri atë që njerëzit nuk kanë guximin ta bëjnë. Asaj iu shkatërrua shtëpia mbi kokë, djemtë e saj u burgosën, nipat iu vranë", thotë Khola. "Ne duam të besojmë te paqja, por si mundemi ne ta bëjmë këtë, kur avionët ushtarakë fluturojnë mbi kokat tona çdo natë", pyet Vatfa, "duke i bërë nipat tanë të qajnë dhe të lagen në shtrat, kur ende tanket lëvizin në kufi. Unë nuk mund të besoj se mund të arrihet paqja". Familja e Fatma Najar dëgjoi për sulmin e saj në radio. "Ne menduam se duhet të kishte një tjetër Fatma Najar", thotë djali i saj, Xhihadi, 35-vjeçar. "Nuk na kishte shkuar nëpër mend se mund të bëhej fjalë për nënën tonë. Më pas, njerëzit filluan të vinin dhe ne e mësuam se ishte e vërtetë. Ndienim keqardhje për humbjen e saj, por edhe krenari gjithashtu". Në shtëpinë e saj tani ka një poster të madh me foton e saj, ku shkruhet "Martire". Është në fakt shokuese kur sheh një grua të vjetër që mban në duar një automatik. Disa nga 70 nipërit e stërnipërit e saj luajnë nën atë foto. Israa, 6 vjeç, mban veshur një bluzë, ku shkruhet "fëmijëri të lumtur". "Gjyshja ime ka shkuar në parajsë, sepse ajo sulmoi izraelitët", thotë ajo. Tani, ditët e vizitave të zisë kanë përfunduar. Mbrëmjen e parë, anëtarë të brigadave Qassam, krahu i armatosur i "Hamas"-it, kishin ardhur për vizitë. Djali i saj, Inam, thotë: "Na thanë, ‘nëna juaj ka kërkuar ta bënte këtë për dy vjet me radhë dhe ne i thoshim jo. Më në fund ajo na tha, nëse nuk më jepni një brez me eksploziv, do të shkoj vetë diku e të vritem dhe gjaku im do të rëndojë mbi ju. Ia dhamë‘". Gra të tjera të moshuara tani duan të bëhen kamikaze. Familja debaton përse ajo e bëri këtë. Ndoshta ishte për shkak të vrasjes së nipit të saj. "Djali im, Adili, ishte 18 vjeç kur u vra", thotë Fatiya, 52 vjeç, djali më i madh i Fatma Najarit. "Ai po qëllonte me gurë kundër ushtarëve izraelitë". Më pas u vra edhe djali tjetër i Fatiyas, Shabani. Ai kishte sulmuar një ushtar izraelit me një thikë. Ishte qëlluar plot 72 herë, kishte humbur një këmbë dhe ishte paralizuar. Familjarët tregojnë një fotografi të Fatmës, një grua me një pamje të ëmbël, me shaminë e bardhë mbi kokë. Fqinjët tregojnë histori pa fund për bujarinë e saj, si u jepte ajo ëmbëlsira fëmijëve të lagjes, si u tregonte përralla dhe luante me ta. Najar ishte një grua besimtare, e angazhuar në komitetet e xhamive dhe e dinte përmendësh Kuranin. Vetëm pas vdekjes së saj, familja zbuloi se kishte punuar për "Hamas"-in. "Na treguan se kishte dërguar ushqime, ujë dhe municione për rezistencën në vijat e frontit. Ne nuk dinim asgjë", thonë ata. Natën para operacionit të saj vetëvrasës, Fatma ishte takuar me fëmijët dhe nipat e saj. U kishte çuar atyre veshje dhe ëmbëlsira. Ndërsa po largohej, kishte kthyer kokën dhe një herë të fundit, duke parë në një mënyrë disi të çuditshme. "Mendoj se ajo çka e zemëroi atë më shumë, ishte masakra në Beit Hanoun (një familje prej 17 anëtarësh u vra, ndërsa izraelitët bombarduan shtëpinë e tyre). Nëna shkoi në atë shtëpi dhe pyeti gruan që kishte mbijetuar: Përse të vdesin djemtë e tu? Nëse Allahu e lejon një gjë të tillë, unë vetë do të bëhem martire". Njerëzit kishin qeshur: "Mendoni se ata do të merrnin një grua të vjetër si ju?" Por, pak më vonë, ajo u bë kamikaze, duke plagosur dy ushtarë izraelitë dhe duke i dhënë fund jetës së vet. Javën e kaluar, "Hamas"-i zhvilloi një ceremoni në Beit Hanoun, në kujtim të 140 palestinezëve të vrarë gjatë muajit nëntor. Mijëra njerëz morën pjesë. Kryebashkiaku Nazek el-Kafarna mbajti një fjalim në nder të Fatma Najar: "Kjo grua e moshuar pa shtëpitë e shkatërruara dhe pemët e shkulura. Ajo pa se si njerëzit nëpërkëmbeshin. Ajo mori shpirtin e saj në duar dhe u nis drejt martirizimit". Ndërkohë, të tjerë njerëz mendojnë se akti i Fatma Najarit shënon fillimin e një kulture të re. "E dimë se pas liderëve izraelitë ka vendimmarrës që studiojnë sjelljen e palestinezëve. Fatma u tregoi atyre se nuk mund t‘i japin fund çështjes palestineze pa dhunë", thonë ata. E mes njerëzve kishte plot gra, shumica të moshuara, që mbanin në dorë fotot e njerëzve të tyre të vrarë. "Ne të gjitha duam të bëhemi si Fatma", thërrisnin ato. "Jemi të kënaqura nga armëpushimi", thonë ato, "por nëse izraelitët kthehen, do ta shikojnë çfarë i pret. Ne do të bëjmë të gjitha si Fatma". "Unë e di se të paktën 20 prej nesh janë të gatshme të lidhin eksplozivët rreth mesit", thotë Fatma Naouk, 65 vjeçe. "Tani është koha e grave. Tani, gratë e moshuara kanë gjetur mënyrën për t‘u bërë të dobishme".





Ftesa "e artë" e një biznesmeni hebre për bisedimet mes izraelitëve dhe palestinezëve


Pasaniku deklaron se ka edhe mbështetjen e Toni Blerit


Në një iniciativë të re në Lindjen e Mesme, një biznesmen izraelit, i ka ofruar Kryeministrit palestinez 1 miliard dollarë, nëse ai dhe homologu i tij izraelit, do të ulen në bisedime dhe të arrijnë një marrëveshje paqeje. Biznesmeni miliarder, Avi Shaked, i cili e ka krijuar perandorinë e tij duke drejtuar lojëra fati në internet, thotë se ai ka mbledhur bashkë një grup financuesish ndërkombëtarë, që janë të gatshëm të japin menjëherë para, nëse një marrëveshje arrihet. Një shumë fillestare prej 100 milionë dollarësh do të jepej menjëherë nëse Kryeministri Ismail Haniyeh, një nga liderët e grupit militant islamik Hamas, dhe homologu i tij izraelit, Ehud Olmert, do të uleshin në tryezën e bisedimeve. Shanset e suksesit të një iniciative të tillë, duket se janë të pakta. Hamasi kërkon shkatërrimin e shtetit hebre, ndërsa Izraeli e shikon lëvizjen si një grup terrorist. "Vrasjet duhet të ndalen", tha Shaked, për agjencinë e lajmeve Reuters, duke shpjeguar më pas një plan që, sipas tij, ka marrë edhe miratimin e Kryeministrit britanik, Toni Bler. "Oferta ime vlen për të dy liderët: ju lutem, uluni, filloni negociatat dhe përpiquni të arrini një marrëveshje. Në momentin që të dyja palët do të arrijnë një marrëveshje, unë menjëherë do të jap 1 miliard dollarë. 10 përqindëshi i parë do të jepej menjëherë sapo negociatat të fillojnë". Shaked, 53 vjeç, një mbështetës i Partisë Laburiste të qendrës së majtë, në Izrael, që ka lëshuar oferta për paqen edhe në të shkuarën, thotë se ky propozim më i fundit i tij, mund të pasohej me një milion vende të reja pune në territoret e varfra palestinezë. Shaked dëshiron që paratë ta ngrenë ekonominë e Palestinës dhe ta rendisin atë përkrah Izraelit, duke lënë mënjanë varfërinë që në kushte normale ndihmon në përshkallëzimin e konflikteve. "Ne jemi pothuajse të njëjtit njerëz, jemi kushërinj, përse nuk mund të fillojmë të flasim", thotë ai. Haniyeh, që është në një turne në Lindjen e Mesme, në përpjekje për të mbledhur para për qeverinë e tij, thuajse të rrënuar pas nëntë muajsh bojkoti ndërkombëtar të ndihmave, duket se e ka refuzuar ofertën të martën. Por, Shaked tha se ai beson se Haniye dhe Hamasi, që drejton qeverinë palestineze që pas fitores në zgjedhjet e marsit, po e shqyrtojnë propozimin. Qeveria e Izraelit ishte më indiferente lidhur me këtë iniciativë dhe një nga zyrtarët e saj tha se qeveria është e angazhuar që tani në propozime afatgjata, si për shembull ai i bërë nga Shtetet e Bashkuara, që njihet si "harta e rrugës". "Me gjithë respektin, kjo është diçka që nuk bëhet me paratë e një milioneri", tha zyrtari i qeverisë izraelite. "Kjo është një qeveri që i përgjigjet një elektorati", ka shtuar ai. Vetë Olmert, ndërkohë, ka deklaruar se nuk do të negociojë me Hamasin. Ai tha, gjithsesi, se do të bisedonte me Presidentin palestinez, Mahmoud Abbas, lider i Fatahut, një parti më e moderuar dhe rivale e Hamasit. Përpjekjet për një takim mes këtyre dy drejtuesve, në muajt e fundit, kanë rezultuar të padobishme. Por, biznesmeni Shaked, thotë se ai është plotësisht i angazhuar që t‘i bëjë gjërat të lëvizin, me pasurinë e tij. "Unë kam shumë para, por jam i gatshëm t‘i shpenzoj të gjitha, nëse kjo do të sillte paqen", tha ai.


Gazeta Shqip

[ATMAN]

Deklaratë e kryeministrit palestinez në Iran


Kryeministri palestinez, Ismail Haniyeh, tha dje se qeveria e udhëhequr nga Hamasi nuk do të njohë kurrë Izraelin dhe se do të vazhdojë luftën për çlirimin e Jerusalemit. Kjo në fakt është një kërkesë kyçe e donatorëve perëndimorë, të cilët i kanë ndërprerë ndihmat për autoritetin palestinez. "Ne nuk do të njohim kurrë qeverinë uzurpatore sioniste dhe do të vazhdojmë lëvizjen tonë xhihadiste deri në çlirimin e Jerusalemit", tha Haniyeh para mijëra besimtarëve myslimanë gjatë faljes së të premtes në Universitetin e Teheranit në Iran. Komentet nxjerrin në pah vështirësitë e misionit që pret Kryeministrin britanik Toni Bler, i cili një ditë më parë, në një konferencë të përbashkët me Presidentin amerikan Xhorxh Bush, në Uashington, tha se do të vizitojë Izraelin dhe territoret palestineze në një përpjekje të fundit për arritjen e paqes, para se ai të largohet nga detyra vitin e ardhshëm. Haniyeh, që gjendet në vizitën e parë të tij jashtë vendit që kur qeveria e Hamasit u ngjit në pushtet në muajin mars, pas një fitoreje surprizë në zgjedhje, e quajti Iranin një aleat të hershëm të Hamasit, "rrënja strategjike" e palestinezëve. "Izraelitët e dinë se palestinezët nuk janë të vetëm.

Ky do të ishte një iluzion... Ne kemi rrënjë strategjike në Republikën islamike të Iranit. Ky vend është mbështetësi ynë i fuqishëm, dinamik dhe i qëndrueshëm", tha ai. "Ne mbështetemi nga Irani dhe ky vend do t‘i bëjë ballë çdo presioni amerikan dhe sionist", tha Haniyeh. Ai gjendet në Iran për bisedime me liderët vendas, përfshirë edhe Presidentin Mahmoud Ahmadinexhad, i cili ka kërkuar më herët "zhdukjen e Izraelit nga harta e botës". Irani i ka dhuruar qeverisë palestineze 120 milionë dollarë ndihma pas bojkotit ekonomik të komunitetit ndërkombëtar që i shtyu territoret e pushtuara në krizë të rëndë ekonomike. Komuniteti ndërkombëtar, nën drejtimin e kuartetit SHBA-OKB-BE-Rusi, ndaloi financimet direkte për qeverinë palestineze pas fitores së Hamasit, duke kërkuar që kjo organizatë të njihte Izraelin, të ndalte dhunën dhe të pranonte marrëveshjet e paqes të nënshkruara më herët. Vizita katërditore e Kryeministrit palestinez në Iran filloi të enjten me një takim me Presidentin Mahmoud Ahmadinexhad dhe do të vazhdojë me një seri takimesh me zyrtarë të tjerë të lartë iranianë.


Gazeta Shqip

[ATMAN]

Ish presidenti amerikan Xhimi Karter deklaroi se ndërprerja e ndihmave nga qeveritë e huaja për Palestinën pas ardhjes në pushtet të Hamasit, është një krim kundër popullit palestinez.
Karter në një intervistë me kanalin tv CBC të Kanadasë deklaroi se vendimi i qeverisë kanadeze dhe disa qeverive të tjera perëndimore për të ndërprerë ndihmat humanitare për popullit palestinez për shkak se ata votuan qeverinë e tyre të preferuar, është krim dhe shkelje e hapur e të drejtave të njeriut.

Ish presidenti ameirkan Karter duke shprehur keqardhje ndaj krimeve të izraelit kundër palestinezëve, shtoi se qeveritë perëndimore duhet të hapin më shumë sytë ndaj realitetit në Palestinë dhe të respektojnë votën e popullit palestinez.

Vlen të theksohet se pas ardhjes në pushtet të Hamasit me votën e lirë të popullit palestinez Amerika dhe BE ndërprenë të gjitha ndihmat humanitare për palestinezët dhe kusht për rifillimin e këtyre ndihmave e vendosën njohjen e legjitimitetit të regjimit sionist gjë që qeveria palestineze nuk e ka pranuar deri më tani.

[Labeati]

Nuk asht e vertete qe Europa dhe USA kane nderpre ndihmat per popullin e palestines.

Asht e vertete qe shtetet demokratike Europe e USA i kane nderpre ndihmat QEVERISE te Hamasit, per sa kohe qe kjo qeveri:
1- Nuk heq dore prej terrorizmit
2- Njef marrveshjet e maparshme te vete shtetit-autoritetit palestinez me Izraelin dhe shtetet e perendimit.
3- Njef te drejten e shtetit te Izraelit, (te cilin ne fakt e kane njofte vete Autoriteti palestinez dhe e njef Presidenti i tyne M.Abaz).

Perendimi nuk mund te financoje nji qeveri terroristash qe ka qellim te vetem xhihadin e vrasjen e civilave.
Ata nuk mund te financojne nji qeveri kunder parimeve qe aplikojne per vendet e veta.
Ata nuk mund te lejojne qe paret e taksapaguesve europiane te shkojne per me ndihmue e armatose vrasesa e kriminela.

Perderisa Hamas ka zgjedhe me qene masha e Sirise dhe Iranit te cilet e krijuen dhe e financojne, perkunder interesit te popullsise palestineze, dhe perkunder marrveshjeve qe vete perfaqesuesit palestinez kane nenshkrue, atehere ai ja ka pre vetes ndihmat.

Mandej perderisa shajne gjithe diten Ameriken E Europen, si kane fytyre me prite e me lype ndihma prej tyne.
Le te vazhdojne si dikur enver Hoxha luften kunder imperializmit duke hanger bar vec te mos shkelin parimet e terrorizmit (dhe urdhnat e ajatollaheve).

[darwin]

...

...

etj, etj

...




Mandej perderisa shajne gjithe diten Ameriken E Europen, si kane fytyre me prite e me lype ndihma prej tyne.

Ekziston ndonje motiv shume i rendesishem, qe i shajne?

[Labeati]

Ekziston ndonje motiv shume i rendesishem, qe i shajne?

Pak a shume te njajtat motive si ato qe tonat qe i shame 50 vjet rresht, duke hanger bar per hir te parimeve (ne fakt te interesave) te diktatorit.

Ne fakt megjithese bari yne ishte "i kuq" dhe bari i Hamasit asht jeshil, prape bar mbetet...

[D&G Feminine]

Mandej perderisa shajne gjithe diten Ameriken E Europen, si kane fytyre me prite e me lype ndihma prej tyne.
Le te vazhdojne si dikur enver Hoxha luften kunder imperializmit duke hanger bar vec te mos shkelin parimet e terrorizmit (dhe urdhnat e ajatollaheve).

Enveri te pakten s'pranonte ndihma prej tyre

[Labeati]

Enveri te pakten s'pranonte ndihma prej tyre

Pikerisht! Ndoshta pse kishte bar me shumice, ndersa ne palestine edhe barin "jau dogji gjermani ... me fal izraeli"

Nje arsyet tjeter mund te jete se ndoshta popullit palestinez ndersa u pelqejne parullat, nuk u hahet bari...
Mirepo edhe kur shijojne ndihmat, shpesh ja fusin nji te kafshume dores qe jau jep....

po si thojne ketej "can't have it both ways..."

[Hyllien]

He Labeat, ka no i lajm nga lobi cifut ? Car thone ata do i shperbejme te gjithe te pafete ? Me ket rast mos na heqin qafe dhe ne plako, sidomos inatin me katoliket e kane ata. Shkodren kan per me e rrafshue te paren.

Hajt na rrofshi o rilindas, se ju ka mbi bari mbi eshtra e mbi fjalet qe keni thone.

[NoName]

Dhunë në parlament në Territoret Palestineze. Tre fëmijë, bij të një funksionari të sigurimit palestinez u vranë sot paradite në një atentat, i cili kishte për qëllim vrasjen e agjentëve të policisë, që ruanin shkollën. Funerali i të vegjëlve u shndërrua në një manifestim para Parlamentit, i cili degjeneroi në gjakderdhje. “Është krimi më i urryer që ka ndodhur ndonjëherë”, deklaroi presidenti Abu Mazen, që kërkoi kapjen e menjëhershme të fajtorëve.

Ndërkaq, ndërmjet palestinezëve rritet zemërimi për arsye të vendimit të Izraelit, që të mos lejojë një delegacion të OKB-së, udhëhequr nga ipeshkvi anglikan e çmimi Nobel për paqe, Desmond Tutu të vizitojë Gazën. Delegacioni kishte për detyrë të kryente hetime rreth bombardimit izraelit, që gabimisht qëlloi mbi civilët më 8 nëntorin e kaluar në Beit Hanun, duke shkaktuar vdekjen e 19 personave.


NoName

[Labeati]

He Labeat, ka no i lajm nga lobi cifut ? Car thone ata do i shperbejme te gjithe te pafete ?

Une nuk di gjo car thone ata per te pafete, po ti shko pyet peshkopin greko-orthodoks te Jeruzalemit, se ai e ka mire me ta, qyshse po merret edhe me "real-estate", e din ku e kam llafin besoj.

Me ket rast mos na heqin qafe dhe ne plako, sidomos inatin me katoliket e kane ata. Shkodren kan per me e rrafshue te paren.

Une s'kam degju gja, por me qe thua ti.... ashtu po e lame. Puna asht se nuk i kemi pa ndoj te keqe, si bie fjala, turkut, grekut a serbit....

Hajt na rrofshi o rilindas, se ju ka mbi bari mbi eshtra e mbi fjalet qe keni thone.

Ketu ke te drejt.... ata vdiqen e nip-sternipat e haxhi-qamilit i kemi ala neper kambe...

[iliria e para]

Dite gezimi ishte per izraelitet ajo dita kur fitoi Hamas.
E kishin te qarte se cka do te ndodhe me palestinezet.

[NoName]

Të mos harrohen fëmijët e Betlehemit


Motrat françeskane elizabetiane të Karitasit „Baby Hospital“ në Betlehem bënë thirrje për ndihma për spitalin që drejtojnë. Bëhet fjalë për të vetmin spital pediatrik të zonës që mbulon një popullsi me gati 500 mijë fëmijë, e që mbahet në këmbë falë ndihmave dhe solidaritetit të bamirësave. „Kushtet e vështira në të cilat jetojnë shumë familje, veçanërisht nëpër fshatra – lexohet në letrën e motrave elizabetiane- i shtojnë rreziqet e sëmundjeve ndër fëmijë.


RV

[Lioness]

Izraeli ofron fonde po të anashkalohet Hamasi

Presidenti palestinez, Mahmud Abas, ka zhvilluar bisedime në Jeruzalem me kryeministrin izraelit, Ehud Olmert.

Ky ishte takimi i parë zyrtar mes tyre.

Pas këtij takimi Izraeli tha se për arsye humanitare është i gatshëm të lirojë 100 milionë dollarë nga të ardhurat e taksave të palestinezëve, që mbahen të bllokuara.

Po ai vitu si kusht gjetjen e një mekanizëmi që ta anashkalojë qeverinë e Hamasit.

Shuma e fondeve që Izraeli mban të bllokuara që prej ardhjes në pushtet të Hamasit në fillim të këtij viti, është gjashtë herë më e madhe.

Izraeli thotë se do t'i japë fondet vetëm për qëllime humanitare, si p.sh për spitalet dhe medikamente mjekësore, vetëm nëse gjehet një mekanizëm që ta anashkalojë administratën e Hamasit.

Përveç kësaj takimi Abas-Olmert nuk kishte ndonjë gjë të re.

Të dy udhëheqësit ranë dakord të ngrinin tre komisione të përbashkëta - një komision për sigurinë për të parë mundësinë e shtrirjes së armëpushimit izraelito-palestinez edhe në Bregun perëndimor, një komision financiar që do të ketë detyrë të kalojë të ardhurat e siguruara nga taksat dhe fondet e tjera tek Autoriteti Palestinez dhe një komision tjetër që do të shohë mundësinë e shkëmbimit të të burgosurve.

Shumë izraelitë dhe palestinezë mbeten skeptikë nëse këto marrëveshje të do zbatohen.

[alDI]

Nje interviste e George Galloway dhen ne skynews.

Interviste kaq te fuqishme kurr skam pare ndonjehere.

George Galloway eshte nje ish MP i tony blair dhe para disa vitesh largohet nga partija e labourers dhe krijon partin e vet Respect party ku ne zgjedhjet e fundit ai fiton ne zonat ku kish kandiduar.
Sot per sot eshte nder njerzit me te njofur ne UK per shkak te daljes hapur kundra pa drejtesive qe po behen sot ne bot .

Dhe sa per dijeni George esht Kristian i devotshem edhe pse pershendet me selam myslimanet.

Video not to be missed .

http://www.georgegalloway.com/page.p...ent/video.html

[Ingenuous]

...se shpejti do kemi te bejme me nje paqe midis tyre. Se sa do te zgjasi, ate askush nuk e di.

Mirulexofshim.