Fushata e zgjedhjeve lokale ne Kosove

[Ari-Intimidator]

PRISHTINE, 21 shtator - Lidhja Demokratike e Kosovës hapi sot në Prishtinë fushatën për zgjedhjet komunale të 26 tetorit, me moton "Komuna në shërbim të qytetarëve". Në tubim u theksua se kjo parti do të angazhohet veçanërisht për një administratë efektive dhe moderne. “Programi i Lidhjes Demokratike të Kosovës është program për një jetë më të mirë të qytetarëve”, thanë përfaqësuesit dhe kandidatët e kësaj partie. Kryetari saj, Ibrahim Rugova, në hapjen zyrtare të fushatës tha se zgjedhjet komunale të 26 tetorit do ta përshpejtojnë njohjen formale të pavarësisë së Kosovës, kështu që do të krijohen më shumë mundësi për zhvillimin e pushtetit lokal. Nënkryetari i LDK-së, Kolë Berisha, tha këto zgjedhje paraqesin fazën përfundimtare të provimit të pjekurisë politike të qytetarëve të Kosovës. “Ne edhe si LDK, edhe si popull gjithësesi duhet ta japim me sukses edhe këtë pjesë të këtij provimit. Reflektorët e bashkësisë ndërkobëtare përcjellin çdo veprim tonin. Prandaj kemi obligim në radhë të parë kombëtar, pastaj edhe qytetar, që edhe kësaj radhe të dëshmojmë se duam e dimë të krijojmë dhe të udhëheqim shtet të pavarur e demokratikë”, tha Berisha. Udhëheqësit e Lidhjes Demokratike të Kosovës vlerësuan se gjatë dy vjetëve të udhëheqjes në shumicën e komunave të Kosovës, përfaqësuesit e kësaj partie kanë krijuar një bazë solide të pushtetit lokal, në përputhje me kërkesat dhe nevojat e qytetarëve. “Në planin institucional janë kryer shumë punë. Shumica e komunave të LDK-së kanë miratuar simbolet komunale, kanë caktuar Ditën e lirisë duke u nisur nga 12 qershori, që është dita e hyrjes së NATO-s në Kosovë, pra dita e lirisë së Kosovës. Po ashtu me iniciativën e LDK-së, është themeluar Asociacioni i Komunave të Kosovës, që kryesisht e ka avancuar institucionin e qeverisjes lokale në pajtim me normat evropiane. Kështu sot ky Asociacion gëzon statusin e vëzhguesit në Këshillin Evropian dhe po ashtu ka lidhje të mira me asociacione të ngjashme të SHBA”, tha Rugova. Në vazhdim Presidenti tha se në fushën e realizimit të projekteve janë arritur rezultate të mëdha. "Gjatë dy vjetëve janë realizuar mbi 1500 projekte të ndryshme, kryesisht të infrastrukturës, të rindërtimit dhe të kulturës, arsimit e të shkencës. Shumica e këtyre projekteve janë të sponsoruara nga donatorë të ndryshëm", theksoi Ibrahim Rugova. Në vazhdim Presidenti i Kosovës theksoi se në të gjitha këto projekte komunat kanë marrë pjesë me buxhetin e vet. Madje ka edhe disa projekte që janë financuar nga buxheti komunal dhe nga kontributi i qytetarëve simbas interesit të përbashkët. Në shumë komuna, tha ai, pos projekteve të rindërtimit të shtëpive dhe të infrastrukturës kanë filluar të zbatohen edhe projekte të prodhimit, sidomos në bujqësi dhe në ndërmarrje të vogla e të mesme, sidomos në sektorin privat. Po ashtu komunat kanë stimuluar sektorin privat dhe kane ndihmuar ndërmarrjet në pronësi shtetërore. Me këtë rast ai falënderoi të gjithë donatorët e projekteve të shumta, e sidomos USAID-in dhe Agjencinë Evropiane, që janë donatorët më të mëdhenj. “Ne presim që edhe në periudhën e ardhshme të kemi përkrahjen e tyre. Të gjitha këto suksese janë arritur në bashkëpunimin e komunave me UNMIK-un, me OSBE-në dhe me KFOR-in”, nënvizoi Presidenti i Kosovës Ibrahim Rugova.

[erzeni]

Prishtina moderne nuk ka nevoje, mendoj une, per pol-potista khmer ruzh te tipi te Fatmir Limajt, ne detyren e Kryetarit te Bashkise.
Limaj ka perpara nji hendek (kadal beg se ka hendeg).
Limaj duhet te sqaroje opinionin Kosovar per disa vrasje misterioze te ndodhura gjate e mbas luftes ne Kosove.
Ne gjyqin e Prizrenit del emri i tije si kercenues i deshmitareve qe deshmojne vrasjen e DRINIT prej bandes se Sali Veselit te strehuar ne TMK.
Partia e Limajt ndoshta mendon te "bunkerizoje" (me funksione te zgjedhurish qe fitojne imunitet) disa nga kreret terroriste ne gjirin e saje nen shembullin e PS ne Shqiperi e cila si ne rastin e Taulant Dedjes (qe e ben deputet per ta shpetuar nga gjykimi per mbrojtje te vrasesve te Azem Hajdarit) pais me imunitet krere te inkriminuar te saje.


Prishtina ka nevoje per nji inxhinier arkitekt si kryetar, me vizione te qarta per Ndertimtarine moderne , Kulturen qytetare , Natyren dhe shendetin , Ekonomine e Mireqenijen e popullit.

Prishtina ka te tille eksperte qe kane jetuar ne Prishtine dhe qe e njohin dhe Boten.

Mbrapa Fatmir Limes qendron mafia e Thaqit , Ilir Metes e Edi Rames.

[erzeni]

Edhe Edi Rama e Blendi Gonxhe, shoke armesh me Limen, ashtu thone se me eksperta do e drejtonin Tiranen.
I pa Tirana e Re kto dite zotesine atyre kur ju lagen prapanicat nga uji Liqenit lagjes se Bllokmeneve e Biznesmeneve.

Prishtina ka lulezuar ne Kohen e Fadil Hoxhes e me vone ajo u qelb e u mbush ne plehra e lahpera.

Mire do te ishte qe te jete Kryetar i Prishtines nji Gjerman ose Anglez ose Austriak sepse shqiptari nga cdo parti qe te jete eshte hajdut e bir hajduti e sternip hajduti.

Ne se gjenden per Prishtinen njerez eksperte me kulture por me zemer si Anton Cetta e Mark Krasniqi qe nuk njohin vjedhjen as ne farefis do te ishte ideale.

Me lahperat qe eshte mbushur PDK e LDK zor se del nji i hajrit.

LDK ala nuk ka skjaruar popullin me Milionat e 3% qe Bukoshi i ka perdor si me qen te babes tije katundar.

PDK eshte parti hajnash kjo dihet.


Une do sugjeroja qe Prishtina te huazoje per Kryetare arkitektin dhe atdhetarin idealist Petraq Kolevicen nga Shqiperia per nja 4-5 vjet.

[Ari-Intimidator]

Shkatërrohet zyra e shtabit zgjedhor të Lidhjes Demokratike në Gjakovë

GJAKOVE, 2 tetor - Sot, në orët e hershme të mëngjesit, nga persona të panjohur, është shkatërruar zyra e Shtabit Zgjedhor të Lidhjes Demokratike të Kosovës në Gjakovë. Policia e UNMIK-ut, e cila ka dalë në vendin e ngjarjes, nuk ka dhënë asnjë prononcim për këtë akt të shëmtuar. Kryesia e Lidhjes Demokratike të Kosovës e dënoi ashpër demolimin e kësaj zyrje, duke e cilësuar si veprim kundër frymës së qetë e dinjitoze të fushatës së deritashme parazgjedhore. Ajo thekson se veprimet e tilla u shkojnë përshtati vetëm atyre që nuk e duan një Kosovë demokratike.

[Ari-Intimidator]

PRISHTINE, 2 tetor - Lidhja Demokratike e Kosovës, synon që kryeqyteti i Kosovës të jetë një qytet bashkëkohor. “Për të mirën e banorëve, të punohet ashtu siç është punuar në dy vjetët e kaluara”, kështu deklaroi kryetari i grupit parlametar të Lidhjes Demoktatike të Kosovës Sabri Hamiti, në tubimin zgjedhor që mbajti dega e tretë e kësaj partie në Prishtinë. Sipas tij, gjatë dy vjetëve të kaluara në Prishtinë janë bërë investime të madha në infrastrukturë dhe në drejtime të tjera. “Vizioni i Lidhjes Demokratike e Kosovës është i qartë për pavarësinë e Kosovës, andaj vota juaj duhet të jetë për Lidhjen Demokratike të Kosovës”, tha Hamtit. Ndërsa Hajrush Bajraliu, kryetar i degës së tretë të Lidhjes Demokratike të Kosovës për "Kodrën e Diellit", tha se kjo lagje ka nevojë edhe më tutje të rindërtohet. Në këtë tubim u prezantuan 56 kandidatët për Asamblenë Komunale të Prishtinës për zgjedhjet e sivjeme të 26 tetorit.

[Ari-Intimidator]

KACANIK, 2 tetor - Drejtuesit e Aleancës për Ardhmërinë e Kosovës, në një tubim parazgjedhor kërkuan votën e qytetarëve të Kaçanikut. Ata premtuan se se me fitoren e tyre do të zgjidhen problemet me të cilat ballafaqohet kjo komunë. “Aleanca për Ardhmërinë e Kosovës është e përgatitur për të kërkuar besimin e qytetarëve të Kaçanikut,” theksuan drejtuesit e këtij subjekti para elektoratit të kësaj komune. Kryetari i Aleancës, Ramush Haradinaj, tha se qytetarët e komunës së Kaçanikut kanë pasur kohë që të vërtetojnë se premtimet e subjektit që ai drejton janë reale. Ndërsa nënkryetari i Aleancës për Ardhmërinë e Kosovës, Bajram Kosumi, tha se është koha për struktura të afta komunale, sepse sipas tij, tek qarqe të ndryshme ndërkombëtare po krijohet një përshtypje jo e mirë për Kosovën. Në tubimin e sotëm të Aleancës për Ardhmërinë e Kosovës foli edhe lideri i lobit shqiptaro-amerikan, Xhozef Diogardi i cili përsëriti atë se e vetmja zgjidhje për Kosovën është pavarësia e saj. Bartës i listës së kandidatëve të Aleancës për Ardhmërinë e Kosovës në zgjedhjet lokale 2002 është Ibrahim Hoxha, njëherit kryetar i degës së Aleancës në komunën e Kaçanikut.

[kosovar]

Fatmir Limaj kurrë nuk do të bëhet kryetar i Prishtinës. Ai i bënë qef veti, por e di mirë se populli nuk e njeh as nuk e përkrah.

Më të mirë se Fatmir Limën Prishtina i ka s'paku 2'0000 persona.

[AsgjëSikurDielli]

Llapo

neper komuna nuk duhet me fitu "Ushtari i UCK-se" po ai qe e ka aftesine dhe kredibilitetin e duhur. Ushtari i UCK-se e ka kry punen e vet me pushke, se nje njeri edhe pushken edhe lulen s'mundet t'i mbaje ne te njejtin xhep.

Me te a'mla!

[Brari]

Llapi, ne se drejtoria politike e hashimit do kish cliruar Kosoven nuk ish nevoj me ba propogand se ja kishim dhan voten krejt atyre.
Ata nuk kan cliruar asnji katund te Kosoves pra dhe kan nevoje per me ba propogand.

[Ari-Intimidator]

LDK në Prishtinë: Me programin tonë zgjidhja e brengave të qytetarëve bëhet realitet
PRISHTINE, 5 tetor - Dega e dytë e Lidhjes Demokratike në Prishtinë, mbajti sot fushatë parazgjedhore në Prishtinë. Me këtë rast drejtuesit e kësaj partie premtuan se, me programin e LDK-së, zgjidhja e brengave dhe realizimi i aspiratave të qytetarëve bëhen realitet. Lidhja Demokratike e Kosovës sipas drejtuesve të saj është prijëse e të gjitha proceseve demokratike në vend. Qemajl Ahmeti dhe Florin Grajqevci, nga dega e dytë e LDK-së u zotuan se do të angazhohen për hapjen e perspektivave të reja për qytetarët si dhe krijimin e rendit në kryeqytet. Ndërsa anëtari i kryesisë qendrore të kësaj partie, Lulzim Zeneli u shpreh se programi i Lidhjes Demokratike përfshinë të gjitha segmentet vitale të jetës së qytetarëve. Në tubim u prezantuan 56 kandidatët e degës së dytë të Lidhjes Demokratike për këshilltarë në Kuvendin Komunal të Prishtinës.

[Ari-Intimidator]

PDK në Mitrovicë: Nëse ne fitojmë zgjedhjet, TMK-në do ta kemi prioritet


MITROVICE, 5 tetor - Kryesia e degës së Partisë Demokratike të Kosovës në Mitrovicë, në kuadër të fushatës parazgjedhore, ka pasur tri takime; në Zonën IV të Trupave Mbrojtëse të Kosovës, Bashkësinë Islame dhe Shoqatën Handikos. Sipas një informate të Degës së PDK-së në Mitrovicë, në Zonën IV të TMK-së delegacioni i kryesuar nga Ahmet Tmava, Avni Kastrati, kandidat për kryetar të asamblesë komunale, janë pritur nga Jakup Nura, zëvendëskomandant i Zonës IV të TMK-së dhe eprorët Hasan Preteni e Emin Musa, të cilët kanë njoftuar për të arriturat e TMK-së. Eprorët e TMK-së thanë se përkundër vështirësive ky institucion ka arritur rezultate të lakmueshme, si dhe shprehën shqetësimin e tyre për shkak të largimit të ushtarëve rezervë. Në anën tjetër, përfaqësuesit e degës së PDK-së kanë njoftuar për aktivitetin e degës, si dhe u shprehen se PDK-ja ka bërë presion në asamblenë komunale që TMK-ja të jetë prezente, që edhe është realizuar. Me këtë rast u potencua edhe çështja e shtatores së dëshmorit Mehë Uka. “Nëse PDK fiton zgjedhjet e sivjetme TMK-ja do të jetë njëri ndër objektivat kryesore, meqë konsiderohet si institucioni më i rëndësishëm kombëtar”, u tha në fund.

[Ari-Intimidator]

Ja ku jane fushatat e zgjedhjeve lokale ne Kosove. Zgjedhje Lokale, hiq me shume. Sa here qe lexoje pikat e ndonje partie, me vjen te qesh sespe ata po flasin dicka me rendesi lokale e jo shteterore. Keto zgjedhje me duken sikur loj"hide and seek" mes partive te nderyshme politike. Ne nje ane, shqiptaret votojne per partite e tyre; dhe ne anen tjeter, serbet votojne per partite e Serbise.

Kjo pune po behet qesharake. Prezenca e UNMIKUt ne Kosove ka shkaktuar Gridlock, apo Status-quo. Asgje positive nuk po ndodh. Perderisa Arsimtaret e shkollave tona nuk kane paga te mjaftueshme per egzistence, dhe perderisa preokupohemi menjeri-tjetrin dhe nuk nmderrmarim dicka per zgjedhjen e statusit te Mitrovices dhe Enklavave Serbe ne Kosove, agje positive nuk do te ndodhe.

Kosova, sic me duket mua, do te mbet nje protektorat Evropian, pa status te zgjedhur. NE do te kemi pushtet "fantom" lokal. Serbet ne anen tjeter do te qeverisen nga Beogradi. UNMIKU do merre vendime te rendesishme. KUvendi yne do te luaj role jo-te rendesishem, etj etj.

ME kalimin e kohes, kam filluar te kuptoj se e gjithe Bashkesia Nderkom,betare eshte kunder Pavaresise se Kosoves. VEndimet e fundit te UNMIKUt, manevrimet e fundit te Beogradit drejtuar Kosoves, dhe roli i spektrit politik Kosovar, jane indikator te qarte te kesaj gjendjeje.

Zoti na ruajte, se vetem po fundosemi ne kurthen Evropiane:

Ari

[Ari-Intimidator]

GJILAN, 9 tetor - Dega e Lidhjes Demokratike të Kosovës në Gjilan e ka vazhduar fushatën parazgjedhore me një tubim që mbajti me simpatizantët e saj në fshatin Ponesh, ku për të arriturat dyvjeçare të pushtetit lokal si dhe për programin e këtij subjekti politik për periudhën e ardhshme, kanë folur kryetari i Degës, Xhemajl Hyseni dhe kryeshefi ekzekutiv, Enver Muja. “Vetëm ato parti, të cilat kanë programe serioze për të ardhmen, mund të ecin në hap me kohën dhe mund t`i përballojnë proceset e hovshme drejt një të ardhme më të mirë. LDK-ja ka dëshmuar edhe deri tani se nuk premton shumë, por punon shumë për t`i realizuar ato që i premton”, tha Hyseni. Enver Muja, ndërkaq i rikujtoi përkrahësit e LDK-së në fshatin Ponesh të komunës së Gjilanit se gjatë mandatit të kaluar, nën qeverisjen e këtij subjekti politik, janë realizuar 297 projekte, të cilat janë ndihmuar edhe nga donatorët e huaj, por nuk ka munguar as kontributi i komunës nga fondi i saj vetjak. Ai ka premtuar se në katërvjeçarin e ardhshëm, projekte konkrete për këtë lokacion ka përmendur asfaltimin e 30 kilometrave rrugë, rrjetin e kanalizimit, të ujësjellësit, telefoninë fikse, ngritjen e minifermave, serave dhe të tjera.

[Ari-Intimidator]

PRIZREN, 9 tetor - Sot në Prizren, Partia Liberale e Kosovës (PLK) para simpatizantëve dhe anëtarëve të saj, ka bërë shpalosjen e programit zgjedhor dhe prezantimin e kandidatëve për deputetë në asmablenë e komunale të këtij qyteti. Kryetari i kësaj partie, Gjergj Dedaj, në këtë fushatë për zgjedhjet lokale, ka folur mbi synimet për integrimin e Kosovës në mekanizmat ndërkombëtarë, përkatësisht për synimin e PLK-së që Kosova të integrohet në paktin evroatlantik dhe evroperëndimor. Shpalosjen e programit zgjedhor të PLK-së, e ka bërë sekretari i përgjithshëm i saj, Frashër Demaj. Ai ka thënë se PLK-ja, nëse vjen në pushtet, prioritet do t’i kushtojë sigurisë qytetare, asaj publike, arsimit, shëndetësisë, ndërtimit të infrastrukturës urbane dhe rurale, bujqësisë, blegtorisë dhe shpezëtarisë. Në fund u bë edhe prezantimi i kadidatëve për deputetë të mundshëm në asamblenë komunale të Prizrenit nga radhët e PLK-së. Nga oratorët e kësaj partie iu bë apel qytetarëve të Prizrenit dhe të mbarë Kosovës që të dalin në zgjedhjet e 26 tetorit dhe që të mos harrojnë të votojnë për PLK-në.

[Albo]

Ari, fushata zgjedhore me shume se fushate politike eshte fushate popullore ku njerezit votojne njerezit e tyre lokale qe i njohin mire e nga afer. Elementi politik eshte me pak i dukshem packa se nje pjese e votuesve serrisht do te votojne ne linjat e tyre partiake dhe jo duke vleresuar kandidatet.

Persa i perket konstatimeve tuaja se nderkombetaret po i bejne kurth Kosoves, a mund te sillni fakte per kete? Cilat qendrime e keni fjalen?

Me respekt
Albo

[Ari-Intimidator]

U bene tre vjet dhe ende nuk diskutohet per statusin perfundimtar te Kosoves. MAsat qe nderkombetaret jane duke i ndermare ne Kosove, permes kreyadministratoreve te tyre, nuk synojne Pavaresine e Kosoves. Per shembull, ata marrin vendime pa diskutuar me qeverine e Kosoves. PO e permendi nje pjese te tokes se Kosoves qe Beogradi i'a dhuroi Maqedonise. UNmiku nuk reagoi duke kumtuar se pasi qe Kosova eshte pjese sovrane e Jugosllavise, ata nuk kane te drejte te nderhyne ne kete ceshtje. E une te pyes, pse qeveria e Kosoves nuk u pyet?
Pastaj, Statusi i Mitrovices nuk eshte duke u diskutuar. Serbet votojne per Serbet ne Beograd. Ata ende paguhen nga Beogradi. Per ata, beorgadi eshte qeveri e tyre.
Ne anen tjeter, shiko grevat qe po ndodhin ne Kosove. Popullsia nuk ka paga te mjaftueshme per mbijetese.
Nderkombetaret kane krijuar nje sistem politik jo stabil ne Kosove. Shiko sistemin e drejtesise. Ju desht tre vjet per te krijuar nje sistem ad-hoc jo aq funskionues. sa vjete do t'ju duhet atyre qe te krijojne nje atmosfere positive politke? Kur do te fillojne te disktutojne per statusin perfundimtar te Kosoves? Edhe sa vjet?
E dijme se pas 9-11, politka Amerikane drejt Ballkanit ka ndryshuar. Bushi ka prononcuar se edhe trej vjet, shumica e trupave Amerikane do te largohen nga Bosnja dhe Kosova. Kjo do ta shpejtoje procesin politik ne KOsove. Cka do te thote se BE dhe Amerika duhet te vendosin sa me shpejt per fillimin e negociatave per statusin perfundmtar te Kosoves. Cfare jane duke bere ata? Qeveria e Kosoves eshte sikur nje "zorre e verber," pa funskion, dhe megjithate eshte aty. Po ta hjekim Qeverine sikurse zorren e verber(apendixin), asgje nuk do te ndodh. Ja sa e rendesishme eshte Qeveria e Kosoves.
Jep deklarata dhe resoluta per mospajtimin e tyre per disa ceshtje, por UNMIKU as qe ja ven veshin.

Duhet te marrin iniciative me te forte politke. Duhet t'ja bejme te qarte BE se jemi te vendosur per te ardhmen. Me duket se rrugen qe jemi duke marre do te na shpjerre drejt inkuadrimit ne Serbi e jo ne Jugosllavi.
Situata eshte aq e papercaktuar sa qe as nje kompani perendimore nuk ka guxim qe te investoj ne Kosove. C'te bejme ne pa nje ekonomi minimale? Nuk mund te jetojme me ndihma evroiane. Situata e tanishme ne Kosove verteton kete. I gjithe arsimi, perveq universitetit, eshte ne greve. Kane hyre ne diten e dhjete.

[Albo]

Ari jemi jashte teme ketu, por po e vazhdojme diskutimin pasi eshte interesant. Te kuptoj plotesisht kur shqetesohesh per te ardhmen e shoqerise shqiptare ne Kosove qe po ballafaqohet me nje numer te madh problemesh shoqerore. Keto probleme ishin te parashikueshme dhe do te gjejne zgjidhje me kohen. Cdo shtet e cdo shoqeri e re demokratike e kalon kete faze tranzicioni, shiko Shqiperine, ka plot 12 vjet tranzicion dhe ka te njejtat probleme si ne Kosove!

Problemi i statusit perfundimtar te Kosoves eshte nje problem shqetesues qe egziston ne mendjen e cdo shqiptari. Te gjithe duam te shohim Kosoven te pavarur dhe pushtetin te sanksionuar ne nje kushtetute demokratike qe ndan pushtetet me se miri. Mirepo, nese Kosova do te njihej e pavarur sot ato probleme shoqerore qe ti ze ne goje nuk do te zgjidheshin, perkundrazi do te thelloheshin pasi do te largoheshin edhe trupat perendimore edhe mbeshtetja e tyre financiare.

Kosova ka nevoje per patericat e Perendimorevee dhe per pak kohe, derisa institucionet te fillojne te funksionojne sic duhet. Aktualisht pushteti eshte i dubluar dhe drejtuesit e zgjedhur me vote u duhet te flasin me megafonin e nje guvernatori, por kjo nuk do te thote qe do te jete gjithmone keshtu.

Statusi final i Kosoves eshte pavaresia dhe zgjidhje tjeter nuk ka edhe sikur kundershtaret tane me te medhenj perendimore te mundohen te krijojne nje krijese te re artificiale ne Ballkan qe do ti ngjante ish-Jugosllavise. Qelqi kur thyhet nuk ngjitet. Persa i perket perkrahjes amerikane, une nuk e di ku e ke marre informacionin qe US planifikon te terheqi trupat, vetem pak dite tek CNN une degjova shkaraz se Pentagoni ne perpjekjet e tij per te hapur nje front te ri lufte ne Irak ka ne plan te zevendesoje trupat e veta ne Kosove me rezerviste per ti hedhur trupat e gatshme ne Irak. Ky tregon se amerikanet nuk kane per tiu larguar Ballkanit dhe fakti qe Ballkani sot per sot nuk perben axhenden kryesore te bisedimeve ne arenen nderkombetare, nuk do te thote qe ne nje te nerserme te afert Kosova nuk do te jete ne krye te kesaj axhende.

Kam besim mbi te gjitha tek roli i Italise ne rajonin tone e cila po merr ne dore te gjitha interesat rajonale pa lene vend per francezet apo gjermanet ti futin hundet ne to. Washingtoni e konsideron Romen partnerin kryesor aktualisht ne Europe.

[Ari-Intimidator]

Une jam plotesisht i vetedijshem se ende jemi te varur per ndihmen e komunitetit nderkombetare. Jam i veteidjshem se keto trazira shoqerore ne Kosove jane simptome te tranzicionit demokratik. E di se po te na leshojne nderkombetaret, situata do te acarohej.

C'fare nuk kuptoj eshte indiferenca politike e spektrit tone politike. Ne vitin e ardhshem, Jugosllavia do te shperbehet sepse do te kerkoj inkuadrim ne BE. C'fare do te thote se ata do te jene te kushtezuar te flsain per statusin e Kosoves. Kurse, intelegjenca jone nuk bene asgje drejt ketij fenomeni. Duhet t'ja bejme te vetedijshme bashkesise nderkombetare se nuk pranojme agje pos Pavaresise. E si ta bejme kete, kur UNMIKU as qe eshte duke biseduar per transferimin e qeverisjes ne duart e Shqiptareve.

Shiko se si eshte MItrovica duke funskionuar. Eshte komune ne veti, e qeverisur nga Serbet, e jo nga UNMIKU. PSe UNMIKU nuk bene dicka drejt kesaj ceshtje? Me sa di une, pika kryesore e UNMIKUT eshte krijimi i kushteve te volitshme jetesore, ku cdo banore do te mund te jetoj ne harmoni me cdo banore tjeter te nje perkatesie tjeter etnike. Nese kjo eshte e vertete, dhe e di se eshte, atehere kam nje sense oxymoronizmi nga UNMIKU.

Shtajneri deklaron pikat e tij per inkuadrimin e Mitrvices ne qeverisje te UNMIKUT, por ai as qe nuk permend Shqiptaret si pale biseduese. Duhet te marrim pjese ne disa vendime me rendesi te madhe sikur kjo. Si mund t'ja bejme me dije Bashkesise NDerkombetare se ne jemi te afte dhe te demokratizuar per te udhehequr nje shtet? Nese nuk inkuadrohemi ne procesin e marrjes se vendimeve tash, atehere kur nuk do ta bejme kete. Duhet ta ngrisim zerin, e jo te rrime te qete. E ardhmja e vendit eshte ne pyetje.

I vetmi shqetesim qe une posedoje eshte indiferenca e intelegjences ne Kosove. te gjithe jane ne faze te hibernacionit. Jane ne faze beninje.

[Ari-Intimidator]

PRISHTINE, 14 tetor - Kryeadministratori i Kosovës, Mihael Shtajner, u takua sot në selinë e UNMIK-ut me kryetarin e Partisë Demokratike të Kosovës, Hashim Thaçin. Si njofton zyra për informim e Partisë Demokratike, në bisedimet rreth situtës së përgjithshme dhe për rrjedhën e fushtës zgjedhore, u konstatua se deri më tash kjo fushatë ka qenë e qetë e tolerante dhe u vlerësua se kjo është dëshmi për thellimin e demokracisë në Kosovë. Në takim u bisedua edhe për procesin e decentralizimit, për Planin Shtatëpikësh të Shtajnerit, për rendin, sigurinë dhe stabilitetin e përgjithshëm në Kosovë. Gjatë takimit ata kanë konstatuar se fushata zgjedhore deri më tash është zhvilluar e qetë dhe tolerante, duke mos shënuar asnjë incident, gjë që, sipas tyre, është tregues i mirë i thellimit të demokracisë në Kosovë. Shtajner dhe Thaçi kanë qenë të një mendjeje se shpalosja e programeve të subjekteve politike, ka shënuar një ngritje cilësore dhe profesionale, gjë që tregon më së miri për konkurrencën e vlerave dhe ballafaqimin me qytetarët me projekte konkrete për përmirësimin e kushteve të jetës.

[Ari-Intimidator]

PRISHTINE, 14 tetor - Përfaqësuesit e serbëve të Kosovës nuk e kanë marrë ende vendimin lidhur me pjesëmarrjen në zgjedhjet lokale të 26 tetorit. Njëri prej këtyre liderëve, Oliver Ivanoviq, ka deklaruar se ngjarjet e fundit nuk japin shpresa se serbët do të marrin pjesë në pushtetin lokal, në mënyrë të barabartë, por vendimi përfundimtar për pjesëmarrje apo bojkotim do të merret pas takimit të fundit që përfaqësuesit serbë do të fillojnë me kryeadministratorin e Kosovës Mihael Shtajner. Merret vesh se liderët serbë do t'ia shtrojnë disa kërkesa kryeadministratorit Shtajner, por ato tash për tash nuk janë bërë të njohura.


sa dinak serbet: Me duket se jane duke u manipuluar nga beogradi.