Gezuar Kurban Bajramin!

[projekti21_dk]

Ka ne drenice mjaft lopë, kan pre kurban ata, mos e baj dert ti..

Ke të drejtë. Po kështu është kur të mundin emocionet. Se në fakt kur e lexova shkrimin, nuk di për sherr m'u kujtua ai sllogani i dikurshëm: "DRENICË JEMI ME TY"!

[Drini_i_Zi]

Mesazhi i Myftiut mbajtur në hytben e Kurban-Bajramit

Prishtinë, 8 dhjetor 2008

Mesazhi i Myftiut të Kosovës – Mr. Naim ef. Tërnava i mbajtur në Hytben e xhamisë “Sulltan Murat”të Prishtinës m e rastin e festës së Kurban - Bajramit

Haxhi dhe Kurbani determinojnë secila në mënyrën e vetë vlerat më fisnike e më madhështore për shoqërinë

Besimtarë të nderuar! Vëllezër e motra!


Sot është një ditë e madhe festive – Dita e Kurban Bajramit, dita që bashkon zemrat e muslimanëve anembanë botës , për të përjetuar me shpirt e me ndjenja gëzimin dhe harenë, duke madhëruar e falënderuar Allahun e Gjithëpushtetshëm për begatitë Tij të dhuruara ndaj nesh..

Çdo festë, përmban në vete mesazhe e porosi, por festa e Kurban Bajramit është një festë shumë e veçantë, sepse mesazhet dhe porositë e saj përçohen jo vetëm nëpërmjet fjalëve, por edhe nëpërmjet zemrave e veprave të mira. Kjo festë përmban këshilla e porosi shumë domethënëse të cilat na ndihmojnë për organizimin e mirëfilltë të jetës sonë në këtë botë, ngase në to përfshihet aspekti shpirtëror, ai social e human e përveç tjerash manifestohet me tërë dëlirësinë hyjnore barazia, uniteti, solidariteti e sakrifica.

Jeta e njeriut në këtë botë, duhet të jetë një jetë e devotshme, jetë që në vete përmban vlerat më sublime e më madhështore, sepse pa këta komponentë, ajo do ta humbiste kuptimin e saj të vërtetë.

I Madhi Allahu, në Librin e Tij fisnik urdhëron e thotë:

"Thuaj: namazi im, kurbani im, jeta ime dhe vdekja ime janë thjesht për Allahun Zotin e botëve!"(El-En' am:162)

Me këtë festë ndërlidhen dy momente shumë të rëndësishme për besimtarët islam: Kryerja e kushtit të pestë të Islamit-Haxhi dhe prerja e kurbanit.

Së pari, Haxhi rrezaton dhe demonstron barazinë universale në mes njerëzve pa marrë parasysh përkatësinë etnike, regjionale, racore a gjuhësore. Pa marrë parasysh pozitën e tij shoqërore, arsimore e materiale. Ata që të gjithë të veshur me ihram, një petk të bardhë, që simbolizon petkun e devotshmërisë dhe thjeshtësisë njerëzore, i përkushtohen lutjeve dhe ibadetit ndaj Krijuesin, të angazhuar për fisnikërimin e shpirtit, me lot të pendimit të sinqertë dhe zotimin për angazhim të paluhatshëm në rrugën e drejtë, në rrugën që e ka urdhëruar e pëlqyer Krijuesi i gjithësisë.

Haxhi është demonstrim i universalitetit të kësaj feje dhe i vëllazërimit të përgjithshëm të myslimanëve. Është një përkushtim i përbashkët ndaj Zotit duke reflektuar gatishmërinë për t’i sakrifikuar interesat shpirtërore e materiale në shërbim të Allahut xh.sh. dhe duke rikujtuar se Qabeja është edhe drejtim shpirtërorë i të gjithë myslimanëve. Lidhur me obligueshmërinë e Haxhit-kësaj dispozite të lartë islame, Allahu xh.sh. në Kuran urdhëron e thotë: “Vizita e Qabes për hirë të Allahut është detyrim për atë që ka mundësi”. (3: 97)

Kurse çasti i dytë madhështor i kësaj feste është prerja e kurbanit që fillet institucionale i ka tek Ibrahimi a.s. dhe Ismaili a.s., ndodhinë e të cilëve besimtarë e përkujtojnë me pietet në çdo Kurban Bajram.

Prerja e kurbanit ngërthen në vete edhe aspektin social, ngase në mënyrën më të mirë të mundshme, të pasurit shprehin solidaritetin me nevojtarët dhe skamnorët. Kurse në kohën e sotme ka peshë dhe rëndësi edhe më të madhe, sepse më shumë se kurrë, sot njerëzimi ka nevojë për ndihmë reciproke, për solidaritet, për përkrahje dhe bamirësi.



Vëllezër të nderuar

Haxhi dhe Kurbani determinojnë secila në mënyrën e vetë vlerat më fisnike e më madhështore për shoqërinë, së pari dashurinë e respektin ndaj Allahut e kjo vlerë krijon premisat për një jetë të rehatshme në këtë botë ku duhet të mbizotëroj paqja ndaj dhunës dhe konfliktit, dashuria ndaj urrejtjes, respekti ndaj nënçmimit, bujaria ndaj koprracisë, devotshmëria ndaj degjenerimit, arsyeja ndaj egos dhe lumturia ndaj vuajtjeve.

Fatkeqësisht, sot Bota ende vuan nga konfliktet e armatosura që po sjellin vdekje e padrejtësi, sjellin tmerr e dhunë, sjellin varfëri e dëbim të popullatës së pafajshme. Prandaj, të lutemi në këtë ditë që në këtë botë të krijohen kushte e premisa për t’u shuar konfliktet, të lutemi që të mbizotërojë arsyeja për të parandaluar gjakderdhje të reja. Mbase, që të gjithë pajtohemi se njerëzimi sot ka nevojë për paqe e mirëkuptim e jo për dhunë e konflikte. Nuk duhet harruar se misioni ynë në këtë botë është jeta me dinjitet e jo me konflikte e dhunë.



Besimtarë të nderuar

Për ne kjo festë, si edhe ky vit që po e lëmë pas janë më të veçantë, kemi arsye për më shumë për gëzim e falënderim, ngase tashmë e kemi bërë realitet shtetin tonë për të cilin janë sakrifikuar e martizuar bijtë e bijat më të mirë të këtij populli. Falënderimi i qoftë Allahut që na mundësoi ta presim këtë ditë dhe të shohim udhëheqësit tanë tek përpiqen të konsolidojnë në vijimësi institucionet tona.

Këtë vit, për të parën herë, haxhinjtë tanë në vendet e bekuara në Mekë e Medinë në Arefat, Mina e Muzdelife iu kanë bashkangjitur miliona haxhinjve nga e tërë bota, ballëhapur e krenarë, si shtetas të Republikës së Kosovës duke prezantuar me shume dinjitet vendin tonë me të gjitha vlerat e tij, gjë që është një ndjenjë e veçantë për të gjithë ne dhe sigurisht edhe një arsye më shumë për festim.

Haxhinjtë tanë, sot, në këtë mëngjes të bekuar, tashmë kanë zbritur nga rrafshnaltat e Arefatit dhe të Muzdelifes dhe ia kanë mësyrë Mines së bekuar, duke i lutur Allahut me përkushtim për falje mëkatesh, për paqe e tolerancë, për ndihmë të varfërve e nevojtarëve, për mirëqenie të të gjithë njerëzve, pavarësisht nga besimi, gjuha, vendi apo ngjyra e tyre. Ata sot lutën për ndaljen e gjakderdhjeve gjithandej nëpër botë, për ndaljen e konflikteve dhe përleshjeve të popujve dhe qytetërimeve, të cilat fatkeqësisht po ndodhin në disa vende të botës. Islami është fe e paqes dhe nuk ka asgjë të përbashkët me dhunën dhe krimet që sot po ndodhin në shumë vende islame.



Të nderuar vëllezër e motra

Ne jemi dëshmitarë se ditëve të fundit vendi ynë po përballet me sfida të hapura, por shpresoj dhe jam thellë i bindur se ato do t’i përballojmë me sukses. Por, përr këtë na nevojitet uniteti veprues i të gjithë faktorëve institucional, politik e qytetar .

E ritheksoj edhe një herë, ne si popull e si shoqëri, mbesim thellë të përkushtuar e të angazhuar për promovimin e harmonisë dhe mirëkuptimin ndërfetar e ndërnacional brenda dhe jashtë vendit tonë.

Le të jetë kjo ditë e Bajramit, momenti kyç, kur ne duke mbrojtur vlerat dhe dinjitetin tonë si popull i një shteti të lirë, sovran e të pranuar ndërkombëtarisht, t’i tregojmë botës mbarë, se do të arrijmë të ndërtojmë këtë shtet, të cilin e fituam me shumë vuajtje e sakrifica. Me ndihmën e Allahut dhe të miqve tanë si dhe me angazhimin tonë të sinqertë, do ta bëjmë Kosovën një Oazë të paqes, ku secili qytetar, pa marrë parasysh etninë e tij, do ta ndjejë veten krenar e të dinjitetshëm.

Në fund, e lus Allahun e Madhërishëm, që haxhinjve tanë t’ua ketë pranuar haxhin.

E Lus të Gjithëpushtetshmin që atyre dhe neve të na i pranojë sakrificat dhe kurbanat tonë

Dhe krejt në fund, më lejoni që të gjithë besimtarëve, e në veçanti të sëmurëve, jetimëve, invalidëve të luftës, familjeve të dëshmorëve dhe bashkatdhetarëve tanë kudo që gjendet jashtë atdheut tonë të shtrenjtë Kosovës, atyre në Maqedoni, Mal të Zi dhe në Kosovën Lindore, t’ua uroj festën e madhe të Kurban Bajramit!

Me fat ju qoftë festa e Kurban-Bajramit !

Myftiu, Mr. Naim Tërnava

Prishtinë, 08.12.2008

[Drini_i_Zi]

Kosov

[Drini_i_Zi]

Kurban Bajrami ne Indonezi

[Drini_i_Zi]

falja e Kurban Bajramit nga muslimanet shqiptar ne Cyrih - Zvicerr .

[Drini_i_Zi]

Manifestimi i festës së Kurban Bajramit në komunën e Gjakovës


Edhe këtë vit, si dhe vitet tjera, festa e Kurban Bajramit u festua edhe në qytetin e Gjakovës. Në krahasim me vitet tjera, për shkak të punimeve në xhaminë kryesore dhe më të vjetër të qytetit Xhaminë e Hadumit, manifestimi qëndror u mbajt në Xhaminë e Hankes.


Ligjëratën për nderë të festës së Kurban Bajramit e mbajti imami i xhamisë së hadumit Enes ef.Koshi i cili përpos shtjellimit të historisë së kurbanit, ai të pranishmëve ua përcolli edhe mesazhin e tij, ku ndër të tjera tha: " Shoqëria kosovare ka mungesa të shumta. E dini se sot në Kosovë ka familje të varfra më shumë se më parë, e sidomos në qytetin tonë, ku shumë familje akoma i kanë zemrat me plagë dhe lëndime, kanë humbur më të dashurit e tyre, përderisa jetimët i kanë përreth dhe vetëm me asistenca sociale duhet të mendojnë për ushqim dhe për të gjitha gjërat tjera të nevojshme. Andaj vëllezër të dashur shfrytëzoni këto ditë që sado pakë t'ju lehtësoni gjendjen e tyre materiale dhe luteni Allahun që t'ju lehtësoj edhe gjendjen e tyre shpirtërore"

Pas faljes së namazit të Bajramit të cilën e udhëhoqi Enes ef.Koshi, hytben e mbajti kryeimami i KBI-së për teritorin e Komunës së Gjakovës Fatmir ef.Iljazi i cili ndër të tjera tha: " Të mos lëmë pas dore asnjë moment nga ndjenjat shpirtërore që ka kjo festë, si ndjenja për të bërë mirë, ndjenja për t'u solidarizuar me njerëzit e vullnetit të mirë, ndjenja për të shprehur pastërtinë shpirtërore si një rast ideal për t'u filtruar nga çdo e metë dhe gabim, sepse vetëm në këtë mënyrë do t ë arrijmë të jemi pjesë e festimit të një bajramit shumë më të madh e që ai bajram është kënaqësia e fitimit të mëshirës dhe shpërblimit të pakufishëm në të dy jetët nga Ai që na krijoi na udhëzoi dhe na mban Allahu i Madhërishëm . Në fund, më lejoni që juve dhe të gjithë besimtarëve, e në veçanti të sëmurëve, jetimëve, invalidëve të luftës, familjeve të dëshmorëve dhe bashkatdhetarëve tanë kudo që gjendet jashtë atdheut t'ua uroj festën e madhe të Kurban Bajramit! Urime dhe me fat festa e Kurban Bajramit"

Më pas, të gjithë të panishmit ia zgjatën dorën njëri tjetrit duke ia urauar fesëtën e Kurban Bajramit me dëshirë të madhe për një të ardhme më të mirë, shëndet dhe mirësi nga i Madhi Zot.

Në fund, gjithsesi duhet cekur se edhe këtë vit i tërë manifestimit ishte prcjelljur nga TV lokal 'Syri Vision'..



Përgatiti Esat Rexha

[Drini_i_Zi]

Vizitat dhe urimet për nderë të festës së Kurban Bajramit në zyrat e KBI në Gjakovë


Për t'ju uruar festën e Kurban Bajramit zyrat e Këshillit të Bashkësisë Islame në Gjakovë i vizituan zyrtarët e lartë komunal, përfaqësues të partive politike, të policisë së Kosovës dhe qytetarë të shumtë.



Ditën e parë të festës së Kurban Bajramit, udhëheqësit komunal në krye me Dr.Pal Lekaj kanë vizituar zyret e KBI-së për t'ia uruar këtë festë të madhe stafit të KBI-së të Gjakovës dhe të gjithë besimtarëve të Komunës së Gjakovës. Në vizitë ishin edhe përfaqëuesit e partive politike, të policisë së Kosovës dhe përfaqësues të institucionevet tjera si dhe qytetarë të shumtë nga qyteti dhe fshati.

Të gjithë mysafirët e kanë uruar kryetarin e Këshillit Fatmir ef.Iljazin për këtë ditë të madhe për besimtarët musliman duke shprehur dëshirën e tyre që festat e ardhshme qytetarët t'i gjejnë në një gjendje edhe më të mirë.

Në emër të KBIGJ-së kryetari Iljazi i ka falënderuar të gjithë mysafirët, duke shfrytëzuar rastin që urimin t'jua dërgoj edhe qytetarëve të Gjakovës: "Shfrytëzoj rastin që në emër timin personal dhe në emër të KBI në Gjakovë, në emër të stafit të imamëve të nderuar të qytetit të Gjakovës, gjithë qytetarëve tanë t'ju shprehim urimet dhe përgëzimet më të ngrohta dhe më të përzemërta me rastin e kësaj feste madhështor, e në veçanti familjeve të dëshmorëve, familjeve që falën më të dashurit e tyre vetëm e vetëm që të kontribuojnë në dobi të vlerave më sublime njerëzore lirisë dhe demokracisë. Është një rast unik, rast ideal që t'ia shtrijmë dorën e pajtimit njëri tjetrit dhe t'i flakim ngatërresat apo ndasitë eventuale nëse i kemi mes veti si dhe t'ia shtrijmë dorën e ndihmës dhe solidaritetit pasi që edhe ky është vetë mesazhi i festës së Kurban Bajramit gjithë atyre që kanë nevojë."

Me këtë rast një mesazh urimi e dha edhe kryetari i komunës së Gjakovës Dr.Pal Lekaj i cili tha: "Gjithë qytetarëve të besimit islam ua uroj festen e Kurban Bajramit duke ju dëshiruar devotshmëri, mirëqenie dhe të gjitha të mirat në familjet e tyre, një urim i veçantë u shkon familjarëve të dëshmorëve, familjarëve të martirëve dhe të gjithë atyre që u sakrifikuan që sot ne të festojmë lirshëm të gjitha festat tona edhe kombëtare edhe fetare. Kjo ditë është simbolike sepse e shpreh sakrificën, prandaj ne gjithmonë duhet të sakrifikohemi për të mirën e gjithëmbarshme të popullatës në përgjithësi. Urime dhe Gëzuar.

Me rastin e festës së Kurban Bajramit mesazhe urimi kryetarit Fatmir ef.Iljazi i kanë dërguar edhe shumë degë të partive politike, kisha katolike, si dhe shumë organizata dhe shoqata të komunës së Gjakovës.



Përgatiti Esat Rexha

[Drini_i_Zi]

Këshilli i Bashkësisë Islame në Gjakovë për nderë të festës së Kurban Bajramit ndihmon nevojtarët me mish dhe ndihma ushqimore


Edhe këtë vit, për nderë të festës së Kurban Bajramit, Këshilli i Bashkësisë Islame në Gjakovë gëzoi shumë familje të komunës së Gjakovës me ndihma humanitare



Për t'ju lehtësuar sadopak gjendjen e vështirë ekonomike. Këshilli i Bashkësisë Islame në Gjakovë me rastin e festes së Kurban Bajramit bëri shpërndarjen e ndihmave humanitare.

195 pako me gjërat më elementare ushqimore donacion nga biznesmeni gjakovar Milot Bicurri dhe afro 2000 kg mish u janë shpërndare familjarëve të personave të zhdukur, martirëve të luftës, ish të burgosurve, jetimëve, skamnorëve, rasteve sociale dhe shoqatave të komunës së Gjakovës.

Shoqatës së të verbërve i janë shpërndarë 52 pako me gjëra ushqimore dhe nga 4-5 kg mish, familjeve të jetimëve i janë shpërndarë 35 pako dhe mish deri në 5 kg, familjeve me raste sociale 50 pako dhe po aq qese me mish, familjarëve të invalidëve të luftës 45 pako dhe mish. 108 qese me mish janë shpërndarë në fshatin slloven. Në shtëpinë integruese janë shpërndarë 20 qese me nga 5 kg mish, ndërsa në shoqatën e martirëve të luftës 130 qese me mish deri në 5 kg.

Nga këto ndihma, gjithashtu, kanë përfituar edhe dhjetëra raste sociale të cilëve ndihmat u janë shpërndarë nëpër shtëpitë e tyre.



Përgatiti Esat Rexha

[Omeri r.a]

Po po e flijimit, me mijera Shqiptar u flijuan ne betejen e kosoves ne mbrojtje kundra sulltan muratit dhe sot i kemi ndertue xhami ne emer te tije.

Adhe pak adhe sllapodan millosheviqi bashke me ndaj napoleon zerven do te kene kishat e tyre ne tokat tona.


Gezuar bajramin

haver edhe shkavi e greki na kan prej na kan masakru po ju po ndertoni kisha ortodokse serrbe e greke marre duhet me juve ardhe me fe te shkavit

[muli21]

Allahu të shpërbleftë me shkallët më të larta të Xhenetul Firdeus inshAllah vlla Drini i zi, për gjithë këtë kontribut të jashtëzakonshëm që jepni në forum dhe me gjithë këtë material të shkëlqyer që na e ofron këtu.

[Drini_i_Zi]

Aktivitetet e BFI-së me rastin e festës madhështore të Kurban Bajramit


Bashkësia Fetare Islame në krye me Reis ul Ulemanë H. Sulejman ef. Rexhepi me rastin e festës madhështore të Kurban Bajramit realizuan një sërë aktivitetesh. BFI është institucion që vazhdimisht është kujdesur për shoqërinë muslimane në sfera të ndryshme dhe si e tillë është e njoftuar për gjendjen e rëndë ekonomike dhe sociale të familjeve muslimane andaj, ndihma e saj nuk ka munguar gjatë kësaj feste.

Më 09 Dhjetor 2008, Reis ul Ulema H. Sulejman ef. Rexhepi në lokalet e BFI në prani të mediumeve bëri shpërndarjen e 4 tonelatave mishë kurbani prej kurbanëve të dhuruar për BFI nga muslimanët e vendit dhe diasporës.

Kjo sasi e shpërndarë e mishit është pjesë nga ajo që u dhuru për mirëmbajtjen e Medresesë Isa-Beu.

Krey i BFI këtë sasi të mishit e shpërndau për disa shoqata dhe organizata joqeveritare. Shoqata “Shpresa” në krye me kryetarin e saj Muhamer Demiri pranuan prej Reis ul Ulema rreth 2.5 tonelata mish.

Nga mishi i kurbanëve iu dhuruan shoqatës së veteranëve të Luftës për rajonin e Karadakut dhe komunës së Likovës, gjithashtu mish u shpërnda edhe për invalidët e luftës në Shkup dhe Kumanovë.

Një sasi e mishit të këtij akti human dhe solidarizues të BFI ishte i dedikuar edhe për disa familje të varfura në qytetin dhe rrethinën e Tetovës.

Reis ul Ulema gjatë shpërndarjes së mishit të kurbanëve për këto shoqata dhe organizata theksoi se:” BFI është institucion që vazhdimisht bashkëpunon me shoqata dhe organizata të ndryshme humanitare.

Ne jemi gjallë të interesuar që vazhdimisht t’u dalim në ndihmë nevojatrëve dhe gjithë atyre që kanë nevojë për Ne, përkushtimi ynë është i pamohueshëm edhe ndaj shtresave me gjendje të rëndë sociale, ekonomike dhe atyre që janë me të meta fizike.

Ne si institucion më i lartë fetar kemi konisderatë mbi familjet e rezikuara dhe se kjo që Ne e realizojmë tani është vetëm një akt human dhe solidar që na mëson Islami i pastër, njëherit duam të tregojmë se Ne nuk i kemi lënë ata në harresë!”.

BFI është mirënjohëse ndaj gjithë besimtarëve tanë në Maqedoni dhe diasporë për veprën e tyre të madhe që bëjnë për mirëmbajtjen e shkollave fetare Islame. Me këtë vepër besimtarët musliman edhe një herë dëshmuan mbi vlerat e larta, shpirtin human që ka pjestari i kësaj feje dhe karakterin e fuqishëm të muslimanëve për kujdesin që kanë ndaj çdo shtrese të shoqërisë.

bim.org.mk

[Drini_i_Zi]

Aktivitet i rradhës i BFI-së me rastin e festës madhështore të Kurban Bajramit

Bashkësia Fetare Islame edhe më tej vazhdon me realizimin e aktiviteteve me rastin e festës madhështore të Kurban Bajramit. BFI si institucion i vetëm fetar në R.M edhe më tej vazhdoi me shpërndarjen e mishit të kurbanëve që i kishin dhuruar muslimanët në R.e Maqedonisë dhe Qendrat Islame nga diaspora.
BFI me këtë akt dëshoi se me gjitha strukturat e saj është në përkujdesje të shtresave të varfëra, miskinëve, nevojtarëve, të rezikuarve dhe gjithë atyre që janë me sëmundje të rënda fizike.

Më 12 Dhjetor 2008, drejtori i Medresesë së Isa-Beu, Shkup Prof. Ibrahim Idrizi në emër të Reis ul Ulemasë H. Sulejman ef. Rexhepi në lokalet e SHMI Medreseja Isa-Beu në prani të mediumeve bëri shpërndarjen e 6 tonelatave të reja nga mishi i kurbanëve prej kurbanëve të dhuruar për BFI nga muslimanët e vendit dhe diasporës. Sasia, kjo e cila u dhurua për nevojtarët dhe të varfërit është nga mishi i dhuruar për mirëmbajtjen e Medresesë Isa-Beu.

Prof. Ibrahim Idrizi këtë sasi të mishit e shpërndau për familjet me status të rrezikuar social, gjithashtu vlenë të theksohet se mishë është ndarë edhe për familjet që kanë gjendje të rëndë ekonomike dhe sociale, duke mos lanë anash familjet e invalidëve të luftës, shoqatat dhe familjet e dëshmorëve. Një sasi e mishit të këtij akti human dhe solidarizues të BFI ishte i dedikuar edhe për disa familje të varfura në disa qytete dhe fshatra të Maqedonisë.

Drejtori i medresesë së Isa-beut Shkup gjatë shpërndarjes së mishit të kurbanëve për këto shtresa të shoqërisë theksoi se:” Ne, jemi mirënjohës ndaj gjithë besimtarëve musliman që na kanë ndihmuar dhe se për veprën e tyre të madhe vetëm All-llahu është Ai që mund t’ua kompenzon! Besimtarët me vepra të tilla treguan vetëdijen e tyre të lartë mbi mbarëvajtjen e Medrsesë Isa- Beu dhe peshën e edukimit dhe shkollimit të shoqëris tonë!

Ne vazhdimisht kemi qenë të përkrahur dhe ndihmuar nga muslimanët e vendit dhe diasporës, ata janë që vazhdimisht kanë kontribuar për edukimin e gjeneratave të reja, tha mes tjerash drejtori i Medresesë, Prof. Ibrahim Idrizi. “Ne, me shpërndarjen e mishit për këto kategori të shoqërisë vetëm se vazhduam me veprën humane të muslimanëve të vendit dhe diasporës, realizimi i këtij akti tani është vetëm vlerë humanizmi dhe solidariteti që e kemi thithë nga Islami burimor”.

[Drini_i_Zi]

Kto dy lajme me lart , me video

[Disa]

Kurban Bajrami - Eid-al-Ad-ha (Ad-ha Eid) është festë fetare Islame gjatë ditëve të të cilit myslimanët të cilët kane mundësi financiare flijojnë kafshë në emër të Allahut dhe një pjesë nga mishi i tyre ua dhurojnë të varfërve.

Eid-al-Ad-ha (Ad-ha Eid) përdoret edhe me emra tjerë në botën myslimane, për shembull në Maroko. Algjeri, Tunisi, Egjipt, Jemen dhe Libi quhet Eid el-Kibir (Eidi i madh). Në Turqi quhet kjo festë Kurban Bayrami. Kështu quhet edhe në Shqipëri, Bullgari dhe Rusi. Në Kinë quhet Festa e Kurbanit. Kjo ka të bëjë me sakrificën që eshte bere nga profetit Ibrahim. Kjo sakrificë është prerje e një kafshe (dele, qengj ose cjap) si kurban. Sipas rregullave kjo kafshë duhet të jetë së paku një vit i vjetër. Ky recital thuhet arabisht për sakrificën e bërë:

Në emër të Allahut بسم الله
Dhe Allahu është më i madhi والله أكبر
O Allah, kjo me të vërtetë është për ty اللهم إن هذا منك ولك
O Allah, pranoje nga unë اللهم تقبل مني

Pas sakrificës së kafshës, sipas Kuran-it, mishi duhet të ndahet në tri pjesë: Një pjesë për të varfrit, një pjesë për të afërmit dhe fqinjët dhe pjesa e fundit për familjen tënde.


Historia
Me mijëra vite lugina e Mekës ishte një vend i thatë dhe pa banorë. Myslimanët besojnë se profeti Ibrahim ishte këshilluar që të sjellë gruan e tij Haxhira dhe birin e tij Is’mail që të mbroj ata nga xhelozia e gruas së dytë të Ibrahimit e cila quhej Sara. Ai i la ata aty me pak ushqim dhe ujë. Mirëpo këto u sosën shpejtë dhe Haxhira dhe Ismaili vuanin nga uria dhe etja. Haxhira shkoi për të kërkuar ndihmë pas kodrave, por ajo u lodh dhe u shtri afër Is’mailit duke ju lutur Allahut.

Is’maili e futi këmbën në tokë dhe uji filloj të dalë nga toka. Tani që ata kishin ujë e shkëmbenin atë me ushqim me nomadët që kalonin aty. Pas pak Profeti Ibrahim u kthye prapë në Palestinë që të vizitoj familjen e tij dhe e vërejti se ata ishin mirë dhe kishin gjithçka që ju duhej.

Allahu i kishte thënë profetit Ibrahim që të ndërtoj një altar për te. Ibrahimi dhe Is’maili e mbaruan një gur – Kaab (ose Kub) – e cili do të bëhej vend në të cilin mblidhen të gjithë që dëshirojnë që të forcojnë besimin në Allahun.

Ky kub përdorej edhe nga besimet tjera. Pas shumë viteve, Allahu i tha profetit Muhammed që të rindërtoj Kaab-ën (Kubin) vetëm për ata të cilët dëshirojnë t’i luten Allahut. Në vitin 628 profeti Muhammed u nis për një udhëtim me 1400 besimtarë për të vizituar Kaab-ën dhe kjo shënon shtegtimin e parë të Islamizmit dhe ringjall traditën e profetit Ibrahim.

[USA NR1]

http://www.forumishqiptar.com/showth...18#post2923918

[Disa]

Pasi qe egziston kjo tem,i lus moderatoret ta fshin kete tem.

[EuroStar1]

200.000 leke nje dash A ben kush kurban pervec hoxhes ?

[Ummu_Linah]

Esselamu alejkum we rahmetullah

Po ka edhe shumë bile...Besimtart të cilët e dijn obligimin që kan për ta prerë Kurbanin në ditë të Bajramit, mirpo nëse ska mundësi dmth mundësi ekonomike, se ka obligim ngase ska ka ta merr atë për të prerë Kurban dhe për këtë zdo ketë ndëshkim, mirpo, nëse i ka kushtet dhe nuk pren kurban për pik të qejfit atëher ajo është krejt tjetër, kjo e tregon dashurin ndaj Islamit dhe rëndësin që ja jep atij, ngase ai që thotë "Jam besimtarë, dhe besoj në Allahu subhana we teala, atëher aj njeri urdhërat e Tij i qon në ven dmth i vepron edhe atë pa u matur a ta bëj a mos ta bëj!

Si thotë një fjalë popullore, kur dhelprës i digjet bishti mendon se të dynjaja është djeg, ngase i gjykon të gjith sipas standardëve të veta!

[Izadora]

Gezuar kurban bajramin per te gjithe besimtaret !

[toni77_toni]

Urime dhe bekime, Gezuar kurban bajramin per te gjithë shqiptarët Islam!