Gezuar Kurban Bajramin!

[Daja-GONI]

Gezuar e me fat edhe nga une per te gjithe besimtaret musliman.

[fisniku-student]

Nje Ndjenje e Bukur ,Nje Bukuri Fluture ,Nje Gezim dhe Buzeqeshje ne Kembim Te nje Pershendetjeje dhe nje Qellim me Fuqi Vigani Porsi Imani e nje MuslimanI- Me Fat Kurban Bajrami

[riza2008]

Gezuar festen e Kurban Bajramit te gjithe pjesmarresve ne forumin shqiptar.Ne veçanti poetve kosovare:Adem Berisha,Agim Metballa,Xheladin Hamza ju uroj gezuar festen shendet,lumturi dhe begati ne familjet e tyre.Me respekt Rizai

[Izadora]

GEZUAR BAJRAMIN TE GJITHE BESIMTARVE

harmoni, paqe, beqati ne shtepit tuaja

[Zëu_s]

Gezuar Festa e Flijimit te gjith Shqiptarve mUsliman.

[muli21]

Urime festën e Kurban Bajramit të gjithë besimtarëve musliman, Allahu na i pranoftë lutjet dhe ibadetet.

[Gjelosh PRekaj]

Gzuar bajramin

[Arpos]

Gezuar Festa e Flijimit te gjith Shqiptarve mUsliman.

????????????

Ose uro si duhët, ose mos uro fare.

[Linda5]

Uroj te gith besimtaret Myslyman kudo qe jan Gezuar Festen e KURBAN BAJRAMIT

[Gjelosh PRekaj]

Gezuar Festa e Flijimit te gjith Shqiptarve mUsliman.

Po po e flijimit, me mijera Shqiptar u flijuan ne betejen e kosoves ne mbrojtje kundra sulltan muratit dhe sot i kemi ndertue xhami ne emer te tije.

Adhe pak adhe sllapodan millosheviqi bashke me ndaj napoleon zerven do te kene kishat e tyre ne tokat tona.


Gezuar bajramin

[goldian]

gezuar kurban bajramin

[Arpos]

Po po e flijimit, me mijera Shqiptar u flijuan ne betejen e kosoves ne mbrojtje kundra sulltan muratit dhe sot i kemi ndertue xhami ne emer te tije.

Adhe pak adhe sllapodan millosheviqi bashke me ndaj napoleon zerven do te kene kishat e tyre ne tokat tona.


Gezuar bajramin

Nuk ndërtojn muslimanët xhamia në emër të .... pos të Zotit. Ne jem musliman e jo të krishter o PRekaj !

Ata të cilët u flijuan, do të ken shpërblimin e tyre pran Zotit të tyre sepse kan besuar në ditën e Gjykimit, ne Ferrin dhe Parajsën !

[Drini_i_Zi]

Pas transmetimit në ALSAT, ndihmohet familja Luri


Nëse dje në familjen Luri nga Shkupi vëreheshin lot dhe pikëllim sot vetëm një ditë para festës së Kurban Bajramit, për një moment është rikthyer në fytyrat e tyre buzëqeshja.

Pas rrëfimit të emetuar në Alsat për gjendjen e rënd financiare të kësaj familje, shqiptarë të shumtë nga vendi dhe diaspora u paraqiten në redaksinë tonë për të ndihmuar këtë familje. Edhe Alsat në mënyrë simbolike ndihmoi familjen 6 anëtarëshe Luri.
"Faleminderit shumë prej të gjithëve, ata që na kanë pa e na kanë ndihmuar për këtë rast. Nuk po i cekë me emër se kush, por për të gjithë faleminderit shumë. Faleminderit prej Alsatit, prej anës Kumanovës, prej të gjithëve që janë interesuar për neve. Prej Struge ka, prej këtu, prej Kumanove, prej pronarit të Alsatit, faleminderit shumë. Edhe fëmijët sot shihen se pak më ndryshe janë. Fëmijët shumë janë gëzuar, për rrobat e reja, për gjithçka..., s’di çka me thanë ma tepër, faleminderit prej juve dhe gjithëve që janë mendua për neve", deklaroi skamnorja Hazbije Luri.
Në mesin e shume shqiptarëve dhe besimtarëve myslimanë që shprehen solidaritetin e tyre dhe ndihmuan familjen Luri ishte edhe familja Kurtishi nga Larorishta e Strugës. Falë këtij gjesti human, edhe katër fëmijët e familjes Luri nesër do ti veshin rrobat e reja te Bajramit.
"Iniciativa erdhi nga lajmi i stafit tuaj Alsat. Mbrëmë në ora 18 pamë familjen Luri se ishin pak për nevojë dhe kështu vendosëm që sivjet Kurban Bajramin në vend me familjarët tanë, ti gëzojmë familjen Luri, që Zoti edhe këta ti gëzoj, tu ndihmojë edhe të gjithë të tjerët. Kemi ardhur me dëshirë, së pari po ju dhurojmë një zemër të ëmbël, po ju dhurojmë një qeshje për fëmijët", u shpreh Agim Kurtishi nga fshati Ladorishtë i Strugës.

Alsat: "A u gëzove sot që bleve rroba për Bajram?"
Elmedina Luri: "Shumë, edhe i falenderojë shumë të gjithëve që na kanë ndihmuar".
Alsat: "Çka ke ble për Bajram?"
Elmedina Luri: "Pantollona, bluzë dhe çizme. Pantollet e zeza, bluzën pembe dhe ato çizmet të zeza dhe ngjyrë hiri."

Familja Luri sigurisht është vetëm një nga familjet e shumta ne vend të cilët ballafaqohen me varfërinë e skajshme, por ky rast dëshmoi edhe një herë se vlerat e humanizmin dhe solidaritetit edhe më tej janë pjesë e shoqërisë sonë.

Melihate Rustemi
ALSAT-M

[Drini_i_Zi]

Kryetari i BFI-së, jep mesazhin me rastin e Kurban Bajramit

Kryetari i Bashkësisë Fetare Islame të Maqedonisë (BFIM), Reis ul Ulema H. Sulejman ef. Rexhepi me rastin e festës së Kurban Bajramit, uroi të gjithë besimtarët e konfesionit islam.

“Festa e Kurban Bajramit është një përpjekje për t’iu ofruar mëshirës së Krijuesit tonë dhe për të dëshmuar besimin tonë. Dhe a ka mundësi më të mirë dhe më të volitshme se Kurban Bajrami që ta fitojmë mëshirën e Allahut xh.sh.. Kjo ditë është për t’a thënë një fjalë të ëmbël e të sinqertë njëri tjetrit, duke i shtrirë dorën e pajtimit, duke ia falur gabimet e njëri tjetrit që eventualisht ia keni bërë njëri tjetrit”, tha në mesazhin e tij Reis ul Ulema H. Sulejman ef. Rexhepi
Kryetari i BFIM-së gjithashtu tha se është për t’u habitur se si shoqëria bashkëkohore ka filluar të humb shpirtin në vrapin marramendës pas materiales.
Efendi Rexhepi lexoi edhe porosinë e Allahut xh.sh. se në këtë ditë duhet t’i afrojmë të afërmit tanë, familjarët, fqinjët, bashkëkombasit tanë, për të dëshmuar porosinë universale të fesë Islame e cila në esencë e ka dashurinë ndaj njeriut, humanitetin mirëkuptimin dhe tolerancë.
Rexhepi i ftoi besimtarët që të vazhdojnë të jenë ndërtues e jo rrënues dhe të kontribuojnë për paqe dhe lumturi të përgjithshme, duke luftuar dukuritë negative në mesin tonë.

ALSAT-M

[Drini_i_Zi]

Urimi i Myftiut të Kosovës me rastin e festës së Kurban-Bajramit


Të nderuar vëllezër dhe motra!

Kamë kënaqësi të veçantë që në emër të Kryesisë së Bashkësisë Islame të Republikës së Kosovës, organeve dhe institucioneve të saja dhe në emrin tim personal, t’ju urojë për festën e Kurban-Bajramit, me dëshirat më të mira për shëndetin dhe lumturinë tuaj dhe të familjeve tuaja.

Nesër është ditë feste. Besimtarët tanë do t’i mbushin xhamitë dhe në atmosferë vëllazërore do të shprehin falënderimin ndaj Krijuesit Fuqiplotë.

Festa e Kurban-Bajramit, tek ne duhet të reflektojë, krahas adhurimit të Krijuesit Fuqiplotë, edhe ndjenjën e humanitetit, solidaritetit, bamirësisë e mbi të gjitha arritjen e devotshmërisë, sepse edhe flijimi i kurbanit që e bëjmë me këtë rast, nuk ka për qëllim vetëm derdhjen e gjakut por mbi të gjitha arritjen e devotshmërisë. Allahu i Gjithëmëshirshëm na udhëzon: “Thuaj: Namazi im, kurbani im, jeta dhe vdekja ime janë vetëm për Allahun...”

Rëndësinë e Kurban – Bajramit duhet kuptuar drejtë e mirë sepse ajo ngërthen në vete adhurime të cilat ushqejnë shpirtin, pastrojnë zemrën dhe përgatisin njeriun që në mënyrë të përkryer ta adhurojë Zotin.

Në shpirtin tonë duhet të kultivojmë vlera për një jetë më të mirë, për një shoqëri më të shëndosh, për një unitet dhe vëllazëri të mirëfilltë.

Po ju përkujtoj se sot miliona haxhinjë, të gjithë të veshur në ihram të njejtë e që simbolizon barazinë absolute, madhërojnë Allahun në Arafatin e bekuar, e në mesin e tyre edhe hanxhinjtë nga Kosova, dhe kështu kryejnë kushtin e pestë të islamit.

Besimtarë të nderuar,

Në këto momente festive, Ju ftoj që sa më shumë ta përkujtoni Krijuesin, ta adhuroni vetëm Atë, dhe të jeni sa më solidarë ndaj atyre që kanë nevojë për ndihmën dhe përkrahjen tuaj. Ndihmoni jetimët, skamnorët, nevojtarët dhe të gjithë ata që kanë nevojë për ndihmën tuaj se Allahu do të jetë në ndihmën tuaj aq sa ju do të jeni në ndihmë të vëllezërve tuaj.

Me këtë rast lus Allahun që adhurimet dhe lutjet tona të na i pranoj, që shpirtrat tonë të na i fisnikërojë, që vendin tonë të shtrenjtë ta ndihmojë dhe ta ruaj nga çdo e ligë,

Në këtë ditë feste, më lejoni që edhe një herë të ju urojë të gjithëve shëndet dhe lumturi, urojë që në familjet tuaja të mbretëroj mëshira dhe harmonia. Urojë edhe të sëmurit në spitale dhe lus Zotin të ju dhurojë shërim dhe durim, urojë edhe jetimët e skamnorët.

Urime edhe për vëllezërit tanë në Shqipëri, Maqedoni, Mal të Zi, Kosovë Lindore dhe diasporë. Pra të gjithëve ME FAT KURBAN-BAJRAMI.


Myftiu i Kosovës

Mr. Naim Tërnava

[Drini_i_Zi]

Shoqatat humanitare përgatiten për t’u ndihmuar nevojtarëve


Në prag të Festës së Kurban Bajramit edhe shoqatat humanitare, të cilat veprojnë në vend kanë realizuar aktivitetet e tyre për t'i ndihmuar familjet me gjendje më të rendë ekonomike.

Udhëheqësit e tyre thonë se janë munduar që me rastin e kësaj feste, dëshirojnë që të paktën t'u ndihmojnë në artikuj ushqimorë dhe veshmbathje.
"Prej ditës së enjte deri sot kemi filluar të shpërndajmë veshmbathje për skamnorë edhe jetimë. Mendojmë ti përfshijmë deri në 1200 familje skamnorë edhe jetima që edhe ata të hetojnë këtë gëzimin e festës së Bajramit. Pjesa e dytë, pas ditës së parë në ditën e dytë ne shpërndajmë mishin e kurbanit. Edhe aty mendojmë ti përfshijmë afër 1000 familje me mish kurbani", deklaroi Zija Abdiu, sekretar i O.H "Kalliri i Mirësisë".
"Në këtë aktivitet ne do të përfshijmë rreth 300 deri në 500 familje me ushqim, ndërsa me veshmbathje numri do të jetë i dyfishuar, diku rreth 1000 familje mendojmë ti veshëmbathim. Ndërsa në aspektin e mishit, ndarjes së mishit të kurbanit ne do të përpiqemi që edhe këtë që në sofrat e skamnorëve të ketë mish të mjaftueshëm kurbani diku rreth 4 mijë familje", u shpreh Talat Sadiku, sekretar i OH "El-Hilall".
"Kemi diku 1000 familje të cilat duhet të marin paketa. Paketat do të jenë në peshë prej 5 kilogramëve, prej 5 deri në 10 kilogramë mish. Ne akoma po mbledhim të holla, kemi siguruar prej 50-60 % nga këto nevoja, megjithatë shpresojmë se në dy-tre ditët e ardhshme sa dhe zgjat mbledhja e fondve dhe sa është e lejuar të mblidhen fondet do ti sigurojmë dhe projektin do ta realizojmë me sukses deri ne fund", tha Xhevat Hot, përfaqësues i O.H"Bamirësia".
Nga shoqatat në fjalë edhe një herë përkujtojnë familjet me gjendje më të rëndë ekonomike dhe ato që janë raste sociale, se ndarja e mishit të kurbanit do të bëhet në ditën e dytë dhe të tretë të Bajramit.

Melihate Rustemi
ALSAT-M

[Drini_i_Zi]

Presidenti dhe kryeministri i vendit urojnë besimtarët


"Është ditë e besimit në Zotin, ditë e mirëkuptimit, e nderimit dhe dashurisë për njëri-tjetrin".
E diel, 07 Dhjetor 2008 14:43

Presidenti Fatmir Sejdiu dhe kryeministri Hashim Thaçi kanë përgëzuar kreun e Bashkësisë Islame të Kosovës, dhe gjithë besimtarët mysliman, me rastin festës së Kurban Bajramit.

Në mesazhet e tyre thuhet se, kjo është festë e sakrificës për të mirën, për paqen dhe lumturinë e të gjithë njerëzve, është ditë e besimit në Zotin, ditë e mirëkuptimit, e nderimit dhe dashurisë për njëri-tjetrin. Mesazhe urimi kanë dërguar edhe lider të subjekteve të ndryshme politike në vend.



Myftiu Naim Tërnava me mesazh paqeje dhe harmonie për Kurban Bajram

Kreu i Bashkësisë Islame të Kosovës, Myftiu, Naim Tërnava fillimisht në mesazhin e tij shprehu kënaqësinë e veçantë që në emër të Bashkësisë Islame të Republikës së Kosovës, t'ju urojë për festën e kurban – Bajramit, me dëshirat më të mira për shëndetin dhe lumturinë e të gjithë besimtarëve. Me tej në mesazhin e tij në prag të festës së kurban Bajramit Myftiu, Tërnava, flet për rëndësinë e festës."Festa e Kurban – Bajramit, tek ne duhet të reflektojë, krahas adhurimit të krijuesit fuqiplotë, edhe ndjenjën e humanitetit, solidaritetit, bamirësisë e mbi të gjitha arritjen e devotshmërisë, sepse edhe flijimi i kubanit që e bëjmë me këtë rast nuk ka për qëllim vetëm derdhjen e gjakut por mbi të gjitha arritjen e devotshmërisë" thotë ai.

Sipas myftiut Tërnava, festa e Kurban – Bajramit duhet kuptuar drejtë e mirë sepse ngërthen në vete adhurime të cilat ushqejnë shpirtin, pastrojnë zemrën dhe bëjnë njerëzit që të duhen më shumë ndërmjet veti.

"Në shpirtin tonë duhet të kultivojmë vlera për një jetë më të mirë, për një shoqëri të shëndoshë, për një unitet dhe vëllazëri të mirëfilltë. Në këtë ditë feste, më lejoni edhe njëherë të ju urojë të gjithëve shëndet dhe lumturi" thuhet në mesazh. /rtk/

[Drini_i_Zi]

Kurban Bajrami, policia merr masa per faljen e neserme
07/12/2008 19:35

Policia e Tiranes lajmeron masat qe ka marre per mbarevajtjen e faljes se namazit, ne qender te qytetit, me rastin e festes se Kurban Bajramit, mengjesin e neserm.

Duke nisur nga ora 4 e mengjesit deri ne oren 9, do te bllokohen per automjetet sheshi “Skenderbej” dhe rruget rreth xhamise se Et’hem Beut.

Gjithashtu lajmerohet bllokimi i rruges prane Komunitetit Mysliman, nga ora 9 deri me 13 e 30 minuta, me rastin e vizitave, qe do t’i bejne ketij kumuniteti personalitete te shtetit.

TCH

[Drini_i_Zi]

Shoqata e Zejtarëve Prishtina ndau ndihma familjeve të varfra me rastin e Kurban Bajramit

Me rastin e Kurban Bajramit Shoqata e Zejtarëve Prishtina ndau ndihma familjeve që kanë nevojë për përkujdesje dhe ndihmë sociale në Stan Tërg dhe Drenas. Kryetari i Shoqatës, Enver Pakashtica deklaroi se kanë ndarë ndihma në veshmbathje dhe ushqim për 34 familje në gjendje të vështirë ekonomike në Stan Tërg.
Behët fjalë për veshmbathje të re dhe një pako ushqimore me artikujt elementar, siç janë mielli, vaji, sheqeri, kripa e tjera.
Në të njëjtën kohë Shoqata në Bashkësinë Islame të Drenasit ka dorëzuar një sasi të konsiderueshme të veshmbathjes së re, e cila do t’iu shpërndahet nevojtarëve nga kjo komunë.
Shpërndarjen e ndihmave do ta bëjnë përfaqësuesit e BI në Drenas.
Ky aksion i Shoqatës së Zejtarëve Prishtina është pjesë e aktivitetit të përhershëm në ndihmë dhe përkrahje konkrete të qytetarëve të Kosovës, që kanë nevojë për ndihmë dhe përkujdesje. /comport.shpk/

[Tironcja_BLN]

gezuar per te gjith myslimanet ne forum dhe ne te gjith boten