Dita e Ujit të Bekuar

[Brari]

Gezuar Diten e Ujit te Bekuar!

qamet ftohte eshte zakonisht ne 6 Janar ..dita e ujit te bekuar..

si shpjegonet?

tregoni historira qe i keni perjetuar ju nga kjo dite.


--



TemA


Drejton ceremoninë e Ujit të Bekuar

Imzot Janullatos hedh Kryqin në det

SARANDË- Kryepeshkopi i Tiranës, Durrësit dhe gjithë
Shqipërisë, Fortlumturia e Tij, Anastas Janullatos, ka
marrë pjesë dje në ceremonitë e organizuara me rastin
e “Ditës së Ujit të Bekuar” apo siç quhet ndryshe
“Dita e Shenjtërimit të Ujërave”, në qytetin e
Sarandës. Në prani të qindra besimtarëve ortodoksë të
moshave të ndryshme, Janullatos ka dhënë dje një meshë
në sallën e madhe të kishës së “Shën Harallambit”.
Para se kortezhi të mirrte rrugën me këmbë në drejtim
të detit, Hirësia e Tij, Anastas, përshëndeti të
pranishmit, duke e përkufizuar ditën e djeshme si një
ditë shprese, që lidhet me thelbin e jetës, ujin.
Imzot Anastasi, tha në fjalën e tij se “ka predikuar
së pari në Ditën e Ujit të Bekuar më 1992 në qytetin e
Sarandës, ndërsa tanimë në të gjithë vendin numërohen
51 kisha moderne. “Të gjitha këto i shërbejnë
fisnikërimit dhe largimit të njerëzve nga mëkatet,” -
tha Janullatos. Në praninë e besimtarëve të shumtë, ai
hodhi pastaj kryqin në det. Disa të rinj janë hedhur
pastaj në ujërat e ftohta të detit për kapjen e
kryqit. Kryqi u gjet dhe iu dorëzua Kryepeshkopit nga
i riu Florian Xhai nga fshati Xarrë. Ceremoni të tilla
u organizuan dje edhe në qytetet Gjirokastër, Përmet,
Tepelenë, si dhe në fshatrat e Dropullit, Pogonit
etj..
BESMIR BABAMETO


Pesë grupe të rinjsh, betejë për Kryqin

BERAT- Në këtë fillim viti “Ura e Goricës” mbi lumin
Osum që lidh dy lagjet muzeale të këtij qyteti, atë të
“Mangalemit” dhe “Goricës” ka mbledhur përreth saj
mijëra qytetarë beratas dhe të zonave përreth në
ceremoninë e hedhjes në mënyrë simbolike të kryqit në
lumë. Në këtë ceremoni simbolike merrnin pjesë edhe
dhjetëra qytetarë nga Fieri, Lushnja, Vlora etj..
Hedhja e kryqit në lumë, u bë rreth orës 10:00 të
paradites së djeshme nga imzot Ignanti, Kryepiskopi i
Beratit, Vlorës, Kaninës dhe gjithë Myzeqesë. Pas
hedhjes, pesë grupe të rinjsh të lagjeve të qytetit të
Beratit u vunë në garë për kapjen e tij. Kjo garë mes
të rinjve e shtoi edhe më tepër atmosferën e festës
dhe ngjalli kureshtjen e mijëra qytetarëve të
pranishëm në këtë ceremoni fetare. Në fund të garës
për kapjen e kryqit në lumin Osum fitues doli
19-vjeçari nga lagjja Goricë, Eligers Bazonja, dhe
shokët e grupit të tij Andi Shtrepi, Gentian Saveta
etj.. Më pas grupi i të rinjve pasi mori bekimin,
përgëzimin dhe urimet e imzot Ignanti në kishën e
“Shën Spiridhonit” në lagjen Goricë vazhduan maratonën
e shëtitjes së kryqit në të gjitha shtëpitë e besimit
ortodoks beratas për të përçuar në këto familje dritën
e perëndisë së ortodoksisë dhe kryqin si burimin e
shpëtimit të njerëzimit nga fatkeqësitë e kësaj bote.
ABEDIN KAJA


Dita e Kryqit ndan ortodoksët

ELBASAN– Edhe pse dita e Ujit të Bekuar është simboli
i pajtimit, besimtarët ortodoksë elbasanas kanë
festuar të ndarë. Një pjesë e komunitetit ortodoks e
ka përjetuar hedhjen e kryqit në ujë në kishën “Shën
Maria”, të Kalasë së qytetit nën drejtimin e
famullitarit të kësaj kishe At Nikolla Marku dhe pjesa
tjetër në pishinën e qytetit nën drejtimin e priftit
Joan Gjica. Duhet pohuar se ajo që cilësohet si e
veçanta e kësaj dite, është fakti se këndvështrohet
nga mendësi e ndryshme si rezultat i ndarjes që kanë
përjetuar besimtarët e kësaj feje, pas dyluftimit
publik të At Nikollë Markut me Fortlumturinë e Tij
Imzot Anastasin. Kryqin e shenjtë, të hedhur tek “Shën
Maria” e ka gjetur një fëmijë 10 vjeçar i cili ka
marrë edhe urimet dhe është përfituesi i dhuratave që
jepen me këtë rast, duke u bekuar edhe nga prifti i
kishës, kurse për kryqin e hedhur në pishinë, i bekuar
është bërë 22 vjeçari Klajdi Suli, që ka marrë edhe
shpërblimin e vendosur nga kisha.

Tema
HAXHI BALLI

[donna76]

Pervec qe kjo dite eshte e vecante per mua sepse kam ditelindjen...
me kujtohet mami dhe tezja (qe ne kete dite na vizitonte gjithmone ) mbushnin nje shishe ose ndonje qyp me uje dhe atyre i ishte fixuar qe ky uje bente mbrekullira...une te them te drejten kisha shume deshire qe te besoja ne kete fenomen ,por isha e bindur qe ishte si uji i zakonshem qe kishim perdite
e bejne akoma sot dhe te them te drejten kisha ca kohe qe s'kisha menduar per kete
flm qe e hapet kete teme..
ciao!!!