Vlore, zbulohet "konsullata" false


Hetimit italian per kalimin e klandestineve me dokumenta false per ne Bari, Brindizi apo Ankona mberritur me tragete qe niseshin nga Shqiperia, i del tymi ne Vlore. Ne oret e vona te pasdites se djeshme ne lagjen "Partizani" te Vlores (ne rrugen e vjeter te spitalit) policia ka kapur ne flagrance Viktor Bejkosalen 36 vjec dhe Edmond Kodhimon 26 vjec, dy qytetare te cilet posedonin nje laborator te vertete te prodhimit te dokumentave te falsifikuara. Sipas burimeve zyrtare te policise se Vlores, kishte te dhena se keta te dy ushtronin aktivitetin e prodhimit te dokumentave false por nuk ishte vepruar per shkak se pritej te kapeshin ne flagrance. Keshtu edhe kishte ndodhur. Policia kishte arritur t'i fuste ne kurth duke siguruar njekohesisht edhe prova materiale kunder tyre. Ne banesen e pershtatur per prodhimin e dokumentave false policia kishte sekuestruar gjate kontrollit komputera dhe printera te sofistikuar, CD me programe, dokumenta te ndryshme qe vertetonin prodhimin e dokumentave false per ne Itali si dhe 20 lloje te ndryshme vulash.



Zbulimi i kesaj qendre te falsifikimit te dokumentave per trafikim te qenieve njerezore kryesisht ne drejtim te Italise, konfirmon hetimet italiane per kete qellim. Konfirmon gjithashtu edhe fillimin e luftes kunder trafikimit te qenieve njerezore me ane te dokumentave te falsuifikuara me marrjen e masave shternguese ne portin e Vlores, ne Durres etj.