Vendosja e kryqeve vend e pavend i sherben tolerances fetare?

[forum126]

Kryqet në Shkodër, muslimanët kërkojnë heqjen e tyre


Anila Dushi

SHKODËR-Myftinia e Shkodrës ka kërkuar dje publikisht heqjen e disa kryqeve të vendosura në kodrat e Bushatit. Në një deklaratë për shtyp ajo ka ngritur shqetësimin se simboli i krishtërimit është vendosur në prona publike që u përkasin gjithë besimtarëve, pa dallim feje. Ky reagim ka ardhur pas një peticioni që rreth 60 besimtarë muslimanë të xhamisë së Bushati i kanë drejtuar kishës katolike në Bushat, arqipeshkvisë metropolitane Shkodër- Pult, pushtetit vendor dhe myftinisë së Shkodrës. Më saktë, kryqet janë vendosur në vendin e quajtur Lemja, në Zefjan dhe kodrën e Bushatit.
Myftiu i Shkodrës, Haxhi Bashkim Bajraktari, e ka quajtur këtë veprim “në vazhdën e përpjekjeve të disave për të na provokuar , për të krijuar përçarje dhe konflikte ndërfetare. pasi për shkak të neglizhencës mund të ndodhin incidente për të cilët ne nuk mbajmë përgjegjësi”. Më tej ai ka shtuar se ky veprim ka cënuar ndjenjat e komunitetit mysliman të cilët i kanë kërkuar pushtetit vendor, duke kërkuar zgjidhjen institucionale për heqjen e kryqeve.
Ndërkaq Arqipeshkvia e Shkodrës ka mohuar se ajo mund të ketë vendosur kryqet apo të ketë urdhëruar për një gjë të tillë dhe po të njëjtën gjë kanë deklaruar edhe drejtuesit e komunës së Bushatit.

Precedenti
Kryqi në Elbasan
Më shumë se një vit më pare, ishte myftinia e Elbasanit ajo që kërkoi heqjen e një kryqi të madh të bardhë që ishte ngritur në rrugën nacionale Tiranë-Elbasan, në Kërrabë. Çështja përfundoi madje edhe në gjykatë e cila vendosi se nuk kishte asnjë arsye pse të hiqej kryqi i vendosur në rrugë nga besimtarët e krishterë.




23/12/2005
KATEGORIA: Kronike nga rrethet

http://www.shekulli.com.al/index.php...e&newsID=88205

[forum126]

Kryqet në Shkodër, muslimanët kërkojnë heqjen e tyre


Anila Dushi

SHKODËR-Myftinia e Shkodrës ka kërkuar dje publikisht heqjen e disa kryqeve të vendosura në kodrat e Bushatit. Në një deklaratë për shtyp ajo ka ngritur shqetësimin se simboli i krishtërimit është vendosur në prona publike që u përkasin gjithë besimtarëve, pa dallim feje. Ky reagim ka ardhur pas një peticioni që rreth 60 besimtarë muslimanë të xhamisë së Bushati i kanë drejtuar kishës katolike në Bushat, arqipeshkvisë metropolitane Shkodër- Pult, pushtetit vendor dhe myftinisë së Shkodrës. Më saktë, kryqet janë vendosur në vendin e quajtur Lemja, në Zefjan dhe kodrën e Bushatit.
Myftiu i Shkodrës, Haxhi Bashkim Bajraktari, e ka quajtur këtë veprim “në vazhdën e përpjekjeve të disave për të na provokuar , për të krijuar përçarje dhe konflikte ndërfetare. pasi për shkak të neglizhencës mund të ndodhin incidente për të cilët ne nuk mbajmë përgjegjësi”. Më tej ai ka shtuar se ky veprim ka cënuar ndjenjat e komunitetit mysliman të cilët i kanë kërkuar pushtetit vendor, duke kërkuar zgjidhjen institucionale për heqjen e kryqeve.
Ndërkaq Arqipeshkvia e Shkodrës ka mohuar se ajo mund të ketë vendosur kryqet apo të ketë urdhëruar për një gjë të tillë dhe po të njëjtën gjë kanë deklaruar edhe drejtuesit e komunës së Bushatit.

Precedenti
Kryqi në Elbasan
Më shumë se një vit më pare, ishte myftinia e Elbasanit ajo që kërkoi heqjen e një kryqi të madh të bardhë që ishte ngritur në rrugën nacionale Tiranë-Elbasan, në Kërrabë. Çështja përfundoi madje edhe në gjykatë e cila vendosi se nuk kishte asnjë arsye pse të hiqej kryqi i vendosur në rrugë nga besimtarët e krishterë.




23/12/2005
KATEGORIA: Kronike nga rrethet


http://www.shekulli.com.al/index.php...e&newsID=88205

[forum126]

Kryqet e mbjella kujt i shërbejnë…?

Komitetit Shtetëror të Kulteve
Në fund të muajit korrik, në lartësinë e kodrave të Krrabës, në territorin që përfshihet brenda juridiksionit administrativ të komunës Bradashesh, në rrethinat e fshatit Fikas, u vendos një kryq, i cili fillimisht shkaktoi habi e më pas shqetësim, jo vetëm tek muslimanët por edhe më gjerë në opinionin publik të qytetit të Elbasanit.
--------------------------------------------------------------------------------

Ne duam t'ju tregojmë se ky shqetësim nuk është i sforcuar, por përkundrazi i pashmangshëm dhe madje i detyrueshëm. Nuk kemi për qëllim të demostrojmë tani tolerancën dhe respektin e obliguar të muslimanëve shqiptarë ndaj institucioneve dhe besimtarëve të krishterë, sepse kjo tolerancë dhe ky respekt janë të vërteta historike dhe jo sllogane për koniukturë dhe propagandë, por duam të tregojmë se shqetësimi që ngjalli ky kryq tek ne, nuk është shfaqje e intolerancës dhe vrazhdësisë ndaj fesë kristiane. Madje shpresojmë që në përfundim të argumentave që do të rendisim më poshtë, të bëhet e qartë që edhe ky shqetësim në dukje problematik, në fakt është i pazëvëndësueshëm për të zgjidhur problemet të cilat nuk janë iniciuar nga ne, por nga vendosja e këtij kryqi. Këto probleme nuk shkaktohen nga kryqi në vetvete si pjesë thelbësore e doktrinës kristiane, por nga rasti konkret i devijimit të konceptit të kryqit dhe kryqëzimit, devijim që shfaqet në aspektet e mëposhtme:
1. Aspekti simbolik
Ne nuk e vëmë në dyshim peshën e jashtëzakonshme simbolike të kryqit për doktrinën kristiane dhe për çdo besimtar kristian, por ndërkohë ne nuk duam të kemi dyshime as për arsyet e kësaj rëndësie madhore të simboleve për çdo grup apo individ. Pra simbolet janë të rëndësishme dhe të paprekshme sepse shërbejnë jo vetëm për të treguar, por edhe për të përforcuar e përfaqësuar identitetin e grupit apo personit që i përket. Kështu simboli në mënyrë të menjëhershme dhe të sigurtë tregon identitetin e grupit dhe personat që e mbajnë dhe tregon gjithashtu që identiteti në fjalë është i pandryshueshëm dhe i pacënueshëm. Problemi lind pikërisht këtu: kush është grupi lokal të cilit i përket si simbol ky kryq lokal? Është e pasinqertë (të paktën e pakujdesshme) të thuash se grupi lokal që identifikohet me këtë kryq janë banorët e fshatit Fikas. Që kjo përgjigje të jetë e sinqertë do të duhej që kryqi të vendosej aty ku janë vendbanimet e këtij fshati, në mënyrë që të demostrohej lidhja midis simbolit dhe identitetit që i përket.
Në atë pikë ku është vendosur kryqi jo vetëm nuk ka asnjë shtëpi të këtij fshati, por as nuk duket prej së largu ndonjë shenjë e pranisë së fshatit. Në rastin më të mirë, kryqi prej nëntë metrash në vend që të shërbejë si simbol për të treguar një grup të caktuar religjioz dhe ekzistencën e një identiteti të tillë të grupit, shërben për ta përfytyruar dhe shpikur grupimin të cilit i përket ky identitet (në rastin konkret identitetit kristian). Kurse në rastin më të keq, meqenëse fshati Fikas aty ku është vendosur kryqi nuk duket askund, dhe duke qenë se i vetmi vendbanim që duket aty është qyteti i Elbasanit, kryqi prej nëntë metrash shërben për të treguar apo nënkuptuar se grupi i cili e identifikohet me këtë simbol, janë banorët e Elbasanit. Dhe duke qenë se shumica e popullsisë së këtij qyteti janë muslimanë, sado luajalë dhe mirëbesues që të jemi, këtë kryq nuk mund të mos e konsiderojmë si provokim.
2. Aspekti politik
Çdo religjion synon të depërtojë në shpirtin e individëve dhe grupeve për të modeluar përmes këtij depërtimi njerëz të denjë për fenë të cilës i përkasin. Në të kundërt të religjionit, politika kërkon të sundojë territoret dhe hapësirat dhe të vërtetojë sundimin e saj mbi to. Në momentin kur simbolet fetare nuk kanë për qëllim të indetifikojnë persona apo grupe sikurse e treguam më lart, atëhere simboli fetar shërben për të identifikuar sikurse politika, hapësirat ku mbretëron feja të cilit i përket ky simbol. Në rastin në fjalë, kryqi i kodrave të Krrabës është posaçërisht gjigand, aq sa mund të dallohet nga gjithë vendbanimet fushore mbi të cilat ngrihet Krraba, ndërsa pjesa e përparme e kryqit është orientuar nga qyteti i Elbasanit. Atëhere një simbol i tillë përveçse identitetit shpirtëror e banorëve të një fshati të caktuar, tregon dhe dominimin hapësinor mbi pellgun e fushës së Elbasanit, që është gjithashtu me shumicë muslimane. Dhe kur nga individët apo personat e veçantë të një feje tregohet tendenca për të manifestuar dominimin e tyre nga pikëpamja hapsinore dhe territoriale dhe jo nga pikëpamja shpirtërore, atëhere një fe e tillë merr natyrë politike dhe simbolet e saj politizohen.
Për më tepër duke qenë se njerëzit nuk mund ta shtojnë hapësirën e cila është krijuar nga Zoti, por vetëm mund ta përdorin e sundojnë atë, atëhere zgjerimi tendecioz i hapësirave të një feje do të thotë ngushtimi i hapësirës për fetë e tjera. Gjë që e bën të shihet si provokim ky kryq jo vetëm nga pikpamja shpirtërore siç treguam më lart, por edhe nga pikëpamja sociale.
3. Aspekti multifetar i shoqërisë shqiptare
Duhet të sqarojmë se toleranca me të cilën shoqëria shqiptare me të drejtë krenohet, ka si parim kryesor se grupet e ndryshme sociale, etnike apo religjioze kanë një seri karakteristikash dhe kuptimesh të cilat i bëjnë të dallueshëm nga njëri-tjetri. Këto karakteristika janë të paprekshme dhe të pandryshueshme jo apriori, por të kushtëzuara nga disa premisa që ekuilibrojnë njëra-tjetrën:
a) Këto karakteristika janë të paprekshme nëse ndryshimi i tyre rrezikon identitetin e dallueshëm dhe garancinë e dallueshmërisë për grupin të cilit i përket. Pra janë të pandryshueshme, nëse ndryshimi i tyre, e tjetërson grupin të cilit i përket.
b) Këto karakteristika janë të prekshme dhe të mundshme për t'u ndryshuar kur rrezikojnë identitetin dhe garancinë e dallueshmërisë të grupeve të tjera me të cilat bashkëjeton dhe nuk kërcënojnë identitetin e grupit që i përket.
c) Në rastin kur respektimi i paprekshmërisë së këtyre karakteristikave kërcënon, identitetin e të tjerëve dhe në të njëjtën kohë mosrespektimi i paprekshmërisë të të njëjtave karakteristika kërcënon identitetin e grupit që i përkasin, atëhere secili prej grupeve heq dorë nga dominimi i hapësirës së të gjithëve, duke e demostruar dominimin në hapësirat e kufizuara të faltoreve, riteve, shtëpive apo veshjeve personale.
Ne mendojmë se kryqi nëntë metra i vendosur në kodrat e Krrabës, nuk përfshihet dhe nuk respekton asnjërën prej këtyre tre premisave:
- premisën e parë e shkel, sepse identiteti i banorëve të këtij fshati tjetërsohet vetëm nëse cënohet kryqi në vetvete, apo kryqi në kishat e Fikasit, në shtëpitë e Fikasit dhe i varur në trupat e banorëve të Fikasit. Përkundrazi kryqi prej nëntë metrash i ekspozuar në rrugën nacionale, nëse preket (zhvendoset) nuk e rrezikon identitein kristian të këtij fshati.
- premisën e dytë e shkel, sepse kryqi nëntë metra i lartë, i orientuar nga Elbasani, siç treguam më lart nënkupton simbolikisht ndryshim të identitetit të shumicës muslimane të këtij qyteti.
- Premisën e tretë e shkel gjithashtu, sepse simboli i tillë del nga hapësira e faltoreve, duke u instaluar pa konsensus në atë ç'ka përbën hapësirën e të gjithëve.
Nga ç'ka u tha më lart kërkojmë nga ju të shihet mundësia që kryqi në kodrinat e Krrabës, të zhvendoset!
Në të kundërt do të shërbejë si precedent, që devijime në aspektin simbolik, politik e multifetar, të shfaqen edhe në praktikat e përditshme të feve të tjera, duke shkatërruar në mos të tashmen, të ardhmen e tolerancës fetare që është pronë e të gjithëve dhe që të gjithë e lakmojmë.

Me respekt
Për Këshillin e Myftinisë Elbasan
Myftiu Agim Duka

www.dritaislame.com

[forum126]

KRYQEZIM-CKRYQEZIM I RELIEVIT

At Foti Cici

Është nevojë shpirtërore e psikologjike e ushtruesit te besimit ortodoks për ta ngulur veten mes disa simboleve te cilat rendom i ka te paradhena e jo te perzgjedhura. Bashkevendosja e ortodoksit me simbolet hyjnore kërcënohet gjithmonë nga vetevendosja e tij, përderisa simbolika pamore përdoret si mjet ne betejen për t'u ruajtur nga vetvetja dhe nga bota. Por çfarë ndodh me ortodokset kur këto simbole dalin nga shprehja e përdorimit privat dhe i ekspozohen botës se larmishme e te përzier nga çdo pikëpamje?

Ne qoftë se te krishteret e trajtojne botën jashtë tyre, paresisht terrenin gjeografik, si krijese te ndërlikuar por tmerresisht te bukur, sepse gjithçka është bërë "me urtesi", ata kanë nevojë te admirojne e te shtangen. Çdo maje e heshtur mali, çdo shkundje e hirshme shpendesh, çdo shpengim i shtazeve, çdo detaj i krijeses lendore, pra, shpirtezohet dhe lidhet, që te marrë kuptim, me mikroboten njerëzore, e bashkeqenshme kjo me simbolet e tyre fetare.

Me këto bindje, ekspozimi ne një lartesi gjeografike i një kryqi, fjala bie, nuk mund te shprehe ngadhenjim te Kryqit mbi botën. Perkundrazi, një akt i tillë, sidomos ne një reliev shqiptar, është nenshtrim i simbolit te terecmuar ndaj kësaj botë. Nga ana tjetër, çfarë nevojë ka një përmbajtje kompakte e hyjnores për t'u epersuar me kaq ankth ne një zonë te mbingarkuar me simbole?

Gjithsesi këto episode janë pasoje e një ideologjie te qartë tashmë, prandaj dhe vlejne për t'i nxitur besimtaret ortodokse te përpiqen vete, te tundohen e te rizbulojne rrenjet e tyre, qoftë me lexime, degjime a qoftë me intuite. Kjo perspektive fryme vlen shumë me tepër sesa gjithë protestat zemerore ndaj rrenimit te një objekti prej betoni...

Një religjion që i imponon botës simbolet e tij, ai bën dy te keqija: nga njera anë dhunon botën e Zotit, ndërsa ne te njëjtën kohe banalizon simboliken hyjnore te vete besimit ne fjale. Bartesit e kësaj mendesie shkelin porosine e vetevendosjes se njeriut, thelbin e lirisë, te cilin Krishti iu lecit ortodokseve përmes kishes: "Çdo fryme/krijese, le të lavderoje Zotin...". E pra çdonjëri që ve dorë mbi larmishmerine e krijeses se Zotit, për t'i dhënë asaj trajten e vet, edhe pse nën emrin e Tij, duhet te ndalet.

Kryqezata e ortodoksise zyrtare ne Shqipëri nuk ka me lidhje me strategjine fillestare te dergates, as me trashegimine tonë spirituale, por as me traditen e shëndoshë te rajonit te Ballkanit. Ortodoksia e predikuar tek ne, qoftë dhe nga misionaret e huaj te se kaluares, duke perkujtuar shen Kozmain, për shembull, nëpër kisha a ne oborre kishash, nën hije pemesh a ne terren me grigje te krishtere, ishte ortodoksÃ* e vertetesise dhe e frymes, e modestise fisnike dhe e perulesise askeike, e ndricimit përmes skamjes dhe erresires, ishte fe e kryqeve te drunjta si shenja brendakishtare, për ngushellim e ogur shprese, për pendese e shprestari, si stacione shpirtërore, pika referimi, relika, pra, e jo shkarkime ja-ku-jemi arrogance.

Ashtu si përdorimi shenjterues i një simboli kombëtar, si p.sh. i flamurit, është idhulltari për mendesine e krishtere, a nuk është me keq, për çdo mendesi civile, një perdorim banal i kryqit? Ka shumë gjëra që mbeten pezull por që mund te hijeshonin kalimin e misionareve ne historinë shqiptare me shumë sesa kupolat e larta bizantine, te cilat përpiqen te kaptojne minarete, e kryqet prej betoni, te cilët metojne te nenshkruajne universin e larmishem shqiptar. Literatura teologjike e liturgjike ortodokse mbetet ende prone e një elite që mund ta shfrytezoje vetëm ne gjuhe te tjera, edhe pse njezet vellime te tilla, për shembull, vlejne me shumë sesa gjithë këto ngrehina.

Nuk kemi te drejtë te mbrohemi e te ngreme këtu pretekstet e etikës. Kur institucionet fetare u predikojne shqiptareve që të mos jenë lakmues, kjo nuk do të thotë se institucionet ne fjale kanë te drejtë te sillen grabitqare ndaj pjeses tjetër te natyres.

Sigurisht që heqja a, ne pamundesi, thyerja e një kryqi publik, mbas gjithë kësaj ngarkese ateizmi te institucionalizuar ne te njëjtin reliev, është mëkat për te krishteret, sakrilegj për jo te krishteret, e skandal për tingellimen e shqipes nëpër botë. Faji nuk mund te jetë jetim, kur te tre palet janë te ndergjegjshme për dëshirat dhe aksionet e tyre. Kush e ka fajin: grishesi, ngjizesi, apo prishesi i simbolit?

Sa për prishesin, ky është si skluptori, i cili zbaton ligjet e artit te tij; ai pjeseton e heq nga guri për te daltuar e lemuar, për te trajtesuar shformesine, edhe pse guri si lende a si gjini mund te trajtohet nga disa si simbol i mirë e i çmuar, ashtu siç është, e për te tjerë mund te jetë kult, objekt adhurimi, prapë ashtu siç është. Gdhendesi prish për te ndrequr. Ajo është ndergjegjja e tij, "feja" e tij, fati ynë, dhe ashtu duhet respektuar, përderisa e kemi pranuar. Sepse duam që edhe ata te respektojne e te mbrojne ndergjegjjen tonë, fenë tonë.

Duke medituar për situaten tonë te pashoqe ne histori, më vjen ndërmend një mendimtar i krishterimit, Augustini i Hiponit, i cili duke pare një mungese te theksuar stabiliteti politik ne Romen e shekullit V, paraqiti një kritikë gjakftohte ndaj mitit te shtetit romak. Fjalët e tij mund te pershtaten shumë lehtë ne rastin tonë, me nuancat e realitetit: "Të gjitha shoqëritë tokësore duhet te përballen me problemet dhe rreziqet e jetës njerëzore. Asnje shoqeri e tillë, madje as kisha, është 'Qyteti qiellor' i Perendise."

Krishti nuk na percaktoi ndonjë model qeverises për këtë botë, as ne teori e as ne aksion, prandaj dhe diçka e tillë nuk mbijetoi. Por ama na deftoi se ne duhet te bëjmë bindje si ndaj Perendise, ashtu edhe ndaj Cezarit/shtetit, edhe pse këto bindje Jezui i ndau, që të mos ngaterrohen e te thuren pastaj me njera-tjetrën. Pa dyshim, mëkati i kryqezimit te relievit shqiptar do t'iu kthehet kryqezuesve...

19 shtator 2004

Ne vijim do të vijë edhe reagimi për këtë prift që duket se ka bërë aleancë me islamiket (këtu nuk nenkuptoj myslimanet e ndershem) e Elbasanit te cilët ndajne te njëjtin mendim me Cicin. Nuk po shikoj ndonjë ndryshim midis priftit Cici dhe muftiut te Elbasanit Agim Duka.

[[E-TROPOJANI]]

Unë Them Që Ne Shqiptarët Nuk Tolerojmë Aq Sa Duhet.Pra,Ti Lemë Kryqet Të Vendosën Ku Të Kenë Dëshirë Të Krishterët.
Duhet Të Telerojmë Q'do Gjë,Mos Ti Mbajmë Inate Njeri-Tjetrit,Por Ta Lemë Të Bëjë Detyren E Tij Le Të Themi.Pasi Në Shkodër Apo Veri Gati Të Gjithë Janë Krishterë.Gjithsesi Kjo Asht turpsi Se Nuk Lihen Të Vendosën Disa Kryqe .
___________________________________________

JeTa EshTe E BuKuR.....JeToJe..!

JaM TrOpOjAn.....DeMoKrAt i FlAkTe..!

[iliria e para]

Kjo eshte ajo qe them une. Feja eshte nje e keqe qe shkakton urrejtje dhe percarje.
Ja kryqet, ja xhamite.
Edhe gjat veres ne Shkoder i degjova disa njerz kur shanin xhamite e shumta qe u ndertuan ne Shkoder. Permendnin lulishten etj.
Tashti kryqe neper kodra.
Keto jane te "mirat" e fese.
Zoti siç duket ka shkuar ne nje galakse tjeter?
Te mjeret ne gjer sa te na kthehet.

[[xeni]]

Kjo eshte ajo qe them une. Feja eshte nje e keqe qe shkakton urrejtje dhe percarje.
Ja kryqet, ja xhamite.
Edhe gjat veres ne Shkoder i degjova disa njerz kur shanin xhamite e shumta qe u ndertuan ne Shkoder. Permendnin lulishten etj.
Tashti kryqe neper kodra.
Keto jane te "mirat" e fese.
Zoti siç duket ka shkuar ne nje galakse tjeter?
Te mjeret ne gjer sa te na kthehet.

I hoqi xhaxhi Enver te gjitha, plako! E vrau te gjithe klerin. E ça u be? Ça fitum prej kesaj?

Problemi eshte eshte me shume tek njerezit sesa tek feja. Hape noj gazete dhe lexoje. Jo ja kaçi veshin se i vrau pulen, jo e vrau se ia prishi gardhin, jo e goditi me leve per 3.000 leke te reja...Po keto, nga feja i kemi?

Eshte nje popull i dale binarsh, e kjo reflektohet edhe ne mardhenjet midis feve. Shto ketu (tek fete) edhe deshiren e te jashtemeve me dominu per hesap te vet.

Zoti e boft mire!

[iliria e para]

Nuk e thashe se komunizmi eshte i mire, fete jane diktatura po aq te keqia.
Per mos te çohen kunder fese i u thone se e kan nga Zoti!

E cka ka feja te perbashket me Zotin?
Edhe atje ku kishin liri fetare(ashtu si ua diktonin) nuk jane me te mire o xeni. Lufte e lufte e lufte, tjeter nuk kan pasur.

Fene duhet lene ne kishe e xhami.,por nuk duan. Duan te jau fusin brenda ne shtepi, shkolle,rruge, TV, gazeta,..... kodra, gropa.........me dhune.
Duan ti mesojne njerzit se cka kan per te ngrene, si te vishen, si te....
O xeni,xeni...

Sikurse ata finasieret e huaj te kishin dhene kontributin et yre ne fabrike dhe shkolle, me fetar do te ishin bere shqiptaret e edhe ata popujt e tyre.
Fukarenjet dhe feja, jane nje çift qe nuk jetojne ne harmoni.
Te gjithat jane genjeshtra.

Ja nje shembull.
Nje fetar, qe vertete eshtei tille(asish nuk ka) nese i gjen ne rruge 10000$ ai i con ne polici(ne keto vendet fetare edhe policet jane hajna), sa nga fetaret eforumit do ta benin nje gje te tille?

[[xeni]]

iliria e para,
Nene Tereza, Gjergj Fishta, Sami Frasheri, Fan Noli, Adem Jashari etj. 1) A ishin fetare dhe 2) A mendonin se ajo qe besojne ka lidhje me Zotin?


Ka nje grup pseudo-filozofesh qe lexojne dy-tre shkrime te çuditshme (per rrjedhoje edhe te vlefshme per ta) dhe qe ndikohen shume shpejt, e me pas dalin duke bere pyetje te tilla se ç’lidhje ka feja me Zotin. Fatkeqesisht nuk arrijne te bejne dallimin e te qenit afetar nga anti-fetar, dhe ndersa justifikohen duke i pershkruar vetes cilesi te te parit, ne sjellje dhe mendime jane si i dyti, jane pra anti-fetar. Te jesh afetar eshte me se normale. Eshte e pranueshme. Por fatkeqesiht shumica jane anti-fetare dhe intolerante te pandreqshem…Ka nje shkrim tek Shekulli nga Prof. Artan Fuga. Ta sugjeroj ta lexosh. Aty do e kuptosh se nga ç’kend duhet vleresu problemi. Ka edhe nje fjali shume te goditun per ata qe bejne pyetje “te çuditshme” si ti.(Hint: andej nga fundi e ke)

Sa per ate qe thua se sa forumiste do e benin kete e ate, s’ka rendesi aspak. Eshte krejt individuale.

[iliria e para]

OK, eshte e premte dhe po pergaditem te dal pak, keshtu e ka jeta.
Spo shkruaj shume por po me duket se jemi ka flasim per gjera te ndryshme.
Ti a e lexove mire se cka thash une?
Po flas per popullin(popujt) ne shumice.
Te them edhe dicka, se ne Shkoder njof nje hoxhe shum te mire dhe aspak se kam problem te rri me te (verave kur shkoj atje). Ashtu qe mos mendo se jam "total".
Une mendoj se me ardhjen e wahabisteve ne trojet shqiptare(besoj se i ke par edhe ti), rritet fanatizmi ne gjitha taborret dhe mund te coje tek dicka e keqe.
Sigurish se pranine e tyre e veren edhe ne forum?

[toni77_toni]

Lidhur me këto se u than ma naltë desha të jap mendimin tim.

A e dini se si është puna e feve?


Feja është e domosdoshme, pra njeriu të besoj në Zotin Hyji; Krjuesin tonë është e mirë dhe e pa të metë, por, ne i ngatrrojna gjanat në shumë raste.


Një fillozof ka thënë se asnjë emer ne botë nuk është fye dhe këqperdorur sa emri i Zotit!


Me këtë thënje un pajtoj dhe është e vërtetë se emri i Zotit është përdorur dhe përdoret në shumë raste deri edhe në vrasje dhe lufta të ndryshme që sjellin gjakderdhje të tmerrshme.


Në shumë raste ne besojmë se ka Zot por që varet se si e kuptojmë dhe sa e njohim ne Hyjin dhe si e njohim ne Atë.


Nëse dikush beson se ka Zot por që nuk e njef atë dhe nuk e ka shijue atë, është sikurse nëse njeriu beson se në mulli ka miell dhe dikush ja ka lavdue at millë, por qe maxhja e tij është e thatë dhe s'ka buk me ngrënë! Edhe kjo është mashtrim i vetvetit!


Në shumë raste ne kemi përdorur edhe simbolet fetare (kryqin, tespit etj etj) por që në realitet ato i kemi patur vetëm si marketing dhe pa ditur fare se qka do me thënë kjo, edhe kjo është një lloj feje tëk ne dhe që nuk sjellë kurrfar dobie.


Në shum raste kemi predikuar dhe kemi folur mbi shkrimet shenjëta por që aspak nuk i kemi perdorur si model dhe rrugë për jetesë dhe edukatë në shoqërinë tonë. Pajtoj me thënjen e iliria e para ku thot se: "nëse i gjejna një shumë të madhe të hollave....." vështirë do të hasësh në shqiptar se do të dorzoj paratë e gjetura në polici, por që edhe ka asi shqiptari, e nëse ka, me siguri se polici apo gjykatësi do ti ndal per veti sepse shumica janë hajdut.


Po e tregoj një rast:

Un perpara kam jetuar në Zvicër, atje kishna një mik dhe shumë her dilna me të dhe kalojsha kohen e lirë. Ai njeri shumë her më folte për fe dhe ishte i përkushtuar, por, perkushtimin e kishte në mënyrë të zakonshme siç e kemi thuaja ne të gjithë; teorinë dhe asgjë më tepër.
Un, si njeriu se s'mund të rrin rahat, mirrna pjesë shumë her në disa aktivitete, para lufte shumëher ka patur nevoja të ndihmojmë nga mërgata Kosoven dhe shoqerinë Kosovare. Shumëher më ka ra me pa dhe me njoftë njerëzit gjatë asaj kohe. Këtë njeri që thash se predikonte dhe i thonte vetit fetar e percjella se a mos po e lexoj emrin e ti ndokun në lista të ndihmave apo..., askund nuk lexova emrin e ti! Një ditë kërkova dhe ju luta që të paguaj diçka sipas mundësisë për arsimin që paguanim në ato kohna, më tha se jam keq prej parave në këtë muaj, kështu që nuk paguajti. Në vitin 1997 filluam një aktivitet për ndertimin e Kishës së Sh Pjetrit dhe Sh Palit në Gjakovë. Filloj edhe aktiviteti për grumbullimin e të hollave. Kur shiqova listen bankare e vërejta se ky njeri nuk kishte paguar asnjë pare. Kur erdhi prifti përgjegjës nga Gjakova ne Zvicër, e mora priftin dhe u shkuam në banesa këtyre njerëzve që nuk kishin paguar, kështu që i shkova edhe këti far mikut, e pyeta a do të ndihmoj ai ndertimin e Kishes apo jo, i thash se është duke u rrëzue Kisha, mu pergjigj se nuk i ka sendet mirë me para njëher, kështu që nuk u tregue burr i mirë. Këtë njeri e kam pa me sy të mi kur në një klub shqiptarësh i ka dhënë këngëtares 100 franga, ndërsa për ndertimin e Kishës nuk e bëri zemren e fortë, poashtu as për arsim në Kosovë nuk ka dhanë asgjë, ndërsa në anën tjetër nuk prante duke folur për fe, duke lavduar fenë e vet, duke u lavduar se sa fetar është, pos asaj thonte se Zoti mi ka dhan këto të mira dhe une po punoj në Zvicër e kështu me radhë...! Kam edhe raste tjera të njerëzve të besimit islam por unë mora një shembull nga një besimtar i perkatësisë time fetare.


Më duket se e zgjata pakëz, por ajo se dua me e thënë ështe; pa dallim feje në këtë rast, se na shqiptarët (por jo edhe të gjithë), flasim shumë për fe, edhe fëmia i vogël e din se qka është katoliki dhe qka është muslimani, por në praktikë jemi shumë mrapa krahasim me dynjan tjetër. Dikujt i duket se është marë dhe i mjafton nëse vetëm din të falet apo të lutet, din të fal namazin apo din të bëjë kryq, por jemi shumë largë asaj që Zoti e kërkon prej nesh. Ndoshta nuk ju pelqen kjo thënje e imja por të pakten unë kështu po shoh këtu ku po jetoj.



Një dua ta themë dhe kjo ështe fillimi dhe mbarimi i fesë dhe bindjes time mbi Zotin: Jezus Krishti ka thënë " Nuk do të hyjë në mbrtetërinë e Hyjit ai i cili veq thotë o Zot o Zot, por ai i cili e kryen vullnetin e Atit tim", pra le ta dijmë dhe njëher e përgjithmonë, dhe të jemi sy qelë se nuk është feja ajo që përdorim në teori por ajo që zbatojmë në praktikë.


Edhe diçka desha të shtoj; sipas disa shkrimeve më naltë vërejta se Kryqi konka duke i penguar disa njerzëz!! Mua nuk më pëngon ndonjë simbol islam. Çuditëmi se përse ju pengon Kryqi? vallë përse e keni frikë Kryqin në këtë formë, a është kjo frikë nga Hyjnorja apo.....?

Mos të shitemi shumë fetar sepse në vepra shihet feja jonë; "Pema nihet prej frytit të vet"!


Pershëndetje të përzemërta nga
toni77

[Toro]

Une nuk e kuptoj se si mund te provokohet dikush nga simboli fetar i dikujt tjetri....Zoteria mos eshte valle gje nga Arabia Saudite e nuk ka pare kurre kryq ne jeten e tij? A nuk jeton ne te njejtin fshat me te krishteret? Nje kishe komplet nuk e provokoka, nje kryq ne maje te kodres e "provokoka"? Kaq persa i perket pseudoprovokimeve.

Parimisht, deri diku ka te drejte nese me te vertete pasuria ( prona) ku eshte vendosur kryqi eshte publike. Shteti eshte laik dhe i ndare nga feja , dhe te gjitha fete jane te barabarta...Keshtu qe dhe vendosja e simboleve fetare ne prona publike duhet te evitohet....

Nga ana tjeter, edhe sheshi Skenderbej ne mes te Tiranes vend publik eshte...Po megjithate e degjon kengen e hoxhes ( madje te vene ne altoparlant)....Cfare duhet te bejme tani ? Ti presim koken hoxhes se i prishet terezia ndonji te krishteri a ateisti? Me te tilla budallalliqe kane filluar te merren fetaret ( te cfaredo feje) tani?

Te tilla gjera , per mendimin tim jane vogelsira, "te qara kalamajsh te llastuar"....

[DeuS]

Nuk me lejoka forumi mer Toro djali, se u dashkan spread some around (around vec llufa me tonelate) ...

[forum126]

Sipas Arqipeshkvit, Imzot Rrok Mirdita, simbolet fetare nuk duhet të vendosen pa kriter

Komuniteti Musliman, të hiqen kryqet në Bushat


B.Prifti

Kryetari i Komunitetit Musliman Shqiptar, Selim Muça ka kërkuar heqjen e menjëhershme të kryqeve të vendosura në një kodër në Bushat të Shkodrës. Sipas tij, veprime të tilla mund të bëhen shkak për prishjen e harmonisë dhe tolerancës fetare që ka vendi ynë. “Simbolet fetare kanë vendin e tyre ku duhet të vendosen. Mendoj se veprime të tilla duhet të frenohen e të parandalohen në kohë. As bashkitë e as komunat, nuk duhet të lejojnë vendosjen e simboleve në vende të tilla”- deklaroi Muça dje, pas ceremonisë së organizuar nga bashkia e Tiranës, për dhënien e titullit “Qytetar Nderi” për krerët e 4 komuniteteve fetare në vend. Sipas Muçës, ndalimi i veprimeve të tilla duhet bërë në kohë, pasi mund të shkaktohet irritim dhe karshillëk tek besimtarët. Ndërkaq, sipas Arqipeshkvit të Metropolit Tiranë-Durrës, Imzot Rrok Mirditës, harmoninë fetare nuk e përbëjnë disa segmente. “Këto janë dukuri që kanë ndodhur edhe më parë, por janë marrë me mirëkuptim, pasi nuk imponojnë një përkatësi fetare të dominojë një tjetër”- deklaroi ai, duke shtuar se ndan mendim të njëjtë me Muçën, për vendosjen e simboleve fetare. “Natyrisht, nuk jam për vendosjen pa kriter të simboleve fetare. Ne nuk i inkurajojmë këto. Besimin tonë ne e shfaqim përmes veprave tona, me paqen dashurinë dhe mirëkuptimin”- tha më tej ai, duke shtuar se është kundër vendosjes pa kurrfarë kriteri, kudo që t’i bjerë ndërmend dikujt. Debati nisi dy ditë më parë kur Myftinia e Shkodrës, reagoi kundër vendosjes së kryqeve në vende publike në Shkodër, ndërsa Arqipeshkvia deklaroi se, nuk kishte dijeni se kush i kishte vendosur.
Titulli
Krerët e 4 komuniteteve fetare në vend, janë nderuar dje nga Bashkia e Tiranës me titullin “Qytetar Nderi”. Kryebashkiaku Edi Rama u dorëzoi nga një pllakë simbolike për këtë çmim, ish-Kryetarit të Komunitetit Musliman, Haxhi Hafiz Sabri Koçit (pas vdekjes), Kryepeshkopit të Tiranës, Durrësit dhe gjithë Shqipërisë, Prof.Dr. Anastas Janullatos, Arqipeshkvit të Metropolit Tiranë-Durrës, Imzot Rrok Mirditës dhe Kryetarit të Komunitetit Bektashian, Baba Reshat Bardhit. Vendimi për nderimin e këtyre katër personaliteteve të klerit shqiptar, është marrë nga Këshilli Bashkiak i Tiranës që në shtator të këtij viti, me motivacionin: Për ndihmesën e vyer e me vlera në ripërtëritjen e Komunitetit që drejton, ndërtimin e objekteve të kultit të dëmtuara gjatë viteve të sistemit komunist ndaj objekteve fetare, rikthimin e besimit në mbarë vendin, si dhe për rolin shumë të rëndësishëm në organizimet shoqërore të qytetit ku janë shquar për tolerancë fetare, bashkëpunim ndërfetar dhe publik, për ndihmë humanitare ashtu edhe për kapërcimin me urtësi të situatave të vështira politike.“Ky nderim është një nderim sigurisht, për këta katër njerëz, por është edhe një përpjekje e Këshillit Bashkiak të Tiranës për të nënvizuar këtë vlerë të paçmuar, të cilën ashtu sikundër Komuniteti Musliman po e ruan dhe e nderon në kujtimin e Hafiz Sabri Koçit, patjetër që ashtu do ta ruajnë edhe komunitetet e tjera, pasi fara që kanë rimbjellë Fortlumturia e Tij, Janullatosi, Monsinjor Rrok Mirdita apo Kryegjyshi Reshat Bardhi, është një farë e shëndetshme, e cila do të vazhdojë të kultivojë në Shqipëri një pemë ku degët e ndryshme të besimit, do ta kenë rrënjën në të njëjtin vend: tek dashuria për njeriun dhe tek shpresa për një botë më të mirë”- tha Rama.





24/12/2005
KATEGORIA: Sociale


http://www.shekulli.com.al/index.php...fadf8e8da3dcfe

[toni77_toni]

Pse ju pengon Kryqi?

Është kjo nga Hyjnorja apo....?!


Ajo qe un dua të them mbi Kryqin është se Kryqi duhet të perqafohet dhe të perjetohet nga secili i krishter, është pjesë e pandashme e besimit. Kryqi është një ndër arsyet kryesore të ardhjes dhe mishërimit të Hyjit në njeri.


E dyta: Kryqi është thuaja se arma kryesotre që na ka vesh Krishti, pra është forma e shktarrimit të mishit ku nepërsëcilës shkatërrohet armiku i jonë, armiku është fryma e ndytë e cila bënë pjesë në mishin tone. Në shumë rastë edhe nuk mund të kuptohet Kryqi, mbi Kryqin dhe me Kryqin nuk ka edhe fillozofi, por nga besimtari i vërtetë vetëm duhet të përjetohet.


Ka disa lloje dhe menyra të perjetimit te Kryqit. Nje nga keto është (agjerimi, agripnia, kreshma, lutja, sakrificat të ndryshem e kështu me radhë) por të gjitha vetëm në emër të Krishtit. Një ndër to është edhe objekti Kryq, mbajtja e Kryqit në qafë, shtëpi, auto por edhe në rrugë, edhe në vende të ndryshme vendosët Kryqi. Edhe kjo është mënyrë e perjetimit. Pra të krishterët përpos që është simbol i tyre, kan edhe shumë arsye të tjera për këtë, sepse:

Kryqi ishte parathënje në shkrime të perparme!

Jezusin e denuan; varje ne një kryq dhe nuk e vranë me gurë apo me diçka tjetër!

Jezusi tha nxënësve të vet qe te marrim kryqin e tij dhe të ndjekin atë. Ai nuk tha të mos e marrin Kryqi apo të mbyllin në një vend të pa pashëm, por tha të marrin Kryqin dhe t'më njekin!

Kryqi është takim dhe perplotësimi i vertikalës (Hyji) dhe horizentales (njeriu)!



Kryqi është i Shenjët për Krishtërizmin dhe sipas ligjeve nderkombëtare ai nuk mund të pengohet. Vetëm mund të urrehet dhe të përfolet!

Së fundi; Kryqi është zgjedhje me vullnet të lirë, duhet kuptuar mirë se ai është mjet vdekje por nga ana e tjetër është fitore-ngadhnjim nga vdekja. Kryqi duhet të vendoset në bazë të kriterëve. Asesi nuk duhet përdorur për objekt marketingu në forma të ndryshme por asesi nuk bënë të jetë objekt i urrejtur dhe i merzitshëm nga të tjerët, sepse, të dya këto jan vetëm nga djalli!


toni77

[ORIONI]

E para besimi ndodhet ne zemer dhe nuk varet ne qafe ose ndertohet rrugeve.Mynyra e vendosjes se kryqeve rrugeve dhe ne maje te kodrave eshte per mua me shume me sens politiko-propgandistik se sa e nje riti fetar.

Shqiptaret nuk e kane pasur zakon ti vendosin kryqet ne maje te maleve per ti indetifikuar qytetet poshte tyre me varreza masive.

Pikerisht kjo eshte shqetesuese per cdo besimtar .Vendosja e kryqeve ne vende publike kur keto vende frekuentohen nga muslimane , ateiste dhe te krishtere.Pikerisht kjo sjell reagim.Nese kryqi do vendosej tek nje kishe askujt sdo i kishte lindur nevoja per reagim.Pra i gjithe problemi eshte zenia e hapesirave publike me objekte fetare kur keto hapesira i perkasin jo vetem besimtareve kristiane por dhe atyre muslimane.

Si do i vinte nje kristiani ku muslimanet te ndertonin ne maje te nje kodre nje minare apo nje shenje Islame.Kjo per mua eshte non-sens dhe i perngjat me shume metodave te slloganeve te partise ku ne cdo vend duhej te shkruhej me shkronja dhe simbole per te dashuren parti dhe shokun Enver.Propaganda me simbole eshte e varfer si propagande kurse ideologjia eshte mjeti me efikas per ti sunduar shpirtat.Ne momentin ku mungon ideologjia ajo ia le vendin simboleve qe nuk bejne gje tjeter vetem se lejne tek njerzit vetem konfigurime vizive dhe aspak ndjenja, moral, besim etj.Pra do te ishte mire qe ne si njerez te gjykonim drejte dhe ti jepnim perparesi ndertimit te shpirtit njerzor me cilesi dhe atribute te larta morale fetare sesa te ndertojme objekte te cilat nuk lene asnje gjurme per ndryshimin e njeriut.Kryqi eshte simbol dhe send dhe ai nuk percon tek njerzit vetem se mesazhin e nje figure gjiometrike e cila perfaqeson besimin krishter.Ai nuk e meson njeriu se cfare duhet te punoje dhe te dije ne lidhje me besimin.Eshte tamam sikur ne majet e kodrave te vendosnim tituj librash ose kapaket e tyre.Lereni natyren te deshmoj me bukurine e saj se ka nje Zot te vetem dhe se Krijesat jane roberit e Tij.


Bashkohem ploteishst me analizen e Myftiut te Elbasanit

[Legjion]

Ç'lidhje kanë këto me tolerancën e mirëkuptimin fetar o popull! Këtu shkelet ligji i shtetit (kujt shteti t'mthoni, po nejse).

Të marrë një avokat myftinia e Shkodrës dhe të hedhë përgjegjësit në gjyq, për veprim antikushtetues shkelje të nenit 11 pika 2, parashikuar në kodin penal neni 199 dhe 200 dhe gjobë ose gjashtë muaj deri 2 vjet burgim. Prona publike administrohet nga shteti që nuk favorizon asnjë fe siç këto parashikohen në kushtetutë, 6 pikat e nenit 10.

Nesër po dal unë nga kodrat e liqenit e të ngre ca yje davidiane. Hajde rrumpalla hajde.

[toni77_toni]

Ç'lidhje kanë këto me tolerancën e mirëkuptimin fetar o popull! Këtu shkelet ligji i shtetit (kujt shteti t'mthoni, po nejse).

Të marrë një avokat myftinia e Shkodrës dhe të hedhë përgjegjësit në gjyq, për veprim antikushtetues shkelje të nenit 11 pika 2, parashikuar në kodin penal neni 199 dhe 200 dhe gjobë ose gjashtë muaj deri 2 vjet burgim. Prona publike administrohet nga shteti që nuk favorizon asnjë fe siç këto parashikohen në kushtetutë, 6 pikat e nenit 10.

Nesër po dal unë nga kodrat e liqenit e të ngre ca yje davidiane. Hajde rrumpalla hajde.

Pse nuk ngrehim zërin kundër bunkerave në breg të rrugëve?


Ti po fletë fjalë të mençur dhe me mend ore vëlla, por çka me i ba këti myftiut dhe kollan kosurit tjetër që po ngrehin zërin kaç shumë lidhur me këtë çèshtje, të betohna se nuk e kan këtë ulurimë per arsye të pengimit të prones publike dhe as per arsye të dëmtimit të hapsirër, por kjo që i mundon është Kryqi, në kohen e fundit, gjithçka lidhet me kryqin ka fillue ti trazon dhe të jetë pengesë për disa grupe të caktuara.


Në këkë temë unë kam shkruar dy shkrime, un kam dhënë mendimin tim lidhur me këtë çështje, poe perseris se duhet të ketë kriter, por, që tani pasi lexova këtë shkrim me lindi kjo pytje:


Pse askush nga këta myfti dhe kollan kusurat të tjerë që po uluritin kaq shumë kundër Kryqit, nuk e ngritë zërin për të larguar qindra bunkera bregu të rrugës deri edhe në thellsi të qytetit, bunkera këta tash edhe të çoroditur dhe në shumë raste përdoren edhe WC? Vallë a është kjo një argument se këta njerzëz nuk është duke i penguar arsyeja e hapsirës dhe zbukurimit hapsinor por është vet Kryqi ai që vërtetë i pengon!



Lereni ore vëlla, rroki me ndonjë punë më të mençur dhe më orgjente për dobi të popullit dhe kultures tonë e mos t'ju del kaq punë me Kryqin e Krishtit që s'është pengesë e askujtë tjetër përpos e djallit!


toni77

[buki19]

Ok toni,ki te drejt deri diku,mirepo pejsazhi disi po duket si ne skenat rrenqethese ne filmin per Spartakun kur jan gozhduar 6000 gladiator, prej Romes e deri ne Kapua.Mandej eshte edhe problemi i qeneve te cilet i perdorin keto "shtylla" per te shenuar teritorin e vet duke urinuar ne to,e kjo pa dyshim eshte perdhosje dhe blasfemi e kryqit te shenjte.
Toni,sikur kryqi do te ishte pengese kunder djallit, si thua ti, beso, s'do te kishte vend ne toke pa ndonje kryq.
Sa i perket bunkereve,"pak" eshte problem per ti shkulur nga toka dhe eshte nje pune e kushtueshme per ekonomine e vendit.

ps.urime festen

[ORIONI]

Pse nuk ngrehim zërin kundër bunkerave në breg të rrugëve?

Bunkeret nuk jane objekte te ndertuara pa leje kurse kryqet po.Bunkeret i ndertoi shteti per interes te pergjithshem te gjithe shqiptareve kurse kryqet perfaqesojne vetem nje pjese te shqiptareve.Nuk dua ti hy debatit ne vleshmerine e bunkereve.Ajo qe e kam sqaruar dhe me lart eshte se ambienti publik i cili i perket muslimaneve dhe krishtereve bashke sduhet te behet pjese e planit per pushtim me ane te kryqeve prej hekri.Nese dikush deshiron te ndertoje ndonje figure gjometrike le ta beje ne ambiente jopublike ose ne pronat qe ju perkasin atyre.

Nese do te vi ty neser nje njeri dhe perballe shtepise tende te ndertoje nje minare ne mes te rruges ose buze te rruges pa asnje kriter ligjor dhe duke shkelur mbi pronen e pergjithshme per interesa vetjake si do te thoje.

Askush nuk ka frike prej kryqeve se ato jane vetem copa hekuri dhe figura gjometrike mos kujto se muslimanet e kane frike kryqin.Muslimanet kane frike vetem Zotin dhe asgje tjeter.Per to kryqi nuk eshte Zot dhe skane pse i frikesohen.Edhe Jezusin e nderojne duke e quajtur profete te larte dhe duke e larguar nga shpifjet ose mallkimet e dikujt.

Pikerisht kete duhet ta keni qarte ju kristianet se muslimanet nuk i tremben kryqit duke qene se ai s'perfaqeson dicka hyjnore,porse ne deshirojme qe ne pronat dhe ambientet publike mos te pushtohen me simbole qe i perkasin nje religjoni te vetem nderkohe qe keto prona jane te te gjitheve.Besoj se je i qarte per kete.

Mos u bej si "ato" qe kur muslimanet shpiken oren me sahat i tundnin tymin e temjanit per te larguar djallin.

Lereni ore vëlla, rroki me ndonjë punë më të mençur dhe më orgjente për dobi të popullit dhe kultures tonë e mos t'ju del kaq punë me Kryqin e Krishtit që s'është pengesë e askujtë tjetër përpos e djallit!

Djalli nuk perzihet me Monoteizmin ai eshte mik i ngushte i paganeve dhe politesiteve, i fton ato ne adhurimet e krijesave dhe shenjterimin e tyre dhe i largon nga besimi i nje Zoti te vetem.Djalli eshte armik i Zotit dhe miku i politeisteve dhe paganeve te cilet adhurojne ne vend te Zotit, idhuj, simbole, njerez, kafshe, shtete,planete, materien monetare dhe fizike etj