Klonimi
Tregimi
Nje femije i vogel per here te pare vjen me prinderit ne stan (edhe ata qe nuk kane kaluar asnje nate ne stan, besoj se e din cka eshte). Eshte pranvere e hershme dhe neteve ende ben ftohte, andaj, babai dheze zjarrin ne oxhak. Gjuhet e flakes levizin neper “eter” duke krijuar nje valle te cuditshme te hijeve neper muret me gure te stanit. I magjepsur me kete valle, femija orvatet ta kap flaken me mendimin se ne kete menyre do te arrije ta kontrolloj edhe vallen e hijeve. I ati e veren kete dhe e ndalon ate duke i treguar se “ajo te djeg”. Magjepsja me hijen eshte teper e madhe dhe femija here pas here prape orvatet te kap flaken dhe i ati duhet te beje roje tere naten derisa ate e ze gjumi.
Ne nje stan tjeter – i ati nuk arrine ta ndaloj femijen menjehere dhe ai arrine te “kap” flaken. Dhimbja nga djegeja ishte aq e madhe sa ata u deshen te zbresin ne “civilizim” per te kerkuar ndihme mjekesore.
Ne nje kasolle tjeter – nje vogelush tjeter nuk u mjaftua te kapte flaken por e kapi nje cope druri me qellim qe ta “merr vallen me vete”. Nga nxehtesia, ai e leshoi drurin, mirepo, ai ra ne kashte dhe e dogji tere kasollen. Zgjidhni vet nese njerezit shpetuan apo flaka i kapi ne gjume.

Qellimi
Jemi ne mileniumin e trete kur ceshtje te renda shkencore nuk jane me te rezervuara per institute dhe akademi por me to merren bile edhe amviset neper shtepia duke shikuar “telenovela”.
Nje telenovele e tille me numer bukur te madh te shikuesve ishte edhe “Kloni”. Se pari ne RTV21, pastaj edhe ne TOP Chanel.
Ne boten ku ka me teper para per te shpenzuar per “kenaqesine” e publikut, problematika e klonimit eshte shtjelluar ne detaje me te thella, jo vetem ne aspektin medial/filmik por edhe ne ate moral/social, etj.
Klonimi u zhvillua si ide fillimisht ne nivelin qelizor, pastaj, fale shumimit te shpejte te tyre, edhe ne disa specie shtazore (minjte, gjiret, etj.) me qellim te studimit te semundjeve dhe gjetjes se sherimit (mjekimit) per keto semundje.
Mirepo, kersheria njerezore nuk u mjaftua me kaq – kete ide me ngadale e kaluan edhe ne shtazet me te “persosura”, por me shumim me te ngadalshem. Rrjedhimisht, nuk u mjaftonte koha qe te prisnin me nga 50-100 gjenerata per te fituar pjesetare identike te te njejtes specie. Rrjedhimisht, hulumtuan menyra te reja te “kalimit te vetive nga nje qenie ne tjetren” dhe arriten deri tek delja DOLLY.
Jo qe jam ndonje besimtar i “vijes se forte”, por, kjo pune me duket si “perzierje e kompetencave”, prekje ne “pemen e ndaluar”. Hera e fundit qe qeniet njerezore e bene kete – e nxorri llojin tone nga parajsa (keshtu eshte mendimi i pergjithshem mbi Adamin/Ademin a.s. dhe Even/Haven a.s.). Cka do te ndodhe kesaj radhe? U mendoj se qeniet njerezore jo qe nuk jane tani te gatshme te kontrollojne “vallen” e hijeve te flakes, por nuk do te arrijne ne kete nivel kurre. Qarte se e gjithe kjo puna e klonimit eshte nisur me “qellim te mire” te studimit te semundjeve dhe gjetjes “ilacit” per to. Edhe Alfred Nobel fillimisht mendoi se dinamiti do ta ndihmonte njerezimit, por u deshperua shume shpejte. Ne fakt, ai as nuk ka mundur te paramendoj se dinamiti vetem do te jete udherrefyes per gjera shume me te tmerrshme (Hiroshima, Nagasaki,...).

Per momentin, shkencat mjekesore ende jane ne shkallen qe kloni te jete “nje gjenerate me i ri” se paraardhesi. Por, ne kushtet e sotme, nje zog i sapocelur arrine te behet pule prej gati 1 kg vetem brenda 40 diteve dhe eshte e qarte se edhe kalimi i kesaj barriere eshte vetem ceshtje kohe.

T’i kthehemi tregimit
Pse stani/kasollja? Sepse, ne shkallen e zhvillimit te mundshem, mendja e njeriut ende eshte ne nivelin e atij femiut (ende, njeriu shfrytezon me pak se 10% te trurit), ndersa, brishtesia e kasolles se drunjte me se miri i pergjigjet brishtesise se natyres njerezore.
A eshte njeriu i afte te kontrolloj “vallen e hijeve te flakes”?
Tani, paramendoni keto skenare:
Paramendoni nje te pasur narcisoid, aq te dashuruar ne vete saqe vendos kete edhe ta realizoj – ta beje nje kopje te vetes per ta dashuruar.
Paramendoni nje Hitler te ri, te cilit nuk do t’i nevojitej as dr. Josef Mengeleja as Eva Braun, sepse, do ta klononte veten, por, me nje nderrim gjinie dhe do ta krijonte nje Hitler ne trupin e nje femre per te krijuar “racen superiore”.
Paramendoni nje Jack the Ripper, apo nje dr. Hanibal Lecter, nje Stalin, nje Millosheviq, nje Bin Laden, nje kushdoqofte me mjafte para dhe/apo fuqi per te pasur ne posedim nje teknologji te tille?
A mund te arsyetohet nje e ardhme e tille me “perfitimet” e vogla ne trajten e barerave qe do te sheronin disa semundje? Apo, a mund te arsyetohen te gjitha lufterat qe jane bere ne shekullin e XX me “perfitimet” qe rrjedhin nga “Cmimi Nobel”?
A do te sjelle kjo fundin e botes apo vetem fundin e njerezimit?

Cka do te ndodhe kur “klonet” e reja te arrijne te kene vetedijen e vete? Sepse, per dallim nga robotet, te paret patjeter se do te kene vetedijen dhe inteligjencen (tek e fundit, pikerisht per kete edhe do te behej shumezimi i tyre ne keto rastet e fundit). Nese do ta bente dikush klonin e vetes, a do te duhej t’ia bente klonit nje grua per vete apo ta ndante ate te paren? Po femijet, po jeta? Keni pare filmin “Multiplicity” me Michael Keaton dhe Andie McDowell.
Perfundimisht, si do ta dinte njeriu per vete se eshte “i vertete” apo eshte klon? Apo sikur Shwartzeneger ne filmin “The Sixth Day” do te bente nje lufte te tere per te shpetuar familjen, vetem per te kuptuar se ajo familje nuk eshte e tij, se ai eshte kloni i dikujt tjeter. Per me teper, as ai dikushi nuk kishte idene per ekzistimin e klonit – klonimin e kishte bere dikush i trete pa vullnetin e individit. A do te guxonit te jepnit nje pike gjak (se mos lexoni per veprimet tuaja ne gazete, pa pasur idene per to)? A do te guxonit te vendosni ato elektrodat e EEG-se ne koke (se mos ua vjedhin kujtimet dhe ia fusin ndonje krijese “amorfe”)?
Pershendetje