Jetesa në qytetin Studenti

[White_Angel]

“Living in Qyteti Studenti”



- Si jetojnë mbi 7 000 të rinj në qytetin më të zhurmshëm të Shqipërisë. Sa shpenzojnë dhe për çfarë i prishin paratë. Magjia dhe ngopja e QS –së për të gjithë. Që nga studentët e viteve të para e deri për ata që ndërkaq janë diplomuar.

Nga Elda Spaho (Bleta)

Kur i ati i la 30 mijë lekë të reja në dorë, para se të kthehej në Kukës, ajo ishte ndier përnjëmend e pasur. Kurrë nuk kishte pasur aq para në duar, vetëm për vete. Por tani, si kanë kaluar javët e para në konviktin e Qytetit Studenti në Tiranë, Enkelejda, një studente e vitit të parë, është bindur se nuk i ka bërë edhe aq mirë llogaritë. Ato 30 mijë lekë janë duke u mbaruar, në një kohë që duhej t'i dilnin deri në dhjetor. Kur, me nisjen e pushimeve të Vitit të Ri, ajo do të kthehej në shtëpi. Për t'u çmallur me familjen dhe … për t'u furnizuar me para.

“S'ma merrte mendja që Tirana të ishte kaq e shtrenjtë. Në Kukës kushedi sa gjëra do të kisha bërë me paratë që kam shpenzuar këtu për 3 javë”,-thotë 19-vjeçarja duke u skuqur në fytyrë. Në të vërtetë, këtu në Tiranë me pjesën më të madhe të parave ka blerë vetëm librat dhe disa veshje. Me zellin e studentit rishtar, ajo ka harxhuar 8 500 lekë të reja vetëm për literaturën e vitit të parë (studion për ekonomik), për dosje, fletore shënimesh. Pastaj ka blerë edhe ca rroba. Është vajzë e re dhe Tirana e ka çorientuar me veshjet që bien në sy.

“Para se të nisesha për këtu, prindërit më blenë plot rroba në Kukës, por tani më duket se asnjëra prej tyre nuk përshtatet me Qytetin Studenti”,-thotë ajo duke folur në dialekt. Enkelejda përjeton as më shumë as më pak të njëjtën tronditje të ëmbël dhe të thartë që u shkakton ky qytet brenda kryeqytetit shumicës së studentëve të vitit të parë, të ardhur nga rrethet e largëta. Po ajo dëshirë për t'u përshtatur e po ajo pamundësi. Por edhe po ajo çudi. “Ajo që më habit më shumë janë të rinjtë që puthen ngado, si pa të keq. Nuk bën kështu, nuk është mirë. Unë nuk do ta bëja kurrë”,-thotë ajo me një siguri që shumë shpejt do të shkërmoqet. Mjafton të qëndrojë edhe ca kohë aty.

***

Nëse vetë kryeqyteti është i shtrenjtë, Qyteti Studenti ku jeton prej 3 javësh kuksiania, është edhe më i shtrenjtë. E ta mendosh që akoma nuk ka filluar nga tualeti, nga i kuqi i buzëve, nga bluzat që s'munden të vishen dy ditë radhazi … Ajo akoma nuk i di këto, por i ka nuhatur. Dhe atëherë do ta kuptojë vërtet se sa i shtrenjtë është Qyteti Studenti.

“Duket sikur këtu gjithçka të shtyn të prishësh para. Del me shoqet dhe dikush të fton për kafe, nuk ke si t'ia prishësh. Dikur do t'ia kthesh edhe ti atë kafe…që nuk është thuajse kurrë kafe, por ndonjë pije tjetër. Ulesh në stolat para konviktit dhe rrobat që ke veshur në trup të duken gjithnjë të vjetruara. Ka kaq shumë të rinj të veshur bukur këtu, saqë të duket vetja gjithnjë jashtë mode, kështu që detyrohesh të blesh sërish këpucë, edhe pse i ke blerë një palë para ca javësh”,-tregon Klodi, studentet e vitit të dytë. Megjithëse e ka kaluar pak atë ndjenjën e inferioritetit që e kanë aq të fortë studentët e vitit të parë dhe është veshur bukur, vajza nga Lushnja duket akoma e pakënaqur.

Tashmë dihet: studentët u kushtojnë shumë prindërve të tyre, sidomos kur jetojnë në kryeqytet. Iku njëherë e mirë ajo kohë kur të rinjtë e universiteteve harxhonin para vetëm për libra e për ndonjë biletë të rrallë kinemaje. Iku ajo kohë kur studentët shisnin latat e mensës për të blerë libra artistikë, kur e harxhonin tërë bursën vetëm për literaturën… e për ndonjë pallto të re, prerë sipas modës. Tani palltot e reja ndjekin njëra-tjetrën, kurse librat blihen në grupe. Një tekst libri , tre shoqe, një leksion i fotokopjuar për të gjithë shokët e dhomës në konvikt. Kështu ndodh në përgjithësi, por nuk mungojnë studentët që i shpërfillin të gjitha këto dhe shkojnë në ekstrem, ngaqë duan vetë ose ngaqë janë të detyruar: vetëm libra dhe ushqim. “Të dy prindërit e mi janë pa punë. Vetëm vëllai im i madh, Alqi, punon në Greqi dhe dërgon para për të gjithë familjen. Me ato para më dërguan edhe mua student. Harxhoj 10 mijë lekë të reja në muaj, që për familjen time është goxha shumë. Ata nuk e dinë se unë mezi ia dal…se ha vetëm dy vakte dhe se u shmangem shokëve kur më ftojnë për një kafe. Por nuk më vjen turp, në fund të fundit të pasurit pak lekë në duar më ka shtyrë të mos e humbas përqendrimin”,-thotë Rigelsi, nga një fshat i Korçës, student i letërsisë. Shton se ka nota të mira, nga më të mirat në kurs dhe se mezi pret të fillojë një punë. “Po kërkoj të punoj si kamerier, ky është profesioni më i shpeshtë për studentët që ende nuk janë diplomuar. Jam thjesht duke pritur sa të përcaktohen saktësisht oraret në fakultet, dhe pastaj do të punësohem”. E di që nuk do të jetë e lehtë, se do t'i duhet të flejë vonë dhe të çohet herët për t'i hedhur një sy leksioneve para se të shkojë në auditor, por është gati të bëjë provën e madhe: t'i nxjerrë vetë paratë që shpenzon.

Nëse për vajzat tualeti dhe rrobat ngelen shpenzimi më i madh i muajit, për djemtë ky është ushqimi. Shumicës së tyre nuk u jepet fare për të gatuar, por edhe sikur të ishte ndryshe, në konvikt të ikën dëshira. “Po gatove vetë në dhomë, duhet të bësh pazar dhe të lash enët. Kështu që ne i biem shkurt: hamë në mensë. Kujtohemi për të zierë ndonjë pjatë makarona vetëm kur na mbarohen paratë dhe s'kemi nga t'ia mbajmë”,-thotë Endriti, që studion për mjekësi.

Një student harxhon mesatarisht 3 000 lekë të vjetra në ditë për dy vakte ushqim në mensë, kurse vajzat jo kaq shumë. Për dy arsye: ngaqë hanë më pak dhe ngaqë gatuajnë më me qejf se djemtë. “Ne jemi katër shoqe në dhomë dhe kemi vendosur prej kohësh të gatuajmë të gjitha bashkë. Njëherë në katër ditë, njërës prej nesh i takon radha dhe kjo jo vetëm nuk na merr kohë, por na bën të kursejmë shumë para. Secila prej nesh nuk harxhon më shumë se 25 mijë lekë të vjetra në muaj”,-tregon Ina që jeton në konviktin 25, aty ku gëlojnë zërat e dhjetëra studentëve të gjuhë-letërsisë dhe gazetarisë. Ka ditë që edhe ato shkojnë në mensë, sidomos për drekë, kur kthehen vonë nga fakulteti e nuk u ka dalë koha të gatuajnë që në darkë. Por këto janë raste të rralla, shumica e studenteve gatuajnë nëpër dhomat e tyre e ushqehen me çantat që u dërgon gjithë merak familja.

***

Kur shkeli për herë të parë në Qytetin Studenti, dy vjet më parë, Lindita Leskut i kishin bërë shumë përshtypje sidomos turmat me të rinj që vërtiteshin nëpër kafenetë e atyre pak metrave katrorë. Dhe që tani janë shtuar edhe më shumë. Në çdo hap një tabelë lokali, dyqani të shtrenjtë, internet-kafeje, parukerie, i fton të rinjtë të shpenzojnë sa më shumë para. Dhe ata i shpenzojnë ato, pak ose shumë, s'ka rëndësi. Studentët shpenzojnë për frymë më shumë para se pjesa dërrmuese e popullsisë në Shqipëri. Këtë e di mirë jo vetëm një pronar lokali, por edhe ai i një tezge të vogël në Qytetin Studenti: këtu shitet gjithçka. Më shumë se 7 mijë të rinj duan të hanë, të vishen, të pinë cigare e të luajnë country-strike brenda pak metrash katrorë.

Çohen në mëngjes dhe nxitojnë për në fakultet, për të kapur orët e para …ose të dyta, pastaj një kafe e zgjatur derisa “pedagogut që mungon” t'i kalojnë orët, pastaj një kthim tjetër në auditor për të fundmet orë, dreka. Në orët e vona të pasdites, Qyteti Studenti nuk është më i zhurmshëm sa në ato të mëngjesit, por mos u gënjeni. Tollovia e vërtetë fillon pasi ka rënë muzgu. Atëherë është edhe koha për kafen e madhe, për tualetin e rëndë dhe për takimet me shokët ose të dashurin. “Janë orët më të zhurmshme të ditës, është e kotë të përpiqesh të mësosh. Hyrje daljet e shpeshta nëpër dhoma, përplasjet e dyerve, fqinja që troket pareshtur për të të marrë hekurin e rrobave apo parfumin që sapo ke blerë, nuk të lënë kohë për asgjë.
Në fillim bezdisesha, por tani që jam në vit të dytë , jam mësuar”,-thotë Lindita që shton se pikërisht për këtë lloj jete të zhurmshme e mori shumë malli kur u kthye në verë në shtëpi, në një fshat të Fierit. Sado që të rrudhësh buzët, Qyteti Studenti e ka të fortë magjinë, joshjen për të jetuar mes të rinjve. Kaq të fortë saqë edhe shumë prej studentëve të diplomuar nuk i shqiten dot, këtu kanë shumicën e shoqërisë e ndonjëherë edhe punën. Është pikërisht kjo dorë e mirë të rinjsh të sapo diplomuar klientela më e mirë e pronarëve të shtëpive me qera që rrethojnë Qytetin e vogël të studentëve apo edhe dyqaneve. Të pavarur dhe të punësuar, ata shpenzojnë më shumë se studentët. “Harxhoj shumë, sa para të kem në duar, herë 300 000 e herë 400 000 lekë të vjetra në muaj. Një pjesë e mirë e tyre shkon për qeranë e shtëpisë, pastaj 70-100 000 lekë i shpenzoj për rroba, tualet. Kafet dhe ushqimi, edhe ato më marrin një pjesë të të ardhurave”,-tregon Alda nga Pogradeci, që është diplomuar për anglisht e është punësuar prej një viti në një studio përkthimi aty në Qytetin Studenti.

***

Nëse ka nga ata që të jetuarin në QS (kështu i thërrasin mes tyre Qytetit Studenti të rinjtë që banojnë aty) e pëlqejnë aq shumë sa nuk do ta ndërronin me asgjë, ka edhe nga ata që qyteti i vogël ua ka sjellë në majë të hundës me zhurmën dhe çmimet e larta. Ardita është larguar vetëm para pak muajsh prej tij, e vendosur që të mos kthehet më, në mos e sjelltë jeta rastësisht. “Mendoj që është mirë të jetosh në Q.S për aq kohë sa zgjasin studimet. Por jo më shumë. Në këto 5 vjet që unë jetova këtu, (ajo është diplomuar për informatikë) i provova të gjitha, në kuptimin e mirë të fjalës. Provova të jetoj e lirë, pa familjen pranë, vetëm me shoqet e mia, vetëm për shkollën, pa e vrarë mendjen për gjë tjetër.
Por tani që studimet mbaruan, ky qytet më duket kaq i lodhshëm saqë nuk e besoj që ia kam dalë të jetoj kaq gjatë këtu. Tani kam një punë dhe kam nevojë për qetësi. Kam nevojë për një shtëpi me dush dhe drita dhe jo për një konvikt ku mbahet radha për të bërë një banjë”. Ardita ka ardhur kalimthi në QS, sa për të takuar një shoqe dhe thotë e bindur se të jetosh në këtë qytet të vogël nuk është aq romantike sa u duket të tjerëve. Dhe në të vërtetë kështu është. Në QS një kilogram mollë kushton sa në marketet e Bllokut, një bluzë po ashtu. Në shumicën e godinave uji ikën e vjen pa pyetur për orarin e leksioneve apo të seminareve, shkallët dhe oborri poshtë dritares tënde janë thuajse gjithnjë me njerëz që u pëlqen të thërrasin kur ty të flihet…”Gjithsesi është mirë ta provosh, është mirë të jetosh disa vjet në Qytetin Studenti, është mënyra më e mirë për të zënë shokë të vërtetë dhe për t'u velur nga zhurma”,-përfundon gjithë shpoti Ardita.

“Po gatove vetë në dhomë, duhet të bësh pazar dhe të lash enët. Kështu që ne i biem shkurt: hamë në mensë. Kujtohemi për të zierë ndonjë pjatë makarona vetëm kur na mbarohen paratë dhe s'kemi nga t'ia mbajmë”,-thotë Endriti, që studion për mjekësi.

Studentët shpenzojnë për frymë më shumë para se pjesa dërrmuese e popullsisë në Shqipëri. Këtë e di mirë jo vetëm një pronar lokali, por edhe ai i një tezge të vogël në Qytetin Studenti: këtu shitet gjithçka. Më shumë se 7 mijë të rinj duan të hanë, të vishen, të pinë cigare e të luajnë country-strike brenda pak metrash katrorë.

“Harxhoj shumë, sa para të kem në duar, herë 300 000 e herë 400 000 lekë të vjetra në muaj. Një pjesë e mirë e tyre shkon për qeranë e shtëpisë, pastaj 70-100 000 lekë i shpenzoj për rroba, tualet. Kafet dhe ushqimi, edhe ato më marrin një pjesë të të ardhurave”,-tregon Alda nga Pogradeci, që është diplomuar për anglisht e është punësuar prej një viti në një studio përkthimi aty në Qytetin Studenti.

Magjisë së këtij të fundit e joshjes së Tiranës për të gjetur një vend pune të mirë nuk i shpëtoi as shoqja e saj, Evisa. E diplomuar para disa muajsh në Rumani për komunikim, 23-vjeçarja kaloi vetëm muajt e verës në Pogradec. Për të ardhur me vrap në Tiranë e për të zënë një punë. “Një punë çfarëdo tani për tani, derisa sa të punësohem në profesionin tim që më pëlqen shumë”,-thotë ajo.


Spekter.

[bija_e_detit]

huh mos o zot jeta ne shqiperi kur ske pare eshte ferr. nuk perballon dote asgje. mendo sa e trishtueshme eshte te jesh goce e re dhe mos te kesh pare te blesh nje bluze qe te pelqen, ti lyesh dhe rregullosh floket sic bejne ato femrat "moderne" qe ti i shikon shpesh te kalojne aty pari......... ehhhhhhh fuqia e madhe e parase lum kush e ka edhe mjer kush se ka........

[oiseau en vol]

Ehhhh... ç'na kujtuat ca vite dhe ju...

Me kujtuat latat, une kisha nje "mik" dhe gjeja lata per tek menca 7.3 (Ishte Shemi aty, Shemsija pra nga Dibra hahahahahaha)... Eh mire, desha te them qe per aq te rinj sa ç'ishim ne atehere, paraja ishte gje e madhe, mua me donin te gjithe se me rrinte xhepi plot atehere, dhe me therrisnin "çun pe beu"

Edhe do ti qe une kisha shume para por edhe nuk i kurseja per shoket... Dhe pastaj shoket thonin : More, ti megjithe mend je "çun pe beu" por je i mire bre, nuk je si ai i filmit "Toke e pergjakur"...

E keshtu, andej nga mesi i shkolles fillova te fitoj vete, dhe nuk merrja me ne shtepi. Se mos iu shkon mendja se beje pune te pista moj eeeeeeeeeej... Punoja moj, dilja turne neper Tirane, mbushja xhepat plot, as nuk i palosja aman, ashtu te zhubravitura i mbaja... Kam qene lojtar shume i mire, ne mos i shkelqyer ! Precizion llahtar ! E keshtu, ashtu siç i merrja, ashtu me iknin... Shoket betoheshin ne koken time...

Kaq koha e shkolles. Po do ti qe pastaj me iku fare shija e parase ? As qe me ben me pershtypje qe s'kam ndonje kacidhe, mjafton qe kam shendetin, mendte e kokes dhe zogezen ne krah, ja kaq eshte tejet e mjaftueshme per mua.

Une iu them atyre studenteve qe duan te nderrojne garderobat qe mos u merrni me budalliqe, e blah blah blah por vetem mesoni mire, dilni shkelqyeshem e pastaj do shihni qe paraja nuk ishte asgje ! Ushqeni mendjen, zemren, shpirtin dhe do te ndiheni plot. Kur barku merr frenat e jetes, ketu s'kemi gje ne vije...

Ju pershendet zogu qe rron vetem me ajer dhe me cicerima... ciuciu...

[PINK]

Si mund te shpenzosh 30 mije leke per muaj te tere ?
Tani vertet jetesa ka ndryshuar , kushtet , dhe kerkesat por 30 mije leke ne ditet e sotshme sjane asgje .

C'eshte kjo , vertet qe ka ikur koha kur studentet i " genjeje " me 500 leke .. lol
Sot dhe nje femije qe eshte ne tetevjecare ka pretendime , pa 5000 mije ne dite ste vete ne shkolle . Euuu dhe jo me nje i ri /e re qe eshte ne moshe rinore dhe do ta shijoje paksa jeten . Kuksiania me verte qe si ka bere llogarite mire .

ps: Ti ciu ciu qe rron vetem me cicerima ... get real pls .

[Henri]

Po kur s'ka pune pas shkolles robi sigurisht qe do harxhoje se s'ka c'ben tjeter .

Lere se une kam qene ne QS ne kohen e "luftes" (96-97). Pa drita ne sezon provimi, te gjithe para godinave me batanije e duke lexuar nen driten e diellit, derisa errej e nuk shikoje dot. Shishet e ujit ne krahe nga lavanteria perballe godines deri ne kat te 5te. Lere pastaj po te te shpetonte pasi errej - me qiri ne dore nuk shkohej kurre ne banje, pasi ishte e vdekur qe d'o t'i shkelje nja dy a tre "ushtare". Te sillje meshkuj ne dhome (qoftë edhe shoke, per nje dore 5-katsh) ishte aksion qe zakonisht perfshinte gjithe shoqet e dhomes: njera mbante rojen me muhabet, dy te tjerat vinin shoket ne mes dhe kalonin. Kurse kush kishte te dashurin a te fejuarin, i lidhte rojes "pension mujor" se ndryshe s'behej. Eh robi i shkrete!

Nejse, sa per veshjet e lyerjet etj etj, sigurisht qe pasi i kemi kaluar vete u themi ketyre te rinjve qe te mos i bien me top. Megjithate, imagjino nje vajze nga rrethet, me sakte nga rrethinat e rretheve, 18-19 vjec e deri atehere mund te jete lyer vetem ne ore te mesimit, qe ka ikur nga shtepia e veshur "me rregull" dhe canten e shpines te mbushur me geta dhe bluze me barkun jashte te cilen e vesh ne banjen e shkolles para se te bjere zilja dhe e heq pas ores se fundit te mesimit.... etj etj me vella te lojtur a baba te shkare, you get the picture! Kur mberrijne ne Tirane, reagojne si puna e Shqiperise ne 91-shin
Pastaj ke grupin tjeter qe ka fituar nje pavaresi ekonomike e sociale qe pa shkuar ne QS, ua mban xhepi, ua do qejfi, kane dhe moshen!
Vjet ne Shqiperi me ankohej shoqja e sime tezeje qe e gjithe rroga e saj si arsimtare per ate muaj i kishte ikur per dy pale çizme me maje qe kishte blere per dy vajzat e saj, njera studente, tjetra sapo kish mbaruar. Pse ua bleve, i thashe? -Nderroi moda e takes, ato te dhjetorit kishin take te gjate, keto te Marsit e kane taken me te shkurter dhe me te holle - me tha, pa ia marre mendja fare qe une e pyeta perse shkoi dhe ua bleu! Kur me kuptoi se ku doja te dilja, me tha se vajza e madhe sapo kishte zene punen e re - po te mos ishte ne krye te modes, nuk do ta respektonin koleget, do e kishte veshtire te çante etj etj etj. Ia bleu te madhes, ia bleu dhe te vogles, jo vetem qe te mos preket por edhe se ne ate moshe ishte edhe "kandidate" per grua!!!
Kot po e zgjas, problemi nuk eshte tek veshja e mbajtja, problemi eshte se nuk ka mundesi te tjera per t'ia kaluar me mire ato 4 vjet ne QS. Nese ne vend te kafeneve do te ishin 5 salla studimi me drita te panderprera, dy-tre biblioteka te specializuara, nje kinema, dy tre palestra e pishina falas per studentet, jam e bindur qe jeta do te ishte krejt ndryshe. Kurse tani per tani, mjere ata prinder qe rrojne vetem me rroga mesatare e kane femije ne shkolla.

[oiseau en vol]

Ti ciu ciu qe rron vetem me cicerima ... get real pls .

Pink, nuk tu duka aq real thua ti ? Ok, ashtu qofte.
E kam fjalen ketu o Pink. Qe kur shkohet per tu shkolluar, shkohet vetem per ate pune. Ti nuk mund te shkosh ne shkolle dhe ne te njejten kohe ne nje sfilate mode. Nqs mendon qe ne te njejten kohe te gjesh dhe nje burre, atehere shume mire per ty, ama nuk ishte ky qellimi i pare.

Nejse, une thashe pervojen time. Kisha para por as qe me shkonte ndermend te blija kepuce qe kercisnin apo nga ato te cow-boy qe nuk i duroja dot. As dhe kemishat Armani nuk i kam provuar dhe s'kam ndermend t'i provoj. Ti do thuash qe qenke nje teveqel qe s'e paske shokun. Ok, le te jete ashtu per ty. Ama, te shndrisesh nga xhingla-minglat dhe te jesh kokebosh, kjo eshte per faqe te zeze. E ben kush e ben, une jo !

Dhe as qe me ka shkuar ndonjehere ndermend te jem ne mode. Ama fare po te them. Ndonje qeshte aty rrotull por kur pasi i ikte buzeqeshja dhe kthehej tek vetja e vet, ai e ndjente sa i mjere kishte qene. Edhe moden e flokeve nuk e ndiqja fare. Ja ashtu i kisha te mira vete, dhe aq me bente qe te gjithe ishin qethur si "jugosllave" e une si per qejf te vet.

Keshtu Pinko, moda eshte per modelet e jeta per ata qe jetojne. (Aman mos me thuaj qe modelet jetojne se ta hoqa vizen menjehere )

[bija_e_detit]

eh kur lexojme keto historite ketu na duken si perralla :0 krahasojme jeten qe bejme neve keteja jashte, me ate atje, jeta ketu eshte aq e parashikuar e planifikuar dhe cdo gje e thjeshtesuar ne detaj, kur vjen puna tek shkolla, sa me duket e merzitshme , duhen njecike mungesa e dritave ujit edhe te tjera si keto qe ti japin jetes njecik kuptim, dhe te shkaktojne njecike levizje te niveleve te adrenalines ne trup ne rast aksionesh te tilla .... eh shqiperi moj shqiperi ... te kam nene e me ke bije

[friendlyboy1]

kjo vajza qe ksa pare duhet ti shtroj prioritetet mir do vras mendjen per pantallona apo per te mesua. edhe un jam studen ne usa kam nja nje vit e gjys qe skam bler nje pal xhinse jo se skam pare po se i kam shum mir ato xhinset qe kam. prioriteti eshte kryesori te tjerat kan 0 rendsi.

[romeoOOO]

Ne shkolle jam per vete, edhe i shikoj shume mire shoket e shoqet se si vishen e se ca bejn , po sme intereson shume.

Ne Tirane ka hyre nje materializem i papare fare, thua se nuk je ne Shqiperi. Te gjithe duan te vishen sipas modes, te frekuentojn lokalet me te shtrenjta etj etj, edhe pse ekonomia e tyre dhe e familjes nuk jua lejon. Mua me ben gjithmone pershtypje kur kthehem ne Shqiperi se si vishen e rregullohen bashkmoshataret atje. Per te mos folur per makinat. Me sa duket nje pjese i ka dhene prioritet kesaj menyre jetese ne vend qe te krijoje nje te ardhur dhe te eci perpara.

Me vjen keq shume per gjendejen e ketyre studenteve qe hidhen ne mes te bresherit dhe ju duhet te mbijetojne e tja dalin mbane, pasi ne te kundert cdo sakrifice e tyre dhe e prinderve do te kishte qene e kote. Shume nga ne jashte ndihmoet shume nga qeveria, ndersa kjo gje nuk behet ne Shqiperi. Edhe ato bursa qe mund te japin, sma mer mendja qe i ndihmojne sa duhet dhe mbi te gjitha i shkojne atyre qe me te vertete kane nevoje!

[Lunesta]

kjo cuca te zej nji dashnor tirons dhe te bij rehat

[ELDORADO]

Aaa,pike se pari ne universitet shkohet per me u diplomur ky eshte qellimi kryesor qe ne vetvete ka jo pak veshTiresi,pastaj vjen jeta shoqerore,nuk eshte e thene jesh ne shoqeri te larte,por duhet te zgjedhesh shoqerine ku vet ti ndjehesh rehat,ndryshe nqs rri me shoqeri me te larte se e jotja,do te mundohesh me shume,Pastaj dìhet jeta universitare eshte