Perfaqesues te minoritetit grek peticion: Jemi te pakenaqur nga Qeveria e Partise Demokratike
Ora 10:40
Nga Daniela Bonollari
TIRANE (31 Tetor)-Minoriteti grek ne Shqiperi ankohet zyrtarisht per qeverine e koalicionit te Partise Demokratike. "Deputetet e minoritetit, kryetaret e komunave dhe te zgjedhurit ne keshillat bashkiake ne minoritetin etnik grek te Gjirokastres dhe Sarandes kane firmosur nje peticion ne drejtim te autoriteteve me te larta shteterore ne Tirane e Athine per klimen e rende qe, “mbizoteron” sipas tyre ne zonat e banuara me kombesi greke, pas ardhjes ne pushtet te koalicionit te djathte te drejtuar nga PD", sic ben te ditur korrespondenti i GSH Engjell Serjani ne Gjirokaster.
"Na lejoni, qe me anen e ketij peticioni t’ju percjellim shqetesimet tona dhe njekohesisht edhe te anetareve te tjere te minoritetit etnik grek ne Shqiperi, lidhur me klimen e rende qe kultivon ne zonat me popullsi kompakte minoritare greke, qeveria e koalicionit te Partise Demokratike», shkruhet ne krye te ketij peticioni qe mban daten 20 tetor te dergimit dhe qe nenshkruesit e tij e publikuan ate vetem nje dite para vizites se pritshme te presidentit te Greqise Karolios Papulias.
Sipas minoritareve peticioni i eshte drejtuar ambasadorit te OSBE-se, perfaqesuesit te Keshillit te Evropes, ambasadoreve te vendeve te BE, ambasadores se SHBA-s ne Shqiperi, Presidentit te Republikes dhe Kryesise se Parlamentit shqiptar ne Tirane, si dhe presidentit te Republikes se Greqise, kryeministrit dhe Kryetarit te Parlamentit te Greqise ne Athine. P
erfaqesues te minoritetit ne kete dokument ankohen, se pari per nje klime pasigurie ne aspektin ekonomik qe, sipas nenshkruesve, eshte rikthyer pas rrotacionit politik dhe ardhjes ne pushtet ne Shqiperi te qeverise me kryeminister zotin Berisha. Dhe se dyti eshte shqetesimi i te zgjedhurve te minoritetit, lidhur me nje klime pasigurie duke iu referuar paralajmerimeve dhe kercenimeve per debime nga puna. Presidenti grek Karolos Papulias do te mberrije neser per nje vizite ne Shqiperi. db/db (/Balkanweb)
Krijoni Kontakt