NE KUJTIM TE KOLEGUT TONE TE PAHARRUAR, ILIA PRIFTI
U nda para kohe nga gjiri i familjes dhe i te afermeve, nga shoket, koleget e punes dhe studentet, Profesor Doktor Ilia Prifti. Ilia u lind dhe u edukua ne nje familje patriotike dhe arsimdashese. I ati i tij, Stefan Prifti, perktheu nga gjuha latine "Historia e Skenderbeut"- nje monument i kultures sone. Daja i tij, Dhimiter Shuteriqi, ka zene tashme vend nderi ne letersine shqipe dhe ne historine e saj.
Ilia mbaroi me rezultate te larta Shkollen e mesme "Petro Nini Luarasi" dhe, po me rezultate te larta, degen e Fizikes te Fakultetit te Shkencave Natyrore. Punoi per pak kohe ne Shkollen e Mesme ne Lac, ku la mbresa te pashlyeshme dhe kujtohet edhe sot nga nxenesit dhe prinderit e tyre.
Per nje periudhe afer 40-vjecare Ilia, ose Ilo, sic e therrisnin te gjithe, madje edhe studentet e therrisnin Profesor Ilo, punoi ne katedren e Fizikes se Specialitetit dhe pastaj ne departamentin e Fizik-s te Fakultetit te Shkencave Natyre. Per shume vite drejtoi nje grup studimor ne fushen e fizikes se zbatuar ne teknologji dhe per shume vite, deri sa vdiq, drejtoi Seksionin e Fizikes se Materialeve. Ai drejtoi gjithashtu Shkollen Pasuniversitare te Fizikes. Per nje periudhe Ilia ka qene drejtor i Arsimit te Larte ne Ministrine e Arsimit dhe te Shkences.
Ilia ka nje veprimtari te gjere botuese. Ai botoi dhjetera artikuj shkencore ne vend dhe ne revista nderkombetare, mori pjese me punime ne konferencat kombetare dhe ballkanike te fizikes dhe ne disa konferenca nderkombetare te fizikes. Nga penda e Ilias jane shkruar me dhjetera tekste fizike per shkollen e mesme dhe per ate te larte. Nga dora e Ilias kane dale qindra mesues dhe fizikante qe punojne ne cdo qytet te Shqiperise dhe jashte saj. Ilia ka dhene ndihmese te vyer ne drejtimin e grupeve te punes per reformimin e shkolles ne te gjitha hallkat e saj.
Pa e zmadhuar mund te thuhet se Profesor Ilia Prifti tashme ze nje vend te respektuar ne fiziken tone. Ilia dallohej per cilesite e larta morale, per dashurine dhe sjelljen korrekte dhe shume te ngrohte me koleget dhe sidomos me studentet, duke qene per ta nje shembull i shkelqyer. Ne punen e perditshme ishte shume i rregullt dhe racional, kishte nje vullnet te jashtezakonshem aq sa, edhe ne gjendjen e rende te semundjes, arriti te realizoje drejtimin e hartimit te tekstit "Fizika 6" per shkollen e reformuar 9-vjecare.
Edhe ne castet e fundit te jetes Ilia, me stoicizem dhe koshience te plote per ate qe e priste, mbajti nje qendrim burreror duke ua lehtesuar edhe te afermeve te tij dhimbjen. Ne, koleget e Ilias, qe e paskemi teper te veshtire te perballim humbjen e tij, do ta kujtojme gjithnje me respekt dhe dashuri.
Halil Sykja
Zenun Mulaj
Krijoni Kontakt