Pse Migjen Kelmendi xhelozon Tiranën?

[RTP]

XHELOZI MEDIATIKE APO NJË MUR I RI SHQIPTAR

Nga Aleksandër FRANGAJ
Jun 30, 2005,


Xhelozine e disa shqiptareve te Kosoves ndaj zhvillimit te Shqiperise ne pergjithesi apo me konkretisht, e njerezve te medias apo artit atje, e kam konstatuar prej kohesh, por gjithmone jam rezervuar te shkruaj, me mendimin se eshte nje fenomen i lokalizuar dhe i momentit.
Aleksander Frangaj
Por nje shkrim i dy diteve me pare i Migjen Kelmendit, botuar ne gazeten "Tema", jo vetem qe shpall publikisht xhelozine ndaj artisteve shqiptare te Shqiperise, por edhe i fyen si hajdute dhe ne tentative per ti injoruar ata, permend faktin se keta talente te Shqiperise i kane rregulluar banjot me pllaka majolike apo kane futur ujin e nxehte ne shtepi vetem pas 45 vjetesh. Kete shpallje publike te xhelozise ndaj nesh, e shkaktoi realizimi i Festivalit "Kenga Magjike" ne Prishtine. Migjenit te Prishtines dhe disa opinionisteve atje nuk u pelqen fakti se Mediat e Shqiperise, Spektaklet, emisionet, prezantuesit, regjisoret tane jane me te preferuar, apo me te suksesshem aktualisht ne audiencen e Kosoves, dhe prandaj sulmojne biznesmenet kosovare si te pashkolluar pse ftojne dhe paguajne euro per artistet nga Shqiperia. Keta gazetare te Kosoves, apo njerez te medias atje, te pezmatuar nga pamundesia per te konkuruar me koleget e tyre te Shqiperise, gati sa nuk bertasin "mbyllni kufirin se na pushtoi Tirana". Keshtu ben Migjen Kelmendi, i cili nuk deshiron qe ne Prishtine spektaklin me te ndjekur cdo te enjte tek TV21, ta prezantoje Ardit Gjebrea, xhelozohet pse regjisore eshte Vera Grabocka, apo pse kengetaret nga Tirana po zene cdo dite e me shume vend ne ekranet e Kosoves. Kjo ndodh se Migjeni nuk ka qene i afte si drejtues i Radiotelevizionit te Kosoves te prodhoje prezantues si Gjebrea, nuk ka pase mundesine me nxjerre nje regjisor si Vera Grabocka me konkuru atje, apo me mire akoma te vinte te prodhonte edhe ne Tirane. Migjeni dhe drejtuesit e tjere te mediave atje, jane pergjegjes se nuk i kane ofruar publikut kosovar spektakle si "Kenga Magjike", "Maratona e kenges Popullore e qytetare", "Gjeniu i Vogel", "Taksi e rezervuar", "Ethet e se premtes", "Miss Albania", apo "Miss Shqiperia". Migjeni dhe analistet qe xhelozohen me Shqiperine, duhet ta pranojne dhe respektojne nivelin e programeve te televizioneve te Shqiperise qe transmetohen atje nga televizionet e Prishtines si "Opinion" i Blendi Fevziut, "Portokalli" i Top Channel etj, persa kohe mirepriten nga kosovaret dhe persa kohe nuk mund te realizohen atje. Fakti qe Migjeni nuk i realizoi dot sa ishte drejtues i RTK nuk e lejon te fyeje artistet shqiptare apo dhe biznesmenet kosovare qe financojne projekte te tilla. Nese keta biznesmene apo ministra te kosoves, "te pashkolluar" apo "analfabete" sic i emerton ti Migjen, nuk do te financojne keto projekte, cfare i ofron ti ketyre njerezve te interesuar per programe dhe per audience televizive? Muhabet ne kafet e Prishtines dhe thashetheme kunder atyre qe punojne atje? Meqenese jam nje prej atyre qe kam dhene sadopak kontribut ne shkrirjen e kufijve me futjen e sinjalit televiziv, apo me eksportimin ne Kosove te disa prej programeve me te ndjekur te televizionit qe drejtoj, dua ti them Migjen Kelmenit dhe ndonje tjetri ne Kosove qe na konsideron hajdute te audiences, se eshte me mire dhe e dobishme qe te punojne per te konkuruar programet tona, regjisoret tane, prezantuesit qe flasin me bukur, se sa te mbjellin frymen e xhelozise ndaj nesh, fryme qe na con perseri atje ku ishim, shqiptaret ne Shqiperi e kosovaret ne Kosove. Ju Migjen, eshte me mire te punoni qe te mos i mbyllni deren artisteve dhe ekranit te Shqiperise ne Kosove, por te arrini te prodhoni edhe ju programe te nivelit qe te transmetohen edhe ne televizionet e Shqiperise, qe Kosova nga nje vend importues nga Tirana, te mund edhe te eksportoje me te njejtin nivel ne Tirane.

E Diel, 06 Shkurt 2005 JAVA 133

[Harudi]

Por nje shkrim i dy diteve me pare i Migjen Kelmendit, botuar ne gazeten "Tema", jo vetem qe shpall ...

RTP,po shkrimi i Migjen Kelmendit çfarë thotë?E ke edhe shkrimin e tij?

[dodoni]

Per punen e spektakleve, programeve televizive, prezantimit te spektakleve pajtohem me Aleksander Frangajn se Kosova eshte importuese e madhe nga Shqiperia por nuk pajtohem me importimin e kengetareve. Une mendoj se tek muzika, Kosova eshte nje eksportuese shumefish me e madhe ne Tirane. Megjithese, shqiptaret ne Shqiperi tek tani kane filluar te degjojne, blejne muzike shqiptare qe nga vitet e para-90-tave. Sepse gjate viteve te 90-ta ne Shqiperi eshte konsumuar kryesisht muzike e huaj, perderisa ne Kosove konsumi kryesor muzikor ka qene dhe eshte muzika shqiptare, e keshtu tani ka filluar edhe ne Shqiperi. Po te shikosh kanalin BBF, kjo gje deshmohet fare qarte sepse shumica e kengeve dhe spoteve muzikore jane nga shqiptaret e Kosoves dhe Maqedonise.


Me Migjen Kelmendin cuditem se si mban xhelozi te tilla kur ne te njejten kohe mbush gazetat shqipe te Kosoves me shkrime per shkrimtare e artiste serbe (psh. Vladimir Arsenijeviqin nese nuk e gaboj emrin etj.). Une e di qe Migjeni nuk eshte pritur mire ne Tiranen e fillim viteve te 90-ta por kjo nuk duhet qe ta bej ate te kete xhelozi ndaj gjysmes se kombit te tij.

Sidoqofte, ne nuk duhet te kemi xhelozi ne njeri-tjetrin dhe duhet te bashkohemi sa me shume ne te gjithe menyrat, ti thyejme te gjitha muret qe na kane ndare deri tani dhe te bashkohemi sa me shume shpirterisht dhe ne te gjitha fushat e aspektet. Zaten kjo eshte politika e suksesit deri tani si ne Shqiperi ashtu edhe ne Kosove e Maqedoni. Tipat e Migjen Kelmendit, pamvaresisht shkalles se intelektualitetit te tyre, jane duke deshtuar pikerisht per shkak te kesaj politike te gabuar, si ne Shqiperi ashtu edhe ne Kosove e Maqedoni. Ata intelektuale, shkrimtare, artiste etj. shqiptare si ne Shqiperi ashtu edhe ne Kosove, Maqedoni e ne te gjitha trevat shqiptare, qe po bashkojne kombin tone jane duke pasur suksesin me te madh, pra po pelqehen nga kombi jone pakrahasueshmerisht me shume se keta te tjeret si puna e Migjen Kelmendit dhe disa Migjenave tjere ne Shqiperi, Kosove, Maqedoni e te gjitha trevat shqiptare, qe pothuajse kane deshtuar dhe zbehur edhe gjithe ato vlera qe realisht kane.

Tung

[Mjellma]

RTP,po shkrimi i Migjen Kelmendit çfarë thotë?E ke edhe shkrimin e tij?

Harud ja artikulli i Migjenit.

Bonnie and Clyde

Nga Migjen Kelmendi

Tandemi Grabocka- Gjebrea, nji duo i talentuem, me shumë afinitete e aftësi, ka muej që asht stacionue n’Kosovë, i ftuem nga biznismena të pashkolluem
kosovarë që në mënyrë “të shkollueme” me jau udhëheqë biznisat e lojnave të fatit, ku kanë investue pare të majme. Aty ku investimi asht i majm, natyrisht se edhe honoraret kanë me qenë të majme. Kështu, biznismena kosovarë, të pajtuem me pakulturën e vet, të pajtuem me fukarallëkun shpirtnor të vet, të paqtuem me faktin se nji kosovar asht diçka MA PAK se nji shqiptar prej
Shqipnie, t’lumnuem me inferioritetin jo vetëm intelektual po edhe gjuhësor të vetin – u çuen e shkuen atje ku jetojnë shqiptarët përnime – në Shqipni
– me gjetë njerëz që kanë me jau udhëheqë biznisat e dyshimtë.
Andej, në Shqipni, janë shqiptarët përnime. Këtu në Kosovë jetojnë vetëm dofarë shqiptarë që ende s’janë ba shqiptarë, që s’janë përnime. Janë shqiptarë
përmahi. Shqiptarë shtatëmujsha! As me folë nuk dijnë. Le ma me moderue a larg koftë, me organizue najsen. Shko vëlla, çka po mundohesh, pse duhet me e zbulue ujin (lexo: shqiptarin) e nxehtë. Moti asht zbulue. E
gjen n’Shqipni! Kështu, u nisën biznismenat e dyshimtë e t’budallaftë,
në Shqipni. Me ble tru. Se tru s’kanë. E pranojnë. Për tru janë ata. Na jena – me pague. E jo me trunue. E larg koftë, me moderue. Kqyrna nihere qysh folim. Si
tezet e hallat tona. Marre! U çuen e shkuen, po them, biznismenat tonë pa tru, me ble tru e gjuhë n’Shqipni! E si të dyshimtë që janë, natyrisht se e patën kollaj me gjetë njerëz të dyshimtë për me i ftue. Përse mendoj se Gjebrea e Grabocka janë jo pa talent, po të dyshimtë? Bonnie and Clyde. Ky tandem, talentin e të cilëve nuk e mohoj, përban vetëm nji nga tregimet e shumta të varfnisë së Shqipnisë komuniste. Ky tandem, e kishte shumë legjitime, si tanë qytetarët e dalun komunizmi e Enveri, me i përmirësue kushtet e jetës, kualitetin e t’jetuemit. Të dy këta, nuk ishin të zotë me u ngjitë n’anijet që nisën me ardhë n’Durrës. Jo, ishin të mefshtë. Të butë. Të civilizuem, njaq sa të civilizuem ka mujtë me të ba komunizmi shqiptar. Po çka banë? Shfrytëzuen talentet e veta. Me talentet patën mundësi për fillim me i ndreqë banjot në shpija, me i veshë me pllaka e me e futë ujin e nxehtë në banjo mbas 45 vjetëve. I ndreqën. Por këta nuk u mjaftuen me kaq. Vazhduen me garderobë. Grabocka dhe Gjebrea për herë të parë në jetën e tyne me pare të kosovarëve pa tru, që kishin shku n’Shqipni me investue, hynë nëpër butika dhe nisën me i shijue kënaqësitë e konsumerizmit. Dhe, kjo ishte krejt legjitime. Parfumet, aftershave’at, teshat kat (nuk e di qysh i thojnë këta njerëzit përnime), fustanet e para të cilat nuk ishin prej najlloni, underware’in, karminin që nuk shlyhet… Vazhduen me televizorët. I blejtën me ngjyra. E
blejtën edhe frigoriferin, nji sobë (qashtu i thojnë këta shqiptarët përnime shporetit!) elektrike me pllaka…. N’ata televizora nisën me e kqyrë nji botë të
parrokshme për ta – RAIn – por tashti n’kolor. Vetëmsa u pakën e u betuen se sa t’janë gjallë s’kanë me heqë dorë prej ambicies me u ba – italianë! Vazhduen me i
imitue, njashtu si nji kosovar pa tru që imiton ata… Por, nuk u mjaftuen. Vazhduen me mobilje. Tashma kishin ba pak pare. Edhe nëpër dynje kishin qenë. Me
ditë e me natë ju kallxojshin komshive e kusherive se – Qysh u Dokka Bota! Bota që panë ata, mbas 45 vjetëve, që mbeti e nxanun në syretat e tyne. Bota dhe
ATA DY.
Por, nuk u mjaftuen me kaq. Vazhduen me telefonat mobilë. Nji nga çuditë e botës! Paj, nuk e hjekke prej veshi Gjebrea telefonin kur ja falën dhe e blejtën me
nji telefon mobil do pronarë televizionesh private n’Tiranë. Sabah, aksham. Fol e fol e fol…i shkreti, njeri i pafolun! Por, nuk u mjaftuen…vazhduen me kerre….por nuk u mjaftuen…vazhduen me xhipa….dhe u harxhen. Kur taman kujtuen se u harxhuen, ata e zbuluen – Kosovën! Jo si patriota, po si Bonnie and Clyde. Pse
duhet me e thye e plaçkitë bankën, kur ka n’botë këso vende t’budallakueme si Kosova ku ministrat janë analfabetë e të paftyrë dhe mujnë me i shpenzue
250.000 euro të pareve publike pa i dhanë llogari kujt për nji kocert t’pshurrtë, ku njerëzit s’dijnë me folë, ku vjen si moderator e duhesh me e ba edhe punën
e gjuhëtarit dhe të babës, sepse e heton se njerëzit nuk e kanë kulturën elementare, ku zani për sekretaren automatike të Postë Telekomit t’Kosovës importohet prej Shqipnie, ku ka akademikë që i bajnë 44 gabime në
4 faqe, ku gjuhëtarët janë debilla, e ku biznismenat presin me pare n’dorë kush po jau shet do tru! Pse me e plaçkitë bankën, tue qenë Kosova! Kjo e budallakuemje, që egziston diku jashtë – JAVE! Dhe, nuk e shkrova këte tekst n’asnji mënyrë me i akuzue Bonnie and Clyde prej Shqipnie. E shkrova vetëm
sa me kallxue, që në këte vend jetojnë edhe njerëz që dijnë me lexue dhe me pa se çka janë tue ba. E dijnë çka i bjne me e shfrytëzue injorancën dhe budallakinë
e kosovarëve. Mbulohuni pak. Kamuflohuni bile pakës. Këte nuk e kërkoj prej biznismenave pa tru, po prej Bonnie and Clyde’it shqiptarë. Krejt për fund, e kam edhe nji sugjerim për Bonnie and Clyde shqiptarë – Gjebrea dhe Grabocka: kur i
konsumoni dhe jau harxhitni paret edhe këtyne biznismenave pa tru prej Kosove, e kam nji ide të re për ju:
INSTITUTI PËR OPERACIONE PLASTIKE TË GJUHËS SË
KOSOVARËVE!
Kurrë ma shumë s’kishit me fitue. E prapë, pse me e plaçkitë bankën deri sa ka kësi budallsh n’dynje. Hapeni nji institut (kështu qujeni se kosovarët nuk e
dijnë se çka domethanë, por kallen mbas “akademikave”, “doktorave” e “instituteve”!) për operacione plastike të gjuhës, me të cilin kishit me garantue se hyn kosovar n’institut, e del – shqiptar! Munesh me ba be se je prej Shqipnie! Me folë njisoj! Me garantue se keni me jau shlye krejt Gjuhën Amtare, gegnishten, e nuk kanë me u dallue as me Detektorin e Rrenave. Duhet edhe garanci me ju dhanë se s’e hajnë aq kollaj. 10 vjet, mjafton. Me qenë 10 vjet shqiptarë përnime, paj edhe me vdekë masnej – nashtë! Hallall. Realizojeni këte ide, dhe keni me i harrue krejt idetë e derisotme për me u pasunue. Bani hesap: paj…ka 1 euro me kushtue operacioni, kur i shumëzon 2 milionë njerëz ka 1 euro – qe vëlla
pasunia. Une jau garantoj 2 milionë pacienta prej Kosove. Hiqni vetëm disa që punojnë e bashkëpunojnë në JAVA.
Natyrisht, e kërkoj edhe copyrightin e idesë! Kisha me e ba vetë, por une, si nji kosovar i thjeshtë, s’di me folë kështu “bukur” si ju!

[miki_al2001]

ky qenka i shpifur me verte.ne fakt kosova dhe kosovaret e duan artin dhe e njohin shume me mire se ky fshatari.kur arditi jetonte dhe hante ne tavoline dhe me pirun kam pershtypjen se migjeni akoma rrinte me benevreke per rreth "koftorit" dhe uleshte e hante buke ne sofren bashke me 37 apo 78 anetaret e tjere ne nje pjate.qesharake cfare akuzash idiote ka dhene ky fshatare.kur gjyshi i arditit ose i veres shkolloheshin ne viene apo rome ,paraardhesit e mig-jenit me siguri sdinin ku eshte europa.nejse shkrimi ne fakt me habiti shume.Permendimin tim ky kafshe nuk perfaqeson intelektualin e as fshatarin e asnje gje nga Kosova e dashur.ky me ngjan me nje fare hajrie spikericen qe jepte lajmet ne kosove dikur kur serbia jepte lajme per pakicat pas vitit 90 natyrisht.

[ArberXYZ]

E kam ndjekur disa here kete kanalin RTV21, se kam Digitalb , dhe prezantuesit kosovare jane shume te dobet dhe jo reale per nga menyra e prezantimit, nuk jane me eksperience dhe profesioniste.

E cuditshem eshte, qe te gjithe prezantuesit qe ishin ne Shqiperi prezantojne ne Kosove, dhe akoma me e cuditshme eshte fakti qe emisonet qe behen atjem jane bere ne Shiqperi para 5-8 vitesh, si puna e TeleBingos, e ketyre lojerave te fatit etj..

Te pakten te benin dicka ndryshe dhe jo emisone te konsumuara, e demode.

[Darius]

Kete artikullin e MIgjenit sa e fillova e lashe. Me habit akoma sesi mund te kete njerez qe e konsiderojne veten intelektual dhe percues te kulturues dhe ne te njejten kohe skane ende normat me elementare te shqipes letrare. Nje intelektual qe shkruan gegerisht dhe qe presupozohet te jete percues i kultures per mua eshte thjesht nje pseudointelektual.
Se kam fjalen per fjale te vecanta qe ka shqipja ne Kosove dhe qe eshte bere pjese e gjuhes letrare, po e kam fjalen per teresine e shkrimit qe mu duk sikur po lexoja folklorin mbi Mujin dhe Halilin.
Skam as pak qellim te fyej ndonje kosovar apo shqipen e folur aty, po kur behet fjale per gjuhe shqipe te mirefillte dhe te paster, asgje se zevendeson dot ate letraren.
Ketij Migjenit do i keshilloja me pare te studionte leksiken shqipe si dhe gramatiken dhe me pas te hidhte shigjeta vreri ndaj Shqiperise.
Gjithmone niveli artistik si ne spektakle apo dhe koncerte ka qene me i larte ne Shqiperi. Shkolla me e vjeter, perkushtimi dhe investimi nga shteti ka qene me i madh dhe si rezultat pritet qe te kete disnivel midis Shqiperise dhe Kosoves ne kete drejtim. Por nese artiste shqiptare jane kaq te preferuar ne Kosove ku qendron e keqja?
Une si marr vesh disa nga keta "intelektualet" kosovare. Jemi apo sjemi te gjithe shqiptare?

[Lunesta]

Per punen e spektakleve, programeve televizive, prezantimit te spektakleve pajtohem me Aleksander Frangajn se Kosova eshte importuese e madhe nga Shqiperia por nuk pajtohem me importimin e kengetareve. Une mendoj se tek muzika, Kosova eshte nje eksportuese shumefish me e madhe ne Tirane. Megjithese, shqiptaret ne Shqiperi tek tani kane filluar te degjojne, blejne muzike shqiptare qe nga vitet e para-90-tave. Sepse gjate viteve te 90-ta ne Shqiperi eshte konsumuar kryesisht muzike e huaj, perderisa ne Kosove konsumi kryesor muzikor ka qene dhe eshte muzika shqiptare, e keshtu tani ka filluar edhe ne Shqiperi. Po te shikosh kanalin BBF, kjo gje deshmohet fare qarte sepse shumica e kengeve dhe spoteve muzikore jane nga shqiptaret e Kosoves dhe Maqedonise.


Me Migjen Kelmendin cuditem se si mban xhelozi te tilla kur ne te njejten kohe mbush gazetat shqipe te Kosoves me shkrime per shkrimtare e artiste serbe (psh. Vladimir Arsenijeviqin nese nuk e gaboj emrin etj.). Une e di qe Migjeni nuk eshte pritur mire ne Tiranen e fillim viteve te 90-ta por kjo nuk duhet qe ta bej ate te kete xhelozi ndaj gjysmes se kombit te tij.

Sidoqofte, ne nuk duhet te kemi xhelozi ne njeri-tjetrin dhe duhet te bashkohemi sa me shume ne te gjithe menyrat, ti thyejme te gjitha muret qe na kane ndare deri tani dhe te bashkohemi sa me shume shpirterisht dhe ne te gjitha fushat e aspektet. Zaten kjo eshte politika e suksesit deri tani si ne Shqiperi ashtu edhe ne Kosove e Maqedoni. Tipat e Migjen Kelmendit, pamvaresisht shkalles se intelektualitetit te tyre, jane duke deshtuar pikerisht per shkak te kesaj politike te gabuar, si ne Shqiperi ashtu edhe ne Kosove e Maqedoni. Ata intelektuale, shkrimtare, artiste etj. shqiptare si ne Shqiperi ashtu edhe ne Kosove, Maqedoni e ne te gjitha trevat shqiptare, qe po bashkojne kombin tone jane duke pasur suksesin me te madh, pra po pelqehen nga kombi jone pakrahasueshmerisht me shume se keta te tjeret si puna e Migjen Kelmendit dhe disa Migjenave tjere ne Shqiperi, Kosove, Maqedoni e te gjitha trevat shqiptare, qe pothuajse kane deshtuar dhe zbehur edhe gjithe ato vlera qe realisht kane.

Tung

Sa per sqarim, kanali BBF eshte turpi i shqiperise. As qe duhet te ekzistoje nje kanal plehre si ai.

me duket se ska fjale 'xhelozon'.

[ArberXYZ]

Kete artikullin e MIgjenit sa e fillova e lashe. Me habit akoma sesi mund te kete njerez qe e konsiderojne veten intelektual dhe percues te kulturues dhe ne te njejten kohe skane ende normat me elementare te shqipes letrare. Nje intelektual qe shkruan gegerisht dhe qe presupozohet te jete percues i kultures per mua eshte thjesht nje pseudointelektual.
Se kam fjalen per fjale te vecanta qe ka shqipja ne Kosove dhe qe eshte bere pjese e gjuhes letrare, po e kam fjalen per teresine e shkrimit qe mu duk sikur po lexoja folklorin mbi Mujin dhe Halilin.
Skam as pak qellim te fyej ndonje kosovar apo shqipen e folur aty, po kur behet fjale per gjuhe shqipe te mirefillte dhe te paster, asgje se zevendeson dot ate letraren.
Ketij Migjenit do i keshilloja me pare te studionte leksiken shqipe si dhe gramatiken dhe me pas te hidhte shigjeta vreri ndaj Shqiperise.
Gjithmone niveli artistik si ne spektakle apo dhe koncerte ka qene me i larte ne Shqiperi. Shkolla me e vjeter, perkushtimi dhe investimi nga shteti ka qene me i madh dhe si rezultat pritet qe te kete disnivel midis Shqiperise dhe Kosoves ne kete drejtim. Por nese artiste shqiptare jane kaq te preferuar ne Kosove ku qendron e keqja?
Une si marr vesh disa nga keta "intelektualet" kosovare. Jemi apo sjemi te gjithe shqiptare?

O Pepo,

behu pak realist,

Se si u vendos kjo shqipe letrare, dihet shume mire dhe ska nevoje per shume komente. Ajo qe ti e quan shqipe letrare, ne masen me te madhe eshte toskerishte shabllon. Se pse u vendos toskerishtja si gjuhe zyrtare, kete na e thote "partia me shokun Enver ne krie". Kongresi i '72 ishte kongres jo profesional, dhe krejtesisht i imponuar dhe politik.

Gegerishtja vllajo, eshte dialekt shumice. Beji pak nja dy tre llogaritje, dhe shihe se cfare dialekti flet shumica. Te ishte se, dialekti tosk, eshte shume me i pasur se ai geg, dhe prandaj u vendos si gjuhe standarte, do te isha dakort, po kjo seshte e vertete. Gegerishtja eshte shume shume e pasur ne te gjitha drejtimet gjuhesore.

Ky artikull tu paska dukur sikur po lexoje "Mujin dhe Halilin" apo tu duk sikur po lexoje Fishten, Mjeden, Migjenin, Pashko Vasen, Budi, Bogdanin etj...... Pepi, nuk mund ta quash personin ne fjale "pseudointelektual" vetem sepse ai shkruan ne gegerishtje, dhe ka rezerva ndaj gjuhes letrare.

po kur behet fjale per gjuhe shqipe te mirefillte dhe te paster, asgje se zevendeson dot ate letraren.

Ne kete cast mu kujtua, fjala "tambel" qe "ne gjuhen e mirefillte letrare i thone "qumesht". po gjuhetaret e '72 kane patur te drejte, "tambel" nuk eshte fjale shqipe, nuk eshte mirefilli shqipe, por e huaj qe meriton te mbytet nga "qumeshti" i fatalitetit enverist.

...Ne keto caste po me kujtohen shume fjale..po nejse...

[Lunesta]

Na vdiqet me kete gegerishten tuaj te pasur.

Shqipria ka vetem nje gjuhe te unisuar. Kush se di le ta mesoje. Kush nuk do ta mesoje le te geegroje me geget e vet.

[Albo]

Kjo perplasje e dy realiteteve shqiptare ne te dy anet e kufirit ka ekzistuar dhe do te ekzistoje edhe per aq kohe sa shqiptaret jashte kufijve te shtetit am nuk do te arrijne shkollimin e plote ne gjuhen shqipe te te pakten dy gjeneratave te reja. Mos harroni se shqiptaret ne Kosove apo Maqedoni kane shume pak kohe qe kane filluar mesimin e gjuhes shqipe ne te gjitha nivelet e mesimdhenies, qe nga klasa e pare e deri ne universitet. Do duhet kohe ne kete drejtim.

Xhelozia buron tek njerezit e vegjel qe e manifestojne vogelsine e tyre pikerisht duke sulmuar te bukuren dhe te qyteteruaren. Nuk ka rendesi nese e bukura shpaloset nga Tirana apo Prishtina, ajo eshte perseri e bukur dhe duhet vleresuar jo ne baze te "origjines" por ne baze te pritjes nga publiku. Si Tirana edhe Prishtina kane shume sec marrin e mesojne nga njeri-tjetri dhe evenimente artistike/sportive/muzikore qe i shkrijne kufijte shqiptare duhet te jene gjithmone te mirepritur nga te gjithe shqiptaret.

Se si u vendos kjo shqipe letrare, dihet shume mire dhe ska nevoje per shume komente. Ajo qe ti e quan shqipe letrare, ne masen me te madhe eshte toskerishte shabllon.

Toskerishtja eshte gjuha letrare jo vetem per merite te regjimit te Enver Hoxhes por per merite te rilindasve tane kombetare qe ishin gati te gjithe nga jugu e shume pak nga veriu. Sa rilindesa i dha Kosova historise shqiptare? Sa rilindesa i dha Shqiperia e Jugut dhe vendlindja ime, Permeti? Arsyeja tjeter perse toskerishtja u be gjuhe letrare lidhet me faktin se Toskeria ka qene djepi i te gjitha qyteterimeve me te avancuara qe kane njohur ato troje, qe ka qyteterimi i lashte grek e deri tek perandoria otomane. Numri i intelektualeve ne jug te vendit ka qene gjithmone me i larte se ne veri per arsyen e thjeshte se shume shqiptareve toske u eshte dashur te emigrojne per te mbeshtetur ne vendet me te zhvilluara te kohes, ku kane pasur mundesi qe te bien ne kontakt me rrymat me te fundit progresive qofshin keto politike, ekonomike apo shoqerore.

Veriu nuk duhet ta shohi me percmim e xhelozi jugun, por duhet te punoje qe te arrije ate shkalle arsimimi dhe kulture qe ka edhe jugu, bile mundesisht edhe tia tejkaloje.

Celesi i suksesit eshte arsimimi dhe sa me shume femije te arsimuar ne gjuhen shqipe si ne veri edhe ne jug, aq me shume do te mbyllet hendeku kulturor midis jugut dhe veriut te Shqiperise.

Albo

[Iliriani]

Personalisht kengetaret nga kosova me pelqejne me shume, jane me cilesor dhe pse vete jam nga jugu i shqiperise.

Ndoshta si TV, spektakle, regjizora e organizator shqiperia ka ecur me shume ne keto vite.

Po kjo nuk do te thote gje
Rendesi ka gjerat me te mira qe ka secili duke i bashkuar plotesojne njeri tjetrin e risin nivelin tregun e cdo gje.

Kjo eshte dhe risia e renies se kufive e integrimit te gjithshqiptar kjo do na forcoj e ngrij ne nje shkall me te larte.

Ka ardhur koha e integrimit e duhet pare tregu nje ne gjithe hapesiren shqiptare shqiperi kosove maqedoni e mal te zi e diaspor po keshtu.

[Labeati]

Kjo perplasje e dy realiteteve shqiptare ne te dy anet e kufirit ka ekzistuar dhe do te ekzistoje edhe per aq kohe sa shqiptaret jashte kufijve te shtetit am nuk do te arrijne shkollimin e plote ne gjuhen shqipe te te pakten dy gjeneratave te reja. Mos harroni se shqiptaret ne Kosove apo Maqedoni kane shume pak kohe qe kane filluar mesimin e gjuhes shqipe ne te gjitha nivelet e mesimdhenies, qe nga klasa e pare e deri ne universitet. Do duhet kohe ne kete drejtim.

Gjeneratat e Kosoves jane arsimuar rregullisht ne gjuhen shqipe qe nga 1940 kur u bashkuan me Shqiperine dhe nen drejtimin e Ernest Koliqit u instalua sistemi arsimor i unifikuar.

Me vone 1945-1990 intelektualet me te medhaj shqiptare kane qene kosovare sepse kane mbaruar Universitete superiore neper Perendim, Zagreb, Beograd, kane studiuar ne USA, RFGJ, Zvicer etj, ndersa keta intelektualet tane te Partise thurnin vetem lavde per Enverin.

Te mos permend ketu Idriz Ajeti, Zekeria Cana, Ibrahim Rugova, Rexhep Qosja (per ate kohe), Mark Krasniqi, etj.

Toskerishtja eshte gjuha letrare jo vetem per merite te regjimit te Enver Hoxhes por per merite te rilindasve tane kombetare qe ishin gati te gjithe nga jugu e shume pak nga veriu. Sa rilindesa i dha Kosova historise shqiptare? Sa rilindesa i dha Shqiperia e Jugut dhe vendlindja ime, Permeti?

Ti mos e veco Kosoven nga Veriu se po te permend Pjeter Bogdanin, Pjeter Budin, Frand Bardhin, Gjecovin etj.
Pa gjakun e Kosoves e malesoreve te Veriut nuk do te kishte Shqiperi sot, as Jug e as Veri.

Toskerishtja eshte gjuhe zyrtare (jo letrare) VETEM per shkak te regjimit te Enver Hoxhes dhe asnje arsye tjeter.

Deri me 1945 dialekti geg ka qene shumica derrmuese e botimeve perfshi gjuhen zyrtare te shtetit shqiptar te Ahmet Zogut.
Dhe absolutisht shkrimtaret gege kane qene superiore me Fishten, Mjedjen, Prennushin, Zadejen, Harapin, Koliqin, Migjenin, etj etj flitet per volum librash dhe revistash e botimesh.

Mbas 1945 kane vazhduar Koliqi, Camaj, Pipa.

Arsyeja e ndalimit te gegnishtes ishte sepse shumica e shkrimtareve te Veriut ishin konsideruar anti-komuniste dhe po ashtu popullsia gege nuk kishte perfaqsim ne Partine sllavo-komuniste per shkak te mos-pranimit te komunizmit.

...Toskeria ka qene djepi i te gjitha qyteterimeve me te avancuara qe kane njohur ato troje, qe ka qyteterimi i lashte grek e deri tek perandoria otomane.

Mire qyteterimin grek qe po e privatizon, po djepin perandorine otomane nga e nxore/ Se paskam dite qe tosket e Shqiperise paskan qene edhe MONGOLE.

Numri i intelektualeve ne jug te vendit ka qene gjithmone me i larte se ne veri per arsyen e thjeshte se shume shqiptareve toske u eshte dashur te emigrojne per te mbeshtetur ne vendet me te zhvilluara te kohes, ku kane pasur mundesi qe te bien ne kontakt me rrymat me te fundit progresive qofshin keto politike, ekonomike apo shoqerore.

Pervec komunizmit na trego ndonje rryme tjeter "perendimore" qe na sollen keta emigrantet toske.

Intelektualet komuniste mund te kene qene me shumice, po per te tjere veshtire te thuhet. Fundja na permend ndonje "VEPER" te ketyre intelektualeve.

Veriu nuk duhet ta shohi me percmim e xhelozi jugun, por duhet te punoje qe te arrije ate shkalle arsimimi dhe kulture qe ka edhe jugu, bile mundesisht edhe tia tejkaloje.

Si edhe te punoje qe te kete perfaqesim me rrotacion ne nivelet me te larta te shtetit, ne shperndarjen e drejte te investimeve etj.

Dhe natyrisht ne legalizimin e gjuhes natyrore, GEGENISHTES ne arsimin e te gjitha niveleve, per ta kthyer ne vendin qe i takon e qe ju mohua prej komunizmit.


Une absolutisht nuk shaj toskerishten e as tosket te cilet jane pjese integrale e kombit, por jam per barazine e plote politike e gjuhesore, e jo imponim te njeres pale mbi tjetren, si ka ndoshe tash 60 vjet.

[Arb]

Te nderuar miqe,

Te merret kaq seriozisht qendrimi i Migjen Kelmendit eshte gabim i madh.

Ku po e merr kete te drejte morale Migjeni qe te flet ne emer te Shqiptareve te Kosoves?

Migjeni tash e sa kohet njihet qe qendrimin e tij te pa-kuptimte per krijimin e nje gjuhe te re standarde ne Kosove. Fatbardhesisht, thirrjeve te tij iu jane pergjigjur fare pak njerez.

Kjo Gegerishte, Kosovarqe, apo dreqi e marrte vesh se cfare e quan ai, e perdorur ne shkrimin e tij, eshte e pa-qarte, eshte plote fjale jo-Shqipe. Kete gjuhe nuk e flasin te gjithe ne Kosove. Po te pranohej ideja e tij narciste per nje gjuhe te ketille, atehere cdo rajon ne Kosove do te kishte nje gjuhe te vecante standarde bazuar ne dialektin qe perdoret.

Me keto sulme aq te ulta ndaj biznismeneve dhe njerzeve te mediave ne Kosove, si dhe gjithe atyre prezantuesve, regjisoreve, dhe njerez te tjere te mediave nga Shqiperia, ai tregon se cmenduaria e tij ka qellime me te erreta se sa verehet kohe me pare.

Nese Migjeni eshte kembengules per ate gjuhen e tij "Kosovarqe," le te vazhdoj me avazin e tij. Eshte e drejte e tij. Nese nje dite edhe me Kosovarqen merzitet, le te ri-kthehet se foluri gjuhen e tij te zemres, "ate te cetnikeve Shkije."

Migjen Aga, mundesisht mos na trego se cfare gjuhe te flasim, cfare prezanatuesish dhe kengetaresh te degjojme!

Kur he burre e ke veteshpallur veteveten "Baba te Shqiptareve te Kosoves?"

Lena rahat me cmendurite e tua! E posaqerisht jepju fund akuzave qyqare ndaj njerzeve te mediave nga Shqiperia!

[Hyllien]

Hajde titull debil hajde. Xhelozon ?

[Darius]

Eshte e pamundur te shkruash dicka ne kete forum dhe te mos plasin debatet apo teorite se si eshte njeri dhe si eshte tjetri. Si eshte jugu dhe si eshte veriu. Ca ka qene gjuha zyrtare dhe ca ska qene. Une se marr vesh ju flisni deri ne kete kohe ka dominuar kjo, deri ne ate kohe ka dominuar ajo etj etj. Une spo shaj as gegerishten dhe as kosovarcen. Kur flasim per gjuhe letrare flasim per gjuhen qe njohim te gjithe, ajo qe kemi neper librat artistike dhe ato mesimore. Dhe kjo gjuhe letrare eshte dhe ne librat e botuara ne Prishtine qe ne vitet 80 se me kujtohet kam patur nje version te Shembja e Idhujve nga nje shtepi botuese e Pritshtines. Pra gjuha qe kemi ne sot, pak rendesi ka nese eshte toskerisht apo gegerisht. Ketu spo flasim te behet revolucion dhe te nderrohet baza e shqipes se eshte qesharake. Pse shmagni thelbin e bisedes. As nuk po hedh njeri poshte intelektualet e veriut se jane te nderuar. Nese ti zotrote me permend mua toskerishten qe na e paskan caktuar enveri me shoke, une te permend gegerishten qe na e caktoi zogolli me gjithe zogollinjte e tjere, etj etj. Pse ky eshte problemi? Pastaj kush tha qe vetem toskerishtja eshte ne gjuhen letrare? Ka plot edhe fjale gegerisht qe jane futur aty, eshte bere nje perzjerje dhe ska rendesi se kush dialekt ka me shume. Me duket paksa si vone te analizohet tani sepse eshte dicka e konsoliduar dhe kjo shqipe letrare qe eshte ska nevoje te ndryshohet.
Pra po e perseris, une fola qarte per shqipen letrare qe duhet perdorur nga intelektualet. Kam pare shkrimet e Surroit, Qoses, Krasniqit, madje dhe te Jusuf dhe Bardhosh Gervalles qe ne fillimet e viteve 80 dhe gjuha letrare e perdorur ska pothuajse fare ndryshim me ate tonen. Me duket e qarte qe ketu problemi nuk qendron tek dialekti dhe se kush pranohet si zyrtar, po tek kultura intelektuale qe e perseris e ka kaq te veshtire ta thithi ky pseudointelektuali.
Kalofshi mire.

[Lunesta]

Gjeneratat e Kosoves jane arsimuar rregullisht ne gjuhen shqipe qe nga 1940 kur u bashkuan me Shqiperine dhe nen drejtimin e Ernest Koliqit u instalua sistemi arsimor i unifikuar.

Me vone 1945-1990 intelektualet me te medhaj shqiptare kane qene kosovare sepse kane mbaruar Universitete superiore neper Perendim, Zagreb, Beograd, kane studiuar ne USA, RFGJ, Zvicer etj, ndersa keta intelektualet tane te Partise thurnin vetem lavde per Enverin.

Te mos permend ketu Idriz Ajeti, Zekeria Cana, Ibrahim Rugova, Rexhep Qosja (per ate kohe), Mark Krasniqi, etj.


Ti mos e veco Kosoven nga Veriu se po te permend Pjeter Bogdanin, Pjeter Budin, Frand Bardhin, Gjecovin etj.
Pa gjakun e Kosoves e malesoreve te Veriut nuk do te kishte Shqiperi sot, as Jug e as Veri.

Toskerishtja eshte gjuhe zyrtare (jo letrare) VETEM per shkak te regjimit te Enver Hoxhes dhe asnje arsye tjeter.

Deri me 1945 dialekti geg ka qene shumica derrmuese e botimeve perfshi gjuhen zyrtare te shtetit shqiptar te Ahmet Zogut.
Dhe absolutisht shkrimtaret gege kane qene superiore me Fishten, Mjedjen, Prennushin, Zadejen, Harapin, Koliqin, Migjenin, etj etj flitet per volum librash dhe revistash e botimesh.

Mbas 1945 kane vazhduar Koliqi, Camaj, Pipa.

Arsyeja e ndalimit te gegnishtes ishte sepse shumica e shkrimtareve te Veriut ishin konsideruar anti-komuniste dhe po ashtu popullsia gege nuk kishte perfaqsim ne Partine sllavo-komuniste per shkak te mos-pranimit te komunizmit.





Mire qyteterimin grek qe po e privatizon, po djepin perandorine otomane nga e nxore/ Se paskam dite qe tosket e Shqiperise paskan qene edhe MONGOLE.



Pervec komunizmit na trego ndonje rryme tjeter "perendimore" qe na sollen keta emigrantet toske.

Intelektualet komuniste mund te kene qene me shumice, po per te tjere veshtire te thuhet. Fundja na permend ndonje "VEPER" te ketyre intelektualeve.



Si edhe te punoje qe te kete perfaqesim me rrotacion ne nivelet me te larta te shtetit, ne shperndarjen e drejte te investimeve etj.

Dhe natyrisht ne legalizimin e gjuhes natyrore, GEGENISHTES ne arsimin e te gjitha niveleve, per ta kthyer ne vendin qe i takon e qe ju mohua prej komunizmit.


Une absolutisht nuk shaj toskerishten e as tosket te cilet jane pjese integrale e kombit, por jam per barazine e plote politike e gjuhesore, e jo imponim te njeres pale mbi tjetren, si ka ndoshe tash 60 vjet.

Meqe te pikoka shpirti per kete 'gegnishten tande' perse nuk flet dhe ti gegnisht si ky Migjeni jot? Apo ke frike se ste kupton njeri?

Nje keshille miqesore: Ik lexo njehere Lasgush Poradecin, Eqerem Cabejn, Faik Konicen e Mitrush Kutelin perpara sete flasesh per epersine e intelektualeve dhe shkrimtareve nga veriu.

[Mjellma]

RTP ka filluar nga mesi e une do mundohem ta vendosi ne kronologji.

Kronologjia eshte kjo;
Dikund ne Shkurt te 2005 mbas "Kenges magjike " botohet shkrimi i Migjenit ne "Java" me titull "Bonnie and Clyde "

Pergjegjet Aleksander FRANGAJ me kete titull "Xhelozi mediatike apo nje mur i ri shqiptar"

Kjo eshte pergjegja e Migjen Kelemdin ndaj shkrimit te Aleksander Frangaj po ashtu ne muajin shkurt 2005

KOMENTI

Të fala nga Prishtina për Aleksandër Frangajn

Nevoja e elevimit të paradigmës kulturore shqiptare

Moto: Nëse doni me i ndihmue Kosovës, mënyra ma e mirë kishte me qenë tue e elevue Paradigmën nacional-komuniste në nivelin e Paradigmës Europiane,
e jo tue i shfrytëzue favoret që i krijon Paradigma dominante. Hypeni lojën në nji nivel ma naltë dhe keni me u bindë se n'Kosovë ka diçka. Keni me e zbulue nji
botë të tanë te re shqiptare. Nuk flet si ju. Nuk duket si ju, por janë shqiptarë, n'daç e besoni, n'daç jo. Nga ky miljë kulturor i Tiranës pres mirekuptim e
përkrahje, e jo përpjekje me keqinterpretue e me anatemizue shqetësimet që në fakt janë reale dhe të argumentueshme

Migjen Kelmendi

Nëse asht kush i lumtun n'Kosovë se ekziston Shqipnia, ekziston Tirana, Tirana si ekstenzion dhe korrektiv kulturor i Prishtinës, atëhere jam une ai. Sepse, kur
Prishtina m'i kishte mbyllë tana mundësitë me folë, me kishte zhveshë nga e drejta me mendue e me qenë ndryshe, ortografikisht ndryshe, ishte Tirana e cila
më ftoi, ma krijoi mundësinë me folë dhe ma respektoi të drejtën me mendue e me qenë e me shkrue ndryshe. (Po e sjell distancimin publik të gazetës "Koha
Ditore", jo nga shekulli i kaluem, po nga ky shekull, që u quejt edhe Shekulli i Lirisë, si dëshmi se me qenë i ndryshëm dhe me mendue ndryshe, NUK LEJOHET
n'KOSOVË.) Por, me i shpreh mendimet e mia dhe me publikue në gegnisht nuk e gjeta të zorshme n'Tiranë. Nuk e harroj gadishmëninë e "Top Chanell" dhe redaktorit Altin Raxhimi, kur i njoftova së për prani n'emision e kam
vetëm nji kusht - me folë gegnisht - ata më thanë diçka si s'ka problem!
Nuk e harroj komentin e kryeredaktorit Mero Baze, të përfolun, se kur i thonë që Migjeni ka artikullin e shkruem gegnisht, a duhet ta bajmë n'Standard '72, ai
u thotë: mos e prekni se "vriteni"! Asht Blendi dhe vetë zoti Frangaj që kushtin tem të gegnishtes e minimizuen dhe e shndërruen në humor... Hej... "Klan"
asht shtëpi e lirë, e mendimit të lirë. Sot, kur Prishtina asht e mbytun mediokriteti e primitivizmi, sot kur liria e fjalës dhe e mendimit asht rrezikue n'Kosovë nga keqkuptimet fundamentale se çka i bjen me qenë Kombi, Shteti, Gjuha, Identiteti...
Tirana asht shpresa. Nuk asht ma Serbia që e rrezikon lirinë e fjalës dhe
të mendimit n'Kosovë. Asht budallakia. Budallakia eksplicite, e cila ekstrapolohet në qinda forma. Nji nga këto forma ishte edhe "Kanga Magjike". Por, për
këte ma vonë.

Muret

Leximi dhe interpretimi mjaft komod e i lirë i zotit Aleksandër Frangaj i disa mendimeve të mia nga artikulli "Bonnie and Clyde", insinuojnë se unë qenkam
Kundër hapjes ndaj Tirane e Për Mure të reja. Nëse ka
diçka që kam luftue - janë muret. Por, ndoshta i rritun mbrenda Jugosllavie, ku me qenë shqiptar ishte diçka Ma Pak, njisoj si e spjegon në reagimin e tij edhe zoti Frangaj, se Kosova asht Diçka Ma Pak, pa "Gjebrea", pa "Grabocka", pa "Kadarea", pa "Kurçka", personalisht bahem shumë sensitiv ndaj kësaj tendence zhvleftësimi e nënçmimi. Kam qenë i këtillë edhe atëhere, jam edhe sot. Njisoj si ndaj Beogradit Ma Shumë, njisoj edhe ndaj Tiranës Ma Shumë. Nuk kam
dashtë me e nënçmue asnjihere Beogradin kulturor, por nuk kam lejue me na nënçmue e me na inferiorizue si "shipac", "shiftar", "bellokapac", e t'atillë që
s'dijnë me ba muzikë, me moderue, me folë (sic!), me shkrue. Beogradi gjithmonë ka keshë me serbishten e kosovarit, njikështu si po keshë Tirana me "letrarishten" e kosovarit. Mendoj, se këte ton e kishte edhe letra e zotit Frangaj. Se nji kosovar asht diçka a pambarueme, e paardhun. Ata nuk kanë askend, prandaj JA KU JEMI NE. Gjebrea, Grabocka, Frangaj...Por, për me na pasë neve, ju duhet me pague. Ju jeni me pague, na jena me trunue.
Nuk kisha thanë ma shumë as une në reagimin tem. Dhe, jo se Prishtina nuk ka nevojë për ndihmë. Paj nuk ekziston nji vend ma i nevojshëm për asistencë
kulturore se sa Prishtina sot.
Vendi i cili në Telekomin e vet e ka instalue n'Answering Machine zanin, melodinë dhe akcentin e importuem prej Shqipnie, i bindun se midis dy milionë
shqiptarëve n'Kosovë nuk asht as edhe nji za që mundet me qenë za Telekomi Kosovar.
Vendi i cili ka Akademi me akademik si Mehmet Kraja, i cili, tue e pledue mbrojtjen e Standardit '72, në reagimin e tij në JAVA, i ban 44 gabime drejtshkrimore
në 4 faqe tekst (sic!).
Vendi i cili për kryetar Akademie e ka gjuhëtarin si Rexhep Ismajli, i cili me rrugë private ka pasë sukses me u ba anëtar i njanës prej akademive europiane, por
n'anën tjetër, pa pikë turpi ndaj kredos së vet, së pari, mbron Standardin e vitit '72, prue në rrethana mungese lirish të përgjithshme n'Shqipni, dhe pranon
argumentimin komunist për planifikimin gjuhësor shqiptar.
Oksimoroni "europiani enverian" nuk asht i mundun vetëm n'Tiranë, asht realitet edhe n'Prishtinë. Këtu jemi njisoj. Vendi i cili (nuk asht tepri, fatkeqësisht!) kishte me iu nënshtrue operacionit plastik të Gjuhës Amtare në mënyrë kolektive, sepse asht bindë nga autoritetet dhe institucionet e veta se njeriu me gegnisht asht njeri i pakulturuem...
Po, pajtohem zoti Frangaj, Kosova ka nevojë për ndihmë. Por, jo tue i nënçmue si të pazotë me prodhue "gjebrea" e me "folë drejt" e me ba emisione televizive, por tue i kërkue arsyet që i kanë ba këta njerëz me u vetëpshtye e me iu nënshtrue këtij mazokizmi kulturor e gjuhësor.

Paradigma...

Më lejoni me i përdorë kategoritë dhe nocionet e historianëve të shkencës e të them se asht PARADIGMA DOMINANTE NACIONAL-KOMUNISTE ajo që po e mban nji kosovar, ose ma mirë me thanë, nji "verior", në këte gjendje veturrejtje. Janë ato stereotipe që gjasojnë me ato të prodhueme nga Kinostudio "Shqipëria e Re",
ku e liga, hajni, dhunuesi, vrasësi, tradhtari gjithmonë ka folë gegnisht dhe ka qenë prej Veriu! Kjo asht paradigma, e cila prodhon stereotipin e rrezikut
nga Tjetri, që e mbajta mend edhe nga ballina e gazetës "Zëri i Popullit" këto ditë, diçka si "...Po kthehet Berisha me veriorët... me dhunuesit...". Këtu
qëndron problemi, te Paradigma, të "E Vërteta e Vetëkuptueshme" e cila të lejon me gjykue pa u mundue me kuptue. Nuk i ndihmohet Kosovës tue vazhdue me e
kultivue Paradigmën nacional-komuniste, e cila e mban kosovarin, veriorin, n'pozicion inferior, por tue e elevue Paradigmën Kulturore Shqiptare nga niveli
nacionalist/komunist në nivelin europian. Zoti Frangaj flet për mure, por flet totalisht i ndryem e i zhytun mbrenda Paradigmës dominante për të
cilën Muret janë Mure mbrenda Ideologjish e mbrenda Kombi. Une kisha me folë për Mure, por për mure të cilat këte komb dhe këte kulturë e mbajnë të izolueme
nga fuqitë virtuale të saj dhe nga fundamentet europiane. Mure që mbysin diversitetin dhe pluralitetin e kësaj kulture. Nëse doni me i ndihmue Kosovës, mënyra ma e mirë kishte me qenë tue e elevue Paradigmën nacional-komuniste ne nivelin e Paradigmës Europiane, e jo tue i shfrytëzue favoret që i krijon
Paradigma dominante. Hypeni lojën në nji nivel ma naltë dhe keni me u bindë se n'Kosovë ka diçka. Keni me e zbulue nji botë të tanë te re shqiptare. Nuk flet
si ju. Nuk duket si ju, por janë shqiptarë, n'daç e besoni, n'daç jo.
Nga ky miljë kulturor i Tiranës pres mirekuptim e përkrahje, e jo përpjekje me keqinterpretue e me anatemizue shqetësimet që në fakt janë reale dhe të
argumentueshme. E sidomos jo me përfitue nga kjo kohë në të cilën po kalon Kosova, kur shumçka nuk asht si duhet e në vend të vetin.

Uji me sheqer që kushtoi nji çerek milioni euro

Zotit Frangaj me siguri i kujtohen limunadat 3 lekëshe të kosovarëve dhe reagimi i qytetarëve tiranas: Ç'janë këta ore... ujë me sheqer për të cilin këta kërkojnë 3
lekë?! Aleksandri i quen artista të mëdhej Gjebrean, Grabocken, e tjerët...Dhe, as n'artikull e as intimisht nuk i mendoj se janë pa talente. Por, festivali "Kanga Magjike", ato brende televizive për të cilat flet Frangaj, janë kopje të lira, posi
limunadat 3 lekëshe kosovare, të etaloneve televizive italiane (Maurizio Costanzo Show; Striscia La Notizia; Stasera Pago Io; Piccolo Genio me Mike Bongiorno;
Zelig; etc.). Dhe, për tragjedi të këtyne artistave me kalibër prej Tirane, ato etalone italiane janë në të vërtetë kopje 3 lekëshe t'etaloneve amerikane. Sepse,
i dashtun Sandër, asht vetëm nji vend që prodhon etalone, simbas filozofit francez Baudrillard - Amerika.
Andaj, shqetësimi jem, edhe për Prishtinën edhe për Tiranën, kishte me qenë i njajti: nëse u dashka për me qenë të kulturuem me e imitue dikend - ju RAI-n, e na Programin Satelitor Shqiptar - atëhere hajde t'i kopjojme bashkë etalonet e njimendta. Por, limunadat shqiptare të Grabockës e Gjebreas nuk kushtuen 3 lekë të vjetra, po - 250.000 euro parash publike! Nuk e kam të regjistrueme se ndonji ministri shqiptare ka investue n'artin kosovar e n'artistat kosovarë kësi shume.
E une s'jam asgja tjetër, pos nji qytetar. E shpetova shpirtin tem dhe fola. Ato ishin pare publike. Thashë ate që e thojshit ju asokohe: Kjo asht limunadë e shtrejtë. Ujë me sheqer që kushtoi nji çerek milioni euro!

RTK

Zoti Frangaj thotë se ai vetë dhe shpia mediale KLAN kanë investue për me i kapërcye muret dhe kufijtë mes nesh. Jam i informuem, bile edhe në detaje nga ai
vetë, dhe kam shprehë respektin tem për këte përpjekje nga e cila, si më ka thanë, ka pasë vetëm humbje. Por, ne artikullin tem nuk e kam pasë fjalën për TV
KLAN, por për Ministrinë e Kulturës së Kosovës dhe Ministrin Astrit Haraçija. Natyrisht, nuk jam kursye as ndaj dy artistave si Gjebrea e Grabocka, sepse
ndoshta edhe nji çunaku si Haraçija i falet, por nuk i falet këtyne të dyve që e kanë gjetë nji çun dhe mbi favoret që i krijon nji tiranasi Standardi '72 dhe
Paradigma dominante kulturore shqiptare, me e vra hiç ma pak se çerek milioni euro parash publike. Zoti Frangaj e di personalisht, se ja kam thanë,
respektin për punën dhe suksesin e kësaj shpie mediale. Kisha me dashtë me pasë këso fjalësh edhe për shpinë ku isha une drejtor, Radio Televizionin e
Kosovës, por, për fat të keq, nuk kam. Me akuzojnë, jo vetëm Frangaj, se me dorëheqje kam ikë dhe jam dorëzue. E kam thanë dhe vazhdoj me e mbrojtë aktin tem të dorëheqjes si akt qytetar. Nëse duhet me e thanë me fjalë tjera: nga shkaku se jam pamundësue me krijue standarde e etalone tjera kulturore, Gjebrea e Grabocka Kosovare, une kam dhanë dorëheqje, tue dashtë
me e alarmue nji situatë dhe nji vend. Por, nuk kam ndejtë. Gazeta JAVA asht nji etalon tjetër kulturor. Mendoj se JAVA asht e vetmja sfide kulturore e
civilizuese që i bahet Paradigmës dominante kulturore shqiptare. Dhe, si çdo ide e re dhe ndryshe, natyrisht, i ka ba tanë mediokrat e tanë budalltë e Kosovës - bashkë. Por, ajo qe i mban mediokrat bashkë n'Prishtinë, nuk e provokon njisoj mileun kulturor në Tiranë. Dhe, këtu e shof shpresën.

Tirana si kryeqytet i mendimit të lirë dhe si djep i Paradigmës Europiane në kulturën shqiptare, qe Tirana që kisha me e lakmue e xhelozue. Nuk mendoj se nji Prishtinë epigonike, nji Prishtinë joautentike, kishte me qenë shpresë nesër,
eventualisht, kur mendimi i lirë dhe fjala e lirë kishin me u rrezikue në Tiranë, në Shqipni. Tiranën e ftoj me e ndihmue Prishtinën, me e ndihmue Kosovën, tue i ndihmue me e instalue debatin, mendimin e lirë, sensin për Tjetrin dhe të Ndryshmen, alertin qytetar mbrenda vetes. Kështu nuk i ndihmohet vetëm
Kosovës, por edhe Shqipnisë nëse nesër, si gjatë komunizmit e Enverit, u rrezikue civilizimi shqiptar. E jo tue na shitë limunada të shtrejta. Prishtina si ekstension kulturor, si përplotësim i kulturës së krijueme n'Tiranë, qe Prishtina jashtë Paradigmës dominante. A ekziston asi Prishtine? Qe edhe nji temë debati në KLAN. Une mendoj se po dhe se muj me e mobilue e ekstrapolue ate Prishtinë.

Raportet kulturore Tiranë-Prishtinë janë çimentue e trivializue mbrenda kësaj Paradigme dominante kulturore dhe zhvillohen vetëm në nji drejtim: nga
Tirana në Prishtinë. Janë me qinda argumente që e vërtetojnë këte kulturë NJIKAHËSHE. E fundit: Biblioteka "Koha Ditore", e cila ka letërsinë botnore,
ka katër autorë nga Shqipnia dhe - ASNJI NGA KOSOVA (sic!). Dhe, këte bibliotekë duhet me e ble - kosovarët. E që ky tregim me u ba edhe ma tragjikomik:
KOSOVARËT JANË T'LUMTUN QË S'KA LETËRSI PREJ KOSOVE! (Ku dijmë na, pash Zotin, me shkrue!) Sepse, po them, kjo Paradigmë e riprodhon botëkuptimin e etabluem, që e thotë edhe Sandri në reagimin e tij se - Kosovë n'kuptimin e kategorive kulturore - NUK KA. "Koha Ditore" pa pikë marre e trumbeton dhe e propagon këte bibliotekë pa Kosovën në te. Kjo shpi ka ndie përgjegjësi vetëm për kulturën e krijueme në Shqipni. Për Kosovën s'ka përgjegjësi. Nuk e ka ndie
përgjegjësinë, sepse gjykohet e veprohet nga premisat e Paradigmës dominante. Prandaj as turpnohet. Sepse, Paradigma Kulturore Shqiptare nuk e ka parapa
ekzistimin kulturor të Kosovës. Krejt çka kjo Paradigmë lejon asht - REPLIKA. Si përmendorja e Skenderbeut në Prishtinë. Kopja. Dhe, këto raporte kanë me mbetë kështu gjithmonë derisa kosovarët, por edhe milieu kulturor në Tiranë,
nuk e kupton se kultura shqiptare për me u zhvillue duhet me elevue. Me e elevue Paradigmën Kulturore nga niveli nacionalist/komunist në nivelin europian dhe me
e artikulue këte raport me kategori komplementariteti e reciprociteti. Gjithçka tjetër ka me e ushqye vetëm stereotipin e rrezikut nga Tjetri, ja me "po vijnë
veriorët", ja, si e thotë Sandri, "na pushtoi Tirana".


Prishtinë, 9 Fror 2005

[Labeati]

Meqe te pikoka shpirti per kete 'gegnishten tande' perse nuk flet dhe ti gegnisht si ky Migjeni jot? Apo ke frike se ste kupton njeri?

Une flas gegnisht e jo tjeter se kjo asht gjuha e popullit tem brez mbas brezi e edhe me dashte nuk mund ta ndryshoj.
Ti ndoshta deshte me thane "pse nuk shkruen" ne gegnisht.

Une kam shume shkrime qe i kam shkrue gegnisht ne ket forum por ti si "zog i ri" nuk ke pase kohe me i lexue.

Por ndryshe prej teje une i di shum mire te dy dialektet edhe me i shkrue edhe me i lexue, ti je gjysmak perderisa nuk mundesh me lexue e me shkrue gjuhen e mbi 70% te shqiptareve, e e injoranca te ban edhe te pa-edukate.

Nje keshille miqesore: Ik lexo njehere Lasgush Poradecin, Eqerem Cabejn, Faik Konicen e Mitrush Kutelin perpara se te flasesh per epersine e intelektualeve dhe shkrimtareve nga veriu.

Une te gjith keta i kam lexue mire e perpara teje, ti lexoji mire sidomos Cabejn dhe Konicen, se nuk ma merr mendja se ke lexue ndonji rresht prej Cabejt.

Sa per me te kerkue ty me lexue Koliqin, Camajn, Shllakun etj e kuptoj qe i kalon kufijte e "kapacitetit" tand e po e la me kaq.

Mjeda shkruan:
Kjoft mallkue kush qet ngatrrime,
nder keta vllazen shoq me shoq,
kush e ndan me fjal e shkrime,
cka natyra vete perpoq

E kjo qe shkruan ti ku fyen e mohon kontributin geg asht pikerisht ndasi, por qe mos u ban marak hic, se gegnishtja do ta zane perseri vendin qe i takon heret a vone, se nuk mungon as potenciali, as gramatikat (ma te parat ne Shqipni), as literatura e botimet e vjetra e te reja dhe as vullneti, e ky vullnet natyror nuk mund te ndalet me ligje komuniste.

Kjo nuk asht teme per gjuhen zyrtare, por nuk mundesh me e poshtenue nji person pse nuk e kupton gjuhen per shkak te injorances tande.

[dodoni]

Migjen Kelmendi dhe kalibri i tij intelektual njihet jo vetem nga Shqiptaret por edhe nga pothuajse gjithe bota. Migjen Kelmendi eshte nje nga shkrimtaret e ri me te talentuar, eshte nje nga kengetaret e pare te rokut shqiptar, kryevepra e rokut shqiptar "Mendoja cdo gje merr fund pa ty" eshte krijuar nga po Migjeni dhe qe edhe sot pas gati 20 vitesh eshte superhit. Migjeni eshte biri i Ramiz Kelmendit, nje nga shkrimtaret me te njohur shqiptare. Intelektual te kalibrit te Migjenit eshte veshtire te gjesh dhe shume te rralle jo vetem ne Kosove e Shqiperi por edhe ne gjithe boten.

Tani eshte tjeter gje lufta e tij ndaj atyre qe kane luftuar kosovaret dhe verioret ne pergjithesi ne Tirane. Mirepo, kjo lufte eshte duke u bere e pergjithesuar, e jo duke u vecuar kunder vetem atyre qe meritojne kete lufte dhe pergjigje te tilla. Mendoj ketu eshte gabimi i Migjenit. Ne duhet te jemi sa me te bashkuar.

Per punen e gjuhes, edhe une pajtohem deri diku me te, sepse ne verioret e sidomos geget jemi demtuar goxha nga standardi i sotem i gjuhes. Une mendoj qe duhet te zyrtarizohet edhe forma letrare e publike e gegerishtes, dhe qe te dyja keto te mesohen ne shkolla si nga geget ashtu edhe tosket. Perdorimi pastaj mund te jete ceshtje zgjidhjeje e seicilit per ne, se cilen duam te perdorim.

As Tirana, e as Jugu, e as Kosova, e as Veriu nuk duhet ta shohin veten superior ndaj pjeses tjeter shqiptare. Por duhet ta konsiderojme veten njelloj dhe me respekt shume te madh vellazeror. Perndryshe, nencmimi (sidomos ne baza krahinore) eshte nje gje shume e lige dhe krijon percarje. Prandaj, kjo duhet evituar ne cdo menyre.

Tung