helmimi i gjimnazisteve
ngjarja
Gjimnazistët ishin nisur drejt vendlindjes pas 5 ditësh qëndrimi në Durrës. Nga 470 nxënës, 39 në spital
Kosovarët e sëmurë, ja si shpëtuan
Dyshimet për helmim dhe marrja e masave nga mjekët e policia
SHKODER / Ritvan Dibra
Alarmi në radiot e policisë për dy autobusë të mbushur me studentë kosovarë, që të gjithë të sëmurë, mori dhenë në pak minuta.
Gazetarë, policë, mjekë e kureshtarë mbushën shumë shpejt oborrin e spitalit të Shkodrës, në pritje të gjimnazistëve, që nuk kishin arritur të mbyllin me sukses qëndrimin 5 ditor në Shqipëri. Sirenat e rrugorëve dëgjoheshin tek buçisnin nga larg dhe të pranishmit filluan të shquajnë edhe autobusët që vinin me shpejtësi drejt spitalit. Kur dyert e tyre u hapën, gjendja u shfaq e tmerrshme.
Kurimi
Autobusët frenuan zhurmshëm në oborrin e spitalit rreth orës 13:30. Të 39 nxënësit u sistemuan në sallat e spitalit infektiv. Skena ishte mjaft e dhimbshme. Nxënësit mbanin shokët e shoqet e tyre në krah, (vetëm dy të sëmurë ishin djem), e me lot në sy ngjisnin me shpejtësi shkallët e spitalit. Bashkë me nxënësit vraponin të alarmuar edhe mësuesit e shkollës “Jeta e Re” të Suharekës. Nëndrejtori Skënder Emini, kur ka parë që në katin e parë nuk kishte më asnjë vend për nxënësit e sëmurë, ka vënë duart në kokë dhe ka nisur të qajë si të ishte fëmijë. Gjendja e të sëmurëve ishte shokuese, simptomat ishin; dhimbje koke dhe barku, mpirje të muskulaturës së gjymtyrëve. Zërat fillestarë bënin fjalë për një gjendje helmimi, por që çuditërisht nuk kishin as të vjella dhe as diarre, shenjat tipike të helmimit. Kjo e shtoi akoma edhe më shumë enigmën e kësaj gjendjeje. Falë gatishmërisë së personelit të spitaleve, brenda dy orësh situata është vënë nën kontroll. Nxënësit janë ndarë në spitalin Infektiv, 27 persona, dhe në urgjencën e spitalit Rajonal 12 persona dhe kanë marrë mjekimet e para me serume dhe qetësues. Por, sipas mjekëve të spitalit të Shkodrës, nuk bëhet fjalë për ndonjë helmim, por një gjendje debolese nga lodhja e madhe e gjimnazistëve, që prej 5 ditësh kanë fjetur shumë pak orë, kanë kërcyer gjithë ditën e natën, kanë pirë pije të ndryshme, kanë konsumuar ushqime të thata.
Shqetësimi dhe marrja e masave
Sapo kanë marrë vesh për ata që po ndodhte në spitalin e Shkodrës, drejtori i policisë së Shkodrës, Ahmet Prençi, dhe shefi i komisariatit të policisë së Shkodrës, kanë mbërritur me urgjencë në spital. Pasi kanë mësuar për atë që ka ndodhur kanë komunikuar me homologët e Durrësit dhe u kanë kërkuar që të bllokojnë hotelin, ku kanë qëndruar gjimnazistët kosovarë. Gjithashtu drejtori Prençi i ka kërkuar ministrit Olldashi që t’u vihet në dispozicion të spitalit helikopteri i ministrisë në rast nevoje. Ndërkohë nga ana e tij, spitali ka organizuar të gjithë efektivin që të qëndrojnë në pritje të nxënësve që do të vijnë për t’u shtruar, pasi nuk dihej ende me siguri numri i studentëve në nevojë për ndihmën e parë mjekësore. Nga informacionet paraprake është mësuar se në Durrës kanë qenë 9 autobusë me 470 nxënës gjithsej, të cilët prej 5 ditësh kanë vizituar Shqipërinë, e kryesisht zonën e Durrësit. Gjatë kësaj periudhe ata kanë qëndruar në hotel “Erzeni”, në qytetin bregdetar.
Gjimnazisti: Mbrëmë s’fjetëm, kërcyem gjatë gjithë natës
SHKODER - Agron Kukaj është një nga gjimnazistët që e ka përjetuar më shumë se kushdo stresin dhe panikun e paradites së djeshme në spitalin e Shkodrës. Ai ka mbajtur në krahë disa prej shoqeve që shfaqnin shenjat e sëmundjes të mistershme, derisa i ka sistemuar në shtretërit e spitalit. Tani është më i qetë dhe pranon të flasë për gazetën. Përkujdesja e mjekëve të Shkodrës, i ka bërë mjaft përshtypje dhe falënderimet e tij për bluzat e bardha nuk reshtin.
Kur jeni nisur nga Durrësi?
Meqenëse Durrësi është goxha larg kufirit, ne kishim vendosur që të niseshim rreth orës 08.00. Kaluam autostradën, lamë pas edhe Kamzën dhe hymë në autostradën tjetër, atë të Laçit.
Si e morët vesh se shokët janë të sëmurë?
Pasi kaluam Fushë-Krujën disa shoqe filluan të ankohen se u dhimbte koka dhe barku. Gjithashtu atyre u kishin filluar të dridhura dhe po kishin ftohtë. Pasi biseduam me mësuesit vendosëm që të ndalonim diku për të parë se si ishte puna. Sapo u ndalëm në një pikë karburanti mësuam se edhe disa vajza të tjera kishin po të njëjtat probleme, ndaj mësuesit vendosën se situata duhej të ishte e rëndë dhe për këtë u vendos që të hipin në një autobus të gjithë të sëmurët dhe të niseshin drejt Shkodrës. Por pastaj nis edhe një autobus tjetër, pasi kishte sërish vajza të sëmura. Paniku sa vinte e shtohej, pasi nuk po merrej vesh se çfarë kishte ndodhur.
Dini se si mund të ketë ardhur një gjë e tillë?
Kjo është e vështirë të thuhet, pasi janë mjekët ata që e japin një përgjigje të saktë. Por unë dua të them se në spital kanë përfunduar edhe shumë shoqe të cilat nuk kanë ngrënë fare mëngjez, ndaj them se nuk duhet të jetë faji i ushqimit. Të shohim se çfarë ka qenë ?!.
Po mbrëmë çfarë keni konsumuar?
Kryesisht ushqime të thata. Kemi qëndruar gjatë gjithë natës duke kërcyer nëpër disko dhe nuk kemi fjetur fare. Natyrisht që ishim shumë të lodhur.
Flet Agron Agolli: Gjendja nën kontroll
Mjeku: Simptomat, jo helmim nga ushqimi
Agron Agolli, mjek në spitalin e Shkodrës, ka qenë në grupin që ka përballuar fluksin e nxënësve kosovarë paraditen e djeshme. “Në spital kanë marrë ndihmën mjekësore 39 nxënës. Sipas asaj që ne kemi konstatuar, studentët kanë shfaqur këto simptoma: dhimbje koke, marrje mendsh, djersitje, dridhje muskulare dhe dhimbje kockash. Pasi ne i kontrolluam dhe u konsultuam me njëri-tjetrin vendosëm t’i shtrojmë. Për faktin që të gjithë kishin shfaqur shenjat e dehidratimit menjëherë iu dha serum dhe pas një ore të gjithë u normalizuan, duke dalë nga gjendja që ishin, me përjashtim të 4-5 nxënësve, të cilët janë ende nën kontroll”, pohon mjeku. Sipas tij, nga hetimi i epidemiologjisë, duke vlerësuar shenjat e sëmundjes dhe përmirësimin e shpejtë, mendohet se nuk ka helmim nga ushqimi. Kjo, pasi asnjëri nga këta nxënës nuk ka pasur dhimbje barku, diarre me përjashtim të dy vetëve. Po ashtu, thekson Agolli, nisur nga përmirësimi i sëmundjes, në mënyrë të shpejtë, rezulton se ajo nuk ka natyrë. “Për siguri do t’i mbajmë këta të sëmurë për 24 orë dhe më pas do t’i transportojmë për në kufi me autoambulancat e shërbimit tonë shëndetësor dhe me personel përkatës”.
INTERVISTE/ Flet administratori i hotelit të bllokuar në Durrës
“U dhashë ushqim me vete që të mos hanin rrugëve”
Rreth orës 14.30 në spitalin e Shkodrës, mjaft i shqetësuar për ata që kishin ndodhur, ka mbërritur edhe Artan Bodlli, administratori i hotelit “Erzen” në Durrës, ku kishin qëndruar edhe nxnënësit kosovarë.
Pasi ka folur me mjekët dhe ka mësuar për gjendjen shëndetësore të fëmijëve, ai është qetësuar disi kur ka mësuar se gjimnazistët nuk ishin sëmurë nga ushqimi. Më pas, bashkë me mësuesit i ka takuar ata një për një. Ja si u shpreh ai për gazetën.
Si e mësuat lajmin për atë që u ka ngjarë nxënësve?
Isha me disa shokë kur më njoftojnë se policia e Durrësit ka ardhur për të bllokuar hotelin, pasi nxënësit kosovarë, të cilët janë nisur sot në mëngjes nga hoteli për t’u kthyer në Kosovë qenkan helmuar nga ushqimi. Vrapova me shpejtësi për te hoteli, porosita personelin që pa e marrë vesh unë si ishte e vërteta të mos fliste me njeri dhe u nisa menjëherë për në Shkodër, në drejtim të spitalit për ta parë nga afër gjendjen dhe për të mësuar të vërtetën nga vetë mjekët e këtij spitali.
Si ka qenë mëngjesi për ta?
Ushqimet kanë qenë normale dhe kanë ngrënë të njëjtat si çdo mëngjes.
Po ndonjë pije a kanë konsumuar?
Po, pa dyshim, por jo pije alkoolike. Vetëm lëngje frutash dhe pije freskuese. Një gjë të tillë e kemi vendosur që ditën e parë me mësuesit e tyre. Gjithsesi kjo nuk do të thotë që ata mund të mos i kenë konsumuar jashtë hotelit
Si e kanë kaluar mbrëm-jen e fundit?
Gjatë gjithë natës kanë qëndruar zgjuar, duke kënduar dhe kërcyer, pa mbyllur sy. Kuptohet se kthimi në Kosovë për ta, pasi kishin vizituar për herë të parë Shqipërinë, ishte diçka që duhej festuar në atë mënyrë. Unë nuk kam vërejtur ndonjë shenjë të veçantë në gjendjen fizike apo sjelljet e tyre. Madje, sot në mëngjes, kur u përgatitën për t’u larguar u kam dhënë edhe ushqime të thata me shpenzimet e mia edhe pse nuk e kishim të planifikuar, duke menduar që të mos hanin në lokale dosido gjatë rrugës. Sikur e parandjeva një gjë të tillë. Por edhe këtë ushqim nuk kishin arritur që ta konsumonin, pasi kishte qenë herët.
Policia bllokon “Erzenin”
DURRES – Policia e Durrësit ka bllokuar mesditën e djeshme hotelin, ku kanë qëndruar për disa ditë nxënësit kosovarë. Rreth orës 13:00, me kërkesë të policisë së Shkodrës dhe me urdhër të Prokurorisë së Durrësit, forca të shumta të policisë kanë bllokuar hotelin shumëkatësh dhe kanë marrë nën kontroll mjediset e brendshme e të jashtme. Hoteli me gjashtë kate gjendet në lagjen nr.13 në Plazhin e Durrësit dhe prej disa viteve ai frekuentohet më së shumti nga nxënës kosovarë, që vijnë në Durrës për kryerjen e ekspeditave mësimore. Sipas burimeve të policisë, po bëhen hetime dhe po merren mostra ushqimesh nga ekspertët për t’i kaluar në laborator. Nxënësit nga Kosova kanë qëndruar plot 5 ditë në hotelin “Erzen” dhe dje në mëngjes janë nisur drejt Shkodrës për të mbyllur vizitën në Shqipëri. Nga personeli i hotelit është mësuar se ata janë nisur rreth orës 08:00, pasi kishin ngrënë mëngjesin.
EMRAT E NXeNeSVE Te SHTRUAR Ne SPITAL
Æ Dafina Berisha 18 Vjeç
Æ Antigona Bytyçi 17 vjeç
Æ Edona Kolgeci 17 vjeç
Æ Antoneta Berisha 18 vjeç
Æ Valentina Shala 17 vjeç
Æ Valdete Hoti 17 vjeç
Æ Armand Xhemili 17 vjeç
Æ Dafina Fetiu 18 vjeç
Æ Florinda Bytyçi 17 vjeç
Æ Arbëresha kryeziu 17 vjeç
Æ Fitore Hoti 17 vjeç
Æ Vlora Kryeziu 17 vjeç
Æ Ardita Vaselaj 17 vjeç
Æ Ermira Bytyçi 17 vjeç
Æ Valbona Krasniqi 18 vjeç
Æ Merita Gashi 17 vjeç
Æ Ardita Kabashi 17 vjeç
Æ Adelina Kuçi 17 vjeç
Æ Shqipron Kurtishaj 17 vjeç
Æ Akile Krasniqi 17 vjeç
Æ Luljeta Bungu 17 vjeç
Æ Antigona Geci 18 vjeç
Æ Arta Ramshaj 17 vjeç
Æ Saranda Bylykbashi 17 vjeç
Æ Valbona Reçaj 17 vjeç
Æ Blerina Kukaj 18 vjeç
Æ Edona Bytyçi 17 vjeç
Æ Antigonaj Cepaj 18 vjeç
Æ Anife Bytyçi 17 vjeç
Æ Pranvera Sopjani 17 vjeç
Æ Mimoza Aliu 17 vjeç
Æ Xhevahire Fekaj 18 vjeç
Æ Besarta Asllani 17 vjeç
Æ Bukurie Guraziu 18 vjeç
Æ Demir Hoxhaj 18 vjeç
Æ Blerina Hamzi 17 vjeç
Æ Besa Berisha 17 vjeç
Æ Arlinda Krasniqi 18 vjeç
Æ Gentiana Zeneli 18 vjeç
Një vit më parë vdiqën 14 gjimnazistë
FUSHE-ARREZ - Tetorin e vitit të kaluar, 14 maturantë kosovarë të shkollës “Abdyl Frashëri” nga Malisheva humbën jetën dhe dhjetëra të tjerë u plagosën. Tragjedia ka ndodhur në afërsi të Fushë-Arrëzit. Autobusi me të cilin udhëtonin 40 pasagjerë nga Tirana në drejtim të Kosovës është rrëzuar në afërsi të fshatit Gjegjan. Autobusi i rrëzuar në greminë ishte pjesë e një karvani prej 6 autobusësh me gjimnazistë që ktheheshin në Kosovë. Spitali Ushtarak në Tiranë u vu në gatishmëri të plotë në pritje të të plagosurve që do të mbërrinin nga Fushë-Arrëzi. Ndërkohë që forca të shumta speciale dhe helikopterë nga Ministria e Mbrojtjes dhe e Shëndetësisë shkuan me shpejtësi në vendngjarje. Edhe forcat e policisë se Kukësit ndihmuan për shpëtimin e sa më shumë personave, duke i transportuar në spitalet me të afërta. Aksidenti ka ndodhur si pasojë e përplasjes së autobusit me një makinë tip “Benz”. Drejt vendit të ngjarjes shkuan edhe ambulanca dhe mjekë nga spitali i Shkodrës si dhe ai i Pukës. Me dhimbjen e familjarëve të maturantëve u bashkuan dhe autoritete më të larta të vendit të cilat iu dërguan ngushëllimet e tyre presidentit Rugova dhe kryeministrit Kosumi.
Përgjigju Duke Cituar
.
Postuar më parë nga BRADYKININ
Ministri i Arsmit të Kosovës, ndalon udhtime te metejshme te nxensve Kosovar për ne S
Krijoni Kontakt