Ne pr-tech u publikua sfida e re e programimit qe mua me duket si nje nga me interesantet deri tani. Nuk e di a e kane pare mod-et (edi :-) ).
Nqs vihet ketu si kryeteme ma merr mendja se ky postim do fshihet por ia vlen nqs do fillonim ta diskutonim ate argument se coku ka ca mendje te shkatheta ketu ne forum qe vecse kur ia bejne PAM !!!!
---------------------------------------------
Sfida është hapur nga Grupi Teknologjik i Prishtinës. Po e hedhim në forum që anëtarët të mund të diskutojnë zgjidhjet dhe të mësojnë nga eksperienca e njëri-tjetrit. Tema do qëndrojë e mbyllur gjatë kohës që sfida është e hapur dhe zgjidhja juaj nuk duhet bërë publike gjatë kësaj kohe. Kur të skadojë afati i lejuar, tema do hapet dhe pastaj mund të postoni përgjigjet tuaja dhe të diskutoni me anëtarët e tjerë.
Gjetja e prodhimit më të madh të pesë numrave të njëpasnjëshëm
Krijuar/Përpiluar nga: Genc DOKO
Problemi eshte i hapur
Prej: 11/09/2005 Deri: 25/09/2005
Në këtë sfidë ju duheni të prodhoni një numër 1,000 shifror. Pas prodhimit ju duheni që të gjeni prodhimin më të madh të pesë numrave të njëpasnjëshëm brenda këtij numri 1,000 shifror që duhet të jetë i prodhuar në mënyrë të rastësishme (Ang: Random Number Generation).
Për ta shpjeguar natyrën e kësaj sfide, do ta shfrytëzoj rastin e gjetjes të prodhimit më të madh të dy numrave të njëpasnjëshëm brenda një numri 10 shifror. Pra, e marrim numrin: 1818946387. Në këtë numër e shohim që prodhimi më i madh i dy numrave të njëpasnjëshëm është: 8 * 9 = 72. Këta dy numra shihen në vijim: 1818946387. Të njëjtin koncept duheni ta shfrytëzoni për gjetjen e prodhimit më të madh të pesë numrave të njëpasnjëshëm brenda një numri 1,000 shifror.
Programi le të shkruhet për modin tekstual. Hyrjet mund të futen nga tastiera, apo edhe të lexohen nga skeda. Daljet mund të paraqiten në terminal apo edhe të shkruhen në skedë. Programi të kodohet ashtu që gjatësia e një rreshti mos të kalojë 80 karakterë. Për këtë sfidë, programi mund të shkruhet në C, C++, C#, Java, Visual Basic, VB .NET, Perl, PHP, Scheme/Lisp, Prolog. Nëse dëshironi që programin ta shkruani në ndonjë gjuhë tjetër programuese që nuk është cekur më lartë, atëherë ju lutemi që së pari të na kontaktoni nëpërmjet adresës të shfaqur më poshtë, në mënyrë që të jemi të sigurt se a mundemi ta vlerësojmë programin tuaj në atë gjuhë. Nëse programi juaj përmban më shumë se një skedë atëherë le të arkivohet si tar.gz apo zip dhe si i tillë le të dërgohet në programim ET pr-tech PIKE net.
Rezultatet dhe kodet e sakta do të paraqiten (1) një javë më së largu pas skadimit të afatit të problemit.
Nëse keni ndonjë pyetje lidhur me përpilimin e sfidës, na kontaktoni në programim ET pr-tech PIKE net.
Krijoni Kontakt