Rendi dhe krimi

[Brari]

Ja c'thone gazetat sot:
-------------------------------


Itali: Gjendet e therur në plehra prostituta 21-vjeçare nga Shqipëria
Lajmi i ores 11:10 AM

GENOVA (27 Prill) - Një prostitutë shqiptare gjendet e therur në një kosh plehrash. Kufoma tashmë është identifikuar dhe vetëm disa orë pas zbulimit të trupit pa jetë të enjten, janë shoqëruar në polici një numër i madh njerëzish, që kanë dhënë hollësi në lidhje me identitetin dhe jetën e saj.
"Kemi arritur të vendosim në rreth një person, si të dyshuarin kryesor, por është ende herët për të vepruar" janë shprehur hetuesit italianë, të cilët kanë nisur hetime intensive në lidhje me vrasjen e bujshme. Të enjten pasdite, forcat e policisë janë sinjalizuar për zbulimin e trupit të një femre, në një kosh plehrash, përgjatë rrugës që të çon te Cavi Borgo. Pas mbërritjes në vendngjarje, forcat e policisë kanë nisur hetimet për zbulimin e identitetit të vajzës. Shumë shpejt është arritur të zbulohet dhe emri i saj. Bëhet fjalë për 21-vjeçaren shqiptare, e cila punonte si prostitutë në zonën përreth. Nga shenjat që kishte në trup, ka rezultuar se viktima është vrarë me një thikë, madje ajo është masakruar. Fillimisht ajo është prerë në fyt dhe më pas është qëlluar në pjesë të tjera të trupit, gjithsej 7 herë. Nga kontrollet rreth e rrotull vendngjarjes, nuk është arritur të gjendet arma e krimit. Gjithmonë sipas hetuesve italianë, ka shumë mundësi që viktima të jetë vrarë të martën në mbrëmje vonë, duke u gdhirë e mërkurë. Deri në orët e vona të së enjtes, hetuesit kanë marrë në pyetje një numër të madh njerëzish, kryesisht prostituta që punojnë në këtë zonë, për të mësuar diçka më shumë rreth jetës së vajzës shqiptare. dxh/an (Gazeta Shqiptare/BalkanWeb)

Shkoder: Vdes 13-vjeçarja, u plagos aksidentalisht ndërsa shëtiste
Lajmi i ores 10:30 AM .

SHKODER (27 Prill) - Vajza 13-vjeçare e plagosur dje në qendër të qytetit të Shkodrës, gjatë shkëmbimit të zjarrit mes dy personave, vdiq në orët e para të mëngjesit të sotëm në spitalin e qytetit. Burime nga spitali civil bëjnë të ditur se megjithë ndërhyrjen kirurgjikale të mjekëve të ketij spitali, që ka zgjatur për disa orë, ka qenë e pamundur të shpëtonte. Jetmira Molla, ishte goditur mbrëmë aksidentalisht me tri plumba në kokë. Një natë më parë në qendër të qytetit të Shkodrës, në afërsi të Radio Shkodres, shtetasi Kujtim Vajushi, 30 vjeç, banues në lagjen "Guerrile" dhe Mir Kuçija, 28 vjeç, banues në lagjen "Tepe", kane shkembyer të shtëna me arme zjarri ndaj njeri-tjetrit, duke plagosur aksidentalisht 13-vjeçaren Jetmira Molla, e cila po shëtiste në afërsi të Radio Shkodrës, së bashku me nënën e saj. dxh/an (RASH/BalkanWeb)

FIER (27 Prill) - Një fëmjë 11 vjeç nga fshati Metan në Fier është aksidentuar sot paradite rreth orës 8:00 në aksin rrugor Libofsh-Fier. Fëmija Florenc Mihaj ka shkuar për të blerë bukë dhe duke u kthyer për në shtëpi është përplasur nga një makinë Benc që po ecte me shpejtësi. Në vengjarje shkuan forcat e policisë së Fierit të cilat nisën menjëherë veprimet proceduriale. Ndaj drejtuesit të automjetit një 20-vjeçari nga fshati Libofsh u mor masa e arrestit në flagrancë dhe provat i kaluan për shqyrtim prokurorisë së rrethit. dxh/an (RASH/BalkanWeb)
------------------------------------------------


Mjer ajo vajza e mjer familja e saje.

"aksidentalisht" thone gazetat. Qe kur japin lajmin fillojn ja zbusin krimin krimineleve.
Nuk eshte "aksidentalisht" por eshte vrasje, masaker ajo qe ben ai qe del me kallash ne bulevard moj shoqja gazet.
Nji benz i nje libofsharaku morracak e qaflesh me shpejtesi nuk "aksidenton" por vret e masakron njerez oj gazeta perkedhelse.

[alumni]

Brar,

Bashkohem plotesisht me shqetesimin tend aq te drejt e te ligjshem.

Krimi e degradimi moral, mosndalja para asgjeje per te rrembyer vlera e prona qe nuk u perkasin, mosrespektimi i pronesise, djerses e mundit legjitim, makuteria per te patur pasuri e para ne cfaredo menyre, sado e poshter dhe ulet te jete ajo - ja keto jane disa rezultate gjeniale te njeriut te ri qe krijoi me aq sukses regjimi totalitar, njeriun qe e mbylli ne kafaz si kafshe, njeriun qe i hiqte breket kur e sa here te donte brigadieri (ndryshe mbeste pa buke), qe ia perfeksionoi aq mjeshterisht zanatin e kusarise per dekada te tera, etj, dhe qe gjeten ate shtrat aq te ngrohte "lulezimi" kulminant, pas viteve '90, duke lene nam ne bote, duke zgjebosur me tej shoqerine Shqiptare.

Keto jane nder trashegimite e cmimet qe paguhen e do te vijojne te paguhen, deri sa shoqeria e shteti Shqiptar te futen ne binaret e shtetit ligjor, te shoqerise civile, te respektimit real te prones e te lirise se individit, te vlerave te verteta te familjes, te solidaritetit komunitar.

Ka qene, dhe ende eshte ne fuqi psikoza shkaterruese per njeriun e thjeshte, kur sheh shtetare e pushtetare, abuzive te cdo karakteri, te tradhetuar e te vetmuar, pa shprese ... dhe me keto dukuri aq te liga ... gjen justifikim, dhe i bie rruges se "shkurter" te krimit, felliqesise, dyzimit djallezor ...

Cfare i gjeti pushtetaret qe kane vjedhur e vjedhin, grabitur e marrin rushfete te majme, verdallisen me vetura luksoze, kalojne pushimet ne rezorta aq te shtrenjta, enden te blinduar me eskorta, dhe ... ne duart e policise bie nje mjeran, viktime e palacollekut, pisllekut e mizerjes.

Sa per shtese asaj qe ka shtruar BRARI:

-Kthehet nga Greqia, përfundon nën majën e thikave e bajonetave, me qëllim që të dorëzojë lekët. Ngjarja ka ndodhur në lagjen "Mbrostar Ferko" të Fierit, periferi e qytetit. 25-vjeçari Ndriçim Merko, sapo është kthyer, pa shkuar ende në shtëpi, ka takuar 3 kushërinjtë e tij, të cilët dhe i ka qerasur. Këta të fundit janë ngritur nga tavolina, duke e lënë emigrantin me disa të tjerë. Kanë shkuar në shtëpi janë maskuar, armatosur dhe i kanë zënë rrugën, në orën 22.00. Kur ai po kthehej në shtëpi, e kanë detyruar të dorëzojë ç'kishte me vete, madje edhe 100 euro dhe 20 mijë lekë. Ai i ka denoncuar menjëherë në polici, ndërsa kjo e fundit, ka arritur të arrestojë Fatos e Lorenc Ferkon, 19 vjeç secili dhe 20-vjeçarin Klodian Merko, të tre të afërm të viktimës.

[Eda H]

Pershendetje. po nuk u zbatuan rregullat e ligjet, e kjo vjen vetem po u vu nje qeveria, shtet i rregullete e jo nje shtet qeveri prej antareve te mafjes, pra shteti, qeverija jan mafja jan nje, hiqi vize, keto gjera do te vazhdojen e keto qe po ndodhin jan pak, duhet te presim per me shume. Mjera ata qe ju bie fati, e mundesia te lidhen e te ken te bejn me keta mafjoza.
me shume respekt
eda

[Anton]

Te jem i sinqerte,


kur lexoj permbi dhunen , krimin dhe tendencat vetshkaterruese tonat nuk di se cfare te mendoj.

Kam kohe qe studioj permbi "Dhunen" e te them te drejten nganjehere mendoj se shoqeria shqiptare eshte ne kufinjte e normales.

Kush do te ishte zgjidhja?


Nje shtet i forte i drejtuar nga te djathte me nje tolerance zero ndaj krimit e dhunes duke filluar nga dhuna ne familje.

Por mbi te gjitha:

Ne na duhen drejtues te ndershem te shtetit.

[Brari]

Masakra ne Divjak.
----------
Aurora Damini

Orë pas ore me tragjedinë e Divjakës. Të vertëtën mbi rrethanat se si ka ndodhur masakra i dinë vetëm protagonistët e saj, shumica e të cilëve janë vrarë. Por redaksia e Gazetës rreket që të rikrijojë dinamikën e zhvillimit të këtij krimi e ngritur jo vetëm përmes burimeve zyrtare të policisë, por edhë nëpërmjet dëshmitarëve, apo familjarëve të fshatit Divjakë.

Ora 22.00. Alfred Shane, shkon për të disatën herë në shtëpinë e Nikolla Lalës për të kërkuar dorën e Angjelinës, vajzës së tij. Por kjo e fundit sërish mohon, ndërsa prindërit nuk dalin jashtë vullnetit të vajzës. "Mirë se e zgjidhim edhe ndryshe", ka kërcënuar Alfredi kur është larguar i sfiduar nga familja Shane.

Ora 23.45. Alfred Shane, së bashku me Klaudio Priftin futen befas dhe rrufeshëm në shtëpinë e Nikollës dhe qëllojnë me breshëri automatiku mbi Nikollën, gruan Kristinën dhe plagosin Angjelinën. Terrorizohen motra e vogël e Angjeliës dhe vëllai 10-vjeçar.

Ora 00.00. Alfredi dhe Klaudio shohin afër shtëpisë Artan Metanin, bashkëfshatarin e tyre të hipur në një makinë tip "Seat", me benzinë. I kërkojnë që t'u vërë në dispozicion makinën e tij, por ky kundërshton. Në fshat njihej si "i fortë". Megjithatë arrijnë ta marrin me forcën e armës.

Ora 00.15. Sapo dalin nga fshati dhe nisen në drejtim jugor qëllojnë me automatik Artanin dhe e hedhin atë në rrugë (mesa duket ai i ka kundërshtuar, mbase edhe kërcënuar për këtë sfidë). Ndërkohë policia vihet në ndjekje. Gjatë rrugës policët gjejnë kufomën e Artanit.

Ora 00.20 Fqinjët e familjes Lala nisin për në spitalin e Lushnjes Angjelinën. Ndërsa dy prindërit e saj nuk kishin asnjë mundësi shpëtimi. Kishin vdekur tashmë. Alarmohet i gjithë fshati. Vajza që kishte marrë dy plumba në trup mjekohet fillimisht në spitalin e Lushnjes, por më pas edhe ajo transprtohet në Tiranë.

Ora 00.40. Alfredi e Klaudio ndalin në autostradë. Policët mendojnë se aty Klaudio e ka kundërshtuar Alfredin për të gjitha krimet që kishte bërë. Grinden mes tyre dhe Alfredi qëllon me një plumb në kokë Klaudion. Kufomën e hedh sërish në autostradë dhe vazhdon rrugën në drejtim të Kavajës. Policia e ndjek.

Ora 01.00 Alfredi afrohet pranë një pike karburanti në dalje të Kavajës. Nga shpejtësia përplaset me pompën e benzolit në pikën e karburantit. Makina merr flakë. Ndërhyjnë për ta shuar dy rojet e karburantit, për të shmangur diegien e pikës së karburantit. Por Alfredi rrëmben një lopatë dhe tenton të godasë dy rojet. Ndërkohë makina, brenda së cilës ishte edhe automatiku nis të digjet.

ORA 01.05 Alfredi shkon në banesën e V. X afër karburantit dhe kërkon armë. Në pamundësi të gjetjes së armës, ai rrëmben një nga thikat e bukës që gjendeshin në shtëpi, dhe del jashtë.

ORA 01.05 Mbërrin policia dhe rrethon vendin. I bëhet thirrje Alfredit të dorëzohet. Por ky i fundit duke sharë policët (policët mendojnë se ky ishte një provokim për ta qëlluar) dhe nis të qëllojë veten me thikë. Ndërsa policët e rrethojnë për ta arrestuar, Alfredi kërcënon se do të ndezi të gjithë pikën e karburantit nëpërmjet pistoeltave që shpërndajnë karburantin.

ORA 01.10 "Paralizohet" dhe arrestohet Alfred Shane. I plagosur disa herë me thikë, niset urgjent për në Spitalin Ushtarak të kryeqytetit ku i nënshtrohet operacionit.

ORA 01.20 Policia kthehet në fshat, dhe shoqëron të gjithë familjarët e mbetur gjallë të protagonistëve të ngjarjes. U merr dëshmitë për lidhjet mes autorëve të masakrës dhe viktimave dhe pas disa orë izolimi i liron.


GJASHTE VIKTIMAT

Nikolla Lala 48 vjeç, babai i Angjelinës, që ishte dhe "molla e sherrit". Vritet në dhomën e gjumit.
Kristina Lala 42 vjeçe, bashkëshortja e Nikollës, nëna e Angjelinës. Vritet në dhomën e gjumit.
Artan Metani 35-vjeç, shoferi i makinës, që donin të merrnin dy protagonistët. Kufoma hidhet në autostradë.
Klaudio Prifti 18 vjeç, shoku i Alfredit, viktima e katërt i këtij të fundit. Bashkëpunëtori dhe shoqëruesi i tij gjatë gjithë ngjarjes.
Angjelina Lala 19 vjeç, "vajza për të cilën u bë sherri", e bija e Nikollës dhe Kristinës, e plagosur me plumb jashtë rrezikut për jetën.
Alfred Shane 21 vjeç, autori i katër vrasjeve. Është kapur ndërsa tentonte të vriste veten. I vetëplagosur. Jashtë rrezikut për jetën ndodhet në Spitalin Ushtarak.
----------------

"Angjelina s'donte të martohej"
Rrëfimi i familjarëve: Prindërit ia lanë të vendoste


--------------------------------------------------------------------------------

Nga e derguara jone Aurora Damini

DIVJAKE

Divjaka dje ishte veshur e gjitha me të zeza. Policia e Lushnjes gjatë gjithë natës në të zbardhur të së hënës kishte mble-dhur viktimat e çmendurisë së 21-vjeçarit Shane. Banorët e fshatit sipas zakonit venë të ndahen me katër të vdekurit. Dy prej tyre janë në familjen Lala, viktima e tretë është Artan Metani dhe morti i fundit është ajo e bashkëpunëtorit në vrasje Klajdi Prifti. Në familjen Lala e ka fillimin masakra.

Gra të veshura me të zeza kokë e këmbë, e burra të heshtur e sy vrarë janë mbledhur në oborrin e kësaj shtëpie. Pjesa më e madhe e tyre presin njerëzit jashtë. Janë të çoroditur, të tmerruar. Njerëzit më të afërm të familjes Lala janë në dhomat e shtëpisë, pranë dy të zotëve të shtëpisë, Nikollës dhe Kristinës, të cilëve ia kanë vënë trupat ngjitur me njëri-tjetrin. Nga oborri i shtëpisë ku ka ndodhur gjëma duken dhe perdet e bardha të dritareve të vilës të familjes Shane, ku dje nuk lëvizte "as miza". "Dashuria" e Alfred Shanes dje në Divjakë hapi katër varreza të reja...

Në mort
Janë të mbushur me dhimbje dhe mes lotësh të afërm të familjes së Nikollë Lalës kanë pranuar të tregojnë dje për Gazetën se çfarë kishte ndodhur në atë shtëpi. Sipas tyre fillimi i tragjedisë qëndron pikërisht në momentin kur Alfred Shane, dukej se i ishte mbushur mendja që të fejohej patjetër me Angjelinën, vajzën 19- vjeçare të çiftit Lala. Gjatë këtyre muajve që kur ai ishte "shfaqur" si kandidat për dhëndër, Alfredi kishte trokitur disa herë në derën e shtëpisë së Angjelinës me shpresën se do të merrte një përgjigje pozitive. Por në të gjitha rastet ai është kthyer mbrapsht. Sipas familjarëve, prindërit e Angjelinës, thuhej se mund të kishin qenë dakort nëse do të ishte e bindur dhe vajza e tyre se do të donte të kalonte jetën me Alfredin. Por 19-vjeçarja, tregojnë kushërinjtë, nuk ka qenë kurrë e gatshme që të vendoste të jetonte me Alfredin. Sipas tyre, tek Shanej, kishte diçka që nuk e bindte vajzën. Orët e fundit të kryefamiljarëve Lala kanë qenë të mbushura me stres, por gjithsesi pa shenjën më të vogël të frikës për jetën.

Masakra
Sipas të afërmve pasditen e së dielës Alfredi është takuar edhe një herë më të atin e Angjelinës, Nikollën përpara shtëpisë së familjes Lala. Replikat mes tyre mësohen të kenë qenë të ashpra dhe deri kërcënuese, por gjithsesi Alfredi është larguar për t'u kthyer disa orë më vonë së bashku me shokun e tij Klajdi Prifti si masakrues të familjes Lala, megjithëse i zoti i shtëpisë i kishte rithënë kandidatit se çdo gjë ishte në dorë të vajzës. Pak para mesnatës me një automatik në dorë Alfredi i është afruar shtëpisë dhe pasi ka thyer xhamin e derës së jashtme, ka filluar të qëllojë. Plumbat kanë përshkuar menjëherë trupat e Nikollës dhe Kristinës, duke i lënë të vdekur dhe duke plagosur rëndë Angjelinën. Pas krismës së thyerjes së xhamit të derës të gjithë familja kishte dalë nga dhoma ku po rrinte në korridorin përballë derës. Pasi ka bërë masakrën e parë 21-vjeçari Shane së bashku me shokun e tij Klajdi Prifti janë larguar në drejtim të fshatit Mizë. Gjatë rrugës ata kanë parë 35-vjeçarin Artan Metani, të cilit i kanë kërkuar makinën që të largoheshin, refuzimit të këtij të fundit, pasi kanë bërë disa minuta rrugë bashkë djemtë i janë përgjigjur me një plumb në kokë. Pasi e kanë ekzekutuar ata e kanë hedhur në mes të rrugës. Pas ekzekutimit të Artanit, siç duket pas një debati dhe me bashkëpunëtorin e tij, Alfredi nuk ka ngurruar që të ekzekutojë dhe Klajdin 18 vjeç.
------------------------------------------------
Masakra e Divjakës

Dy familjet ishin 300 metra larg


--------------------------------------------------------------------------------

ar.ba

Shtëpitë e Alfred Shane dhe Angjelina Lala nuk janë më larg se 300- 400 metra nga njëra tjetra. Në shtëpinë Lala dje kishte rënë zia, në atë të familjes Shane dje nuk dukej se kishte këmbë njeriu. Dy familjet prej disa kohësh ishin komshinj dhe më parë nuk kishin patur asnjë konflikt më njëra-tjetrën. Ndërsa në oborrin e shtëpisë së Nikolla dhe Kristina Lalës qanin pa pushim burra e gra të veshur me të zeza në shtëpinë fqinje nuk lëviste asgjë, as perdet e bardha prej tyli. Poshtë vilës trekatësh të familjes Shane, në të cilën akoma nuk kishin mbaruar ndërtimet kishte ndaluar që mbrëmë një furgon i vjetër i postës së policisë së Divjakës. Frika e një hakmarrjeje të mundshme i kishte "ngulur pincë" përpara shtëpisë Shane policët. Të pyetur në kishte njëri, ata me gjysëm zëri thonin se ka mundësi që të ishin larguar, por ata ishin të detyruar të rrinin sepse kishin urdhër. Rrobat e lara e të thara prej kohësh dhe të vëna në telat e oborrit deri pasdite vonë nuk i mori që t'i fuste brënda...

-----------------------------------------
Komenti im..

"Poshtë vilës trekatësh të familjes Shane, në të cilën akoma nuk kishin mbaruar ndërtimet kishte ndaluar që mbrëmë një furgon i vjetër i postës së policisë së Divjakës.""
"Poshtë vilës trekatësh të familjes Shane, në të cilën akoma nuk kishin mbaruar ndërtimet kishte ndaluar që mbrëmë një furgon i vjetër i postës së policisë së Divjakës."

Ja pra kush ben vila tre kateshe ne Shqiperi.

Ja me cfare behen vilat 3 kateshe..RRembejne vajzen e nji qyqari..e nxjerrin ne semafor dhe me ato PARA blejne tulla e ngrejne vila ne Lushnje ..Vlore..Fier e Berat..
Me vajzat e Nikoll Laleve te mjere behen VILA e Blehen Benza..
Per te bere pallate si Marsel Skendo nuk mjafton prostitucioni por duhet dhe shitja e atdhut tek Nikolla i Gaxhajve..
Tmerr..

[Brari]

...per cfare do thoni ju..
Per vjedhje rrushi..apo dardhash..jo jo per vrasje dhe ja tani ben vrasjen e katert dhe iken ne drejtim te "pa ditur"..
Ja c'thot gazeta..
----------
Vritet për një mur rrethues

TIRANE - Në orët e para të mbrëmjes të së dielës është vrarë me armë zjarri shtetasi Astrit Cani. Ngjarja e rëndë ka ndodhur në fshatin Çekrez, në periferi të kryeqytetit. Sipas burimeve zyrtare të policisë vrasja e 29-vjeçarit Cani, ka ndodhur për motive pronësie. Pasditen e po kësaj dite Astrit Cani ka patur një konflikt të ashpër me komshiun e tij Naim Luli. I gjithë shkaku i konfliktit ka qenë një mur, të cilin ata pretendonin të dy se ishte i tyre. Sipas burimeve zyrtare të policisë së kryeqytetit pas konfliktit 35-vjeçari Luli, ka qëlluar me pistoletë mbi Astritin, duke e lënë atë të vdekur përpara derës së shtëpisë. Po të njëjtat burime kanë saktësuar se vrasësi Luli, i cili është larguar nga vendi i ngjarjes dhe është shpallur person në kërkim ka qenë i dënuar tre herë për vrasje. a.b
--------------
koment..

Pra zoti Luli ja ka mbathur..
"Po të njëjtat burime kanë saktësuar se vrasësi Luli, i cili është larguar nga vendi i ngjarjes dhe është shpallur person në kërkim ka qenë i dënuar tre herë për vrasje. a.b "

C'do te thote i denuar 3 here per vrasje?
Normalisht do te thote 3x25 vjet=75 vjet.
LULI eshte 35 vjecar sot. Po te kishim "shtet normal" athere Lulit do i binte te kryente vrasjen e katert ne moshen 110 vjecare. Ne se do kishim "shtet te forte" athere qe ne vrasjen e pare Luli duhej te kish marre plumbin ne Lule te ballit nga shteti dhe nuk kish pasur rast te vriste as te dytin as te tretin e as te katertin..
Po cfare shteti kemi ne sot?

Jepi Luli ....mos ki frik
Ke Ps-ne .. ne Politik
Dhe Pd-ne tru- rakitik

Kulmi.

Pak Histori..
A e dini se ne kohen e Zogut ne popull thuhej..

"Mund te marresh nji tepsi mbush me napolona ari e te shetisesh naten dhe diten nga Tirana ne Shkoder dhe kerkush nuk te prek."

A e dini se ne nji raport te Hekuran Isait (ky dokument i kohes Enver Hoxhes eshte ne arkiv) kur u be minister i puneve te brendeshme thuhej..
" Se Shqiperia ze vendin e pare ne bote me statistika ne kriminalitet"...por natyrisht ky fakt ishte i brendeshem e jo per publik sepse ne ate kohe gjerat nuk thuheshin..pra i thuhej derrit Daje.

Me dit te tera kercenonte krimineli divjakes te mjeren Angjeline dhe askush nuk vuri ujin ne zjarr.
Sot bukuroshja jetime lengon ne Spital nga plaget e plumbave..

I duheshin PARA Banditit te Lushnjes te kompletonte vilen 3 kateshe dhe ja vuri syrin vajzes se komshiut qe mezi e ka rritur dhe me dhune kerkonte "doren " e saje.
Te gjithe banditet qe trafikojne vajzat tona te mira perdorin te njejtin variant...Ata kerkojne "doren e vajzes" dhe pastaj i marrin e i degdisin..

Deri kur keshtu???

[dimegeni]

Ate masakren e Divjakes e lexova sot ne nje gazete londineze dhe sipaj asaj thoshte qe vajza eshte provuar te grabitej per motive prostitucioni.Tragjedi e vertete.

A ka mbaruar ai litari ne Shqiperi per te gjithe keta, se nuk ka rruge tjeter.

[Skampini]

E mora vesh kete ngjarje te trishtueshme ketu ne internet.
Nuk me gjenden fjalet per te ngushelluar familjen dhe te afermit
Por per dicka jam i sigurte,denimi kapital me vdekje per kriminelim,
ne menyre publike,dhe internim familjes per edukaten qe i kane
dhene femijeve,mbase do ti lehtesonte dhimbjen.

BURRAT NE HIJE RRINE E VESHTROJNE
PIKA QE S'JU BIE SE NGA GRATE RROJNE:

Kjo eshte nje dukuri e shfaqur perseri ne Shqiperi,paksa me e modernizuar,por eshte e njejta gje.
TURP,TURP,TURP.

[Eda H]

Pershendetje. kete histori e digjuam tek zeri i amreikes e tek BBC, e po gjithashtu nga njerzit qe kemi ne shqiperi, histori qe te rrengjeth mishin, e te vjen per te vjell, e te pelcases nga inati kur merr vesh qe eshte midis shqipetarit e shqipetari, ia ben varin shqipetari shqipetarit, po atehere cfare duhet te persim nga serbi e greku, kur ta fund i jote, cpret nga dynjaja. nuk eshte vetem ngjarje krimi, por motivi i keti krimi eshte me skadalozi, gjellimi, arsyeja e krimit, se te vrasesh per hakmarje, te vrasesh per para, etej ku ta qesh se je vetem nje kriminel, pra edhe krimi e krimineli ka digri, e shkalle. po te shes shqipetari shqipetarin, te ule e te poshtersoi vellai vellan, kjo nuk ka fjale qe ta pershkruaj, nuk ka vend, vetem turp turp e vetem turp e jazek ju qofte, qumshi i nenes se nuk e merritonin.......
me shume respekt
eda

[Brari]

Ka nji tendenc ne shtypin Roze te Arta Dades, deputetes "proletare" dhe pronares se Divjakes per ta paraqitur Alfred Shanen si nji fare Romeo qe nga "dashuria" shperthen ne zemerim.
Sic duket fisi Shanaj do jene vegla te PS-se ne zone. Sa per Klaudio priftin atij para nji jave i doli emri si bashkpuntor ne vrasjet ne lidhje me tenderin e pastrinit dhe qe u prangos nga policia.. Per cudi Klaudio dy dite me vone le burgun dhe ben vrasje te tjera.. .

Ja dhe mendimet e popullit ne Divjaken e tmerruar..
Gazeta...RD..
----------

Ende pa iu tharë lotët e dhimbjes, të afërmit e viktimave në Divjakë akuzojnë shtetin për masakrën e kryer nga dy trafikantë femrash. Xhaxhai i Anxhelinës, e cila ndodhet në gjendje të rëndë në Spitalin Ushtarak të Tiranës, akuzoi dje shtetin dhe kërkoi dënimin maksimal për kriminelin.
Ai u shpreh në media se dhimbja është tepër rëndë. "Ne kërkojmë dënim maksimal, por po nuk mori masa shteti, ne do të hakmerremi", deklaroi xhaxhai i Anxhelinës.
Të njëjtin mendim shprehën edhe banorët e tjerë të Divjakës.

Shumë prej tyre deklaruan se dy kriminelët që kryen masakrën njiheshin si trafikantë femrash, por policia nuk kishte marrë asnjë masë ndaj tyre.
21-vjeçari Alfred Shane ishte akuzuar për tre vrasje dhe për trafik femrash, por policia e linte të lirë. Edhe krimineli tjetër, Klaudio Prifti, djali i një punonjësi policie, ishte akuzuar për trafik femrash. Shteti nuk veproi ndaj dy trafikantëve, duke i lënë ata të lirë për të kryer krime e masakra.

Ndërkohë forcat speciale të policisë kanë një javë që kanë rrethuar qytetin e Lushnjes, duke ushtruar terror tek qytetarët. Në këtë qytet banorët mbyllen në shtëpitë e tyre ende pa u errësuar dhe nuk guxojnë të dalin natën nëpër qytet.
Edhe pse forcat speciale kanë rrethuar Lushnjen prej një jave, krimi ndodh para hundës së policisë. Masakra e së dielës nga dy trafikantët u krye vetëm disa kilometra larg qytetit të Lushnjes, ku specialet po e mbajnë të rrethuar atë prej disa ditësh.

R.POLISI



Përcillen për në banesën e fundit bashkëshorët Lala

FIER - Të hënën në orën 17.00, mijëra banorë të Divjakës përcollën me lot në sy çiftin Lalaj, të vrarë mizorisht në gjumë nga 21-vjeçari, fqinj i tyre. Vrasja makabre e çiftit Lalaj la jetim 2 fëmijë ende të vegjël, Ledion 12 vjeçar dhe Oltën 8 vjeçe, nën kujdestarinë e 19-vjeçares Angjelina, tashmë të plagosur nga dora ekzekutore e "atij që e donte shumë".

2 fëmijët e vegjël të çiftit Lalaj ende të terrorizuar i ka marrë nën kujdestari xhaxhai i tyre, Feim Lalaj si dhe janë në kujdesin e gjyshërve, e tezeve. Gjithësesi asnjë nuk mund të zëvendësojë tek ata fëmijë që panë tmerrin me sy, përkëdheljet e prindërve të tyre, të vrarë aq barbarisht.

Sipas burimeve nga policia e Lushnjës janë shoqëruar në polici për t’u pyetur mbi rrethanat e krimit dhe këtë ngjarje 2 prindërit e autorit dhe bashkëpunëtorit të tij, vrarë më vonë nga 21-vjeçari pasi e kundërshtonte atë për t’iu dorëzuar policisë.

Aurora Damini



AVOKATI POPULLIT


Dobjani: Policia shqiptare grabit qytetarët kosovarë

Grabitjet nëpërmjet gjobave, që policia shqiptare ju bën qytetarëve të Kosovës, kanë qenë objekt i denoncimeve të tyre të përcjella nëpërmjet Ermir Dobjanit, Avokatit të Popullit.
Pas një vizite të tij në Kosovë, shqetësimet e qytetarëve kosovarë janë bërë të ditura dje nga Dobjani gjatë një vizite të tij në Kukës. "Nuk kanë munguar ankesat drejtuar nga qytetarët kosovarë" – ka deklaruar Avokati i Popullit.
"Më kanë shprehur shqetësimin për trajtimin e tyre nga ana e policisë shqiptare përgjatë rrugës Durrës-Morinë që kanë të bëjnë kryesisht me gjobat që atyre u vihen nga policia jonë, me problemet e shumta që u dalin gjatë udhëtimit në këtë rrugë, etj", - tha Dobjani.

Shqetësimi i qytetarëve kosovarë ndaj policisë shqiptare, për herë të parë përcillet dhe denoncohet nga një zyrtar i lartë shtetëror, ndërkohë që rastet e shumta nuk kanë munguar.
Prej vitesh, aksi rrugor nga Durrësi drejt Morinës, është shndërruar në një ferr të vërtetë për qytetarët e Kosovës, që të kthyer nga Perëndimi apo për t’u larguar drejt tij, kanë zgjedhur kalimin përmes Shqipërisë.

Postoblloqe të panumërta policie, "vjelin gjobën" për çdo kosovar që kalon në aksin rrugor Durrës – Morinë. nën pretekse të ndryshme, policët ju rrëmbejnë në emër të ligjit e shtetit, qytetarëve të Kosovës, vlera të konsiderueshme të hollash.

Këtyre pengesave të provokuara me dashje nga njerëz me uniformë policie, ju shtohen edhe grabitjet e maskave të armatosura, që kanë qenë të shpeshta edhe ndaj qytetarëve kosovarë në aksin rrugor Durrrës – Morinë e anasjelltas.

Pas kthimit nga Kosova, Avokati i Popullit të Shqipërisë, Ermir Dobjani, e ka vlerësuar dje në Kukës vizitën e tij në Kosovë si "bashkëpunim me interes të dyanshëm në shërbim të qytetarëve". Sipas Dobjait, ai ra dakort në takimet me homolugun e tij kosovar në organizimin e konferencave të përbashkëta, seminareve për trajnimin e stafit etj.
Në vizitat që zhvilloi në Komunat e Pejës dhe Gjakovës, drejtuesit lokalë i shprehën Dobjanit dëshirën e tyre për shtimin e kontakteve dhe lidhjeve me Komunat e Bashkitë në Shqipëri.
Kjo, me qëllim "që të mos priten vetëm ftesat zyrtare nga njëri-tjetri, por secili, aty ku e ndjen se mund të kontribuojë, të japë ndihmesën e tij, pasi fushat e bashkëpunimit të Pushtetit Lokal janë të pafund", theksoi Avokati i Popullit.

Artur BEGA

[Shanon]

Me vjen keq per te gjithe ju qe keni shkruar qe shqiperia eshte e kriminalizuar etj etj, por nuk eshte vetem shqiperia ne kete nivel apo ne kete gjendje. madje ne shqiperi mund te ndodhin shume here me pak krime se sa ne shtetet e tjera dhe aq me teper shume me pak monstruoze se ne shtetet e tjera. se di per ne shtetet e tjera por ketu ne itali thuajse cdo dite do degjosh qe prinderit vrasin femijet e tyre, ose femijet vrasin prinderit e tyre. ne shqiperi nuk mund te them se nuk ka ndodhur por mund te jene raste shume shume te rradha prandaj e them prape me vjen shume keq qe keni manine e idealizimit te vendeve te tjera dhe uljes se shqiperise. nese mendoni keshtu ju (flas per pjesen intelektuale) atehere ca pret te mendoje ai qe ka dy klase shkolle, qe ska asnje te ardhme apo i huaji?????????????'

[Redi]

Shanon kjo qe thua eshte komplet ne ajer. Si mund te krahasohet Italia me Shqiperine ne nivelin e krimeve?

A i lexon statistikat se c'behet?
Vetem para nje muaji, ne nje jave te vetme, dhe vetem ne Tirane u vrane 20 vete per motive te dobta familjare.

Ne Itali, para dy muajsh u vra nje femi i vogel Samuele dhe nuk ka edicion lajmesh qe te mos permendet emri i tij.
He edhe rasti tjeter i atij ciftit te ri qe vrane nenen dhe vellane e saj.

Lexoji statistikat e ministrise se brendshme dhe krahasoi me ato te cilido vendi qe ty te te pelqeje ne kete bote. Bej nje renditje dhe shiko pastaj se cfare vendi ndodhet Shqiperia.

Nese nuk i beson burimeve zyrtare te qeverise shqiptare (pasi atyre te opozites jam mese i bindur qe nuk i beson, megjithese mund te thuash qe je e djathte) , mund te shohesh edhe ato te huaja qe e rendisin Shqiperine ne nje nga vendet me te kriminalizuara te botes me numrin me te madh te vrasjeve, grabitjeve, dhunimit te personit, pasigurise se jetes, trafikut te droges, prostituionit, klandestineve, tregut te zi, kontrabandes te gjithllojshme, korrupsionit qeveritar, vrasjeve politike, etj etj etj.

Ky eshte REALITETI, dhe nuk ka nevoje per komente te shumta.
Pastaj nese deshiron qe ta bejme Shqiperine bahce me lule si ne kohen e xhaxhit, e bejme posi jo. Mjaftojme te shtypim tastieren e kompjuterit dhe flasim endrra.

Gjithe te mirat.

[Shanon]

Redi nuk them qe eshte bahce me lule po me vjen keq meq eje dhe ne Itali qe nuk degjon se cfare behet ketej, se epr shtetet e tjera smund te them gje. Nuk eshte vetem rasti i samueles, eshte dhe rasti i atij 16 vjecarit te vrare nga e ema dhe i ati qe ne fillim u akuzuan dy shqiptare nga lushnja, apo rasti i erikes dhe Omarit apo dhe shume e shume raste te tjera. More cpaskeni qene dhe jy vetem me syze te erreta e shikoni cdo gje qe behet ne shqiperi. dakord ti me krahason mua renditjet, me fal mund ti besh pak nje krahasim te lehte te rendit te ketyre dy viteve te fundit me ato te kohes kur ishin bandat e N.KUlles, Zanit, Altin Dardhes,kakamit, gaxhait e me rradhe se sme bien ne mend gjithe emrat tani? E mendon se vriteshin brenda dites ose me mire te thuash ekzekutoheshin brenda dites 20-30 persona vetem ne nje qytet????? E mendon se kur N.Kulla ishte i padenuar ecte lirisht rrugeve te Tiranes i shoqeruar me tre autoblinda, dhe me roje te armatosura si ne Afganistan dhe te gjithe policet hiqnin kapelen dhe uleshin para tij me nderim? apo te mos permend raste te tjera. Dhe nje gje tjeter, shqiperia ka perqindjen me te larte sepse ka vetem 2milion e ca banore po jo se ndodhin me shume krime se ne shtetet e tjera.


(ah persa i perket faktit qe une nuk jam me opoziten te me njihje sbesoj se do thoje kete, nuk me njeh pervecse ne chat dhe skam ne mend te ndryshoj opinionin tend)

me respekt

[Redi]

Shanon, une gjerat po ti them shume qarte.

Krahaso statistikat dhe kaq.

Pastaj nese gjithcka do ta krahasojme me 97-en, perseri do te ishim jashte realitetit dhe do te perfundojme po si ne kohen e xhaxhit qe brohoritej per sukseset e arritura ne 80-en duke bere krahasime me 44-en.

Tashme kane kaluar plot 5 vite nga 97-ta dhe perseri Shqiperia eshte per faqe te zeze. Ne Itali ndodh ndonje krim tek tuk dhe atehere kur ndodh behet buje e madhe, ndersa ne Shqiperi veshtire se mund te gjesh ndonje dite kur gazetat mos te permendin ndonje rast vrasjeje. Theksoj vrasje sepse per llojet e tjera te krimeve as qe behet fjale.

A i hapim ne kete cast gazetat shqiptare dhe i lexojme faqet e krimit?

Vetem nje shembull qe e mora ne kete moment:

__________________________________________________ _
Angjelina refuzoi Alfredin per nje tjeter
E verteta e konfliktit, qe solli 4 te vdekur dhe dy te plagosur.

Te plagosurit se shpejti dalin nga spitali


Identifikohet vajza shqiptare e masakruar ne Itali

Kthehet pas ekipi i futbollit, kishte me vete 4 "klandestine"

Ministria e Rendit: Perpiloni masat anti-cannabis

Droga ne Kakavije, firmosen 4 arreste

Per kapjen e nje toni cannabis sativa te presuar ne doganen greke, shpallet kerkimi per Flaton Bonin...

Burg pa afat per Cel Prozllomin

Ismet Haxhia, depoziton apelimin e vendimit

Ekspertet: Eshte abuzuar me fondet e qeverise

Mak-Albania, padi kunder policise bashkiake

Ne Shqiperi shkelen te drejtat e femijeve

Kapen dy maska, grabiten makinen prane Gjykates se Faktit

Korrupsioni ne sektorin shendetesor

Vila: Une vrasesi me stilin e Mafias

Nusja godet vjehrren me thike

Kapen vjedhesit e kishave te Korces

Policia kap 34 klandestine

Antitrafiku, nje strategji me Italine

Policia greke zbulon 1 ton droge, pranga shoferit

Perdhunojne 20-vjecaren, prangosen

_______________________________________________


Keto jane vetem disa nga titujt e nje gazete qe gjeta ne keto momente qe eshte me afer qeverise se opozites.

Nuk kuptoj se c'mund te thote me teper nje buletin lufte?

[Shanon]

po atehere merr pushken dhe lufto:P

[Redi]

Shanon, nuk ka perse te te vije keq.
Ky eshte realiteti sipas meje.
Ti i sheh gjerat nga nje objektiv tjeter me sy tjeter.

Mua gjendja ne Shqiperi nuk me duket aq e mrekullueshme apo ne te njejtin nivel me vendet perendimore.

Per mua gjendja eshte per ibret dhe shpresoj qe te ndryshoje per me mire.

Nese per ty gjendja eshte ne rregull, ok ashtu qofte dhe shpresoj te jem une ai qe gabohem.

Gjithe te mirat

[Shanon]

Jo se them qe eshte ne rregull sepse do ishte budallallek por nuk e shikoj me syze kaq te erreta sa ty apo te tjeret. Xhanem per mua eshte lule sidoqe te jete .... eshte Shqiperia dhe kaq!!!!!!

[illiriani]

ai qe mundohet te mbuloj krimin, dyshohet, se ose eshte ne te njejtin rang, ose eshte nje i bute shenjteror, qe duke menduar te mbylle nje plage, hap 1000 tjera!

Te krahasosh kriminalitetin ne mes 2 milion shqiptareve, me 60 milion italian eshte me se absurde! Per krimin nuk ka meshire!

Vetem denimi me vdekje per vrasje e prostitucion, ndalon krimet!

kaq!

[Brari]

-------shekulli-----

Pas akuzave të kryeprokurorit të Beratit në adresë të policisë, reagon kolonel Ilirian Dida


Dida: Prokuroria lë të lirë kriminelët


Drejtori i policisë së Beratit hedh akuza në drejtim të prokurorit të rrethit

BERAT -Drejtori i policisë së Beratit, Ilirian Dida, ka vënë në dukje dje në një konferencë për shtyp pengesat në marrëdhëniet institucionale midis policisë dhe prokurorisë së këtij rrethi. "Puna e policisë së Beratit nuk është vlerësuar si duhet nga prokuroria e këtij rrethi",- ka thënë dje kolonel Dida. Sipas tij, shumë herë, provat e faktuara nga ekspertët e policisë janë hedhur poshtë nga prokuroria dhe kjo ka sjellë pezullimin e çështjeve ndaj shumë kriminelëve. "Prokuroria neglizhon punën e policisë. Uniformat blu ndalojnë persona nën akuzën e veprave të ndryshme penale, ndërsa prokuroria i lë të lirë",- tha kreu i policisë së Beratit. Ai përmendi rastin kur, me urdhër të prokurorisë, u la i lirë vëllai i Lul Cakës, Gjelosh Caka. "Kishim arritur të dokumentonim akuzën e ngritur ndaj tij: vrasje e mbetur në tentativë, për shkak të cilësive të veçanta, pasi kishim gjetur 17 gëzhoja, me të cilat Gjeloshi kishte qëlluar ndaj uniformave blu", - tha kolonel Dida. Bëhet fjalë për ngjarjen e ndodhur në fshatin Cukalat, vitin e kaluar, kur gjatë një aksioni të policisë, Gjeloshi ka qëlluar drejtpërdrejt mbi uniformat blu. Sipas kolonel Didës, prokuroria ndryshoi kualifikimin e veprës penale dhe e dënoi Gjelosh Cakën vetëm për akuzën e armëmbajtjes pa leje. "Gjelosh Caka u lirua nga prokurori, më 30 janar të këtij viti dhe, pas 10 ditësh, u akuzua për ekzekutimin e dy personave",- tha kreu i policisë. Drejtori i policisë së Beratit, gjatë konferencës së djeshme për shtyp, ka nxjerrë në dritë edhe shkelje të tjera të ligjit nga ana e prokurorisë. Sipas tij, më 29 shkurt të dy viteve të para, me urdhër të Interpolit, në Berat janë bllokuar 2 makina të vjedhura, njëra në Hungari dhe tjetra në Zvicër, por, pas 13 ditësh, për çudi, këto makina janë zhbllokuar nga prokuroria e rrethit. Po ashtu, ndryshimi i akuzës për referentin e pasaportave, P.Asllani, i cili ka nxjerrë 2 pasaporta për personat në kërkim: Franc Konomi dhe Kastriot Jaupi, është një shkelje tjetër nga ana e prokurorisë. "Policia e akuzoi P.Asllanin për përvetësim të pasurisë shtetërore dhe falsifikim të dokumenteve, ndërsa prokuroria vetëm me akuzën për mitmarrje". Dalja në një konferencë për shtyp e Kolonel Didës mori shkas nga akuzat që kryeprokurori i Beratit, Kozma Ziu, hodhi një javë më parë në adresë të policisë. "Policia ka krijuar pengesa gjatë hetimeve dhe prokuroria asnjëherë nuk do të jetë ombrellë e mangësive të punës së policisë",- tha kryeprokurori i Beratit një javë më parë.
Sali Driza-----------
--------------------------

skjarim miletit.
Franc Konomi dhe Kastriot Jaupi jane Vrases te njohur. Por Kozma Ziu nuk pyet.Qen e bir Qeni.

[Brari]

i bejne kurth policit hero.

Shekulli thot..
-----------------------
Prokurori i Pogradecit, Hektor Nushi, e akuzoi drejtpërdrejt ish-komisarin e Elbasanit për fyerje e kanosje
"Koseni më kërcënoi me vdekje"

Prokurori Nushi rrëfeu dje para gjykatës incidentin me Edmond Kosenin

Alma Çuka
TIRANË - Prokurori i Pogradecit, Hektor Nushi, gjatë dëshmisë që dha dje përpara gjykatës së Tiranës e akuzoi drejtpëdrejt ish-komisarin Koseni për fyerje dhe kërcënim me vdekje në ambiente publike. Edmond Koseni ish-drejtori i policisë së qarkut Elbasan, nuk ishte prezent në sallë. Avokati i Kosenit, Gëzim Veleshnja, qysh në fillim të dëshmisë i kërkoi gjykatës të shtyhej seanca për të qënë i pranishëm klienti i tij. Ndërkohë që një seancë më parë Koseni kishte kërkuar zhvillimin e procesit në prani të avokatit edhe në rast se ai vetë do të mungonte. Por gjyqtari Artur Gaxhi nuk e pranoi kërkesën e avokatit për shtyrjen e seancës duke i dhënë mundësinë dëshmitarit të bënte deklarimet e tij para trupit gjykues.
Dëshmia
"Koseni ka patur konflikt me të gjithë prokurorët e qarkut të Elbasanit. Ai më kërcënoi mua si prokuror e jo si qytetar i thjeshtë". Prokurori me origjinë nga Elbasani dhe më detyrë në Pogradec dëshmoi dje para gjykatës kundër ish-kolonelit të hekurt, Edmond Koseni. Dëshmitari tha dje se në tetor të vitit të kaluar ishte në një lokal pranë Gjykatës së Elbasanit me disa prokurorë të tjerë. Në lokal, tha dëshmitari Nushi, u fut Koseni, i cili takoi prokurorin e rrethit të Elbasanit Luan Kaloçi dhe më pas i ka hedhur një vështrim. Dëshmitari shtoi më pas se Koseni i është drejtuar me ton autoritar duke i thënë se kishte për të bërë dy pare muhabet me të. "Kur unë iu përgjigja kur të duash, Koseni u irritua më shumë dhe filloi të më kërcënonte",-tha dëshmitari dje para gjykatës. Më pas Hektor Nushi tha se fjalori që kishte përdorur Koseni ishte tepër i rëndë dhe nuk përdorej as nga një rrugaç i rrugëve. "U bëre t'i të më nxjerrësh mua në gazetë",- më tha Koseni, ndërsa unë u habita dhe vetëm qesha.
Kërcënimi
"Qeshja ime e nervozoi më shumë Kosenin, i cili filloi të bërtasë duke thënë "qafsha tre vajzat po nuk të vrava. Unë jam kosovar dhe e mbaj fjalën. Edhe kur të mos jem më drejtor policie do të të vras". Dëshmitari tha më tej se Kosenin e morën prokurorët që ishin në lokal dhe e nxorrën jashtë, por ai edhe prokurorët i ofendoi. Dëshmitari tha se Koseni e kishte fyer pasi mori shkas nga një deklaratë për median e ish-zëdhënësit të shtypit, Ardian Visha. Sipas dëshmitarit, për Kosenin kishte filluar një procedim Penal në lidhje me keqtrajtimin e shtetasit Themistokli Bebi. Dëshmitari tha dje se këtë shtetas e kishte njeriun e vet dhe prokuroria pasi e hapi çështjen penale për Kosenin e mbylli përsëri. Por më pas dëshmitari tha se dosja e Kosenit u rihap me urdhër të prokurorit Arben Rakipi. Sipas dëshmitarit, Koseni ka kujtuar se Nushi ka ndërhyrë tek Rakipi për të rihapur çështjen penale përsëri, dhe për këtë gjë i është kundërvënë.
Avokati
Avokati Gëzim Veleshnja, pasi i kërkoi gjykatës thirrjen edhe një herë si dëshmitar të Hektor Nushit dhe ballafaqimin me Edmond Kosenin tha se shkaku i vërtetë i zënkës midis tyre nuk është rihapja e një çështjeje penale, por një shtetase bullgare. Sipas avokatit, para tetorit të vitit të kaluar, prokurorët e Elbasanit kanë arrestuar një shtetase Bullgare dhe e futën në dhomat e paraburgimit të Elbasanit duke dyshuar se ishte prostitutë. Por avokati tha dje se shtetasja Bullgare nuk ishte prostitutë, por pronare e "Ylli Bingo"-s. Sipas avokatit, shkakun e vërtetë të grindjes midis tyre do ta tregojë vetë Koseni kur të vijë para gjykatës. Seanca tjetër u la për në datë 20 maj. Avokati i kujtoi dje dëshmitarit se në tetor të vitit të kaluar ka qenë i pezulluar nga detyra për shkak të shtetases bullgare dhe nuk është fyer për shkak të detyrës, por si qytetar i thjeshtë.
-----------------
Rrofte Koseni, polici me i mire i Shqiperise.