Tërhiqet nga boksi ukrainasi, Vitali Klitschko

[Davius]

Boksierit Hasim Rahman do t'i jepet mundësia të ndeshet me Vitali Kliçkon për kurorën e peshave të rënda WBC, sipas menaxherit Bob Arum. Arum, i cili mundi Don Kingun në sfidën midis tyre për të organizuar këtë ndeshje, planifikon që ndeshja të zhvillohet më 12 nëntor në Las Vegas. Kampionit në fuqi, Vitali Kliçko, do t'i jepet një shumë prej 7 milionë dollarësh për këtë ndeshje, ndërsa Rahman do të marrë 4 milionë dollarë.

Ukrainasi 34-vjeçar nuk ka bërë asnjë ndeshje, që nga ndeshja kundër Dani Uilliamsit në dhjetorin e kaluar. Rahman la gjurmë në botën e boksit, kur fitoi me "KO" kundër Lenoks Ljuisit në vitin 2001. "Ka për të qenë një ndeshje shumë e bukur dhe e fortë. Kliçko është një kampion i vërtetë dhe një boksier i jashtëzakonshëm, ndërsa Rahman është shumë i rrezikshëm dhe gjithmonë ka surprizuar në ndeshjet e tij," tha Arum.

.........

Big match do jete ky

[Davius]

12 Nentori kete vit do sjell ne skene edhe takimin me te rende ne boks mes boksierit Hasim Rahman dhe Vitali Kliçkon....

Cilat jane preferencat tuaja per kete takim super te rende

[niku-nyc]

Un do desha qe Klitchko ta mari, Rahman esht i veshtir dhe i rrezikshem, por Klitchko ka gjithmone advantazhin gjatesin dhe krahet e gjate....
Te dy boksieret thone qe do rrezojn njeri tjetrin dhe ekspertet thojn qe njeri nga te dy do ta fitoj me KO!
Do jet interesante kush do ta mori, un per vete do ta shof dhe mezi po e pres, dhe te fitoj Klitchko...

[niku-nyc]

Nuk do ket ndeshje te Shtunen sepse Klitschko u terhoq nga boksi pergjithnje, pasi demtoi gjurin e djatht qe deshte te pakten 6 muaj per sherim qe e forcoi ate ta lej boksin pergjithnje!

[Davius]

Dmth sipas kesaj qe thua Niko ndeshja do te anulohet dhe nuk do te kete takim. Fatkeqsisht ky eshte nje rast teper i madh i humbur per boksdashesit qe te shohen "koke me koke" du legjendat e boksit.

Shpresojme ne takime tjera interesante ne kategorite e renda

[niku-nyc]

Ndeshja te Shtunen eshte e anulluar dhe Klitschko tha qe po terhiqem nga ky sport me dnere pasi kapi titullin dhe e mbrojti disa here. Tashti qe u terhoq titulli do ti meret dhe mund ti jepet Rahman ose Rahman te ndeshhet me pretendusin me te fort per titullin...

Me vjen shume keq qe i ndodhi ky demtim ne gju dhe e forcoi ta lente sepse me pelqente shume, ishte boksier i zgjuar, dhe ishte abicioz per te qen kampione dhe e arriti dhe e mbrojti me merit!

[Davius]

Boksieri ukrainas, i cili është kampioni i botës në fuqi, është tërhequr për arsye dëmtimi 10-11-2005

Vitali Kliçko tërhiqet nga sporti


Kampioni i botës në boks, Vitali Kliçko, ka vendosur të tërhiqet nga sporti. Ky vendim, i cili befasoi shumë sportdashës, u deklarua nga vetë boksieri. Ukrainasi 34-vjeçar e mori këtë vendim ekstrem, duke qenë se ka pësuar një dëmtim të rëndë në gju dhe nuk do të jetë i aftë të rikthehet në kohë për t'u ndeshur me Hasim Rahmanin. "Është një vendim shumë i vështirë, por unë do të pëlqeja të largohesha si kampion dhe në këtë mënyrë u hap rrugën edhe boksierëve të tjerë. Kohët e fundit kam pësuar shumë dëmtime," - tha Kliçko. Ukrainasi duhej të ndeshej kundër Hasim Rahmanit më 12 nëntor në Las Vegas. Ai e anuloi këtë sfidë për të katërtën herë brenda një viti, pasi pësoi një dëmtim në gju.

Federata Botërore e Boksit i dha Kliçkos 90 ditë kohë për t'u rikuperuar dhe për t'u ndeshur me Rahmanin. Nëse kjo gjë nuk bëhej e mundur, atëherë kundërshtari i tij do të fitonte titullin botëror. Gjithsesi, boksieri ukrainas vendosi që pasi të bënte operacionin, të mos jetë i detyruar të rikuperohet sa më shpejt, ndaj mori një vendim që shumë veta nuk e prisnin. "Dua të falënderoj ekipin tim, mediat dhe fansat për bashkëpunimin dhe mbështetjen që më dhanë. Tashmë do të qëndroj më shumë në vendim tim, duke qenë se po ndryshon gjendja sociale dhe ekonomike," - tha Kliçko. Ukrainasi dështoi në mundësinë e tij të parë për të fituar titullin botëror, kur u ndalua nga Lenoks Ljuis në vitin 2003.

Ai e fitoi titullin në prill 2004, kur mundi Korri Sanders, gjithsesi më pas nuk u ndesh deri në muajin dhjetor. Pasi mundi Dani Uilliamsin, për të mbrojtur titullin botëror, ai ka anuluar ndeshjet me Rahmanin më datë 30 prill, 18 qershor dhe 23 korrik. Kliçko është boksieri i dytë radhazi që tërhiqet nga sporti si kampion bote. Ljuisi u tërhoq në shkurt 2004, pasi fitoi në ndeshjen kundër Kliçkos, e cila ishte dhe e fundit e karrierës për të. Ljuisi ishte i pari kampion bote që tërhiqej me titullin botëror në brez, që nga koha e Roki Marçianos në vitin 1956.

Titujt
Kampion bote WBC/IBO
(24/04/2004 - 09/11/2005)
Kampion interkontinental WBA
(27/01/2001 30/08/2003)
Kampion i Europës
(24/10/1998 26/06/1999; 25/11/2000 - 29/09/2002)
Kampion i botës WBO
(26/06/1999 04/01/2000)
Kampioni Interkontinental WBO
(02/05/1998 - 26/06/1999)


Mosha: 34 vjeç
Ditëlindja: 19-07-1971
Vendbanimi: Kiev (Ukrainë)
Vendlindja: Belovodsk, Kirgistan
Gjatësia: 200 cm
Pesha (mesatare): 112 kg
Rekordi profesional: 35 2, 34 prej fitoreve me "KO"
Ndeshje totale në karrierë: 37
Fitore: 35
Fitore me KO: 34
Humbje: 2
Fitore: 1 3 raunde 25
4 6 raunde 3
7 9 raunde 3
10 12 raunde 4

Klubi: K2 Promotions
Menaxher: Tom Loefler
Sponsori: K2 Promotions
Trajner: Emanuel Stjuard dhe Fritz Sdunek

[Davius]

Presidenti i Boksit Botëror, Hoze Suleiman, deklaroi që Rahmani do të marrë titullin e Kliçkos, por asgjë nuk është bërë zyrtare 11-11-2005

Hasim Rahman, kampioni i ri i botës?!

Boksieri Hasim Rahman pritet të marrë titullin botëror në peshat e rënda, pasi ky i fundit u la i lirë pas tërheqjes së Vitali Kliçkos. Ukrainasi deklaroi tërheqjen e tij nga sporti ditën e mërkurë, me arsyen se ishte i dëmtuar dhe se ky shkak e detyroi të anulonte katër herë ndeshjen kundër Rahmanit. Presidenti i Federatës Botërore të Boksit, Hoze Suleiman, bëri të ditur se do të jetë amerikani ai që do të zërë vendin e ukrainasit.

"Suleimani po bën detyrën e vet dhe mendoj se titulli më takon mua, ndaj pres që së shpejti të bëhem unë kampioni i botës," - tha Rahmani. Kur ky i fundit do ta marrë titullin zyrtarisht, menaxheri i tij, Don King, do ta çojë në katër numrin e boksierëve të tij që janë kampionë bote. "Hasim Rahman është një boksier me shumë kurajo dhe shumë aftësi, ndaj unë e përgëzoj për titullin që do të marrë, pasi e meriton," - tha Don Kingu.

Ky i fundit po planifikon që të organizojë një turne, ku katër kampionët e botës do të ndeshen me njëri-tjetrin dhe do të nxjerrin një kampion të padiskutueshëm. Rahmani kishte planifikuar të ndeshej me Kliçkon që më 30 prill, por sfida u shty katër herë, pasi ukrainasi 34-vjeçar nuk mund të ndeshej për shkak të dëmtimit. Pasi ndeshja, e cila u planifikua për më datën 12 nëntor, u shty për herë të fundit, Federata e Boksit Botëror vendosi që Kliçko duhej të rikuperohej dhe të ndeshej brenda 90 ditëve të ardhshme. Nëse ai nuk e arrinte një gjë të tillë, titulli do t'i shkonte boksierit amerikan. Por në fakt, ai mori një vendim ekstrem, duke hequr dorë nga ndeshjet e boksit.
Uilliams: Kliçko mori vendimin e duhur

Personi i fundit që u ndesh me Vitali Kliçkon, Dani Uilliams, deklaroi se e kupton vendimin që mori ukrainasi. "Vitali bëri zgjedhjen e duhur. Ai filloi të kuptonte që nuk mund të kishte fuqinë që ka pasur më parë. Ai mori një vendim shumë të vështirë, por që duhej ta merrte. Ai e dinte që nuk do të ishte kampion për shumë vite, por arriti të vërë emër në botën e boksit," - tha Uilliamsi.