Zgjedhja e statusit me ndermjetsim nderkombetar

[Beqari002]

Thaçi: Zgjidhja e statusit me ndërmjetësim ndërkombëtar

Thaçi në favor të negociatave për statusin e Kosovës me ndërmjetësim


Kryetari i Partisë Demokratike të Kosovës, Hashim Thaçi, ka vlerësuar se bisedimet ndërmjet Prishtinës dhe Beogradit për statusin përfundimtar të Kosovës, do të hapen në një të ardhme të afërt.

Por ai ka theksuar në një intervistë për BBC në shqip se ato do të zhvillohen vetëm me një ndërmjetësim ndërkombëtar.

Ai ka thënë se është i gatshëm të bisedojë me udhëheqjen serbe por kjo do të varet, sipas tij, "nga statusi që do të negociohet".

Zoti Thaçi ka thënë se e kaluara tragjike e popujve të Ballkanit nuk duhet ta mbajë peng të ardhmen e tyre dhe u angazhua për afrimin e "vlerave të mirëkuptimit ndërmjet tyre".

Arbër Vllahiu i BBC në shqip bisedoi me zotin Thaçi:

BBC: Sa e ka dëmtuar procesin demokratik në Kosovë krimi i organizuar?

Nuk mund të themi se ka filluar lufta reale për ndëshkimin e krimit të organizuar.


Hashim Thaçi,
Kryetar i PDK-së


Zoti Thaçi: Jemi në tranzicion demokratik dhe gjatë këtij procesi demokratik as ne si kosovarë dhe institucione nuk mund t'i ikim të gjitha dukurive negative që do të mund të reflektoheshin në shoqëri dhe institucionet e Kosovës. Por së paku ka mundësi që brenda institucioneve të luftohen dukuritë negative dhe krimi i organizuar dhe në bazë të dëshmive dhe fakteve të mjaftueshme dhe realitetit të krijuar në kuadër të funksionimit të institucioneve të Kosovës mund të vlerësojmë se ka patur krim të organizuar nga disa individë kosovarë dhe ata ndërkombëtarë. Kjo veçanërisht është bërë në disa segmente të jetës siç janë PostTelekomi i Kosovës, KEK-u dhe doganat, por edhe në disa segmente të tjera të rëndësishme në të cilat është keqpërdorë në mënyrë flagrante pozita për interesa personale. Këtu kemi të bëjmë me shkelje të tmerrshme të ligjeve, por unë besoj se krimi do të ndëshkohet dhe do të kemi një funksionim të mirë të drejtësisë në Kosovë.

BBC: Zoti Thaçi, thuhet se ka filluar fushata kundër krimit të organizuar në Kosovë. Pajtoheni ju se ka filluar fushata e gjërë kundër krimit të organizuar?
Zoti Thaçi: Unë pajtohem se ka filluar të flitet për krimin e organizuar në Kosovë. Ka filluar gjithashtu edhe një fushatë, më mirë të them se është në fillim lufta kundër krimit të organizuar në Kosovë, por nuk mund të themi se ka filluar lufta reale për ndëshkimin e krimit të organizuar.

BBC: Ju keni folur shumë shpesh për çështjen e pavarësisë së Kosovës. Duket se problemi qëndron në mosgatishmërinë e kosovarëve t'i hyjnë këtij procesi, në mosgatishmërinë e ndërkombëtarëve që të ofrojnë favore për shqiptarët dhe në kundërshtimin e plotë të serbëve ndaj kësaj zgjidhjeje. Si të ofrohen këto tri vullnete dhe të krijohet një qëndrueshmëri në rajon?
Zoti Thaçi: Unë në fakt më tepër dhe vazhdimisht kam punuar për pavarësinë e Kosovës më shumë se sa kam folur. Mendoj se procesi që po ndodh në Kosovë dhe në Serbi, por edhe në angazhimi i komunitetit ndërkombëtar për zgjidhjen e statusit përfundimtar politik të Kosovës, është në një pikë shumë të ndjeshme, për arsye se

Nuk është vetëm Prishtina apo vetëm Beogradi ai që determinon procesin e statusit përfundimtar politik të Kosovës, por këtu është edhe ndërmjetësimi ndërkombëtar dhe në veçanti ai i SHBA-ve.


Hashim Thaçi,
kryetar i PDK-së

serbët që jetojnë në Kosovë ende e ndjejnë Beogradin si kryeqytet të tyre. Ata marrin urdhëra nga Beogradi dhe e ndejnë Kosovën si pjesë të Serbisë. Nga ana tjetër shqiptarët e Kosovës me një komoditet dhe me pasivitet të përgjithshëm mendojnë se paqen të cilën e kemi sot në Kosovë është pavarësi e plotë. Nga ana e tretë, komuniteti ndërkombëtar vëzhgon dhe menaxhon procesin. Unë prandaj besoj se në një të ardhme të afërt do të kemi edhe përballjen e këtyre situatave diametralisht të kundërta ndërmjet opinionit kosovar dhe atij të Beogradit dhe jam optimist se në një të ardhme jo shumë të largët do të kemi edhe zgjidhjen përfundimtare të statusit politik të Kosovës. Nuk është vetëm Prishtina apo vetëm Beogradi ai që determinon procesin e statusit përfundimtar politik të Kosovës, por këtu është edhe ndërmjetësimi ndërkombëtar dhe në veçanti ai i SHBA-ve. Kjo e fundit do të jetë e rëndësishme jo vetëm për Kosovën por edhe për rajonin në përgjithësi.

BBC: Zoti Thaçi jeni të gatshëm ju të uleni në bisedime me qeveritarët e Beogradit për të negociuar statusin politik të Kosovës?
Zoti Thaçi: Varet se për çfarë statusi do të flitet, sepse është me rëndësi të posaçme që projektet për diskutim ndërmjet Prishtinës e Beogradit me ndërmjetësim ndërkombëtar duhet të jenë të kornizuara. Tashti janë bartësit e institucioneve të Kosovës që duhet ta thonë fjalën e tyre përfundimtare. Por duhet të kuptohet se është koha për komunikim, për afrim të vlerave të mirëkuptimit ndërmjet komuniteteve edhe në Kosovë, por edhe ndërmjet fqinjëve që Kosova ka në këtë rast Serbinë, Maqedoninë e Malin e Zi si dhe me Shqipërinë. E kaluara jonë tragjike nuk duhet ta mbajë peng të ardhmen tonë. Në një të ardhme do të mund të kemi edhe bisedime.


Oj sharki e lehete si era , a ka ardhur ne Shqiperi pranvera?

[Beqari002]

Ferhat Dinosha kundërshton versionin serb të Kartës kushtetuese në pjesën ku është përfshirë edhe statusi i Kosovës

Podgoricë, 6 shtator - Anëtari i Komisionit të Kuvendit të Malit të Zi për hartimin e kartës kushtetuese Ferhat Dinosha kundërshton versionin serb të Kartës kushtetuese, në pjesën ku është përfshirë edhe statusi i ardhshëm i Kosovës dhe i Vojvodinës. Ai i deklaroi "Zërit të Amerikës" se statusin e Kosovës nuk mund ta definojë ky komisioni kushtetutar dhe atë pa praninë e palës shqiptare në Kosovë.
"Reagimi im ka qenë edhe më parë se Komisioni nuk ka detyrë që të definojë statusin e Kosovës. Veç asaj kjo punë nuk mund të bëhet pa përfaqësusit e shqiptarëve të Kosovës dhe se një gjë e tillë do të ishte absolutisht e papranueshme për mua si anëtar i këtij komisioni për hartimin e kushtetutës. Nëse shumica tjetër do të përcaktohet për një zgjidhje të tillë do të më vinte në situatë që ta braktisë punën në këtë komision", tha Dinosha. Mirëpo, ai shtoi se shumica e anëtarëve nga Parlamenti i Malit të Zi mendojnë se një gjë e tillë nuk duhet të figurojë në Kartën e ardhshme kushtetuese, tha z. Dinosha


Oj sharki e lehte si era , a ka ardhur ne Shqiperi pranvera?

[Beqari002]

Nje tjeter udheheqes shtetror Nano udhetoi deri ne Johanesburg qe te takoj kryetarin serb Koshtunica dhe me te te bisedoj rreth qeshtjes se Kosoves qe eshte shume interesante kur kete ka mund ta beje ne Beograd apo tiran per te nhuk luan fare rol,por tani na del ne skene edhe Bajram Rexhepi i cili do beje nje rruge deri ne Kanada ku edhe ky do merret po me kete temee si te filloj bisedimet me Beogradin,ee mendoj se edhe ky kete ka mundur ta beje lirisht ne Beograd apo Tirane nuk ka kurfar penegese per kete.
Por disi keto gjera jane shume kontradiktore me ate cka keta lidere proklamojn para qytetareve te tyre dhe lideret e partyive politike te tyre.

Rexhepi: Në samitin e G 8-tës, do të paraqes pikëpamjet e Kosoves

PRISHTINE ( 6 Shtator) - Më 15 tetor Kryeministi Bajram Rexhepi do të marrë pjesë në Samitin e G8-ës në Kanada, ku do të diskutohet për zhvillimet e përgjithshme në Kosovë. "Kjo është hera e parë që kryeministri Rexhepi do të flasë para institucioneve më të larta ndërkombëtare, mbi pikëpamjet dhe synimet e Qeverisë së Kosovës për të ardhëmen", tha pas takimit që zhvilloi me të, shefi i Zyrës Kanadeze në Prishtinë, Shon Barber. Kryeqeveritari i Kosovës gjatë qëndrimit të tij në Kanda, do të ketë takime edhe me ministrat dhe parlamentarët e këtij vendi. Barber shtoi se në takimin e sotëm me kryeministrin Rexhepi ka biseduar edhe për mundësinë e fillimit të bisedimeve Prishtinë-Beograd, si dhe për arrestimet e fundit. "Eshtë shumë e rëndësishme që kryeministri Rexhepi do të ketë rast të flasë para samitit të tetë vendeve më të shivlluera në botë. ed/ko (Rtv 21/BalkanWeb)


Oj sharki e lehte si era , a ka ardhur ne Shqiperi pranvera?

[Brari]

Deklarata e THAQIT nuk me pelqen.
Ai nuk ka mandat te trajtoje STATUSIN e KOSOVES.
Kjo loje e Thaqit bie ere e keqe.
Ne se ai i trembur nga UNMIKU nxiton te tregoje perulshmeri e lepirje nga frika e ndoj procesi gjyqesor qe mund te hapet per ate le te beje lojra me PARTINE e tije e jo me KOSOVEN.

KOSOVA nuk pranon "biznes" me Beogradin per statusin e saje te ardhshem.
Rugova, njeriu nr 1 ne KOSOVE, i cili e ka mandatin e Popullit tash 12 vjet eshte i percaktuar qarte se KOSOVA do pamvaresi dhe kjo Pamvaresi sa do kohe e sakrifica te kerkoje eshte e vetmja TEZE Bisedimesh dhe e vetmja RRUGE e se ardhmes se KOSOVES.

Lepujt e veshur me lekur tigri si Thaqi me Shoke nuk kane aspak te drejte te fusin hundet ne kete pike delikate.

Kusuret e terrorit ne mesin e Shqiptareve qe do ti duhet THAQI ti perballoje ne rast te ndoj procesi gjyqesor nuk duhet ti pagoje populli i KOSOVES.

THAQI o vegel...larg duart nga DIPLOMACIA e KOSOVES!!!




Beqari shkrimet e tua jane shume interesante..URIME!

[zhgenjimi]

Braro,
cfare te keqe ka vendosja e statusit te Kosoves
NOW?!! Cfare rendesie ka kush e kerkon? Per
mendimin tim tani eshte momenti, perndryshe
mbeti per ne kalendat greke!

[Beqari002]

Zgjedhjet presidenciale në Serbi, KQZ: Do zhvillohen në Kosovë


BEOGRAD (9 Shtator) - Komisioni zgjedhor qendror vendosi dje që zgjedhjet presidenciale serbe të 29 Shtatorit të zhvillohen në 292 qendra votimi në Kosovën e administruar nga OKB-ja, njoftoi agjencia serbe e lajmeve Beta. Zgjedhjet do të organizohen në krahinat Kosovës ku banojnë serbët, por në listat zgjedhore do të përfshihen edhe shqiptarë dhe komunitete të tjera etnike, saktësoi presidenti i komisionit, Radoslav Baçeviç. Numri i përgjithshëm i zgjedhësve që do të marrin pjesë në zgjedhjet presidenciale do të bëhet i njohur më 15 shtator, njofton Baçeviç. Shumica e shqiptarëve, nuk kanë pranuar deri tani të votojnë në zgjedhjet serbe dhe shprehen për pavarësinë e Kosovës. dxh/mr (AFP/BalkanWeb)



Oj sharki e lehete si era , a ka ardhur ne Shqiperi pranvera?

[Beqari002]

Si duket kujt si i teket apo si atij i shkon per shtati do jap komentet e veta lidhur me Kosoven,lidhur me shtetesine apo autonomin e saj.Ja edhe nje manipulim i till i drejtuesit te tashem te Kb ne Kosove.


Shtajner: Më tepër autonomi për Kosovën

Mikael Shtajner
BERLIN (9 Shtator) - Kryeadministratori i Kosovës, Mikael Shtajner ka kërkuar një autonomi më të madhe për vendin ashtu siç e parashikon edhe Rezoluta 1244 e Këshillit të Sigurimit. Në një intervistë për të përditshmen gjermane "Berliner Zeitung", Shtajner theskoi se "ndarja entike ose çdo lloj ndarje partiake, do të ishte një dukuri mjaft negativ për vendin". Ndërkohë në lidhje me çështjen e pavarësisë së vendit, Shtajner u shpreh, se nuk është e rëndësishme, që të nënshkruhet një dokument, por duhet që shumë gjëra te konkretizohen. Ai shtoi se kosovarët besojnë në mbështetjen e perëndimit, që prej luftës që prej luftën në Jugosllavi. dxh/mr (BalkanWeb


Oj sharki e lehte si era , a ka ardhur ne Shqiperi pranvera?

[Beqari002]

Pakez si habi sepse para vetem tri apo kater ditesh ishte nje deklarate tjeter e Misionit te Kombeve te Bashkuara ne Kosove se UNMIK-u nuk do te perzihet ne punet e zgjedhje serbe ne Kosove e kete e paten deklaruar edhe disa lider shqipetar te Kosoves ,po sot si duket paska ndryshyar gjithecka,por nuk eshte per tu cuditur kujtoj une se para dy ditesh vet Shtajner ishte ne vizite ne shtetin ame dhe kishte biseda te drejtperdrejta me drejuesit e shtetit Shqipetar, e menjehere me te kthyer ne Prishtine vjen kjo deklarate e tije.



Shtajner: Do i dorëzojmë Beogradit listat e votuesve për zgjedhjet presidenciale serbe


Mikael Shtajner
TIRANE (11 Shtator) - Kryeadministratori i Kosovës Mikael Shtajner është shprehur dje se do t'i dorëzojë Beogradit listat e votuesve për zgjedhjet presidenciale serbe, që do të zhvillohen edhe në Kosovë. Por ai theksoi, se nuk do të lejojë asnjë fushatë elektorale dhe nuk do t' i legjitimojë zgjedhjet. Para dy ditësh Shtajner dhe adminitrata ndërkombëtare në Kosovë njoftuan, se nuk kanë ndërmend që t' i pengojnë zgjedhjet, por nuk do të merren as me organizimin e tyre. dxh/mr (QIK/BalkanWeb



Oj sharki e lehte si era , a ka ardhur ne Shqiperi pranvera?

[Beqari002]

Ja nje nga ato deshmit e para tri diteve ne shtypin Shqipetar rreth kesaj teme sa te nxeht dhe interesante,por sot na del krejt dic tjeter ne realitet se Autoritetet nderkombetare po i perkrahkan dhe ndihmuakan serbet ne zghejdhjet e tyre serbe ne Kosove


Misioni ndërkombëtar nuk do të plotësojë kërkesën e Beogradit për dorëzimin e listave të votuesve të serbëve nga Kosova

Prishtinë, 9 shtator 2002 - Autoritetet ndërkombëtare nuk do ta plotësojnë një kërkesë të palës serbe për dorëzimin e listave të votuesve të serbëve nga Kosova. Këto lista do të përdoreshin për zgjedhjet presidenciale të Serbisë në Kosovë.

Siç është thënë më parë administrata ndërkombëtare dhe ajo vendëse as nuk do të marrin pjesë në organizimin e këtyre zgjedhjeve dhe as që do t'i pengojnë ato. Thuhet se 292 vendvotime në hapësirat e banuara me shumicë serbe në Kosovë gjatë ditës së zgjedhjeve do të sigurohen nga pjesëtarët e Misionit paqeruajtës ndërkombëtar KFOR.

Kjo është hera e dytë që serbët e Kosovës marrin pjesë në zgjedhjet e Serbisë që nga vendosja e administrimit ndërkombëtar në Kosovë.

--------------------------------------------------------------------------------

Oj sharki e lehte si era , a ka ardhur ne Shqiperi pranvera?

[Beqari002]

E ardhmja e Kosovës duhet të zgjidhet me kompromis


19 shtator 2002


Me angazhimin në luften kundër terrorizmit, Shtetet e Bashkuara po perpiqen të pergatisin terrenin për një tërheqje të mundshme nga Ballkani. Ketu përfshihet edhe Kosova. Por sipas analistëve terheqja nuk do të bëhet para sqarimit të statusit te Kosoves. Edhe per vetë statusin e Kosovës mes analistëve ka mendime te ndryshme. Një pjesë thonë se Serbia e humbi përfundimisht Kosovën, por ka të tjerë që thonë se ekziston mundësia e gjetjes së nje formule të bashkejetese mes Serbise dhe Kosoves. Njeri prej tyre, John Zavales punon ne Qendren per Politiken Perendimore, ketu ne Washington dhe dha një intervistë për Zërin e Amerikës.

VOA: Zoti Zavales, por flitet shumë kohët e fundit në qarqet diplomatike në Shtetet e Bashkuara për një politikë daljeje nga Ballkani dhe Kosova, në mënyrë që të përqëndrohet vëmendja tek përparësitë e tjera më të rëndësishme amerikane, si terrorizmi. A përfshin kjo një diskutim për më shumë kompetenca për autoritetet vendase dhe për statusin final të Kosovës?

JZ: Natyrisht, pas 11 shtatorit shumë përparësi kanë ndryshuar për vendim-marrësit amerikanë. Besoj se administrata tani po kërkon një mënyrë për të filluar pakësimin e pranisë politike dhe ushtarake amerikane në Ballkan dhe t’ia kalojë atë evropianëve. Dhe mendoj që po kuptohet që një lloj zgjidhjeje afatgjatë për Kosovën është thelbësore për këtë qëllim. Përsa i takon Kosovës, mendoj se ekziston ideja që një zgjidhje brenda parametrave të rezolutës 1244 të Kombeve të Bashkuara, do të siguronte zgjidhjen më të mirë. Sigurisht që kjo do të ngjallte kundërshtime në Kosovë, sepse do të thotë kthimin në një formë të sovranitetit jugosllav aty. Por do të ishte një formë shumë e ndryshme nga ajo e viteve të Millosheviçit dhe për këtë do të duhej që Jugosllavia të binte dakord për të paktën formën e autonomisë që ekzistonte para se ta hiqte Millosheviçi dhe të pranonte vëzhgim të vazhdueshëm ndërkombëtar të nivelit të lartë për vitet e ardhshme. Këshilltarë evropianë do të duhej të diskutonin me përfaqësues të të gjitha bashkësive dhe të dilnin me disa modele të përshtatshme, diçka e tillë si kantonet në Zvicër, apo rajone brenda disa vendeve të Bashkimit Evropian. Po përsa i takon Shteteve të Bashkuara mendoj se sa më shpejt të fillojë një proces i tillë, aq më mirë. Por mendoj se ka një nivel zhgënjimi në Kosovë, ndërsa po fillohet kuptohet që nëse dikur pavarësia e ardhshme merrej si e mirëqenë, tani po shihet se bashkësia ndërkombëtare nuk po sheh në atë drejtim.

VOA: Por kjo do të thoshte një lloj autonomie si ajo që Kosova kishte në kohën e Titos. Pse mendoni se shqiptarët do ta pranonin një lloj zgjidhjeje të tillë, kur nuk ishin dakord në atë kohë me të?

JZ: Pikërisht për këtë arsye bashkësia ndërkombëtare nuk mund të largohet tani shpejt nga Kosova, dhe për këtë arsye nevojiten ende për disa kohë vëzhguesit e Bashkimin Evropian si edhe forcat e KFOR-it dhe veçanërisht ato amerikane: për të parandaluar një lloj rrëshqitjeje tek një krizë konfrontimi etnik. Aty duhet një lloj qëndrimi kompromisi, që do të kërkonte që gjithkush të hiqte dorë nga kërkesat maksimale, gjë që ka funksionuar për pjesën tjetër të Evropës. Sigurisht që nëse nesër organizohej një referendum, shqiptarët në Kosovë do të votonin për pavarësinë.Besoj se një nga pyetjet së cilës duhet t’i përgjigjemi është se cili do të ishte efekti në vendet e tjera të rajonit. Çfarë argumenti mund të përdorej për të mbajtur boshnjakët, serbët dhe kroatët në Bosnje? Pse ata të mos kishin të drejtën për një referendum të tillë? Cilat do të ishin pasojat e përpjekjeve për të mbajur bashkë Serbinë dhe Malin e Zi, ose efektet në Maqedoni dhe vetë Shqipërinë duke ditur se ka disa lidhje mes Veriut të Shqipërisë dhe Kosovës?

VOA: Zgjedhjet presidenciale në Serbi zhvillohen së shpejti dhe mes kandidatëve janë presidenti aktual i Jugosllavisë, Kostunica, ekonomisti liberal Labus dhe ultra-radikali Sheshel. Cili mendoni se ka shanse më shumë për fitore dhe çfarë sinjali do të përçonte tek perëndimi rezultati i këtyre zgjedhjeve, si tregues i prirjes politike aktuale të popullir serb?

JZ: Deri tani, nuk është për t’u çuditur që Kostunica dhe Labus kryesojnë në anketa. Në përgjithësi, për çka është i interesuar perëndimi, këta kandidatë po flasin drejt, përsa i takon bashkëpunimit me Gjykatën e Hagës, për reformën ekonomike. Sigurisht që ka disa ndryshime në çështjet ku e vënë më shumë theksin. Nga ana tjetër, nëse Sheshel arrin një pozicion të fuqishëm, qoftë nëse fiton, por edhe nëse arrin të marrë një përqindje të lartë votash, do të konsiderohej si një prirje shumë shqetësuese në perëndim. Ne duam të shohim një përparim të vazhdueshëm të Serbisë, apo Jugosllavisë, çfarëdo statusi të ketë ajo më vonë, në varësi të negociatave me Malin e Zi, një demokraci perëndimor.



Oj sharki e lehte si era , a ka ardhur ne Shqiperi pranvera?

[Beqari002]

Montgomeri: Qeveria amerikane, pro kthimit të gjithë serbëve në Kosovë

NISH (20 shtator) - Ambasadori amerikan në Jugosllavi Ëilliam Montgomeri tha sot se është e papranueshme që vetëm një numër i vogël serbësh janë kthyer në Kosovë. "Ne po punojmë me të gjithë zyrtarët. Nuk është nevoja për konfrontime, por e gjitha duhet bërë dalëngadalë", tha Montgomeri duke iu referuar rikthimit të serbëve në Kosovë, i parashikuar të fillojë nesër. Ai përdori Bosnjën si në Kosovë, i parashikuar të fillojë nesër. Ai përdori Bosnjën si shembull, ku askush nuk u kthye në atdhe pas dy vjetësh luftë, por që tani janë rikthyer 100 mijë, përfshirë këtu edhe disa mijëra serbë. Ambasadori amerikan tha se qëndrimi i qeverisë amerikane është për kthimin e të gjithë refugjatëve të zhvendosur në Bosnjë, Kroaci dhe Kosovë. "S'mund të ketë stabilitet në rajon pa të rikthyerit", tha Montgomeri. ro/mr (B92/BalkanWeb)


Oj sharki e lehte si era , a ka ardhur ne Shqiperi pranvera?