Republick of Albanania - Publicistikë nga Ervin Hatibi

[Davius]

Pavarësisht se këto ese nuk janë rreshtuar në rend kronologjik, nuk është e vështirë të dallosh qëndrimet e para, disi të shkujdesura dhe hedhjen e angazhuar të Ervin Hatibit tek eseistika dhe publicistika, nga shkrimet e hershme deri tek më të vonat, të vitit 2004. “Republick of Albanania” i botuar nga “Ora” i shtohet atyre pak përmbledhjeve të kësaj natyre që disa autorë publicistë, që shkruajnë kryesisht në të përditshmet e vendit, po i ofrojnë si botime më vete, sikur duan të mbyllin një cikël shkrimtarie dhe problematikash. Edhe pse nuk ka ndonjë ese me titullin që mban libri, “Republick of Albanania”, Hatibi ka përzgjedhur aty shkrime që i kanë mes tyre nyjet lidhëse për nga problematika.

Do ishte pak e varfër të thuhej se aty gjen Shqipërinë e pas nëntëdhjetës. Ajo është po se po, por siç metaforizon dhe sugjeron titulli, kjo Republikë është parë më tepër në tendencat si “mish i huaj” që ka përthithur tranzicioni shqiptar, se sa në problemet e mprehta politike, kulturore. Këto të fundit vijnë të përthyera në një këndvështrim të veçantë. Hatibi, poeti, qytetari, besimtari i sheh më tepër si hapje të vendit të tij, dikur i izoluar, ndaj botës dhe ndaj vetes. I prirur ndaj një gjuhe metaforike, ai trajton herë me shpoti e herë me sarkazëm dhe realizëm përftimet e këtushme të fenomeneve globale, dhe qëndron në “ndodhi” krejtësisht shqiptare, në raportet e shqiptarëve me të kaluarën, me mite të diktaturës, riciklimin e markave të saj në jetën e përditshme të qytetarëve dhe shtetarëve, në marrëdhëniet delikate dhe qëndrimet ndaj besimtarëve myslymanë.

Shkrimet për këto të fundit dominojnë opinionet e Hatibit në “Republick of Albanania”. Edhe kjo përmbledhje vjen në një kohë kur poeti nuk po duket më në hapësirën e analizave të të përditshmeve. Ndërkaq ai ka qenë i pranishëm tek lexuesi me përmbledhjen e fundit poetike “Pasqyra e lëndës”.

[ChuChu]

Po mire, emrin e personit qe e ka shkruar kete me siper perse nuk e ve?

[Davius]

Tek burimi i lajmit qe eshte Shekulli, kishte vetem disa iniciale te autorit te tekstit dhe meqenese ne nuk mund te njohem se kush eshte nje X.Y. vendosa te mos vendoj ato iniciale. Ndersa sa per kureshjtje keto ishin inicalet E.D.

Repsekte

[ChuChu]

mjafton Shekulli si burim informacioni. sa per evituar konfuzionin nese je ti apo dikush tjeter autori. kaq, thanks.