Nano njeh sovranitetin e Serbise mbi Kosoven??? !!!

[Beqari002]

Nese me te vertete eshte e vertete atehere cka ti thomi kesaj,si ta emertojme kete.
Por eshte per tu cuditur se si kryeministri bene nje rruge aq te gjate deri ne Johansburg per nje takim me jugosllavet kur ka mundur te udhetoj deri ne Beograd.
Por do te kisha thene inshalla nuk eshte keshtu si po lexojm ne Gazeten 55 lidhur me kete.


Nano i njeh Koshtunicës sovranitetin mbi Kosovën

Zbardhen pikat e bisedimeve jozyrtare mes shefit të ekzekutivit shqiptar dhe presidentit të Jugosllavisë së mbetur

Sipas një njoftimi të zëdhënësit të delegacionit serb në Johanesburg, me kryeministrin Nano është folur për zgjidhjen e çështjes së kufinjve ndërshtetërorë

Mediat serbe kanë publikuar dje disa detaje, nga takimi i paparalajmëruar mes kryeministrit të Shqipërisë Fatos Nano dhe presidentit të Jugosllavisë së mbetur Serbi-Mali i Zi. Edhe pse zëdhënësi i kryeministrit, në një njoftim zyrtar nuk është ndalur në statusin e bisedimeve, mes dy politikanëve konfirmohet vendosja e bashkëpunimit në nivelin e shumë komisioneve, për të ndërtuar një infrastrukturë komunikimi mes të dy vendeve, ndërkohë që konfirmohet edhe nisja e bashkëpunimit për ndërtimin e aksit rrugor Durrës-Prishtinë. Paqartësitë lidhur me domosdoshmërinë e ndërtimit të një infrastrukture komunikimi mes Shqipërisë dhe shtetit që udhëheq Koshtunica, sqarohen nga një njoftim i djeshëm zyrtar i zyrës së shtypit të presidentit jugosllav, i cili thotë se, në qendër të takimit ishte zbatimi i rezolutës 1244, si dhe përmirësimi i marrëdhënieve të fqinjësisë së mirë. Zyrtarisht, mendohej se mes Shqipërisë dhe Serbisë nuk kishte më kufinj të përbashkët e as mund të flitej për marrëdhënie të fqinjësisë së mirë, që pas shpalljes së Kosovës si protektorat ndërkombëtar e përgatitjen e saj si shtet së afërmi i pavarur, por shefi i qeverisë shqiptare mësohet se ka njohur në bisedimet e Johanesburgut, sovranitetin e Jugosllavisë mbi Kosovën, e në këtë kuadër, edhe ka gjetur mandatin për të folur me Koshtunicën, për ndërtimin e aksit Durrës-Prishtinë, bile edhe për një treg të përbashkët ekonomik, i cili supozohet se do të përfshijë edhe tregun kosovar. "Presidenti jugosllav, Voisllav Koshtunica dhe ministri i Punëve të Jashtme, Goran Svilanoviç biseduan në Johanesburg me kryetarin e qeverisë së Shqipërisë, Fatos Nanon, për përparimin e marrëdhënieve të dy shteteve, thuhet në njoftimin e emetuar dje nga agjensia e lajmeve BETA. Është propozuar formimi i komisioneve të përziera, të cilat duhet të shqyrtojnë mundësitë konkrete për përparimin e marrëdhënieve, si në pikëpamje të kufirit ndërshtetëror, ashtu edhe në pikëpamje të projektit të zhvillimit të komunikacionit dhe infrastrukturës elektroenergjetike", thuhet në njoftim, i cili i referohet deklarimeve zyrtare të anëtarëve të delegacionit të Koshtunicës. Në bisedë u theksua edhe nevoja e respektimit të "Rezolutës së Këshillit të Sigurimit të KB 1244", thuhet në të njëjtin njoftim, rezolutë që përcakton formalisht sovranitetin e Beogradit mbi Prishtinën. Për herë të parë, mes Jugosllavisë së mbetur dhe Shqipërisë, bisedohet, edhe pse në mënyrë jozyrtare, për atë që quhet kufinj ndërshtetërorë, por për rezultatet e këtyre bisedimeve nuk ka asnjë informacion të mëtejshëm në Ministrinë shqiptare të Punëve të Jashtme. Edhe opinioni publik në Prishtinë, e priti ftohtë njoftimin për diskutimet rreth kufinjve të Kosovës, mes Nanos e Koshtunicës, duke u përqendruar më shumë në nisjen e bisedimeve zyrtare për statusin e Kosovës, sesa në deklarime sterile për zgjidhjen e problemit, në kuadër të frymës së fqinjësisë së mirë mes Tiranës dhe Beogradit.

I.N.


Oj sharki e lehte si era , a ka ardhur ne Shqiperi pranvera?

[Anton]

E di une si e do ky pleh!

Po ca ti besh te djathteve dru me pre.

[dylkosova]

Beqarit002.

O beqar hiq mosë u merzit ti per Nanon se me ke takohet se ai din me mire se ti dhe shum te tjerë.
Ne e kemi Rugoven ketu ne Kosovë¨kur ne mes te luftes eshte takuar me milloshoviqin dhe e ka luter Naton qe te mos e sulmon serbin.E ti more beqar dijani kymetin apo vleften Nanos te gjith shqiperia besa edhe ne ne Kosovë ketu.
Nano eshte nji njeri shum i menqur dhe hallall i qofte.

[zhgenjimi]

hallall or dyl se ti kuptoke nga politika.
por besoj se do kesh kohe t'i studiosh edhe
me mire veprat e nanos ne burgjet e shkjaut,
ne jugosllavine e re qe po krijohet per hir
te "stablitetit dhe asocimit rajonal" qe
nanoja jot e ka shume per zemer.
ah harrova, ndoshta do te mundesh te marresh
statusin e refugjatit politik ne greqi.
diell ta befte nana parti!

[Beqari002]

Si Nano ashtu edhe Meta e mua me vjen malli sikur ne kohen e partise kur kendohej :"Enveri e Mao Ce Duni jane si buka prej nje brumi",si duket edhe keta te ddy jane si buka prej nje brumi,por per ta eshte ne rregull si duket qe Serbia te shtrij pushtetin ne tere teritorin shqipetar.



Meta: Shqiptare, votoni ne zgjedhjet serbe


Ministri i Jashtem, Ilir Meta, u shpreh dje se shpresonte qe zgjedhjet e ardhshme presidenciale ne Serbi do te sillnin me shume stabilitet e progres ne rrugen e demokratizimit te ketij vendi. Gjate nje takimi me kryetarin e Bashkise se Presheves dhe kryetar i Partise per Veprim Demokratik, Riza Halimi, zv/kryeministri tha se ne kete menyre do te realizohen edhe standartet e nevojshme te te drejtave te shqiptareve ne Luginen e Presheves. "Duke votuar ne keto zgjedhje, tha Meta, do te jete nje rast i mire per kontributin e shqiptareve ne afirmimin e konstruktivitetit te tyre". Meta dhe Halimi vleresuan si te suksesshem zhvillimin e zgjedhjeve te parakohshme ne tre bashkite e Lugines se Presheves. "Zhvillimi normal i ketyre zgjedhjeve do te kontriuboje ne stabilizimin e metejshem te kesaj zone, si dhe ne zhvillimin ekonomik e social te saj", tha shefi i diplomacise. Ai e njohu Halimin me rendesine e vecante qe qeveria shqiptare u ka dhene marredhenieve me Jugosllavine, hap kontret i se ciles ishte edhe ngritja e perfaqesimit diplomatik ne nivel ambasadoresh, si dhe inicimi i nje numer marreveshjes dypaleshe. Gjithashtu, Meta theksoi rendesine qe merr realizimi i marreveshjes per njohjen reciproke te diplomave per integrimin e popullesise shqiptare te Presheves ne strukturat administrative te Serbise.


Oj sharki e lehte si era , a ka ardhur ne Shqiperi pranvera?

[dylkosova]

Mos e mbani ate dert se Nano e di me mirë se ju.

[Tal Aga]

E çka po çuditesh o Beqari 2002, po kjo nuk është asgjë e re!!!

Vitin e kaluar kur Haekkerupi ishte në vizitë në Tiranë atje i thanë (Mejdani, Meta e Nano) se RSH kundërshton pavarësinë e Kosovës!!!

Për këtë mund të lexosh edhe në arkivin e Forumit e edhe në arkivet e mediave tjera elektronike (p.sh. trepca.net etj.).

Fundja, kjo edhe nuk ka fort rëndësi se për këtë punë s'janë kompetente as RSH e as Serbia.

[Puhiza]

Ej djema,

Mos u zini kot per gjera qe nuk varen nga ne. Ne duhet te bejme dicka ndryshe nga te paret tane. Nuk duhet te biem ne gracken e gjykimeve te momentit por te perqendrohemi te vleresimet objektive dhe qe jane ne te mire te te gjithe shqiptareve. Ca te majte e ca te djathte, kjo nuk i sherben fare shqiptarise se vertete. E rendesishme eshte te vleresohet njeriu dhe te ngrihet lart morali i cili duhet te udheheqe gjithe marrdheniet mes shqiptareve, mes individit dhe shtetit e keshtu me radhe...
hajt tani, se ju kam xhan, po behuni cuna te mire....
Do ta bejme Shqiperine apo jo?!