Gazeta Bota Sot mashtrim me kamikazë

[Shijaksi-London]

Gazeta Bota Sot mashtrim me kamikazë

Nga Muhamed VELIU

Redaksia e gazetës "Bota Sot" në Zvicër, me anë të një shkrimi sensacional të botuar më 20 korrik 2005 me titull "Një skandal i Ambasadës shqiptare në Londër", ka ndërmarrë një shpifje të rrezikshme ndaj personit tim, madje përsëri në mënyrë të rrezikshme thotë që shkrimi është publikuar edhe nga gazeta prestigjoze kombëtare angleze "Daily Mail" me autore Janifer Partosh.
Pas interesimit zyrtar nga "Gazeta Shqiptare", Zonja Sarah Bray pranë zyrës së editorit të gazetës "Daily Mail" me anë të një e-mail hedh poshtë kategorisht pretendimet e "Bota Sot" se shkrimi fillimisht është publikuar në "Daily Mail", dhe se një gazetare me emrin Janifer Partosh nuk ekziston në stafin e gazetës londineze. Kurrë nuk kam dëshiruar dhe nuk është në formimin tim të futem në debate të këtij lloji, porse në këtë rast bëhet fjalë për një akuzë shumë serioze. Sipas shkrimit të botuar në "Bota Sot", thuhet se unë Muhamed Veliu, korrespondent i "Gazeta Shqiptare" në Londër paskam patur mik një nga katër terroristët kamikazë që shkaktuan vdekjen e dhjetra njerëzve të pafajshëm në metrotë e Londrës më 7 korrik 2005. Në vazhdim, sipas "Bota Sot" unë qënkam edhe mik i ngushtë i një shoqate islamike pakistaneze duke patur lidhje të ngushta me komunitetin pakistanez në Londër, por njëkohësisht unë paskam edhe lidhje me policinë londineze "Scotland Yard", me gjykatat, ambasadat etj. Gjithnjë sipas "Bota Sot" terroristi pakistanez Mohamed Sidikue Khan, na paska realizuar me ndihmën e mikut të tij Muhamed Veliu, edhe disa takime në ambasadën shqiptare në Londër me ambasadorin, po ashtu për pak gjë mund të ishte realizuar një takim i Khan me ministrin e Jashtëm shqiptar, Zotin Kastriot Islami.
Në vazhdim të shkrimit "Bota Sot" u rrëfen lexuesve të saj se ky gazetari shqiptar, Muhamed Veliu, na paska bërë namin duke futur shumë shqiptarë në burgjet angleze, sepse ka mundur t'ju mbushë mëndjen gjykatësve anglezë se këta "shumë" shqiptarë na qënkan kriminelë.
Çfarë kontributi të shquar po i japin shtetit anglez këta zotërinjë nga Zvicra! Britania e Madhe do t'ju jetë përjetë mirënjohëse që ju zotërinj botues të "Bota Sot", zbuluat mikun e ngushtë të terroristit kamikaz, Mohamed Sidique Khan dhe takimet e fshehta nëpër ambasada. Sa punë e shkurtuar për strukturat e antiterrorit dhe shërbimet sekrete më të mira të Botës. Dhe më në fund shqiptarët zbuluan dhe u servirën në pjatë të argjendtë anglezëve edhe të parin terrorist shqiptar që do të njihet nga historia, pasi nuk di të ketë patur ndonjë tjetër para meje.
Gjithsesi duke vënë në punë kujtesën unë e kam një ide të qartë përse është përpiluar me kujdes një shpifje e tillë dhe cilët janë ata që u kujdesën të botohet në "Bota Sot", gazeta që në një të ardhme të afërt do ti duhet të përballet me mua në gjykatën e lartë angleze ku gjykohen raste shpifjes të publikuara në gazeta qofshin këto angleze apo të huja si "Bota Sot" që shiten në Londër. Përgjatë punës sime si korespondent i "Gazetes Shqiptare" ne Tirane, "Iliria" ne USA,"Bota Shqiptare" ne Itali, "Tribuna" ne Greqi, "Koha Ditore" dhe "Express" ne Prishtine, unë nuk e kam patur shumë të vështirë të dalloj hijenat që kanë mbetur të përfshira dhe të demaskuara në shkrimet e mia korrekte, për shkak të inkriminimit të tyre.
Një tablo më të qartë kam para syve edhe pasi vëzhgoj personat e tjerë të goditur në shkrim krah meje. Pra jam unë, një gazetar që me anë të punës sime në Angli kam raportuar ngjarje ku protagonistë janë disa grupe kriminale të prostitucionit duke investiguar për BBC e ndonjë gazetë tjetër të përmasave ekuivalente. Në shkrimin e "Bota Sot" përmendet edhe emri i liderit të PD, Sali Berisha ku thuhet se: "Në vitin 1997 presidenti Sali Berisha u akuzua nga kundërshtarët e vet politikë, si një fondamentalist musliman.
Deri në vitin 2005 akuza të tilla duken qartë të kenë qënë inskenime të mirëllogarituara të komunistëve shqiptarë, për të fituar kredibilitete tek perëndimorët…Çizmja duket se është në këmbën tjetër". Pra autorët e shkrimit veç goditjes sime synojnë të rahabilitojnë sipas dritëshkurtësisë së tyre edhe liderin e tyre shpirtëror. Pa u kujdesuar aspak që përzierjen e emrit të tij në këtë histori ta bëjnë me takt, apo të paktën duke marrë njëfarë autorizimi. Një psikopati që rrjedh prej faktit se këta persona ende kujtojnë se janë qendra e Botës, në një kohë kur ajo i ka lënë pas si fosile të harruara.
Duke e lidhur emrin tim me terrorizmin zotërinjtë në fjalë janë duke ndërmarrë një mision shumë të rrezikshëm. Pasi e lodhur nga gjyqet e pagesat që janë bërë deri tani stafi i gazetës "Bota Sot" mund të bëjë publike, duke u lënë në duar shpifjen autorëve të vërtetë. Kjo jo për faktin se gazeta "Daily Mail" nuk e ka botuar një shkrim të tillë dhe për këtë ka bërë sqarimin e duhur në adresën time elektronike dhe të redaksisë së "Gazetës Shqiptare". Ndërkohë zotërinjtë që synojnë denigrimin tim, -nuk është tentativa e parë, - harrojnë se "Scotland Jard" apo edhe ndonjë strukturë tjetër e drejtësisë angleze nuk niset nga shpifjet për të bërë një hetim, që në këtë rast objektivi, sipas dëshirës së madhe të autorëve të këtij shkrimi, do të isha unë. Pasi nga thashethemet vetëm ish-Sigurimi i Shtetit Shqiptar fuste njerëz në probleme me drejtësinë.
Në përfundim desha të shtoj edhe diçka. Pyes veten si është e mundur që mbijetojnë në këtë botë shpifës të tillë. Përgjigjen ma jep një shkencëtar i shquar afrikan, i cili thotë se "në botën ku jetojmë ka edhe qënie biologjike që mbijetojnë me jashtëqitjet e tyre".
Por habitem edhe me faktin se si shpifje të tilla gjejnë dritën e botimit. Unë jam në moshë shumë vite më i ri dhe do të jetoj më tepër duke parë edhe vyshkjen përfundimtare të ndonjë zotërie me thinja, që hap dritën jeshile për botimin e shkrimeve të tilla. E thotë shumë bukur diku shkrimtari i nderuar Besnik Mustafai: "Njeriu duhet të dijë me u thinj". Apo ndoshta natyra i paracakton disa qënie, për të cilët e shumta që mund të bëjnë në jetë, është t'u thurin bejte prej servili diktatorëve dhe diktaturave, ndërsa në demokraci nuk mund të bëjnë më tepër se sa të ndyjnë.
Shpreh gjithashtu një keqardhje të thellë që në një vend demokratit dhe mikpritës si Zvicra, me alpet me ngjyrë të bardhë të përjetëshme ka edhe fosile me ngjyrë të zezë të përjetëshme, që nga "fabrikat" e tyre të ndryshkura nxjerrin prodhime të ndyra prej letre, siç është edhe rasti i shkrimit më 20 korrik 2005 botuar në "Bota Sot".

[Brari]

tani ti e di o Shijaks se e do rregulli qe per te te kuptuar ty plotesisht te kemi rast ti degjojme "te dyja kembanat" kur thot populli..
Pra ..sille mos perto dhe krejt shkrimin e BOTA Sot-it.. e pastaj te bejme gjykimin.. sepse kush vete tani ne banhof te Mynshenit ta gjeje BOTA Sot-in ..

Shijaks..

po si more djale nuk shprehe nje fjale keq ardhjeje ti kur ne shekullin 2005 mbas Krishtit u vra nje Gazetar..pra nje Koleg i joti.. sikurse eshte rasti " Bardhyl"..

e di cdo te thote kjo?

qe ti jo rastesisht je futur ne lukunin e anti-Bota Sot-ave..

Nejse..

sille pra Shkrimin anti-Veli ne BOt te Sot-it qe te te themi ndonji fjale..

Cdo te mire..der athere..

[RTP]

Brari ka te drejte!


Zoteri M.Veli


Nje intelektual si ju,ne kushte te tilla,do sillte me pare artikullin e plote te
Botes Sot,dhe perfundi do vendoste letren e zonjes Sarah Bray !

Ateher,vet lexuesi do vinte ne perfundim dhe do i gjykonte te padrejtat
njeherit ti do kurseheshe nga shprehjet e tilla qe nuk i pershkojne nje
intelektuali ne replika te tilla.

Dyshoj ne egzistimin e emrit Sarah Bray,dhe ne nje artikull si ky!

Mgjth, une mund te jem ne gabim
po nuk e deshmove te kunderten!


Respekt
rtp-ja



ps."Mërgata e Qyqeve" sheh ëndërra me kamikazë !
Muhamed Veliu
Keshtu titullohej ky artikull ne disa forume te tjera!?
Nuk kuptoj pse nderrohet titulli i origjinalit?

[Albo]

Muhamed, ben mire te sjellesh artikullin e Bota Sot qe ta lexojme e ta gjykojme, ashtu sic kemi lexuar e gjykuar plot artikuj qe ti ke sjelle ne kete forum, disa prej tyre me vlera, dhe disa prej tyre pa vlera, disa prej tyre tabloide angleze te perkthyera ne shqip per nje tabloid shqiptar si Gazeta Shqiptare, dhe disa prej tyre lajme sensacionale pa piker vertetesie qe beheshin per qellime te caktuara.

Mos u merzit, ky eshte vetem mendimi im.

Ashtu sic nuk duhet te merzitesh kur dikush te thote se je njeri i afert i ambasades shqiptare ne Angli, pasi ne nje pjese te mire te shkrimeve te tyre ti na citon "Ambasadorin Robo". Pra e ke lene vete te kuptohet se sa njeri i afert je me ambasaden shqiptare, nuk eshte gazeta Bota Sot. Une nuk e lexoj Bota Sot, por lexoj Forumin Shqiptar dhe ato artikujt qe ti ke sjelle.

Sa per rolin tend ne lidhje me lajmet mbi terroizmin, mos i hiq aq i pafajshem dhe i paanshem se nuk je i tille. Vetem pak muaj me pare, ne kete forum ti na ndricove te gjitheve me nje interviste me nje klerik islamik radikal ne Londer, qe na rrefente se kish celulat e veta edhe ne Shqiperi dhe se islamiket shqiptare "e mbeshtesnin levizjen e tyre", dhe levizja e tyre ishte ajo qe pjesa tjeter e botes e quan terrorizem.

Prandaj mos u perpiq te shfajesohesh tani qe qeveria britanike po i debon ata kleriket qe ti intervistoje ne "intervista ekskluzive per Gazeten Shqiptare", pasi po te besh nje kerkim te thjeshte ne kete forum, i gjen te gjitha artikujt dhe shkrimet qe ti ke sjelle.

Sa per gazeten te cilen ti je korrespondent, Gazeten Shqiptare, ajo nuk eshte nje gazete e pavarur, eshte nje tablloid qe financohet nga mafia rajonale dhe ka nje axhende te caktuar ne Shqiperi, qe ti e permbushje shume mire, me dije apo pa vetedije, me shkrimet e tua nga Londra.

Nuk dua te te bej me faj, pasi shume gjera mund ti kesh bere pa vetedije mbi pasojat, por thjeshte mos u habit qe shume prej lexuesve te shkrimeve te tua nuk kane ndonje respekt te vecante per kendveshtrimin apo mesazhin qe shume nga keto shkrime percjellin.

Albo

[Bianconero]

Nje here e nje kohe, lexoja ''Bota Sot'', ose me mire me pelqente fjalekryqi sepse ishte nje faqe e tere . Por duke pare qe aq sa ishte fjalekryqi, ishte dhe faqja ne dispozicion te faqes se zeze te quajtur Abdi Baleta, mu shpif si gazete dhe se lexova me. Ne ate kohe, mjaftonte artikulli 124 km i gjate i Abdi Baletes qe Gazeta ''Bota Sot'' te merrte me plot merite vendin e pare si gazete antikombetare edhe pse ata krenoheshin me titullin ''Gazete Kombetare''. Me kujtohet qe shkruante edhe Mero Baze i cili ishte ''i ri'' ne ate kohe por sot eshte bere ''burre'' dhe nuk para ben gabime.

Sot me cudit fakti qe keta arrijne te akuzojne nje gazetar te Gazetes Shqiptare per gjera te tilla (Gazete e cila mezi pret te godase muslimanet me faj e pafaj duke vene nje shkrim te gjere sa nje gome Perlini per nje keqberes qe rastesisht i takonte besimit musliman).

Nese duhet kritikuar zoti Veliu, duhet kritikuar sepse ai se bashku me korrespondentet e gazetaret e tjere, i ndajne shqiptaret ne copa! Nese ''Pali'' ka bere nje krim sot, neser e ka radhen ''Ismaili'' por s'duhet shkruar me larg se emri dhe mbiemri i tij sepse krime ne emer te fese nuk jane bere dhe nuk do behen ne Shqiperi. Ndoshta asgje nuk kemi ne vije, por super tolerancen fetare e kemi si rralle vend ne bote.

Ne fund te fundit gazetat jane sa per te kaluar kohen e tepert dhe mua personalisht nuk me verbojne sado te flasim kundra komunitetit fetar me te madh ne Shqiperi sepse ky komunitet asnje dem nuk i ka sjelle vendit (pervec ndonje gabimi te vogel brenda komunitetit ne fjale) por sic duhen respektuar ata qe kane mbajtur fene e te pareve, duhet respektuar gjithashtu edhe muslimanet shqiptare sepse ishin dhe jane shumice dhe ne, pakicen s'na kane shkelur asnje here ne histori edhe pse shume here kishin mundesi ta benin.

Nese ka nje perqindje shume te vogel, ''tip ektremistash'', nuk do te thote ''ALARM se perfunduam ne shktretetire'' sepse kombin e perfaqesojne shqiptare ''qe nuk kane fe''. Nuk eshte shqiptar Abdi Baleta dhe as njeri i ''krahut tjeter'' qe sme kujtohet emri. Keta monstra qe kerkojne te na veshin me 4-5 flamuj fetar dhe te na percajne duhen injoruar dhe kete e bejne me se miri shqiptaret sepse jane te gjithe vellezerit te nje gjaku dhe nese ''Profetet'' egzistuan, ata nuk erdhen ne kete bote per vellavrasje por per dashuri, edhe kete gje e dine shqiptaret

P.S: Me falni per daljen pak a SHUME nga tema

[Hyllien]

Ja dhe nje artikull tjeter i repertorit tend potencues. (meqe GSH eshte gazete qe e pelqen arredimin e fjalorit te saj me terminologjine moderne duke i inseruar si fjale ne sentencat e saja(gazetareve) qe ne te shumten e rasteve jane pa lidhje)

-----------------------------------------------------------

Intervista/ Flet studiusi në Britani, Gëzim Alpion

Nga Londra, Muhamed Veliu

Bamirësja shqiptare e Kalkutës, Nënë Tereza, e "manipuloi" median për interesa të saj. Ndërsa media që prodhon famozë pa hesap, e ngriti portretin e Gonxhe Bojaxhiut në atë lartësi sa mund të thuhet tashmë që "Nënë Tereza ishte një ikonë e medias". Kështu thotë dr. Gëzim Alpion, lektor në universitetin e Birmingamit, i cili në fund të qershorit do të udhëtojë për në Kaltuta të Inidisë, ku do të mbajë disa leksione në një nga kolegjet katolike më prestigjioze të atjeshëm, atë të St. Xavier, pikërisht mbi këtë çështje. Në një intervistë ekskluzive nga Birminghami, për "Gazetën Shqiptare", dr. Gëzim Alpion tregon detajet e udhëtimit në Indi, ku thotë se vizita e parë do të jetë në vendin ku prehet Nënë Tereza, figura së cilës i ka kushtuar disa vite studimi.

Si lindi ideja për të vajtur në Indi dhe të jepni këto leksione?

Në fillim të këtij viti dr. Aroup Chatterjee, një ekspert i figurës së Nënë Terezës, i cili ka qenë në dijeni të studimit tim që në vitin 2003, më prezantoi në Kolegjin Katolik St. Xavier në Kalkuta, dhe Fr P. C. Mathew, SJ, Principali i këtij institucioni prestigjioz, i cili është themeluar në vitin 1860, me dërgoi një ftesë për të mbajtur disa leksione për Nënë Terezën. Ftesa u mirëprit nga Departamenti im i Sociologjisë dhe Universiteti i Birminghamit, të cilët më krijuan kushtet për ta kryer vizitën.

Ndiheni i lumtur që do të shkelni në vendin e shenjtores shqiptare Nënë Tereza?

India është një ndër vatrat e lashta të civilizimit botëror dhe vizitën time atje e konsideroj si një privilegj, ashtu siç e konsideroj veten me shumë fat që në një moshë relativisht të re pata mundësinë te shijoj kulturën e lashtë egjiptiane gjatë viteve të studimeve të mija në Universitetin e Kajros. Një ndër arsyet se përse Nënë Tereza zgjodhi pikërisht Kalkutën si vend i peligrinazhit të saj ishte jo thjesht se India ishte vend i 'prapambetur' dhe i 'varfër', po edhe pse India është një vend i lashtë. Po ashtu, Nënë Tereza u frymëzua nga shembulli dhe letrat e disa misionarëve katolikë nga Ballkani, të cilët kishin shkuar para saj për të shërbyer në Indi. Me fjalë të tjera, në studimin tim unë e shikoj vendimin e Nënë Terezës për të jetuar dhe punuar për 69 vjet në Indi, si një përpjekje në kohët moderne për të mundësuar vazhdimësinë e komunikimit midis Indisë dhe Perëndimit, komunikim që në disa raste e ka pasur gjenezën në Ballkan dhe Shqipëri.

Me sa interes priten leksionet tuaja atje?

Miqtë e mi Perëndimore dhe indianë në Kalkuta më kanë informuar rregullisht gjatë javëve të fundit se media indiane, intelektualët dhe botuesit indianë janë shumë të interesuar për turneun e leksioneve. Interesimi në leksionet e mija është si rezultat i famës së Nënë Terezës në Indi, famë e cila nuk është venitur pas vdekjes së saj në vitin 1997, si dhe i punës së palodhur të Fr Gaston Roberge, drejtuesi i Departamentit të Medias në Kolegjin e St. Xavier për ta promovuar vizitën time sa më gjerë në Indi. Sipas Fr Roberege, shumë gazeta indiane kanë kërkuar intervista ekskluzive dhe me sa di unë do të ketë dy konferenca shtypi. Mediat indiane janë të interesuara në leksionet e mija jo vetëm se unë jam nga vendi i Nënë Terezës, po ndoshta edhe nga statusi ndërkombëtar i Universitetit te Birminghamit.

Kush do t'i ndjekë këto leksione?

Pavarësisht se "St Xavier" është institucion katolik, leksionet do të ndiqen jo vetëm nga misionarët katolikë Perëndimorë dhe katolikët e kristianët indianë, po edhe nga studentët e Kolegjit, të cilët janë të feve të ndryshme. Në leksione do të ketë admirues dhe kritikë të Nënë Terezës nga bota e medias, kulturës, politikës dhe institucioneve arsimore, veçanërisht Universiteti i Kalkutës. Për mua është kënaqësi e madhe që në leksion do të vijnë edhe disa nga motrat dhe vëllezërit e urdhrit "Missionaries of Charity", (Misionarët e Bamirësisë) që Nënë Tereza themeloi në vitin 1950. Pjesëmarrja e tyre për mua është me shumë rëndësi, pasi studimi im është i balancuar, pra në libër ka vlerësime, por edhe analizë kritike të figurës së Nënë Terezës, gjë që nuk është pritur shumë mirë nga disa admirues dhe kritikë të Nënë Terezës si në Perëndim ashtu edhe në Indi.

Në çfarë aspekti të jetës së Nënë Terezës do të ndaleni më shumë gjatë leksioneve dhe pse?

Më shumë në leksionet që do të mbaj në Kalkuta do të ndalem në rolin që "Revolucioni Grafik" luajti dhe vazhdon të luajë që nga shekulli i 19-të e deri tani për inkurajimin dhe promovimin e 'celebrity culture' (kulturës së të famshmëve) në Perëndim, si dhe në disa aspekte të famës mediatike të Nënë Terezës, për të theksuar se ku dhe sa ndryshon ajo nga njërëz të tjerë të famshëm të shekullit të 20-të. Po ashtu, një rëndësi të veçantë do t'i kushtoj rolit shumë pozitiv që prindërit Nikolla dhe Drane, si dhe ambienti multietinik, multifetar dhe multikulturor në Shkup pati tek Agnes Gonxhe Bojaxhiu nga 1910-1928, periudhë që biografët dhe hagiografët e Nënë Terezës, si në Ballkan, Perëndim dhe Indi, e trajtojnë përciptazi ose e kanë injoruar plotësisht. Për mendimin tim, studimi i kësaj periudhe të jetës së Nënë Terezës është i rëndësishëm jo për të 'lajkatuar' krenarinë tonë kombëtare, por për të promovuar disa vlera shumë pozitive të kombit shqiptar dhe të fqinjëve tanë në Ballkan.

Përveç kolegjit St. Xavier a do të keni vizita në kolegje apo universitete të tjera në Indi?

Vizitën e parë në Kalkuta do ta bëj tek varri i Nënë Terezës. Po atë ditë do të takohem me disa vallezër dhe motra të Nënë Terezës. Në mbrëmje do të kem një takim me një botues. Ditët e tjera përfshijnë vizita në institucione të tjera arsimore, mediatike dhe botuese.

A parashikoni eksperica të këtij lloji në vende të tjera të botës, ku ka interes për figurën e Nënë Terezës?

Deri tani për studimin mbi Nënë Terezën kam zhvilluar leksione dhe biseda në Universitetin e Birminghamit, Universitetin e Kingston, University College në Londër, si dhe në Universitetin e Prishtinës. Para disa muajsh mora pjesë në një program të xhiruar nga një rrjet televiziv amerikan në Los Angeles, ku fola për aspekte të ndryshme të studimit tim për Nënë Terezën.

Në ç'fazë gjendet libri juaj "Mother Teresa, The Media and Sainthood"?

Libri është pothuajse i përfunduar, por meqë në Indi do të mësoj gjëra të tjera për Nënë Terezën, me botuesin kemi rënë dakord që studimin ta dorëzoj për botim në fund të tetorit të këtij viti.


Biografia

Kush është Gëzim Alpion

Dr. Gëzim Alpion ka lindur në vitin 1962 në qytetin e Peshkopisë. Pas përfundimit të arsimit tetëvjeçar në Peshkopi, në vitin 1977 filloi studimet në Tiranë në Shkollën e Mesme të Gjuhëve të Huaja 'Asim Vokshi', ndërsa në vitin 1983 studimet në Fakultetin e Filologjisë, Departamentin i Gjuhës Angleze, në Universitetin e Tiranës, studime të cilat i ndërpreu në fund të vitit të dytë, për të studiuar gjuhën dhe letërsinë angleze në Universitetin e Kajros. Në Kajro studioi për "Bachelor of Arts" nga viti 1985-89 dhe për titullin Master of Arts në Studimet Angleze nga viti 1990-93. Që nga vendosja e marëdhënieve diplomatike midis Shqipërise dhe Anglisë nga Kajro aplikoi në katër universitete në Britaninë për të zhvilluar temën studimore që pati filluar në Egjipt në vitin 1991. Të katër universitetet: ai i Edinburgut, Lidsit, Notinghamit dhe Durhamit, e pranuan. Ai zgjodhi Durhamin, ku vazhdoi studimet pasuniversitare për Master of Arts në veprat e James Joyce dhe D. H. Laërence dhe pak muaj më pas Universiteti vendosi që studimin t'a kalojë për doktoratë. Titulli Doktor në Filozofi për studimin mbi 'Imazhin e Artistit në Rini' në veprat e D. H. Lorencit iu akordua në vitin 1997.

G.Shqiptare







PS: Te fala Alpionit meqe ra fjala. Apo mos e ka Eduardi I tani ne traditen e lashte ?

[Shijaksi-London]

Hi Brari.
Me fal per vonesen ne dergimin e artikullit, kam qene me pushime.
Per sa i perket kometit te Albos, nuk me vjen aspak cudi te lexoj te tilla prockulla, packa kam patur nje respekt per personin e tij, por ja qe Albos i pelqen te jete ne maje te piramides dhe te na japi medn. Ske ci ben mungese modestije apo shenje fodull-lleku.


BOTA SOT

Aspekte 20 Korrik 2005

NJË SKANDAL I AMBASADËS SHQIPTARE NË LONDËR

Shkruan Janifer Partosh.

Në një nga numrat më të fundit, të gazetës Daily Mail,shpaloset një nga ato ngjarjet misterioze të Shqipërisë, që të bën edhe njëherë që të mendosh më seriozisht për identitetin civilizues të këtij vëndi: Një shqiptarë që thotë se është një ndër gazetarët më të njohur të vëndit të tij,me emrin muhamed Veliu, me manim në Londër, i njohur për lidhjet e ngushta me komunitetin islamik të Pakistanit, bëhet një nga personazhet më të fundit të aktit terrorist të shpërthimit në metrotë e kryeqytëtit Britanik.

Muhamed Veliu thotë se është gazetar i të së përditshmes së Tiranës(Gazeta Shqiptare), një gazetë e njohur për lidhjet jo aq të qarta të saj me nomenklaturën e dikurshme komuniste shqiptare e njëkohësisht me qarqe të majta të politikës italiane. Por prirjet pro italiane të gazetës ku bashkëpunon ky shqiptarë mysliman, nuk e ka penguar atë që të jetë i lidhur ngushtë me komunitetin pakistanez të Londrës. Duket se origjina islamike e Muhamed Veliut ka qënë më e fortë nga ndjenja e detyrës së tij.

Ai bashkëpunon me Scotland Yardin,për ti paditur shqiptarët e tjerë që janë paraqitur, po ashtu si ai vetë,nga Kosova. Për ca kohë madje bashkëpunon edhe me gazetën SUN për të zbuluar krimin e organizuar shqiptarë në Britaninë e Madhe,duke arritur të fusë në burg shumë bashkëatdhetarë të vet të cilët I paraqet si kriminelë.

Zelli i jashtëzakonshëm i tij për të inkriminuar bashkëvendasit e vet ka bërë që në rrethet e gazetës Sun të njihet nofkën Akrepi. Por dhe ky bashkëpunim i ngushtë me Scotland Yardin dhe me gazetën Sun, nuk e bëjnë atë që të heqë dorë nga thirrja e paevitueshme e origjinës islamike: terroristi Mohamed Sidikue Khan, më vrasësi nga katër terroristët e metrosë së Londrës, ka qënë një mik i ngushtë i shqiptarit që ngul këmbë të jetë një nga gazetarët më të njohur të Shqipërisë.

Deri këtu miqësia e dy islamikëve nga dy vënde të ndryshëme nuk do të përbënte ndonjë kuriozitet frymë ndaluese nëse në historinë e shqiptarit nuk përfshihet edhe ambasada e vëndit të vet e kësi soi në këtë thriller nuk do të gjenim disa personalitete të politikës shqiptare.

Mohamed Veliu mësohet të ketë patur lidhje të ngushta me qeverinë e shtetit të vet,falë mimpative të thella për Qeverinë soicialiste të Fatos Nanos e për disa arsye të lidhjeve të vjetra me policinë shqiptare. Kësisoi ai që në fillim ka qënë i gjithëgjendshëm në ambientet e ambasadës shqiptare të Londrës.



Besohet se shqiptari musliman e ka future terroristin e ardhshëm pakistanez në ambasadën shqiptare duke i siguruar një takim imtim me ambasadorin e këtij vëndi, Kastriot Roshi .Gjithmonë sipas gazetës britanike Daily Mail Mohamed Siqikue Khan mund të jetë takuar me ambasadorin shqiptarë andej nga shkurti I këtij viti. Gazetari shqiptarë madje I ka premtuar pakistanezit terrorist një takim me ministrin e jashtëm shqiptarë Kastriot Islamin.

A ka qënë Mohamed Sadikue Khan në Shqipëri? Një agjent sekret shqiptarë, aktualisht student i gazetarisë në Tiranë,që nuk pranon që të paraqesë identitetin e vet, thotë se gjatë kohës që ka qënë i implikuar në trafikimin e drogës dhe prostitucionit është takuar në Londër me pakistanezin terrorist, në prani të ambasadorit Roshi, e të mikut të vet, gazetarit Muhamed Veliu. Agjenti sekret shqiptarë thotë se trafikimin e drogës e ka bërë në lidhje të ngushtë me një shoqatë pakistaneze e quajtur Vlazëria Islamike.Madje, sipas agjentit sekret, sapo Mohamed Sidikue Khan ka mësuar se emri i ministrit të jashtëm shqiptarë është Islami, ai i ka thënë ambasadorit shqiptarë se ai beson se një ministër me një emër të tillë nuk ka për ta zhgënjyer kurrë. A ka qënë Mohame Sidikue Khan në Shqipëri? Sipas agjentit sekret të Tiranës, aktualisht me misionin student gazetarije në Tiranë, kjo mundësi nuk përjashtohet,po të kihet parasysh se terroristi i ardhshëm, e ka vizituar ambasadën shqiptare, gjithmonë në shoqërinë e Mohamed Veliut, dhe katër herë të tjera, gjatë periudhës Mars-Maj 2005.

Vetë gazetari Mohamed Veliu nuk e përgënjeshtron miqëisnë e ngushtë me pakistanezin vetëvrasës, por sipas tijë, “shoqëria e tyre thjeshtë ka qënë e mbështetur në bindjet e forta islamike për të cilat ai ndjehet krenar,e nuk ka të bëjë asgjë me politikën2.

Sipas një burimi konfidencial që del nga vetë ambasada shqiptare e Londrës, kjo ambasadë, në fundin e muajit maj të këtij viti ka njoftuar ministrinë e jashtëme të vëndit të vet për “një biznesmes të fuqishëm pakistinez i cili paraqet interest ë madhe për Shqipërinë. Mendimi ynë është që ai të takohet me kryeministrin”. Nuk është e qartë nëse referenca “biznesmeni i fuqishëm pakistanez” nën kupton terroristin Mohamed Sidikue Khan.

Në vitin 1997, presidenti Sali Berisha u akuzua nga kundërshtarët e vet politikë si një fundamentalist musliman. Deri në vitin 2005 akuza të tilla duken qartë të kënë qënë inskenime të mirëllogaritura të komunistëve shqiptarë për të fituar kredibilitete tek perëndimorët… Cizmja duket se është në këmbën tjetër.