Ngjarjet kulturore në Maqedoni

[babadimri]

Poe hap kete teme per te shkruar rreth ngarjeve kulturore ne Maqedoni. besoj se secili prej nesh ka mundesi qe ne qytetin e vete kur te kete dicka te shkruaj ne kte teme. PO e hap kete teme sepse e shohte arsyeshme per te gjithe ne qe te informohemi sa mire qe mundemi

shendet

[StormAngel]

Sonte me ora 20.00 Shoqeria Kulturore Artistike "Besa" mban koncert ne Pallatin e Kultures ne Gostivar.

Vlen te permendet se SH.K.A "Besa" eshte njera nga shoqerite kulturo-artistike me me vlere ne Maqedoni, dhe ka prodhuar muzicientet me te mire te Gostivarit.
Kush eshte afer, mund te vij ne koncert.

[Davius]

"BAJRUSH MJAKU" ME SHFAQEN "BABAI" MBRËMË E KISHTE PARAQITJEN E PARË PARA PUBLIKUT RUS


Në Teatrin moskovit "Mejerhold" grupi i aktorëve "Bajrush Mjaku" mbrëmë e luajti shfaqen "Babai" nga August Stringderg, pjesëmarrja e së cilit në Ditët e kulturës maqedonase në Rusi zgjoi interesim te publiku dhe mediumet.

Sonte ata do të kenë shfaqe edhe në Sankt Petersburg ku do të paraqiten në skenën e Teatrit të komedisë muzikore.

"Babai" është një tregim i dramaturgut të njohur suedez Strindberg, ku tregohet shkatërrimi i një familjeje për shkak të totalitarizmit të "kokës së familjes".

Është joezakonshme që aktorët shfaqen e fillojnë në mesin e publikut, duke e shërbyer me verë dhe duke biseduar me të, që më pas të gjithë bashkërisht të vazhdojnë në skenë, me një tryezë të shtruar ku edhe ndodh tërë ngjarja.

Rolin kryesor, babain, e luan Bajrush Mjaku, vajzën e tij, rreth së cilës sillen problemet, e luan Amernis Nokshiqi dhe rolin e bashkëshortes e luan Arta Muça. Rolet e tjera i luajnë Behmi Qerimi, Visar Vishka, Sabedin Selmani dhe Musherife Lozana.

Grupi i pavarur teatral "Bajrush Mjaku" është themeluar në vitin 2001 dhe deri tani ka marrë pjesë në dhjetëra festivale në Maqedoni dhe në botë. Premiera e shfaqes së tyre "Babai" ishte në festivalin Vera e Ohrit në vitin 2003, ku edhe e mori çmimin për shfaqen më të mirë ndërsa çmimin e parë e morën në Festivalin e dramës maqedonase "Vojdan Çernodrinski" në vitin 2004.

Aktori Mjaku deri tani ka luajtur dhjetëra role kryesore në shfaqet në skenën e Teatrit të Dramës Shqipe.

.......

Krenohemi me kete burre qe kemi ne.

[Davius]

FILLON FESTIVALI I 26-TË INTERNACIONAL I KAMERËS SË FILMIT "VËLLEZËRIT MANAKI"


Me ndarjen e çmimit për vepër jetësore "Kamera e artë 300" të fituesit të trefishtë të Oskarit Vitorio Storano dhe paraqitja e strip-filmit amerikan "Mëkati i mëkateve", regjisori i së cilës dhe drejtor i fotografisë është Robert Rodrigez, sonte në Manastir fillon Festivali i 26-të internacional i kamerës së filmit "Vëllezërit Manaki".

Drejtori i fotografisë Storano (65) është fituesi më i ri i deritanishëm dhe italiani i dytë që e fiton këtë çmim. Oskarin e parë Storano e fitoi për filmin "Apokalipsa tani", pastaj pason i dyti për "Të kuqe" të Uoren Bitit dhe i treti për "Mbretin e fundit kinez".

Për çmimet Kamerë të artë, të argjentë dhe bronze 300, që do të ndahen të shtunën më 24 shtator, do të garojnë 12 filma nga produksioni më i ri botëror. Këtë vit juria e festivalit për herë të parë do ta ndajë edhe çmimin special të dhuruar nga koncerni moskovit i filmit MOSFILM.

Festivali i sivjetëm i Vëllzerëve Manaki është në shenjë të 100 vjetorit të filmit të Maqedonisë dhe xhirimeve të para në Ballkan. Me këtë rast javën e kaluar u pomovua CD-ja multimediale "100 vjet filmi i Maqedonisë" që paraqet sublimat në mbarë kinematografinë e Maqedonisë.

Zgjedhjen e muzikës e bën Aleksandar Pejovski, ndërsa për zgjedhjen e inserteve të shkurtëra nga filmat u kujdes Varden Tozia.

Projekti është plotësisht i financuar nga Ministria e Kulturës. Krahas Festivalit "Vëllezerit Manaki", në realizimin e tij morën pjesë edhe Kinematografia e Maqedonisë, "Vardar film", TVRM dhe Drim Faktor.

Në festival do të paraqiten edhe filma me metrazh të shkurtër, kurse është shtyrë edhe programi studentor.

[Davius]

Në Dibër po mbahet edicioni i katërt i Festivalit të teatrove shqiptare

Dibër, 20 shtator

Në Dibër të Maqedonisë po mbahet edicioni i katërt i Festivalit të teatrove shqiptare, në të cilin vlerat e tyre artistike do t'i paraqesin trupat e teatrove nga Maqedonia, Kosova dhe nga Shqipëria. Shfaqjet profesioniste të këtyre trupave i kanë krijuar Dibrës dhe dashamirëve të skenës artistike një festë të vërtetë kulturore.

[Studenti-Te]

FESTIVALI NDERKOMBTAR I POEZISE
DITET E NAIMIT

Tetovë, 20-23 TETOR

PROGRAMI
(edicioni IX)


20 tetor 2005 (E ejnte)

- Pritja dhe vendosja e mysafireve ne hotelin "Liraku" ne Tetove
15.00 Dreka (ne restorantin e hotelit 'Liraku")
19.00 FILLIMI I FNP "DITET E NAIMIT" (Para Pallatit te Kultures)
19.10 HAPJA E EKSPOZITWS SE PIKTURAVE "PELIKANI"
19.30 HAPJA E EDICIONIT IX TE FESTIVALIT NDERKOMBETAR TE POEZISE "DITET E NAIMIT"
- recital
- ekzekutim ne piano
Hapja e festivalit nga drejtori i MLN "Ditet e Naimit", Shaip Emerllahu
-ekzekutim me violine
- ora letrare "Globi Poetik"
22.00 Darka (ne restorantin e hotelit 'Liraku")



21 tetor 2005 (e Premte)

08.00 Mengjesi (ne restorantin e hotelit 'Liraku")
10.00 PREZENTIMI I LAUREATIT THOMAS TIDHOLM - Suedi
(Amfiteatri i Rektoratit te Universitetit te Tetoves)
12.00 Dreka (ne restorantin e hotelit 'Liraku")
14.00 Ora Letrare "Poetet dhe Vargje"
(Amfiteatri i Universitetit te Evropes JugLindore)
18.00 Ora letrare "Mbremje Lirike" (Hotel Liraku"
22.30 Darka (ne restorantin e hotelit 'Liraku")


22 tetor 2005 (E shtune)

08.00 Mengjesi (ne restorantin e hotelit 'Liraku")
10.00 PERURIM: VITRINA E LIBRIT (ne sallen e hoteli "Liraku")
13.00 Dreka (Ne restorantin e hotel "Lirakut")
14.00 VIZITE monumenteve kulturo-historike ne tetove
19.00 ORA LETRARE "merdianet e poezise" - (Q. Kulutore- Salla e Madhe)
--- Shpallja e fituesve dhe dorezimi i shperblimeve:
Çmimi letrar "Naim Frashri", "Menada", "Oeneumi" dhe "Qiru i Naimit".
- Shpallje e anetareve te nderit te MLN "Ditet e Naimit"
- Mbyllja Solemne e edicionit IX te FNP "Ditet e Naimit"
22.00 Darka (ne restorantin e hotelit 'Liraku")

23 tetor 2005 (e Diel)

08.00 Mengesi (ne restorantin e hotelit "Liraku")
09.00 Percellja e mysafireve

[Davius]

FILLON FESTIVALI I XHAZIT NË SHKUP

Me paraqitjen e Erika Stakit dhe Abdulla Ibrahimit sonte në Sallën universale në Shkup fillon edicioni i 24-t i Festivalit të xhazit në Shkup.

Erika Staki do të paraqitet me muzikën "Mrs.Bubbles&Bones" anëtarët e së cilit janë edhe trombonisti Beeti Muter dhe Jon Sas, i cili i bie trompës.

Dolar Brand, emri i Abdulla Ibrahimit deri në pranimin e fesë islame, i bashkon tingujt e melodisë së vendlindjes së tij, Afrikës Jugore, xhaz-improvizimin dhe teknikën e elegancës së muzikës klasike.

Më 22 tetor, gjithashtu në skenë në Sallën universale do të paraqiten "Trioto Entremundo" i udhëhequr nga Renod Garsija - Fons, e popullarizuar në SHBA xhaz muzikantja Madelin Pejru, tirazhi i së cilës, i arrin numrat e muzikantëve të cilët ekzekutojnë pop muzikë dhe trompistit italian Paolo Fresu.

Më 23 tetor është planifikuar mbrëmje braziliane ku do të paraqitet Xhojsi dhe Lenin.

Projekti më i shtrenjtë i festivalit këtë vit është paraqitja e basistit legjendar Çarli Hajden dhe "Liberation music orchestra" e tij.

Patron i festivalit është Ministria e Kulturës së Republikës së Maqedonisë, ndërsa sponsorë janë Birraria e Shkupit, Kosmofon dhe kompani të tjera dhe përfaqasëues të huaj dhe ambasada.

[Davius]

Sonte ne Tetove ne Pallatin e Kultures u shfaq premiera e komedise: "Njeriu qe pa vdekjen me sy"

Ishte nje komedi i luajtur nga aktore te rije tetovar qe kane diplomuar ne Universitetin e Tetoves keto vite ne degen e aktrimit.

Komedia ishte e mrekullueshme.

PS:
Ishte hera e pare qe ne nje komedi/drame shoh Pallatin e Kultures ne Tetove plot e perplot me njerez dhe ne gje qe me ra ne sy ishte prania e shume figurave te njohura politike te shqiptareve, si deputet, ministra e shume tjere..... Interesante kjo

[bOndi_oo7]

Ne organizim te shoqates se shkrimtareve shqiptare te Maqedonise, ne Pallatin e kultures ne Tetove,nga data 15 deri me 19 nentor do te mbahet panairi i librit. Ne panair pritet te prezantohen shume shtepi botuese nga te gjitha trojet etnike shqipetare me nje numer te te konsideruar te librave.
Do te jete nje panair i madh dhe vend ku do te mund te takohen me shume se 200 tituj te rinj.
Gjynah te mos vizitohet !

[Davius]

PANAIRI I LIBRIT SHQIP "TETOVA 2005"

9 Nëntor 2005

Shoqata e Botuesve Shqiptarë në Maqedoni, me seli në Shkup, prej 15 deri më 19 nëntor, në Qendrën e Kulturës në Tetovë, organizon Panairin e librit shqip “Tetova 2005”.

Panairi i librit shqip organizohet për të pestën herë në Tetovë. Ky panair tani më veç ka marrë karakterin e një manifestimi tradicional kulturor, duke shtuar në këtë mënyrë dukshëm edhe interesimin e lexuesit shqiptar në këto treva.

Edhe në këtë Panair pritet të marrin pjesë një numër i konsiderueshëm i botuesve shqiptarë nga Shqipëria, Kosova dhe Maqedonia.

Nevoja për organizimin e një Panairi të këtillë vazhdon të jetë e patjetërsueshme për afirmimin e librit shqip në këtë nënqiell, kurse shpresojmë se edhe mediat elektronike dhe ato të shtypit do të kontribuojnë në masë të duhur për afirmimin e mirëfilltë të këtij aktiviteti kulturor, thuhet në njoftimin e Shoqatës së Botuesve Shqiptarë të nëshkruar nga kryetari Muhamed Murtezi.

[Davius]

Shkup

Grupi nga Glasgou i Skocisë, “Simple Minds”, një nga bandat dominuese të muzikës pop të viteve ’80, shfaqi një koncert në ambientet e Panairit të Shkupit.

Koncerti ishte pjesë e një turneu që grupi ka ndërmarrë në disa kryeqytete evropiane për të shënuar hedhjen në treg të albumit “Black and White 05 05 05”, i cili për herë të parë doli shtatorin e kaluar. Në Shkup, në sallën e mbushur me mijëra fansa, pjesëtarët e grupit të udhëhequr nga vokalisti Jim Kerr, interpretuan, përveç këngëve të albumit të ri, edhe hite që kanë pasur një efekt të jashtëzakonshëm në publik.

Shfaqja përfshiu edhe interpretimin e këngës me të cilën banda arriti një “boom” në skenën muzikore ndërkombëtare, “Don’t You (Forget about Me)”. Koncerti i “Simple Minds” në Shkup zgjati për rreth dy orë, ndërsa grupi u detyrua të kthehej në skenë rreth pesë herë dhe e ndezi sallën e përfshirë nga ritmet e këngëve. “Mirëmbrëma Shkupi dhe Maqedonia. Jemi shumë të gëzuar që interpretojmë për ju sonte, dhe dua të them që jeni një publik i jashtëzakonshëm. Me turneun tonë ne kemi shkuar, ndër të tjera edhe në Sarajevë dhe Beograd, dhe në Shkup ne shohim një publik të jashtëzakonshëm”, u shpreh disa herë gjatë koncertit, vokalisti i grupit “Simple Minds”, Jim Kerr.

“Simple Minds”, konsiderohet si një nga grupet më të suksesshme nga Skocia. Fillimet e tij u përqëndruan tek muzika elektronike në vitet ’80. Ata arritën suksesin komercial me pjesëmarrjen në “Live Aid” dhe albumin “Once upon a time”.

Tani ata janë në turneun e tyre evropian, ndërsa shumë këngë të “Simple Minds” janë rihedhur në qarkullim për t’iu përshtatur ritmeve të diskotekave.

[Davius]

Produksioni "Avalon" ka bërë të ditur agjendën e tercetit finlandez Apocalyptica, që do të mbahet më datë 30 Maj 2006 në sallën e patinazhit në Shkup.

"Çmimi i biletave do të jetë shumë i ulët, për shkak të madhështisë së bendit, të cilët kërkuan një gjë të tilë", shprehen organizatorët. Sipas disa burimeve zyrtare çmimi i biletës do të jetë 10 Euro.

Apocalyptica është ndër bendet e para që gërshetoi muzikën klasike me hard-rockun. Ata kultivuan notat e kult-bendeve botërore në violinçelo. Pjesëtarët e grupit, Eicca Toppinen, Paavo Lotjonen dhe Perttu Kivilaakso, vijnë nga akademia prestigjioze e Helskinkut, "Sibelius".

Për më shumë, ejani më 30 Maj në Shkup, personalisht ju paguaj biletat, sepse kam mundësi teknike. ( kjo vlenë vetëm për anëtarët e forumit lol )

Shikoni turnetë ndërkombëtarë të këtij grupi

[Davius]

Opozita maqedonase kundër Institutit “Pjetër Bogdani”

E gjithë opozita maqedonase u shpreh kundër vendimit të qeverisë për themelimin e Institutit të Trashëgimnisë Shpirtërore të Shqiptarëve të Maqedonisë “Pjetër Bogdani” në Shkup. Një vendim ky i marrë vetëm pak kohë më parë. Dy partitë maqedonase në opozitë LSDM dhe PLD e cilësuan themelimin e këtij instituti si fillim të formimit të instituteve paralele në të njëjtin shtet. Ata u shprehën se “Nuk ka nevojë për Institut të trashëgimnisë kulturore, historike dhe etnologjike sepse ata mund t’i zhvillojnë trashëgimitë e tyre kulturore në pesë Institutet ekzistuese që ka Maqedonia”, - u shpreh Tale Geramitiçovski ish- ministri i Arsimit nga LSDM. Ai akuzoi qeverinë, e cila nuk është interesuar për çështje të mëdha që kanë të bëjnë me indentitetin kombëtar të kujtdo, qoftë edhe bashkësi etnike.

Edhe Roza Tupuzovska nga partia e PLD u shpreh kundër krijimit të institutit “Pjetër Bogdani” në Shkup. Edhe disa intelektualë maqedonas, kanë shprehur kundërshtitë e tyre duke theksuar se ky vendim i qeverisë maqedonase ka tendenca ndarjeje dhe jo bashkimi të kulturave. Por megjithë kundërshtitë e opozitës tashmë qeveria maqedonase ka marrë vendimin për krijimin e Institutit të Trashëgimisë Kulturore “Pjetër Bogdani” në Shkup. Ndërkohë që intelektualët shqiptarë në Maqedoni e kanë përshëndetur nismën e qeverisë, duke theksuar se kjo është një formë që do të bashkojë bashkësitë etnike.

[Beni_The_Great]

Drejtori I sapoemëruar I Bibliotekës së Tetovës Sabedin Aliu ka deklaruar për “ Koha” se hapësirat janë shumë të kufizuara në këtë institucion kulturorë në Tetovë dhe se problemet me hapësirën vazhdojnë të jenë shumë delicate . Mirëpo ai së shpejti e sheh një zgjidhje për këtë cështje me projektin e bibliotekës së re që është thuajse I gatshëm dhe në fillim të vitit të vjen pritet të fillojë ndërtimet . I pyetur për 40 mijë libra që qëndrojnë në kadastrën e qytetit dhe që rrezikojnë të zhduken për shkak se biblioteka aktuale nuk mund t’I pranojë për shkaqe të hapësirës, drejtori Aliu u shpreh se për këtë jemi duke punuar që Brenda qendrës Kulturore të fitojmë hapësira të reja. Duhet me marrëveshje me drejtorin e Qendrës që të n’a jap një hapësirë që të mund t’I shpëtojmë ato dyzet mijë libra që janë në kadastër.” Ata libra duhet patjetër të shpëtohen” tha ai Një hapësirë të re që mund t’a fitojë Biblioteka për të dalë nga kriza momentale, është Restoranti “Çardak” I vendosur në një hapësirë të Qendrës Kulturore të cilit I ka skaduar afati që moti. Shumë qytetarët e kanë kundërshtuar qëndrimin në ato hapësira ku zhvillohet kultura duke thënë se ajo ka hapësirë të mjaftueshme që biblioteka të vendosë aty një sallë leximi, apo gjëra të tjera në shërbim të saj. Lidhur me këtë cështje drejtori Aliu është shprehur se “ kjo hapësirë e “Çardakut” nuk I takon bibliotekës dhe si rrjedhojë vetë drejtori I Qendrës duhet të merret me këtë hapësirë. “Atij I ka kaluar kontrata Ndërkohë nga Ministria e Kulturës I është dhënë pëlqim bibliotekës që kjo hapësirë pasi të lirohet t’I jepet bibliotekës. Ne jemi në pritje të vendimit që do të merret për këtë hapësirë” tha Aliu. Pritet që drejtori i Qendrës t’a përshpejtojë këtë process dhe kjo hapësirë t’I kthehet bibliotekës . Drjetori I Bibliotekës ka bërë të ditur se prej dje ka filluar regjistrimi për vitin 2007. Këtë muaj ata që do të regjistrohen do t’a kenë gratis


Burimi: Gazeta Koha

[Beni_The_Great]

MINISTRI BEQIRI INSTITUCIONALIZOI TEATRIN NË TETOVË

Në Teatër do të ketë 31 të punësuar ku njëra pjesë do të jenë aktorë dhe pjesa tjetër e stafit teknik të Teatrit , kurse buxheti do të jetë 250 mijë euro.

Ministri i Kulturës së Maqedonisë Ilirian Beqiri ka bërë të hënën institucinalizimin e Teatrit në Tetovë. Ai këtë e ka konfirmuar gjatë një vizite që pati dje në Qendrën Kulturore duke parë për së afërmi vendin ku do të jetë i vendosur ky Teatër.”Qëllimi i vizitës në Tetovë ishte që të lajmërojmë qytetarët e Tetovës që me vendim të Qeverisë është bërë institucionalizimi i Teatrit të Tetovës” tha ministri Beqiri . Në të do të ketë 31 të punësuar ku njëra pjesë do të jenë aktorë dhe pjesa tjetër e stafit teknik të Teatrit .Buxheti do të jetë 250 mijë euro . Ministri Beqiri tha se do të bëhet edhe rivitalizimi i Qendrës Kulturore duke përfshirë këtu ndërhyrje të tjera rreth objektit si dhe ndërtimi i Bibliotekës ku janë paraparë hapësira tjera ku do të shfrytëzohen si galeri për piktorët .

Sipas tij planifikohet që ndërtimi i bibliotekës të bëhet në pranverë.

Minitsri konfirmoi se do të ketë edhe investime të tjera në të ardhmen në shumë sfera të tjera.

Në anën tjetër institucionalizimi i teatrit ka qenë një sinjal i shpresës për aktorët e diplomuar të cilët kanë patur një status të padefinuar. Ata e kanë përshendetur një iniciativë të këtillë të Qeverisë.

Aktori Muzafer Etemi i cili njëherit ishte edhe përfaqësues i Këshillit inicues që kohë më parë mblodhi nënshkrimet e 10 mijë qytetarëve për themelimin e Teatrit tha se “ ky është një lajm shumë i mirë dhe një kontribut të madh gjithsesi ka dhënë edhe subjekti i cili aktualisht është në pushtet sepse neve n’a ka lehtësuar punën për realizimin e këtij projekti. Aktori Blerim Ismani tha se kjo tanimë është realitet dhe është një lajm i mirë për aktorët. Ai tha se ka kuadër të aktorëve për Teatrin . Të njëjtin vlerësim për Teatrin e ka dhënë edhe aktori Burhan Hamiti i cili e ka vlerësuar si një mundësi jo vetëm për aktorët , por themelimi i Teatrit është edhe një akt i madh edhe për vetë qytetin e Tetovës sepse ka qenë absurde mungesa e tij.

Ndryshe në Qendrën Kulturore prej vitesh ka qenë e vendosur salla e madhe , dhe pjesa e rotacionit që do të duhet të ketë disa ndërhyrje për t’u regulluar që të vihet sërish në funksion për shkak se shumë vitë kanë kaluar pa u vënë në lëvizje .

Së shpëjti fillon ndërtimi I objektit të ri

U.S.

Koha

[Davius]

Shkup, mbyllet neser festivali i dhomes "Multi kulti"

Me shfaqjen e kuintetit "Zadeja" nga Tirana, nesër do të mbyllet festivali i muzikës së dhomës "Multi kulti" në Maqedoni, i organizuar nga Shoqata e Artistëve Shqiptarë të Muzikës dhe Baletit në Shkup. Ky kuintet do ekzekutojë vepra të njohura të Rosinit, Beethovenit, Bizesë, etj, si dhe veprën "Delina" të Çesk Zadesë.

Publiku i Shkupit do ketë mundësi të shohë artistët e njohur shqiptarë Enalda Gjoni, Ilir Gjoka, Bashkim Barbullushi, Andrea Camaj dhe Fatos Jaho. Ky manifestim do shtrihet edhe në qytete të tjera të vendit. Shoqata e Artistëve Shqiptarë të Muzikës dhe Baletit në Maqedoni, funksionon prej gati 10 vjetësh.

[babadimri]

U hap ne Tetteove Galeria e arteve ne hamamin e qytetit

[Zombi]

DITËT E NAIMIT 2007

Prej 18 deri me 21 tetor, (ditën e enjte), në Tetovë do të mbahet Edicioni i 11-të i Festivalit Ndërkombëtar të Poezisë “Ditët e Naimit”.

Festivali fillon të enjten në oren 19.30 para Qendrës së Kulturës.

Me 19 tetor (e premte) në oren 10.00 në Amfiteatrin e Rektoratit të USHT-së do të bëhet perurimi i laureatit të sivjetshëm, i poetit danez Peter Poulsen.

Me 20 tetor (e shtunë) në oren 10.00 në Sallen e vogël të Qendrës së Kulturës do të bëhet perurimi i pesë botimeve të Festivalit. Ndërsa, në mbremje në orën 20.00 në Sallën e Madhe të Qendrës së Kulturës do të mbahet nata finale “Meridiane poetike”, ku do të ndahen pesë çmimet letrare dhe do të shpallen Anëtarët e Nderit të Festivalit Ndërkombëtar të Poezisë “Ditët e Naimit”.

[babadimri]

Te shpresojme se do te mbushet salla me njerez se zakonisht nuk mbushet salla, te shpresojme se ket vit do te jete me ndryshe nga vitet e tjera.
Prandaj ti japim mbeshtetje ketij aktiviteti te rendesishem nderkombetar qe afirmon kulturen shqiptare

[StormAngel]

Dhashte Zoti qe babi im te merr pjese kete vit.