Vazhdon nxjerrja e të vdekurve nga metrotë. Numri viktimave drejt 70-tës
Bombat në Londër, identifikohet autori
Kleriku maroken Al Garbuzi, terroristi i dyshuar
Nga Londra Muhamed VELIU
I dyshuari kryesor për organizimin e shpërthimeve të së ejtes në Londër është një klerik islamik, i cili për 16 vjet jetoi në kryeqytetin britanik në formë legale. Marokenit Mohammed Al Garbuzi 49 vjeç, autoritetet britanike i kishin garantuar azilin, por një vit më parë ai është zhdukur nga banesa e tij në Veri të Londrës. Më pas policia spanjolle deklaroi se Al Garbuzi kishte lidhje me një tjetër person, i cili besohet të ketë luajtur një rrol parësor në sulmin me bomba në trena Marsin e shkuar në Madrid. Megjithëse Al-Garbuzi nuk është shpallur ende nga Scotland Yardi si personi kryesor që mund të ketë organizuar masakrën e 7 Korrikut në Londër, disa burime të ndryshme brënda grupit të hetimit në konfidencë u kanë përmendur gazetarëve emrin e tij. Marokeni i dyshuar është një person i dënuar në mungesë me 20 vjet burg për ndihmën e tij dhënë një grupi terrorist që ndërmori sulmet me bomba në Kazablanka në Maj 2003. Besohet se autoritetet Marokene të shërbimeve sekrete i kanë dërguar një dosje Scotland Yardit me të dhëna të shumta që flasin rreth aktivitetit të tij dhe lidhjeve me terrorizmin ndërkombëtar. Dosja sygjeron se Al-Garbuzi ka qënë koka e një grupi terroristësh që e quanin veten "Grupi i Luftëtarëve Islamik të Marokut". Pas mbërritjes së informacionit për aktivitetin e tij ai kaloi në ilegalitet përpara se forcat policore të anti-terrorit britanik ta arrestonin. Por, dje grupi hetimit të ngjarjes së enjtes i kanë bërë apel forcave të shërbimeve sekrete dhe atyre policore për ta gjetur atë me çdo kusht. Burime inteligjence sygjerojnë që ai tani mund të fshihet në Francë. Sygjerime nga burime të tjera flsin për një afrimitet të madh të Al-Garbuzit me Abu-Qatada një klerik radikal i cilësuar si "ambasadori Bin Ladenin në Europë". Të dy ata kanë shërbyer në të njëjtën xhami në Veri të Londrës, përpara së policia marokene të fillonte gjurmimin e organizatorëve të masakrës në Kazablanka ku mbetën të vrarë 44 persona. Gjatë procesit gjyqësor në Marok, një gjykatë rajonale ju paraqitën prova që Al-Garbuzi ndihmoi terroristët me para dhe pasaporta false. Vitin e shkuar policia spanjolle zbuloi fakte që sygjeronin lidhjet e tij me një nga të dyshuarit kryesor të masakrës së Madridit, në të cilën vdiqën 191 viktima të pafajshme si pasojë e shpërthimeve të katër trenave. I dyshuari kryesor i masakrës së Madridit marokeni, Jamal Zougam ka zhvilluar disa biseda telefonike në linjën telefonike kabllore në Veri të Londrës dhe me një cellular, të cilat besohet se janë përdorur nga Al-Garbuzi. Pas ngjarjes së Madridit, Al-Garbuzi u intervistua nga shërbimi sektet M-15 dhe policia por ai mohoi përfshirjen e tij. Një tjetër person është piketuar në hetimin e detektivave të anti-terrorist në Londër. Ai është Mustafa Setmariam Nasar 47 vjeç, i cili besohet të ketë qënë organizatori i shpërthimeve në Madrid. Nasar raportohet që të ketë jetuar në Londër për disa vite. Po ashtu ka patur raporte se ai është parë në rrugët e Londrës pas shpërthimeve në Madrid. Policia spanjolle e ka akuzuar atë si një person, i cili ka ndërtuar celula terrori në Angli, Itali dhe Francë. Nasar sipas informacineve për disa kohë është stërvitur në kampet e Osama Bin Laden në Afganistan si ekspert i lëndëve kimike. Ai është në litën e më të kërkuarve nga CIA për të cilin është vendosur një shpërblim prej 3 milion dollarësh për kapjen e tij. Ndërkohë që ka dalë një pretendim tjetër për sulmin nga një grup që thotë se ka lidhje me Al-Kaidan. Hetuesit thonë se po marrin seriozisht një tjetër përgjegjësi për sulmet që këtë radhë vjen nga një grup me lidhje me Al-Kaidan - Brigadat Abu Hafs al-Masri. Emrin organizata e ka marrë nga një ish-komandant i lartë i Al-Kaidas i vrarë në 2001. Ajo ka marrë përsipër edhe sulme të tjera. Disa nga pretendimet e tyre nuk kanë qenë të vërteta, të tjerat ende nuk janë hedhur poshtë.
I shpëtoi sulmeve në New York por jo atyre në Londër
Historia e vietnamezit të zhdukur pas atentateve
Nëse gjatë shpërthimeve në New York ai pati fatin me vete i cili e shpëtoi, duket se ai i ka munguar gjatë masakrës së Londrës. Bëhet fjalë për një të ri i cili punonte si drejtues i turisteve gjatë vizitave në Londër, i cili rezulton që prej dy ditësh i humbur. Mike Matsushita 37 vjeç besohet të hypyr në "trenin e vdekjes" në linjën Piccadily në stacionin e Kings Cross të enjten në mëngjes. Gjatë ditës së djeshme shumë miq, të afërm sëbashku me të fejuarën e tij u shpërndanë në të katër cepat e Londrës për ta kërkuar të dashurin e tyre i lindur në Vjetnan e rritur në Amerikë pasi prindërit e tij u arratisën nga Vjetnami. Ai do të braktiste punën në një isntitucion financiar në Amerikë pas sulmeve shkatërruse në Neë York mbi Kullat Binjake ku ai punonte dhe shpëtoi. Ai do të kthehej në Vietnam ku do të punësohej në sektorin e turizmit ku takoi edhe me londinezen Rosie Coëan me të cilën u dashurua. Ai do të vendoste të jetonte me të Londër. Për Mike e Ejtja e sulmeve përkonte me ditën e parë e punës si drejtues turistësh në Londër. E dashura e tij mes lotëve i tregoi reporterëve se ajo është optimiste për të gjetur gjallë. "Po mundohem të bëhem optimiste për atë që ndodhi. Shpresoj që ai të ketë marrë dokumentin e identifikimit me vete në xhaketë. Jam shumë e re për të derdhur lot nga një ndarje e mundëshme nga jeta e njeriut me të cilin jam e dashuruar shumë. Komshija e tij australiania Kym Elliot tha "Ai mund të ketë kaluar nga stacioni Kings-Cross në monetin e shpërthimit, pasi ai nuk ka mbërritur në punë. Ne e dimë që sistemi i telefonisë celulare atë ditë u bllokua, por pas shumë orëve që kanë kaluar nga sulmi ai duhet të na kishte telefonuar. Të gjithë ne kemi vizituar spitalet por se kemi gjetur. Ai duhet të kishte dokument identifikimi me vete patjeter. Por sikur ti jetë djegur?" Pyet e shqetësuar australiania, e cila nuk merr përgjigje nga ashkushi.
Krijoni Kontakt