Vampiret e Pescares

[Brari]

Ky lajm i shkurter me duket se do behet nji stuhi mbas disa ditesh..
Me duket se jemi perpara nji rasti teper makaber..

Ishalla gabohem..

------------------
PESCARA (28 Gusht) - Branda një viti e gjysëm është 36 numri i minorenëve shqpitarë që janë futur në mënyrë klandëstine në Itali të shoqëruar nga një çift shqiptar që tani ndodhetn në burgun e Peskarës. Ata janë akuzuar për sekuestrim personash, fallsifikim dokumentash, por ndërkohë nuk japin asnjë të dhënë se ku mund të kenë përfunduar fëmijët. Minorenët, për të ciët policia e Peskarës di vetëm që janë trafikuar nga çifti i arrestuar gjatë 15 udhëtimeve. Vetm listat e udhëtimeve janë të vetmet prova të kalimit të tyre këtu. Çifti i Ramiz e Xhuljeta Petallit, përkatësiht 39 dhe 33 vjeç, duke fare normal dhe sipas dokumentave të tyre ata jetojnë në Peskara qe nga viti 1991 dhe kanë leje të rregullt qëndrimi.Ramizi punon si varrmihës, ndërsa Xhuljeta është shtëpiake. Ndërkohë Prokuratori Giampiero Di Florio ka hapur një pistë hetimi mbi këë ngjarje. Është kontrolluar edhe banesa e çiftit, të cilët nuk kanë deklarar asnjë gje për aktivitetin e tyre apo për vendndodhjen e fëmijve.


ed/mr (BalkanWeb)
---------------------------------

?????????????????

Do zoti jane gjalle ata femije..

[Brari]

Akuzat që bien mbi çiftin shqiptar, janë: krim në bashkëpunim, rrëmbim personi, përgjim, falsifikim dokumentesh dhe favorizim të emigracionit klandestin
Të arrestuarit janë: Ramiz Petalli, 39 vjeç, dhe e shoqja, Xhulieta, 33 vjeç, prindër të tre fëmijëve. Dokumentet e fëmijëve të tyre falsifikoheshin shpesherë me emrat e fëmijëve të cilët çoheshin më vonë në Itali

Kapet në Itali Xhulieta dhe Ramis Petalla. Ja akuzat e rënda dhe provat ndaj tyre

Pranga çiftit, trafikoi 36 fëmijë
Italianët dyshojnë për "shitjen" e 36 të miturëve


--------------------------------------------------------------------------------

TIRANE

Policia Italiane prangos çiftin shqiptar që trafikonte fëmijë. Sipas agjencisë italiane, ANSA, dje në Peskara është zbuluar një rrjet për trafik fëmijësh. Këta të fundit transportoheshin ilegalisht nga Shqipëria për në Itali e më pas fati i tyre është enigmë. Autoritetet hetimore po kërkojnë për fatin e 36 fëmijëve që kanë hyrë në Itali dhe mendohet se "administrohen" nga grupet kriminale.

Policia ka ndaluar çiftin Petalla në Peskara, që qëndronte në Abruco me leje të rregullt qëndrimi.

Akuzat që bien mbi çiftin shqiptar, janë: krim në bashkëpunim, rrëmbim personi, përgjim, falsifikim dokumentesh dhe favorizim të emigracionit klandestin. Të arrestuarit janë: Ramiz Petalli, 39 vjeç, dhe e shoqja, Xhulieta, 33 vjeç, prindër të tre fëmijëve. Dokumentet e fëmijëve të tyre falsifikoheshin shpesherë me emrat e fëmijëve të cilët çoheshin më vonë në Itali. Të miturit figuronin si fëmijët e vërtetë të çiftit Petalli. Fëmijët e gjakut të çiftit shqiptar jetonin në shtëpinë e tyre në Peskara.

Informacionet e dërguara në muajt e parë të vitit të shkuar, kanë siguruar se deri tani janë trafikuar për në Itali të paktën 36 të mitur të cilëve nuk u dihet fundi, nëse janë shitur apo janë përdorur për lypje.

Burimet policore italiane bëjnë të ditur se po punohet për të verifikuar sesi të miturit i janë besuar çiftit Petalli dhe më pas, në Itali, në qoftë se u janë shitur çifteve të ndryshme për adoptim ose bandave kriminale. Nuk përjashtohet mundësia për trafikim organesh.

Për arrestimin e çiftit ka firmosur prokurori Xhip Lamilo Romandini dhe Xhanpiero Di Florio, të cilët hedhin hipotezën që Petallët kanë vepruar me persona të tjerë të ndodhur në Itali dhe në Shqipëri. Personat në fjalë nuk janë identifikuar ende. Pikërisht mbi këtë qëndron akuza e mësipërme (krim në bashkëpunim).

Çifti kthehej në atdhe nga Bari. Me të marrë fëmijët, falsifikonin dokumentet dhe hynin në Itali nga Ankona me traget. Hetimet janë kryer nga skuadra lëvizëse, Interpoli, dhe Policia Shqiptare. Sipas kësaj të fundit, në mars Xhulieta ishte arrestuar në Fier me dy fëmijë, por më vonë ishte liruar për mungesë provash nga gjykata dhe ishte kthyer në itali. Por, me sa duket, ata e kanë nisur sërish aktivitetin.
------------------
Në mars ishte arrestuar në Fier me Musa Sinën

Xhulieta u kap me dy fëmijë U liruan për mungesë provash


--------------------------------------------------------------------------------

"Nuk mund të paguaj shpenzimet e fëmijës që e kam të sëmurë. Kurimi i tij është tepër i shtrenjtë. Këta i mora për të lypur". Kështu është shprehur 33-vjeçarja nga Elbasani, Xhulieta Petalli, tashmë e skeduar si trafikante fëmijësh, pas ndalimit nga uniformat blu të Fierit, bashku me bashkëpunëtorin e saj, Musa Sina, 45 vjeç nga Kavaja, dhe dy të mitur. Ata janë ndaluar ditën e premte në mbrëmje, teksa udhëtonin me një benz drejt qytetit bregdetar, ndërsa një tjetër është shpallur në kërkim, si bashkëpunëtor i tyre. Sipas policisë fierake, gjithçka ka ndodhur brenda pak ditësh, kur 33-vjeçarja me banim të përkohshëm në Peskara të Italisë, ka mbërritur në portin e Durrësit me një synim të qartë: marrjen në Shqipëri të dy fëmijëve, të cilët më pas do t'i nxirrte rrugëve të Italisë për të lypur, fakt ky që ajo e ka pohuar edhe në Drejtorinë e Policisë së Fierit. Burime nga kjo drejtori kanë bërë të ditur se para pak ditësh ajo ka zbarkuar te motra e saj në Durrës. Kësaj të fundit ajo i ka treguar qëllimin e ardhjes, si dhe i ka kërkuar ta prezantojë me ndonjë mikun e saj, i cili mund ta ndihmonte. Dhe kështu ka ndodhur. Motra e ka prezantuar me 45-vjeçarin Musa Sina nga Kavaja, edhe ky me banim të përkohshëm në Itali, por që aktualisht ndodhej në qytetin e tij. Pas disa përçapjeve, Petalli dhe Sina kanë mundur të sigurojnë dy fëmijë, 14 dhe 15 vjeç, respektivisht nga qytetet: Durrës e Kavajë. Të njëjtat burime policore kanë bërë të ditur se dy trafikantët i kanë bindur familjet e tyre që t'i marrin me vete, "pasi do t'u gjenin punë e banesë në Itali". Më pas palët kanë rënë dakord. 33-vjeçarja, nëna e tre fëmijëve, e ndihmuar dhe nga bashkëpunëtori i tretë, ka mundur që me anë të falsifikimit të vendosë fotografitë e fëmijëve në lejet e qëndrimit të bijve të saj. Më pas Petalli dhe Sina, me benzin e këtij të fundit me targa BL 261 FG, janë nisur drejt Vlorës, pasi rreziku për zbulimin e tyre në portin e Durrësit ishte më i madh. Të premten në mbrëmje në hyrje të Fierit, postoblloku i Policisë Rrugore ka ndaluar makinën me targa të huaja. Por, pasi ka parë dokumentet e fëmijëve, ka dyshuar në vulat e vendosura mbi fotografitë. Menjëherë është lajmëruar grupi i gatshëm, i cili ka bërë edhe ndalimin e dy trafikantëve. Ndërsa fëmijët mbahen të shoqëruar, derisa të sqarohen të gjitha rrethanat, dy të prangosurit e kanë pranuar trafikimin e fëmijëve.

------------
PISTA I

"Bashkonte" familjet

Xhulieta është arrestuar një herë në Shqipëri me të njëjtën akuzë. Por ajo që ka "bindur" hetuesit dhe gjykatësit shqiptarë në lirimin e saj në mars ka qenë versioni i saj sipas të cilit ajo "ndihmonte" çiftet shqiptarë që jetojnë në itali dhe nuk kanë mundësi të marrin fëmijët. Nëpërmjet një shpërblimi prej prindërve ajo duke shfrytëzuar dokumentet e tre fëmijëve të saj bënte edhe nder, por fitonte edhe "ndonjë lek". Pra ekziston mundësia që kjo të jetë e vërteta e këtij trafiku.


PISTA II

Tregtonte të miturit

Pista e dytë nëpër të cilën po hetohet nga prokurorët italianë (edhe ata shqiptarë) është dyshimi se çifti Petalla është hallkë e ndonjë rrejti të organizuar trafikantësh që tregëtojnë fëmijë, ose i mbajnë ata për të lypur në rrugët e evropës perëndimore. Nëpër semaforët e Italisë ka shumë fëmijë shqiptarë që kërkojnë lëmoshë. Ky është një nga versionet që po hetohet për çfitin shqiptar të arrestuar në Itali dje. Për këtë po verifikohet se ku kanë përfunduar 36 fëmijët që kanë kaluar nën kujdesin e prindërve shqiptarë.


PISTA III

Shiste organet

Akuza më e rëndë (nëse vërtetohet) është ajo e përdorimit të fëmijëve për transplatim organesh. Jo rrallë herë kjo temë është prekur nga shtypi shqiptar dhe ai italian. Por deri tani asnjë nuk është dënuar për këtë krim. Italianët janë duke hetuar edhe për këtë pistë. Pasi sipas dokumentacionit të policisë italiane është enigmë fati i 36 fëmijëve shqiptarë që kanë kaluar në Itali. Në seancat e para të pyetjeve të arrestuarit e kanë mohuar kategorikisht këtë akuzë. Për vërtetimin e saj do të ndihmojë edhe policia shqiptare, së cilës i është kërkuar ndihmë që dje.

--------------
jepi xhuli jepi me te lumte sqepi.

[Brari]

PRISHTINE (29 Gusht) - Policia UNMIK zbulon trafikun e fëmijëve në kryeqytetin e Kosovës dhe vë në pranga një shqiptar. Afrim Bushi, 43-vjeçar u kap në shoqërinë e një djali 14-vjeçar, i cili do të nisej në Gjermani e më pas do të përfundonte në Belgjikë. Arrestimi u bë sot nga italianët e policisë së UNMIK, në Prishtinë. Bushi e djali 14-vjecar kishin një pasaportë Shengen. Sipas zëdhënësit të policisë së UNMIK, Andrea Angeli në Prishtinë, cituar nga ANSA "Afrim Bushi kishte kryer dhe dy herë të tjera udhëtime në shoqërinë e të miturve". Ndërsa kreu Organizatës Ndërkombëtare të Emigracionit (IOM), në Kosovë dhe Maqedoni, Pasquale Luppoli, tha se "14-vjecari është marrë nën kujdesin e IOM dhe vendosur në një qendër rehabilitimi në Shqipëri". Luppoli shtoi se familja e djalit 14-vjeçare është identifikuar ndërsa vazhdojnë hetimet për të parë lidhje të tjera". Sipas tij "kjo është herë e parë që zbulohet në Kosovë një rast konkret i këtij lloji. Fëmijët nisen nga Shqipëria të shoqëruar nga "korrierë" dhe mbërrijnë në Kosovë me autobusë e më pas që këtej udhëtojmë me avionë për në Evropë. Po dje në Pescara në Itali u ndalua një çift shqiptarësh të dyshuar për trafikun e 36 fëmijëve. ad/mr (ANSA/BalkanWeb)

[Beqari002]

Enigma e fëmijëve të trafikuar

Opinioni publik shqiptar është tronditur nga njoftimet që vijnë nga Peskara e Italisë, për arrestimin e çiftit shqiptar Pertalla, të cilët akuzohen se në një periudhë prej 15 muajsh, kanë trafikuar në Itali për qëllime përfitimi, 36 fëmijë të moshës nga 5 deri në 16 vjeç. Dyshohet se fëmijët e trafikuar janë përdorur për të lypur, për pedofili, apo akoma më keq, ndoshta edhe për transplatim organesh.

Për këtë akuzë, organet kompetente italiane kanë kërkuar të identifikohen fëmijët e trafikuar, por deri më tani nuk dihet fati i tyre. Kjo ka rritur më tej shqetësimin e hetuesve italianë, që kanë kërkuar edhe ndihmën e prindërve shqiptarë, sidomos të atyre prindërve, fëmijët e të cilëve figurojnë të humbur. Për këtë qëllim, ata kanë kërkuar të ndihmohen edhe nga organet kompetente shqiptare, pasi mendohet se për trafikimin e fëmijëve, eksiston një rrjet trafikantësh, i cili dyshohet se shtrihet në dy anët e Adriatikut.

Enigma e fëmijëve të trafikuar: Edhe për transplantim organesh

"Në një moment fëmija ngriti këmishën dhe unë u tmerrova kur pashë gjurmët e një thike kirurgu, që shkonte deri në fund të shtyllës kurrizore. E kuptova se fëmija ishte shfrytëyuar për t'i marrë organet e brendshme"

Misto Xhemali

Në Ministrinë e Rendit mungojnë të dhëna të plota, për fëmijë të rrëmbyer për qëllime trafikimi. Megjithatë, satistikat tregojnë se ky lloj trafikimi ka qenë objekt i punës të policisë kriminale. Vetëm gjatë këtyre shtatë muajve të këtij viti, janë konstatuar shtatë raste të rrëmbimit të fëmijëve. Për këto rrëmbime janë shpallur tetë persona në kërkim, si autorë të dyshuar për këto rrëmbime. Por hetimet nuk janë çuar deri në fund, pasi, sipas burimeve të Ministrisë të Rendit, kanë qenë prindërit e këtyre fëmijëve, që kanë deklaruar se me vullnetin e tyre i kanë lënë fëmijët të shkojnë për t'u punësuar në shtetet fqinje. Kjo e ka bërë më të vështirë proçesin e hetimeve.

Të dhënat për trafikim të miturish, apo që figurojnë të humbur, tregojnë se këta fëmijë, në më të shumtën e rasteve, i përkasin komunitetit rom. Prindërit e këtyre fëmijëve, të pyetur nga oficerët e Policisë Gjyqësore, kanë deklaruar se i kanë çuar fëmijët jashtë shtetit, për të mundësuar mbijetesën e fëmijëve të tjerë, të cilët ky komunitet nuk i ka të paktë

[Beqari002]

Të arrestuarit pranojnë në polici të kenë trafikuar të paktën 10 të porsalindur. Hetimet e policisë dhe misteri për pritësit e "mallit" dhe anëtarët e tjerë të rrjetit
Policia e Korçës nuk ka bërë të ditur nëse ky trafik drejtohet nga persona brenda apo jashtë vendit, madje nuk dihet as nëse krerët janë shqiptarë apo jo. Vetë çifti i arrestuar dje ka pohuar se merreshin vetëm me gjetjen e nënave të pafata

Ja si funksiononte skema. Nënat i lindnin fëmijët në klinika private greke pasi bënin pazarin me çiftin

Kapet çifti i trafikut të foshnjave
Nga Korça, quhen Nazmi Kreka e Lauresha Hoxha

KORÇE

Një çift të dashuruarish, ai 47 dhe ajo 23 vjeçe, të cilët bashkëjetonin në një shtëpi në periferi të Korçës, nuk kanë pasur të veçantë vetëm historinë e tyre të dashurisë. Aspak e zakontë është edhe akuza me të cilën ata janë arrestuar dje nga Policia Kriminale, në kuadrin e një operacioni antitrafik. Ata akuzohen për trafikimin e 10 foshnjave të porsalindura, të blera nga nënat e tyre të varfra.

Sipas dyshimeve të deritanishme Nazmi Kreka dhe Lauresha Hoxha bashkëjetonin prej vitesh. Por shtëpia e tyre në periferi shërbente si bazë ku strehoheshin gra shtatzëna. Burime nga Ministria e Rendit bënë të ditur dje se, të dhënat e para flasin për një rrjet të gjerë të trafikimit të fëmijëve të porsalindur nga Korça në drejtim të Greqisë dhe të Italisë.

Rrëfimi
Burime nga Drejtoria e Policisë së Korçës bëjnë të ditur se, Nazmi Kreka dhe Lauresha Hoxha, të cilët janë prangosur dje paradite, janë marrë menjëherë në pyetje. Ata jo vetëm që i janë përgjigjur të gjitha pyetjeve të hetuesve, por kanë pranuar edhe të rrëfehen për pozicionin e tyre dhe për aktivitetin e rrjetit në të cilin bënin pjesë. Si kanë treguar dy të dashuruarit, skema ishte e gatshme. Ata zgjidhnin gra shtatzëna me probleme sociale apo ekonomike. Këto të fundit, pra gra tepër të varfra, kanë qenë dhe më të preferuarat. Fillimisht ata iu ofronin ndihmën e tyre këtyre grave. Më pas i strehonin në shtëpinë e vet për pak kohë deri sa iu siguronin dokumente të falsifikuara. Me anë të këtyre dokumenteve çifti i dërgonte gratë në klinika private të Selanikut dhe të Athinës, ku dilnin në jetë fëmijët. Në këtë pikë përfundonte dhe detyra e dy korçarëve. Persona të tjerë merrnin në dorëzim të porsalindurit dhe më pas fati i tyre nuk dihej. Të paktën këto kanë qenë të dhënat që i kanë ofruar dje policisë së Korçës, Kreka dhe Hoxha.

Fati i të porsalindurve
Megjithatë policia tashmë i ka ngritur pistat e para të hetimeve. Ajo që duket si pista më e mundshme deri tani, është që fëmijët shiteshin për transplantim organesh. Por nuk përjashtohet as mundësia e dërgimit të tyre në shtete të ndryshme, ku më pas birësoheshin. Nazmi Kreka dhe Lauresha Hoxha kanë pranuar deri tani të kenë trafikuar mbi 10 fëmijë. Asnjëri prej tyre nuk dihet se ku ka përfunduar, ndërkohë që lista e personave që do të merren në pyetje në ditët në vazhdim është tepër e gjatë. Të parat që do të pyeten janë vetë nënat e foshnjave, të cilat nuk dihet nëse do ta pranojnë apo jo që kanë shitur fëmijët e tyre. Ndërkohë hetimet vazhdojnë intensivisht për të zbuluar emrat e bashkëpunëtorëve të çiftit korçar dhe të krerëve të trafikut. Policia e Korçës nuk ka bërë të ditur nëse ky trafik drejtohet nga persona brenda apo jashtë vendit, madje nuk dihet as nëse krerët janë shqiptarë apo jo. Vetë çifti i arrestuar dje ka pohuar se merreshin vetëm me gjetjen e nënave të pafata. Pasi bënte pazarin e rastit me to, çifti korçar kujdesej deri sa i dërgonte përtej kufirit. Më pas merrnin paratë në dorë dhe detyra e tyre merrte fund. Policia po vazhdon operacionin për të zbuluar hallkat e tjera dhe për këtë qëllim kanë kërkuar edhe bashkëpunimin e homologëve grekë.

[Brari]

Edhe gazetat e huaja qe kane permendur sHQIPERINE VETEM NE 97 KUR DILTE ZJARR E TYM dhe me vone heshten kane folur perseri sot per Skandalin e trafikimit te femijve.

12 vjet demokraci, 12 vjet liri fetare, 12 vjet trafikim femijesh...turp e faqe zeze.

ja cthot Gazeta Shqiptare qe ben dhe nji fare panorame te keti fenomeni c'njerzor.
-------------------------------------

--
Drejtori i Institutit Kombëtar të Jetimëve: Aventura jonë me ardhjen e demokracisë. Komiteti i Birësimeve dhe trafiku me fëmijët

Drejtuesit e jetimëve tregojnë si nisi trafiku i fëmijëve në '91. Sot kërkojmë verifikimin

"I kërkuam Ramiz Alisë të bllokonte ligjin e birësimeve"


--------------------------------------------------------------------------------

Ilir Bushi

TIRANE

Ne i kërkuam Ramiz Alisë bllokimin e Ligjit të Birësimeve, por ai na u përgjigj: Ju kërkuat Kapitalizmin dhe ne jua sollëm, tani përballojini vetë pasojat kriminale të sistemit". Kështu e nis rrëfimin e tij për bise-dën me presidentin Alia, në maj të vitit 1991, drejtori i Institutit Kombëtar të Integrimit të Jetimëve, Ilir Çumani.

I shqetësuar prej ngjarjeve të fundit ndaj trafikimit të fëmijëve, ai dëshmon se ky fenomen ka nisur qysh në ditët e para të hapjes së Shqipërisë, kur Ramiz Alia përjetonte muajt e fundit të drejtimit si President i vendit. "Pasi na tha që sistemi kapitalist e nënkupton trafikun e mafiozëve mbi fëmijët, atëherë ne i deklaruam se jetimët do të hidhen në grevë urie, nëse ligji i birësimeve nuk bllokohet", thotë ai. Kësisoj, gjatë ditëve kur në sheshet e Shqipërisë njerëzit thërrisnin "Liri-Demokraci", jetimët e Tiranës u mblodhën dhe vendosën njëzëri të hidheshin në grevë urie, nëse Ligji i Birësimeve nuk zhvlerësohej. Por Çumani tregon se pikërisht "dy ditë më vonë Alia nxorri një dekret ku ndalohej birësimi i fëmijëve për një periudhë të pacaktuar". Dhe ishte koha kur të frymëzuar në mënyrë të mbrapshtë nga ligjet e ekonomisë së tregut, dhjetra avokatë, intelektualë, artistë, apo nëpunës të jetimores kishin nisur numërimin e dollarëve të fituar, nga proceset gjyqësore të birësimeve, ku ata ishin me cilësinë e zyrtarit, ose dëshmitarit. Sipas Çumanit, prej dhjetra dhe qindra fëmijëve që u birësuan gjatë asaj kohe, vetëm disa prej tyre mbijetuan. Por historia e kriminalizimeve nuk mbaroi këtu. "Pas vitit '94, qeveria krijoi një Komitet të Birësimeve që do të merrej me ligjin dhe specifikat e birësimeve, për të garantuar që fëmijët nuk do të rrezikoheshin", thotë Çumani. Faktikisht ky komitet funksionon edhe sot pranë Kryeministrisë, por faktet e fundit (arrestimet në Itali), tregojnë që mafia ka depërtuar deri në stadet më të larta. Para një jave kreu i Shoqatës së Jetimëve, Bujar Avduli ka denoncuar zhdukjen e fëmijës së Tatjana Tushos, (e cila aktualisht gjendet e shtruar në psikiatri). Por tragjedia nuk mbaron as këtu. "Fëmijët shqiptarë janë birësuar ose trafikuar në Itali, Greqi, Kanada, Suedi, Norvegji, Finlandë, Gjermani e shumë vende të tjera dhe në shumicën e përpjekjeve tona për t'u lidhur me fëmijët, ata rezultojnë të humbur", thotë Çumani. Duke shprehur revoltë, ai shton se ka bërë të gjitha përpjekjet që të lidhet me fëmijë nga Tirana, Gramshi, Librazhdi, Korça, etj, të cilët janë birësuar nëpër botë por rezultati ka qenë drithërues. "Për këtë gjë Instituti Kombëtar i Integrimit ka ngritur një grup pune për verifikimin rast pas rasti dhe emër për emër të gjithë fëmijëve të birësuar, qysh nga viti '90 e deri më sot", thotë Çumani, i cili për këtë gjë kërkon edhe mbështetjen e Qeverisë.

---------
Sekserët e fëmijëve lëvizin nga Bregu i Lumit tek Unaza e re


--------------------------------------------------------------------------------

"Sekserët e trafikimit të fëmijëve ndërrojnë njerën prej bazave të kontakteve dhe nga Bregu i Lumit kanë kaluar diku pranë Unazës së Re". Ky është informacioni i fundit për lëvizjen e trafikantëve që vjen nga një burim i besueshëm, i cili konfirmon gjithashtu se trafikantët po bëhen gjithnjë e më të kujdesshëm ndaj ndjekjeve të policisë. "Për ta çdo bazë kontakti është e ndryshueshme dhe formale, sepse veprimtaria e tyre kriminale është thjeshtuar teknikisht dhe planifikimet paraprake zhvillohen edhe në tryeza klubesh", shtojnë burime të tjera. Faktikisht pas arrestimeve të fundit që iu janë bërë trafikantëve shqiptarë në Itali, duket se krerët e mafias shqiptare kanë filluar të lëvizin. Në këtë rrjet mafiozësh janë të përfshirë një numër i madh njerëzish, duke filluar nga vagabondët e deri tek intelektualët e zyrave shtetërore, që garantojnë pasaporta, viza të falsifikuara, lehtësira kalimi e birësimi, si edhe platforma të vazhdimësisë së krimit.
------------
Anila rrëfen pagjumësinë që kalon për krimin ndaj djalit

"Si shita fëmijën tim 1.2 milionë lekë"
Vajza nga jetimorja: Jap gjithçka për ta gjetur


--------------------------------------------------------------------------------

il.bu

TIRANE

"Kam bërë një krim të pafalshëm në jetën time sepse kam shitur fëmijën për një 1 milion e 200 mijë lekë të vjetra, por tani jam gati të marr borxh, për të rigjetur tim bir". Me këto fjalë e nis pendimin e saj 21 vjeçarja Anila K., që aktualisht banon në rrethinat e Qytetit të Nxë-nësve. Duke rrëfyer detaje nga ky akt tragjik ajo thotë që në fillim, se gjithçka e ka bërë për bukën e gojës. "Jam vajzë e Shtëpisë së Fëmijës dhe aktualisht gjendem pa punë dhe pa mbështetje sociale, në një dhomë gjysëm të shkatërruar, ku jetoj e vetme", shton ajo. Ndoshta fillimi rrënqethës i rrëfimit të Anilës, është një argument i mjaftueshëm për t'u bindur se në trafikimin e fëmijës së saj është pjesëmarrës një rreth i gjerë shoqëror ku politikanët kanë për-gjegjësitë e tyre në montimin e varfërisë. Më tej Anila thotë se kjo ndodhi në marsin e këtij viti. "Babai i fëmijës tim është njëri prej sekserëve të këtij trafiku, i cili me paramendim ma mbushi mendjen të lindnim një fëmijë, për ta shitur në Itali". Për bashkëfajësinë e saj në krim, Anila thotë se pranoi, ngaqë ishte e mbytur në borxhe dhe nuk kishte asnjë alternativë tjetër për jetën. "Unë merrja ushqime dhe bukë me listë nga dy dyqane aty afër, por lista ishte mbushur plot dhe dyqanxhinjtë nuk më jepnin më, pa likuiduar detyrimet e para", nënvizon ajo. Për të gjitha këto Anila shton se ajo pranoi kundrejt një paradhënieje, prej 200 mijë lekësh. "Sekseri interesohej vazhdimisht për ecurinë e barrës dhe gjithmonë më këshillonte të konsultohesha tek mjeku, (ata donin fëmijë të shëndetshëm) dhe shpesh më jepte ndonjë lekë xhepi për të blerë bukë", vazhdon ajo. Por pas lindjes së fëmijës Anila tregon se e kishte ushqyer për 3 muaj rresht, madje për këtë kishte marrë edhe këstin e dytë të paradhënies, por më vonë fëmijën ia kishin marrë. "Sekseri erdhi një natë në shtëpi dhe më tha të bëhesha gati se do të shkonim në Durrës me një makinë, (brenda ishte edhe një shofer), por sapo mbrritëm në Pezë, ai më dha pjesën tjetër të lekëve duke më futur në xhep edhe (10 mijë të vjetra për t'u kthyer) dhe më tha të gjeja ndonjë makinë të rastit". Ajo tregon se nuk donte të zbriste, por tanimë ishte e detyrueshme. "Sekseri më tha se do të takoheshim prapë për të bërë të njëjtën gjë, por qysh atëherë nuk e kam parë më, ndërkohë që po torturohem nga meraku për fëmijën tim", përfundon ajo.

-------------
Nga hetimet paraprake është mësuar se ky lloj trafiku e ka fillesën në muajin prill të këtij viti. Gjatë kësaj periudhe të shkurtër me intesitet është bërë i mundur trafikimi i 10 foshnjave

Skema e trafikut të bebeve nga Nazmi Kreka dhe Floresha Hoxha. Zbulohet greku që priste "mallin"

"Ku i çonim foshnjat e blera"
Çifti i arrestuar në Korçë dëshmon para hetuesve


--------------------------------------------------------------------------------

Roland Beqiraj

KORÇE

Fati i të porsalindurve që kanë përfunduar kush e di se ku ishte përcaktuar që më parë nga trafikantët e tyre. Çifti i arrestuar dy ditë më parë nga policia për trafikimin e foshnjave në Greqi, ka rrëfyer përpara policëve gjy-qësorë gjithë skemën e këtij trafiku, në të cilin janë implikuar edhe shumë persona të tjerë.

Dje policia e Korçës ka identifikuar 3 korçarë arrestimi i të cilëve pritet të jetë shumë i shpejtë. Gjithashtu po dje është identifikuar edhe kreu i këtij trafiku, një grek emri i të cilit tashmë i ka kaluar Interpolit grek.

Rrëfimi
Burime policore bënë të ditur për "Gazetën" se çifti i arrestuar, pasi lidhte kontratën me gruan shtatzënë dhe pasi paguante kaparin, priste deri sa afrohej dita e lindjes dhe së bashku me nënën e foshnjës shkonin në një klinikë private gjinekologjike në qytetin grek të Selanikut, ku lindte foshnja. I porsalinduri binte menjëherë në duart e trafikantit grek, ndërsa lehonës i jepej kësti i dytë i 1 mijë dollarëshit.

Nga hetimet paraprake del se ka qenë Nazmiu ai që e implikoi gruan e tij të re në trafikun e foshnjave. Kjo rrugë, sipas hetuesve, u zgjodh nga ana e Krekës, pasi kështu e kishte më të lehtë që të penetronte për të biseduar me gratë që do të lindnin një fëmijë me qëllim trafikimi. Madje ajo u qëndronte shtatzënave "te koka", kur ato lindnin, dhe kjo për arsye sigurie. Mendohet se nga ky "biznes" fitimet kanë qenë marramendëse. Nga hetimet paraprake është mësuar se ky lloj trafiku e ka fillesën në muajin prill të këtij viti. Gjatë kësaj periudhe të shkurtër me intesitet është bërë i mundur trafikimi i 10 foshnjave. Fitimi i Krekës dhe i Hoxhës ka qenë shumë i madh pasi ata përveç shpërblimit prej 1 mijë dollarësh që merrnin për çdo foshnje, përfitonin edhe nga paratë e tjera që kishin nëpër duar. Sipas të dhënave të deritanishme ata për çdo foshnje fitonin 8-9 mijë dollarë, të cilat iu mbeteshin pasi jepnin rrushfetet e duhura për viza, udhëtime e vizita mjekësore.

Historia e çiftit
Nazmi Kreka, 47 vjeç, dhe Floresha Hoxha, 23 vjeçe, pas dështimit të martesave të para, katër vjet më parë vendosën të bashkëjetojnë, madje kanë edhe një fëmijë. 47-vjeçari Kreka, lindur në fshatin Velitërnë, 20 kilometra larg qytetit të Korçës, pas divorcit me gruan e parë, u largua nga fshati dhe vendosi të jetojë në qytet. Dy vjet më pas, në vitin 1998, u njoh me Floreshën 23-vjeçare. Ajo, edhe pse vite më e re se Kreka, kishte dështuar në martesën e saj të parë. Pas njohjes së re ajo vendosi të largohet nga familja, që jetonte në qytetin e Përrenjasit, dhe filloi bashkëjetesën e re me Nazmiun . Si rezultat i kësaj bashkëjetese atyre u lindi edhe një fëmijë.

Nga hetimet është mësuar se në këtë trafik janë implikuar edhe persona të tjerë në Shqipëri dhe në Greqi. Të marra në pyetje nga ana e policisë, gratë që kanë shitur fëmijët e tyre, kanë deklaruar se çifti Kreka-Hoxha në qytetin grek të Selanikut i kanë prezantuar me një shtetas grek me emrin Foti. Pasi ka mbledhur të dhënat e para, Policia e Korçës u kërkoi homologëve të tyre të shtetit helen, që të ndihmojnë për këtë çështje. Ndërkohë burime konfidenciale nga Drejtoria e Policisë së Korçës bëjnë të ditur se është bërë indentifikimi i plotë i trafikantit grek, por edhe i disa personave të tjerë. Ditën e martë në Gjykatën e Faktit në Korçë do të vlerësohet për çiftin e arrestuar edhe masa e sigurisë.

-----------
Prill, foshnja e parë lindi në Korçë

KORÇE - Ka qenë mesi i muajit prill, kur Nazmi Kreka me Floresha Hoxhën realizuan trafikimin e parë. Pasi ranë në kontakt me grekun i cili iu propozoi rrugën që duhej të ndiqnin dhe iu ofroi shpërblimin përkatës, ata iu përveshën punës. Në fakt fillimisht Nazmiu tentoi të bënte gjithshka i vetëm. Por më pas ndjeu nevojën e një bashkëpunëtoreje femër, dhe Floreshën e kishte gati. Duke bashkëpunuar me njëri-tjetrin, sipas zëdhënësit të Drejtorisë Rajonale të Policisë, ata mundën ta bindnin 37-vjeçaren nga Korça, Donika Hajdinin, që fëmijën që do të lindte, t'ua jepte atyre kundrejt një shume të caktuar. Pas disa bisedash u bë e mundur që, edhe me pëlqimin e Hajdinit, për fëmijën e porsalindur ajo të merrte shumën prej një mijë dollarësh. Nga grupi hetimor mësohet se lindja e kësaj foshnje u krye në maternitetin e Korçës dhe pas një muaji ajo u trafikua në Greqi, duke u përdorur një vizë greke Shengen. Kjo ishte dhe foshnja e parë që e pësoi nga rrjeti i trafikantëve. Sipas çiftit Kreka-Hoxha, 37-vjeçarja ka qenë dakord që ta shiste fëmijën e saj, madje edhe kur ka mësuar që foshnja më pas do të përfundonte jashtë kufijve.


Fëmija e dytë vdiq pas tri ditësh

KORÇE - Pasi e provuan me fëmijën e Donika Hajdinit dhe gjithshka përfundoi me sukses, të dashuruarit Kreka e Hoxha nisën kërkimet për "gjahun" e dytë. Pas pak ditësh, i njëjti propozim iu bë edhe një gruaje tjetër. Kundrejt së njëjtës vlerë u ra dakord edhe me 41-vjeçaren Valentina Koraqi, minoritare greke e lindur në Sarandë dhe banuese në Korçë. Koraqi kishte dy fëmijë dhe jetonte në kushte të vështira ekonomike, kështu që ata nuk e patën të vështirë ta bindnin që të shpëtonte nga fëmija i dëshiruar dhe për të tepër të përmirësonin disi gjendjen e saj ekonomike. Shtatzania e radhës ishte e padëshiruar për të, pasi ishte edhe e divorcuar. Kështu Koraqi ra dakord me Krekën. Pra ndryshe nga sa kishte vendosur 41-vjeçarja do të hiqte dorë nga aborti që kishte në plan dhe në shkëmbim të të porsalindurit do të merrte 1000 dollarët. Por, sipas zëdhënësit, kjo vepër penale mbetet e pakonsumuar, pasi foshnja e porsalindur vdiq pas tri ditësh, kështu që pazaret mes dy palëve u prishën. Këto kanë qenë të vetmet foshnje që kanë lindur në maternitetin e Korçës. Më pas trafikantët i morën masat që gjithshka të ishte më e sigurtë dhe i dërguan nënat të lindnin në Greqi.
---------
Italianët e transferojnë në psikiatri

Xhulieta Petalla tenton vetvrasjen


--------------------------------------------------------------------------------

PESKARA

Xhulieta Petalla tenton të vetëvritet. Ka ndodhur në spitalin psikiatrik, aty ku sapo ishte transferuar nga autoritetet italiane. Burgu nuk e ka mposhtur dot rezistencën e Xhulieta Petallit, por largimi traumatik nga fëmijët është një grusht në zemër i vështirë për t'u përballuar. Kjo edhe për një nënë e cila akuzohet si rrëmbyese fëmijësh. Mëngjesin e së dielës, 33-vjeçarja shqiptare nga Elbasani nuk ndodhet më në qeli, por është shtruar në repartin e psikiatrisë në spitalin civil. Gruaja, e cila ka qenë dy ditë në izolim, do t'u nënshtrohet analizave të ndryshme për të verifikuar nëse gjendja e saj mund të përballojë regjimin e burgut. Xhuljeta Petalla është arrestuar në Itali më datë 28 gusht të këtij viti pasi u kap bashkë me bashkëshortin e saj Ramis Petalla duke transportuar tre fëmijë nëpërmjet dokumentave të fëmijëve të tyre. Ajo dyshohet për trafikimin e 36 fëmijëve shqiptarë në Itali.

---------
Falsifikoi dokumentat e vajzës 14 vjeç

Brindisi, kapet gruaja shqiptare


--------------------------------------------------------------------------------

BRINDISI

Ka falsifikuar dokumentet dhe është munduar të fusë në Itali një vajzë 14-vjeçare dhe një djalë 22-vjeçar, duke u hequr sikur ishin fëmijët e saj. Për këtë "shërbim" 41-vjeçarja Leze Kruveri ka marrë 2000 euro. Por, sapo ka mbërritur në Itali është zbuluar nga policia e portit të Brindisit dhe është arrestuar. Vajza 14-vjeçare është dërguar në një qendër për të miturit ndërsa 22-vjeçari është riatdhesuar. Vetëm dy ditë më parë, po në këtë port u arrestua një shqiptar 52-vjeçar, i cili kishte marrë me vete një fëmijë 12 vjeç, të cilin e deklaroi si të birin. Pasi u pyet fëmija tregoi se nuk e njihte aspak burrin që pretendonte se ishte i ati, por tek ai e kishin dorëzuar familjarët.

-------------

kulmi.