Kosova me kod të ri ndërkombëtar postar
Prishtinë, 31 maj - Që nga dita e sotme Kosova ka kodin e ri postar. Në një solemnitet të organizuar sot me rastin e 5-vjetorit të punës së Postës Ndërkombëtare të Kosovës, drejtues të Postës dhe Telekomunikacionit të Kosovës thanë se ky kod do të avancojë veprimtarinë e PTK-së. Kodi i ri padyshim se do të jetë dobiprurës për ekonominë e Kosovës, ngase do ketë përfitime të mëdha, por njëherit dërgesat do të jenë më të shpejta. Por njëherit do të ndikojë edhe në sigurinë dhe shpejtësinë e dërgesave brenda dhe jashtë vendit.
Kjo u bë e mundur me anëtarësimin e Postë-Telekomit të Kosovës në Unionin Ndërkombëtar të Postave, dhe në këtë mënyrë ka hequr qafet kodin e ish-Jugsollavisë. Deri më tash të gjitha dërgesat postare kanë kaluar nëpërmjet Serbisë dhe për këtë "shërbim" Serbia ka marrë taksa të caktuara për çdo dërgesë.
Postë-Telekomi i Kosovës tashmë ka marrë edhe pëlqimin e UNMIK-ut për të pasur kodin e saj i cili dallon nga ai vjetri. Tani e tutje para numrit postar dhe qytetit duhet të shkruhet "Kosovo (UNMIK)".
Prishtina në vend të numrit të gjertanishëm 38OOO, tani e tutje do të ketë numrin 1OOOO, ndërkaq numri i Mitrovicës do të jetë 4OOOO, i Prizrenit 2OOOO, i Pejës 3OOOO, i Gjakovës 5OOOO, i Ferizajt 7OOOO, i Gjilanit 6OOOO.
Ministri i Postë-Telekomunkacionit Qemal Ahmeti tha se kjo është ditë e madhe për Kosovën, ashtu sikur që do jetë edhe marrja e prefiksit për numrin telefonik.
QIK-u
Krijoni Kontakt