Close
Duke shfaqur rezultatin -19 deri 0 prej 2
  1. #1
    i/e regjistruar Maska e Kosovari_78_Ca
    Anëtarësuar
    24-12-2003
    Vendndodhja
    Kanada
    Postime
    257

    Kuvendi që na la trashëgim ADN-në e Dushkut

    "Redaksia Tema"
    > EDITORIALI
    >
    > Kuvendi që na la trashëgim ADN-në e Dushkut
    >
    > Nga Mero Baze
    >
    > Kuvendi i Shqipërisë u dha fund punimeve dje, duke
    > thyer një rekord të paarritur më parë në politikën
    > shqiptare, lidhur me mënyrën se si ai arriti të
    > mbijetojë, pa pasur asnjë ditë një shumicë legjitime
    > të votuar. I dalë nga mekanizmi i zgjedhjeve të
    > Dushkut, ky Kuvend, në të vërtetë i dha politikës
    > shqiptare dy dimensione të reja. Dimensioni i parë
    > është rëndësia që fitoi grupi parlamentar për fatin
    > politik të liderëve partiakë, kurse dimensioni i dytë,
    > negativ, është gjetja e mekanizmit për të krijuar
    > shumica false në Kuvend.
    > Sa i përket dimensionit të parë, ky Kuvend provoi se
    > grupi parlamentar vlen më shumë se KPD apo Këshilli
    > Kombëtar, nëse vjen fjala për të vendosur rregulla
    > loje brenda partisë. Fatos Nano e rrëzoi Ilir Metën
    > për shkak se mori me vete një pakicë deputetësh,
    > ndërsa Meta e rrezikoi Nanon dhe e detyroi të fuste
    > deputetë nëpër pularitë e Dukës, vetëm pse i ikën një
    > grup deputetësh.
    > Historia e krizave të këtij Kuvendi, në të vërtetë,
    > përveç mungesës së legjitimitetit, tregoi rëndësinë e
    > madhe të parlamentarizmit dhe ikjen nga epoka e
    > Komitetit Qëndror të PPSH-së. Që nga vjeshta e vitit
    > 2001, kur atij iu desh të zgjidhte një qeveri pa pasur
    > opozitën në sallë, dhe pas disa krizash të
    > njëpasnjëshme në forumet e PS-së, të cilat nuk
    > pranonin t'i jepnin mandatin Ilir Metës, kryeministrit
    > me të cilin u vetëshpallën fitues të zgjedhjeve,
    > Kuvendi provoi se parlamentarizmi ka fituar të drejtën
    > për të diktuar lidershipin në Shqipëri. Nëse dikush
    > kërkon të rrëzojë Sali Berishën apo Fatos Nanon nga
    > politika, sytë duhet t'i mbajë nga salla e Kuvendit
    > dhe jo nga tribunat e kongreseve të tyre.
    > Në Janar të vitit 2002, Fatos Nano arriti të
    > gjunjëzojë Ilir Metën me një grusht deputetësh, vetëm
    > pse ata u bënë aq të mjaftueshëm sa mund të rrëzonin
    > qeverinë.
    > Po ashtu parlamentarizmi u bë leksion për zyrtarë të
    > përdorur dhe të papërgjegjshëm që i kthyen
    > institucionet në instrumente të spastrimit politik.
    > Arben Rakipi dhe Fatos Klosi e pësuan në të vërtetë
    > nga funksionimi i parlamentarizmit. Ata u viktimizuan
    > nga aleancat fluide brenda Kuvendit, mes pozitës dhe
    > opozitës, vetëm pse tentuan të përdoreshin deri në
    > fund nga një klan i caktuar.
    > Kuvendi po ashtu provoi të prodhojë një president
    > konsensual dhe një prokuror të pranuar nga të gjitha
    > palët. Ai dështoi tek cilësia, por nuk gaboi tek
    > mekanizmi. Zhgënjimi për nivelin e ulët të Moisiut dhe
    > Sollakut, ka ngritur shumë pikëpyetje për vlerat e
    > parlamentarizmit, por në fakt mekanizëm më të mirë se
    > ai, ende nuk ka, për të shkuar drejt figurave të
    > pranueshme. Problem mbetet cilësia dhe ajo mund të
    > përmirësohet kur t'i gjendet punës zot dhe jo
    > pensionistëve pleq apo të rinj, punë.
    > Por në ditët e fundit të tij Kuvendi la si trashëgim
    > për politikën shqiptare ADN-në e tij, e cila mbetet
    > precedenti i Dushkut. Me një qetësi të frikshme,
    > socialistët imponuan një procedurë lehtësuese për t'u
    > aplikuar ky rast edhe në këto zgjedhje. Me sa duket
    > Kuvendi i ri duhet doemos të ruajë vazhdimësinë
    > genetike të këtij mandati, duke e shpërndarë virusin e
    > Dushkut në 100 zona elektorale.
    >
    >
    > POLITIKA
    >
    > Prezantohen nga kryetari i Partisë Demokratike, Sali
    > Berisha kandidaturat e Vlorës
    >
    > Kandidatët: Do mbrojmë votat e vlonjatëve
    >
    > Kandidatët e Partisë Demokratike në rrethin e Vlorës
    > garantuan zgjedhësit vlonjatë se vota e tyre do të
    > jetë e mbrojtur dhe do të shkojë në drejtimin që ata i
    > kanë dhënë. Kandidatët e PD-së, të prezantuar dje nga
    > kryetari i Partisë Demokratike Sali Berisha, u
    > angazhuan para elektoratit se vota e asnjë qytetari
    > nuk do të mund të preket në zgjedhjet e 3 korrikut.
    > Kandidatët thanë se siguria që ata ofrojnë për votën e
    > tyre, do të stimulojnë qytetarët për të shkuar në
    > votime.
    > Kryetari i Partisë Demokratike, Sali Berisha prezantoi
    > dje në Vlorë kandidatët Bujar Leskaj, Ardian Kollozi,
    > Moisi Meminaj, Genci Panozaqi dhe Xhevahir Rexhepi.
    > Mijëra qytetarë kanë pritur vizitën e liderit demokrat
    > dhe prezantimin e kandidatëve të rrethit të Vlorës.
    > Kandidatët janë zotuar unanimisht se vota e qytetarëve
    > vlonjatë nuk do të mund të preket siç është bërë në
    > zgjedhjet e kaluara. Pas prezantimit nga ana e
    > liderit të opozitës, kanë marrë fjalën me radhë të
    > gjithë kandidatët e PD-së në këtë qytet. Kandidati
    > Bujar Leskaj është përqendruar shumë tek siguria që
    > ata ofrojnë ndaj votës së qytetarëve. Kandidatët e
    > Partisë Demokratike janë shprehur se në zgjedhjet e
    > kaluara, vullneti i qytetarëve të Vlorës është
    > nëpërkëmbur, ndërsa me 3 korrik s'do të guxojë njeri
    > të prekë votën e qytetarëve vlonjatë. Kandidatët
    > thanë se kjo garanci që ata ofrojnë, do të bëjë që
    > qytetarët të drejtohen për tek kutitë e votimit, pa
    > frikën se vota e tyre do të deformohet.
    > Në fjalimet e tyre kandidati i zonës 93 Moisi Meminaj,
    > i zonës 94, Bujar Leskaj, i zonës 95 Genc Panazaqi, i
    > zonës 96 Ardian Kollozi dhe i zonës 97 Xhevahir
    > Rexhepi, kanë shpalosur edhe projektet e tyre për
    > zonat respektive. Të bazuar në programin e Partisë
    > Demokratike, kandidatët kanë folur për fushat
    > prioritare ku do të përqendrohet puna e tyre.
    > Kryetari i Partisë Demokratike Sali Berisha shpalosi
    > para qytetarëve të Vlorës programin e Partisë
    > Demokratike. Berisha tha para qytetarëve se Vlora do
    > të ngelet perla e turizmit shqiptar. Berisha u shpreh
    > i sigurt se qytetarët vlonjatë do të bëhen pjesë e
    > projektit të Partisë Demokratike, "projektit të
    > ndryshimit të madh", siç e quajti vetë kryetari i
    > PD-së.
    >
    >
    > Do fitoj se jam rritur mes respektit të vlonjatëve
    >
    > Ardian Kollozi
    >
    > Së pari dua të falenderoj strukturat këtu në bazë,
    > kryesinë qëndrore dhe dr. Berishën për propozimin dhe
    > për zgjedhjen e kandidaturës sime për garën e tre
    > korrikut.
    > E konsideroj pa dyshim nder dhe privilegj faktin që
    > Partia Demokratike më zgjodhi dhe më mbështet duke më
    > vënë në rreth të parë në këtë iniciativë të madhe për
    > të kthyer shpresën dhe për të dnryshuar Vlorën.
    > Slloganin "Koha për Ndryshim" ne e konsiderojmë si një
    > ftesë të hapur dhe të sinqertë që PD i ka bërë çdo
    > shqiptari që e konsideron ndryshimin si zgjidhjen e
    > vetme që shoqëria shqiptare të mudn të dalë nga ky
    > ngërc asfiksues në të cilin e ka zhytur qeverisja
    > socialiste. Në konceptin tonë, ardhja e PD dhe e
    > aleatëve të saj në pushtet nuk është thjesht rotacion
    > politik, por është dhe ndryshim cilësor që buron nga
    > qëllimi, vendosmëria, përkushtimi, alternativa dhe
    > programi.
    > Unë kam besim të plotë se do t'ju sjell juve dhe
    > gjithë komunitetit që unë kërkoj të përfaqësoj zërin e
    > vlonjatit si demokrat, si qytetar, si intelektual dhe
    > si banor model i këtij qyteti.
    > Unë do të fitoj se jam rritur mes respektit dhe
    > dashurisë së këtij komuniteti dhe kam besim tek fuqia,
    > tek aftësitë e mia dhe tek përkushtimi im se do t'ju
    > kthej me tepri të gjithë ato që unë kam marrë nga ju.
    >
    >
    > Berisha: Do përkrah në Kuvend çdo projekt për
    > zhvillimin e Vlorës
    >
    > Kryetari i Partisë Demokratike, Sali Berisha, deklaroi
    > ditën e djeshme, gjatë prezantimit të kandidatëve
    > vlonjatë, se do të përkrahë çdo projekt të deputetëve
    > vlonjatë, për ta bërë Vlorën një zonë me turizëm të
    > zhvilluar. "Unë dua t'ju jap juve fjalën e nderit se
    > do të qëndroj fuqishëm në krah të deputetëve tuaj për
    > të mbështetur ata në çdo projekt me të cilin ne duam
    > që ndryshimin ta shndërrojmë në një mirësi e në një
    > mbarësi për çdo qytetar të Vlorës, për çdo shqiptar,
    > unë do t'i mbështes fuqishëm deputetët tuaj, sepse
    > Vlora në projektin tonë është poli më i fuqishëm
    > turistik i Shqipërisë. Turizmi është përparësia jonë
    > absolute", tha Berisha. "Dëshiroj që në këtë
    > prag-fitoreje t'ju përshëndes juve të pranishmëve në
    > sallë, të përshëndes të gjithë qytetarët e Vlorës për
    > mbështetjen e fuqishme që i dhanë PD-së me vendimin e
    > tyre historik për të votuar në shumicë dërrmuese PD-në
    > dhe opozitën në 3 korrik për të vendosur Vlorën dhe
    > Shqipërinë në rrugën e shpresës në rrugën e
    > ndryshimit, punësimit dhe integrimit", tha Berisha në
    > fjalimin e tij. Në vijim kryetari i PD-së tha: "Sot,
    > shqiptarët, nga Konispoli në Vermosh, mbi 3/4 e tyre
    > kanë firmosur me gjithë zemër ndryshimin e Shqipërisë.
    > Koha për ndryshim është një thirrje që buron nga
    > thellësia e shpirtit të shqiptarëve, të atyre që janë
    > pa punë, të atyre që punojnë, të atyre që i marrin
    > ushqimet me listë". Në vijim të fjalës së tij,
    > kryetari i PD-së sqaroi edhe pikat kryesore të
    > projektit të qeverisjes së ardhshme të PD-së.
    >
    >
    > T'i japim një të ardhme, historisë sonë!
    >
    > Xhevair Rexhepi
    >
    > Ka pasur disa arsye të forta për të marrë vendimin që
    > t'ju përfaqësoj juve, në Kuvendin e Shqipërisë.
    > Arsyeja themelore është se zona jonë, është zona që
    > është përdorur më shumë në historinë e Shqipërisë nga
    > politika, por thuajse asnjëherë politika nuk është
    > përdorur në të mirë të zonës sonë. Në emrin tonë, në
    > emër të gjyshërve dhe baballarëve tanë, janë bërë
    > luftëra, janë përmbysur regjime dhe pushtete, por siç
    > e shikojmë, asnjëherë nuk kemi mundur të bëjmë diçka
    > për veten tonë dhe zonën tonë. Kjo sepse politika nuk
    > ka folur kurrë me zërin tonë në pushtet, por vetëm ka
    > përfituar nga emri ynë.
    > Ne kemi nevojë për t'i dhënë një të ardhme të shkuarës
    > sonë. Zona jonë po shkon drejt zbrazjes së plotë, për
    > shkak se jeta këtu po bëhet e papërballueshme.
    > Fshatarët tanë nuk kanë ku të shesin produktet
    > blegtorale dhe bujqësore. Për ta mungon tregu dhe
    > konkurrenca e monopoleve i ka kthyer ata në qenie
    > vetushqyese. Ata jetojnë vetëm për të punuar dhe për
    > të siguruar koston minimale të jetesës. Ne duhet ta
    > përdorim pasurinë natyrore të zonës dhe
    > origjinalitetin e produkteve të saj, për të krijuar
    > një treg të shtrenjtë, jo vetëm për Shqipërinë, por
    > dhe jashtë saj. Që të arrihet kjo, duhet që zëri juaj
    > në Kuvend të jetë i lidhur me ju, të ndajë hallet dhe
    > gëzimet me ju, dhe të jetë avokati juaj për t'i kthyer
    > dinjitetin dhe të ardhmen zonës sonë.
    > Në veçanti dua t'iu drejtohem djemve dhe vajzave të
    > reja të zonës sonë, që po rriten me ankthin e fatit të
    > pasigurt në jetë. Ju drejtohem atyre që kanë të drejtë
    > të votojnë për herë të parë, dhe që duhet doemos të
    > vendosin për ndryshimin e fatit të jetës së tyre. Ka
    > ardhur vërtet koha për të ndryshuar fatin e tyre.
    > Përdoreni të drejtën tuaj për të votuar për të
    > ndryshuar fatin tuaj, të familjes suaj dhe të zonës në
    > përgjithësi. Jepini shans shpresës, përmes ndryshimit.
    > Zgjedhjet janë një rast për të ndryshuar jetën tuaj
    > dhe jo një mundësi për të mbrojtur privilegjet e atyre
    > që qeverisin. Në rast se gjërat shkojnë keq, nuk do të
    > mund të vendosni përsëri.
    > Ata që duan që të mos u mbetet bulmeti në shtëpi,
    > duhet të votojnë ndryshimin!
    > Ata që duan të gjejnë treg për produktet e tyre
    > bujqësore duhet të votojnë ndryshimin!
    > Ata që duan të jenë të lirë për të konkurruar në
    > tregti dhe biznes, duhet të votojnë ndryshimin!
    > Ata që duan të çojnë fëmijët në shkollë të lartë, pa
    > pasur nevojë të paguajnë ryshfete, duhet të votojnë
    > ndryshimin!
    > Ata që duan të kenë të sigurt fëmijët në shtëpi dhe
    > jashtë saj, duhet të votojnë ndryshimin!
    > Ata pensionistë që kanë punuar gjithë jetën në
    > kooperativë dhe tani janë pa pension, duhet të votojnë
    > ndryshimin!
    > Ata minatorë që u ka ikur jeta nën tokë, dhe tani nuk
    > kanë me se jetojnë mbi tokë, duhet të votojnë
    > ndryshimin!
    > Unë jam këtu për t'i dhënë një shpresë jetës suaj të
    > vështirë.
    > Është koha për të ndryshuar jo vetëm fatin tuaj, por
    > dhe fatin dhe historinë e miliona shqiptarëve.
    >
    >
    > Ju premtoj Vlorën!
    >
    > Nga Bujar Leskaj
    >
    > Miq të mi vlonjatë. Nëse ka një vend në Shqipëri, të
    > cilit i ka ardhur koha të ndryshojë, është Vlora...
    > Ka ardhur koha, të ndryshojë, së pari besimi ynë, se
    > Vlora do t'i kthehet fitores së Partisë Demokratike.
    > Ky besim na ka pushtuar të gjithëve, për shkak se kemi
    > ndryshuar të gjithë, kemi ndryshuar vetveten, kemi
    > ndryshuar dhe forcuar PD-në, kemi ndryshuar dhe
    > forcuar lidershipin, kemi ndryshuar dhe ofruar një
    > projekt që do të shpëtojë Vlorën dhe Shqipërinë nga
    > kriza në të cilën kanë hyrë.
    > Kemi ndryshuar dhe rritur, mbi të gjitha, miqtë tanë
    > në Shqipëri dhe në botë.
    > Kemi ndryshuar, ndaj ka ardhur koha të udhëheqim
    > ndryshimin...
    >
    > Ka ardhur koha të ndryshojë pushteti, për të shpëtuar
    > shtetin.
    > Ne nuk jemi bërë bashkë për të ndryshuar disa zyrtarë
    > nga ndërtesat e qeverisë.
    > Ne po vijmë në pushtet për të ndryshuar fatin e këtij
    > vendi, i cili po shkon drejt greminës.
    > Ne do të ndryshojmë fatin e atij qytetari që paguan
    > ryshfete për zyrtarët, do të ndryshojmë fatin e atij
    > qytetari që paguan gjoba në vend të taksave normale,
    > do të ndryshojmë fatin e atij pensionisti që me
    > pension nuk paguan dot as gjysmën e gjobës që i vendos
    > KESH-i, do të ndryshojmë fatin e atij mësuesi, që
    > është shumë herë më i varfër se shumë nga nxënësit e
    > tij, do të ndryshojmë fatin e atyre nëpunësve të
    > shtetit të cilët nuk kanë fuqi të jenë të ndershëm,
    > sepse janë të shtypur nga ingranazhi i korrupsionit që
    > vë në lëvizje këtë qeveri.
    >
    > Ka ardhur koha për të ndryshuar fatin e qytetit tonë.
    > Ne kemi hyrë në këtë garë për t'u bërë deputetë të
    > Vlorës dhe jo për t'u bërë Vlora pronë e deputetëve,
    > siç është bërë sot.
    > Ne po hyjmë në këtë garë për të ndryshuar fatin e një
    > qyteti, ku nuk fillon dot në punë, po nuk njohe
    > deputetin.
    > Ne do të ndryshojmë fatin e një qyteti ku nuk investon
    > dot në asnjë ndërtim, pa bërë ortak deputetin.
    > Ne do të ndryshojmë fatin e një qyteti ku nuk bën dot
    > tregti, po nuk ndave fitimin me deputetin.
    > Ne do të ndryshojmë fatin e një qyteti ku nuk jeton
    > dot i lirë, nëse je kundërshtar i një deputeti.
    > Unë do të jem deputet i Vlorës, dhe Vlora do të jetë
    > pronë e qytetarëve të saj.
    >
    > Ka ardhur koha të ndryshojmë fatin e qytetarëve të
    > Vlorës.
    > Ky qytet ka vujtur më shumë se kush në shqipëri nga
    > ndarja dhe hakmarrje e verbër shpesh herë dhe klasore.
    >
    > Ne do ta ndryshojmë këtë histori të tij.
    > Unë ashtu sic do të marrë votat e PD dhe qytetarëve të
    > paangazhuar, do të marrë dhe votat e zgjedhësve të
    > majtë të zhgënjyer, pasi edhe ata kanë vuajtur këto
    > vite njësoj si ju, dhe ata kanë mbetur pa punë njësoj
    > si ju, dhe ata kanë paguara taksa të larta dhe të
    > fshehta njësoj si ju. Por në ndryshim me ju, ata janë
    > poshëtruar më shumë, pasi ata kanë shpresuar tek vota
    > e tyre për socialistët. Tani ata po shikojnë se me
    > votat e tyre i kanë bërë keq vetes, familjeve të tyre
    > dhe fqinjëve të tyre.
    > Ata do të votojnë për ne dhe ne do ndryshojmë së pari
    > jetën e tyre...
    >
    > Ka ardhur koha të ndryshojë fati i zgjedhjeve të lira
    > në Vlorë.
    > Në këtë qytet ka shumë legjenda të shpikura nga ata që
    > vijnë në pushtet me armë.
    > Në këtë qytet ka ende fantazma të atyre që duan të
    > trembin Vlorën.
    >
    > Unë kam ardhur të kërkoj votën tuaj, së pari se ju
    > garantoj se do ta mbroj atë!... Votoni dhe mos ktheni
    > kokën pas, se keni një njeri të sigurt që do ta mbrojë
    > dhe numërojë atë votë.!...
    > Votoni dhe mos kini frikë nga ata që ju kanë lënë
    > jashtë listave të votimit, se të gjithëve do t'ju çoj
    > në kutitë e votimit.
    > Votoni dhe mos u trembni nga një kryetar bashkie, i
    > cili përpiqet t'i kthejë borxhet kundërshtarit tim,
    > duke manipuluar listat e zgjedhjeve.
    > Ne do t'ia dalim të votojmë dhe të numërojmë votat
    > tona. Me votat e tyre nuk kemi punë, se ato do të jenë
    > shumë pak...
    >
    > Dhe në fund dua të them dy fjalë për mandatin tim si
    > deputet i Vlorës. Atë mandat nuk do ta përdor për të
    > ndërtuar pallate në tokat e të tjerëve, apo për të
    > mbrojtur bizneset e paligjshme, siç bëjnë
    > kundërshtarët tanë që e kanë kthyer Vlorën në çiflig.
    > Mandatin tim si deputet do ta përdor për të kthyer
    > Vlorën në normalitet, për t'i dhënë fund ndarjes dhe
    > hakmarrjes klasore, për t'i hapur Vlorës perspektivën
    > e madhe të biznesit dhe turizmit, për t'i hapur Vlorës
    > dritën jeshile të investimeve dhe uljes së papunësisë.
    > Mandatin tim do ta përdor për të ndaluar rreziqet që
    > kërcënojnë Vlorën, për të marë bashkë me ju një vendim
    > se çdo të bëjmë me të ardhmen e Vlorës dhe rreziqet që
    > paraqesin për të projektet e fshehta dhe të paqarta të
    > pushtetarëve tanë, që mbulohen me maskën e investimeve
    > ndërkombëtare.
    > Unë nuk ju premtoj se ndryshimi mund të sjellë për ju
    > parajsën dhe pasuritë përrallore, por ju premtoj se do
    > t'ju rikthej Vlorën...
    > ...Ju premtoj Vlorën!
    >
    >
    > Presidenti Moisiu i bëri thirrje dje Partisë
    > Socialiste të mos përdorë institucionet shtetërore dhe
    > paratë publike në funksion të fushatës së saj
    >
    > Moisiu: Këto zgjedhje, si ato të '92-it
    >
    > Presidenti i Shqipërisë, Alfred Moisiu i ka bërë
    > thirrje dje Partisë Socialiste që të mos përdorë
    > institucionet shtetërore dhe paratë publike në
    > funksion të fushatës së saj elektorale. Gjatë një
    > mesazhi që lexoi dje në Kuvend, Moisiu tha se rëndësia
    > e zgjedhjeve të tre korrikut është e barabartë me
    > rëndësinë e zgjedhjeve të vitit 1992, kur shqiptarët u
    > shkëputën nga diktatura komuniste. "Pas 45 ditësh
    > shqiptarët do të kenë rastin që me votën e tyre të
    > fshehtë e të lirë të zgjedhin parlamentin e ri
    > shqiptar. Nga të gjithë tashmë pranohet se këto
    > zgjedhje janë vendimtare për Shqipërinë. Në pikëpamjen
    > time, rëndësia e tyre mund të krahasohet me zgjedhjet
    > e viteve të para të ndryshimit të madh demokratik," u
    > shpreh Moisiu para deputetëve. Moisiu tha se ka ardhë
    > koha për zgjedhje të lira e të ndershme dhe se partia
    > qeverisëse të heqë dorë nga përdorimi i funksioneve
    > publike në favor të fushatës së saj.
    > "Po aq e rëndësishme është që në procesin e zgjedhjeve
    > të ndahen qartas interesat e shtetit nga interesat e
    > partive politike. Në këto zgjedhje nuk është shteti në
    > fushatë, por janë partitë politike që konkurrojnë për
    > të drejtuar institucionet politike të shtetit.
    > Bërthama e shtetit duhet të mbetet tërësisht e
    > paprekur," u shpreh Moisiu. Presidenti i Republikës i
    > kërkoi partisë qeverisëse të mos përdorë fondet
    > publike për interesa elektorale. "Ftoj forcat
    > politike, sidomos ato në qeverisje, të mos nxisin,
    > shfrytëzojnë ose lejojnë asnjë ndikim politik, ligjor
    > apo financiar të këtyre institucioneve mbi fushatën e
    > tyre elektorale. Fondet, mjetet dhe institucionet
    > publike janë të të gjithë qytetarëve, ndaj askush nuk
    > duhet lejuar t'i përdorë ato për interesa elektorale,"
    > u shpreh Moisiu. Presidenti shtoi se zgjidhja më e
    > mirë në këtë situatë është, që titullarët socialistë
    > të institucioeneve të japin dorëheqje. "Titullarët e
    > zgjedhur apo të emëruar të enteve shtetërore e
    > publike, që administrojnë shifra të mëdha financiare
    > apo kanë për detyrë të sigurojnë shërbimet bazë për
    > qytetarët, u takon ta rishikojnë pozicionin e tyre
    > zyrtar në raport me fushatën. Krahas detyrimeve
    > ligjore ka edhe detyrime morale, të cilat sidomos në
    > politikë janë të një rëndësie shumë të madhe," tha
    > Moisiu. Presidenti vërejti në mesazhin e tij edhe
    > tentativën për të deformuar forcën e votës. "Në një
    > kuadër më të gjerë ju ftoj të mos shfrytëzoni ndonjë
    > paqartësi apo hapësirë ligjore për të përfituar
    > mandate dhe interesa politike tej vullnetit real të
    > popullit dhe frymës së kushtetutës. Deformimi i
    > vullnetit të zgjedhësve në thelb bie ndesh me
    > Kushtetutën, me imazhin tonë europian, me moralin
    > qytetar dhe me interesat madhore të vendit," ishte
    > thirrja e Moisiut. Presidenti tha se është i bindur që
    > Shqipëria do të kalojë testin në zgjedhjet e tre
    > korrikut. "Më 3 korrik nuk kërkohet ndonjë mrekulli
    > apo sakrificë mbinjerëzore. Qytetarët duhet të shkojnë
    > të votojnë dhe të zgjedhin me vullnetin e lirë e të
    > fshehtë përfaqësuesit e tyre për katër vitet e
    > ardhshme. Kjo është një provë që e kanë kaluar me
    > sukses të gjithë popujt e rajonit dhe të kontinentit,"
    > u shpreh Moisiu. Ai tha se pjekuria e tanishme e
    > klasës politike do të bëjë që të lihet pas
    > tranzicioni. "Tani Shqipëria është gati, mendoj unë,
    > të ndahet nga tranzicioni. Një pjesë e mirë e klasës
    > së sotme politike në tërësi po dëshmon se është e aftë
    > të marrë dhe të mbajë përgjegjësitë e saj. Ndonëse
    > mjaft e re, klasa politike ka patur shansin të mësojë
    > dhe duhet të mësojë edhe më shumë nga gabimet e
    > tranzicionit," u shpreh Moisiu.
    >
    > Ta lëmë pas tranzicionin
    >
    > Tani Shqipëria është gati, mendoj unë, të ndahet nga
    > tranzicioni. Një pjesë e mirë e klasës së sotme
    > politike në tërësi po dëshmon se është e aftë të marrë
    > dhe të mbajë përgjegjësitë e saj. Ndonëse mjaft e re,
    > klasa politike ka patur shansin të mësojë dhe duhet të
    > mësojë edhe më shumë nga gabimet e tranzicionit
    >
    > Të votojmë si në vitin 1992
    >
    > Pas 45 ditësh shqiptarët do të kenë rastin që me votën
    > e tyre të fshehtë e të lirë të zgjedhin parlamentin e
    > ri shqiptar. Nga të gjithë tashmë pranohet se këto
    > zgjedhje janë vendimtare për Shqipërinë. Në pikëpamjen
    > time, rëndësia e tyre mund të krahasohet me zgjedhjet
    > e viteve të para të ndryshimit të madh demokratik.
    >
    > Tre korriku, testi i madh për Shqipërinë
    >
    > Më 3 korrik nuk kërkohet ndonjë mrekulli apo sakrificë
    > mbinjerëzore. Qytetarët duhet të shkojnë të votojnë
    > dhe të zgjedhin me vullnetin e lirë e të fshehtë
    > përfaqësuesit e tyre për katër vitet e ardhshme. Kjo
    > është një provë që e kanë kaluar me sukses të gjithë
    > popujt e rajonit dhe të kontinentit.
    >
    > PS të mos deformojë votën
    >
    > Në një kuadër më të gjerë ju ftoj të mos shfrytëzoni
    > ndonjë paqartësi apo hapësirë ligjore për të përfituar
    > mandate dhe interesa politike tej vullnetit real të
    > popullit dhe frymës së kushtetutës. Deformimi i
    > vullnetit të zgjedhësve në thelb bie ndesh me
    > Kushtetutën, me imazhin tonë europian, me moralin
    > qytetar dhe me interesat madhore të vendit.
    >
    > PS të mos përdorë shtetin për garën e vet
    >
    > Po aq e rëndësishme është që në procesin e zgjedhjeve
    > të ndahen qartas interesat e shtetit nga interesat e
    > partive politike. Në këto zgjedhje nuk është shteti në
    > fushatë, por janë partitë politike që konkurrojnë për
    > të drejtuar institucionet politike të shtetit.
    > Bërthama e shtetit duhet të mbetet tërësisht e
    > paprekur
    >
    > Qeveria të mos përdorë fondet publike për fushatë
    >
    > Ftoj forcat politike, sidomos ato në qeverisje, të mos
    > nxisin, shfrytëzojnë ose lejojnë asnjë ndikim politik,
    > ligjor apo financiar të këtyre institucioneve mbi
    > fushatën e tyre elektorale. Fondet, mjetet dhe
    > institucionet publike janë të të gjithë qytetarëve,
    > ndaj askush nuk duhet lejuar t'i përdorë ato për
    > interesa elektorale.
    >
    > Titullarët e institucioneve të japin dorëheqje
    >
    > Titullarët e zgjedhur apo të emëruar të enteve
    > shtetërore e publike, që administrojnë shifra të mëdha
    > financiare apo kanë për detyrë të sigurojnë shërbimet
    > bazë për qytetarët, u takon ta rishikojnë pozicionin e
    > tyre zyrtar në raport me fushatën. Krahas detyrimeve
    > ligjore ka edhe detyrime morale, të cilat sidomos në
    > politikë janë të një rëndësie shumë të madhe.
    >
    > Transparencë për paratë e fushatës
    >
    > Disa shqetësime lidhen edhe me tendencat për të fituar
    > dhe deformuar votën e zgjedhësve përmes financimeve të
    > dyshimta dhe formave të tjera komprometuese.
    > Elektorati duhet ta dijë dhe duhet ta dijë mirë, ku
    > merren paratë, me të cilat financohen fushatat
    > elektorale apo bëhen dhurata luksoze për zgjedhësit;
    > nga dalin fondet që përdoren për ndihma humanitare.
    >
    > Pse kaq pak gra kandidate
    >
    > Më lejoni gjithashtu të rishpreh shqetësimin tim të
    > thellë për numrin e pakët të kandidateve femra në
    > zgjedhje. Jam i bindur se shoqëria shqiptare është në
    > atë stad zhvillimi, sa do të kishte preferuar shumë më
    > tepër gra kandidate. Po ashtu kam bindjen e plotë se
    > komuniteti i vajzave dhe grave kanë potenciale
    > intelektuale po aq të mëdha sa edhe pjesa tjetër e
    > shoqërisë.
    >
    > Të marrë fund problemi i listave
    >
    > Në veçanti ata duhet të zgjidhin me transparencë dhe
    > besueshmëri problemin e listës së zgjedhësve. Në
    > mënyrë paradoksale, shqetësimet kryesore kanë ardhur
    > kryesisht nga kryeqyteti dhe qytetet e tjera të mëdha,
    > ku edhe infrastruktura dhe mundësitë e verifikimit
    > janë në nivel shumë më të lartë sesa në zonat e
    > periferisë.
    >
    >
    > Komisioni i Posaçëm Parlamentar për Listat shtyn
    > punimet deri me 30 maj
    >
    > Dhjetë për qind e popullsisë, e paregjistruar
    >
    > Memia: "Do të bëjmë të pamundurën që në këto ditë që
    > na kanë ngelur të bëjnë që çdo qytetar i vendit të
    > gjejë veten në lista dhe të ketë të drejtën e votës.
    > Po punojmë në çdo zonë për të shmangur problemet që
    > janë vënë re gjatë punës së komisionit."
    >
    > Problemet e shumta në listat e zgjedhësve që janë
    > konstatuar nga Komisioni i Posaçëm Parlamentar për
    > këtë çështje, kanë detyruar deputetët që të shtyjnë
    > punimet e komisionit deri me 30 maj. 44 grupet
    > hetimore të këtij komisioni kanë evidentuar një sërë
    > problemesh me listat e votuesve të 3 korrikut.
    > Deputeti Shaban Memia tha dje në Kuvend se nga 5 deri
    > në 10 për qind e zgjedhësve në rang kombëtar nuk
    > figurojnë në lista ose janë të shpërndarë në mënyrë jo
    > të drejtë.
    > Komisioni me bashkëkryetarë, Jemin Gjanën dhe Elmaz
    > Sherifin, i ka dërguar një shkresë ministrit të
    > Pushtetit Vendor dhe Decentralizimit, Ben Blushit, për
    > të ofruar bashkëpunim në zgjidhjen e kësaj situate. Në
    > seancën e djeshme plenare pati diskutime në lidhje me
    > shtyrjen e punimeve të komisionit të posaçëm për
    > Procesin Zhgjedhor.
    > Fillimisht kërkesa e bërë nga deputeti i Partisë
    > Demokratike për shtyrjen e afatit kohor të Komisionit
    > të Posaçëm, nuk është pranuar nga deputetët
    > socialistë, duke thënë se nuk kishte afat, pasi
    > Kuvendi mbyll punimet ditën e sotme. Ndërkohë që pas
    > mbarimit të seancës është zhvilluar një takim mes të
    > dyja palëve, asaj të opozitës dhe pozitës, dhe është
    > rënë dakord që Komisioni të vazhdonte punimet deri me
    > datë 30 maj.
    > "Do të bëjmë të pamundurën që në këto ditë që na kanë
    > ngelur të bëjnë që çdo qytetar i vendit të gjejë veten
    > në lista dhe të ketë të drejtën e votës. Po punojmë në
    > çdo zonë për të shmangur problemet që janë vënë re
    > gjatë punës së komisionit," tha deputeti Shaban Memia.
    >
    > Deputeti Memia tha gjatë seancës parlamentare se janë
    > vënë re probleme edhe në gjendjet civile, burokracia e
    > të cilave, vështirëson punën për regjistrimin e
    > qytetarëve. "Probleme të shumta ka në zyrat e gjendjes
    > civile, ku një qytetari i duhet të presë me orë të
    > tëra të marrë një çertifikatë." tha Memia, duke shtuar
    > se komisionit i duhet patjetër të vazhdojë punën deri
    > në fund të majit.
    > Kryetari i Kuvendit, Servet Pëllumbi tha se shtyrja e
    > Komisionit të Posaçëm duhet të bëhet me ligj dhe se
    > tani për këtë ndryshim është vonë duke llogaritur se
    > Kuvendi është në mbylljen e tij. Por pas një takimi
    > dypalësh është rënë dakord për një shtyrje 10 ditore
    > të punës së Komisionit të Posaçëm.
    >
    >
    > OSBE e kishte konsideruar projekt-ligjin si nxitës të
    > monopolit dhe favorizues të një subjekti
    >
    > Kuvendi nuk kalon projekt-ligjin për dixhitalin
    >
    > Kuvendi nuk ka kaluar dje projekt-ligjin për
    > transmetimet dixhitale, duke e lënë që diskutimi i tij
    > të bëhet në legjislaturën e ardhme që do të formësohet
    > nga zgjedhjet e 3 korrikut. Megjithëse gjatë votimit
    > ka pasur momente paqartësie, kryetari i Kuvendit
    > Servet Pëllumbi tha se drafti nuk plotësoi votat e
    > nevojshme për t'u shndërruar në ligj.
    > Pas seancës ka pasur debate të ashpra nëse
    > projekt-ligji kishte plotësuar numrin e nevojshëm të
    > votave për të kaluar. Disa deputetë thanë se ligji
    > ishte votuar me shumicë të thjeshtë të votave, dhe
    > anullimi nga ana e Pëllumbit nuk ishte i ligjshëm.
    > Deputetë të Partisë Socialiste këmbëngulën që
    > projekt-ligji ishte votuar.
    > Deputetët socialistë Musa Ulqini dhe Erion Braçe thanë
    > se ligji është votuar dhe ka kaluar. Maxhoranca
    > socialiste ka pasur një vendim unanim për të votuar
    > projekt-ligjin. Kryetari i Grupit Parlamentar të
    > Socialistëve, Gramoz Ruçi u ka tërhequr vëmendjen tre
    > ministrave të kabinetit qeveritar që votuan kundër
    > vendimit të grupit parlamentar.
    > Kryetari i Kuvendit, Servet Pëllumbi hodhi poshtë
    > pretendimet e deputetëve socialistë duke thënë se
    > projekt-ligji nuk ka plotësuar numrin e nevojshëm të
    > votave, kështu që i bie që ai të trajtohet në Kuvend,
    > legjislaturën e ardhshme. Pëllumbi tha se ky
    > projekt-ligj, nuk respektonte standardet ndërkombëtare
    > dhe se ai kur të miratohet, duhet të bëhet në
    > përputhje me legjislacionin e Bashkimit Europian.
    > Organizata për Siguri dhe Bashkëpunim Europian e ka
    > konsideruar këtë projekt-ligj si të papërshtatshëm dhe
    > nxitës të monopolit në tregun e transmetimeve
    > dixhitale. "Shqetësimi kryesor, të cilin e kemi
    > shprehur edhe në komentet për projektligjin, të
    > përgatitura së bashku me organizata të tjera
    > ndërkombëtare, është se, nëse projektligji i ndryshuar
    > miratohet ashtu siç është, ai do të përbënte "de
    > facto" një monopol për një transmetues. Kuvendi është
    > informuar më së miri për këtë shqetësim tonin, përmes
    > komenteve tona," është shprehur shefi i prezencës së
    > OSBE-së në Tiranë, Pavel Vaçek.
    > Vaçek ka zhvilluar para pak kohësh një takim me
    > Kryetarin e Kuvendit, Servet Pëllumbi, të cilit i ka
    > bërë të qartë qëndrimin e OSBE-së kundër këtij
    > projekt-ligji, i cili do të favorizonte vetëm një
    > aktor në treg. "Ekspertiza e organizatave
    > ndërkombëtare u reflektua fillimisht në projektligjin
    > fillestar të dhjetorit 2004. Komentet për
    > projektligjin e ndryshuar, të cilat ne ia paraqitëm
    > Kuvendit më 13 maj, vetëm reagonin ndaj projektligjit
    > të ndryshuar në prill, i cili kishte ndryshuar pikat
    > kryesore të projektligjit të ekspertëve," tha Vaçek.
    > Pavël Vaçek ka konstatuar se projekt-ligji i
    > pregatitur edhe me sugjerimet e ekspertëve të OSBE-së
    > është ndryshuar papritur dhe nuk dihet se pse është
    > bërë ndryshimi. "Unë, gjithashtu, theksoj se ne nuk
    > kemi synuar kurrë të shkaktojmë vonesa në procesin
    > legjislativ, i cili është ende në kohë për t'u
    > përfunduar. Ne përgatitëm një projektligj të mirë
    > ekspertësh, brenda dy javëve, që në dhjetor 2004. Ne e
    > bëmë këtë gjë me kërkesë të Komisionit të Mjeteve të
    > Informimit Publik dhe të KKRT-së, megjithatë drafti i
    > ekspertëve u ndryshua papritur vetëm në fund të
    > prillit. I takon publikut shqiptar të nxjerrë
    > përfundimin se pse ndodhi kjo," tha Vaçek.
    >
    >
    > Lesi: Nano ka frikë nga imuniteti im
    >
    > Kryetari i Partisë Demokristiane, Nikoll Lesi deklaroi
    > për mediat ditën e djeshme, se çështja e heqjes së
    > imunitetit të tij nuk u diskutua në Kuvend, sepse
    > kryeministri Nano u trembet fakteve dhe votimit. Sipas
    > Lesit, mos futja për votim e imunitetit të tij u
    > njoftua ditën e djeshme nga drejtuesit e Kuvendit. "Ky
    > lloj komunikimi i Byrosë Parlamentare nepërmjet
    > drejtuesve të parlamentit tregon se zoti Nano ose më
    > saktë familja mbretërore socialiste Nano ka frikë nga
    > të vërtetat që unë do të pohoja dhe do të nxirrja në
    > seancën e debatit për këtë çështje, ka frikë nga
    > votimi qe nuk do jetë si heren e pare, ku ai humbi me
    > 70 vota, ndersa këtë radhe ai do të humbte me 100
    > vota," tha Nikoll Lesi. Deputeti, Lesi deklaroi se
    > Prokuroria e Përgjithshme e ka fshehur një pjesë të
    > dosjes, ku paraqiten prova komprometuese për
    > kryeministrin Nano. "Insistoj se në dosjen në
    > Prokurorinë e Përgjithshme ka materiale dhe kaseta që
    > Fatos Nanos, sipas rregullores së parlamentit, duhet
    > t'i hiqet imuniteti dhe të kërkohët arrestimi i tij.
    > Eshtë dosja e plotë, dosje qe une do t'i kërkoja
    > Prokurorit te Përgjithshëm te vinte me të në seancë
    > plenare" tha Nikoll Lesi. Në lidhje me gjëndjen e tij,
    > Lesi sqaroi se sipas kushtetutës, imuniteti i tij
    > quhet, imunitet i ngrirë, pra dhe me imunitet, dhe pa
    > imunitet.
    >
    >
    > Përkujtohen nëntë ushtarakët amerikanë që humbën jetën
    > nga rrëzimi i avionit
    >
    > Zyra e Bashkëpunimit Ushtarak e Shteteve të Bashkuara
    > dhe Ministria e Mbrojtjes e Shqipërisë përkujtuan
    > ditën e djeshme nëntë ushtarakët amerikanë që humbën
    > jetën në 31 mars në Shqipëri, si pasojë e rrëzimit të
    > avionit ushtarak.
    > Në ceremoninë përkujtimore merrin pjesë presidenti
    > Alfred Moisiu, Ministri i Mbrojtjes Pandeli Majko,
    > Ambasadorja e SHBA-së Marsi Ris dhe Komandanti i
    > Komandës së Operacioneve Speciale për Europën, Major
    > Gjeneral Csrnko dhe shumë pjesëtarë të skuadronit të
    > humbur C-130.
    > Departamenti i Mbrojtjes i ShBA-së dhe Ambasada e
    > këtij vendi u shprehën mirënjohëse ndaj Ushtrisë
    > shqiptare dhe autoriteteve civile për mbështetjen e
    > madhe që dhanë në këtë tragjedi të ndodhur në
    > territorin shqiptar.
    > Nëntë ushtarakët amerikanë që humbën jetën, kishin një
    > mision trajnimi të përbashkët me Ushtrinë shqiptare.
    > Avioni i tyre C-130 gjatë kryerjes së misionit natën u
    > përplas në një zonë të largët malore, rreth 50
    > kilometra në jug lindje të Tiranës.
    > Ushtria e e Shteteve të Bashkuara ka një marrëdhënie
    > shumë të mirë bashkëpunimi me Shqipërinë në trajnimin
    > dhe pajisjen e forcave të armatosura për anëtarësimin
    > final të saj në NATO dhe në operacionet që zhvillohen
    > në të gjithë botën.
    >
    >
    > Nano në Hungari: Bisedime për regjimin e vizave
    >
    > Kryeministri Fatos Nano ka patur dje në Budapest një
    > takim me presidentin hungarez, Ferenc Madl. Ky i
    > fundit i tha Nanos se vendi i tij është i gatshëm të
    > japë eksperiencën dhe mbështetjen e plotë për
    > integrimin e Shqipërisë në Europë. "Presidenti
    > hungarez ritheksoi se Hungaria do të japë mbështetjen
    > e plotë në rrugën e integrimit dhe është e gatshme të
    > japë eksperiencën e saj në këtë drejtim. Në këtë
    > funksion, dy autoritetet vlerësuan se nënshkrimi i
    > Memorandumit në fushën e integrimit është një bazë e
    > mirë për ofrimin e asistencës dhe shkëmbimin e
    > përvojave", thuhet në njoftimin për shtyp të
    > kryeministrit Nano. Presidenti Madl tha se vizita e
    > Nanos në Budapest do të ndikojë për mirë në
    > marrëdhëniet mes dy vendeve si dhe për nxitjen e
    > bashkëpunimit në shumë fusha. "Bashkëbiseduesit
    > theksuan se ka ardhur koha e intensifikimit të
    > marrëdhënieve në fushën ekonomike dhe shkëmbimeve
    > tregtare. Presidenti hungarez tha se sipërmarrësit
    > hungarezë kanë tashmë vlerësim pozitiv për Shqipërinë
    > dhe interes për të marrë pjesë në proceset e
    > privatizimit dhe investimit në Shqipëri. Po ashtu ata
    > vlerësuan se Dhomat e Tregtisë së të dy vendeve duhet
    > nxitur për të institucionalizuar marrëdhëniet e
    > bashkëpunimit", vijon më tej njoftimi i kryeministrit.
    > Në fund Nano i ka kërkuar presidentit hungarez që të
    > lehtësohet regjimi i vizave mes dy vendeve për
    > kategori të ndryshme.
    >
    >
    > KQZ, regjistrohen 38 parti për garën elektorale të 3
    > korrikut
    >
    > Komisioni Qendror i Zgjedhjeve (KQZ) ka bërë të ditur
    > dje se për zgjedhjet e tre korrikut janë regjistruar
    > edhe 13 parti të tjera si dhe janë akredituar 34
    > vëzhgues të ODIHR-it, të cilët do të ndjekin nga afër
    > këtë proces. Mes partive të regjistruara gjatë ditës
    > së djeshme janë Partia Demokratike, Partia Republikane
    > por edhe ajo Komuniste. Kur kanë ngelur edhe pesë ditë
    > nga mbyllja e afatit përfundimtar të regjistrimit të
    > partive politike ose koalicioneve, deri tani janë
    > regjistruar 38 parti, ndërkohë që numri i tyre pritet
    > të rritet ditët e ardhshme. Gjithashtu dje janë
    > akredituar pranë Komisionit Qendror të Zgjedhjeve edhe
    > 34 vëzhgues, të cilët do të monitorojnë nga afër
    > fushatën elektorale, ditën e zgjedhjeve si dhe
    > procesin e nxjerrjes së rezultateve. ODIHR ka kërkuar
    > gjithashtu që të gjitha shtetet pjesëmarrëse në OSBE
    > të dërgojnë 400 vëzhgues afatshkurtër, të cilët do të
    > shpërndahen në të gjithë Shqipërinë. Ata do të jenë të
    > ndarë në skuadra me nga dy persona dhe do të
    > monitorojnë hapjen e qendrave te votimit, votimin,
    > numërimin e votave dhe pasqyrimin e rezultateve ne te
    > gjitha nivelet. 15 shtetet pjesëmarrëse në OSBE janë
    > prezente me përfaqësues në Mision.
    >
    >
    > Meta në Dibër: Qëllimi kryesor, rritja e punësimit
    >
    > Kryetari i Lëvizjes Socialiste për Integrim, Ilir
    > Meta, ka bërë prezantimin e kandidatëve të LSI për
    > Peshkopinë, gjatë një mitingu që zhvilloi me
    > simpatizantë të LSI-së në Peshkopi. Sipas Metës, Dibra
    > ka katër vjet që është e braktisur dhe e harruar dhe
    > për këtë arsye duhet të bashkohet me Lëvizjen
    > Socialiste për Integrim. "LSI premton punë dhe
    > investime, angazhohet për ndërtimin e veprave
    > konkrete, që do të zhvillojë bujqësinë dhe industrinë
    > agropërpunuese në këto zona dhe politika jonë e
    > taksave ka si qëllim kryesor rritjen e punësimit, si
    > elementi kryesor për të luftuar varfërinë," theksoi
    > Ilir Meta. Kryetari i Lëvizjes Socialiste për Integrim
    > shprehu përkrahjen dhe vlerësoi dy kandidatët për
    > deputetë të LSI-së në Dibër, ekonomistin Besnik
    > Nuredini dhe specialistin e bujqësisë Bajram Krashi.
    > Ilir Meta u shpreh se pas zgjedhjeve parlamentare të 3
    > korrikut, do të marrë iniciativën për organizimin e
    > një konference donatorësh për Veriun, në Dibër.
    >
    >
    > Bezhani: Votoni për LSI, si zgjidhje të problemeve
    > tuaja
    >
    > Kandidati i Lëvizjes Socialiste për Integrim në zonën
    > 37, Viron Bezhani pati një takim me përkrahësit e
    > LSI-së në këtë zonë. Në zonën 37, ku bën pjesë Kodra e
    > Priftit, Fizika Bërthamore dhe Kinostudioja, Bezhani
    > shprehu alternativën e tij për zgjidhen e problemeve
    > të mprehta të zonës. "Duhet të ketë më shumë mirëqenie
    > e shërbime publike për banorët e zonës, si dhe një
    > vëmendje më e madhe ndaj shtresave në nevojë,
    > veçanërisht ndaj pensionistëve," tha Bezhani.
    > Kandidati për deputet, njëkohësisht edhe anëtar i
    > Komitetit Drejtues Kombëtar, Viron Bezhani, deklaroi
    > se do të bëjë një luftë të pakompromis ndaj
    > monopoleve, abuzimeve dhe shkelësve të ligjit.
    >
    >
    > Intervistë e Nënkryetarit të Partisë Demokratike
    > prof.dr.Bamir Topi
    >
    > Koalicioni i opozitës ka rritur shanset për shumicë
    > absolute
    >
    > Partia Demokratike në Shqipëri, duket se është shumë e
    > sigurt për fitore në zgjedhjet e 3 korrikut.
    > Nënkryetari i Partisë Demokratike Bamir Topi shpjegon
    > se cilat janë arsyet e ardhjes së PD-së në pushtet,
    > pas 8 vjetësh opozitë. Sipas tij, Partia Demokratike
    > do të qeverisë në koalicion dhe se kjo fitore nuk do
    > të vijë në sajë të përçarjeve të së majtës.
    >
    > Jemi në ditët e para të fushatës elektorale për
    > zgjedhjet parlamentare të 3 korrikut. Opozita duket
    > shumë optimiste për fitore. Cilat janë arsyet që ju
    > mendoni se do ta çojnë PD-në drejt pushtetit?
    > Së pari, Partia Demokratike ka qenë ajo që gjatë
    > opozitës më të vështirë që mund të ketë pasur një
    > parti politike, ka ditur të mbrojë vlerat më të
    > qenësishme të shoqërisë shqiptare, ndërkohë, kur
    > pushteti socialist vuajti gjatë këtyre viteve nga një
    > sëmundje mjaft e rëndë, sëmundje që erdhi gjithmonë
    > duke u rënduar. Kjo sëmundje ishte korrupsioni, që e
    > bëri shtetin të paqenë, që bëri që një pjesë e vogël e
    > zyrtarëve të dalë dhe nga platforma e ideologjisë së
    > majtë e të përfundojë një grup i vogël njerëzish në
    > formën e klanit, që në një mënyrë ose një tjetër e
    > zhvatën pasurinë kombëtare dhe krijuan një polaritet
    > të jashtëzakonshëm ekonomik, një pjesë shumë e vogël
    > njerëzish shumë të pasur dhe nga ana tjetër, një
    > shoqëri e gjerë, e cila vuan nga papunësia, vuan
    > standardet më të ulëta ekonomike dhe shoqërore.
    > Nga kjo pikëpamje, Partia Demokratike është forcë e
    > shpresës, e cila, nga ana e saj, ka projektuar një të
    > ardhme me një platformë shumë të qartë politike, për
    > të rikthyer besimin tek shteti, tek institucionet dhe
    > për t'u kthyer besimin qytetarëve tek gjithçka që
    > është brenda standardeve perëndimore.
    >
    > Çfarë ju bën juve të besoni se do të realizoni të
    > gjithë ato premtime, të cilat keni bërë?
    > Besojmë sepse ne kemi arritur të njohim fare mirë
    > diagnozën e sëmundjes që ka pllakosur tërë
    > institucionet shtetërore që drejtohen nga socialistët
    > dhe kemi gjetur terapinë më të përshtatshme të
    > mjekimit të kësaj sëmundjeje. Në radhë të parë, është
    > platforma antikorrupsion, por me orientime shumë të
    > qarta në të gjitha fushat e zhvillimit ekonomik dhe
    > shoqëror, çka do të thotë që qytetari të përfaqësohet
    > nga njerëz me integritet moral dhe profesional, që do
    > të bëjnë të mundur realisht, daljen nga kjo gjendje
    > katastrofike që sot pllakos në të gjitha
    > institucionet.
    >
    > Zoti Topi, opozita dhe pozita janë gjëra të ndryshme.
    > Mendoni se jeni gati për të bërë qeverisjen e re?
    > Ekziston një klimë jashtëzakonisht optimiste, sepse,
    > nga njëra anë, kemi një tregues të lartë të
    > pakënaqësisë popullore për qeverisjen aktuale. Nga ana
    > tjetër, ekziston edhe shpresa për rikthim të Partisë
    > Demokratike, e cila ka ditur që, jo vetëm të bëjë
    > opozitaren, por vitin e fundit, ajo ka hedhur me shumë
    > profesionalizëm, mjaft skema të platformës mbi bazën e
    > së cilës mund të realizojë qeverisjen e ardhshme.
    > Besoj që jemi pikërisht në fillim të fushatës zyrtare
    > elektorale dhe Partia Demokratike po përmbyll listën e
    > ekipit elektoral, i cili do të rezultojë, padyshim,
    > fitues i zgjedhjeve të 3 korrikut. Ka qenë një proces
    > i gjatë i kualifikimit të kandidaturave dhe besoj që
    > po zgjidhen kandidaturat më përfaqësuese dhe pas kësaj
    > gare brenda strukturave të Partisë Demokratike, besoj
    > se të gjithë janë të ndërgjegjshëm se do të mbështetet
    > ai kandidat, i cili do të jetë kandidati zyrtar i
    > Partisë Demokratike.
    >
    > E ndieni veten të favorizuar nga përplasja që mund të
    > ketë Partia Socialiste me LSI-në?
    > Unë asnjëherë nuk kam qenë dipendent i konjukturave
    > politike në kampin kundërshtar. Unë, së pari, besoj në
    > forcën e linjës së djathtë, që është konfiguruar mjaft
    > qartë në forcat e mia dhe njerëzit që do të
    > bashkëpunojnë me mua. Se ç'ndodh në kampin tjetër,
    > është një çështje që u takon vetëm atyre.
    >
    > Sa do i shërbejnë fitores marrëveshjet e fundit që
    > keni nënshkruar mes aleatësh?
    > Çdo marrëveshje e këtij karakteri politik, me aleatët,
    > të cilët janë projektuar në të djathtë është sa
    > funksional, sa real, por edhe psikologjik.
    > Kështu që unë mendoj se do t'i shërbejë asaj fryme që
    > projektohet në elektorat, i cili, në mazhorancë me
    > Partinë Demokratike, realisht ka edhe grupime
    > shoqërore që përkrahin partitë e vogla, që janë në
    > krahun e djathtë. Kështu që synimi ynë është të bëjmë
    > që i gjithë fluksi elektoral i djathtë, të shkojë
    > pikërisht tek ky koalicion, për të siguruar
    > mazhorancën absolute në parlament.
    >
    > A do të bëni marrëveshje me LZHK-në?
    > Natyrisht jemi në fazën e opinioneve që më shumë
    > dëgjohen në ambiente joinstitucionale. Gjithsesi
    > mendoj që rryma të caktuara brenda LZHK-së kanë
    > treguar interesa të drejtpërdrejta të funksionimit në
    > një koalicion të vetëm, por nuk ka asgjë të dukshme,
    > zyrtare. Por, kanë mbetur gjithmonë në fazën e
    > fjalëve.
    >
    > Situata parazgjedhore nuk duket shumë e qetë dhe
    > konsensuale. Besoni se këto zgjedhje do të jenë të
    > lira dhe demokratike?
    > Unë mendoj që Partia Socialiste, gjatë gjithë këtyre
    > kohëve, ka demonstruar një vullnet politik negativ për
    > të realizuar zgjedhje sipas standardeve, por klima e
    > përgjithshme politike, klima e përgjithshme shoqërore,
    > presioni mjaft i madh institucional i institucioneve
    > ndërkombëtare, do ta vendosë Partinë Socialiste para
    > pozicionit, detyrim me përcaktim për të zhvilluar
    > zgjedhje brenda standardit. Edhe opozita, nga ana e
    > saj, partitë e opozitës dhe e tërë struktura e Partisë
    > Demokratike, janë praktikisht në funksion për të
    > riparuar listat dhe për t'i ndërtuar në një
    > infrastukturë zgjedhore, të aftë për t'i fituar
    > zgjedhjet dhe për t'i mbrojtur ato.
    >
    > Si do të veprojë opozita, nëse diçka nuk shkon mirë?
    > Ne natyrisht që do të jemi nën monitorimin e
    > institucioneve ndërkombëtare. Vëzhguesit e tyre kanë
    > dhënë për më shumë se një herë ultimatum për Partinë
    > Socialiste. Çka do të thotë se, nëse ato nuk i
    > nënshtrohen verdiktit popullor, do t'i nështrohen
    > dënimit të institucioneve ndërkombëtare. Dhe ju e dini
    > se ç'do të thotë të biesh nën dënimin e institucioneve
    > ndërkombëtare.
    >
    > Çfarë do të thotë?...
    > Do të thotë të dënohesh mjaft rëndë për fajin e bërë.
    >
    > Nëse opozita humbet për shkak të parregullsive, cilat
    > do të jenë hapat që ajo do të bëjë. Ndoshta, ndryshe
    > nga ajo çfarë ka bërë herët e tjera?
    > Po më bëni një pyetje që nuk ka shans të marrë një
    > përgjigje reale. E them këtë, sepse ne kemi bërë të
    > gjithë punën paraprake që opozita të fitojë zgjedhjet
    > dhe me një rezultat të kënaqshëm për të realizuar
    > qeverisjen. Kështu që, nga kjo pikëpamje, preferoj të
    > mos merrem me këtë aspekt të pyetjes tuaj, sepse nuk
    > ka shans të shkojmë deri aty.
    >
    >
    > Ilir Meta dhe Monika Kryemadhi mungojnë në listat e
    > votimit
    >
    > Problemet me listat e zgjedhësve vazhdojnë të ngelen
    > problem i pazgjidhur në mënyrë përfundimtare. Kryetari
    > i Lëvizjes Socialiste për Integrim dhe bashkëshortja e
    > tij, deputetja Monika Kryemadhi, mungojnë në listat e
    > votuesve. Pas verifikimeve të bëra në listat e zonës
    > nr.39, ka rezultuar se Meta dhe zonja Kryemadhi nuk
    > janë të regjistruar. Burime të gazetës thanë se emrat
    > e dy deputetëve nuk figurojnë në lista. Kryetari i LSI
    > Meta, dhe Monika Kryemadhi, banojnë në Laprakë dhe u
    > takon të votojnë në zonën nr.39 të kryeqytetit.
    > Mungesa e emrave në listat zgjedhore e dy deputetëve
    > dhe protagonistëve politikë, tregon për problematikën
    > ende të pazgjidhur të listave. Edhe Komisioni i
    > Posaçëm Parlamentar për Listat, ka vërejtur se ka
    > shumë probleme me listat, dhe veçanërisht në Tiranë.
    > Fenomeni "Lista", u aplikua nga Partia Socialiste në
    > zgjedhjet e 2003-shit, ku shumë persona u zhdukën nga
    > listat dhe emrat e shumë të tjerëve u transferuan në
    > zona të ndryshme.
    >
    >
    > OSBE përshëndet vendimin për të mos miratuar ligjin
    > për transmetimet digjitale
    >
    > Prezenca e OSBE, delegacioni i Komisionit Europian dhe
    > Zyra e Këshillit të Europës në Shqipëri kanë
    > mirëpritur vendimin e Kuvendit të Shqipërisë për të
    > mos miratuar projektligjin për transmetimet dixhitale
    > në Shqipëri.
    > Projektligji ishte problematik, pasi nuk ishte arritur
    > që të implementoheshin në ligj disa rekomandime
    > specifike të bëra më parë nga OSBE dhe Këshilli i
    > Europës. Komisioni Europian ka nënvizuar gjithashtu se
    > ligji nuk ishte konform me shumë standarde të
    > legjislacionit të Bashkimit Europian në këtë sektor.
    > Kuvendi ishte njoftuar për këto probleme përmes
    > përfaqësuesit të OSBE për Lirinë e Medias, Prezenca e
    > OSBE dhe nga Delegacioni i Komisionit Europian.
    > Prezenca e OSBE, delegacioni Komisionit Europian dhe
    > Zyra e Këshillit të Europës shpresojnë se legjislativi
    > i ardhshëm dhe të tjera institucione shqiptare që kanë
    > lidhje me këtë sektor, të marrin parasysh këto
    > probleme dhe të hartojnë një ligj që të jetë në
    > përputhje të plotë me standardet ndërkombëtare, dhe më
    > specifikisht me standardet e Bashkimit Europian.
    >
    >
    > Leskaj kundër Gjinushit: LSI nuk na rrezikon
    >
    > Sekretarja e Marrëdhënieve me Publikun në Partinë
    > Socialiste, Valentina Leskaj, u shpreh për mediat se
    > Partia Socialiste nuk ndihet e rrezikuar në fitoren e
    > saj nga Lëvizja Socialiste për Integrim.
    > Nga ana tjetër, kryetari i Partisë Social-Demokrate,
    > Skënder Gjinushi, ka deklaruar se fitorja e
    > socialistëve rrezikohet mjaft nga Lëvizja Socialiste
    > për Integrim.
    > Valentina Leskaj pati ditën e djeshme një takim më
    > Amier Mahier, përfaqësues i fraksionit Socialdemokrat
    > dhe njëkohësisht zëdhënës i socialistëve europianë në
    > Parlamentin europian.
    > Sipas Leskajt në takim u dikutuan çështjet e
    > zgjedhjeve, të funksionimit të tyre dhe të sistemit
    > elektoral.
    > Çështje të tjera që u diskutuan ishte ajo e aleancave
    > të Partisë Socialiste edhe bashkëpunimit të
    > socialistëve shqiptarë dhe atyre të Bashkimit
    > Europian.
    >
    >
    > Meta prezanton dy kandidatë në Elbasan
    >
    > Kryetari i LSI-së z.Ilir Meta zhvillon takime
    > elektorale në komunën e Gjinarit dhe në zonën nr.52 të
    > Elbasanit. Meta prezantoi kandidatin për deputet të
    > LSI, pedagogun Ismail Stafa.
    > Meta u angazhua për rikonstruksionin e plotë të
    > rrugës, Elbasan-Gjinar, në parametrat e një rruge
    > turistike, e cila do t'i japë zhvillim të
    > jashtëzakonshëm kësaj zone. Kryetari i LSI shprehu
    > angazhimin e kësaj partie për nxitjen e prodhimit
    > bujqësor vendas, duke i kushtuar një rendesi të
    > veçantë uljes se kostos, plotesimit të standardeve për
    > ta bere ate konkurrues në tregjet e brendshme dhe ato
    > te jashtme. Njëkohësisht Meta shprehu vendosmërinë e
    > LSI për një sistem kreditimi të veçantë për bujqësinë,
    > nëpërmjet ngritjes së një banke me profil bujqësor, si
    > dhe ngritjen e "Fondit të Garantimit të Kredive
    > Bujqesore". Pas këtij takimi, kryetari i LSI, z.Meta
    > zhvilloi një tjetër takim elektoral me banorë të zonës
    > nr.52 në Elbasan, ku kandidon kirurgu Fatos Stafa. Në
    > këto takime z.Meta shoqërohej nga kryetari i LSI për
    > Elbasanin, z.Bujar Kllogjri.
    >
    >
    > Partia Demokratike prezanton kandidatët e saj në zonat
    > 13 dhe 14 në rrethin e Lezhës
    >
    > "Vota për Zogaj dhe Bumçin, votë për imazhin e ri në
    > PD"
    >
    > Partia Demokratike prezantoi ditën e djeshme
    > kandidatët për deputetë në zonat 13 dhe 14, të rrethit
    > të Lezhës, përkatësisht Aldo Bumçin në zonën 13 dhe
    > Preç Zogajn në zonën 14. Në prezantimin e tyre mori
    > pjesë nënkryetari i Partisë Demokratike, Bamir Topi.
    > "Eshtë nder i veçantë për mua, që ndodhem për të
    > prezantuar dy figura të shquara secili në profilin e
    > tij, por të dyja së bashku të harmonizuara në një
    > linjë mjaft të konsoliduar të PDSH, linjë e shprehur
    > edhe në Kuvendin e fundit kombëtar në linjat që u
    > takojnë traditave të PD, të themelimit të saj dhe atë
    > të futjes në këte parti të njerëzve të rinj, të cilët
    > po bëjnë politikë me kolegët e tyre më me eksperiencë
    > të KOP. Paraqes përpara jush dy figura fituese të PD,
    > atë të politikanit dhe publicistit të njohur,
    > parlamentarit elokuent Preç Zogaj dhe intelektualin e
    > shquar njeriun, i cili ka një traditë familjare tepër
    > të vlerësuar, që së bashku me kolegët e tjerë të KOP i
    > kanë dhënë një dimension të ri fizionomisë së PD, Aldo
    > Bumçi," tha Topi. "PDSH vjen përpara shqiptarëve në
    > këto zgjedhje me një imazh të ri, vizion të ri të
    > përtërirë dhe natyrisht e përgatitur më shumë se
    > kurrë, për të arritur fitoren historike, pavarësisht
    > përpjekjeve të kundërshtarëve politikë që sipas tyre
    > ne si forcë politike nuk kemi gjeografi politike
    > mbështetëse në të gjithë vendin, e vërteta është krejt
    > ndryshe. Këtë e dëshmon më së miri rezultati që PD
    > mori në zgjedhjet lokale të vitit 2003. Çfarë treguan
    > se ne e kemi gjeografinë e fitores në të gjithë
    > Shqipërinë nga Saranda në Tropojë nga Shkodra deri në
    > Korçë, nga Kurbini në Dibër, nga Lezha në Kavajë, në
    > të gjithë Shqipërinë," vijoi më tej Topi. Ai tha se
    > socialistët kanë nisur një fushatë për të mbrojtur
    > monopolet e tyre. "Qeveria e Fatos Nanos ka bërë atë
    > që të tingëllojë si paradoksi më i madh në historinë e
    > politikës së të gjitha vendeve demokratike. Në vend që
    > programi dhe alternativa e tyre të kishte karakter
    > social, përkundrazi ato me çdo formë janë futur në
    > garë për të mbrojtur monopolet e tyre. Ato janë edhe
    > arkitektët e organizimit të klaneve më kriminale në
    > vendet me demokraci të dobëta. Fatos Nano s'është gjë
    > tjetër veçse arkitekt i krimit, monopoleve që po
    > varfërojnë shqiptarët çdo ditë," tha Topi. "Jam i
    > sigurt që Preç Zogaj dhe Aldo Bumçi do të jenë pjesë e
    > fitores së PD-së dhe forcave të tjera opozitare rreth
    > saj. Përfaqësuesit e PDSH në Lezhë dhe gjithë
    > Shqipërisë janë njerëz me integritet moral e
    > përgatitje profesionale, njerëz me reputacion në
    > publik, njerëz që nuk kanë konflikte, dhe mbi të
    > gjitha njerëz me mbështetje të gjerë popullore, nga
    > Jugu në Veri të Shqipërisë," theksoi më tej
    > nënkryetari i PD-së. Gjithashtu në këtë takim kanë
    > përshëndetur edhe kryetarët e PD të zonave elektorale
    > 13 e 14 përkatësisht Mëhill Ndreu e Pashk Biba, si dhe
    > ish-kryetari i Bashkisë Lezhë, Niazi Reçi.
    >
    > Bumçi: Do jem një zë i fuqishëm në parlament për këtë
    > zonë
    >
    > Kandidati i Partisë Demokratike për zonën nr.13, Aldo
    > Bumci tha dje se ai ndihet mjaft i mirëpritur në
    > strukturat e kësaj partie. "Dua të bëj një falenderim
    > të veçantë për të gjithë strukturat e PD në të gjitha
    > nivelet. Si përfaqësues i KOP në emër të të gjithë
    > kolegëve të mi, dua t'ju them juve se ndihemi dhe jemi
    > pritur shumë mirë në PD. Pasi jeni ju ato që
    > përfaqësoni dhe keni mbajtur këtë parti gjatë këtyre
    > viteve në opozitë," tha Bumçi. Ai deklaroi se do të
    > jetë një zë i fuqishëm në parlament, dhe një
    > përfaqësues i njërës prej zonave më me traditë në
    > Shqipëri. Ai shprehu mirënjohje për të gjithë burimet
    > njerëzore të asaj zone. "Mirënjohje për kapacitetet
    > dhe burimet njerëzore të kësaj zone dhe së bashku do
    > të marrim përsipër dhe do të realizojmë ndryshimin e
    > saj, pasi në 8 vitet e qeverisjes socialiste është
    > lënë në harresë. Do të jem një zë i fuqishëm
    > përfaqësues i kësaj zone në Parlament. Puna ime do të
    > fillojë më 4 korrik," tha kandidati demokrat.
    >
    > Zogaj: Është momenti që të zgjohemi që të gjithë
    >
    > Duke folur para të pranishmëve, kandidati i PD në
    > zonën 14, Preç Zogaj tha se do veçonte tre momente të
    > angazhimit politik. "Në aktivitetin tim politik gjatë
    > këtyre viteve të pluralizmit do të veçoja tre momente:
    > Dhjetorin e vitit 1990, ku së bashku me një grup
    > intelektualësh do të veçoja të pavdekshmin Azem
    > Hajdari, themeluam PDSH. Marrëveshjen historike të 9
    > marsit, ku së bashku me një grup politikanësh të
    > përgjegjshëm dhe Presidentin e asaj kohe Prof.Dr. Sali
    > Berisha, evituam ndarjen e Shqipërisë," tha Zogaj.
    > "Lezha përfaqëson shembullin kombëtar të urtësisë dhe
    > tolerancës. Socialistët në pushtet gjatë këtyre viteve
    > kanë helmuar shpresën. Është momenti t'u themi
    > ëndrrave të gjithsecilit prej nesh, zgjohuni. Zgjohu
    > ëndërr e të rinjve dhe të rejave, të përndjekurve
    > politikë, fermerëve, biznesmenëve, veteranëve, e të
    > papunëve e të gjithë atyre që duan dhe presin
    > ndryshimin. Koha për ndryshim ka ardhur të gjithë së
    > bashku më 3 korrik duhet të jemi pjesë e këtij
    > ndryshimi," tha Zogaj.
    >
    >
    > PD prezanton Hoxhën dhe Xhomarën në rrethin e Burrelit
    >
    > Ditën e djeshme, Partia Demokratike ka prezantuar dy
    > kandidatët e saj në rrethin e Burrelit, Gani Hoxhën
    > dhe Idriz Xhomarën. Në prezantimin e tyre mori pjesë
    > nënkryetarja e PD, Jozefina Topalli. "Treva juaj
    > tashmë i ka promovuar dy deputetët e saj, Gani Hoxha
    > dhe Idriz Xhomara," tha Topalli. Kandidati i zonës 19,
    > Idriz Xhomara e ka konsideruar obligim kandidimin.
    > "Mandati im për deputet, i cili është ndërprerë në mes
    > nga revolucioni socialkomunist i vitit '97, më obligon
    > maksimalisht për të vënë mundësitë dhe energjitë në
    > shërbim të komunitetit," tha ai. Edhe deputeti Gani
    > Hoxha, njëkohësisht kryetar i PD dega Mat, duke
    > përshëndetur tha se "ne ballafaqohemi me një realitet
    > shumë të rënduar social-ekonomik, psikologjik, humbje
    > të shpresës dhe braktisje totale të qytetarëve nga
    > shteti i tyre. Papunësia masive në kufijtë e 30-40%,
    > korrupsioni galopant, krimi i organizuar, nëpërkëmbja
    > e dinjitetit, dhunimi i lirisë së zgjedhjeve dhe
    > grabitja e pronës, janë tiparet dhe bëmat e tyre.
    >
    >
    > Burrel, KESH ndërpret dritat në takimin e PD
    >
    > Drejtuesit e filalit të KESH-it në qytetin e Burrelit
    > kanë ndërprerë energjinë elektrike pak para fillimit
    > të prezantimit të këtyre kandidaturave. Për këtë ka
    > reaguar publikisht Dega e PD Mat, e cila në një
    > protestë të sajën drejtuar organeve të larta
    > shtetërore shkruan se drejtori i agjensisë së
    > elektrikut Mat, me disa vartës të tij, më datën 18 maj
    > 2005 në orën 12:50, ka ndërprerë me qëllim energjinë
    > elektrike në Pallatin e Kulturës Burrel, ndërkohë që
    > në orën 13:00, pra vetëm 10 minuta më pas do të
    > fillonte prezantimi i kandidatëve për deputet të PD.
    > "Dega e Partisë Demokratike Mat proteston ashpër, duke
    > e quajtur këtë akt dhune dhe presion të shtetit ndaj
    > zhvillimit të zgjedhjeve të lira e të ndershme në
    > Shqipëri. Po ashtu ky akt është një shkelje e hapur e
    > Kodit Zgjedhor," thuhet në një deklaratë të kësaj
    > dege.
    >
    >
    > PORTRETI
    >
    > Flet Lulzim Basha, kandidati për deputet i Partisë
    > Demokratike në zonën nr. 33 në kryeqytet
    >
    > KOP-i rriti standartet e garës brenda PD-së
    >
    > Zona 33 që njihet edhe si zona e '21 dhjetorit', është
    > zona ku Lulzim Basha kandidon përballë Arben Ahmetajt,
    > kandidati i PS-së, në të njëjtën kohë zv/ministër i
    > Integrimit. Ajo që e shqetëson më shumë në këtë prag
    > zgjedhjesh, është përpjekja e drejtuesve të
    > institucioneve të larta administrative ose kandidatëve
    > për deputetë të PS-së, për të blerë votën në mënyrë
    > poshtëruese, duke shlyer listat e bukës dhe duke
    > paguar faturat e zgjedhësve. Por nga kjo pikëpamje nuk
    > ndihet aspak i kërcënuar, përkundrazi merr forcë dhe
    > kurajo, në përkushtimin e tij, për t'i kthyer
    > elektoratit shqiptar dinjitetin dhe shpresën për një
    > qeverisje të nesërme më të mirë.
    > Problemet kryesore që ka konstatuar në zonën e tij
    > janë ndotja e mjedisit, legalizimi i banesave dhe
    > papunësia, një plagë që reflekton edhe në standardin e
    > përgjithshëm të jetesës në zonë.
    > Basha thotë se një ndihmë të vyer në fushatën e tij po
    > merr nga partneri "Barbour Griffith & Rogers" që është
    > një organizatë me eksperiencë fituese të paktën në
    > mandatet e fundit presidenciale në SHBA.
    > Lulzim Basha, para disa ditësh ka festuar 1-vjetorin e
    > martesës së tij me Aurelën, e cila është diplomuar për
    > shkenca politike dhe marrëdhënie ndërkombëtare në
    > universitetin e Utrehtit në Holandë.
    >
    > Arsimimi
    >
    > Lulzim Basha është Këshilltar Special për Tranzicionin
    > në Departamentin e Drejtësisë së UNMIK. Më parë ai ka
    > qenë Ndihmës Special i Drejtorit të Departamentit të
    > Drejtësisë, Koordinator Rajonal dhe Zyrtar i Çështjeve
    > Ligjore. Z.Basha ka punuar gjithashtu për ICTY dhe
    > disa projekte të asistencës akademike në fushën e
    > reformës ligjore dhe edukimit.
    > Z.Basha është diplomuar në Drejtësi në "Utrecht
    > University" në fushën e së Drejtës Europiane dhe
    > Ndërkombëtare. Ai është autor i mjaft publikimeve
    > jashtë shtetit dhe fitues çmimesh ndërkombëtare në
    > fushën e së Drejtës Ndërkombëtare Publike.
    >
    > Keni hyrë rishtazi në politikë dhe bëni pjesë në
    > kryesinë e partisë së dytë më të madhe në vend, nëse
    > marrim parasysh rezultatet e fundit të zgjedhjeve. Nuk
    > ju duket si zgjedhje shumë e shpejtë?
    > Unë bëj pjesë në kryesinë e partisë së parë më të
    > madhe në vend. Ndihem i prekur dhe i nderuar nga
    > besimi që më është dhënë nga anëtarësia e Partisë
    > Demokratike.
    > Së pari, në votimin tim në Këshillin Kombëtar si
    > forumi më i lartë i PD-së dhe, së dyti, nga votëbesimi
    > që më është dhënë për të qenë pjesë e kryesisë së
    > PD-së. Është përtej vlerësimit personal, është një
    > vlerësim që Partia Demokratike po i bën hapjes ndaj
    > brezit të ri, ndaj një brezi që është rritur me
    > sakrifica gjatë periudhës së fundit të komunizmit, i
    > cili ka sakrifikuar më tej edhe gjatë tranzicionit për
    > të marrë sa më shumë njohuri. Ky brez priret nga
    > vendosmëria që kurrë më në Shqipëri të mos sundojë
    > ligji i injorancës dhe i të fortit, por e drejta
    > europiane në mënyrë që shqiptarët më së fundi të
    > arrijnë destinacionin europian. Kjo prirje
    > perëndimore, kjo prirje moderne që ne përfaqësojmë,
    > mendoj se është edhe shkaku që na kanë votuar. PD ka
    > lindur si një parti e vlerave europaine dhe moderne
    > dhe nuk ka bërë gjë tjetër, përveçse pas tetë vjetësh,
    > përgjigjet ndaj goditjeve që i janë bërë deri në
    > përpjekje për ta asimiluar atë. Ajo është kthyer në
    > identitetin e saj europian dhe po shpalos vlerat më të
    > mira të këtij identiteti dhe votëbesimi që na është
    > dhënë ne si anëtarë të KOP-it, nuk është gjë tjetër
    > veçse është shprehje e këtij vokacioni.
    >
    > Po flitet shumë për përdorimin e fondeve publike nga
    > ana e kandidatëve për deputetë, drejtues të
    > institucioneve të larta shtetërore. A do ta bëjë kjo
    > më të vështirë kandidimin tuaj personal dhe në
    > përgjithësi?
    > "Ky fenomen shfaqet edhe në zonën time, veçanërisht me
    > kandidatin e Partisë Socialiste, i cili përfaqëson
    > zhvillimet e këtyre tetë viteve të fundit në Partinë
    > Socialiste, të fuqizimit të kapitalit nëpërmjet
    > korrupsionit dhe kapjes së shtetit, të përdorimit të
    > kapitalit për të blerë mandate. Megjithatë, kjo është
    > ajo që na ndan në përgjithësi ne të rinjve, që sapo
    > jemi futur në politikë, nga këta që pavarësisht nga
    > mosha, janë vjetëruar nga konsumi ideologjik dhe
    > mossuksesi në qeverisje, si dhe konsumimi i moralit
    > politik, pasi ne besojmë në disa vlera të shenjta, siç
    > janë dinjiteti njerëzor, nderi, e drejta për punë, e
    > drejta për një jetë më të mirë, e drejta për të votuar
    > i lirë, dhe besojmë se këto janë të drejta të
    > patjetërsueshme. Këto të drejta janë themeli i së
    > ardhmes së Shqipërisë, dhe janë të drejta që as nuk
    > mund të blihen, e as nuk mund të shiten. Nga ana
    > tjetër, këta kandidatë mendojnë se gjithçka mund të
    > shitet dhe mund të blihet, përfshi këtu dhe dinjitetin
    > njerëzor dhe të drejtën e votës dhe mendoj që në
    > përplasje mes këtyre vlerave, duhet dhe do të fitojë
    > ajo që është parimore, që shqiptarët e shohin si një
    > garanci afatgjatë për të ardhmen e tyre".
    >
    > Flitet shumë për një lloj aneksimi të militantëve nga
    > postest drejtuese në Partinë Demokratike dhe
    > zëvendësimin e tyre me anëtarë të KOP-it. Mos ndoshta
    > kishte ardhur koha? Ju në ç'këndvështrim e shihni?
    > Këto nuk janë mekanizma që lëvizen me dorë. Partia
    > reagon si një përfaqësi e një rrjedhe mendimi në
    > shoqëri dhe në rastin konkret PD, të një rrjedhe shumë
    > të madhe mendimi, sepse është një nga partitë më të
    > mëdha në vend. Kuptohet që lëvizje të ndryshme
    > pasqyrohen në mentalitetin e kësaj partie dhe pastaj
    > në mënyrën sesi ajo zgjedh. Megjithatë nuk mund të
    > bëhet fjalë për zhvlerësim të figurave mbi të cilat ka
    > rënduar pesha e kësaj opozite të stërzgjatur, për një
    > përpjepje për t'u fuqizuar, për të bashkuar gjithë
    > energjitë e të gjithë faktorëve të ndryshëm, për një
    > sfidë që është krejt e ndryshme nga sfida e 2001-it
    > dhe '97-ës, por që është vendimtare për kursin e
    > Shqipërisë përpara. Në këtë kontekst e gjithë shoqëria
    > është e mobilizuar, e gjithë opozita është e
    > mobilizuar, madje edhe pjesë e shoqërisë, të cilat nuk
    > janë me përkatësi të qarta të djathta, janë të
    > mobilizuara për këtë ndryshim të madh, sepse është
    > vendimtar. Nuk është çështje ideologjike, është
    > çështje në një farë mënyre jete apo vdekje për
    > vizionin europian të Shqipërisë. Mendoj që të gjitha
    > figurat që kanë dhënë për PD-në, janë figura
    > absolutisht të pamohueshme, do të vazhdojnë të japin
    > këtë kontribut pavarësisht nga funksionet konkrete në
    > kryesi apo jo, ata kanë staturën, eksperiencën dhe
    > autoritetin e figurave historike të PD-së dhe si të
    > tilla nuk mund të anashkalohen dhe fjala e tyre do të
    > ketë të njëjtën peshë si më parë.
    >
    > Do të ishte modesti e kotë të thoshim se ju nuk jeni
    > figura më e spikatur e anëtarëve të KOP-it, në qendër
    > të bisedave dhe sulmeve të kundërshtarëve tuaj. Besoni
    > se i keni sulmuar ashpër, a është kjo një arsye?
    > Unë mendoj që KOP-i ka ardhur si e papritur për disa
    > nga kundërshtarët tanë. Gjithçka është çështje
    > llogarie, bëhet llogaria kush humbet dhe kush fiton
    > nga çdo veprim. Ata që kanë bërë llogaritë, e kanë
    > parë se humbin nga thyerja e monopolit të risisë, ata
    > që kanë menduar se gjithmonë kanë monopolin e të resë,
    > kanë reaguar me nervozizëm. Aktorët që tregojnë
    > stabilitetin e shoqërisë, pavarësisht nga afilimi
    > politik, janë shprehur me tone pozitive për daljen e
    > KOP-it dhe mendoj se KOP-i ka emancipuar skenën
    > shoqërore shqiptare, tërë skenën politike shqiptare
    > dhe ka ndikuar një ritëm ndryshimesh pa kthim në
    > gjithë skenën politike shqiptare, jo vetëm Partinë
    > Demokratike. Nuk është se KOP-i është në vetvete
    > përmbysja e madhe, por sigurisht që është një nga
    > faktorët e këtij ndryshimi të përditshëm, që mendoj do
    > të intensifikohet javët që do të vijnë. KOP-i do të
    > përçojë në të gjithë shoqërinë, edhe gjatë kësaj
    > fushate elektorale, një frymë të re, nga ku do të
    > ngrihen faktorë të tjerë të ndërgjegjësuar për nevojën
    > e ndryshimeve shoqërore dhe do të bien faktorët të
    > cilët kanë kamufluar interesat personale me gjoja
    > përfaqësimin e disa interesave publike. Pra bëhet
    > fjalë për një përplasje interesash dhe me këto
    > përplasje interesash, unë jam krenar që i përkas një
    > strukture, e cila është ngritur për një interes të
    > përgjithshëm, publik, shoqëror. Për këtë interes,
    > ndonjëherë janë sakrifikuar edhe beneficet apo
    > mundësitë për karrierë.
    >
    > Platformat e KOP-it janë cilësuar si platforma të
    > nxituara, në mënyrë të veçantë nga kundërshtarët tuaj
    > politikë. Si do t'u kundërpërgjigjeni?
    > Ne s'merremi fare me këto komente. Janë komente të
    > dëshpëruara të një force politike e cila është zhbërë
    > në një koorporatë financiare, roli kryesor i të cilës
    > është të menaxhojë 10 monopolet kryesore që ka kapur
    > në vend dhe nëpërmjet të cilave po pasurohet ditë për
    > ditë. Ne iu themi këtyre dhe të gjithë shqiptarëve se
    > premtimet tona, pavarësisht se mund të lavdërohen në
    > mënyrë konkrete, përsa i përket çdo fushe, në bazë
    > kanë tri fusha themelore:
    > E para, zbatimi i barabartë i ligjit për çdo qytetar,
    > pavarësisht nga pozita apo nga fuqia financiare,
    > politike, shoqërore. Së dyti, lufta ndaj korrupsionit
    > në administratën tonë, tolerancë zero për korrupsionin
    > që do të thotë se fondet publike do të menaxhohen në
    > mënyrë të drejtë, në mënyrë të ndershme dhe do të
    > shkojnë aty ku duhet sipas prioriteteve që do të
    > vendosen nga mazhoranca e ardhshme kryesisht në
    > sektorët e shëndetësisë dhe të arsimit dhe së treti,
    > çlirimi i energjive krijuese të shqiptarëve nëpërmjet
    > garantimit të një konkurrence të lirë e të ndershme
    > dhe garantimit të punësimit për të gjithë. Këto janë
    > tri shtyllat mbi të cilat mbështetet platforma jonë.
    > Në të trija këto fusha kjo qeveri ka dështuar
    > mjerueshëm, jo se s'ka ditur, por se s'ka dashur të
    > përmbushë këto objektiva. E them këtë pasi përmbushja
    > e objektivave të shtetit ligjor bie në konflikt të
    > hapur me interesat e këtyre personave, sepse të
    > zbatosh ligjin, do të thotë të mos vjedhësh dot më.
    > Kjo është edhe arsyeja që kanë dështuar negociatat me
    > Bashkimin Europian për procesin e asociim-stabilizimit
    > dhe kjo është dhe arsyeja përse Komuniteti Europian e
    > shikon këtë grup si pengesë për zhvillimin e mëtejshëm
    > të Shqipërisë.
    >
    > Do ta pranonit një post në qeverinë e ardhshme, nëse
    > fiton Partia Demokratike apo do ta mbyllnit me
    > kandidimin tuaj për deputet?
    > Çdo gjë me radhë. Së pari unë mbetem i përkushtuar
    > ndaj përfundimit me sukses të punës së KOP-it për një
    > platformë dinjitoze, për të paraqitur para shqiptarëve
    > një platformë dinjitoze për qeverisjen e ardhshme,
    > kështu që mbetem i përkushtuar për t'i rikthyer zonës
    > ku kandidoj, dinjitetin dhe shpresën, e Partisë
    > Demokratike mandatin në parlamentin shqiptar dhe së
    > treti mbetem në dispozicion të zhvillimeve të
    > mëtejshme në çdo plan.
    >
    > Alida Beqiri
    >
    >
    > SPECIALE
    >
    > Liga Shqiptaro-Amerikane në 15 vjetorin e saj
    >
    > New York, 15 maji shpallet dita e tolerancës shqiptare
    >
    > Me rastin e 15 vjetorit të Ligës Qytetare Shqiptare
    > -Amerikane u mbajt një ceremoni jubilare në mjediset e
    > Hotel "Sheraton" në Manhattan. Ky aktivitet pasi mori
    > bekimin e Dom Pjetër Popaj vazhdoi me momentin
    > ceremonial, Hymnin Amerikan kënduar nga Kara
    > DioGuardi, vajza e Joe DioGuardit dhe Hymni Shqiptar
    > kënduar nga Shefki Krasniqi.
    > Kongresmeni Tom Lantos, Kongresmeni Hyde, Kongresmeni
    > Gilman, Senatorët Shumer dhe Jeff Klein si dhe
    > Ipeshkevi Sopi, Apostol Katoni, Petrit Zorba etj, do
    > të diskutonin në këtë aktivitet të rëndësishëm duke
    > përfaqësuar njëherësh edhe simbolin e madh Amerikano-
    > Izraelito- Shqiptar.
    > "Jemi mbledhur sonte për të përkujtuar atë që
    > shqiptarët bënë më se 60 vjet më parë, mbrojtjen dhe
    > kujdesin që shqiptarët treguan per hebrenjtë e
    > persekutuar e në rrezik për jetën. Jemi mbledhur edhe
    > për të festuar 15 vjetorin e Lidhjes Qytetare," thotë
    > zoti Dioguardi.
    > "Zoti Dioguardi ka bërë nje punë të shkëlqyer për
    > çeshtjen shqiptare," thotë ish ligjvenesi Beniamin
    > Gillman. Pjesmarrja e gjërë sonte, shton ai, tregon se
    > sa shumë është shtrirë veprimtaria e Lidhjes Qytetare
    > shqiptaro amerikane.
    > "Shqiptarët dhe hebrenjte janë dy popuj të ndryshëm,
    > me fe të ndryshme, por kjo nuk i pengoi ata të behen
    > miq hebrejve në kohët me te veshtira, atë të
    > holokaustit," thotë bashkëkryetari i Komisionit të
    > kongresit për Marrëdhënie me jashtë, Henri Hajd. "Ky
    > është simboli i tolerancës dhe i respektimit të të
    > drejtave të një pakice si ajo hebraike, duke iu
    > referuar kështu tërthorazi zvarritjes së percaktimit
    > të statusit të Kosovës si dhe shqetësimeve të disave
    > se nje Kosovë e pavarur do të thoshte një Kosovë vetem
    > me shqiptarë. pa asnje popullatë tjetër etnike."
    > "6 milionë hebrenj humbën jetën gjatë holokaustit
    > nazist," thotë ligjvënësi Tom Lantos. "Si hebre
    > amerikan dhe mbijetues i holokausti kur dëgjoj për
    > gjestin fisnik të shqiptarëve që morrën në mbrojtjete
    > hebrenjtë gjatë asaj periudhe, ndej një mirënjohje e
    > admirim të jashtezakonshem," thotë ligjvënësi Lantos.
    > Pjesëmarrësit patën rastin të ndiqnin sekuenca filmike
    > në dy ekrane televizive të mëdha që ishin vendosur në
    > të dy anët e sallës ku zhvillonte punimet Liga
    > Qytetare me rastin e 15 vjetorit të saj nga seanca
    > dëgjimi në Kongres gjatë kohës që Z.DioGuardi ishte
    > një Kongresmen aktiv pranë Kongresit Amerikan.
    > Gjithashtu aty, gjithesecili u njoh me veprimtarinë e
    > Ligës dhe Fondacionit Shqiptaro-Amerikan në vite për
    > çështjen shqiptare në tërësi dhe atë të Kosovës në
    > veçanti. Ky aktivitet u pasqyrua edhe me stenda e foto
    > të ndryshme, ku të dy drejtuesit Shirley dhe
    > JoeDioGuardi ishin pjesëmarës në tubime e protesta të
    > ndryshme, si dhe në takimet e tyre me personalitetet
    > më të larta të botës duke filluar me Papa Gjon Pali i
    > Dytë etj.
    > Ishin pikërisht përfaqësuesit e kësaj Lige që bën
    > prezent pranë Departamentit të Shtetit çështjen
    > shqiptare. Përpjekjet e tyre të vazhdueshme dhe tepër
    > insistuese sensibilizuan opinionin e Qeverisë
    > Amerikane për atë çfarë po ndodhte në Kosovë. Ishte
    > pra këmbëgulja dhe vullneti i tyre i mirë, (ndërkohë
    > kur dihet se Z.DioGuardi e tërhiqte gjaku shqiptar i
    > të parëve të tij), të cilët së bashku me Kongresmenin
    > Lantos dhe Madalen Olbrajt arritën që Presidenti
    > Clinton të vendoste përfundimisht ndërhyrjen e trupave
    > ushtarake amerikane dhe të NATO-s kundër Serbisë.
    > Aktivistë e veprimtarë të shquar shqiptarë si dhe të
    > rinj e të reja studentë kishin ardhur për të nderuar
    > këtë datë të cilën edhe Senati Shtetëror i New Yorkut
    > e njeh si "Përgëzimi për Lirinë dhe Tolerancën
    > Shqiptare". Po për nder të Ligës Qytetare dhe
    > Fondacionit Shqiptaro- Amerikan u bënë shumë fotografi
    > mes komunitetesh duke filluar me të mbijetuarin e
    > Holikaustit, Kongresmenin Tom Lantos, Kongresmenin
    > Gilman, Senatorët Shumer, Jeff Klein, Kryetarin e
    > "Vatrës", Z.Agim Karagjozi, Dr.Gjon Bucaj si dhe me
    > anëtarët e familjes së Vehbi Dervishit, ku mbi
    > tavolinën e tyre zinin vend fotot e pesë djemve të
    > rinj të zhdukur nga mercenarët serb dhe që akoma nuk
    > dihej fati i tyre.
    > Në përmbajtje të tij ky aktivitet përmblidhte
    > gjithashtu fakte e ngjarje të së shkuarës, ku 60 vite
    > më parë Shqipëria strehoi rreth 3000 hebre gjatë
    > Holokaustit dhe ishte Kodi "Besa" që i shpëtoi
    > hebrejtë në vendin tonë. Libri "Shpëtim në Shqipëri"
    > me autor Harvey Sarner, i cili iu nda falas të gjithë
    > të pranishmeve në sallë, flet me së miri për këto
    > ngjarje të pashlyeshme si dhe për ndihmesën që
    > populli ynë u afroi popullit hebre. Gjithashtu për
    > tolerancën fetare dhe kërkesën për pavarësinë e
    > Kosovës si një domosdoshmëri për stabilitetin në
    > Kosovë dhe në rajon diskutuan edhe miqtë nga Kosova
    > Ipeshkevi Mark Sopi, Atë Fran Lush Gjergji dhe Atë
    > Shan Zefi. Përshëndetjen nga Qeveria dhe populli i
    > Kosovës e përcolli Ministri dhe Deputeti Ardian Gjini.
    > Prania e priftërinjve ortodoksë dhe përfaqësuesve të
    > Qendrës Islamike nga New Jersi nxirte në pah
    > bashkëjetesën ndërfetare që ekziston mes popullit tonë
    > dhe që respektohen nga të gjithë.
    > Aktori Xhevat Limani si aktivist dhe veprimtar në
    > komunitet do të ftohej edhe kete mbrëmje për të dhënë
    > diçka të zgjedhur nga repertori i tij si aktor dhe
    > inerpretues i klasit të parë. Grupi artistik "Bashkimi
    > Kombëtar" nën drejtimin e Gjergj Dedevukaj do të
    > mbyllte edhe programin e kësaj mbrëmjeje jubilare.
    > Nga Mimoza Dajçi
    >
    >
    > KOMENTI
    >
    > "Të drejtat e Minoriteteve dhe bashkëjetesa shumë
    > etnike në Kosovë"
    >
    > Nga Akil Tirana
    >
    > Pas një periudhe delikate e cila u krijua nga vetë
    > komuniteti ndërkombëtar me akuzat e ngritura ndaj
    > Ish-Kryeministrit të Kosovës z. Rramush Haradinaj,
    > shihet qartë insistimi i faktorit ndërkombëtar që
    > Qeveria e Kosovës të përmbushe detyrimet e vëna në
    > kuadër të planit famëkeq të "plotësimit të standarteve
    > përpara përcaktimit të statusit përfundimtar."
    > Ndërkombëtarët po përdorin çdo formë dhe taktikë për
    > të nxitur Qeverinë legjitime të Kosovës të marrë
    > vendime që dëmtojnë interesat jetike të popullit të
    > Kosovës dhe aspiratat e tij për pavarësi. E ardhmja e
    > Kosovës dhe e qytetarëve të saj do të varet shumë nga
    > aftësia e klasës drejtuese për t'u bërë ballë këtyre
    > formave të presionit. Fatkeqësisht, deri më tani klasa
    > drejtuese në Kosovë ka dëshmuar një mungesë
    > alternative për ti dhënë fund njëherë e mirë këtyre
    > presioneve të cilat nuk e ndihmojnë aspak Kosovën dhe
    > qytetaret e saj në rrugën e saj drejt pavarësisë.
    >
    > ***
    >
    > Siç dihet tashmë nga të gjithe, politika ndërkombëtare
    > e "plotësimit të standarteve prioritare" ka si qëllim
    > krijimin e kushteve që të sigurohet "bashkëjetesa
    > ndërmjet komuniteteve etnike" në Kosove. E gjithë
    > propaganda anti-shqiptare e cila aktualisht po
    > zhvillohet në Kosovë ka lidhje me këto dy terma
    > famëkeqe: "plotësimi i standarteve prioritare" dhe
    > "bashkëjetesa ndërmjet komuniteteve etnike." Nga ana
    > tjetër drejtuesit politikë në Kosovë dhe sidomos
    > Qeveria e Kosovës ndodhen në udhëkryq. Qeveria e
    > Kosovës është treguar e paaftë të demaskojë këto terma
    > duke mos i treguar popullit të Kosovës kuptimin e
    > vërtetë që këto dy terma mbartin për fatin e ardhshëm
    > të Kosovës në veçanti dhe kombit shqiptar në tërësi.
    > Kur flitet për "bashkëjetesë ndërmjet komuniteteve
    > etnike" në Kosovë qoftë Komuniteti Ndërkombëtar qoftë
    > Serbia nuk mundohen të hedhin dritë mbi kuptimin e
    > vërtetë të këtij termi. Kjo për faktin se ata nuk janë
    > të interesuar për ta bërë këtë gjë.
    > Për Serbët në Kosovë dhe jashtë saj në Serbi, termi
    > "bashkëjetesa ndërmjet komuniteteve etnike" në Kosovë
    > do të thotë "shqiptarët të vazhdojnë të jetojnë nën
    > rregjimin e tipit Sllovodano-demokratik të
    > konservatorit Koshtunica. Këtë pikëpamje serbe e bëri
    > shumë të qartë Oliver Ivanovic, i cili lidhur me
    > krjimin e municipaliteteve të reja me përbërje etnike
    > serbe në Kosovë të cilat do të vendosen në bazë tëe
    > planit famëkeq të decentralizmit që qeveria e Kosovës
    > ka miratuar tashmë, tha se "Projektet pilotë do të
    > zbatohen në ato zona ku serbët janë shumicë." Më tej
    > Oliver Ivanovic shtoi se "Ne këmbëngulim që këto
    > municipalitete të reja serbe të jenë shumë etnike."
    > E përkthyer në gjuhën shqipe kjo do të thotë që në
    > Kosovë të krijohen enklava të reja me shumicë serbe
    > dhe ku në këto municipalitete të ketë edhe etni të
    > tjera, kryesisht të perkatësisë shqiptare të cilat do
    > ti nënshtrohen vullnetit të shumicës serbe që përbën
    > këto municipalitete. Më tej Oliver Ivanovic shton: "Në
    > këto municipalitete me shumicë serbe duhet të jetojë
    > një pakicë shqiptare e cila duke qenë në minoritet
    > brenda ketyre municipaliteteve me shumicë serbe do të
    > arrijë të kuptojë se në çfare pozite ndodhet pakica
    > serbe në Kosovë. Vetëm duke qenë pakicë në këto
    > municipalitete shqiptarët do të respektojnë dhe
    > tregojnë më shumë ndjeshmëri ndaj serbëve".
    > Pra, për Oliver Ivanovic "bashkëjetesa ndërmjet
    > komuniteteve etnike" në Kosovë do tv thotë krijimin e
    > municipaliteteve fantazëm nëpërmjet të cilave të
    > siguhet që shumica serbe në këto municipalitete të
    > vazhdojë të dominojë mbi shqiptarët që jetojnë në to,
    > ndonëse Ivanovic harron të thotë se këto
    > municipalitete me shumicë serbe do të formohen duke
    > bashkuar artificialisht zona dhe prona të shqiptarëve
    > fqinjë dhe shndërruar këto në municipalitete me
    > shumicë serbe.
    > Ky qëllim prapaskenues afatgjatë pro-serb u duk qartë
    > edhe në Raportin e Misionit të Këshillit të Sigurimit
    > të Kombeve te Bashkuara që vizitoi Kosovën ne datat
    > 14-17 Dhjetor 2002. Në raport përmendet fakti se
    > përfaqësuesit serbë e shihnin Mitrovicën si të vetmen
    > zonë ku ishte realizuar "bashkëjetesa ndërmjet
    > komuniteteve etnike". Zona veriore e Mitrovicës, sipas
    > raportit, është vendi ku serbët bënë spastrim etnik
    > ndaj shqiptarëve të pjesës veriore duke dëbuar rreth
    > 90% të tyre nga trojet e tyre etnike. Pra, serbët e
    > Kosovës të nxitur nga Beogradi nënkuptojnë me
    > "bashkëjetesë ndërmjet komuniteteve etnike" krijimin e
    > sa më shumë zonave të tilla ku serbët janë shumicë dhe
    > shqiptarët janë pakicë, ndonëse në një plan më të
    > gjerë serbët janë minoritet në Kosovë.
    >
    > ***
    >
    > Po ndërkombëtarët, çfarë kuptojnë me "bashkëjetesë
    > ndërmjet komuniteteve etnike" në Kosovë. Do të ishte
    > një ekzagjerim të thonim se ndërkombëtarët e kuptojnë
    > ndryshe këtë term. Megjithatë, nuk ka dyshim se
    > "bashkëjetesa ndërmjet komuniteteve etnike" në Kosovë
    > po përdoret me qëllim dashakeqës nga ndërkombëtarët
    > për të mbuluar politikën anti-shqiptare dhe
    > justifikuar gjoja punën që po bëjnë për arritjen e
    > bashkëjetesës etnike në Kosovë. Duke e vënë theksin
    > tek "bashkëjetesa ndërmjet komuniteteve etnike",
    > ndërkombëtarët po synojnë të ulin rëndësinë e
    > komunitetit shqiptar në Kosovë duke i dhënë rëndësi
    > krijimit të municipaliteteve që nuk përputhen me
    > strukturën e popullsisë në terren. Tashmë dihet
    > botërisht se Kosova është të paktën 90% shqiptare.
    > Duke marrë parasysh që rreth 2/3 e serbëve janë
    > larguar, ashtu siç pretendon Beogradi zyrtar, i bie që
    > në Kosovë të krijohen municipalitete serbe në vende
    > ku jetojnë 5, 10, 15 familje serbe duke përfshirë këtu
    > edhe bagëtitë që ata mbarështojnë. Qëllimi kryesor i
    > komunitetit ndërkombëtar me këtë lëvizje është që
    > Kosova të humbasë karakterin e saj kompakt dhe të mos
    > konsiderohet më e aftë që të krijojë një shtet të
    > pavarur nga Serbia.
    > Kjo ka qënë edhe një nga arsyet që Serbia që nga viti
    > 1912, kur e pushtoi Kosovën, ka bërë luftë të madhe
    > për të ulur rëndësinë e shqiptarëve të Kosovës që në
    > çdo epoke historike kanë përbërë shumicën në Kosovë
    > duke krijuar enklava serbe në trupin e saj me
    > qëllim të shkatërrimit të kompaktësisë territoriale
    > dhe shpirtërore të shqiptarëve që jetojnë atje.
    > Të gjithë janë të vetdijshëm për ekzistencën e
    > minoriteteve në Kosovë por do të ishte naivitet që
    > këtyre pakicave tu jepeshin me shumë të drejta se
    > shumica ose që interesat e pakicës të jenë vendimtare
    > në përcaktimin e fateve të shumicës. Sot në botë ka
    > shumë vende me kufijë gjeografikë të njëjtë me ato të
    > Kosovës të cilët janë shumë etnikë.
    > Por në rastin e Kosovës është shumica shqiptare ajo që
    > percakton fatin e Kosovës dhe jo pakicat e saj qoftë
    > kjo boshnjake, turke apo serbe. Problemi më i madh për
    > ndërkombetaret dhe serbët në Kosovë nuk është prania
    > apo numri i pakicave që jetojnë atje, por shumica
    > shqiptare. Për pasojë edhe lëvizjet politike që Serbia
    > dhe Komuniteti ndërkombëtar po ndërmarrin synojnë në
    > uljen e vlerave politike dhe shoqërore të shumicës
    > duke e denigruar atë si të paaftë të respektojë
    > pakicat, të drejtat e të cilave duhet të jenë të
    > 'shenjta' dhe të mbizotërojnë mbi të drejtat e
    > shumicës shqiptare.
    > Nga ana tjetër, nuk shihet ndonjë kontradiktë ndermjet
    > pikëpamjes shqiptare për një Kosovë të pavarur dhe
    > respektimit të të drejtave të pakicave në kuadër të
    > dokumentave ndërkombëtarë që synojnë respektimin e
    > këtyre të drejtave. Paradoksi më i madh me Komunitetin
    > Ndërkombëtar është se ka shumë vende të tjera në
    > Evrope dhe më gjerë që kanë të njëjtën përbërje
    > popullsie si Kosova, por që Komuniteti Ndërkombëtar
    > nuk i quan ato shumë etnike si në rastin e Kosovës, si
    > psh Rusia, Ukraina, Moldova, Estonia, Letonia,
    > Lituania, Sllovakia, Bullgaria, Maqedonia, Serbia,
    > Spanja.
    > Për këtë qëllim është jo pa dashakeqësi edhe qëndrimi
    > i Komunitetit Ndërkombëtar që e cilëson Kosovën shumë
    > etnike duke mos marrë fare parasysh realitetin në
    > terren që shqiptarët janë të paktën pesë herë më shumë
    > në numër se çdo pakicë që jeton në Kosovë. Në këtë
    > këndvështrim është e papranueshme edhe qëndrimi zyrtar
    > i një zyrtari të Departamentit Amerikan të Shtetit i
    > cili tha për gazetën e përditshme të Beogradit
    > Vecernje Novosti se: "është e vërtetë që shqiptarët
    > janë shumicë në Kosovë, por pavarësisht nga kjo Kosova
    > është një entitet shumë etnik duke përfshirë serbët,
    > boshnjakët, Romët, Ashkalitë dhe Egjiptianët.
    > Pavarësisht nga statusi përfundimtar i Kosovës,
    > Komuniteti Ndërkombëtar dëshiron të ruajë karakterin e
    > saj shumë etnik."
    > Ky qendrim i komunitetit ndërkombëtar - ruajtja e
    > karakterit shumë etnik të Kosovës dhe mosrespektimi i
    > qëndrimit të shumicës shqiptare- përputhet shumë me
    > politikën serbe ndaj Kosovës e cila synon që të mbajë
    > të nënshtruar shqiptarët nën preteksin e ruajtjes së
    > "bashkëjetesës ndërmjet komuniteteve etnike" në
    > Kosovë.
    >
    > ***
    >
    > Në një dokument të OSBE-së që trajton situatën e të
    > drejtave të minoriteteve në Kosovë thuhet se rregjimi
    > i Milosheviçit krijoi identitete të ndara për pakicën
    > egjiptiane dhe ashkalie në Kosovë për të krijuar
    > imazhin e një Kosove shumë etnike duke synuar të hedhë
    > hi syve komunitetit ndërkombëtar dhe dhënë përshtypjen
    > e gabuar se Kosova nuk është shumicë shqiptare.
    > Fatkeqësisht UNMIK-u deri tani ka ndjekur këtë
    > politikë shtrembëruese të Milosheviçit. Ky është edhe
    > shërbimi më i mire që i bëhet politikës destruktive
    > serbe në rajon dhe më gjerë.
    > Në këtë konfuzion të krijuar me termat "shumë
    > etnicitet" ose "të drejtat e minoriteteve" po përfiton
    > politika serbe e cila të gjithë potencialin e saj
    > politik, ekonomik dhe propagandistik po e drejton që
    > të mbushë mendjen komunitetit ndërkombëtar se Kosova
    > nuk është në gjendje të respektojë të drejtat e
    > minoriteve, gjë që përbën edhe shqetësimin kryesor të
    > faktorit ndërkombëtar.
    > Ka një ngjashmëri shumë të madhe ndërmjet gjendjes në
    > Afrikën e Jugut gjatë kohës së aparateidit dhe Kosovës
    > së kaluar dhe të sotme. Ndërsa në Afrikën e Jugut
    > sundimi i të bardhëve realizohej nëpërmjet mbajtjes së
    > nënshtruar të shumices së popullsisë me ngjyrë, në
    > Kosovë, edhe pse qytetarët e saj kishin të drejtën e
    > votës, nënshtrimi i tyre realizohej nëpërmjet votës së
    > serbëve në Serbi, nisur nga fakti se Kosova ishte
    > pjesë e Serbisë dhe për pasojë populli i saj
    > konsiderohej minoritet në kuadër të shtetit serb. Nën
    > sundimin serb votat e popullit të Kosovës nuk kishin
    > asnjë efekt. Serbët e Kosovës ishin pjesë e shumicës
    > së popullsisë serbe dhe për pasojë ata ishin ngarkuar
    > me detyrën e zbatimit të politikës së Beogradit në
    > Kosovë.
    >
    > ***
    > Kosova akoma po vuan mungesën e përcaktimit të
    > statusit politik të saj. Vetëm pasi të jetë bërë ky
    > përcaktim mund të flitet për të drejta minoritetesh në
    > Kosovë. Përderisa Kosova në bazë të Rezolutës 1244 të
    > Këshillit të Sigurimit është akoma pjesë e Serbisë,
    > serbët e Kosovës e cilësojnë veten e tyre si
    > magjiorancë dhe jo si minoritet në Kosovë.
    > Shqiptarët e Kosovës nuk duhet të pranojnë politikën e
    > zbatuar deri tani nga komuniteti ndërkombëtar i cili
    > duke vënë theksin tek krijimi i një shoqërie të
    > qëndrueshme shumë etnike dhe përmbushjen e standarteve
    > e ka përqëndruar krejt vemendjen e tij tek pakica
    > duke mos marrë fare parasysh të drejtat e shumicës
    > (shqiptarët dhe pakicat e tjera).
    > Ndërkombëtarët mohojnë të drejtën e vetvendosjes për
    > Kosovën duke përmendur rezolutën 1244 të Këshillit të
    > Sigurimit duke u bërë një pengesë serioze në
    > realizimin e aspiratave shekullore të popullit
    > liridashës të Kosovës për pavarësi dhe dinjitet
    > njerëzor.
    > Këtu qëndron edhe problemi madhor në marrëdhëniet
    > shumicë-faktor ndërkombëtar dhe shumicë-pakicë. Akoma,
    > pra, nuk është e qartë se kush është shumica dhe
    > pakica në Kosovë përderisa statusi i saj mbetet akoma
    > i pazgjidhur. Kësaj pyetje mund ti jepet përgjigje
    > vetëm pasi të jetë përcaktuar statusi përfundimtar i
    > Kosovës.
    > Kur ndërkombëtarët flasin për minoritetet në Kosovë,
    > ata kanë parasysh vetëm komunitetin serb, ndonëse vetë
    > serbët në Kosovë nuk e cilësojnë veten aspak
    > minoritet. Nga pikëpamja e së drejtës ndërkombëtare,
    > serbët e Kosovës kanë të drejtë. Përderisa Kosova
    > vazhdon të jetë politikisht pjesë e Serbisë,
    > shqiptarët e Kosovës janë minoritet politik në kuadër
    > të shtetit Serb duke patur parasysh që minoritetet dhe
    > shumicat përcaktohen në bazë shteti dhe jo krahinave
    > ose rajoneve të veçanta që përbëjnë atë. Nebojsa Coviç
    > e bëri këtë qëndrim të qartë gjatë një interviste me
    > një të përditshme të Beogradit kur tha se "Kosova nuk
    > është një shtet i pavarur dhe shqiptarët e Kosovës nuk
    > kanë statusin e kombit sepse ata janë minoritet etnik
    > në kuadër të Serbisë. Shqiptarët gëzojnë statusin e
    > kombit në Shqipëri dhe pakicat që jetojnë atje gëzojnë
    > të drejtat e minoriteteve".
    > Ku qëndron paradoksi? Sipas Coviç serbët janë shumicë
    > në Kosovë dhe për pasojë ata nuk kanë përse të mbrohen
    > në Kosovë ashtu siç po mundohet të bëjë komuniteti
    > ndërkombëtar. Nuk janë serbët ata që kanë nevojë për
    > mbrojtje, por shqiptarët. Tashmë fati i popullit të
    > Kosovës është akoma në udhëkryq dhe faktori
    > ndërkombëtar nuk po jep shenja se po punon për
    > mbrotjen e interesave të shqiptarëve në Kosovë.
    > Mbrojtja e të drejtave të pakicës serbe në një kohë
    > kur statusi perfundimtar i Kosovës mbetet akoma i
    > pazgjidhur, i shërben mbrojtjes së interesave
    > anti-shqiptare Serbe në Kosovë.
    > Fatkeqësia më e madhe nuk qëndron vetëm tek ky qëndrim
    > anti-shiptar i komunitetit ndërkombëtar. Edhe
    > drejtuesit më të lartë politik në Kosovë mbajnë një
    > qëndrim të gabuar lidhur me këtë çështje. Me qëndrimin
    > e tyre drejtuesit Kosovarë po rrezikojnë interesat e
    > popullit të tyre.
    >
    > ***
    >
    > Në qoftë se hedhim një sy letrës së ish Kryeministrit
    > Haradinaj të datës 25 Shkurt 2005 në të thuhet se
    > "Shqiptarët kanë një detyrim të veçante ndaj pakicës
    > serbe në Kosovë". Të krijohet përshtypja që janë
    > shqiptarët ata që janë "molla sherrit" për të gjithë
    > të këqijat që po kalon Kosova, ndërkohë që realiteti
    > është tërësisht ndryshe. Shqiptarët nuk kanë asnjë
    > detyrim ndaj asnjërit. Në qoftë se komuniteti serb
    > gjendjet në gjendjen që është, fajin duhet të kërkohet
    > tek qeveria e Beogradit dhe politika e saj e
    > vazhdueshme përçarëse dhe shkatërrimtare në rajon.
    > Shqiptarët e Kosovës nuk i kanë borxh asnjërit, aq më
    > pak serbëve. Shqiptarët janë shumicë në Kosovë dhe nuk
    > i detyrohen asnjë pakice, sidomos asaj serbe, qëndrimi
    > anti-shqiptar i së cilës tashmë dihet. Kjo deklaratë e
    > gabuar e Z. Haradinaj nuk merr parasysh fare faktin se
    > në një shoqëri demokratike, është shumica ajo që është
    > mbajtëse e sovranitetit politik. Por në rastin e
    > Kosovës kjo nuk është e mundshme nisur nga lëkundja e
    > faktorit ndërkombëtar në marrjen e vendimit
    > përfundimtar nëse duhet apo jo të fillojnë bisedimet
    > për statusin final të saj.
    > Përderisa Kosova është akoma e varur, faktori
    > ndërkombëtar do të vazhdojë të marrë vendimet kryesore
    > politike në Kosovë. Nga ana e tyre, serbët duke qënë
    > se janë pakica më e madhe në Kosovë, janë mbajtës të
    > sovranitet atje përderisa nuk është përcaktuar statusi
    > përfundimtar i saj. Aktualisht, UNMIK-u është
    > autoriteti i përkohshëm i mbajtjes së sovranitetit në
    > Kosovë, i cili ka edhe pushtetet kryesore si mbrojtja,
    > policia dhe gjygjësori ndërsa qeveria e Kosovës dhe
    > organet legjitime lokale kanë pushtete të kufizuara të
    > cilat për fatin e keq nuk ushtrohen në të gjithë
    > territorin e Kosovës.
    > Të akuzosh shqiptarët si përgjegjës të gjendjes së
    > rëndë në Kosovë dhe t'u kërkosh atyre të marrin
    > përsipër detyrime që synojnë mbrojtjen e të drejtave
    > të minoriteteve është sa cinike dhe keqdashëse në një
    > kohë kur pushtetet kryesore në Kosovë i ka UNMIK-u dhe
    > jo qeveria legjitime e Kosovës. Shqiptarët në Kosovë
    > do të respektojnë të drejtat e minoriteteve vetëm kur
    > atyre t'u njihet e drejta e pavarësisë nga Serbia dhe
    > kur serbët e Kosovës të arrijnë të kuptojnë se duhet
    > të heqin dorë nga kërkesat e tyre absurde që Kosova të
    > vazhdojë të jetë akoma nën sundimin serb.
    > Është absurditet që për një minoritet të vetëm të
    > mbahet peng e ardhmja politike, ekonomike dhe
    > shoqërore e një populli të tërë që ka luftuar me
    > shekuj për pavarësi dhe zhvillim.
    > Për fatin tonë të keq, drejtuesit kryesorë në Kosovë
    > nuk po arrijnë të gjejnë zgjidhjen e duhur: të
    > kushtëzojë respektimin e të drejtave të minoritetit
    > serb me njohjen prej tyre të të drejtës së shumicës
    > shqiptare për pavarësi. Kjo do të ndihmonte shumë
    > serbët të kuptojnë se në Kosovë janë minoritet dhe nuk
    > mund të gezojnë të drejta që i kalojnë caqet e të
    > qënurit pakicë.
    >
    > ***
    >
    > Fakti është se deri tani nuk ka një politikan ose
    > analistë Kosovar që të shprehet lirshëm që populli i
    > Kosovës po i nënshtrohet një fushate ndërkombëtare
    > anti-shqiptare që lidhet me "përmbushjen e standarteve
    > prioritare". Nuk ka një politikan në Kosovë që të
    > thotë komunitetit ndërkombëtar se njohja e të drejtave
    > të pakicës duhet të shoqërohet njëhkohësisht edhe me
    > njohjen e të drejtave të shumicës shqiptare që jeton
    > në Kosovë. Këto faktorë janë të ndërlidhur dhe nuk
    > mund të shikohen të shkëputur nga njëri-tjetri. Nuk ka
    > asnjë politikan kosovar që të bëjë të qartë
    > komunitetit ndërkombëtar në Kosovë dhe sidomos
    > UNMIK-ut që bashkëjetesa shumë etnike nuk ka të bëjë
    > fare me pjesëmarrjen e pakicës serbe në institucionet
    > e Kosovës, përderisa pakicat e tjera që jetojnë në
    > Kosovë janë tashmë të përfshira në proçeset politike
    > që po ndodhin në Kosovë. Pakica serbe i ka patur
    > gjithmonë dyert e hapura për të zënë pozicionet
    > ministrore që i janë akorduar si dhe marrë pjesë në
    > grupet e punës që synojnë përmirësimin e gjendjes së
    > të gjithë pakicave në Kosovë. Kjo gjë duhet
    > bërëvullnetarisht dhe jo duke i kërkuar shumicës
    > shqiptare të bëjë lëshime në çështje që prekin thellë
    > ekzistencën e shtetit të ardhshëm të Kosovës ose
    > interesat e tij madhore. I duhet dhënë fund këtij
    > presioni të paskrupullt të faktorit ndërkombëtar në
    > Kosovë.
    > Burokratët ndërkombëtarë mendojnë se me përfshirjen e
    > pakicës serbe në institucionet e Kosovvs (qeveri,
    > parlament, polici dhe grupet punuese) këto
    > institucione do të bëhen shumë etnike. Ata harrojnë
    > faktin se shumë etniciteti në Kosovë arrihet vetëm kur
    > shumica dhe pakica përpiqen të përmbushin qëllime të
    > përbashkëta. Në qoftë se disa anetarë të pakicave që
    > bëjnë pjesë në qeveri, parlament, grupet e punës dhe
    > polici kanë axhenda të ndryshme ose kontradiktore me
    > njëra-tjetrën dhe i besojnë qeverive të vendeve të
    > tjera atëherë nuk mund të themi se kemi arritur shumë
    > etnicitetin dhe bashkëjetesën paqësore në vend.
    > Konflikti ndërmjet shumicës shqiptare dhe pakicës
    > serbe do të vazhdojë për aq kohë sa shumicës shqiptare
    > nuk i njihet e drejta e vetvendosjes paqësore.
    > Shqiptarët e Kosovës kanë të drejtën legjitime që të
    > mos bëjnë asnjë lëshim pakicës serbe e cila është
    > kollona e pestë e ngarkuar me detyrën e zbatimit të
    > planeve anti-shqiptare të Beogradit në Kosovë. Kjo do
    > të demaskonte edhe fytyrën e vërtetë të
    > ndërkombëtarëve në Kosovë të cilëve u nevojitet
    > krijimi gjoja i institucioneve shumë etnike për të
    > mbuluar dështimin e tyre në kuadër të rezolutës 1244
    > të Këshillit të Sigurimit.
    >
    >
    > Nacionalizmi kapllon rininë bullgare
    >
    > Gjenerata e re duket të jetë më e prekshme ndaj
    > nacionalizmit në krahasim me njerëzit që jetuan gjatë
    > kohës së socializmit
    >
    > .................................................. .
    Miresia civilizon inteligjencen
    PUNEN E SOTME MOS E LE PER NESER

    “Po iu jap një porosi,
    Këmba e huaj keq iu rri,
    Nuk durohet gjithë vaji i fëmisë, Çonu të gjithë në shërbim Shqiperis”

  2. #2
    i/e regjistruar Maska e Kosovari_78_Ca
    Anëtarësuar
    24-12-2003
    Vendndodhja
    Kanada
    Postime
    257

    .......vazhdim

    .....................Nga Albena Shkodrova
    > Sofje
    >
    > Rinia bullgare po bie viktimë e një nacionalizmi të
    > ri, i cili është shumë më i rrezikshëm dhe jotolerant
    > se idetë e njerëzve që jetuan nën komunizëm. Të
    > ndikuar nga mediat dhe tekstet shkollore që pohojnë se
    > janë liberale po shpesh nuk janë të tilla, ndjenjat e
    > reja nacionaliste po kapllojnë rininë e vendit.
    > Regjimi i kaluar i Todor Zhivkovit përkrahu
    > socializmin ndërkombëtar, derisa në të njejtën kohë
    > mbështeti nacionalizmin. Ky regjim përjashtoi 300.000
    > turq dhe sllavë muslimanë, të njohur si pomak, izoloi
    > romët dhe ndaloi të gjitha shprehjet e diversitetit
    > etnik. Por nën sipërfaqe, procese të tjera formësuan
    > qëndrimet bullgare.
    > Në kundërshtimin e politikës totalitare të regjimit,
    > shumë bullgarë gjithashtu kundërshtuan propagandën
    > nacionaliste. Jeta nën regjim totalitar, ku të gjitha
    > vendimet dhe përgjegjësitë merreshin nga një rreth i
    > ngushtë i zyrtarëve komunistë, shumica e njerëzve nuk
    > ndiheshin të irrituar financiarisht, në mënyrë sociale
    > apo çfarëdo mënyrë tjetër, nga minoritetet. Vetëm pas
    > rënies së komunizmit në të vitet '90-të, bullgarët e
    > zakonshëm filluan t'i shohin minoritetet si barrë.
    > Ndarjet në mes të grupeve u theksuan, pasi njerëzit
    > filluan hapur të shfaqin besimet e tyre religjioze dhe
    > origjinën etnike, të ndaluara më parë nga regjimi.
    > Mediat filluan të përdorin fjalime të urrejtjes ndaj
    > minoriteteve, pasi publikuesit fshiheshin prapa
    > ligjeve të reja mbi lirinë e të shprehurit për të
    > përhapur anti-semitizmin.
    > Vlerat liberale më ngadalë përfituan nga liritë dhe
    > nuk u zhvilluan në shoqëri. Më shumë se një dekadë
    > kaloi para se tekstet shkollore të spastroheshin nga
    > pohimet më radikale nacionaliste dhe para se mediat të
    > fillojnë të përmirësojnë tonin e tyre. Në ndërkohë,
    > një gjeneratë e re u rrit, duke krijuar një
    > nacionalizëm të ri, i cili kishte rrënjë më të thella
    > se më herët. Shumë të rinj demonstrojnë tani qëndrime
    > negative dhe agresive drejt minoriteteve etnike. Një
    > studim i bërë nga shkencëtari politik Petar-Emil Mitev
    > zbuloi ndjenjat negative posaçërisht ndaj romëve.
    > Rreth 86 përqind definuan romët si "dembelë dhe të
    > papërgjegjshëm", ndërsa 92 përqind deklaruan se
    > minoritetet kanë tendenca kriminale. Rreth 62 përqind
    > në këtë studim konsideruan turqit si "fanatikë
    > religjiozë". Besime të tilla janë edhe më të dukshme
    > në faqet e internetit dhe dhoma bisedimi, ku forumet
    > mbushen me urrejtje ndaj minoriteteve, posaçërisht
    > romëve.
    > Nën mbulesën e anonimitetit, të rinjtë kryesisht
    > shfrytëzojnë këto faqe për të shprehur urrejtjen e
    > tyre në mënyrë radikale, madje edhe në stilit nacist.
    > Kushtrimet të cilat thërrasin që jevgjit të
    > shndërrohen në sapun apo të mbyllen në miniera, mund
    > të gjenden shpesh në faqe interneti.
    > Një shembull i vonshëm ishte një forum Interneti mbi
    > romët. Ndërsa diskutimi tërhoqi pak mendime
    > dashamirëse, ai u stërmbush nga komentet negative. "Më
    > mirë është të zhdukeni dhe të merrni fisin e juaj me
    > vete!" - i tha një pjesëmarrës një gruaje rome në këtë
    > faqe. "Kthehuni nga keni ardhur," shkruan një pjesëtar
    > tjetër. "Të gjithë e dinë se ju nuk keni shtet apo
    > kulturë dhe se ju jeni të papastër, përtacë, dhe
    > gënjeshtarë," deklaroi një pjesëmarrës i tretë. Ndërsa
    > në internet urrejtja raciale është shumë e hapur,
    > nacionalistët e rinj fshehin besimet e tyre kur
    > konfrontohen në mënyrë direkte. "Shumë njerëz të
    > rinjë, të cilët unë i njoh, kanë qëndrime negative,"
    > thotë Boryana Yordanova, studente e Universitetit të
    > Sofjes. Por shumica nuk do të bënin këtë në publik,
    > shtoi ajo. Zornitsa Lateva, një studente tjetër, thotë
    > se ajo ndihet tolerante ndaj minoriteteve, por
    > insiston se "kualiteti i ulët i jetesës së jevgjve"
    > është faj i tyre. "Kjo ka rrënjët në sistemin e
    > ndryshëm të vlerave që ata kanë," thotë ajo. "Ata nuk
    > dëshirojnë të studiojnë, ata preferojnë të martohen në
    > moshën 13 apo 14 vjeçare dhe të mos punojnë."
    > Studentët e tjerë ndanin të njejtin mendim. "Ne nuk do
    > të kishim asgjë kundër jevgjve, nëse ata do të
    > pranonin kulturën tonë dhe nuk do të ishin hajdutë
    > dembelë," tha njëri. Maria Neykova, profesoreshë në
    > Fakultetin e Gazetarisë në Universitetin e Sofjes,
    > pranon se shumica e studentëve të saj nuk i pëlqejnë
    > romët, dhe shpesh edhe turqit e vendit. Ajo thotë se
    > kjo ndodh pasi shoqëria nuk ka zhvilluar vlerat
    > liberale. Mediat dhe tekstet shkollore të vendit
    > mbesin larg nga korrektësia politike sa i përket
    > çështjeve të minoriteteve. Edhepse mediat këtë vit
    > nënshkruan kodin e sjelljes, duke premtuar që të mos
    > merren me orientimet peronale, etnike dhe seksuale,
    > nëse këto tipare nuk janë kyçe për storien, në
    > praktikë ata ende shpërndajnë ide kundër minoriteteve.
    > Shumë kanale kabllovike transmetojnë programe
    > nacionaliste.
    > Një kanal i njohur është Ataka, në SKAT TV, udhëheqësi
    > i së cilës, Volen Siderov, në mënyrë të vazhdueshme
    > kundërshton programet në turqishte të krijuara nga
    > transmetimet e Televizionit Kombëtar Bullgar.
    > Hulumtimi nga agjensia Market Test në mes të viteve
    > 2001-2002 tregon disa përmirësime në mediat që nga
    > vitet 1990, kur fjalimet e urrejtjes ishin të
    > zakonshme, por përparimi është i vogël.
    > Ky hulumtim zbuloi se 60 përqind të raporteve mbi
    > romët kishin të bënin me krimin dhe problemet sociale,
    > kështu duke forcuar stereotipet negative të publikut.
    > "Mediat vazhdojnë të përmendin origjinën etnike të
    > njerëzve, edhe kur kjo nuk është me rëndësi për
    > raportin," thotë Neykova. Të shkolluar përmes teksteve
    > shkollore përplot mite historike, ata mendojnë se po
    > pergjigjen ndaj pritjeve të publikut, shton ajo. Një
    > nga aktivitetet kryesore të intelektualëve komunistë
    > të Bullgarisë ka qenë rishkrimi i historisë së vendit.
    > Nën Zhivkovin, historia është rishkruar për të
    > theksuar lashtësinë e kombit dhe shtetit bullgar dhe
    > superioritetin e tyre ndaj rivalëve nga Ballkani dhe
    > perëndimi. Për të kompensuar mungesën në kohën e
    > Renesancës nën qeverisjen Otomane nga shekujt 15 deri
    > 20, librat janë të stërmbushur me propagandë
    > anti-turke. Pas më shumë se një dekade të lirisë,
    > përpjekjet për të liberalizuar interpretimin bullgar
    > të historisë kanë arritur rezultate të pjesërishme.
    > Librat e fundit të shekullit 19 ku turqit demonizohen
    > dhe përqeshen mbesin pjesë e teksteve shkollore.
    > "Fëmijët mësojnë të ashtuquajturën histori nga librat
    > ku një ideologji nacionaliste dhe ndjenjat patriotike
    > mbulojnë çfarëdo tentimi për diskutuar të mirat dhe
    > këqijat e sundimit otoman," shkroi shkencëtari
    > politik, Evgeniy Daynov. Ai i tha IWPR-së se ai shihte
    > një kthim të nacionalizmit në shkolla. Procesi i
    > inspektimit të teksteve shkollore ka filluar,
    > megjithatë, i shtyrë nga dëshira politike për të
    > mbështetur idenë e pajtimit me turqit e vendit në
    > kohën post-socialiste. Por inspektimi mbetet
    > josistematik. Mumun Isov, hulumtues, i cili vonë
    > rishikoi imazhin e turqve në librat shkollorë të
    > historisë në Bullgari, thotë se përpjekjet për të
    > hequr mitet dhe stereotipet nuk kanë qenë të
    > mjaftueshme.
    > Realiteti është se problemi i nacionalizmit mund të
    > ballafaqohet vetëm atëherë kur politikanët hapur
    > pranojnë ekzistencën e tij. Një zgjidhje mund të jetë
    > ndërrimi i ideve ndaj kombit, duke theksuar atë si
    > njësi civile, e jo etnike. Por për momentin kjo duket
    > shpresë joreale. Shumica e politikanëve dëshirojnë të
    > përfitojnë nga nacionalizmi.
    >
    > Albena Shkodrova është udhëheqëse e Rrjetit për
    > Raportim Hetues të Ballkanit në Bullgari - një projekt
    > vendor i IWPR.
    >
    >
    > KOSOVA
    >
    > Presidenti i Kosovës Ibrahim Rugova takon ministri
    > danez të punëve të jashtme, për Stig Moller
    >
    > Rugova vlerëson planin amerikan për Kosovën
    >
    > Presidenti i Kosovës, Ibrahim Rugova, e ka cilësuar si
    > shumë pozitiv planin amerikan për Kosovën, të
    > paraqitur në Kongresin e SHBA-së nga nënsekretari i
    > shtetit, Nicholas Burns. "E vlerësoj si shumë pozitiv,
    > që sjell një dinamikë të re rreth kësaj çështjeje që
    > në një afat sa më të shkurtër, të zgjidhet çështja e
    > Kosovës, që unë i them pavarësi. E vlerësoj poashtu
    > edhe si shumë pozitiv rolin e SHBA-së, edhe të vendeve
    > tjera të BE-së, vërtet është një plan pozitiv", tha
    > presidenti Rugova.
    > Nënsekretari i shtetit amerikan, Nicholas Burns, ka
    > paraqitur një plan të administratës amerikane për
    > Kosovën, me të cilin pohon se Kosova është e pjekur
    > për fillimin e negociatave. Ndërkohë, gjatë qëndrimit
    > të tij në Prishtinë dhe pas takimit me presidentin e
    > Kosovës, Ibrahim Rugova, ministri danez i punëve të
    > jashtme, për Stig Moller, ka deklaruar se plani
    > amerikan për Kosovën, nuk është një plan përfundimtar
    > dhe se nuk e dallon nga pikëpamjet e Bashkimit
    > Europian dhe të Këshillit të Sigurimit të OKB-së.
    > "Tani duhet të kemi një vlerësim të përgjithshëm të
    > përmbushjes së standardeve dhe prej aty të ecim në
    > drejtim të bisedimeve për statusin përfundimtar të
    > Kosovës. Kjo gjë nuk duhet të zvarritet më tej. Kjo
    > ishte porosia e nënsekretarit të shtetit Amerikan, dhe
    > është edhe porosia ime. Është një porosi e njëjtë",
    > tha shefi i diplomacisë daneze, për Stig Moller.
    > Ministri i Punëve të Jashtme të Danimarkës, për Stig
    > Moller, ndërkaq ka pohuar se zgjidhja e statusit
    > përfundimtar të Kosovës, nuk duhet të zvarritet, dhe
    > ka shfaqur bindjen e tij se ky proces nuk do të zgjas
    > më tepër se, siç tha, nëntë muaj.
    > Por, shefi i diplomacisë daneze, ka thënë se
    > përmbushja e standardeve është jetike për Kosovën, dhe
    > në bazë të nivelit të përmbushjes së tyre, do të mund
    > të ecët përpara në zgjidhjen e statusit përfundimtar
    > të Kosovës. Stig Moller, ndërkaq ka theksuar se
    > zhvillimi ekonomik i Kosovës është i një rëndësie të
    > veçantë që do të hapte perspektiva për të gjithë
    > banorët e saj. Por, një qëndrueshmëri, tha ministri
    > danez, do të ndihmonte edhe në joshjen e investitorëve
    > të huaj në Kosovë.
    >
    >
    > Përgatiten takimet e mundshme mes liderëve të Kosovës
    > dhe Serbisë
    >
    > Kuvendi kërkon të njihet platformat e negociimit
    >
    > Deputetët e Kuvendit të Kosovës paralajmëruan të
    > enjten se do mbajnë një seancë të jashtëzakonshme, për
    > të debatuar rreth negociatave të mundshme në mes
    > Prishtinës dhe Beogradit si dhe pikave të negociimit.
    > Ky vendim është marrë të enjten në seancën e rregullt
    > plenare të Kuvendit të Kosovës. Vendimi u mor pasi që
    > deputetët e partisë më të madhe opozitare, PDK kërkuan
    > nga kryeministri Bajram Kosumi që të deklarojë para
    > Kuvendit se cila është platforma e negociimit dhe
    > çfarë do të debatojë me kryeministrin serb, Vojisllav
    > Koshtunica. "Kërkojmë që në rend të ditës të futet
    > çështja e bisedimeve me Beogradin dhe gatishmëria e
    > kryeministrit dhe kryetarit për të zhvilluar takimet
    > me krerët e institucioneve të Serbisë. Kjo çështje
    > duhet biseduar në seancë plenare", tha në fillim të
    > seancës, shefi i grupit parlamentar të PDK-së, Jakup
    > Krasniqi.
    > Ndërsa lideri i PDK-së, Hashim Thaçi tha se rreth
    > këtyre negociatave ka përvojë të hidhur nga e kaluara,
    > e më së largu nga takimi në Vjenë, prandaj ai kërkoi
    > që axhenda dhe pikat e diskutimit me Beogradin të jenë
    > të qarta para Kuvendit.
    > Opozita madje kërkoi që Kuvendi të deklarohet për t'u
    > takuar liderët institucionalë me ata të Serbisë, ose
    > edhe jo. Kjo kërkesë e partisë më të madhe opozitare,
    > është mbështetur edhe nga partia politike "Ora". Por
    > kryeministri Bajram Kosumi tha se nuk është i gatshëm
    > që këtë seancë të diskutojë për çështje dhe tha se
    > këtë mund ta bëjë në një seancë tjetër. "Me kënaqësi
    > do t'i drejtohem Kuvendit dhe të diskutoj për atë që
    > do të flitet në takim me kryeministrin e Serbisë, por
    > duke marrë parasysh rëndësinë e çështjes, kërkoj pak
    > kohë për përgatitje të duhura", u shpreh ai. Ndërkaq,
    > të dy grupet parlamentare LDK dhe AAK janë shprehur
    > pro mendimit të kryeministrit Kosumi.
    > Ndërkaq, krejt në fund, Jakup Krasniqi në emër të
    > PDK-së tërhoqi kërkesën për debat në Kuvend, duke lënë
    > që kjo të bëhet në një seancë të jashtëzakonshme.
    > Ideja e Krasniqit u përkrah edhe nga kryetari i
    > Kuvendit, Nexhat Daci dhe partitë në pushtet.
    >
    >
    > Trazirat e marsit në Kosovë
    >
    > Gjashtë shqiptarë dënohen me 38 vjet burg
    >
    > Gjykata e Qarkut në Gjilan, të enjten pasdite, dënoi
    > me gjithsej 38 vite burg, gjashtë shqiptarë të akuzuar
    > për përfshirje në trazirat e marsit 2004 në Gjilan, me
    > çrast kishte humbur jetën, Sllobodan Periç (51) dhe
    > ishte rrahur rëndë nëna e tij, Anka Periç (77), e cila
    > më pas, nga plagët e marra, kishte vdekur në Spitalin
    > e Nishit në Serbi.
    > Pala mbrojtëse i ka cilësuar dënimet si shumë të
    > rënda, ndërsa vetë procesin e ka cilësuar si politik
    > dhe pa fakte. Duke shpallur aktgjykimin, kryetarja e
    > trupit gjykues, ndërkombëtarja Claudia Fenz, tha se
    > gjashtë të akuzuarit, janë gjetur fajtorë për trazirat
    > e marsit. Nexhat Ramadani (22) u dënua me 16 vjet burg
    > për vrasjen e Sllobodan Periçit, të cilën e kishte
    > bërë në bashkëveprim më të tjerët, Xheladin Salihun
    > (29) që u dënua me 11 vite burg, pasi, siç tha
    > kryetarja e trupit gjykues Fenz, në mënyrë të
    > qëllimshme me të tjerët ka ndihmuar Nexhatin në
    > vrasjen e Sllobodan Periçit, dhe i ka marrë armën
    > automatike të ndjerit. Të akuzuarit tjerë, Sadri
    > Shabani (22), Agim Avdullahu (20), dhe Agron Ibrahimin
    > (22), janë dënuar me nga 2.6 vjet burg, si pjesëmarrës
    > në grup i cili i ka ndihmuar në vrasjen e Sllobodan
    > Periçit, shkaktim të lëndimeve të rënda nënës së tij,
    > Anka Periçit dhe Sakip Ibrahimi (67) u dënua 3.6 vite
    > burg, për pjesëmarrje në grup, dhe se më parë ai
    > kishte qenë i dënuar me kusht. Avokatët mbrojtës thanë
    > se aktgjykimi ishte i paarsyeshëm dhe me elemente të
    > procesit politik. Gjyqit i kanë munguar provat, thanë
    > avokatët të cilët paralajmëruan ankesë ndaj
    > aktgjykimit në Gjykatën Supreme të Kosovës.
    > Me këtë rast edhe prokurorja ndërkombëtare, ka
    > shprehur pakënaqësinë me vendimet e shpallura duke
    > kërkuar dënime më të rënda dhe ka paralajmëruar se do
    > të ushtrojë ankesë.
    >
    >
    > Carla del Ponte kundërshton lirimin e përkohshëm të
    > Haradinajt
    >
    > Kryeprokurorja e tribunalit te Hages Karla del Ponte
    > ka paralajmeruar dje në Viene se edhe më tej vazhdon
    > te kundershtoje lirimin e perkohshem ne liri te
    > ish-kryeministrit te Kosoves, Ramush Haradinaj. Në një
    > konference për shtypi ne Viene, pasi iu drejtuar
    > Keshillitt e Perhershem te OSBE-se, ajo ka treguar se
    > 24 te ketij muaji do te mbahet serish një konsultë për
    > kete teme, por ajo do te jete kunershtare e mbrotjes
    > ne liri te Haradinajt, sepse sipas saj, ai kishte një
    > funksion te larte para se te viente ne Hage dhe do te
    > kete te lehte te ushtroje ndikim ne gjithe kompleksin
    > e rastit.
    >
    >
    > Beogradi refuzon kushtet e Kosumit për takim me
    > Koshtunicën
    >
    > Qeveria e Beogradit ka pohuar dje se "kushtet të cilat
    > i paraqet Bajram Kosumi për fillimin e bisedimeve, që
    > qeveria e Serbisë ta trajtojë si kryeministër të
    > vendit fqinj, dalin nga sfera e realitetit dhe në fakt
    > vetëm shërbejnë që dialogu të shtyhet."
    > "Një bisedë tolerante, pa kurrfarë kushtëzimesh dhe
    > gatishmëria për kompromis, nuk kanë alternativë dhe
    > për këtë arsye presim që, me kohë, Kosumi, megjithatë,
    > ta pranojë ta fillojmë dialogun. Qeveria e Serbisë e
    > mban të hapur ftesën e Kosumit që pa kurrfarë
    > parakushtesh të bisedojmë rreth problemeve në
    > provincë", ka kumtuar qeveria e Vojisllav Koshtunicës.
    > Fjala është për përgjigjen në letrën zyrtare të
    > kryeministrit të Kosovës Bajram Kosumit, të cilin e ka
    > marrë dje qeveria e Beogradit. Në këtë letër, që dje
    > iu është shpërndarë mediave në Beograd, Kosumi shpreh
    > gatishmërinë në parim për takim me Koshtunicën, nga i
    > cili në të njëjtin kohë kërkon që t'i ftojë
    > përfaqësuesit e serbëve të Kosovës që të inkuadrohen
    > në institucionet e Kosovës. "Mirëpres dëshirën dhe
    > vullnetin e kryeministrit të Serbisë, z.Koshtunica, që
    > të takohet dhe të bisedojë me kryeministrin e Kosovës.
    > Dëshiroj të theksoj sërish se jam i gatshëm të takohem
    > me z.Koshtunica për të biseduar për problemet
    > ekzistuese në mes të dy vendeve tona dhe për progresin
    > e dialogut teknik të filluar. Vendi im, Kosova e re, e
    > lirë dhe demokratike, dëshiron të ketë marrëdhënie të
    > mira fqinjësore me Serbinë. Ne tashmë kemi krijuar
    > marrëdhënie të mira me të gjitha shtetet fqinje. Të
    > gjitha vendet e rajonit dhe ato europiane, gjithnjë e
    > më shumë janë duke shprehur mirëkuptim për zhvillimet
    > e reja në Kosovë.
    > Veçanërisht, me Serbinë duhet të bisedojmë për shkak
    > të problemeve që kanë mbetur pa u zgjidhur nga e
    > kaluara e vështirë. Kosova, por besoj edhe Serbia,
    > dëshirojnë të jenë vende demokratike, të integruara në
    > familjen europiane. Këto janë arsye të mjaftueshme që
    > të promovohet një fqinjësi e mirë dhe të themelohet
    > një politikë e paqes në mes të dy vendeve. Po ashtu,
    > në drejtim të krijimit të marrëdhënieve të mira në mes
    > të dy vendeve tona, mirëpres një sinjal të qartë të
    > kryeministrit të Serbisë për pjesëmarrjen në
    > Institucionet e Kosovës të atyre politikanëve serbë të
    > cilët janë duke i bojkotuar ato.
    > Duke pasur parasysh rolin vendimtar të bashkësisë
    > ndërkombëtare në Kosovë, është në interes të të
    > gjithëve ndihma që kjo bashkësi të ofrojë edhe në
    > takimin tim me z.Koshtunica. Duke vlerësuar
    > pozitivisht edhe një herë gatishmërinë e kryeministrit
    > të Serbisë që të takohet me kryeministrin e Kosovës,
    > shpreh besimin tim dhe të qeverisë sime se takimi i
    > tillë duhet të koordinohet nga të dyja palët dhe të
    > gjendet, sipas protokollit, data e dëshiruar, vendi i
    > duhur dhe temat e bisedës. Qeveria e Kosovës do të
    > bëjë veprimet e duhura në këtë drejtim që takimi me të
    > vërtetë të jetë produktiv", thuhet në letrën zyrtare
    > të kryeministrit të Kosovës Bajram Kosumi.
    >
    >
    > BOTA
    >
    > Allavi kërkon që të udhëheqë opozitën
    >
    > Ish-kryeministri formon qeverinë në hije për të
    > mbajtur nën kontroll kabinetin e ri.
    >
    > Nga Avëadh al-Taee në Bagdad
    >
    > Pasi që u përjashtua nga postet e kabinetit në
    > qeverinë e re, partia e udhëhequr nga kryemionistri i
    > kaluar, Ajad Allavi, po përpiqet të mbetet e
    > rëndësishme duke formuar një qeverinë në hije.
    > Hussein al-Sadr, anëtar i asamblesë nacionale nga
    > Lista Irakiane, tha se qeveria në hije do të formohet
    > për të projektuar praninë e partisë opozitare në
    > kabinetin e ri dhe për ta vlerësuar dhe kritikuar
    > punën e tij.
    > Koalicioni i Allavit, i cili përfaqësohet me shumicë
    > nga ligjvënës shiitë laikë, doli e treta për nga numri
    > i votave në zgjedhjet e Janarit, pas listës së
    > Aleancës Kurde dhe fituesit, Aleancës së Bashkuar
    > Irakiane, e përkrahur nga Ajatollah al-Sistani.
    > Ibrahim al-Ja'afari nga Aleanca e Bashkuar Irakiane,
    > zëvendësoi Allavin në postin e kryeministrit. Ai ishte
    > zëdhënës për partinë Da'ava, lëvizjen më e vjetër
    > islamiste Shiite.
    > Gjatë negociatave për qeveri, koalicionin i Allavit
    > kërkonte një post të zëvendësministrit, bashkë me
    > katër ministri, por partitë nuk arritën ndonjë
    > marrëveshje. Mospajtimet rreth pjesëmarrësve sunitë në
    > qeverinë e re dhe çështje tjera vonuan formimin e
    > kabinetit për tre muaj.
    > Lista Irakiane ka ende për të bërë caktimin e
    > anëtarëve në poste për kabinetin në hije, por mezi
    > pret që të fillojnë ta kenë qeverinë nën vëzhgim.
    > "Ne mund të monitorojmë dhe mbikëqyrim punën e
    > ministrive, dhe të jemi të informuar se si shkojnë
    > punët", tha al-Sadër.
    > Ali al-Dabbagh, deputet parlamenti dhe anëtar i
    > Aleancës së Bashkuar Irakiane, tha se koalicionit të
    > tij nuk i pengon formimi i qeverisë në hije nga ana e
    > Allavit, për aq sa është pjesë e procesit demokratik.
    > Dr Kasim Daud, këshillëtar për siguri kombëtare për
    > qeverinë provizore të Allavit dhe deputet në
    > parlament, tha se Lista Irakiane do të ketë edhe rol
    > legjislativ, duke qenë se tetë deputetë parlamentarë
    > janë në komitetin e Asamblesë Kombëtare të ngarkuar me
    > përpilimin e kushtetutës.
    > "Ne do të ndihmojmë progresin e procesit politik në
    > mënyrë që të arrijë në fazën e qeverisë së qëndrueshme
    > dhe të arrijë qëllimet e Irakut liberal, demokratik,
    > federal dhe të bashkuar", tha ai.
    > Lista Irakiane thotë se është e hapur për partitë
    > tjera që donë t'i bashkohen qeverisë në hije.
    > "Lista do të luajë rolin e udhëheqjes së opozitës
    > brenda parlamentit dhe do ti bashkohen shumë anëtarë
    > të Asamblesë Kombëtare të cilët pajtohen me të, tha
    > al-Sadër.
    > Edhe pse Lista Irakiane është partia kryesore
    > opozitare, anëtarët e saj votuan për të aprovuar
    > qeverinë e re, pas të cilës anëtarët e kabinetit bënë
    > betimin më 28 Prill.
    > "Ne votuam për qeveri sepse vonimi i formimit të
    > qeverisë do të shpinte drejt pasojave serioze
    > ekonomike dhe të sigurisë", tha al-Sadër. "Por ky
    > votim aspak nuk do të thotë se ne përkrahim qeverinë e
    > Jafarit. Ne përkrahim qeverinë që merr vendime të
    > drejta".
    > Analisti politik, Hasan al-Bazaz, tha se ai kishte
    > pritur nga Lista Irakiane që të jetë "akter i
    > rëndësishëm në parlament".
    > Kurse Mohammed al-Askari, një tjetër analist politik,
    > tha se Allavi ende kishte të ardhme në politikë.
    > "Qeveritë vinë dhe shkojnë kurse Lista Irakiane mund
    > të kthehet nëse Allavi formon një opozitë të ndershme
    > kombëtare që është konstruktive dhe nuk përpiqet ta
    > rrënojë qeverinë aktuale për qëllime politike", tha
    > ai.
    > Shumë irakianë të cilët folën për IWPR -në, thanë se
    > ishte ende shumë herët për të formuar qeverinë në
    > hije, meqë kabinetit të ri duhet t'i jepet rasti për
    > ta dëshmuar veten.
    > "Unë sugjeroj që formimi i qeverisë në hije të shtyhet
    > deri pas zgjedhjeve të ardhshme të përgjithshme", tha
    > Ali Abbas, 45 vjeçar, ish-oficer i Gardës Republikane
    > Irakiane.
    > Sana Rasool, 46 vjeçare, e cila drejton një internet
    > kafe, tha "Qeveria e re e zgjedhur duhet të ketë kohë
    > të mjaftueshme në mënyrë që ne të dimë se çfarë ata
    > mund të bëjnë për popullin, në aspektin e sigurisë dhe
    > rindërtimit".
    >
    > Aëadh al-Taee është gazetar stazhier në IWPR në
    > Bagdad.
    >
    >
    > Karasu nën kontroll qeveritar
    >
    > Forcat uzbeke të sigurisë kanë rimarrë qytetin lindor
    > të Karasut pasi më parë banorët vendas kishin dëbuar
    > autoritetet qeveritare të shtunën dhe thanë se do të
    > marrin vetë kontrollin e administratës.
    > Një numër shpërthimesh që u dukën se ishin shkëmbim
    > zjarri automatik u dëgjuan nga ana uzbeke e qytetit të
    > ndarë, por rimarrja e qytetit duket se ka qenë në
    > përgjithësi paqësore. Rojet, në anën kufitare të
    > Kirgistanit, thanë se forcat speciale uzbeke kishin
    > hyrë në qytet. Ata gjithashtu thanë se personi që
    > duket se ka drejtuar kryengritjen në Karasu, Bakhtior
    > Oghli, është arrestuar. Dëshmitarët okularë thonë se
    > vendasit duken të qetë dhe ende lejohen të lëvizin në
    > kufi. Rojet kufitare uzbeke nuk po lejonë gazetarët që
    > të kalojnë në anën uzbeke të kufirit.
    >
    >
    > SHBA bën thirrje për hetime
    >
    > Shtetet e Bashkuara u janë bashkuar thirrjeve për
    > hetime rreth ngjarjeve në Uzbekistan që lanë disa
    > qindra të vrarë.
    > Kjo pason thirrjet e sekretarit britanik të jashtëm,
    > Jack Straw bërë presidentit Karimov që të bashkëpunojë
    > me bashkësinë ndërkombëtare për të kuptuar se çfarë
    > kishte ndodhur në qytetin e Andixhanit.
    > Shtetet e Bashkuara kanë qenë të kujdesshme në
    > reagimet e tyre, sepse Uashingtoni e sheh Uzbekistanin
    > si një aleat të rëndësishëm në luftën kundër
    > terrorizmit, ndonëse në të kaluarën ka qenë kritik
    > ndaj mosrespektimit të të drejtave të njeriut në këtë
    > vend.
    > Por tani Amerika thotë se është e gatshme që të
    > ndihmojë së bashku me bashkësinë ndërkombëtare që të
    > ndriçohen të gjitha faktet.
    >
    >
    > Arrestime të reja në Kolumbi
    >
    > Tre kolumbianë janë arrestuar, pjesëtarë të një bandë
    > droge që thuhet se drejtohet nga amerikanët.
    > Arrestimet kanë nxjerrë në dritë përsëri seritë e
    > skandaleve që kanë përfshirë ushtarët amerikanë në
    > Kolumbi. Pesë ushtarë amerikanë u arrestuan për
    > trafikim droge në mars dhe u akuzuan për 16 kg
    > kokainë. Kjo u pasua, më herët këtë muaj, me
    > arrestimin e dy ushtarëve të tjerë amerikanë të
    > akuzuar për trafikim armësh për paraushtarakët e
    > krahut të djathtë. Skandalet kanë ngjallur zemërim në
    > Kolumbi dhe kanë inkurajuar gjeneralin e përgjithshëm
    > të inspektimeve Edgardo Maya të studiojë marrëveshjen
    > e vitit 1974, që i jep personelit amerikan imunitet
    > nga hetimet.
    > Zoti Maya beson se marrëveshja është jokushtetuese dhe
    > duhet ndryshuar dhe ai po ia paraqet çështjen gjykatës
    > kushtetuese. Nëse marrëveshja ndryshohet, mund të
    > ndodhë që ndihma ushtarake amerikane, e vetmja gjë që
    > lejon ushtrinë kolumbiane të mbajë nën kontroll
    > rebelët marksistë, mund të ndërpritet ose të pakësohet
    > ndjeshëm.
    >
    >
    > Kryetarët e Gjermanisë, Francës dhe Polonisë takohen
    > në Nancy
    >
    > Gjermania, Franca, dhe Polonia e konsiderojnë të
    > perjashtuar mundesine bisedimeve për kushtetuten
    > europiane. një hap i ketille do te ishte një iluzion,
    > pas deshtimit te mundshem te referendumit për
    > kushtetuen europiane ne France, ka deklaruar kancelari
    > gjerman Gerhard Shreder ne Nancy. Shreder ka zhvilluar
    > bisedime ne Nancy me presidentin e Frances, Zhak
    > Shirak, dhe me ate te Polonise Aleksander Kwasnievski.
    > Referendumi francez konsiderohet si sfida me e madhe
    > për kushtetuten europiane. Te tre politikanet jane
    > takuar ne kuader te takimeve "të treshes së Vajmarit".
    > Ne kete takim nuk ishte arritur dakordim sa i perket
    > çeshtjes se planeve financiare te BE-se për vitet
    > 2007-2013.
    >
    >
    > Irak, vriten 2 funksionarë të lartë dhe 2 policë
    >
    > Në kryeqytetin irakian janë vrarë një funksionar i
    > lartë i Ministrisë së naftës dhe një i besuar i
    > Ajotallahut të madh, Ali Al Sistani. Sipas policisë,
    > atentatorët kishin qenë në shtëpinë e
    > bashkëpunëtorit të Sistanit në Bagdat dhe e kanë
    > qëlluar. Ndërkohë si pasojë e shpërthimit të një
    > bombe në qendër të Bakubës kanë humbur jetën edhe dy
    > policë.
    >
    >
    > Bush: SHBA nuk ka qenë e përgatitur për pas luftën në
    > Irak
    >
    > Presidenti amerikan Xhorxh Bush e ka pranuar se
    > SHBA-të pas suksesit ushtarak ne Irak nuk ishin te
    > pergatitur sa duhej ne rindertimin e vendit pas
    > luftes. Pervojat kane deshmuar se nuk ka diplomatë te
    > mjaftueshem dhe nëpunës qeveritarë, te cilet ne raste
    > krizash do te dergoheshin, tha Bush para një instituti
    > nderkombëtar te republikaneve. për kete arsye, Bush
    > mendon te krijojë një kontigjent diplomatësh për t'i
    > derguar ne misione civile ne vatra te kricave.
    >
    >
    > Militantët palestinezë kanë shkrepur 3 raketa në
    > territorin e Izraelit
    >
    > Militantët palestinezë kanë shkrepur dje tri raketa në
    > territorin e Izraelit, por nuk kanë shkaktuar viktima,
    > ndonëse kanë dëmtuar armëpushimin e lidhur në shkurt
    > të këtij viti, kanë bërë të ditur burimet izraelite
    > dhe palestineze, njofton Rojter. Po dje, militantët
    > palestinezë kanë shkrepur edhe 10 bomba mortajash në
    > vendbanimin hebre në Gaza, po edhe në këtë rast nuk
    > kanë plagosur askënd.
    >
    >
    > Përmbytet trageti në Bangladesh
    >
    > Zhytësit kanë luftuar edhe dje me dallgët për t'iu
    > afruar tragetit, të gjatë nëntë metra, të përmbytur
    > tri ditë më parë, në lumin Xhamuna në Bangladesh, por
    > janë zbehur fare shpresat për të gjetur gjallë ndonjë
    > nga udhëtarët, të cilët, drohet se tashmë kanë humbur
    > jetën, njofton Rojter. Nga 150 udhëtarët e përmbytur,
    > vetëm 50 syresh kanë shpëtuar.
    >
    >
    > DOSSIER
    >
    > Golda Meir: Izraeli im (13)
    >
    > Befasia e udhëtimit tim të parë në Europë
    >
    > Brukseli më impresionoi. Kisha harruar plotësisht se
    > si dukej bota jashtë Palestinës. Mezi u besoja syve të
    > mi: drunj, tramvaje, shitore të luleve e të pemëve,
    > ftohtë, kohë e vranët - krejt ndryshe nga Tel-Avivi.
    > Isha e mahnitur me të gjitha. Meqë isha anëtari më i
    > ri i delegacionit tonë (në delegacion ishin edhe Ben
    > Gurion e Ben Cvi), kisha kohë të vizitoja monumentet
    > historike e kulturore, ose që me orë të tëra të
    > dëgjoja fjalimet e socialistëve në zë, të cilët nuk i
    > kisha parë kurrë në jetë, si Arthur Hendersoni, lider
    > i Partisë Laburiste britanike, që ishte kryetar i
    > Internacionales Socialiste, apo Leon Blumin, i cili më
    > vonë do të bëhet kryetari i parë socialist dhe hebraik
    > i qeverisë franceze.
    >
    > Vijon nga numri i kaluar
    > Në këtë kohë udhëtoja shpesh në botën e jashtme. Kur
    > udhëtoja, më shtohej ndjenja e fajësisë se mos po i
    > lija në harresë fëmijët. Kurrë nuk jam kthyer pa
    > dhurata për ta.
    > Sara, me vite të tëra, fare nuk ishte e shëndoshë.
    > Dyshohej se vuante nga veshkat. Nuk kalonte as një
    > muaj e të mos kërkonim mjek për të. Ishte vajzë e
    > bukur, e gëzueshme dhe shumë e gjallë. I përmbahej
    > dietës së rreptë dhe gëlltiste barnat e përshkruara.
    > Nganjëherë, javë të tëra duhej t'i kalonte në shtrat.
    > Në kohën kur duhej të rrinte shtrirë, assesi s'mund ta
    > linim askund. Kur çohej, duhej gjithë kohën të
    > kujdeseshim për të. Shejna dhe nëna më ndihmuan shumë,
    > por vazhdimisht kisha ndjenjën se duhej t'u kërkoja
    > falje pse në mëngjes shkoja në punë e kthehesha vonë
    > pas dite.
    >
    > Shejna më fajësonte se jam shndërruar në "personalitet
    > publik"
    >
    > Me kërkesë të Pioneer Women, më dërguan në Shtetet e
    > Bashkuara të Amerikës që atje të qëndroj disa javë.
    > SHBA-të po i shihja sërishmi pas shtatë vjetësh.
    > Rrugës vizitova edhe Internacionalen Socialiste, që
    > asokohe ishte mbledhur në Bruksel. Ky qytet më
    > impresionoi. Kisha harruar plotësisht se si dukej bota
    > jashtë Palestinës. Mezi u besoja syve të mi: drunj,
    > tramvaje, shitore të luleve e të pemëve, ftohtë, kohë
    > e vranët - krejt ndryshe nga Tel-Avivi. Isha e
    > mahnitur me të gjitha. Meqë isha anëtari më i ri i
    > delegacionit tonë (në delegacion ishin edhe Ben Gurion
    > e Ben Cvi), kisha kohë të vizitoja monumentet
    > historike e kulturore, ose që me orë të tëra të
    > dëgjoja fjalimet e socialistëve në zë, të cilët nuk i
    > kisha parë kurrë në jetë, si Arthur Hendersoni, lider
    > i Partisë Laburiste britanike, që ishte kryetar i
    > Internacionales Socialiste, apo Leon Blumin, i cili më
    > vonë do të bëhet kryetari i parë socialist dhe hebraik
    > i qeverisë franceze. Hendersoni pat deklaruar aty se
    > është i gatshëm të organizojë Ligën e punëtorëve
    > palestinezë. Dhe, mu për këtë e sulmuan ashpër
    > hebrenjtë socialistë josionistë. Atmosfera ishte shumë
    > e tensionuar. Përkundër të gjitha këtyre, çdo ditë
    > gjeja nga një orë kohë me qëllim që ta siguroja
    > Shejnën nga largësia se nuk jam egoiste dhe se nuk jam
    > nënë e keqe.
    > "Ju lus vetëm për një gjë" - i shkruaja nga Brukseli -
    > "që të keni mirëkuptim për mua dhe të më besoni.
    > Aktivitetet e mia shoqërore nuk janë të dorës së dytë,
    > ato janë për mua absolutisht të domosdoshme... Para se
    > të udhëtoja, mjeku më ka bindur se shëndeti i Sarës
    > lejon këtë udhëtim timin. Për Menahemin kam ndërmarrë
    > masat e domosdoshme... Në situatën e tashme, nuk kam
    > mundur ta refuzoj këtë ftesë...".
    > Edhe pse edhe Shejna dëshironte të kthehej për një
    > kohë të shkurtër në Amerikë në studime dhe t'i linte
    > dy fëmijët e saj më të mëdhenj në Palestinë, edhe më
    > tej më fajësonte se jam shndërruar në "personalitet
    > publik". Edhe nëna më qortonte edhe më tej. Që të dyja
    > më bënin vërejtje se shumë shpesh jam jashtë shtëpisë
    > dhe se fëmijët, pa mua, duhej të ushqeheshin në
    > restorantin e mirë vendor në lagjen e punëtorëve në
    > rrugën "Hajarkon" në veri të Tel-Avivit, ku banonim.
    > Selia qendrore e Histadrutit tash është e vendosur në
    > një godinë të madhe në njërën nga rrugët kryesore të
    > Tel-Avivit. Godina i ngjet një koshereje të madhe ku
    > gumëzhijnë qindra zëra, makina shkrimi dhe telefona.
    > Dikur ishte krejtësisht ndryshe. Kishim vetëm disa
    > dhoma, disa makina shkrimi, vetëm një telefon dhe të
    > gjithë njiheshim mes veti. Në plotëkuptim të fjalës,
    > ndiheshim si haverim (shokë). Asokohe krijova shumicën
    > e lidhjeve, të cilat, në këtë apo në atë mënyrë, i kam
    > ruajtur deri në fund.
    >
    > Kush ishte Rubashovi?
    >
    > Tre ose katër nga grupi ynë u bënë të njohur edhe
    > jashtë Jishuvit. Ben Gurioni, me arsye, në gjithë
    > botën konsiderohet personifikues i Izraelit. Si një
    > nga hebrenjtë e mëdhenj të shekullit XX, ai vërtet do
    > të hyjë në histori. Ishte i vetmi nga ne për të cilin
    > mund të thuhet se praktikisht ishte i pazëvendësueshëm
    > për popullin hebraik dhe për luftën e tij për
    > pavarësi. Por, asokohe atë e njihja pak. Ndër ata që
    > kam takuar shpesh ishin Shneur Zalman Shazar, më vonë
    > kryetari i tretë i shtetit të Izraelit, Levi Eshkol,
    > kryeministri i tretë izraelit, David Remez dhe Bert
    > Katznelson, pastaj Josef Shprinzak, i cili më vonë do
    > të bëhet kryetari i parë i Knessetit.
    > Shazarin (mbiemri i tij para se te habraizonte ishte
    > Rubashov) e njoha pasi ikëm nga Merhavia dhe u
    > vendosëm në Tel-Aviv. Ishte data 1 Maj - Dita e
    > Punëtorëve. Morrisi dhe unë shkruam në manifestimin që
    > e kishte organizuar Histadruti në oborrin e "Herzlia
    > High School". Kurrë nuk i kam dashur fjalimet e gjata,
    > e as kur ishte fjala për Lëvizjen punëtore. Isha
    > ngapak e habitur kur një i ri doli në foltore. Edhe
    > sot e kam para syve: një djalosh i fuqishëm i veshur
    > me rubashkë (bluzë ruse, të cilën në atë kohë e mbanin
    > punëtorët në Izrael), me rrip në bel dhe me pantollona
    > ngjyrë të verdhë në të mbyllët. Fliste me aq pasion
    > dhe në një hebraishte të mrekullueshme, sa që
    > menjëherë pyeta se kush është ai. - Ai është Rubashovi
    > - m'u përgjigjën kërcënueshëm sikurse unë duhej të
    > dija se kush është ai. Ishte poet dhe shkrimtar. Njeri
    > i rëndësishëm. Kur u njoha me të, më la përshtypje
    > shumë të mira. Shumë shpejt u bëmë miq të mirë. Ai
    > ishte edhe gazetar i talentuar, eseist dhe redaktor.
    > Shazari vdiq më 1974, në moshën 85-vjeçare, një vit
    > pasi la postin e kryetarit të Izraelit. Shumë vjet
    > botoi "Davar"-in (gazetë e Lëvizjes punëtore). Më
    > kujtohet të më ketë thënë dikush njëherë se Zalmani më
    > me dëshirë përmirëson atë që shkruajnë të tjerët, se
    > sa të shkruajë vetë. Kurrë nuk punoi në arsim, por më
    > 1948 ishte ministri i parë izraelit i arsimit. Është
    > shumë interesant tregimi për ditën e tij të parë në
    > ministri. Kuptoi se ka vetëm një dhomë dhe vetëm një
    > sekretar, por jo edhe makinë shkrimi. Vari kapelën, u
    > ul dhe në mënyrë energjike i tha sekretarit të ri: -
    > Ju lutem, shkruani. Nuk ke makinë shkrimi? S'ka
    > lidhje! Shkruaj me dorë! I gatshëm? Shkruaj: "Të
    > gjithë fëmijët izraelitë ndërmjet katër dhe
    > tetëmbëdhjetë vjeç do të kenë nga sot shkollim pa
    > pagesë të kualitetit më të lartë". Kur sekretari i tha
    > se do të kalojnë disa ditë derisa të aplikohet kjo,
    > meqë shteti ekziston që vetëm një ditë, Shazari tha me
    > mllef: - Kur është fjala për arsimim, nuk dua të më
    > kundërshtojë kush. Ky është vendimi im i parë si
    > ministër kompetent. Shumë shpejt pastaj aplikoi në
    > praktikë ligjin izraelit për arsim.
    > Kur Shazari ishte kryetar shteti e unë kryeministre,
    > takohesha me të sa herë kisha mundësi.
    >
    > Levi Eshkol mbikëqyri themelimin e gati mbi 400
    > fshatrave të reja hebraike
    >
    > Levi Eshkol (mbiemri i tij i mëhershëm ishte Shkolnik)
    > bën pjesë në radhën e njerëzve me të cilët u miqësova
    > që në vitet njëzetë. Ai më dukej krejtësisht tjetër
    > nga Shazari. Ishte më shumë njeri i punës se sa i
    > fjalëve. Në Palestinë erdhi kur ishte djalosh
    > 19-vjeçar. Meqë punonte në pjesë të ndryshme të
    > vendit, bashkë me Ben Gurionin dhe me Ben Cvinë u
    > anëtarësua në Legjionin hebraik. (Gjithmonë rrihte
    > gjoks se Ben Gurionin ai e kishte bërë tetar). Pas
    > luftës u bë anëtar i kibucit Degania. Edhe pse shumë
    > shpejt e zgjodhën në Histadrut, ai gjithë jetën mbeti
    > i lidhur ngushtë me kibucin. Eshkoli ishte idealist
    > tipik i kohës, por më me dëshirë merrej me problemet e
    > vështira dhe reale. Politika, në kuptimin abstrakt,
    > nuk i interesonte shumë. Nëse dëshirojmë që hebrenjtë
    > të kenë shtetin e vet nacional, duhet të vendosen dhe
    > të mos brengosen për atë se sa kushton toka dhe cilat
    > pengesa ia bën pushteti mandator institucioneve
    > hebraike, thoshte. Më vonë ai e kaloi kohën duke
    > kërkuar vende për ndërtimin e vendbanimeve të reja. Si
    > udhëheqës i Jewish Agency's Land Settlement Department
    > mbikëqyri themelimin e gati mbi 400 fshatrave të reja
    > hebraike. Ishte e pamundshme të krijosh vendbanime të
    > reja pa gjetur burime të ujit, prandaj Eshkoli u dha
    > pas hulumtimit intensiv të ujit. Kjo punë kushtonte
    > shumë dhe ai filloi të kërkojë para. Dhe, ia arriti
    > t'i gjejë të dyjat, por jo në masë të mjaftueshme.
    > Por, nëse njeriu nuk ka as tokë e as ujë të
    > mjaftueshëm dhe, karshi kësaj, ka edhe fqinj deri-diku
    > armiqësorë, atëherë duhet të blejë armë dhe të krijojë
    > armatën. Historia e pjesëmarrjes së Eshkolit në
    > armatosjen e Izraelit nga viti 1921 (kur u bë anëtar i
    > Komitetit mbrojtës të Histadrutit) deri në kohën kur u
    > zgjodh kryeministër dhe ministër i Mbrojtjes, më 1963,
    > tek do të duhej të shkruhej. Gjatë luftës
    > gjashtëditëshe më 1967, Eshkol ishte kryeministër dhe
    > qe kritikuar për hezitim. Për, gjoja, paaftësinë e tij
    > që të vendosë qenë krijuar gjithfarë barcaletash.
    > Megjithatë, drama e tij e viteve të fundit (vdiq më
    > 1969 nga sulmi në zemër) është zënka e tij me Ben
    > Gurionin, ithtar i të cilit ishte me dekada dhe me
    > dëshirën e të cilit, duke kundërshtuar, mori detyrën e
    > kryeministrit. Në këtë konflikt të ashpër, i cili ndau
    > përgjysmë Izraelin, u involvua edhe tërë Lëvizja
    > punëtore.
    >
    > Vërshima e qindra-mijëra hebrenjve të paatdhe
    >
    > Eshkoli nuk kishte (do ta përdor fjalën e njohur)
    > karizmë të veten. Unë e doja dhe kisha besim në të që
    > nga fillimi, por kush do të mendonte edhe në ëndërr
    > gjatë punës sonë të përbashkët në Tel-Aviv se ai do të
    > jetë kryeministër, ndërsa unë trashëgimtare e postit
    > të tij. Viteve pesëdhjetë, kur Eshkoli ishte ministër
    > izraelit i Financave dhe unë ministre e Punës, shpesh
    > kishim konflikte mes veti, por kurrë në planin
    > personal. Në ato vite, shteti i Izraelit ishte i
    > vërshuar nga qindra e mijëra hebrenj të gjorë e të
    > pangopur me bukë dhe të paatdhe, nga DP - kampet e
    > Europës (displaced persons, ose njerëz të çatdhesuar)
    > dhe nga getoja e shteteve arabe. E vetmja mundësi të
    > përballohej kjo valë njerëzish ishte të aplikoheshin
    > kampet e strehimit për ta.
    > Një ditë, Eshkoli erdhi në zyrën time. - Duhet t'i
    > heqim ata njerëz nga kampet! - bërtiti. - Duhet t'i
    > shpërndajmë nëpër gjithë vendin. Nuk e di se si do ta
    > bëjmë këtë dhe se si do të jetojnë ata njerëz, por
    > duhet të veprojmë kështu! I thashë se kjo është
    > plotësisht e pamundshme në këtë moment, se për këtë
    > duhet kohë, por ai ishte këmbëngulës dhe - pati të
    > drejtë.
    > Kur më kujtohet sot kjo çështje, mendoj se Izraeli nuk
    > do të mund të mbijetonte ato vitet e para të zorshme
    > pas vitit 1948, po të mos i tërhiqte Eshkoli gati 700
    > mijë ardhacakë nga kampet e strehimit dhe po të mos i
    > vendoste nëpër qytezat-tenda, që i rregulluam për ta.
    > Këto tenda mbinin për disa ditë sikur kërpudhat pas
    > shiut.
    > Si ministre e Punës e kisha për detyrë t'i punësoja
    > këta njerëz dhe t'i nxirrja nga tendat e mjera.
    > Vazhdimisht kërkoja para nga eshkoli për financimin e
    > projekteve të caktuara dhe për ndërtimin e shtëpive.
    > Por, ai i jepte përparësi një çështjeje tjetër. -
    > Shikoni - thoshte - shtëpia nuk "milet", ndërsa lopa
    > po. Nëse ju duhen para, do t'jua jap menjëherë, por
    > vetëm për lopë!
    > Njëherë shkova nervoze te Ben Gurioni dhe i thashë se
    > jap dorëheqje: unë jam ministre e Punës dhe e
    > Ndërtimit (ku bënte pjesë edhe ndërtimi i banesave), e
    > jo ministre e papunësisë dhe e tendave! Megjithatë,
    > nuk dhashë dorëheqje, ndërsa Eshkoli sërishmi gjeti
    > diku para për ndërtimin e banesave.
    >
    > Vijon numrin tjetër
    > Përktheu: Behxhet Haliti
    >
    >
    > Çfarë përfaqësonte Ben Gurioni për izraelitët
    >
    > Tre ose katër nga grupi ynë u bënë të njohur edhe
    > jashtë Jishuvit. Ben Gurioni, me arsye, në gjithë
    > botën konsiderohet personifikues i Izraelit. Si një
    > nga hebrenjtë e mëdhenj të shekullit XX, ai vërtet do
    > të hyjë në histori. Ishte i vetmi nga ne për të cilin
    > mund të thuhet se praktikisht ishte i pazëvendësueshëm
    > për popullin hebraik dhe për luftën e tij për
    > pavarësi. Por, asokohe atë e njihja pak. Ndër ata që
    > kam takuar shpesh ishin Shneur Zalman Shazar, më vonë
    > kryetari i tretë i shtetit të Izraelit, Levi Eshkol,
    > kryeministri i tretë izraelit, David Remez dhe Bert
    > Katznelson, pastaj Josef Shprinzak, i cili më vonë do
    > të bëhet kryetari i parë i Knessetit.
    >
    >
    > Sherri i Levi Eshkol me Ben Gurionin
    >
    > Historia e pjesëmarrjes së Eshkolit në armatosjen e
    > Izraelit nga viti 1921, deri në kohën kur u zgjodh
    > kryeministër dhe ministër i Mbrojtjes, më 1963, tek do
    > të duhej të shkruhej. Gjatë luftës gjashtëditëshe më
    > 1967, Eshkol ishte kryeministër dhe qe kritikuar për
    > hezitim. Për, gjoja, paaftësinë e tij që të vendosë
    > qenë krijuar gjithfarë barcoletash. Megjithatë, drama
    > e tij e viteve të fundit, është zënka e tij me Ben
    > Gurionin, ithtar i të cilit ishte me dekada dhe me
    > dëshirën e të cilit, duke kundërshtuar, mori detyrën e
    > kryeministrit. Në këtë konflikt të ashpër, i cili ndau
    > përgjysmë Izraelin, u involvua edhe tërë Lëvizja
    > punëtore.
    >
    >
    > Njëherë shkova nervoze te Ben Gurioni dhe i thashë se
    > jap dorëheqje: unë jam ministre e Punës dhe e
    > Ndërtimit (ku bënte pjesë edhe ndërtimi i banesave), e
    > jo minstre e papunësisë dhe e tendave! Megjithatë, nuk
    > dhashë dorëheqje.
    >
    >
    > Mendoj se Izraeli nuk do të mund të mbijetonte ato
    > vitet e para të zorshme pas vitit 1948, po të mos i
    > tërhiqte Eshkoli gati 700 mijë ardhacakë nga kampet e
    > strehimit dhe po të mos i vendoste nëpër
    > qytezat-tenda, që i rregulluam për ta.
    >
    >
    > KULTURA
    >
    > Sotir Proko është artist i punës racionale dhe
    > vullnetit ekzekutues të shumë veprave. E sot e kësaj
    > dite nuk rresht së bëri shumë gjëra njëkohësisht,
    > sepse ai njeh shumë forma pikturimi. Veprat e tij
    > aplikative kanë gjetur institutucione muze dhe qendra
    > kulturore për t'u mbështetur. Tjetër punë ajo e
    > veprave aplikative, por për një imazh të Skënderbeut
    > ai thotë se nuk do të vdiste dot pa e bërë. I duket
    > sikur i kanë ikur vitet. "Kjo është vepra ime e
    > fundit", thotë ai duke treguar me dorë nga ekspozita
    > në GKA. Galeria Kombëtare e Arteve në Tiranë ruan tre
    > vepra në skulpturë të Sotir Prokos. Mjeshtri, dikur
    > kryemodelist, krijues mësimdhënës në shkollën
    > "Migjeni" për vlerat e krijimtarisë së tij është
    > dekoruar me medaljen "Naim Frashëri", ka marë tri
    > çmime kombëtare dhe titullin "Mjeshtër i shquar" thotë
    > për të studiuesi i artit, Ferid Hudhri.
    >
    > Dikur Prof. Josif Papagjoni ka ngritur zërin për
    > dekorimin me Urdhërin "Mjeshtër i Madh i Punës" për
    > një njeri të veçantë, për Sotir Prokon. Papagjoni e
    > ka vlerësuar Sotir Prokon si "mjeshtër të zejes
    > artistike në fushën e arteve figurative si artist
    > popullor e me frymëzim kombëtar". Ndërsa, studiuesi i
    > artit Ferid Hudhri ka dëshmuar për të se "S.Proko
    > është një nga artistët që përvetëson më qartë jetën
    > shqiptare në art. Këtë art me shumë interes që ka bërë
    > jehonë në disa vende të botës e ka pëvetësuar dhe i
    > biri Leonard Proko. Kjo traditë famijare ka shkuar
    > edhe tek i nipi 12 vjeçar Elvi Proko, i cili premton
    > shumë"
    >
    > Vepra të spikatura në konkursin me temë "Gjergj
    > Kastriot Skënderbeu, strateg dhe diplomat"
    >
    > Sotir Proko, sprova ime e fundit për Heroin Kombëtar
    >
    > Dhurata Hamzai
    >
    > Në ekspozitën kushtuar Heroit tonë Kombëtar me temë
    > "Gjergj Kastriot Skënderbeu, strateg dhe diplomat",
    > shumë piktorë e kanë risjellë edhe njëherë imazhin e
    > heroit për një konkurs tematik. Më mesin e 108
    > piktorëve dhe skulptorëve nga Shqipëria dhe Kosova, u
    > përzgjodhën dhe iu prezantuan publikut në Galerinë
    > Kombëtare të Arteve vetëm 30 veprat e përzgjedhura, të
    > cilat këto ditë kanë qenë të ekspozuara në sallën
    > kryesore të saj. Veprat më të zgjedhura, ditën e hënë,
    > do të nisen për në Prishtinë. Jo të gjitha pikturat
    > për heroin e patën të lehtë që ta sjellin të plotë
    > imazhin e tij, por nuk mund të mohojmë disa nga veprat
    > më të spikatura që ranë në sy tek disa piktorë të
    > njohur si Vilson Kilica, Alush Shima, Vehap Kokalari,
    > Myftar Cubi, Hajdar Danjolli, Hasan Nallbani, Sotir
    > Proko, Agim Sulaj, etj. Ka qenë një sprovë e vërtetë
    > përpjekja për të sjellë imazhin e një Skënderbeu, jo
    > vetëm luftëtar por edhe diplomat, sepse demagogjitë e
    > ndryshme dhe nganjëherë dhe legjendat popullore e kanë
    > harruar potretin e vërtetë të Heroit. Duhen shfletuar
    > arkiva të tëra për ta sjellë atë kaq të realizuar
    > përmes pikturës, ashtu si e kërkonte edhe objektivi i
    > një konkursi në këtë jubile historik, po ashtu si
    > Europa dhe qytetërimi i saj e ruan me fanatizëm në
    > kujtesën e saj Gjergj Katriot Skënderbeun. Edhe pse
    > vetë pjesëmarrja e 108 piktorëve rrëfeu një dashuri të
    > pashuar për heroin kombëtar, kanë qenë të paktë
    > artistët që Skënderbeun e kanë paraqitur si një figurë
    > më komplekse. Të çlirët në natyrë dhe mediativ, sa
    > larg, po aq dhe afër fushës së betejës e ka sjellë
    > figurën e këtij luftëtari Alush Shima njëkohësisht dhe
    > fituesi i çmimit të parë me veprën "Skënderbeu mbret".
    > E kanë sjellë në këtë mënyrë imazhin e Tij edhe disa
    > piktorë të tjerë të cilët kanë ngacmuar syrin e
    > vizitorit dhe kritikët. Një rast i veçantë ka qenë ai
    > i Myftar Cubit që e ka sjellë portretin Heroit
    > Kombëtar në një basoreliev të pikturuar me gurë
    > mozaiku, portreti i të cilit ka sfiduar me dritë
    > ngjyrën e vranët të gurit. Një portret i mahnitshëm
    > është ai jo vetëm nga detajet që sfidojnë materialin,
    > por edhe prej emocionit që do të zhvillohet kur
    > vështron veprën. Befasi e bukur ka qenë për vizitorët
    > e ekspozitës edhe portreti i Agim Sulaj, një portret
    > tepër impresionues. Fantastik në mënyrën e pikturimit
    > dhe i paharueshëm si imazh, ky portret heroi zhytet në
    > një purpur të zjarrtë dhe një pjesë e fytyrës zhytet
    > në një zezonë shumë misterioze. Pra, ka qenë një
    > dashuri e konservuar në genin shqiptar ajo që gjatë
    > kësaj kohe u ka dhënë frymën disa artistëve për të na
    > befasuar, ani pse arti është art dhe ata që sollën
    > vërtetë vepra me vlerë do të ishin me siguri në një
    > numur shumë të vogël. Dikur Prof. Josif Papagjoni ka
    > ngritur zërin për dekorimin me Urdhërin "Mjeshtër i
    > Madh i Punës" për një njeri të veçantë, për Sotir
    > Prokon. Kujtojmë se ai pavarësisht moshës dhe
    > sëmundjes nuk mungoi të vinte në GKA me vepra për
    > Heroin Kombëtar në këtë Jubile të ndritur. Papagjoni e
    > ka vlerësuar Sotir Prokon si "mjeshtër të zejes
    > artistike në fushën e arteve figurative si artist
    > popullor e me frymëzim kombëtar". Të gjithë artistët
    > e brezit të mesëm e njohin Sotir Prokon si mjeshtrin e
    > vjetër të ish-ndërrmarrjes artistike "Migjeni", si
    > duarartë dhe si një mësues të mrekullueshëm. Por pak e
    > njohin artistët e brezit të ri, pavarësisht
    > ekspozitave që ai ka hapur. Sotir Proko është i
    > famshëm, megjithatë, për mënyrën origjinale të
    > kompozimeve figurative të larmishme, për punimet e tij
    > në dru, në gur, kashte dhe metal. Ai sot mbart mbi
    > shpatulla barrën e rëndë të punës së tij pasionante
    > (jeton me një zemër të lënduar kohë më parë, por që
    > sot pas operacionit i funksinon sërisht shumë mirë).
    > Sotirin e njohin të gjithë si një person të veçantë,
    > jo vetëm në fushën e arteve figrative, por edhe atyre
    > të aplikuara. Veprat e tij ndodhen jo vetëm në
    > muzeumet e Shqipërisë, por edhe në ato të botës. Në
    > artizanatin artistik ai ka drejtuar dhe mësuar shumë
    > punëtorë. Mjeshtëri Proko sot vetëm punon e vrapon
    > edhe pse ka hyrë në të shtatëdhjetat. Mjeshtër i
    > shquar në profesion, ai i kthehet me një rrezëllim të
    > ri artit figurativ. Proko është një tip pak i
    > çuditshmëm; i palodhur, pasionant dhe energjik deri në
    > shpërthim. Sotir Proko është artist i punës racionale
    > dhe vullnetit ekzekutues të shumë veprave. E sot e
    > kësaj dite nuk rresht së bëri shumë gjëra
    > njëkohësisht, sepse ai njeh shumë forma pikturimi.
    > Veprat e tij aplikative kanë gjetur institutucione
    > muze dhe qendra kulturore për t'u mbështetur. Tjetër
    > punë ajo e veprave aplikative, por për një imazh të
    > Skënderbeut ai thotë se nuk do të vdiste dot pa e
    > bërë. I duket sikur i kanë ikur vitet. "Kjo është
    > vepra ime e fundit", thotë ai duke treguar me dorë nga
    > ekspozita në GKA. Galeria Kombëtare e Arteve në Tiranë
    > ruan tre vepra në skulpturë të Sotir Prokos. Mjeshtri,
    > dikur kryemodelist, krijues mësimdhënës në shkollën
    > "Migjeni" për vlerat e krijimtarisë së tij është
    > dekoruar me medaljen "Naim Frashëri", ka marë tri
    > çmime kombëtare dhe titullin "Mjeshtër i shquar" thotë
    > për të studiuesi i artit, Ferid Hudhri. Tipizimi
    > skrupuloz i elementeve kombëtar e historike, emocioni
    > ekspresiv i mbivendosur nga frymë e tij ka lënë shenjë
    > në çdo vepër. Proko ka një vepër të tij edhe në Muzeun
    > e Kalabrisë, të cilën atdhetarët e mbajnë si kujtim të
    > shenjtë prej Shqipërie. Sotir Proko ka lënë gjurmë
    > Shqipërie në të gjtha ekspozitat ku ka shkuar, si në
    > Austri Itali, Gjermani, Turqi. Studiuesi i artit Ferid
    > Hudhri ka dëshmuar për të se "S.Proko është një nga
    > artistët që përvetëson më qartë jetën shqiptare në
    > art. Këtë art me shumë interes që ka bërë jehonë në
    > disa vende të botës e ka pëvetësuar dhe i biri Leonard
    > Proko. Kjo traditë famijare ka shkuar edhe tek i nipi
    > 12 vjeçar Elvi Proko, i cili premton shumë". Pra Proko
    > ka qenë njeriu që e ka ngritur në një shkallë të lartë
    > artistike mjeshtërinë e gdhendjes në gur, dru, e
    > metal, art i Trashëgimisë Popullore dhe për vlerat
    > utilitare të këtyre punimeve si dhe për rikthimin e
    > këtyre vlerave në mënyrë po aq mjeshtërore në vepra të
    > artit, kohët e fundit i është bërë kërkesë
    > institucioneve kulturore që artistit t'i jepet titulli
    > "Mjeshtër i madh i punës". Ndërsa Dritëro Agolli ka
    > shtuar në shërbim të kësaj kërkese që ende s'është
    > ekzekutuar që "Artisti Sotir Proko ka një krijimtari
    > shumë të gjerë që është rezultat i punës 40 vjeçare të
    > tij. Mjaft i rëndësishëm është fakti që duke qenë një
    > piktor dhe skulptor i talentuar ai trajton disa
    > teknika të reja si punime në fije ari origjinal, fije
    > argjendi, bakër bronz, dru etj",
    >
    > Dashuria për Heroin Kombëtar, shkak për një
    > sfidë-retrospektivë
    >
    > Ky është mjeshtri Sotir Proko, i cili na kthen në
    > retrospektivë për një meritë të veçantë dhe ajo është
    > vepra e Skëderbeut në betejë, e cila ka sfiduar shumë
    > piktorë të rinj e të vjetër. Proko me atë tekniken e
    > tij të veçantë të gdhedjes në metal ka punuar një
    > vepër të rrallë, pjesëmarrëse në ekspozitë. Vepra e
    > tij po ta shohësh i ka shpëtuar realizmit të ngurtë,
    > ka dalë nga kornizat. Vështrimi i heroit në atë betejë
    > nuk është i vendosur realisht në fushën e luftës.
    > Personazhet në krah kanë ardhur disi fantazmagorik dhe
    > beteja është kaq figurative, kaq magjepëse e romantike
    > sa një pjesë e mirë e shikuesve janë habitur me veprën
    > e tij. Sotir Proko është kaq i lidhur me ketë vepër sa
    > e ka zotëruar atë deri në pësosmëri. Atë s'e ka
    > tradhëtuar dora, as për ngjyrat, as për modelet e
    > portreteve, atë s'e ka tradhëtuar as shqisa e zbulimit
    > të elementeve kombëtare dhe as emocioni i freskët.
    > Sotir Proko ka sfiduar shumë piktorë të të rinj, sepse
    > vepra e tij ka kapëcyer në një gjendje aluçinante
    > krijuese, aq sa Skënderbeu në gjendje lufte del si
    > strateg dhe vështrimi i tij bie si i përmbysur. Kjo
    > pikturë do të mbetet si një sfidë për një konkurs mjaf
    > të vështirë, i cili e vuri Prokon vërtetë në sprovë.
    >
    >
    >
    > Mbrëmë shënoi shënoi jubileun Eurofest, mbushen 50
    > vjet që nga fillimi i këtij aktiviteti. Shqipëria do
    > të ketë sërish pjesëmarrjen e saj me një këngë që
    > titullohet "Nesër shkoj", që do të interpretohet nga
    > Ledina Çelo. Kënga ka kaluar direkt në natën finale.
    > Kënga e Ledina Çelos që përfaqëson Shqipërinë në
    > Festivalin Evropian të muzikës së lehtë 2005, e
    > kapërcyer pa nisur mirë festivali fazën e
    > seleksionimit gjysmëfinal. Në edicionin e 50-të të
    > Festivalit Europian Ledina Çelo do të konkurrojë me 39
    > kënëgtarë nga Europa. Pra kënga shqiptare vjen për
    > herë të dytë në Eurovizion, sepse Shqipëria e fitoi të
    > drejtën zyrtare për herë të parë për të konkuruar në
    > këtë festival vetëm në vitin e kaluar, kur kënga
    > "Imazhi yt", e interpretuar nga këngëtarja e re dhe e
    > talentuar, Anjeza Shahini, u kualifikua e shtata
    >
    > Mbrëmë nisi Eurofest, mbushen 50 vjet që nga fillimi i
    > këtij aktiviteti
    >
    > Ledina Çelo, direkt në natën finale
    >
    > Mbrëmë shënoi shënoi jubileun Eurofest, mbushen 50
    > vjet që nga fillimi i këtij aktiviteti. Shqipëria do
    > të ketë sërish pjesëmarrjen e saj me një këngë që
    > titullohet "Nesër shkoj", që do të interpretohet nga
    > Ledina Çelo. Kënga ka kaluar direkt në natën finale.
    > Kënga e Ledina Çelos që përfaqëson Shqipërinë në
    > Festivalin Evropian të muzikës së lehtë 2005, e
    > kapërcyer pa nisur mirë festivali fazën e
    > seleksionimit gjysmëfinal. Në edicionin e 50-të të
    > Festivalit Europian Ledina Çelo do të konkurrojë me 39
    > kënëgtarë nga Europa. Pra kënga shqiptare vjen për
    > herë të dytë në Eurovizion, sepse Shqipëria e fitoi të
    > drejtën zyrtare për herë të parë për të konkuruar në
    > këtë festival vetëm në vitin e kaluar, kur kënga
    > "Imazhi yt", e interpretuar nga këngëtarja e re dhe e
    > talentuar, Anjeza Shahini, u kualifikua e shtata. Në
    > Eurofest konkurrojnë 39 shtete, por Bullgaria,
    > Moldavia dhe Hungaria në "Eurovizion 2005" vijnë për
    > herë të parë. Në Kiev, kënga shqiptare dhe këngëtarja
    > Ledina Çelo është në qendër të komenteve. "Nesër
    > shkoj", ishte fituese e Festivalit të 43-të të Këngës
    > në RTSH-së në Tiranë dhe që nga janari për të janë
    > bërë një lum përgatitjesh për të mbërritur deri në
    > Kiev. Teksti i këngës së Pandi Laços është përkthyer
    > në gjuhën angleze, është riorkestruar nga kompozitorët
    > Adrian Hila dhe Shpëtim Saraçi, duke bërë më të
    > dallueshme instrumentet popullorë shqiptarë, si
    > daullja, apo çiftelia. Çelo do të shoqërohet nga një
    > performancë baleti, me koreografi të Arian Sukniqit,
    > interpretuar nga pesë balerinë të Akademisë së Dancit.
    > Gjithashtu është realizuar edhe videoklipi, përshtatur
    > me fabulën e këngës. Kanë punuar për këngën e Lediëns
    > stilistët më të përzgjedhur si Enada Atnikolla dhe një
    > stilist i ri dhe shumë i talentuar, Joni Peçi, i cili
    > ka punuar edhe për Armanin në Milano. Ledina Çelo
    > është e veshur me të bardha, në sfond atmosferë dasme,
    > balerinët që kërcejnë i bien violinave dhe daulles
    > rrotull një dhëndri që kërcen me nusen. Me këtë model
    > është bërë edhe videoklipi i realizuar në Maqedoni.
    > "Nesër shkoj" në videoklip është realizuar me një
    > xhybe të Malësisë së Veriut. Ka qenë ideja e
    > kompozitorit të këngës, Adrian Hila për të patur në
    > klip një element tradicional. Nesër shkoj", kënga me
    > të cilën Shqipëria shkon në Eurovizion më 19-21 është
    > në versionin anglisht dhe është regjistruar në një
    > studio të famshme në Itali, ku ka regjistruar edhe
    > Ëhitney Houston. Kompozitori Hila ka thënë se është
    > realizuar një riorkestrim i saj në një bashkëpunim mes
    > tij dhe Shpëtim Saraçit, duke kërkuar suksesin në
    > bashkimin e aftësive e duke i lënë mënjanë
    > konkurrencat profesionale saqë ai ndan një pjesë të
    > mirë të autorësisë me kompozitorin Saraçi. Shpëtim
    > Saraçi ka regjistruar dhe ka ripunuar me orë të tëra
    > të gjithë instrumentet live, çiftelitë, harqet,
    > instrumentet frymore popullore, kitarat, kitarën bas,
    > daulle, dajre. Nesër shkoj është regjistruar në një
    > nga studiot më në zë në Itali. Bashkë me Ledinën ka
    > shkuar në Kiev edhe këngëtarja shqiptare Anjeza
    > Shahini, që ishte pjesëmarrëse në edicionin e 49-të të
    > Eurovizion. Një ditë më parë ajo është pritur në Kiev
    > nga delegacioni shqiptar dhe i është bashkuar grupit
    > shqiptar, i cili ndodhet prej disa ditësh në Kiev edhe
    > këngëtarja Anjeza Shahini, do të jetë sërish bashkë me
    > përfaqësuesit shqiptarë. Shahini këtë herë ka ardhur
    > jo vetëm si spektatore, por edhe si një fanse
    > shqiptare.
    >
    >
    > SPORTI
    >
    > Përmes fishekzjarresh dhe një koncerti festiv,
    > bardheblutë do të festojnë sot titullin e tretë
    > rradhazi
    >
    > Tirana feston sot titullin e 22-të
    >
    > Tirana do të nisë sot festimet e titullit të 22-të
    > kampion në historinë e saj. Fishekzjarret dhe një
    > koncert me këngëtarët më të njohur, do të jenë
    > elementë të festës së bardhebluve që do të nisë para
    > ndeshjes me Dinamon dhe do të përfundojë në orët e
    > vona të natës. Një gjë të tillë e ka konfirmuar dje
    > trajneri i bardhebluve, Sulejman Starova, i cili
    > gjithsesi tha se kjo festë do të organizohet nga
    > donatorët, të cilët dinë edhe detajet më të vogla.
    > Bardheblutë e Tiranës do të festojnë sot titullin e
    > tretë radhazi të marrë në pesë vitet e fundit. Ashtu
    > siç thotë edhe trajneri Starova asnjë titull nuk është
    > i njëjtë me të tjerët dhe një gjë e tillë pritet të
    > vërtetohet edhe sot kur Tirana të organizojë një festë
    > madhështore në stadiumin kombëtar "Qemal Stafa". "Të
    > gjithë jemi duke u përgatitur për të festuar titullin
    > e 22-të të Tiranës. Asnjë titull nuk është i njëjtë me
    > të tjerët dhe këtë do ta tregojmë edhe sot. Me këtë
    > rast përfitoj të ftoj të gjithë tifozët që nuk e kanë
    > ndjekur shumë Tiranën gjatë këtij sezoni, por edhe ata
    > që na kanë shoqëruar në të gjitha ndeshjet që të jenë
    > të pranishëm sot ku fishekzjarret dhe këngët nuk do të
    > mungojnë. Kjo festë do të organizohet nga donatorët e
    > skuadrës, të cilët i dinë edhe detajet më të vogla",
    > tha dje Starova.
    > Ky është titulli i katërt i Starovës si trajner pas
    > tre titujve të marrë para se ai të bëhej sekretar i
    > përgjithshëm i federatës shqiptare të futbollit. "Jam
    > i kënaqur sepse arrita të kontribuoj për një trofe
    > tjetër të skuadrës së Tiranës. E gjithë merita e këtij
    > suksesi është e futbollistëve, por edhe e donatorëve,
    > të cilët i kanë qëndruar shumë afër skuadrës",
    > përfundoi Starova.
    > Ndeshja e fundit e Tiranës do të jetë përballë
    > Dinamos, e cila nga ana e saj ka një bilanc pozitiv me
    > skuadrën e Starovës, por gjithsesi në ndeshjen e sotme
    > rezultati do të jetë gjëja që ka më pak rëndësi, pasi
    > do të jetë e eklipsuar nga festa që pritet të
    > organizojnë bardheblutë.
    > Tirana fitoi titullin këtë sezon kur duheshin edhe tre
    > javë nga përfundimi i kampionatit. Kundërshtari i
    > vetëm i bardhebluve ishte Elbasani, i cili arriti t'i
    > afrohej vendit të parë jo më shumë se katër pikë.
    > Megjithëse portokallinjtë kanë një avantazh në
    > ndeshjet direkte me bardheblutë, ishin këta të fundit
    > që pas fitores me Teutën 5-3 arritën të siguronin edhe
    > matematikisht titullin.
    >
    > Gjyqtarët, Velçani për derbin Dinamo- Tirana
    >
    > Do të luhen sot dhe nesër ndeshjet e javës së fundit
    > të Ligës Superiore. Kjo javë do të hapet me takimin që
    > do të luhet në "Qemal Stafa" mes Tiranës dhe Dinamos.
    > Për herë të parë gjatë kësaj faze kjo ndeshje do të
    > luhet nën ndriçimin e dritave. Derbi i fundit i këtij
    > sezoni do të gjykohet nga Sazan Velçani, ndërsa
    > ndihmës të tij do të jenë Miho dhe Pregja. Elbasani,
    > nënkampioni i Shqipërisë këtë sezon, do të presë në
    > një "miniderbi" ekipin e Shkumbinit. Ndeshja e cila do
    > të luhet në "Ruzhdi Bizhuta" do të ketë si kryesor
    > Bardhyl Pashain me ndihmës Avdon dhe Qiricin. Vllaznia
    > do të presë në shtëpi ekipin e Lushnjes. Shkodranët
    > nuk kanë asnjë objektiv për këtë javë të fundit të
    > kampionatit, ashtu si edhe skuadra e Josës. Ndeshja e
    > "Loro Boriçit" do të gjykohet nga Aranit Lulaj ndërsa
    > dy gjyqtarët anësorë do të jenë Maloku dhe Pjetrushi.
    > Teuta e cila është fituese e kupës së Shqipërisë do të
    > luajë përballë Egnatias që ka rënë në kategorinë e
    > parë. Takimi i Rrogozhinës do të gjykohet nga Lulzim
    > Guzja me ndihmës Gucen dhe Malin. Takimi i fundit do
    > të jetë ai mes Partizanit dhe Laçit, i cili do të
    > drejtohet nga Sopjani, Salaj dhe Lamçe.
    >
    > Java 36
    >
    > Dinamo-Tirana
    > S.VELCANI-E.MIHO-A.PREGJA
    > Elbasani-Shkumbini
    > B.PASHAJ-S.AVDO-G.QIRICI
    > Vllaznia-Lushnja
    > A.LULAJ-G.MALOKU-E.PJETRUSHI
    > Elbasani-Teuta
    > L.GUZJA-A.GUCE-A.MALI
    > Partizani-Laci
    > M.SOPIANI-S.SALAJ-A.LAMCE
    >
    > Renditja
    > 1. Tirana 81
    > 2. Elbasani 76
    > 3. Dinamo 62
    > 4. Vllaznia 58
    > 5. Teuta 49
    > 6. Lushnja 48
    > 7. Shkumbini 48
    > 8. Partizani 45
    > 9. Egnatia 29
    > 10. Laçi 1
    >
    >
    > Disiplina i jep fitoren në tavolinë Cerrikut
    >
    > Komisioni i Disiplinës i mbledhur dje për të shqyrtuar
    > incidentet e ndodhura fundjavën e kaluar në ndeshjen
    > Turbina- Burreli vendosi t'i japë fitoren 2-0 në
    > tavolinë skuadrës cerrikase duke ndëshkuar matjanët
    > për mosparaqitje në fushën e lojës. Megjithëse vendimi
    > për këtë ndeshje duhej marrë dy ditë më parë kur u
    > vendosën edhe masat e tjera disiplinore, disiplina e
    > shtyu për 24 orë vendimin pasi priti edhe ankesat e të
    > dyja skuadrave si dhe dëshminë e gjyqtarit kryesor.
    > Pas dëshmive të protagonistëve organi disiplinor pranë
    > FSHF-së vendosi dhënien e tri pikëve në tavolinë për
    > Turbinën. Por edhe skuadra cerrikase nuk ka dalë pa u
    > lagur nga kjo ndeshje. Ajo është ndëshkuar me dy
    > ndeshje pa tifozë pas incidenteve të tifozerisë
    > vendase dhe pas plagosjes së njërit prej lojtarëve
    > kundërshtarë. Gjithashtu Turbina është gjobitur edhe
    > me 300 mijë lekë të reja.
    >
    > Vendimet e komisionit të disiplinës:
    >
    > 1.Në ndeshjen Turbina -Burreli për mospranim të hyrjes
    > në fushë për fillimin e lojës të ekipit të Burrelit i
    > jepet fitorja 2-0 ekipit të Turbinës
    > 2.Klubi i futbollit Turbina për shkak të trazirave të
    > shkaktuara nga tifozet vendase para fillimit të
    > ndeshjes, ku është dëmtuar dhe futbollisti
    > kundërshtar, të ardhura këto si rezultat i mosmarrjes
    > së masave të mjaftueshme organizative dhe të sigurisë
    > dënohet me zhvillimin e dy ndeshjeve pa spektatorë dhe
    > 300.000 lekë gjobë.
    >
    >
    > Trajneri i CSKA-së së Moskës, Valery Gazzayev beson se
    > sezonin tjetër skuadrat ruse mund të fitojnë edhe
    > kupën e kampionëve
    >
    > "Një ere e re është duke fryrë në futbollin rus"
    >
    > Dalja në finalen e kupës së kampionëve së skuadrave
    > ruse nuk do të vonojë dhe nuk përbën më një ëndërr.
    > Kështu është shprehur dje trajenri i CSKA-së së
    > Moskës, Valery Gazzayev. CSKA e cila fitoi kupën UEFA
    > pasi mundi të mërkurën në mbrëmje Sportigun e Lisbonës
    > në finale, ka nxitur një erë e re për futbollin rus,
    > ku eurot e shumta të hedhura dhe blerja e
    > futbollistëve të huaj, kanë bërë që këto skuadra të
    > barazohen me ato të Europës perëndimore. Shembulli më
    > i mirë është pikërisht skuadra e CSKA-së, për të cilën
    > multimilioneri rus Roman Abramoviç ka derdhur më shumë
    > se 54 milion $ dhe ka marrë frytet e para kur skuadra
    > e tij mundi 3-1 Sportingun në fushën e kësaj të
    > fundit. Investimet e Abramoviç kanë qenë të suksesshme
    > deri në këto momente. Ai arriti t'i jepte titullin
    > kampion skuadrës së Çelsit, për herë të parë që pas
    > vitit 1955, ndërsa në vendin e tij ai arriti të
    > ndërtonte një skuadër që ngjall frikë edhe në Europë.
    > Skuadrat ruse janë duke shpenzuar shuma të mëdha në
    > industrinë e futbollit. Një javë më parë Dinamo e
    > Moskës shpenzoi 20 milion euro (25.7 milion $) për të
    > firmosur me dy futbollistët e Portos Maniche dhe
    > Kostinja, të cilët janë bashkuar me ish shokun e tyre
    > Delrei në kryeqytetin rus. Spartaku pagoi 12 milion
    > euro për talentin e ri argjentinas Fernando Cavenaghi,
    > ndërsa Lokomotiva solli në shtëpi sulmuesin rus Dmitri
    > Sychev nga Olimpiku i Marsejës. Megjithatë për
    > trajnerin Valery Gazzayev nuk ka asnjë dyshim se një
    > erë e re është duke fryrë për futbollin rus. "Kjo
    > është një fitore simbolike. Tani çdo fëmijë në
    > shkollat e të rinjve të futbollit në Rusi do të dijë
    > se çfarë arrihet me punë dhe se si realizohen ëndrrat,
    > pavarësisht vështirësive që hasen", tha ai. "Kjo është
    > një fitore historike për të gjithë futbollin rus. Kjo
    > bën që i gjithë kombi të besojë se fitoret e skuadrave
    > tona tashmë janë një realitet edhe në nivelet
    > ndërkombëtare. Shpresoj që vitin tjetër skuadrat ruse
    > të fitojnë edhe kupën e kampionëve". CSKA është shumë
    > afër sigurimit të një bilete për në ndeshjet në grupe
    > të kupës së kampionëve. Një vit më parë pasi eleminoi
    > azerbaixhanasit e Neftchi Baku, CSKA u përballë në
    > ndeshjet në grupe kundër Portos, Çelsit dhe PSG-së.
    > Një fitore në ndeshjen e fundit kundër skuadrës
    > franceze 3-1 bëri që rusë të kalonin në kupën UEFA.
    >
    >
    > Alonso: Nuk do kisha probleme nëse do isha në një
    > skuadër me Shumin
    >
    > Megjithëse kampionati ka hyrë në fazën e tij më të
    > nxehtë, spanjolli Alonso gjen kohë të merret dhe me
    > hipoteza që në pamje duken si të pamundura. "Nuk do ta
    > kisha aspak problem që të përballoja një sfidë të re
    > me Mikael si shok skuadre". Dhe duke marrë parasysh
    > faktin se Shumit iu ofrua një shtyrje kontrate deri në
    > vitin 2007, atëherë mundësia që t'i shikojmë këta
    > pilotë shokë skuadre një ditë, nuk është edhe aq e
    > pabesueshme. Kështu viti 2007 mund të jetë viti i
    > dyshes së shkëlqyer Shumi-Alonso tek Ferrari. Piloti
    > gjerman, kontrata e të cilit skadon në vitin 2006,
    > duket se ka ndërmend ta zgjasë atë edhe për një vit.
    > Kështu, të dy pilotet, mund të gjenden një ditë të
    > bukur shokë skuadre. Kjo do te ishte ideale për
    > Alonson, i cili do të përfitonte nga eksperienca e
    > gjermanit, për të ndjekur rrugën e tij në Formula 1.
    > Hipoteza e një kalimi te mundshëm tek Ferrari, nuk e
    > tremb aspak pilotin spanjol, i cili thotë: "Në këto dy
    > vite dua të fitoj sa më shumë trofe me Renault, më pas
    > do të shikojmë. Ferrari? Nuk do kisha problem të
    > përballoja një sfidë me Shumakerin si shok skuadre".
    > Një sfidë kjo, e cila premton spektakël mes dy
    > pilotëve në fjalë.
    >
    >
    > Skolari shpall listën anti-Sllovaki
    >
    > Trajneri i Portugalisë, Luiz Felipe Skolari ka
    > shpallur dje 26 emrat e skuadrës së tij, që do të ketë
    > të gatshëm për dy ndeshjet eleminatore të kupës së
    > botës përballë Sllovakisë në katër qershor dhe kundër
    > Estonisë katër ditë më vonë në Talin. Këto ndeshje
    > bëhen për grupin e tretë eleminator. Ja lista e
    > skuadrës portugeze për këto dy ndeshje:
    >
    > Portierë: Ricardo Pereira (Sporting), Quim Silva
    > (Benfica)
    > Mbrojtës: Miguel Monteiro (Benfica), Jorge Andrade
    > (Deportivo Coruna), Marco Caneira (Valencia, Spain),
    > Ricardo Carvalho (Chelsea), Jorge Ribeiro (Dynamo
    > Moscoë), Alex Costa (Vitoria Guimaraes), Fernando
    > Meira (VfB Stuttgart), Nuno Valente (Porto), Nuno
    > Frechaut (Dynamo Moscoë), Ricardo Costa (Porto)
    > Mesfushorë: Luis Figo (Real Madrid), Deco Souza
    > (Barcelona), Armando Petit (Benfica), Costinha
    > (Porto), Maniche Ribeiro (Porto), Tiago Mendes
    > (Chelsea), Manuel Fernandes (Benfica),
    > Sulmues: Cristiano Ronaldo (Manchester United), Helder
    > Postiga (Porto), Luis Boa Morte (Fulham), Pauleta
    > (Paris St Germain), Simao Sabrosa (Benfica), Ricardo
    > Quaresma (Porto), Nuno Gomes (Benfica)
    >
    >
    > Ançeloti: E kam vendosur formacionin e Stambollit
    >
    > Më pak se një javë nga finalja e Kupës së kampioneve.
    > Por më parë, Milani duhet të përballojë Palermon e
    > Guidolin. Titulli kampion praktikisht i takon Juves,
    > por Carlo Ancelotti ka dëshirë të nderojë kampionatin
    > para nisjes për në Stamboll. "Është ndeshja me
    > Palermon, duam ta fitojmë, duam ta mbyllim mirë këtë
    > kampionat, ka thënë trajneri në konferencën për shtyp
    > në prag të ndeshjes. Do të përballemi me këto dy
    > skuadra të forta, ndeshja e Udines do të jetë më e
    > komplikuar sepse ata luajnë mjaft, ndërsa Palermo
    > është praktikisht i sigurtë për Kupën Uefa. Nesër disa
    > nga lojtarët tanë do të çlodhen. Nëse kemi diçka peng
    > nga kampionati? Milan e Juve janë ekuivalente në
    > ndeshjen e San Siro, sigurisht kemi dalë jo mirë në
    > gjysmëfinale dhe kalendari na ka vënë përballë skuadra
    > të ëvshtira pas gjysmëfinales. Por kundër Juves kemi
    > bërë çfarë kemi mundur". Nuk mendoj se Milani është më
    > pak se pesë pikë sepse në fillim të sezonit barazoi me
    > Livornon dhe humbi me Mesinën. Besoj se diferenca
    > thelbësore ka qenë në sulmet direkte nga të cilat ne
    > dolëm me një pikë dhe Juve me katër. Sidoqoftë nuk do
    > të jemi ne që do t'i dorëzojmë kampionatin Juves:
    > "Janë ata që duhet ta fitojnë ". Koka është sidoqoftë
    > në Stamboll. Duket se arbitri është zgjedhur: siçpas
    > të përditshmes spanjolle El Pais, do të jetë Mejuto
    > Gonzalez ai që do të arbitrojë finalen e Champions.
    > "Unë them se është një arbitër që e kemi patur në disa
    > ndeshje dhe gjithmonë është treguar në lartësinë e
    > duhur, komenton Ancelotti. Besoj se për një arbitër të
    > drejtosh finalen e kupës së kampioneve ka të njëjtën
    > rëndësi me të trajnerit ose lojtarit. Nëse Mejuto nuk
    > do t'ia dilte, do më vinte keq për të". Në ndeshjet e
    > fundit Milani është dukur pak i lodhur. Është frika që
    > kjo lodhje mund të kondicionojë edhe finalen e
    > Champions. "Kemi punuar mirë gjatë këtyre ditëve,
    > thotë Ancelotti, shpirti është i mirë, ka vëmendje dhe
    > duhet të them se gjërat shkojnë mirë. Edhe nga një
    > këndvështrim fizik, koha që na ndan nga ndeshja me
    > Liverpool do të shërbejë shumë për tu përgatitur më
    > mirë. Nuk e shoh Milanin e lodhur, as në stërvitje, as
    > në prova: skuadra është në presion psikologjik por nga
    > ana fizike nuk ka probleme. Formacioni i Stambollit
    > është vendosur. Mbetet vetëm për të vlerësuar kushtet
    > e disa lojtarëve që në kohët e fundit kanë luajtur
    > pak".
    >
    >
    > Partizani vazhdon stërvitjen pa trajnerin Mema
    >
    > Prej disa ditësh skuadra e Partizanit është duke u
    > drejtuar nga dyshja Zhupa- Nallbani në seancat
    > stërvitore, ndërsa trajneri i të kuqve, Sulejman Mema
    > nuk është parë në skuadër. Burime brenda klubit bëjnë
    > të ditur se ai ka mosmarrëveshje me presidentin Xhani
    > lidhur me anën financiare. Ditët e fundit në klubin e
    > Partizanit është bërë e ditur se disa prej
    > futbollistëve nuk kanë marrë pagat e parashikuara në
    > kontratë, çka nuk është pritur mirë nga trajneri Mema.
    > Të njëjtat burime bëjnë të ditur se vetëm nëse Xhani
    > do të paguajë të gjitha detyrimet ndaj futbollistëve
    > dhe stafit teknik, trajneri Mema do të ulet sërish në
    > stolin e kuq dhe do të nis të projektojë skuadrën për
    > sezonin e ardhshëm. Duke folur dje për gazetën ai ka
    > pranuar faktin se ka patur një bisedë me presidentin
    > Xhani, por kurrsesi nuk ka folur me të për anën
    > financiare. "Është e vërtetë se kam patur një bisedë
    > me presidentin Xhani ku kemi folur për të ardhmen e
    > skuadrës. Nuk është e vërtetë se kemi folur për
    > çështje financiare. Por biseda jonë ka patur në qendër
    > të saj përforcimin e skuadrës së Partizanit për
    > sezonin e ardhshëm", është shprehur Mema. Përsa i
    > përket mungesave të tij të vazhdueshme sidomos në
    > stërvitjet e fundit Mema i lidh ato me disa probleme
    > personale si dhe me disa angazhime në dobi të
    > skuadrës. "E theksoj se mungesa ime në stërvitjen e
    > skuadrës nuk lidhet me ndonjë problem financiar. Dy
    > janë arsyet e mungesës simë në stërvitje. E para ka të
    > bëjë me disa probleme personale dhe e dyta ka të bëjë
    > me faktin se kam patur disa angazhime më të
    > rëndësishme që janë në dobi të skuadrës", përfundoi
    > Mema. Gjithsesi në këto momente është ende herët për
    > të nxjerrë një përfundim të saktë lidhur me të ardhmen
    > e tij, por kërkesa e klubit të kuq për trajnerin
    > Starova shton hijet e dyshimit se Mema nuk do të jetë
    > me trajneri i skuadrës së Partizanit.
    Miresia civilizon inteligjencen
    PUNEN E SOTME MOS E LE PER NESER

    “Po iu jap një porosi,
    Këmba e huaj keq iu rri,
    Nuk durohet gjithë vaji i fëmisë, Çonu të gjithë në shërbim Shqiperis”

Tema të Ngjashme

  1. Kushtetuta e Kaçanikut, themelet e shtetit shqiptar në Kosovë
    Nga SkyThinks në forumin Kulturë demokratike
    Përgjigje: 2
    Postimi i Fundit: 27-05-2016, 15:32
  2. Kush janë Dibranët ?
    Nga biligoa në forumin Bashkëpatriotët e mi në botë
    Përgjigje: 33
    Postimi i Fundit: 23-05-2009, 17:37
  3. Gjilani
    Nga cod3r në forumin Bashkëpatriotët e mi në botë
    Përgjigje: 12
    Postimi i Fundit: 10-05-2009, 13:18
  4. Lexo: "Marrëveshja Kornizë" - Ohër 2001
    Nga StormAngel në forumin Bashkëpatriotët e mi në botë
    Përgjigje: 14
    Postimi i Fundit: 01-04-2007, 06:13

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •