Finalizohet shitja e Albtelekom kompanisë turke

[ganoid]

Telekomunikacioni

Atnand Kola - 06/05/2004

“Albtelekom”, 22.5 milionë dollarë humbje nga marrëveshjet me AMC dhe “Vodafon”

Humbja e shkaktuar në kurriz të “Albtelekomit” ka ardhur si pasojë e tarifave të pafavorshme dhe të padrejta që janë bërë për thirrjet Albtelekom-AMC/Vodafon dhe anasjelltas


Gjatë periudhës 2000-2004 shoqëria shtetërore “Albtelekom” ka humbur rreth 22.5 milionë dollarë në marrëveshjet e interkoneksionit të bëra midis saj dhe kompanive AMC dhe “Vodafon”. Komisioni parlamentar hetimor për kompaninë shtetërore të telefonisë fikse “Albtelekom” diskutoi dje për marrëveshjet e interkoneksionit, të realizuara gjatë viteve me kompanitë e telefonisë së lëvizshme AMC dhe “Vodafon”. Kryetari i këtij komisioni hetimi, Ilir Bano, bëri të ditur se “në bazë të shqyrtimit të marrëveshjeve të interkoneksionit që ka bërë “Albtelekom” me kompanitë celulare rezultojnë abuzime të mëdha që kapin vlerat në rreth 2.4 miliardë lekësh.
Këto humbje të kompanisë “Albtelekom” kanë ardhur si pasojë e tarifave të pafavorshme dhe të padrejta që janë bërë për thirrjet Albtelekom-AMC/Vodafon dhe anasjelltas. Marrëveshjet e interkoneksionit midis “Albtelekomit” dhe kompanive celulare të cilat operojnë në tregun shqiptar, janë cilësuar si nga ekspertët ndërkombëtar ashtu edhe nga ato vendas, si marrëveshje të pandershme dhe diskriminuese ndaj kompanisë shtetërore “Albtelekom”.
Marrëveshja e interkoneksionit midis “Albtelekomit” dhe AMC-së është lidhur më datë 25 korrik 2000 në mënyrë antiligjore dhe mashtruese. Kjo marrëveshje u lidh pas fitimit të tenderit për privatizimin e AMC-së nga kompania greke “Cosmote”. Dëmi total nga marrëveshjet e interkoneksionit midis kompanisë shtetërore të telefonise fikse dhe atyre celulare është më i madh se shifrat e mësipërme. Kryetari Bano bëri të ditur se, “diskriminimi i Albtelekomit vihet re edhe në tarifat e përcaktuara për drejtimet e tjera të thirrjeve”. Deputetët e mazhorancës të cilët marrin pjesë në këtë hetim parlamentar si antarë të këtij komisioni kanë kundërshtuar akuzat që i janë bërë ish-drejtorit të “Albtelekomit” Pajtim Ajazi, i cili ka qenë në këtë post për 8 muaj gjatë viteve 2002-2003. Ajazi ishte thirrur dje në këtë seancë hetimi në cilësinë e dëshmitarit. Por ky i fundit nuk mundi të dëshmonte pasi deputetët socialistë akuzuan Banon se me pyetjet e tij ndaj këtij dëshmitari po pengonte procesin e hetimit të plotë ndaj kompanisë “Albtelekom”. Ky hetim ka më shumë se dy muaj që ka nisur punën dhe sipas afatit 3-mujor të vënë nga Parlamenti shqiptar, këto hetime duhet të përfundojnë më 19 maj të 2004.

[ALBA]

AMC dhe Hermes, rreth 50 milionë dollarë prej Albtelekomit

Nën akuzë Dhimitër Rafti ish drejtori i AlbTelekomit, ndërkohë që kompanitë celulare dhe Hermes do të përfshihen më tej në hetime parlamentare dhe ligjore. Vlera që Albtelekom ka humbur nga kontrata me Hermes, është 350 milionë, ndërsa nga AMC, 2.3 miliardë lekë

Për rritjen e shpenzimeve të shoqërisë, për periudhën e kontrolluar në vlerën 239.709.431 lekë, për kërkesat e vazhdueshme të operatorit mobil Vodafone në vlerën 80.136.718 leke dhe per uljen e te ardhurave ne vleren 30.093.363 leke, per diference tarife te aplikuar ne vleren 3.5 leke ne trafikun tranzit te realizuar ne drejtim Hermes-Albtelekom operatore te tjere në vleren 350 milione leke, - mbajnë përgjegjesi ish-zevendës drejtorët e Pergjithshem, qe kane lidhur kontrata favorizuese, drejtori i Albtelekom, Dhimitër Rafti, ish-drejtorat e Departamentit te Shitjes dhe Marketingut dhe drejtori aktual, që nuk kane raportuar brenda afateve te miratuara sipas periudhave perkatese dhe ish-drejtoret e Departamentit te Finances, qe kane kaluar ne shpenzime keto vlera, te cilat vazhdojne te jene te paarketuara, sipas periudhave.

Cili është operatori Hermes sh.p.k

Marrëdhëniet e Albtelekom me operatorin Hermes sh.p.k jane zhvilluar, bazuar në aktmarreveshjen e Interkoneksionit nr. 4356 prot., datë 04.09.2000 te lidhur midis Albtelekom Sh.a. nga ish-zevendes drejtori i Pergjithshem dhe per Operatorin Hermes Sh.p.k., nga drejtori. Sipas licences te leshuar nga ERT, aktiviteti i ketij operatori eshte ngritja dhe shfrytezimi i nje sistemi te telefonise rurale ne territorin e komunave Maminas, Gjipalaj, Xhafzotaj, Rrashbull dhe Katundi i Ri te rrethit te Durresit dhe komunat Synej, Luz i Vogel, Gose dhe Kryevidh te rrethit te Kavajes.

Marrëveshja me Hermes pëson ndryshime të pajustifikueshme

Akoma pa u vënë në zbatim, marrëveshja pësoi ndryshime nëpërmjet një shtojce (shtojca nr.1) me nr. 4308/1 prot., date 20.07.2001, "Per sherbimin e telekomunikacionit ne Rrjetin Rural" ndermjet H-Com sh.p.k. (Hermes) dhe Albtelekom Sh.a., në këto pika:

Pika 4.3 e Marrëveshjes ishte: "Ne lidhje me bisedimet telefonike kombëtare secila palë do të vërë ne dispozicion te pales tjeter faturat me shumat ne ngarkim gjate periudhes faturuese dymujore", ndërsa ne shtojsen 1 pika 5.1 bëhet "faturimi per trafikun e kryer, per çdo tremujor kalendarike, do te behet sipas tarifave respektive kombetare dhe nderkombetare". Pra periudha e rakordimit dhe faturimit nga dymujore behet tremujore, veprim ky i pajustifikuar.

Pika 5.4 ishte, "Per trafikun nderkombetar, ne rast se Albtelekomi nuk e permbush kerkesen e Hermesit, per kapacitete shtese dhe kapaciteti i interkoneksionit, qe shfrytezohet eshte me shume se 85%, Hermesi ka te drejte te perdore lidhjet e veta nderkombetare, duke i dhene Albtelekomit nje tarife deri ne 0.5 leke/minute", ndersa ne shtojsen 1, ne piken 1.3 behet "Per trafikun e gjeneruar nga nje zone rurale ne nje tjeter zone rurale, apo nga operatori rural tek operatoret mobile dhe anasjelltas, marredheniet rregullohen midis vete paleve, ndersa Albtelekom realizon tranzitimin e trafikut, i cili i faturon H-Com tarifen 0,5 leke/min per kete tranzitim". Pra ne marreveshjen baze kjo tarife ka qene percaktuar vetem per trafikun nderkombetar, ndersa ne shtojse eshte shtuar edhe per trafikun kombetar, veprim i cili ka favorizuar haptazi interesat e operatorit ne dem te interesave te Albtelekomit.

Pika 3.9 ishte "Tarifat e Interkoneksionit te permendura ne paragrafet e mesiperm do te mbeten te pandryshuara per nje periudhe prej 4 vjetesh, nga dita e nenshkrimit te kesaj marreveshje interkoneksioni, me te drejte rishikimi ne marreveshje midis paleve." Kjo pike e marreveshjes ne shtojsen nr. 1 eshte ndryshuar ne piken 4.3, "Tarifat e vendosura qofte per trafikun kombetar ashtu si dhe per trafikun nderkombetar, do te jene subjekt ndryshimi sa here qe Albtelecom do te kryeje ndryshim ne tarifat perkatese te tij".

Albtelekom i kursen Hermes-it rreth 300 milionë

Nga kontrolli i dokumentacionit per marrëdhëniet e interkoneksionit, per periudhen korrik 2001 deri ne 30.09.2003 rezultoi se: Albtelekom Sh.a. për periudhen e mesiperme nuk i ka faturuar Operatorit (Hermes sh.p.k) vleren 319.846.149 lekë, qe ka te beje me trafikun e tranzituar nga operatori rural në drejtim të operatorëve mobil. Kjo vlerë, nga operatorët mobil AMC dhe Vodafon i eshte faturuar Albtelekom-it, per te cilin jane renduar shpenzimet per detyrimet ndaj AMC per te gjithe periudhen, ndersa per detyrimet ndaj Vodafon vetem per periudhen gusht-dhjetor 2001.

Trafiku tranzit, 30 milionë humbje Albtelekomit

Për trafikun tranzit te realizuar në drejtim Hermes-Albtelekom-operatorë të tjerë, sasia 8.598.104 minuta është faturuar me 0,5 lekë/minuta, ndërkohë që sipas vendimit nr. 9, datë 25.02.2002 të Keshillit Mbikëqyres (është miratuar "Shtojca" e marreveshjes ekzistuese per ata operatore rurale qe aktualisht kane marreveshje interkoneksioni me Albtelekom Sh.a)., kjo tarifë është 4 lekë/minuta. Kjo ulje drastike e vlerës së një minute, ka bërë që të ardhurat e Albtelekom Sh.a. janë ulur në vleren 30.093.363 leke.

Detyrimet e Hermesit sipas periudhave:

Gusht-dhjetor 2001, Humbja e Albtelekom, 27 milionë

Detyrimet e Hermesit ne periudhen gusht-dhjetor 2001, per trafikun tranzit te realizuar ne drejtim Hermes-Albtelekom-operatore te tjere jane ne sasine 668.142 minuta, me vlere 334.071 leke (tarifa e aplikuar 0,5 leke per minute). Pra, Hermesit per diferencen 3,5 leke per minute (Tarifa sipas vendimit nr. 9, datë 25.02.2002 të Keshillit Mbikëqyres është 4 lekë minuta) i janë llogaritur detyrimet në vleren 2.338.497 lekë.

Në të ardhura nuk eshte perfshire vlera e operatorit mobil AMC ne sasine 591.000 minuta, me vlere 23.936.593 leke, vlere e cila i eshte faturuar Albtelekomit nga AMC-ja si dhe vlera e Operatorit Mobil Vodafon ne sasine 76.822 minuta me vlere 3.109.755 leke. Gjithsej vlera e pafaturuar per te dy operatoret mobil eshte ne vleren 27.046.348 leke, shume e cila ka kaluar në shpenzime te Albtelekomit.

Janar-dhjetor 2002, humbja e Albetelekom, 10 milionë

Detyrimet e Hermesit, ne periudhen janar-dhjetor 2002, për trafikun tranzit te realizuar ne drejtim Hermes-Albtelekom-operatore te tjere jane ne sasine 3.077.721 minuta, me vlere 1.038.860 leke (tarifa e aplikuar 0,5 leke per minute). Ulja e te ardhurave te Albtelekomit nga ndryshimi i marreveshjes se pare eshte ne vleren 10.772.023 leke (3.077.721 minuta 3.5 leke/min). Ne te ardhura nuk jane perfshire vlerat e operatorit Mobil AMC ne sasine 2.015.924 minuta, me vlere 81.046.603 leke, vlere e cila i eshte faturuar Albtelekomit nga AMC dhe kaluar në shpenzim të tij.

Janar-shator 2003, humbja e Albtelekom, 17 milionë

Detyrimet e Hermesit, ne periudhen janar-shtator 2003, per trafikun tranzit te realizuar ne drejtim Hermes-Albtelekom-operatore te tjere jane ne sasine 4.852.241 minuta, me vlere 2.426.120 leke (tarifa e aplikuar 0,5 leke per minute). Ulja e te ardhurave te Albtelekomit, nga ndryshimi i marreveshjes se pare eshte ne vleren 16.982.843 leke (4.852.241 minuta *3.5 leke/min). Ne shumen e te ardhurave nuk jane perfshire vlerat e operatorit Mobil AMC ne sasine 3.314.786 minuta, me vlere 134.182.537 leke, vlere e cila i eshte faturuar Albtelekomit nga AMCja dhe eshte kaluar ne shpenzim të tij.

Për diferencë tarife te aplikuar ne vleren 3.5 leke ne trafikun tranzit te realizuar ne drejtim Hermes-Albtelekom operatore te tjere në vleren 350 milione leke, dhe abuzime të operatorëve të tjerë në dëm të Albtelekom, mbajnë përgjegjesi ish-zevendës drejtoret e Pergjithshem, qe kane lidhur kontrata favorizuese, ish-drejtorët e Departamentit te Shitjes dhe Marketingut dhe drejtori aktual, qe nuk kane raportuar brenda afateve te miratuara sipas periudhave perkatese dhe ish-drejtoret e Departamentit te Finances, qe kane kaluar ne shpenzime keto vlera, te cilat vazhdojne te jene te paarkëtuara, sipas periudhave.

Hermes favorizohet për të mos paguar qiranë

Nga kontrolli i dokumentacionit te mbajtur, per zbatimin e marreveshjeve dhe kontratave te lidhura me operatorin Hermes, per dhenien ne perdorim te linjave dhe qarqeve, është konstatuar se Hermes nuk ka paguar qiranë dhe për këtë është favorizuar nga Departamenti i Shitjes dhe Marketingut.

Me operatorin Hermes Comunications sh.p.k. është lidhur shtojse e marreveshjes 2 me nr. 2544 prot., date 15.04.2002, per venien ne dispozicion te 2 qarqe 2 mbit/s me qira me drejtim DDF ne RSU Kombinat-DDF Çentralit transit nderkombetar me sistemin F.O. me vlere të qirase mujore 60.000 leke ne muaj për një qark. Kjo marreveshje perfundon me daten 31.12.2002. Departamenti i Shitjes dhe Marketingut me shkresen nr. 2506, date 15.04.2003 ka njoftuar departamentin e finances që te beje faturimin, per nje tjetër qark ne dispozicion, per periudhen 15.04.2002 deri ne shkurt te vitit 2003, kerkese e realizuar me faturen nr. 43, date 20.11.2002, vlera 390.000 leke (6.5 muaj *60.000 leke). Po keshtu, Departamenti i Shitjes dhe Marketingut me shkresen nr. 3318, date 19.05.2003, i ka kerkuar Departamentit te Finances qe te beje faturimin edhe per qarkun e dyte per periudhen 15.04.2002 deri ne shkurt te vitit 2003, kerkese e realizuar me faturen nr. 38, date 27.05.2003, me vleren 756.000 leke.

Nga te dhenat e mesiperme del se Departamenti i Shitjes dhe Marketingut ka favorizuar ne menyre te hapur operatorin Hermes, pasi njoftimi per faturim i është derguar Departamentit te Finances, pas nje viti qe eshte lidhur marrreveshja. Per shkeljen e mesiperme ngarkohen me pergjegjesi ish-kryetari i Departamentit te Shitblerjes dhe Marketingut, kryetari aktual dhe specialisti.

Me operatorin Hermes jane lidhur edhe kontratat nr. 615, 616, date 27.01.2003, per dhenie me qira linje te F.O., per lidhjen e centraleve telefonike automatike te komunave Golem e Gosë, me terminalet e F.O. te vendosura nga ana e tij, me nyjen qendrore komutuese te rrjetit te tij me vlere 87.276 leke ne muaj dhe komunat Maminas dhe Kashar me vlere 18.276 leke ne muaj. Pra siç del sa me siper, e gjithe periudha prej dates 18.06.2001 deri me 15.04.2002 per komunen Kashar dhe deri me daten 27.01.2003 per komunat e tjera, ka dale e zbuluar per pagese qiraje. Vonesat ne venien ne shfrytezim te ketyre linjave jane te pajustifikueshme me dokumentacionin perkates, pasi per shkresen nr. 4000, date 18.06.2001, nuk disponohet pergjigje nga operatori Hermes. Nga DTN nuk disponohen te dhenat qe vertetojne daten e fillimit te aktivitetit te shfrytezimit te linjave nga ky operator.

Albtelekom, miliarda lekë dëme nga AMC

Per vitet 2000-2003, Albtelekom Sh.a. ka realizuar me pak te ardhura ne vleren 706 milione leke dhe ka paguar me shume AMC-ne ne vleren 1.6 miliarde leke. Gjithsej, nga ndryshimi i raporteve ne ndarjen e te ardhurave per trafiqet e ndersjellta, Albtelekom Sh.a. ka realizuar me pak te ardhura ne vleren rreth 2.3 miliarde leke.

Nga shqyrtimi i marrëveshjeve te lidhura nga Albtelekom Sh.a., me Operatoret Mobil AMC, Vodafon dhe Operatoret Rural rezultoi se:

Albtelekom Sh.a. ka lidhur me AMC marreveshjen e Interkoneksionit nr. 4122 prot., date 06.08.1999 ne periudhen kur shoqeria anonime AMC, ka qene teresisht me kapital shteteror. Kjo marreveshje eshte miratuar me vendimin nr. 10, date 10.09.1999 te Keshillit Mbikeqyres. Raportet e ndarjes se te ardhurave sipas kesaj marreveshje kane qene 35% per Albtelekom Sh.a. dhe 65% per AMC per trafikun kombetar, ndersa per trafikun nderkombetar ka qene i barabarte 50% me 50%. Ne vlere monetare sipas pikes 4.1.1 per trafikun kombetar, Albtelekom i faturon AMC 17 leke/minute, ndersa sipas pikes 4.1.2 AMC i faturon Albtelekomit 31 leke/minute per trafikun e hyre ne drejtim te AMC.

Pa perfunduar plotesisht shitja e AMC-se, ne kohen qe AMC ishte akoma shteterore, Keshilli Mbikeqyres, me Vendimin nr. 10, date 23.07.2000, prot. nr. 3531, date 24.07.2000, mbi bazen e relacionit te paraqitur nga ish-zevendes drejtor i Pergjithshem i Albtelekomit, ka miratuar nje marreveshje tjeter interkoneksioni, e cila eshte konkretizuar me lidhjen e saj me daten 25 korrik 2000, nga ish-Drejtori i Pergjithshem i Albtelekom Sh.a. Nga krahasimi i te dhenave te marreveshjes se re me ate ekzistuese rezulton se jane caktuar raporte te tjera qe siç del, favorizojne AMC ne ndarjen e te ardhurave, te cilat kane cenuar rende interesat e Albtelekom Sh.a.

Keshtu: sipas neneve 3.3 dhe 3.7 te marreveshjes se re te interkoneksionit te miratuar, Albtelekom Sh.a. mban 12% te te ardhurave nga 35%, qe mbante me marreveshjen ekzistuese per bisedat qe kryhen nga abonentet e saj ne drejtim te operatoreve mobile dhe ju jep atyre 88%, nga 65% qe ju jepte me pare, ose jo me pak se 40 leke per minute. Kurse per bisedat telefonike te kryera nga abonentet e operatoreve mobile ne drejtim te Albtelekom-it, nga 65% qe mbahej nga AMC, me marreveshjen e re mbahet 92% te te ardhurave, duke i dhene Albtelekomit vetem 8% te tyre, kur i jepnin 35% sipas marreveshjes ekzistuese te lidhur ne vitin 1999.

Ne nenet 3.5 dhe 3.6 te kesaj marreveshje percaktohet qe Albtelekom merr nga operatoret mobile per trafikun e tyre dales nderkombetar, detyrimin nderkombetar qe Albtelekom iu paguan administratave plus 10%, ndersa per trafikun e hyre nderkombetar, Albtelekom iu paguan operatoreve mobil 84% te tarifes mesatare/minute, kur iu jepte 50% te te ardhurave nga ky trafik dhe mban per vete 16% te saj, kur mbante 50%. Nga krahasimi i te ardhurave te realizuara nga Albtelekom Sh.a., sipas marreveshjes se vitit 2000 me ato qe duhet te realizonte sipas marreveshjes te vitit 1999, rezulton se per vitet 2000-2003, Albtelekom Sh.a. ka realizuar me pak te ardhura ne vleren 706 milione leke dhe ka paguar me shume AMC-ne ne vleren 1.6 miliarde leke. Gjithsej, nga ndryshimi i raporteve ne ndarjen e te ardhurave per trafiqet e ndersjellta, Albtelekom Sh.a. ka realizuar me pak te ardhura ne vleren rreth 2.3 miliarde leke.

Marrëveshja, shkelje proceduriale

Nga kontrolli i dokumentacionit te mbajtur per lidhjen e marreveshjes së re u konstatuan gjithashtu edhe shkelje proceduriale, te cilat konsistojne ne keto drejtime:

-Per miratimin e kesaj marreveshje nuk ka vendim drejtorie dhe as urdher te brendshem per te urdheruar ngritjen e nje grupi pune me pjesemarres nga Departamentet e Shitjes e Marketingut, Teknike dhe ate te Finances per te diskutuar dhe percaktuar kushtet e kesaj marreveshje, e cila eshte bazuar ne nje relacion personal te paraqitur nga ishzevendesdrejtori, te pasigluar nga asnje anetar drejtorie.

-Ne zyren e protokollit, ne dosjen e Keshillit Mbikeqyres u gjet nje kopje e Marreveshjes se Interkoneksionit date 14.07.2000, e pasigluar nga asnje anetar drejtorie, si dhe nje kopje faksi i dates 21.07.2000, prot. nr. 730, te derguar nga AMCja, ish-drejtorit te Pergjithshem "Per shtesa dhe ndryshime te marreveshjes te interkoneksionit", ku midis te tjerave thuhet se: "Duke u nisur nga eksperienca e viteve te meparshme, mangesite e konstatuara per implementimin e pjeseve te veçanta te marreveshjes, bazuar ne pervojen e operatoreve te konsoliduar ne tregjet boterore, me sugjerimet e specialisteve apo konsulenteve te ndryshem nderkombetar, si dhe mbi bazen e mendimeve dhe shkembimit te opinioneve te grupeve respektive te punes, duke patur parasysh qe jemi ne prag te perfundimit te marreveshjes ekzistuese te interkoneksionit, referuar pikes 7.0 te marreveshjes ekzistuese i propozojme disa shtesa dhe ndryshime, te cilet jepen bashkangjitur". Nga verifikimi ne librin e protokollit del se, nga AMCja keto propozime jane derguar dhe protokolluar ne Albtelekom Sh.a. me nr. 3516, date 21.07.2000, shkrese e terhequr nga ish-drejtori i pergjithshem dhe e pakthyer ne arkive.

-Miratimi i marreveshjes se re eshte bere ne te njejten date me blerjen e aksioneve ne masen 85% me vlere 85.600.000 dollare amerikan, nga shoqeria greke, nje shoqeri ne formim e siper sipas se drejtes te Greqise, qe ka lidhur kontraten e blerjes se aksioneve te AMC me daten 25.07.2000, kontrate e firmosur nga shitesi ish-Ministri i Ministrise se Ekonomise Publike dhe Privatizimit, pa sqaruar problemet e ngritura ne mbledhjen e Keshillit Mbikëqyres date 23.07.2000, persa i perket mbeshtetjes se tarifave dhe pa marre parasysh propozimin e bere, qe te shikohen edhe nje here tarifat nga drejtoria dhe Keshilli Mbikeqyres te mblidhet edhe nje here tjeter. Qellimi per lidhjen e marreveshjes se re midis AMCse dhe Albtelekomit, para se AMC te ndryshonte statusin nga shoqeri shteterore, ne shoqeri private, del qarte ne diskutimin, i cili nder te tjera thote: "Kjo marreveshje do te nenshkruhet nga AMCja dhe Albtelekomi perpara shitjes se AMC". Po keshtu, ne diskutimin e tij ka dizinformuar Keshillin Mbikeqyres ne lidhje me raportin e ndarjes se te ardhurave, ku nuk i referohet marreveshjes ekzistuese te lidhur ne vitin 1999, por i referohet marreveshjes se vitit 1996, ku AMC-ja Kontrolli i Larte i Shtetit.


Mero Baze gazeta Tema

[Albo]

Turqit, oferta e vetme për Albtelekom

N. Perndoj

Oferta e paraqitur për Albtelekom ka qenë 120 milionë euro dhe është bërë nga konsorciumi turk “Turk Telekom” (Calik Enerji Telekomunikasyon – Turqi). Dy ditë më parë është bërë dhe hapja e ofertave. E pranishme me ofertën e saj ka qenë vetëm një konsorcium turk, që ka kërkuar të blejë Albtelekomin, duke ofruar 120 milionë euro. “Turk Telekom” ka dorëzuar ofertën pranë Komisionit të Vlerësimit të Ofertave, duke kërkuar privatizimin e 76 për qind të aksioneve, ofertë kjo që është pranuar nga komisioni. Dy ditë më parë, burime nga Ministria e Ekonomisë sqaruan se pavarësisht nga oferta e vetme, gjithçka do të vazhdojë sipas procedurave dhe brenda tri javësh Komisioni i Vlerësimit të Ofertave do të japë përgjigjen për ofertën e paraqitur. Për blerjen e Albtelekom, përveç “Turk Telekom” u ofrua dhe “Konsorciumi Telecom Korean”, kompani koreane, e cila është tërhequr nga gara. Në projektet për privatizimin e Albtelekomit është parashikuar të shitet edhe licensa për kompaninë e tretë mobile. Planbiznesi i kompanisë ka vlerësuar se nga ana e qeverisë duhet të ndërmerret një investim që i kalon 10 milionë euro, vetëm për vendosjen e aparaturave për të mbuluar shërbimin mobil, që kjo kompani do të ofrojë në Ultësirën Perëndimore të vendit.

Korrieri

[Albo]

Albtelekomi shqiptar shitet katër herë më pak se ai maqedonas

Nano zhvat paratë e Telekomit për zgjedhje

Fatos Nano ka privatizuar tetë javë para zgjedhjeve parlamentare një nga ndërmarrjet publike kryesore të vendit, atë të Albtelekomit. Vlera e shitjes së këtij institucioni është mjaft qesharake, po të kihet parasysh se çfarë përbën në vetvete ky institucion. Sipas ministrit të Ekonomisë dhe Privatizimeve, 76% e aksioneve të Albtelekomit janë shitur me një vlerë prej 120 milionë Euro, një shifër krejt qesharake po të kihet parasysh se cili është tregu për një ndërmarrje të tillë. Maqedonia e ka shitur Telekomin e saj katër vjet më parë, katër herë më shtrenjtë se sa e ka shitur dje qeveria "Nano". Diferenca është mjaft e madhe dhe kap shifrën e 360 milionë Eurove. Telekomi i Çekisë, vend i cili ka rreth 11 milionë banorë, u shit dy javë më parë për 2.7 miliardë Euro dhe kjo shifër u konsiderua mjaft e vogël nga opozita e atij vendi. Kuptohet lehtësisht se sa lirë është shitur Telekomi shqiptar nga qeveria "Nano".

Oferta e '95-ës ishte 500 milionë USD

Oferta në '95-ën për privatizimin e 51% të aksioneve të Telekomit shqiptar ishte 500 milionë USD. Në atë kohë, Telekomi shqiptar kishte gjysmën e abonentëve që ka sot dhe nuk kishte liçensë mobile. Sot ka një liçensë mobile, liçensë ekuivalente që i është shitur katër vjet më parë Vodafonit, me një vlerë 38 milionë Euro. Por vlera e shitjes nuk kap as vlerën e investimeve që janë bërë në këtë institucion gjatë këtyre 15 viteve të fundit. Investimet në Telekom gjatë viteve '92-'97 kapin shifrën e 100 milionë USD, ndërsa gjatë këtyre viteve investimi ka qenë po kaq, rreth 100 milionë Euro të tjera. Po t'i shtohen kësaj edhe vlerat e godinave, kullave për radiorele, që ka në të gjithë territorin e Shqipërisë si dhe troje të ndryshme, vlera e Telekomit e parë vetëm në këtë këndvështrim shkon mbi 300 milionë Euro. Ndërkaq, xhiroja vjetore e dy viteve të Telekomit kap shifrën e 150 milionë Eurove.

Por Albtelekom është një institucion, i cili rezulton me fitim prej vitesh. Fitimi tetë vjet më parë, në '97, ka qenë rreth 20 milionë Euro. Albtelekomi vazhdon të jetë monopol në shërbimet e telefonisë fikse. Ka një numër prej 280 mijë abonentësh. Ndërsa kompania turke, e cila ka privatizuar Telekomin, është një kompani shtetërore. Në privatizim duhet të merrnin pjesë kompanitë amerikane AT&T dhe gjigandë të tjerë europianë të telekomunikacionit, Telekom Italia, Deutche Telekom, France Telekom, British Telekom etj., të cilat nuk janë ftuar nga qeveria "Nano".

Nano, vjedhjet e minutës së fundit

Kryeministri Nano ka ndërmarrë gjatë këtyre javëve të fundit aq vendime për privatizime, sa qeveria socialiste nuk ka mundur të bëjë gjatë tetë viteve të saj në qeverisje. Megjithë thirrjet e vazhdueshme të opozitës për të ndërprerë të gjitha privatizimet në prag të zgjedhjeve, hovi i Fatos Nanos për të zhvatur sa të jetë e mundur nga pasuritë publike, nuk është ndalur. Nga njëra anë, këto privatizime të shpejta tregojnë se vetë kryeministri Nano është i bindur se ai nuk do të mund të gëzojë një mandat të ri qeverisës me partinë e tij, se e ka të sigurt opozitën, ndaj po bën të gjitha përpjekjet për të grabitur sa më shumë t'i jepet mundësia. Nga ana tjetër, gropa e madhe që i krijohet shtetit, duke mos arritur të mbledhë të ardhurat e duhura nga këto privatizime, është mjaft e madhe. Të gjitha privatizimet e bëra, siç është edhe ai i dy ditëve më parë me Albtelekomin, flasin qartë për abuzime skandaloze të Fatos Nanos me ndërmarrjet publike. Të gjithë tenderat kanë qenë të dyshimtë. Ato janë bërë sa për sy e faqe, ndërsa fituesit janë përcaktuar prej kohësh nga ana e Fatos Nanos. Të gjitha këto vjedhje para zgjedhjeve vënë në pikëpyetje dhe destinacionin e këtyre parave. Gjatë zgjedhjeve parlamentare të katër viteve më parë, Guvernatori i atëhershëm i Bankës vuri kujën për përdorimin e të gjithë fondeve të investimeve për fushatën elektorale të PS. Ndërsa tani, kuja më e madhe është se po vidhen ndërmarrjet kryesore publike nga një uzurpues i vetëm që e ka emrin Fatos Nano. Nuk është vetëm Telekomi në radhë që pret privatizimin, por është edhe "Armo", një tjetër kompani shtetërore, të cilës Nano ia ka gjetur pronarin, por që pret ta shpallë gjatë ditëve të ardhshme në një tjetër ankand farsë, si ai i dy ditëve më parë për Albtelekomin.

RD

[elbasanas]

Mos e beni trragjike o njerez sepse cdo afrim i joni me turqine osht per t'miren tone dhe ne disavantazh te grekve.

[ganoid]

Shuma e ofruar nga konkurrenti i vetëm është sa 1/10 e aseteve të kompanisë ose sa xhiroja vjetore

Albtelekom, 120 milionë euro xhiro në vit


F.P

TIRANË- Pavarësisht se gjatë hapjes së ofertave gjatë pasdites së premte priteshin nga dy oferta për secilën kompani, e pranishme me ofertën e saj ka qenë vetëm një konsorcium turk që ka kërkuar të blejë Albtelekomin, duke ofruar 120 milionë euro. “Turk Telekom” ka dorëzuar ofertën pranë Komisionit të Vlerësimit të Ofertave, duke kërkuar privatizimin e 76 për qind të aksioneve, ofertë kjo që është pranuar nga komisioni. Po atë pasdite nga burimet e Ministrisë së Ekonomisë është bërë e ditur se, pavarësisht nga oferta e vetme, gjithçka do të vazhdojë sipas procedurave dhe brenda tri javësh Komisioni i Vlerësimit të Ofertave do të japë përgjigjen për ofertën e paraqitur. Shuma e ofruar për kompaninë me pozita monopol është shumë e vogël, pasi bilancet e kompanisë “Albtelekom” tregojnë se gjatë një viti aktivitet qarkullon më shumë se 120 milionë euro. Përveç kësaj, po nga bilancet e kësaj kompanie, del se oferta e vetme e dhënë nga konsorciumi turk nuk është më e vlefshme se 1 e 10 e asteve të kësaj kompanie. Ndërkohë, përveç shumës së ulët, me një zotërim të 76 për qind të aksioneve, “Turk Telekom” vihet në pozita pothuajse të barabarta me ato të një pronari të vetëm. Për blerjen e Albtelekom, përveç “Turk Telekom” u ofrua dhe “Konsorciumi Telecom Korean”, kompani koreane, e cila është tërhequr nga gara. Përveç të dhënave të mësipërme, kompania që ka pozitën monopol me rreth 235 mijë abonentë, për të cilët qeveria ka deklaruar se brenda këtij viti do të jenë 450 mijë, ka në zotërim dhe licensën për operatorin e tretë celular. Për nënkompaninë “Eagle mobile”, e cila është një burim i madh për gjenerimin e të ardhurave, specialistët kanë bërë të ditur se investimi fillestar për të vënë në punë dhe mbuluar Ultësirën Perëndimore është rreth 10 milionë dollarë. Mendohet që pas fillimit të punës, operatori “Eagle mobile”, brenda një viti do të ketë rreth 100 mijë abonentë si dhe do të zotërojë 30 % të tregut të telefonisë së lëvizshme në tri vitet e ardhshme. Telefonia e lëvizshme qarkullon aktualisht në Shqipëri rreth 250 milionë euro në vit.


Të dhëna për Albtelekom
Viti Të ardhurat Fitimi para takimit
1999 10 miliardë 4,5 miliardë
2000 10 miliard ë 3,8 miliardë
2001 12,5 miliardë 2,7 miliardë
2002 12,8 miliardë 110 milionë

Zëri Shuma
Totali i aseteve 1,2 miliardë euro
Kapitali aksioner 135 milionë euro
Xhiroja vjetore Rreth 12,5 miliardë lekë
Plani i investimeve 2005 3.3 miliardë lekë
Plani i zhvillimit Teknologjia ISDN, Shërbimi i televizioneve kabllore, interneti, shërbimet e transaksioneve financiare etj
Tregu potencial 600 deri 800 mijë abonentë
Asete shtesë Licensa e tretë celulare
Asete specifike Linjat e fuqishme të interkonjeksionit ndërkombëtar lindje – perëndim (Bari – Stamboll), lidhja e interkonjeksionit me Malin e Zi, me Kosovën (ku është në shumë drejtime monopol) dhe me Greqinë.

[Irfan]

Shqipetaret duhen te ken nje biznis reciprok mes turqeve....Dua ti ja paraftyroj,ne Turqi ka me qindra shqipetare nga Shqiperija qe studijojne ne akademit ushtarake pa te holla.Ka shume shqipetare qe ka bere fame duke u nisuar po nga kjo Turqi.Turqija eshte miku me madhe i shqipetareve, ne ditet e sotme.
Pr,nuk duhemi ta harrojme veten qe jemi shqipetare......!!!

[Dr Rieux]

O njerez, c'lidhje ka miqesia me Turqine ne tregeti ? Me qe jemi miq nuk do te thote qe ta falim pasurite kombetare. Sigurisht ne kete mes fajin kryesor e ka pala jone shqiptare, qe se ka per turp te shese albtelekomin bashke me licensen e operatorit celular vetem dy muaj para zgjedhjeve, per nje shifer qesharake dhe ne nje ankand me nje pjesemarres. Maqedonia e shiti telekomin e vet per 1400 Euro/abonent ndersa i yni u shit per 200 Euro/abonent. Bejini llogarite vete.

[ArberXYZ]

Turku do me na e fut, e ju thoni per miqesi. Miku s'ja fut miku (ne tregti nuk vlen kjo shprehje).

Do te bej nje paralelizim,

Vendi: Shqiperia // Maqedonia
Popullsia: 3.5 milion // 2.1 milion
Subjekti: Albtelekom // Telokomi i Maqdonise
% e aksioneve: 76% // 56%
Vlera: 120 mil USD // 460 mil USD


E shikoni pra qe eshte me t'futme

Ketu ka korrupsion dhe konflikt interesash, apo jo?

[elbasanas]

SHIT na e paskan fut me verte. Nuk e kuptoj ca interesi ka pas qeveria qe e ka dhene albtelekomin kaq lire. Qeveri k....i

Megjithate, un gjithmon kam besuar qe duhet te kemi miqsi me Turqine sepse edhe Turqija nuk shkon me grekun. Kshtu qe behmi 2 me 1 kunder grekut.

[ArberXYZ]

“Albtelecom”, punonjësit në grevë kundër privatizimit



Shitja e dhe privatizimi i kompanisë së telefonisë fikse në Shqipëri, përveç kundërshtimeve nga opozita, është kundërshtuar së fundmi dhe nga vetë punonjësit e saj. Dje në një konferencë për shtyp, krerët e sindikatave të telekomunikacioneve kanë kërcënuar se do të bojkotojnë punën, nëse qeveria vendos që të shesë Albtelekomin me çmimin e deklaruar prej 120 milionë euro. Gjatë ditës së djeshme, krerët e sindikatës së telekomunikacioneve dhe Sindikatës së Pavaruar të Postave kanë argumentuar me disa arsye dhe të dhëna për asetet e kësaj kompanie, shkakun e reagimit të tyre. Kështu, sipas tyre, vetëm vlera e tokës që ka në pronësi Albtelekom dhe vlera e ndërtesave të ndryshme, kanë një vlerë prej rreth 120 milionë euro. Përveç kësaj, përfaqësuesit e 2 mijë e 225 punonjësve janë shprehur edhe kundër mënyrës sesi Ministria e Ekonomisë po privatizon gjigantin e telefonisë fikse.
Kërcënimi
Sindikata e telekomunikacioneve deklaroi dje se do të organizojë bojkot të përgjithshëm të punës në Albtelekom, në rast se qeveria vendos të shesë kompaninë për vlerën e 120 milionë eurove, sipas kërkesës së konsorciumit “Turk Telekom” dhe “Calik Enerji”. “Vetëm vlera e tokës dhe ndërtesave të kompanisë kushtojnë 120 milionë euro”, - deklaruan sindikalistët e Sindikatës së Pavarur të Postës dhe Telekomunikacionit. Më tej ata shtuan se greva do të jetë paafat, deri sa të ndryshohet rrjedha e privatizimit të monopolistit në treg. Po kështu, ata kanë sqaruar dhe qëndrimin e tyre në lidhje me mënyrën e privatizimit dhe me deklaratat e fundit të ministrit të Ekonomisë, Anastas Angjeli, i cili ka marrë në “mbrojtje” konsorciumin “Turk Telekom”. Drejtori i Federatës së Sindikatës së Telekomunikacioneve, Ylli Ballta, duke krahasuar dje vlerat e aseteve të “Albtelecom”, tha se oferta 120 milionë është shumë e vogël. “Po të zbresim dhe vlerat e aseteve, vlera e Albetelecom-it në të vërtetë del shumë herë më pak. Do të vazhdojmë një grevë pa afat për të mbrojtur interesat e të gjithë punonjësve shqiptarë dhe atyre të Albtelekom-it tha Ylli Ballta. Ndërkohë, në mbyllje të dekaratës së tyre, sindikatat i kanë kërkuar presidentit Alfred Moisiu që të ngarkojë Komisionin parlamentar të Ekonomisë për bllokimin e procesit të privatizimit. Sipas tyre, forma më e drejtë që ndiqet në botë për shitje të pasurive publike është referendumi, ndërkohë që nuk dihet ende se cili do të jetë vendimi i qeverisë, nëse 2 250 punojësit e Albtelekomit do të bojkotojnë punën pas disa ditësh pa afat. Ndërkohë, komuniteti i biznesit ka bërë të ditur se në rast se kompania shqiptare apo konsorciume do të ishin lejuar të merrnin pjesë në privatizimin e Albtelekomit, me siguri që do të kishin ofruar më shumë sesa konsorciumi turk.


____________________________________________

2 225 veta pa pune?! Pupupu.... kesaj i thone qeveri per popullin...

[[xeni]]

Nje pjese e mire ketu nuk e paskan kuptu se ku qendron problemi i vertete. Nuk eshte pozitiv fakti qe i eshte shitur turqve sepse jemi miq (thjesht tregti) dhe gjithashtu nuk kemi te bejme me nje "te futme" siç jan shprehe me lart.

Problemi qendron tek menyra se si eshte abuzu me nje pasuri qe i perket te gjithe shqiptareve. Faji eshte plotesisht i pales tone. Ne kete fund-pushteti me duket se po shiten edhe ato pak gjera qe kan mbete...

[Qerim]

edhe une jam kundra. Vlera e ofruar eshte e vogel.

Une mendoj se duhet t`i shitet nje vendi te UE ose USA , sepse kjo do na afronte me shume me BE.

Mendoj se nuk jane afruar te tjere bleres edhe per shkak te situates politike.

[ArberXYZ]

Nje pjese e mire ketu nuk e paskan kuptu se ku qendron problemi i vertete. Nuk eshte pozitiv fakti qe i eshte shitur turqve sepse jemi miq (thjesht tregti) dhe gjithashtu nuk kemi te bejme me nje "te futme" siç jan shprehe me lart.

Problemi qendron tek menyra se si eshte abuzu me nje pasuri qe i perket te gjithe shqiptareve. Faji eshte plotesisht i pales tone. Ne kete fund-pushteti me duket se po shiten edhe ato pak gjera qe kan mbete...

O Xeno, disa me lart thane "lene mo, se turkun e kemi vend mik, e mos e trajtoni kete teme". Kam dashur te them se ketu nuk hyn asgjekundi miqesia, pasi Albtelekom, eshte pasuri kombetare, e gjithe shqipetareve.

Sic thua edhe ti, ne kete fund pushteti kjo qeveri po shet gjithcka, ndoshta per te mbuluar korrupsionin, e ketyre viteteve pushtet.

Ajo kompania turke qe do me e ble, ishte per vete ne falimentim

[Albo]

Arsyeja perse firma greke, turke, italiane, austriake apo gjermane, mundohen te shtien nen kontroll infrastruktura jetike te Shqiperise, sic eshte telekomunikacioni, telefonia tokesore (AlbTelekom) apo ajo Mobile (celulareve - Vadofon), apo sistemi bankar, apo ai i transportit ajror (aeroporti i Rinasit), behen per te mbyllur qarkun e levizjes se vlerave monetare shqiptare. Influksi me i madh dhe me i konsiderueshem monetar ne Shqiperi, pas te ardhurave te ekomise se krimit, jane te ardhurat e emigranteve shqiptare per familjet e tyre, qe sipas statistikave zyrtare, kjo perben deri 20% te GDP se Shqiperise.

Kjo do te thote, qe ato leket e djerses dhe gjakut te emigranteve shqiptare ne Perendim, te perfundojne ne banka austriake, ne duart e Turk Telekom, Vadofone, Siemens. Kjo nuk i jep Shqiperise nje mundesi reale zhvillimi, por e kthen ate ne nje shtojce te shoqerive konsumatore qe gjejme ne Perendim.

Arsyeja perse kontrata i jepet firmes turke pa tender dhe me nje shifer qesharake lidhet me viziten e Erdogan ne Tirane. Erdogani eshte i vetmi mik i qeverise Nano ne arenen ballkanike dhe nderkombetare. Kjo kontrate do te jete ne krye te listes se qeverise se re demokratike qe do te dale nga zgjedhjet per tu anulluar, se bashku me kontraten per koncesionin e aeroportit te Rinasit.

Akte te tilla jane jo vetem anti-kombetare, por tregojne edhe shkallen e deshperimit te Fatos Nanos, qe po shet gjithcka per te siguruar nje vend ku te fusi koken.

Albo

[dodoni]

Vlera e 76% të aksioneve të Albtelkom, 517 milionë euro




Çmimi real i Albtelekomit duhet të caktohet në bazë të bilancit të tre viteve të fundit. Për këtë është thuajse e pamundur të gjenden shifra të sakta në faqen e internetit të Albtelekomit dhe mendoj se ky është një skandal i vërtetë. Megjithatë mund të tentojmë që në mënyrë të përafërt të llogarisim një vlerë të kësaj kompanie, nisur nga shifra që njihen. Kështu:
- Asetet që zotëron Albtelekomi janë 3 miliardë euro
- Fitimi bruto i parashikuar për 6-mujorin e dytë të vitit 2005 llogaritet në 15 milionë euro
- Licensa e Eagle Mobile mund të llogaritet 40 milionë euro
- Potenciali për të kaluar nga 260 mijë në 400 mijë abonentë në fund të vitit (investimet në ifrastrukturë janë të përfshira në shpenzimet e 2005), pra rreth 60% klientë më tepër pritet që të sjellë 50 milionë euro rritja aktiviteti që do të thotë rreth 10 milionë euro më tepër fitim. Nëse raportin vlerë/fitim do ta merrnim minimalisht 5, atëherë ky fitim shtesë prej 10 milionë do të konvertohej në 50 milionë euro më tepër vlerëshitje.
- Përveç kësaj, personeli që do të pushohet nga puna për ristrukturim do të paguhet me asistencë nga qeveria. Kjo do të kushtojë rreth 10 milionë euro më pak në vit dhe kjo do t’i korespondojë rreth 50 milionë euro në vleftën e shitjes.
Pra, nëse do t’i përmblidhnim llogaritë e bëra më sipër vlera e Albtelekomit i bie që të jetë: 1300+15+40+50+50=1455 milionë euro.
Nëse do të merrnim në konsiderate huatë, atëherë kësaj shume i duhet zbritur kredite që ka për të paguar Albtelekomi për investimet që ka bërë. Pra, borxhet që supozohet se ka ndaj operatorëve celularë (AMC, Vodafone), amortizimin e lokaleve dhe centraleve (paisjeve) që në total mund të arrijnë një shifër prej 600 milionë eurosh (një shifër e saktë është e vështirë që të gjendet nga informacioni që prezanton vetë Albtelekomi në faqen e tij të internetit). Megjithatë, po themi që duhet të zbriten rreth 600 euro, atëherë vlera neto e kësaj kompanise është: 1455 - 600 = 855 milionë euro.
Që të mos marrim shifrat maksimale e me optimiste të vlerësimit dhe duke patur parasysh tregun e veshtirë shqiptar mund të përdorim një normë zhvlerësimi të shifrës së mësipërme prej 20%. Duke e rillogaritur vlerën e kompanisë pas zbritjes së riskut kemi një vlerë rreth 680 milionë euro. Atëherë 76% e Albtelekomit që do shitet kushton rreth 517 milionë euro.


MLK, AF

Albo, qeveria nuk e ka shit pa tender Albtelekomin, bile nuk e ka marre vendimin per shitje ende. Ne tenderin e organizuar nga qeveria, kjo kompani ofroi 120 milione euro, por qeveria ende nuk ka marre vendimin perfundimtar per kete ceshtje. Nuk besoj qe do guxoj te bej nje gabim te tille e te shesi kaq lire Albtelekomin. Por edhe po e shiti me kete cmim, kjo marreveshje dhe ky tender nuk do te kete jete te gjate me shume se disa muaj derisa te vij opozita tani ne pushtet dhe ta shfuqizoi ate e te organizoi tender te ri per shitjen e Albtelekomit.

Keto aksione te Albtelekomit do shiten me te pakten 500 milione euro.

Tung

[Antimafia]

Sot ne lajmet e ores 20:00 u transmetua nje kronike ku Fatos Nano ju dhuroi spitaleve shqiptar 100 Autoambulanca te sapodala nga fabrika; te tipit "Mercedes-Benz".

Me kete dhurate Qorri realizoi dy qellime:

1 - I bleu Firmes " Mercede" 100 Autoambulanca (cmimi minimal 50-60 mije Euro/Cope,pra 5-6 milion Euro nga parate e taksave) dhe realizoj ne kete menyre kontraten per te cilen para nje viti e gjysem , u shperblye ndermjet te tjerash me nje "Benz" 300 000 Euro.

2 - I perdor keto "Autoambulanca" per ti marre voten popullit fakir.

[ArberXYZ]

Sot ne lajmet e ores 20:00 u transmetua nje kronike ku Fatos Nano ju dhuroi spitaleve shqiptar 100 Autoambulanca te sapodala nga fabrika; te tipit "Mercedes-Benz".

Me kete dhurate Qorri realizoi dy qellime:

1 - I bleu Firmes " Mercede" 100 Autoambulanca (cmimi minimal 50-60 mije Euro/Cope,pra 5-6 milion Euro nga parate e taksave) dhe realizoj ne kete menyre kontraten per te cilen para nje viti e gjysem , u shperblye ndermjet te tjerash me nje "Benz" 300 000 Euro.

2 - I perdor keto "Autoambulanca" per ti marre voten popullit fakir.

Avash ti ore me ate ambulance 50-60 mije euro, 10 mije maksimumi

per te tjerat jam plotesiht dakort me ty..


Sa filluan zgjedhjet vuvuvuvuvu perurimet, rritja e pensioneve, dhuratat... se per kater vjet se rrujti njeri pallen.

[Dr Rieux]

Avash ti ore me ate ambulance 50-60 mije euro, 10 mije maksimumi.

Sipas lajmeve te TCH, 100 autoambulancat kushtuan 5.5 mil €, pra 55.000 per koke.

[Antimafia]

Nano, 5,5 milionë euro Rukës për “dhuratën”

Dje u morën në dorëzim 100 ambulanca me vlerë 5,5 milionë euro. U blenë me prokurim të drejtpërdrejtë

Florian Papadhimitri (Gazeta "Shekulli")

TIRANË- Kryeministri Fatos Nano ka “shpërblyer” dje presidentin e përfaqësisë së koncesionarit “Mercedes Benz”, për nderin që ai i ka bërë, duke i “dhuruar” Mercedesin prej 360 mijë euro. Gjatë ditës së djeshme, në një ceremoni e cila u zhvillua në ambientet e “Auto Star Albania”, kryeministri Fatos Nano ka marrë në dorëzim 100 autoambulancat e markës “Mercedes Benz”. Burime nga Kryeministria kanë bërë të ditur dje se autoambulancat e reja, për të cilat buxheti i shtetit ka paguar 5,5 milionë euro janë blerë me prokurim të drejtpërdrejtë. Pavarësisht se Nano e ka mohuar dje se blerja me këtë procedurë bëhet për t`i kthyer borxhin Basri Rukës, blerja është bërë për të falënderuar presidentin e “Auto Star Albania”. Duke ironizuar me pyetjet direkte të gazetarëve, dje kryeministri Fatos Nano, pas dorëzimit të 100 autoambulancave tha se gjithçka është ligjore dhe se gjithkush mund të investigojë për blerjen e 100 ambulancave benz, blerje kjo me prokurim te drejtpërdrejtë. Dorëzimi i djeshëm ka ardhur pas vendimit të nëntorit të shkuar të qeverisë, për blerjen e autoambulancave, blerje e cila u kushtëzua dhe erdhi pas një debati të madh dhe dyshimeve për prejardhjen e makinës personale të Fatos Nanos. Makina e shumëpërfolur e Nanos ishte e tipit Mercedes Benz dhe ka qenë një ndër më të shtrenjtat, pasi çmimi i saj ishte mbi 360 mijë euro.
Autoambulancat dhe blerja
Kryeministri Fatos Nano ka mohuar dje se shkaku i blerjes më prokurim të drejtpërdrejtë i 100 autoambulancave është “Mercedesi Benzi”, që ai ka deklaruar si deklaratë nga kjo kompani. I pyetur dje nga gazetarët e pranishëm në ceremoninë e dorëzimit të autoambulancave “Mercedes Benz”, kryeministri Nano tha se “Ky është një fakt publik, legal dhe i dokumentuar në institucionin që kontrollon deklarimin e pasurive. Mua më pëlqen gazetaria investigative, vazhdoni ta studioni”,- tha Nano dje. Blerja e autoambulancave është bërë me prokurim të drejtpërdrejtë, mënyrë kjo që nuk mund të përdorej, pasi bie ndesh me ligjin për prokurimet publike. Specialistë të fushës, të cilët nuk duan të identifikohen, shprehen se janë shkelur disa pika të ligjit për prokurimin e drejtpërdrejtë. Kështu, duke u bazuar në ligjin i cili përcakton rastet kur duhet të blihet me procedurën “prokurim i drejtpërdrejtë”, ata thonë se janë shkelur të gjitha pikat e nenit 19 të ligjit nr. 7 971, datë 26. 7. 1995 “Për Prokurimin Publik”. Një ndër pikat, që është dhe më kryesorja, përcakton se “prokurimi i drejtpërdrejtë” funksionon vetëm në rastet kur mungon kunkurrenca për të ofruar shërbimin, pikë e cila është shkelur. Po kështu janë shkelur dhe disa pika të tjera të nenint 19 të ligjit “Për Prokurimin Publik”. Vendimi për blerjen e 100 ambulancave është marrë në mbledhjen e Këshillit të Ministrave të datës 11 nëntor të vitit të kaluar, dhe titullohej "Për lejimin e Ministrisë së Transportit dhe Telekomunikacionit për furnizimin me autoambulanca të sistemit shëndetësor publik". Mjetet e blera janë prodhim i viteve të fundit dhe janë të pajisura me shumë aksesorë të nevojshëm, të cilët ndihmojnë në transportimin e pacientëve. Të gjitha mjetet do të shpërndahen, duke zëvendësuar mjetet e vjetra.

Disa prej kushteve për përdorimin e "Prokurimit të drejtpërdrejtë"

a) Kur në mungesë të konkurrencës, për arsye teknike, mallrat, ndërtimet apo shërbimet mund të sigurohen apo të jepen vetëm nga një kandidat ose kur një furnizues apo kontraktues ka të drejtën ekskluzive për mallrat ose shërbimet dhe nuk ka ndonjë mundësi tjetër zëvendësimi.
d) Për vazhdimin e shërbimeve të konsulencës, kur kontrata origjinale është zbatuar kënaqshëm dhe vazhdimësia mundet të sjellë kursim dhe efikasitet.
dh) Për blerjen e mallrave që prishen shpejt, të tilla si fruta, perime të freskëta ose artikuj të tjerë të ngjashëm, të cilët blihen sipas situatës së tregut.
e) Për blerje mallrash në kushte të veçanta të favorshme, të cilat hasen vetëm në periudha mjaft të shkurtra.
ë) Për vazhdimin e shërbimeve projektuese që lidhen me shërbimet e kryera më parë, të cilat do të shkelnin të drejtën e autorit, nëse do t’i jepeshin ndonjë subjekti tjetër.
f) Kur Enti Prokurues ka një nevojë urgjente për mallra, ndërtime dhe si dhe për çështje të sigurisë kombëtare dhe kur kjo nevojë është shkaktuar jashtë kontrollit të Entit Prokurues, ai mund të përdorë prokurimin e drejtpërdrejtë, pasi të jetë marrë më parë miratimi nga Agjencia e Prokurimit Publik.