Maskat vrasin perseri

[Brari]

Dy grabitësit me maska kishin zënë pritë në dalje të fshatit Tetaj që ndodhet në zonën e Lekbibajt
Maskat vrasin policin e Tropojës

Ndok Gjokli, baba i 5 fëmijëve, u vra duke luftuar kundër grabitësve

Idriz Bajrami
Artan Hoxha
TROPOJË - Maskat kanë përgjakur serish rrugët e Tropojës, por këtë radhë viktimë e tyre ka qenë një polic, baba i pesë fëmijëve. Ngjarja e rëndë ka ndodhur në mëngjesin e ditës së djeshme rreth orës 7.00, në aksin rrugor që lidh Lekbibajn me Fierzën. Viktima ka qenë duke udhëtuar me furgonin e linjës për t'u paraqitur pranë vendit të shërbimit në objektet e rëndësisë së veçantë pranë liqenit të Fierzës. Por polici Ndok Gjokli ka mbetur i vrarë gjatë përpjekjeve që bëri për t'u rezistuar dy grabitësve me maska. Autorët e krimit, pasi realizuan grabitjen e udhëtarëve të furgonit të parë, tentuan të bënin të njëjtën gjë edhe me udhëtarët e furgonit të dytë, ku ndodhej dhe Gjokli, por pasi hasën në kundërshtimin e këtij të fundit, lëshuan një breshëri kallashnikovi mbi të duke e lënë të vdekur në vend. Ngjarja e djeshme ka tronditur serish Tropojën, që kishte rënë në qetësi qysh pas operacionit të 24 majit, ku mbetën të vrarë dy vëllezërit Jahelezi dhe efektivi i repartit special 712 në Kombinat, Edmond Çuko.
Prita
Dy persona ende të panjohur për policinë e Bajram Currit, të armatosur me kallashnikovë dhe me maska në kokë kanë ngritur një pritë në të dalë të fshatit Tetaj që ndodhet në zonën më të thellë të vendit, në Lekbibaj. Për shkak të terrenit tepër të thyer të zonës ku kalon ky aks rrugor dhe largësisë së madhe, qyteti i Bajram Currit, maskat janë favorizuar për të ngritur pritën e tyre. Furgonit të parë, maskat i kanë shpuar me breshëri automatiku gomat dhe kanë grabitur të gjithë pasagjerët e ndodhur në të. Në moment ka mbërritur furgoni i dytë me pasagjerë, në të cilin ndodheshin tre policë që niseshin nga shtëpitë e tyre për të marrë shërbimin në objektet e rëndësisë së veçantë pranë Hidrocentralit të Fierzës. Sapo ka parë maskat, polici Ndok Gjokli është hedhur menjëherë nga dera e mikrobuzit dhe ka marrë pozicionin për t'u ndeshur me grabitësit. Në këtë moment maskat kanë qëlluar pa mëshirë mbi policin me një karikator të plotë kallashnikovi duke e lënë të vrarë në vend..
Nga plagët e rënda Gjokli ka pësuar vdekjen e menjëhershme, pavarësisht nga përpjekjet e dy kolegëve për ta çuar me furgon drejt spitalit të Bajram Currit. Menjëherë pas sulmit, maskat janë larguar në drejtim të paditur.
Viktima
I vrari i fundit nga radhët e uniformave blu është Ndok Gjokli, 39 vjeç, nga fshati Tetaj i zonës së Lekbibajt. Gjokli shërbente si efektiv i komisariatit të Bajram Currit në policinë e objekteve, duke kryer shërbimin në ruajtje të objekteve të rëndësisë së veçantë pranë hidrocentralit të Fierzës. Gjokli, është baba i pesë fëmijëve të vegjël, të cilët qysh nga dita e djeshme, kanë mbetur jetimë dhe do t'u duhet të përballojnë një jetesë të vështirë në një nga fshatrat më të thella të Tropojës. Sipas dëshmitarëve okularë thuhet se Gjokli mund të mos u kishte rezistuar maskave dhe të pranonte poshtërimin e tyre, por ai duke patur mbi shpatulla uniformën përfaqësuesit të shtetit, veproi me guxim si një polic në detyrë. Pikërisht ky qëndrim i tij përballë vrasësve me maska e detyron shtetin jo vetëm që ta shpallë atë një dëshmor të atdheut të vrarë në krye të detyrës, por të marrë masa të menjëhershme për të siguruar mbijetesën e familjes së tij dhe pesë fëmijëve të vegjël të mbetur jetimë.
Policia
Menjëherë në vendngjarje pranë fshatit Tetaj të komunës Lekbibaj, kanë shkuar forcat e policisë së Bajram Currit. Sipas burimeve të komisariatit të Tropojës, motivet e vrasjes kanë qenë thjesht ato të grabitjes. Komuna e Lekbibajt ndodhet mbi 50 km larg komisariatit të Bajram Currit. Në këtë zonë nuk ka postë policie ndërkohë që realisht një postë e tillë duhej të ishte e stacionuar aty. Policët e kësaj zone e kryejnë shërbimin në natyrë pa patur pikë mbështetje dhe as vend strehimi. Sipas deklarimit të shefit të komisariatit të Tropojës, Agron Malaj, "kjo gjendje e vështirëson së tepërmi vendosjen e rendit dhe kontrollin e policisë në këtë zonë tepër të thyer malore". Sipas komisarit Malaj, "infrastruktura bën të pamundur kapjen e kriminelëve, por ne nuk të tërhiqemi përpara armëve të kriminelëve". Dje në mjediset e komisariatit të policisë së Tropojës ka qenë një gjendje e rëndë për shkak se efektivat e këtij reparti kanë humbur njërin nga kolegët e tyre më të mirë, babain e pesë fëmijëve, që ra në përpjekje me banditët e maleve të Tropojës.

Jonuz Hyka
Koloneli i policisë Jonuz Hyka u vra pas një atentati në mbrëmjen e 13 tetorit 1999, në hyrje të pallatit të tij në lagjen "Partizani" të Bajram Currit. Në momentin e vrasjes Hyka punonte si shef i kuadrit pranë repartit special Brisku në kryeqytet. Hyka kishte shkuar në Tropojë për të tërhequr familjen e tij në Tiranë, dhe u vra një ditë përpara se të largohej përfundimisht nga qyteti i Bajram Currit. Shteti ende nuk i ka zbuluar ekzekutorët e tij.

Ylvi Bengasi
Majori i policisë Ylvi Bengasi u vra më 1 nëntor 2000, në një pritë në afërsi të fshatit Shoshan, në hyrje të grykës së Dragobisë. Në momentin e vrasjes ai shërbente si shef i armatimit të repartit special Brisku në kryeqytet. Bengasi kishte shkuar në Tropojë si komandant grupi i Briskut dhe u vra gjatë një patrullimi të dy furgonave Iveko me trupa speciale, në aksin rrugor Bajram Currit-Valbonë. Shteti ende nuk i ka zbuluar vrasësit e tij.

Edmond Çuko
Efektivi i repartit special 712 në Kombinat Edmond Çuko u vra më 24 maj 2002, gjatë një operacioni të policisë në fshatin Kam të Tropojës. Çuko 23- vjeçar kishte shkuar në fshatin e thellë të Tropojës në mbështetje të një operacioni për kapjen e dy personave të kërkuar Shpend dhe Din Jahelezi. Gjatë ndjekjes së dy vëllezërve Jahelezi, Çuko mbeti i vrarë pas një shkëmbimi zjarri me ta. Në vendngjarje u vranë edhe dy vëllezërit Jahelezi.


------------------
nga shekulli

[alvi]

Ej, ha, ha, po per kte kujt do ja veje Sala fajin apo atij Klosit prap. Sa i fote paska qen ai Dulla thoni ca te doni, po ai ti varte k**qet ne mes te Bajram CUrrit jo te dilshe neper rruge me maska. Po nejse s'kane faj dhe ata maloket, se i la Sala te benin c'te donin deri ne 97 dhe ata pak te ngadalshem sic jane se kane kuptuar akoma qe jane "civilizuar" dhe "cliruar" na keto vese te keqia si grabitja dhe vrasja, qe sot kane marre emrin vese e zakone.
Maloku malok ngelet dhe kte po e vertetojne cdo dite e me shume, dhe aq me ben ne se do njeri te kundershtoje.
Me te vertete dua te shof se kujt do ja vej Sala fajin kesaj rradhe. Le qe e kane ata fajtorin dezhurn, UDB vellezer, ka nxjerre njerez me maska ne Tropoje per arsye destabilizimi, sidomos ne kuadrin e arrestimeve tendencioze te UNMIK ne Kosove. Ah kur s'jam bere politikan une, po Sadamin do e beja te dukej i meshirshem.

[Beqari002]

Maskat plagosin ne mes te qytetit

Sipas njoftimit te ministrise se Rendit, dy persona te maskuar kane plagosur ne lagjen "Deshmoret e Kombit" nje banor, Gj. D. 46 vjec. Sipas burimeve te policise se Beratit, ngjarja ka ndodhur ne oren 20.30 te se enjtes, per motive te dobeta, ndersa autoret nuk jane identifikuar. Nje njoftim i policise ku pjesa e pare e tij perjashton llogjikisht te dyten. Ndersa burimet pohuan se viktima Gj.D. eshte qelluar ne brendesi te shtepise se tij. Persona te panjohur i kishin therritur atij ne emer dhe ndersa kishte hapur deren e kishin qelluar me pistolete ne bark, duke e lene te plagosur rende. Sipas shpjegimeve te tij per policine, Gj.D. kishte thene se zeri qe e therriste ishte i njohur dhe per kete aresye e kishte hapur deren. Burime te policise se Beratit bejne te ditur se jane duke punuar per te identifikuar autoret. Ndersa ato spitalore se ai eshte jashte rrezikut per jeten.

Oj sharki e lehte si era , a ka ardhur ne Shqiperi pranvera?

[Brari]

shekulli
--------------
Më 26 shtator vendoset në Paris nëse Mandela do të ekstradohet ose jo
Ekstradimi i Mandelës në dorë të gjykatës franceze

TIRANË- Gjykata franceze pritet të vendosë pro ose kundër ekstradimit të Eduart Peqinit, i njohur ndryshe me emrin Mandela, në datën 26 shtator. Burime në Ministrinë e Rendit Publik bëjnë të ditur se kërkesa e Interpol Tiranës për ekstradimin e të dënuarit me burgim të përjetshëm nga drejtësia shqiptare, pritet të miratohet ose të hidhet poshtë mbas pesë ditësh, në gjykatën franceze. Shkak për rrëzimin e kërkesës së Interpol Tiranës, në ekstradimin e Mandelës nga Franca në Shqipëri mund të jetë dënimi prej gjashtë vjetësh heqje lirie, që i është dhënë nga drejtësia franceze. Eduart Peqini (Mandela) është dënuar në Francë për veprën penale të trafikimit të qënieve njerëzore si dhe të prostitucionit. Gjykata franceze e ka dënuar vetëm me 6 vjet heqje lirie Mandelën, ndërkohë që në Shqipëri ai është dënuar fillimisht me pushkatim dhe më pas me burgim të përjetshëm për një sërë krimesh të rënda, nga vrasja e deri tek djegja e kufomës . Ndërkohë, Interpol Tirana pret vendimin e gjykatës franceze për të realizuar kështu një ndër ekstradimet më të bujshme, duke sjellë në Shqipëri kreun e trafiqeve ndërkombëtare të drogës dhe qënieve njerëzore si dhe autorin e disa vrasjeve, të ndodhura në qytetin e Elbasanit më 1997. Përveç vendimit në pritje të gjykatës franceze, ekstradimi i Mandelës pengohet edhe nga mungesa e shenjave të gishtërinjve si dhe elementëve të tjerë në dosjen e tij, që është dërguar në Francë nëpërmjet ministrisë tonë të Drejtësisë. Kjo, për faktin se punonjës të policisë së Elbasanit kanë sjellë në Ministrinë e Rendit Publik dosjen e Mandelës, pa shenjat e tij të gishtërinjve si dhe me ditëlindje të rreme. Burimet e mësipërme bëjnë të ditur se shkak për këtë "ngatërresë" është bërë fakti se në qytetin e Elbasanit ekzistojnë edhe 12 qytetarë të tjerë me emrin Eduard Peqini. Por asnjëri prej "adashëve" të Peqinit nuk ka lindur më 5 qershor të vitit 1965 dhe as nuk ka drejtuar ndonjë bandë të frikshme si ajo e ashtuquajtura banda e Mandelës. Mungesa e elementëve të veçantë në dosjen e tij mund të bëhet shkak që gjykata franceze të pengojë ekstradimin e Eduart Peqinit dhe vëllezërve të tij në drejtim të Shqipërisë. Megjithatë, ekstradimi në Shqipëri i Mandelës dhe vuajtja e dënimit të përjetshëm në burgjet shqiptare do të vendoset përfundimisht në datën 26 shtator. Eduart Peqini u vetëquajt Mandela dhe krijoi një bande prej tetë vetësh, gjatë trazirave të vitit 1997. Shumë shpejt ai u bë romi më i "famshëm" i Elbasanit dhe së bashku me tetë anëtarët e bandës së tij janë dënuar për një numër të madh veprash penale. Grabitje me armë, rrëmbim personash e vendosje gjobash, vrasje e deri tek djegie e shkatërrim personash, janë krimet që rëndojnë mbi Mandelën shqiptar. Kohët e fundit, në një bankë franceze Mandelës i janë sekuestruar rreth 2 milionë dollarë, të cilat "rridhnin" nga trafiku i klandestinëve dhe i prostitucionit. Ai i kishte depozituar këto para me emrin e tij të rremë, për të cilin kishte edhe pasaportën shqiptare.
A.Bogdani



------------------
c'fare fati kane banditet. Ata gezojne frytet e Drejtesise europiane.
krimineli i elbasanit do bej 6 vjet qef ne France i mbrojtur nga konventat nderkombetare.
Viktimat e tije ne Shqiperi kalben nen dhe.
Sa mire Franca..mikja e PPSH-se nuk ngriti zerin kur pushkatonte PPSH..goxha peshkope e doktorra pa avokat e pa gazetare..e ambasada franceze jepte viza kanibaleve te bllokut.
Bot e poshter.